Post: #1
Title: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: داليا حافظ
Date: 01-25-2010, 08:38 AM
عشرات المرشحين ..
بوادر إنشقاقات ..
تشيت جهود ..
أنانية غير مبررة ..
هذا ما يعكسه الواقع السياسي الراهن ..
|
Post: #2
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: داليا حافظ
Date: 01-25-2010, 08:40 AM
Parent: #1
عندما لاحت السلطة في الأفق ..بدأ الجميع في الحلم ..
ولكن ما الذي يفرضه الواقع ؟
ما الذي تستدعيه المصلحة العامة ؟
ما هو التكتيك المدروس ؟
|
Post: #3
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: داليا حافظ
Date: 01-25-2010, 08:42 AM
Parent: #2
ليس عيبا أن نحلم ..ولكن ليس علينا أن نصدق كل الأحلام ..
فأي الأحلام أقرب للواقع ؟
|
Post: #5
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: داليا حافظ
Date: 01-25-2010, 08:46 AM
Parent: #3
العواطف والمجاملات لن تجدي ..
مع إحترامنا الكامل لتاريخ كل المرشحين وماقدموه للسودان ..
|
Post: #6
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: داليا حافظ
Date: 01-25-2010, 08:48 AM
Parent: #5
إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
|
Post: #4
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: omer osman
Date: 01-25-2010, 08:45 AM
Parent: #1
داليا صباح الخير .................
ولماذا تدعمه ؟؟؟؟ الحركة الشعبية استخدمت المعارضة مخلب قط في مواجهة الانقاذ في الشمال ثم فرزت عيشتها عندما انفردت بنفياشا !! وعادت لتمارس معها نفس السيناريو
ابان مؤتمر جوبا والمسيرات الاخيرة وتبعتها المعارضة بكل غباء وفقدان ذاكرة ، ثم تركتهم مرة اخري في الصقيعة وعادت الى البرلمان كأن شيئاً لم يكن !!!
فهل لم تعي هذه المعارضة حتى الان هذه الدروس ؟؟؟
|
Post: #7
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: Hussein Mallasi
Date: 01-25-2010, 09:04 AM
Parent: #4
| Quote: إذا لم تدعم المعارضة ( ياسر عرمان ) .. فقد ضيعت الفرصة الأخيرة ..! |
الصحيح:
إذا لم تدعم المعارضة ( ياسر عرمان ) .. فقد ضيع الفرصة الأخيرة ..!
|
Post: #9
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: داليا حافظ
Date: 01-25-2010, 09:52 AM
Parent: #7
| Quote: إذا لم تدعم المعارضة ( ياسر عرمان ) .. فقد ضيع الفرصة الأخيرة ..! |
الأصح: إذا لم تدعم المعارضة ( ياسر عرمان ) .. فقد ضاعت الفرصة الأخيرة ..!
|
Post: #8
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: داليا حافظ
Date: 01-25-2010, 09:07 AM
Parent: #4
جنابو
صباح النور
| Quote: ابان مؤتمر جوبا والمسيرات الاخيرة وتبعتها المعارضة بكل غباء وفقدان ذاكرة ، ثم تركتهم مرة اخري في الصقيعة وعادت الى البرلمان كأن شيئاً لم يكن !!! |
من كان يدعم من ؟ المعارضة هي التي دعمت الحركة في مطلبها المنصوص عليه بحسب نيفاشا ..وعندما عادت
الحركة للبرلمان ايضا عادت بنيفاشا ..السؤال هل كانت المعارضة تريد ثمن هذا الدعم ؟
وبالمنطق هل الحركة الشعبية من الغباء بحيث أنها تفسخ الإتفاقية في وقت حرج وهي قربت تصل لمرحلة
الإنتخابات البعول عليها الجميع ؟
بتصور المنطق بيقول لأ والمنطق أيضا بيقول منو الممكن يحقق تطلعات الناس في وطن ديمقراطي ؟
على المعارضة أن تجيب هل تريد وطن يحكم بالديمقراطية ..ولا سلطة ؟
|
Post: #10
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: GamarBoBa
Date: 01-25-2010, 10:14 AM
Parent: #8
سلام يا داليا...
سؤالي معاكس ولي مبرارت
لماذا لا تدعم الحركة احد مرشحي المعارضة؟
الحركة التي خبرناها منذ وجودها في التجمع الوطني الديمقراطي لا تملك اي Ethics عشان الناس تقول فيها الخلاص
بتعاين لمصلحتها
ولو قارنا مرشحين الرئاسة من الاحزاب والحركة مثلا الحزب الاتحادي الديموقراطي
حاتم السرVs ياسر عرمان
في رأيي ان حاتم السر رجل له حضوره وومواقفه الواضحة من مسألة الديموقراطية وبالاضافة ة الي وزن حزبه في الشمال تاريخيا وحاليا.
بالذات بعد قدرة منبر السلام العادل لاستعداء الحركة للكثير من الشارع الشمال.
الحركة دايرة تضمن الجنوب كله وتلعب بالمعارضة في الشمال
والبتمارسه الحركة في الشمال نوع من اللعب وعدم المسئولية علي وحدة السودان البدعوا بيها هم
لو هم صحيح قلبهم علي الوحدة زي مابقول عرمان اليشوفوا مرشح شمالي عنده وزن زي حاتم السر او الصادق ويدعموه مع تحفظي التام في الاحزاب الشمالية نفسها...مجورين عليهابس.
والاحزاب الشمالية نفسها مشت جلست في مؤتمر جوبا وجات راجعة عشان ترشح لينا كل يوم الصباح مرشح جديد.
حتي لو ده تكتيك ويوم حينسحبوا ويجوا يقولوا كلهم مرشحنا كلنا فلان الفلاني ده معناه انهم ما بعرفوا اي تكنيك لانو الزمن ولا رؤية الشارع في الشمال في مصلحتهم...
تحياتي
|
Post: #13
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: داليا حافظ
Date: 01-25-2010, 11:43 AM
Parent: #11
تسلمي يا نجلاء ..وجهودك المبذولة محل إحتفاء ..
محبتي ..
|
Post: #12
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: داليا حافظ
Date: 01-25-2010, 11:27 AM
Parent: #10
قمر بوبا اهلين
Quote: حتي لو ده تكتيك ويوم حينسحبوا ويجوا يقولوا كلهم مرشحنا كلنا فلان الفلاني ده معناه انهم ما
بعرفوا اي تكنيك لانو الزمن ولا رؤية الشارع في الشمال في مصلحتهم... |
يا ريت يكون إكون ده تكتيك ..، حيكون في صالحهم لأنو الكترة بتغلب الشجاعة ..، عن الشارع الشمالي
بتفق معاك أنو إعلام المؤتمر الوطني لزمن طويل قدر لو ما كسبوا لصالحوا يحيدو ، وفي الحالة دي ما
حتفرق حتى لو حصل العكس ودعمت الحركة المعارضة في أحد مرشحيها ..
لكن ببقى سؤال الناس تستكين وترضخ للواقع ..ولا يبقوا يد وحدة ويستميتوا في كسر الشوكة المضادة
بالنسبة للمرشحين ..ممكن يكون في ناس كويسين وأحسن كتير من عرمان ..لكن إمكانيات فوزهم قدر شنو ؟
ما بتتفق معاي إنو "الكاريزما " ليها دور ..وما الكاريزما بس ..تطلعات الناس شنو ؟ ومنو الممكن
يعبر عنهامنو ويختصر السكة ؟
|
Post: #14
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: GamarBoBa
Date: 01-25-2010, 11:55 AM
Parent: #12
معليش تاني يا داليا
Quote: بالنسبة للمرشحين ..ممكن يكون في ناس كويسين وأحسن كتير من عرمان ..لكن إمكانيات فوزهم قدر شنو ؟
ما بتتفق معاي إنو "الكاريزما " ليها دور ..وما الكاريزما بس ..تطلعات الناس شنو ؟ ومنو الممكن
|
أي ود وحزب شمالي مقرم بحسابات المنطق فوزه اكبر من مرشح الحركة في الشمال
الحركة الشعبية الولايات الشمالية انتظرتها بجماهيرها وكل الناقمين علي المؤتمر الوطني كانوا بالنسبة ليها مخرج..حتي الآن سلفاكير لما يزور مدينة شمالية ولا شخصية مؤثرة بعرفوها الناس في الشمال
واقصد بالشمال مناطق التأثير الحزبي القديم كله عدا الولايات الجنوبية
الآن بعد أن فشلت الحركة تماما في استمالة الشمال ببرنامجها المتعاطفين مع الحركة هم(بعض) مرافيد الجيش ،الخدمة الوطنية ،أهل اليسار
حتي حزب الامة امس عشان يمش يسهل عمليه ترشيح الصادق في الجنوب للرئاسة واجههوهم بتعسف كبير بل قالوا الصادق ده نهائي ما بغطي معانا...هل تعتقد بعد كلامهم ده انو في انصاري بتعاطف مع مرشح الحركة
بالاضافة لانو ياسر عرمان مواقفه جيدة لكن لوضع الحركة في الاتفاقية كان بتصرف كانه في اركان نقاش
نعم هو شخص يتمتع بالكثير من التطور في فهمه لقضايا السودان ككل لكن كشخص بمواصفات رئيس لا اطنه الشخص المناسب.
ولو جينا للكاريزما...ياسر لا يملك اي كاريزما لانو لانه هو يتبني في قضايا تتبناها الحركة والحركة فشلت في الشمال
خلاصة رأيي حاتم السر وليس الصادق وليس عرمان وليس نقد لاعتبارات كتيرة منها ثقل حزبه ،القبول العام،الشخصية المتزنة الغير منجرفة وانو هو من الشمال ومتمسك بالوحدة والتحادي وحاتم السر ايام التجمع كانوا عندهم قبول لدي الحركة
___
غايتو اخشي ما اخشي يجوا يقولوا لي امنجي بعد ده
|
Post: #15
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: GamarBoBa
Date: 01-25-2010, 12:05 PM
Parent: #14
الذ تعليق سمعته عن واحد من اولاد المحس قالوا من حبراب
في واحدة من المناسبات قالوا الشيوعيين مرشحين نقد اثناء الونسة قال ليهم
عليكم الله نقد ده حبيبنا واي حاجة لكن ما بنفع
قالوا لييه لشنو
قال ليهم هسة لو فاز وقام تاني خشا تحت الواطة نحن نعمل شنو؟
غياتو الله يخلي الشعب السوداني
|
Post: #23
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: داليا حافظ
Date: 01-25-2010, 01:34 PM
Parent: #15
Quote: الذ تعليق سمعته عن واحد من اولاد المحس قالوا من حبراب
في واحدة من المناسبات قالوا الشيوعيين مرشحين نقد اثناء الونسة قال ليهم
عليكم الله نقد ده حبيبنا واي حاجة لكن ما بنفع
قالوا لييه لشنو
قال ليهم هسة لو فاز وقام تاني خشا تحت الواطة نحن نعمل شنو؟ |
والله يا قمر بوبا مع إحترامي لنقد ..إلا إنو ما عندو أمل فوز نهائي وانا متأكدة انو معظم الشيوعيين
عارفين كدة لكن الأدب مانعهم من قوله..وقد يكون معولين على تحالف اللحظة الأخيرة ..المفترض ..إمكن !
،عموما لا نقد ..ولا الصادق المهدي ..ولاااا كل المجربين ..
|
Post: #16
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: قرشى محمد عبدون
Date: 01-25-2010, 12:12 PM
Parent: #10
| Quote: في رأيي ان حاتم السر رجل له حضوره وومواقفه الواضحة من مسألة الديموقراطية وبالاضافة ة الي وزن حزبه في الشمال تاريخيا وحاليا |
المشكلة ان امثال الاستاذ حاتم السر فى الحزب الاتحادى قلةوالحزب مخترق بشكل كبير من قبل المؤتمر الوطنى..بالاضافة الى بعض مواقف الميرغنى (الرمادية)من القضايا العالية الحساسية والتى يصفونهاتجملا (بالوسطية)..
ننتظر ونرى كيف سيديرون تحالفاتهم فى اللحظات الاخيرة
|
Post: #17
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: GamarBoBa
Date: 01-25-2010, 12:37 PM
Parent: #16
Quote: المشكلة ان امثال الاستاذ حاتم السر فى الحزب الاتحادى قلةوالحزب مخترق بشكل كبير من قبل المؤتمر الوطنى..بالاضافة الى بعض مواقف الميرغنى (الرمادية)من القضايا العالية الحساسية والتى يصفونهاتجملا (بالوسطية)..
|
قرشي تحياتي
انا لما قلت حاتم السر كان مثال قريب فقط ما شرط وما الا حاتم...ممكن يكون زول تاني
انا مبدأ يجي مرشح من الحركة ويدعموه احزاب المعارضة ما من انصاره لاسباب تتعلق بوزن الحركة في الشمال ولاسباب تتعلق بتعاطي الحركة مع الاحزاب الشمالية فيما يخص الـ Ethics القلتها فوق
الحركة بتلعب بوحدة السودان لانها عارفة عرمان ما حينجح في حين انو الاحزاب الشمالية مع الحركة لو وضعت شخص آخر مؤثر من الشمال (اقول الشمال ليس لاعتبارات عنصرية وانت تدري يا قرشي موقفي تمامامن قضايا الجنوب وانسانه) اقول شمالي لكيسب اصوات الشمال التي ستفشل الحركة في الحصول عليها لاسباب ذكرتها سابقا.
والمنطق البسيط بقول لو الحركة كانت مالية يدها من موضوع الرئاسة ماكانت رشحت ياسر عرمان...كان رشحت سلفاكير.
|
Post: #18
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: musadim
Date: 01-25-2010, 12:55 PM
Parent: #17
الزميلة داليا
تحياتي
الصحيح : إذا لم تقاطع المعارضة هذه الانتخابات الصورية فقد أضاعت فرصتها الأخيرة في تغيير هذا النظام المجرم. فالحديث عن دعم مرشح أو تحالف أو غيره يمكن التسليم به إذا كان هناك أصلا إنتخابات ديموقراطية. هذا النظام لن يتنازل عن السلطة التي اغتصبها بليل،إلا عن طريق المقاومة الجماهيرية الحقيقةالمنظمة. المؤتمر اللا وطني يعلم تماماأن فقده للسلطة يشبه تمام فقده للحياة وللأبد وهدفه الحقيقي من هذه الانتخابات المهزله إكتساب شرعية زائفة لبسط سلطانه على جمهورية السودان ( الشمالية) بعد إنفضاض سامر الوحدة مع الجنوب.
|
Post: #27
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: Nazar Yousif
Date: 01-25-2010, 02:20 PM
Parent: #18
بتاريخ : الإثنين 25-01-2010 10:03 صباحا
جمدا الحوار بينهما إلى ما بعد الانتخابات
الشريكان يفضان مباحثات فاشلة استغرقت ساعة واحدة
الحركة ترفض عرضاً من الوطني بسحب عرمان مقابل عدم منافسة سلفا
كتبت: سامية إبراهيم
أخفق شريكا نيفاشا (المؤتمر الوطني و الحركة الشعبية) في الوصول لاتفاق بشأن القضايا الخلافية العالقة، و أنهى نائب رئيس الحركة الشعبية د.رياك مشار و نائب رئيس المؤتمر
الوطنى علي عثمان أمس مباحثات فاشلة استغرقت ساعة، علقا الحوار بعدها إلى ما بعد الانتخابات بطلب من علي عثمان. و عزت مصادر قريبة لـ(أجراس الحرية) تعثر المباحثات التي تركزت بشكل أساسي على خلافات التعداد السكاني في جنوب كردفان و دوائر الجنوب إلى رفض الحركة الشعبية عرضاً من المؤتمر الوطني بعدم الدفع بياسر عرمان مرشحاً لمنصب رئيس الجمهورية مقابل تنازل الوطني عن المنافسة على رئاسة حكومة الجنوب، في وقت قالت فيه الحركة أنّها ليست في حاجة لإقصاء أي منافس لمرشحها الفريق سلفاكير ميادريت و أنها لا تخشى على حظوظه، فيما قالت المصادر أنّ الوطني يواجه أزمة في اختيار مرشح مناسب لمنافسة سلفاكير على رئاسة حكومة الجنوب. في اتجاه قريب يكمل مرشح الحركة الشعبية لمنصب رئيس الجمهورية ياسر عرمان في الثالثة من ظهر اليوم بمقر المفوضية القومية للانتخابات إجراءات ترشحه وسط تظاهرة واسعة لمؤيديه. و تتقدم قيادات رفيعة من أعضاء المكتب السياسي برئاسة الأمين العام للحركة الشعبية بجانب عدد مقدر من الشخصيات الوطنية و المبدعين و المثقفين السودانيين موكب أوراق اعتماد ترشيح ياسر سعيد عرمان. و قال المتحدث الرسمي باسم الحركة ين ماثيو في بيان صادر عنه أمس أنّ عرمان تحصّل على تزكية (56.656) من جملة المواطنين السودانيين المسجلين ومن جميع ولايات السودان الـ 25 و منطقة أبيي مسجلاً أعلى نسبة من المزكين شهدتها الانتخابات السودانية على مرّ تاريخها.
|
Post: #32
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: داليا حافظ
Date: 01-26-2010, 09:26 AM
Parent: #27
شكرا يا نزار على إيراد الخبر ..
|
Post: #29
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: داليا حافظ
Date: 01-25-2010, 05:12 PM
Parent: #18
| Quote: عن طريق المقاومة الجماهيرية الحقيقةالمنظمة |
في راي يا مصادم التعويل على الشارع الآن ما مضمون ..الحصل للناس في عقدين ما ساهل ..القصة دي عايزة هزة عنيفة وشغل طوووويل عشان ثقة الناس
ترجع ..عشان كدة إختيار الطريق الاقصر والانجع ..بتفرضو المصلحة العامة ..
|
Post: #19
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: داليا حافظ
Date: 01-25-2010, 01:03 PM
Parent: #17
قمر بوبا
قلت: Quote: والمنطق البسيط بقول لو الحركة كانت مالية يدها من موضوع الرئاسة ماكانت رشحت ياسر
عرمان...كان رشحت سلفاكير. |
وقلت :
Quote: حتي الآن سلفاكير لما يزور مدينة شمالية ولا شخصية مؤثرة بعرفوها الناس في الشمال
واقصد بالشمال مناطق التأثير الحزبي القديم كله عدا الولايات الجنوبية |
القصة ما أنها تملا يدها من الرئاسة القصة أنها ما مالية يدها من سلفاكير للعزلة الفرضا على نفسو
الأشرتا ليها أعلاه..يعني لو قلت باقان ..كان ممكن شوية ، بالعكس الحركة كانت ذكية جدا في الإختيار ده
من جهة أبعدت تفكير الناس عن سعي (الجنوبي ) للسلطة ومن جهة شافت الشخص الفرصتو أكبر منو؟ ..ده
تحليل طبعا ..وفي رأي دي ما الفكرة ..، الفكرة إنو في الموضوع ده وبالظروف المحيطة دي لازم ناس
تكون عملية وتشوف وين المصلحة وتوازن .."حبة براغماتية ما بتضر " ..
|
Post: #21
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: قرشى محمد عبدون
Date: 01-25-2010, 01:27 PM
Parent: #17
قمربوباتحياتى
الغريبة ان الحركة الشعبية فى فترة وجيزة استطاعت ان تتحول لحزب سياسى متماسك وصلب مقارنة بالاحزاب المسماة بالتأريخيةوبالاضافة الى ان فترة الحرب وان كان للحرب اثمان- سجلاتها انظف بكثير من سجلات خصومهم فى الشمال..ودونك ملفات الاسرى..ياقمر الاحزاب الشمالية تكاد تكون نسخة واحدة وببقاءها الطويل تفرخ نفس العقليات ونفس المشاريع الجهنمية..لماذا لا نجرب شخص مثل ياسر عرمان..وانت تقول لو وضعت شخص اخر مؤثر من الشمال وتقول فى ذات الوقت ليس لاعتبارات عنصرية..حسنا هل يؤمن عرمان بغير ما يؤمن به رفاقه فى الحركة الشعبية..ام ان عرمان جلابى مقرم كما يقول البعض ومدسوس من الشمال كل هذه الفترة لاعادة انتاج نفس الازمة التى نعانى منها..هذا غير معقول ومضحك..
الحركة بتقديمها لياسر عرمان وضعت الشماليين فى اختبار حقيقى وليس العكس.هذا اذا جاز لنا ان نقسم الوطن للجنوب والشمال لان السودان ليس كتلة صماء كما تعلم .هؤلاء ياقمر (الجنوبيين) متعبون من ويل الحروب والمعارك التى خاضوهابشرف ..بتقديمهم لياسر عرمان اظهرت الحركة نبل منقطع النظير للانسان الشمالى البسيط منه لرفاق السلاح من الشماليين..والذى تلاعب بوحدة السودان تأريخه معروف ومسطر..واخيرا كيف تريدهم ان يقدموا سلفاكير فى وقت لا يزال فيه هراوات الدين الغليظة مرفوعةفى فى وجه الانسان الشمالى من قبل اعلى مؤسسات الدولة للمكسب السياسى الرخيص و للتفريق بين ابناء الوطن الواحد.
|
Post: #20
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: داليا حافظ
Date: 01-25-2010, 01:21 PM
Parent: #16
Quote: ننتظر ونرى كيف سيديرون تحالفاتهم فى اللحظات الاخيرة
|
ما ننتظر بس ..يا قرشي ..نحس وندعم وندفع بي ..
|
Post: #24
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: قرشى محمد عبدون
Date: 01-25-2010, 01:38 PM
Parent: #20
ما ننتظر بس ..يا قرشي ..نحس وندعم وندفع بي ..
بالتأكيد يا استاذة داليا..
لواردنا خيرا لبلادنا
وشكرا على اتاحة الفرصة واثارة هذا الموضوع الحيوى
|
Post: #25
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: عبدالله احيمر
Date: 01-25-2010, 01:55 PM
Parent: #20
Quote: سؤالي معاكس ولي مبرارت
لماذا لا تدعم الحركة احد مرشحي المعارضة؟
الحركة التي خبرناها منذ وجودها في التجمع الوطني الديمقراطي لا تملك اي Ethics عشان الناس تقول فيها الخلاصبتعاين لمصلحتها |
الأخت داليا والأخ قمـر
أنا عاوز اطرح أســئلة في اتجاه معاكس برضــو
و لماذا تدعـم المعارضـة مرشـح الحركة ؟
يعنـي تقـدم شــيك على بياض للحركة ليـه ؟
وليـه ما نســقت الحركة مع المعارضـة ووضعتهم امام الأمر الواقع كالعادة ؟
وهـل تختلف الحركة كثيرا عن المؤتمـر ؟ ليس في الشـعارات بل في الواقع العملي
ماذا فعلت الحركة لقضايا المفصولين ؟ والمهمشـين ؟ والفقـراء ؟
أهـا نقـول دعموهو وفاز , ثــم ماذا ؟ ماهي الأرضيـة المشـتركة
مع المعارضة ؟ اســقاط المؤتمـر وبس ؟ نعـم دا أمل وحلم ولكنه ليس كافيالنصاب
بخيبة الأمل القادمة
ما هي مواقف ياسـر عرمان الذي صرح من قبل و قال ( صوتنا مع قانون الانتخابات مجبرين )
وكانت جماهير الحركة والشـعب السـوداني خارج البرلمان تطالب بتعديل القانون المعيب
اتفق معـك يا داليـا ما ننتظــر
بل نضغـط في اتجـاه أن تنسـق الحركة مع احزاب المعارضـة الشـمالية والجنوبية
ويكون في ميثاق وبرنامج واضـح وغير ذلك لن ادعم شـخص وقف موقف المتفرج من قانون
الأمن وموقف الداعم من قانون الانتخابات والصحافة و ........ و .......... الخ
و صـوتي للبحـر
|
Post: #22
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: Adil Osman
Date: 01-25-2010, 01:31 PM
Parent: #1
1- ياسر عرمان
2-
3-
4-
5-
6-
7-
لم اسمع بمرشح من المعارضة سوى ياسر عرمان.
هل لديك اسماء أخرى يا داليا حافظ؟
|
Post: #26
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: داليا حافظ
Date: 01-25-2010, 02:03 PM
Parent: #22
| Quote: هل لديك اسماء أخرى |
طبعا يا عادل عثمان
1/ابراهيم نقد // الحزب الشيوعي
2/مبارك الفاضل // حزب الامة الاصلاح والتجديد
3/ عبدالله دينق نيال // المؤتمر الشعبي
4/حاتم السر //الاتحادي الديمقراطي (الاصل )
5/مختار عبيد مختار // حزب التقدم والعدالة الاجتماعيه
6/ حاتم السر // الاتحادي الديمقراطي الاصل
..
|
Post: #28
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: Adil Osman
Date: 01-25-2010, 02:24 PM
Parent: #26
شكرآ يا داليا
اضيفى اليهم ياسر عرمان وعمر البشير. مافى نساء مرشحات؟
Quote: /ابراهيم نقد // الحزب الشيوعي
2/مبارك الفاضل // حزب الامة الاصلاح والتجديد
3/ عبدالله دينق نيال // المؤتمر الشعبي
4/حاتم السر //الاتحادي الديمقراطي (الاصل )
5/مختار عبيد مختار // حزب التقدم والعدالة الاجتماعيه
6/ حاتم السر // الاتحادي الديمقراطي الاصل
|
|
Post: #30
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: Isamil Hussein
Date: 01-25-2010, 06:13 PM
Parent: #28
داليا مساء الخير عندكم
طبعا كلامك ده هو المنطقي والمعقول
لكن متى كان المنطق يحكم الفعل السياسي
في السودان,,,وسؤال جانبي كده!
على ما إتفقت
أحزاب تحالف جوبا بخصوص الإنتخابات عامة
والرئاسية خاصة ,إذا كان إتفقواعلى
استراتيجيةللفوز...
ولك شكري,,,
|
Post: #31
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: Nasir Ahmed Elmustafa
Date: 01-25-2010, 06:43 PM
Parent: #30
الاخت داليا
مساء الخير
اخشى ان تدعم المعارضة ياسر عرمان وتضيع الفرصة الاخيرة
|
Post: #33
Title: Re: إذا لم تدعم المعارضة ( ياسر عرمان ) ..فقد ضيعت الفرصة الأخيرة ..!
Author: نصر الدين عثمان
Date: 01-26-2010, 09:53 AM
Parent: #31
داليا .. سلام،
ياسر عرمان من أجل وحدة السودان
|
|