وتناسق ماتكون بس لون ووجه الزولة دي جارية في غابة السنط ولا شنو ياعامر
من وجهة نظرى يامجدى ان الكليب كله موفق جدا خاصة فى جوانب التصوير وهندسة الصوت اما فى موضوع القصة اعتقد هناك تطور كبير وماتنسى الاغانى المصورة السودانية كلها زى لعب البلى يحاسوها بجاى وجاى يعنى لو قال الفنان يارمال حلتنا طوالى يجيب ليك قيزان الرملة ولوقال الفنان نخيلنا يجرى المخرج ويجيب ليك طبق حق بلح يا مجدى الجماعة العملوا الكليب ده شباب زى الورد ومن قلبى اتمنى ليهم التوفيق
Post: #9 Title: Re: .. فيديو كليب سودانى .. خطييير.. ويامجاهد عثمان انت زول فنان Author: عامر تيتاوى Date: 01-26-2010, 09:22 AM Parent: #8
Quote: انا شخصيا عجبني السيناريو (البسيط .. العميق) دا، و ما عارف ليه اتذكرت اغنية (مادونا) Frozen
ربما يكون الامر كما ذكرت اخى ناصر فهناك بعض العوامل المشتركة فى الكليبين مثل الفستان بين مادونا وبتنا السودانية سماهر وكذلك الصقور التى تملا خلفية الصورة وربما هناك عامل اضافى اخر مثل الموسيقى القريبة من الصينية فى الكليب السودانى بحكم المشاركة فى سلم موسيقى واحد اما فى كليب مادونا فهناك اشارة الى لمحة موسيقية يابانية مثلما وردت الاشارة فى نهاية الكليب وفعلا ياناصر عمل مقدر ومجهود كبير من هؤلاء الشباب اللذين قدموا هذا العمل الناجح شكرا ياناصر
علي الجالسين في مكانهم محلك سر والاجتراريين ان يعلموا بان جيلا جديدا من المبدعين يتحرك تحت الارض في بركان سينفجر قريبا ان مزاوجة الاصالة بالمعاصرة بطريقة السهل الممتنع امر غاية في الصعوبة ولكنهما تجاوزاه لحنا وتوزيعا ماشا الله عليهما جرآة تتطلب اعجابي
استاذنا الموصلى عندما افترعت هذا الخيط تمنيت ان تراه انت بالذات لان رايك مهم جدا فى هذا الموضوع وانتم اهل الاختصاص وقد صدق حدسى وانت تمنح هذا العمل الجرىء اعجابك وهوامر ليس بالسهل ويفتح ابوابا جديدة لشباب مبدع قادم بقوة
ياود جبرين الشباب اللذين وقفوا وراء هذا العمل يستحقون الاشادة والتقدير والاعجاب كمان فهناك فرق كبير بين كل ما سبق تقديمه وما قام به هؤلاء المبدعون فهو عمل متكامل ورائع جدا برغم حداثة التجربة
Quote: استاذنا الموصلى عندما افترعت هذا الخيط تمنيت ان تراه انت بالذات لان رايك مهم جدا فى هذا الموضوع وانتم اهل الاختصاص وقد صدق حدسى وانت تمنح هذا العمل الجرىء اعجابك وهوامر ليس بالسهل ويفتح ابوابا جديدة لشباب مبدع قادم بقوة
هنالك ياتيتاوي شباب كثيرون مبدعون الي الحد البعيد يتواصلون معي عبر الفيس بوك والايميل يبشرون بانتصارحقيقي سيطفو علي السطح قريبا وسيسود وستنزوي ظاهرة الاجترار والمجترين ومشايعيهم ابشر بالخير
الأخ عامر و استاذنا الموصلي وبقية عقد هذا البوست .. تحية طيبة وصباح الخير...
من شدة اعجابي بهذا الكليب عرضته على صديقي وهو مايكل شمديتز وزميلي بالجامعة وعندنا مادة مشتركة مع بعض وهي الادب الانجليزي ولكنه متخصص في الافلام وصناعتها ..مؤخراً اصبحت لديه رغبة في الفديو كليب .. المهم مايكل هذا انسان بسيط وجميل الدواخل ومن خلال حكاياتي عن السودان احب السودان والسودانيين.. المهم عرضت هذا الكليب عليه لمعرفة (رأيه ) كاختصاصي. واخد ورقة وقلم ودون الآتي ( بالمناسبة ترجمت له كلمات الاغنية ترجمة ادبية ) : اولاً القصة جميلة واعجبته البنت ( لمن اتعقدت ) وقال لي ان لها وجهها معبر جداً حكى عن الآمها لهذا الفراق . ثانيا استخدام الألوان جميل ولكنه عاب على صانع الفلم استخدام خاصية معينة لا اذكرها جعلت الألوان تبدو ( ازيد ) من الطبيعية . ثالثا لبس للفتاة يدل على عدم تغييرها اما الفنان ( اذا كان هو محور القصة او الطرف التاني ) تغييره لملابسه يعني استمراره في الحياة من غير تأثر عكس الفتاة . رابعا قلة العفوية spontaneous في بعض الاحيان ...
اما اكثر مشهد اعجبه فهو مشهد ركض الفتاة داخل الغابة وبالمناسبة حللنا الفيدو كلب مع بعض وكانت ملاحظتي ان المخرج ( او مؤلف القصة ) لو اختار الغابة كدليل على ان الحياة اصبحت كالغابة يستحق العلامة الكاملة . ( مايكل اعجبته هذه الملاحظة بشدة ) .
ما انظر ليكم اكتر عشان ما اقدكم ويبقى ( دمي تقيل ) ولو عندك عناوين الناس الفي الكليب ده رسلم لي في الماسنجر الداخلي يا عامر لو سمحت ..
اسامة محمد لقد احسست باعجابك وتقديرك لهذا العمل الفنى من خلال حروفك الطيبة والمليئة بالصدق وقد قدمت خدمة كبيرة لكل المهتمين بهذا الشان من خلال الملاحظات الفنية لصديقك مايكل شمديتز بما فيها من قيمة مهنية كبيرة وخبيرة وساعود الى الموضوع برواقة لكننى وددت فقط ان اقول لك باننى للاسف لا املك اى وسيلة اتصال باى ممن قاموا بهذا العمل لاننى فقط معجب من بعيد وليس لدى سابق معرفة باحدهم ولك مودتى يااسامة
Post: #18 Title: Re: .. فيديو كليب سودانى .. خطييير.. ويامجاهد عثمان انت زول فنان Author: مرتضى احمد عبد القادر Date: 01-27-2010, 10:18 PM Parent: #17
Quote: هنالك ياتيتاوي شباب كثيرون مبدعون الي الحد البعيد يتواصلون معي عبر الفيس بوك والايميل يبشرون بانتصارحقيقي سيطفو علي السطح قريبا وسيسود وستنزوي ظاهرة الاجترار والمجترين ومشايعيهم ابشر بالخير
حلم جميل وامنية نتمنى ان تزهر غدا ومصداقا لما ذكرت فان لا احد يعلم شيئا عن مجاهد عثمان ثم يخرج بكل هذه القوة والعنفوان وهذا يؤكد ان هناك كثيرون عدا مجاهد ينتظرون الفرصة
Post: #30 Title: Re: .. فيديو كليب سودانى .. خطييير.. ويامجاهد عثمان انت زول فنان Author: احمد محمد بشير Date: 01-31-2010, 02:46 AM Parent: #17
....... يا سلالالالالام يا تيتاوي .. ممنون علي الفيديوا
أول مره أسمع أداء سوداني رائع بهذه الطريقة محمد العثمان هذا رائع جداً ..
وكده يا دووووب نقول عندنا غنا سوداني ممكن ننافس بيهو العالم ..
ويالا يا أستاذ موصلي وبقيت الموسيقيين .. اهو محمد عثمان فتح الدَرِب
Quote: وكده يا دووووب نقول عندنا غنا سوداني ممكن ننافس بيهو العالم
حقيقى الفن السودانى فى عضمه ماف يهو كلام خاصة انه يستند على قاعدة التنوع وروح الابداع لدى الانسان السودانى البسيط الذى ينظم المسادير ويشدو بالدوبيت ولكن المشكلة تكمن فى القالب الذى تقد م به تلك الفنون الى الاخرين وهذا لايمنع ان الفنان الشاب مجاهد عثمان قد خطا خطوة مهمة على اول الطريق وليس مجاهد وحده بل كل طاقم العمل
Post: #19 Title: Re: .. فيديو كليب سودانى .. خطييير.. ويامجاهد عثمان انت زول فنان Author: ليلى عز الدين Date: 01-28-2010, 05:44 AM Parent: #1
اللحن يشبه لحد كبير جداً أغنية محمد النصرى .. بنيات الجرف
Quote: ولو عندك عناوين الناس الفي الكليب ده رسلم لي في الماسنجر الداخلي يا عامر لو سمحت ..
سلامات يا اسامة امشي صفحة الكلِيِب في اليوتيوب لأني شايف بعض التعليقات الموجودة شكلها من ناس بيعرفوا مجاهد, او ممكن تراسل الشخص النزل الفيديو و منو بتلقى المعلومة اضغط هنا
Quote: علي الجالسين في مكانهم محلك سر والاجتراريين ان يعلموا بان جيلا جديدا من المبدعين يتحرك تحت الارض في بركان سينفجر قريبا ان مزاوجة الاصالة بالمعاصرة بطريقة السهل الممتنع امر غاية في الصعوبة ولكنهما تجاوزاه لحنا وتوزيعا ماشا الله عليهما جرآة تتطلب اعجابي
لا اعتقد عندي تعليق أفضل من ده عمل يستحق الثناء والتقدير
ولكم الود
Post: #23 Title: Re: .. فيديو كليب سودانى .. خطييير.. ويامجاهد عثمان انت زول فنان Author: خالد علي محجوب المنسي Date: 01-30-2010, 01:59 PM Parent: #22
عموري الجمال والجمال في خيارك
يظلم المكان وأنت غائب يا تيتاوي أين حلً بك الزمان زبعدت طولت المسافات ونحن ناس تشتاق لشخصك الجميل دوما
الفيديو جميل والكلمات حلوة واللحن فقط الموسيقى غريبة على الأذن شوية
الزول الجميل تيتاوى عمل يستحق الثناء والتقدير اكتر حاجه عجبتنى التصوير وطريقة استعمال الكرين ادى ابعاد واضافة جميلة للعمل مجاهد صوت جميل واداء رائع
Post: #28 Title: Re: .. فيديو كليب سودانى .. خطييير.. ويامجاهد عثمان انت زول فنان Author: Dr Mahdi Mohammed Kheir Date: 01-30-2010, 11:42 PM Parent: #27
Quote: علي الجالسين في مكانهم محلك سر والاجتراريين ان يعلموا بان جيلا جديدا من المبدعين يتحرك تحت الارض في بركان سينفجر قريبا
عارف يا أستاذ الموصلى ..
أنا مرات بمازح أصحابى بمرارة وأقول ليهم أنتو عارفين يا جماعة يكون ربنا سبحانه وتعالى أدانا كوتتنا من الفنانين دفعة واحدة وأنتهى الموضوع على كدا!.
منذ بداية الخمسينات , عاش الشعب السودانى فى زمن ملئ بالأبداع والمبدعين , كل فنان فيه متفرد بأدائه وصوته وأصالته وألحانه الخاصة . هذا الجيل من الفنانين والمبدعين بدأ يتساقط بالموت أو ينزوى بحكم الزمن . ومع كل التقدم التقنى والفنى والثقافى الذى أكتسبته البشرية , وكأن بطون النساء فى السودان قد عُقرت , لم نحظى بجيل من الفنانين الشباب يستطيع أن يملأ هذا الفراغ الفنى الحادث فى الساحة السودانية , والذى كان من المفترض فيه أن يكون أكثر إبداعا وأكثر ثقافة وأكثر تقنية .. فعشنا زمن الإجترار . فوالله فهذه بشائر خير إن كان هناك جيل من المبدعين (يتحرك تحت الأرض) .. وقد آن له ينفجر . فقد إنتظارنا .
د مهدي هنالك بالفعل بركان يمور تحت الارض و (اطمنك) بانني اعرف شخصيا مجموعة كبيرة من القادمين الجدد وبقوة غير عاديه لا يعرف السودان عنهم الكثر لكن شغالين الموضوع بالاصول وبما يتناسب وتغيرات الالفية الثالثة بينما السودان في الغالب الاعم غارق في بحر الاجترار ربما بسبب الضغوط لن تنتظر كثيرا يادكتور
Quote: مع امنياتي له بالتوفيق ونحن في انتظار الجديد لهذا الواعد الفنان
عماد شمت فنان الزمن الجميل لك التحايا مع الاشواق العارمة مشتاقين يازول ولسان الحال يسال عنك والاولاد وماعندى كلام اقولو بعد شهادتك فى حق هذا الصوت الواعد ولك كل الود والتقدير
Post: #29 Title: Re: .. فيديو كليب سودانى .. خطييير.. ويامجاهد عثمان انت زول فنان Author: Osama Mohammed Date: 01-31-2010, 00:26 AM Parent: #20
شكراً يا غباشي ... يا دوب انتبهت لي ردك والله...
وشكراً للأخ تيتاوي واستاذنا الموصلي ...وجميع المشاركين هنا ..
يا اللـــــــــه اضنيني ما موسيقيات .. ولكن بتستطعم الحاجه الحلوة ! قمة الابداع - مقارنة بالحاجات الكانت بتقدمه قناة هارمني فرق كبير في تصوير وفكرة الكليب ..حقيقة ما في مقارنه ....
والي الامام ..
Post: #34 Title: Re: .. فيديو كليب سودانى .. خطييير.. ويامجاهد عثمان انت زول فنان Author: Balla Musa Date: 02-01-2010, 06:50 AM Parent: #33
رغم أن الجميع لاحظ تغييرا فى هذا الفديو كلب عن الأنماط الغنائية السابقة.. ولكنى وجدته كمستمع يثير بداخلى كل مشاعر الشجن بل والحزن التى أجدها فى أغلب الأغانى السودانية.. فأين الفرح ياترى!
Post: #35 Title: Re: .. فيديو كليب سودانى .. خطييير.. ويامجاهد عثمان انت زول فنان Author: على محمد على بشير Date: 02-01-2010, 07:35 AM Parent: #33
يا سلام يا تيتا ياخ اغنيه حلوه وفيديو كليب ولا اروع
بس البيوصل كلام الاستاذ الموصلى لمجاهد منو ياريت يكون فى عضو بيعرف مجاهد دا ويوصل ليهو كلام الاساتذه ديل فى حقو .. ياريت
Post: #36 Title: Re: .. فيديو كليب سودانى .. خطييير.. ويامجاهد عثمان انت زول فنان Author: احمد العربي Date: 02-01-2010, 07:50 AM Parent: #35
يا سلالالالالالالالالالالالالالالالالالالالالام شكرا شكرا شكرا
ليلى عز الدين سلامات للامانة النصرى زول غناى شديد ولديه بعض الاغنيات المصورة وجميلة فى هارمونى
Quote: بس صوت جميل و أحلى كتير من التصوير
اكيد صوت مجاهد جميل ومعبر جدا ولكن التصوير هذه المرة قدم جديدا واظهر على الاقل امكانية تطوير الدراما فقد ظهرت البنية سماهر بوجه معبر جدا وتناسق حركى مع الاداء الموسيقى والمكان وهذا راى المتواضع وغير المتخصص وكمتلق فقط ان هذا الفيديو خطير ويكشف وجود امكانيات سودانية شابة كبيرة تريد ان تنفذ من براثن التقليد والاحباط الى سماوات الابداع والتجديد
10/10