Post: #1
Title: من يكذب اكثر الرجال ام النساء؟!
Author: د.نجاة محمود
Date: 01-25-2010, 02:06 AM
Parent: #0
هناك عدة فصائل للكذب والكذابين..
اهمها شخصية انا لا اكذب ولكن اتجمل
كان قديما عدد النساء اكبر في هذه المجموعة ولكن الان فيفتي فيفتي
بين النساء والرجال...
|
Post: #2
Title: Re: من يكذب اكثر الرجال ام النساء؟!
Author: د.نجاة محمود
Date: 01-25-2010, 02:17 AM
اكاذيب الصبية
وهي تتعلق عادة بامور خاصة جدا واذ وضعناها تحت اكاذيب الصبية هذا لا يعني
انه فقط تخص الصبية حيث هناك شخصيات تحتفظ بشخصبة الصبية الى ان تصير في اخر الستنيات
العبنة حقت سجم اهلو الكبر بجهلوهذه الفئة لا يوجد فيها نساء ابدا
لوضعهن الاجتماعي...
|
Post: #3
Title: Re: من يكذب اكثر الرجال ام النساء؟!
Author: محمد زكريا
Date: 01-25-2010, 02:18 AM
سلام
سمعنا
من صدق النساء فقد كذب الرسل
=====
هسه نصدقك يعني بقت فيفتي فيفتي؟............بصدقك خلي يكفروني
|
Post: #4
Title: Re: من يكذب اكثر الرجال ام النساء؟!
Author: د.نجاة محمود
Date: 01-25-2010, 02:43 AM
Parent: #3
سلامات يا محمد
تعرف الزمن دا يا ود امي الرجال بقو اسياد الكضب ذاتو ياخي..
اسع حتطلع امثال جديدة تقبر كل الادب الضد النساء...
حصلت في رجال بكضبو في عمرهم ياخي..
|
Post: #5
Title: Re: من يكذب اكثر الرجال ام النساء؟!
Author: Shayma
Date: 01-25-2010, 04:12 AM
Parent: #4
سلام يا دكتورة
غايتو قصة انا لا اكذب ولكني اتجمل دي لقيتها ليك كتيرة شديد عند (غالبية من قابلني من) النساء
الحاجة دي بتغلب على كلامهم بصورة مزعجة لدرجة ممكن تاثر ع مصداقيتهم
الرجل اكتر ميل للصدق والواقعية
لاحظت في اي موضوع نقاش -مهما كانت درجة اهميته- الرجل بيديك المفيد
بينما المرأة طوااالي تنتهزها فرصة ((قشرة)) عشان تقول ليك -بطريقة غير مباشرة- انا شنو
ودي مشكلة فينا بالجد
Quote: كان قديما عدد النساء اكبر في هذه المجموعة ولكن الان فيفتي فيفتي
بين النساء والرجال... |
اخش انها ما زالت اكبر فينا!!!!!!!!!
ــــــــــ
### غايتو يا دكتورة شوية بعيدة من الاحداث اليومين دي،، دحين خايفة الموضوع دة يكون عندو خلفية فايتة عليّ
لو كان كدة كلميني بمشي الجامعة واجي اشيل باقيني وانزل
|
|