سنــه أولــــي بــــورد ..

صباحكم خير ..
حدث أنه وفي مثل هذا اليوم من العام ألفان وتسعه, تكرّم الأخ بكري أبوبكر مشكورا بمنحي كلمة سر لدخول هذا العالم السحري من أوسع أبوابه ..
حدث هذا بعد أن ظللت أتابع المنبر من الشباك لمده طويله ..
كانت استجابة الأخ بكري مفاجئه وغير متوقعه بالنسبه لي, فقد أرسلت الطلب بدون توصيه من أي شخص,
ولم يمر أسبوعان حتي تكرّم الأخ بكري مشكورا بالاستجابه .. ولا أخفي عليكم مشاعر السعاده والخوف في ان واحد التي انتابتني ..

أكاد اليوم أجزم أن التحاقي بزمرة أهل المنبر الكرام كانت من أهم الأحداث التي أضيفت الي حياتي في السنه الماضيه ..

تعالوا وشاركوني سرد مقتطفات عن أهم محطاتي هنا ..
ذكريات عن صداقات ومواضيع ومعارك أضافت الي رصيد معرفتي الكثير المثير ..

بسم الله نبدأ رحلة البوست ورحلة السنه الجديده :)

ممكن اخت طوبة؟

Quote: مجموع المشاركات: 1934

شكلكـ قعدتي في الشباكـ كتير وجيتي في سنه عوضتي ، أها 2010 ما تبقي كسلانه

هلا ياعمران:

Quote: شكلكـ قعدتي في الشباكـ كتير وجيتي في سنه عوضتي ، أها 2010 ما تبقي كسلانه

عارف مثلك اندهشت من عدد مداخلاتي ..
ولما بحثت عنها, لقيت صدقا أنه مشاركتي في أغلب المواضيع المطروحه محدود ..
لكن اذا أثار أهتمامي موضوع قد أتداخل فيه لعدة صفحات ..
والنتيجه عدد كبير من المداخلات في مواضيع محسوبه ..

شكرا لزيارتك ..

د. محمد حسن:

هلا ومرحبا ..

متابعتك تسعدني جدا ..
وطوبتك دون شك في الحفظ والصون :)

بالرغم من تحصلي علي الباسوورد في مثل هذا اليوم الموافق 24-1-09 ا,
لا أنني عجزت تماما عن استعمال الباسوورد في أي مشاركه ..
ظللت أحمل مفتاح الدخول في يدي ولا أجروء ..
فعالم البورد للملتحقين الجدد شائك, ومداخله مغلقه باحكام ..
كنت أرتجف خوفا قبل كتابة أي مداخله مع زميل أو زميله .. ثم ما أن أكتبها حتي أقوم بمسحها واغلاق نافذة أضف رد,,
ثم أتنفس الصعداء وأأثر السلامه بعيدا عن ضغوطات البورد ..
ثم كانت ضربة البدايه في يوم 28-1-09 بوست صريح بثثت فيه مخاوفي ..
عضوه جديده, خايفه من الكتابه !!!
فجائني قدامي البورد من كل صوب وحدب ..
شجعوني وشدوا من أزري .. وناصحوني ..
ثم تحول البوست الي فكاهه لذيذه خففت من توتري, وساعدتني علي تخطي حاجز الخوف ..

يتبع,,

أهلااااا ود الصائم:

أحد أعلام البورد ..
وفاكهة المنبر المميزه ..

سعدت بالتقائي بيك في الخرطوم جدا ..
مرح .. مهذب ... وودود ..


سلامات كتار للأمورات الصغار وخساره ما لاقيتهم :)

Quote: يتبع,,

ياقول تنظير





أماني سلام ومبروك أكملتي سنة أنا يادوب تميت سنة ولسة خايف

هلا يافارس:

Quote: أماني سلام ومبروك أكملتي سنة أنا يادوب تميت سنة ولسة خايف

الخوف دايما موجود في البورد, وهو صفه لازمه وحميده ..
يعني لازم تكون خايف ولو بنسبه بسيطه جوّاك وتعمل حساب كل الاحتمالات ..
اتعلمت كده بالتجربه الشخصيه,
وأقول ليك بصراحه انه أكثر مواضيعي اللي لاقت جدل و ونزاع,
طرحتها بمنتهي الثقه وما اتوقعت تعقدها أو الهجوم عليها اطلاقا ..

يبقي الثقه مع شوية خوف بيخلوك مستعد للموضوع أكتر ..

وسلامات ياصديق :)

بعد أن بدأت الرهبه تزول ..
قمت بانزال أول موضوع عن أحد المواضيع التي ظلت تؤرقني وتدور في خاطري لمده طويله ..

في ذلك الوقت كنت اذا وددت انزال موضوع أقوم بكتابته في مسوده كاملا ومراجعته, ثم نقله للبورد ..

اليوم للأسف أصفحت أفتح نافذة موضوع جديد .. وأبدأ في انزال ما بخاطري مباشره ..
وذلك لقلّة الوقت المتاح ..

المهم كانت ضربة البدايه الحقيقيه :

هنا:
بسم الله نبدأ: الهيمنه الذكوريه.. دعوه الي التأمل..

عيلاد ميلاد سعيــد وعقبال مية شمعة في البورد





ــــــ
شكراً يا بكري ابوبكر وحقيقة اماني اضافة حقيقة في البورد تجبرك على متابعتها ..

ياريت تكتر من ناس ديل وتخفف لينا من جعارين امريكا شوية

عن طريق بوست الهيمنه الذكوريه السابق ذكره,
بدأت معرفتي بزميل عزيز وصديق مميز هو نجم المنبر حمّور زياده ..
الذي كان ما أن يقوم بانزال موضوع جديد "قبل التحاقي بالمنبر"
حتي أسارع لقرائته والاستمتاع بمنطقه الهادئ وحكمته ولغته البسيطه المحببه الي متابعيه ,
كاتبني حمّور مشيدا بموضوع "الهيمنه", وانعقدت بيننا صداقه وان انعدم فيها التواصل المستمر,
لكنه كان نعم الناصح في العديد من مواضيعي المثيره للجدل,
غالبا ما تختلف ارائنا ولكن ما أكثر ما يحترم حمّور الاختلاف ويستمع الي وجهة نظر الاخر, بتهذيب واحترام ..

وسأعود للحديث عن بوست مثير جمعني بحمور لاحقا ..
فقط وددت تثبيت حقيقة أن حمّور كان ومازال من أميّز كتاب البورد في نظري,

اماني ازيك
غايتو بكون كضاب لو قلت ليك ركزت يوم في تاريخ تسجيلك لكن ما اتخيلتك جديدة كدة

وبعدين

Quote: أكاد اليوم أجزم أن التحاقي بزمرة أهل المنبر الكرام كانت من أهم الأحداث التي أضيفت الي حياتي في السنه الماضيه ..

ده لو اهم حدث السنة الماضيه غايتو ياأماني حياتك يا مافيها احداث..يا كمان عايشة حياة بدون توتر واسموز خالص
كل سنة وانتي طيبة

قمر بوبا ياصديق:

Quote: ده لو اهم حدث السنة الماضيه غايتو ياأماني حياتك يا مافيها احداث..يا كمان عايشة حياة بدون توتر واسموز خالص

قلنا من أهم الأحداث, ما قلنا أهم حدث ..

بعدين ما أكذب عليك,
السنه 2009 دي رغم انه انجازي العملي فيها كان جيّد وموفق ..

لكني بعتبرها من أسوأ السنوات المرّت علي في التاريخ الحديث :)
وأكثرها تعقيدا ..
وفيها أحداث دراميه جدا كمان ..

الله لا عادها :)

حيدر ياصديق:

Quote: عيلاد ميلاد سعيــد وعقبال مية شمعة في البورد

معايدتك ما بناباها, لكن الفيك اتعرفت والله,
تأبيده يعني؟ مية شمعه بكري زاتو ما بفكر فيها ههههه

Quote: ياريت تكتر من ناس ديل وتخفف لينا من جعارين امريكا شوية

أنا خطتي في السنه الجايه اني أخستك وأكتب شعر وأشتم الحكومه والمعارضه في نفس اللحظه,
عشان البعمل كده بسببكم بيشتهر شهره ولا حتي يحلم بيها



----
حيدر شكرا ياصديق,

صباح الخير يادفعة

العزيزه شبكه:

Quote: صباح الخير يادفعة

صباح النور ..
معقول؟
ليه طيب أنا فاكراكي سينير ..

كل سنه وانت محبوبه زي ما انت :)

الغالية أماني

Quote: معقول؟ ليه طيب أنا فاكراكي سينير .. كل سنه وانت محبوبه زي ما انت :)

شفتي برلمتنا قريب بعض كيف


وشكرا لدعوتك الجميلة كما انتي جميلة بصدقك

بكثير من الشجاعه, وبعض الحذر,
توالت مشاركاتي في البورد,
وقمت بانزال عدة بوستات بعدها ..
وكانت علاقاتي بقبيلة البورداب حتي ذلك الوقت محدوده جدا ..

ثم حدث أن قامت الأخت ميّاده زميلة البورد المثيره للجدل..
بانزال بوست أثار حنقي, واختلفت فيه وجهت نظري عن أغلب أهل البوست:

Re: خلي قوة الراس واسحبي الايميل ده يا ميادة ، لي قدام نتناقش اكتر

فأضمرت رأيي ولم أشارك فيه ,
ربما تذكرون هذا البوست جيدا, فقد كان مثيرا للجدل بشده ..

تداخلت زميله غريبه عني حينها هي الأخت "سناء خالد",
وكتبت في البوست المعني كل ما جال بخاطري,
فدخلت بعدها مثنيه علي رأيها مخالفة لرأي الجماعه,
وكانت المره الأولي التي تبلغ بي الشجاعه مبلغا لا أخشي فيه في الحق "من وجهة نظري" لومة لائم ..

Re: خلي قوة الراس واسحبي الايميل ده يا ميادة ، لي قدام نتناقش اكتر

وكما هو متوقع تمت محاصرتنا وتقريعنا علي رأينا بشده ..
وانحرف البوست عن مساره ليصبح في ذم موقف سناء ومن خلفها أماني,

ثم أثمر البوست عن أن قامت العزيزه د. اشراقه بفتح بوست اخر عن قضيه في غاية الأهميه,
وهي التحرّش الجنسي واللفظي ..
والحق أن مقولة رب ضارة نافعه لم تصبح من المقولات المفضله عندي الا بعد التحاقي بالمنبر,
كان البوست من أميز البوستات في البورد وكنا ومازلنا نرجو منه الكثير ..

وأسفر خلافنا في بوست مياده, عن صداقه حميمه وأخوه صادقه جمعتني بعدها بالعزيزه سناء خالد,
وبداية صداقه رائعه أكاد أحسد نفسي عليها جمعتني بالحبيبه ماما دوما لاحقا, التقينا بعدها وأصبحت أمي الثانيه العزيزه ..
وبالرغم من اختلافي معها في بوست مياده في وجهات النظر, الا أن ذلك لم يفسد لودنا قضيه :)

----
شكرا مياده, فرغم اختلافي معك البيّن الا أنك أسديتي لي خدمه ببوستك هذا عظيمه,
وعذرا ان علق بنفسك مني في ذلك البوست أي حساسيه,
و العفو والعافيه ..

....

Quote: فعالم البورد للملتحقين الجدد شائك, ومداخله مغلقه باحكام

الحصل عليك من سنة

يادابو بيحصل علينا

اليومين ديل

و منكم نستفيد


و العبارة هيلتك الفوق دى إن بقت صِح


أمانة ما سنة أولى بتجر معانا


و الله يكفِّينا شر (الريبيت )Repeat


و الملاحق ..







تقبلى تحيتى كبرلوم






....

اماني سلامات

كل سنة وإنت طيبة

الزيك مابخاف

مشاركات واثقة وفيها إضافات نوعية

أماني..أختي الما ولدتها أمي..

يعني مرات كدا بأكون عايزة أشكر بكري .. غايتو الليلة حتخليني أشكره شديد خلاص انو كان سبب يجمعني بيك..

ياخي كل لحظة و انت طيبة..جيت إضافة ذات وزن و قيمة..

أخدي السمح و ارمي الشين وراء ظهرك..

و برضها هنا فصل من فصول الحياة..و أدينا كل يوم بنتعلم..

محبتي ..التي قد لا تعلمين مداها..

برغم من انني برلوم تماماً بعرف اهل هذا المنبر

الا ان هذا لا يمنعني من شهادة الحق عن الاخت اماني

فقد تعرفت عليها عن قرب عبر بوست الاخ زكريا جوزيف

عن :

يغتصب طفلة فى الخامسة من العمر و يطلق سراحه بالضمان!!??

فقد ارسلت لي مستفسرة عن إمكانية تبني حملة للتوعية عن ضرورة تعديل القوانين الخاصة بجرائم الاغتصاب و التحرش الجنسي بالاطفال و ضرورة التوعية بذلك

كانت الفكرة فكرتها بالكامل و قمت بالاشتراك معها بإطلاق هذه الحملة على موقع الفيسبوك هنا :

Campaign Against Children Rape and Sexual Harassment in Sudan
----------------------------------------------------------------------------------------------
http://apps.facebook.com/causes/434886

ثم فتحنا بوستاٌ مشتركاٌ عن ذات الاغراض هنا :

لأنه لم يعد السكوت ممكناً : حملة لحماية أطفال السودان م...صاب و التحرش الجنسي

وظلت أماني تدعم هذا البوست بالمعلومات و الفيديوهات الضرورية لتوعية الاسر

واعتبر اماني من اميز الشخصيات التي تعرفت بها في سودانيزاونلاين خلال إقامتي القصيرة هنا

بالجد أنت إنسانة رائعة يا أماني

تحياتي

وسنة اولى سعيدة بالبورد

حاتم صديقي:
عمدة الفيس بوك علي قول حمّور :)

Quote: برغم من انني برلوم تماماً بعرف اهل هذا المنبر الا ان هذا لا يمنعني من شهادة الحق عن الاخت اماني فقد تعرفت عليها عن قرب عبر بوست الاخ زكريا جوزيف عن : يغتصب طفلة فى الخامسة من العمر و يطلق سراحه بالضمان!!?? فقد ارسلت لي مستفسرة عن إمكانية تبني حملة للتوعية عن ضرورة تعديل القوانين الخاصة بجرائم الاغتصاب و التحرش الجنسي بالاطفال و ضرورة التوعية بذلك كانت الفكرة فكرتها بالكامل و قمت بالاشتراك معها بإطلاق هذه الحملة على موقع الفيسبوك هنا : Campaign Against Children Rape and Sexual Harassment in Sudan ---------------------------------------------------------------------------------------------- http://apps.facebook.com/causes/434886 ثم فتحنا بوستاٌ مشتركاٌ عن ذات الاغراض هنا : لأنه لم يعد السكوت ممكناً : حملة لحماية أطفال السودان م...صاب و التحرش الجنسي وظلت أماني تدعم هذا البوست بالمعلومات و الفيديوهات الضرورية لتوعية الاسر واعتبر اماني من اميز الشخصيات التي تعرفت بها في سودانيزاونلاين خلال إقامتي القصيرة هنا بالجد أنت إنسانة رائعة يا أماني تحياتي وسنة اولى سعيدة بالبورد

سبقتني,
كنت حأحكي عنّك في اخر البوست لأننا اتعرّفنا في اخر شهر في سنه أولي بورد ..
لكن بما انك سبقتني فأحكي :)
أوّل حاجه حأرجع أستلف عبارة حيدر الزين لبكري:

Quote: ياريت تكتر من ناس ديل

لو كل شهر يابكري بتتم أضافة زول واحد بس زي حاتم في البورد,
يبقي البورد بخير ..

موضوع التحرّش الجنسي عموما, والتحرّش بالأطفال خصوصا,
من أكتر المواضيع المؤرقاني ونفسي أعمل فيهم حاجه ولو صغيره,
عندي بنات أختي صغار في أولي وتمهيدي, بفتكر لو زول أذاهم لا قدر الله بكتلو أنا دي,
ما بستني قانون ولا محكمه, ولا حأستني أمّهم وأبوهم لغاية ما يتصرفوا,
ومابرضي في الأطفال عموما أذيّه, ما بستاهلو ياحاتم نشوّههم لأنهم مصدر سعاده لينا ..
راسلتك ياحاتم لنشاطك الملحوظ في الموضوع وفي غيره من المواضيع المفيده ..
وكنت كلّي ثقه في استجابتك, اللي فاقت حتي توقعاتي,

اللي زيّك ما محتاج مشاركة أو تنبيه لعمل,
لاينقصك الدافع ولا الاحساس بقضايانا ..
انت شعلة نشاط وفكر متقّد, وروح حساسه بقضايا الناس ..

شكرا حاتم علي معرفتك,
وشكرا علي انّك معانا هنا, تجمّل قبح الحاضر وتحلم معانا ببكره أحلي ..

ويارب حملتنا تسفر عن عمل ناجح وخطوه موفقه ..

تحياتي يا انسان ..

سنّويه حبيبتي:

Quote: يعني مرات كدا بأكون عايزة أشكر بكري .. غايتو الليلة حتخليني أشكره شديد خلاص انو كان سبب يجمعني بيك..

بكري يوم شكره ما يجي انشاء الله

بالجد بكري بشكره حتي يستغيث,
لأنه لمّاني بناس حلوة دواخل زيّك ..

سنويه ماتغيبي من المكان هنا عليك الله ..
صدقيني حار جدا بالنسبه لي من غيرك ..

وشكرا علي صداقتك ياعزيزه ..

عشاري:

Quote: اماني سلامات كل سنة وإنت طيبة الزيك مابخاف مشاركات واثقة وفيها إضافات نوعية

شكرا ليك كتير ..
ما حأقول ليك يابرلوم ..
لأنك لما كنت من نجوم السنتر في جامعة الخرطوم في أركان النقاش والعمل السياسي,
كنّا بنتحسس طريقنا يادوب,
وبنسمع ليك باصغاء ..

سعيده باطرائك ياسينير ..

الوليد عمر يابرلوم:
طبعا بعد سنه كلمة برلوم دي بتسقط تلقائيا هههه

Quote: الحصل عليك من سنة يادابو بيحصل علينا اليومين ديل و منكم نستفيد و العبارة هيلتك الفوق دى إن بقت صِح أمانة ما سنة أولى بتجر معانا و الله يكفِّينا شر (الريبيت )Repeat و الملاحق ..

ما قصدي أخوّف البرالمه أبدا,
المكان هنا فعلا حار, لكن بتستفيد منو يعني يستاهل ..
كتير في السنه دي حردت وزعلت ..
بس لاقيت هنا أخوان في الانسانيه ..
زي ما قال المبدع الراحل مصطفي, قعدت معاهم واتفاكرنا ..
وخلوني أقتنع انو المكان يستاهل رغم سخونته ..

طوّل بالك وانشاء الله تثبت موقف جميل, ونقرأ ليك كل مفيد :)

وكل سنه وانت طيبه يا موني بتي
وحقيقي انت ثروه لا تقدر بثمن
سعيده بمعرفتنا وستظل ذكري الاوقات التي قضينتها معا من اجمل ايامي ببكين .
. نفس البوست الذي اختلفنا حوله اهداني سناء خالد
ابنه اخري نسمه في عز الهجير ودفء في زمهرير بكين .
ربنا يحفظكن لي كلكن يا السمحات لي ظلكن.

من غير الممكن حين الحديث عن ذكريات سنه أولي بورد,
عدم استحضار فرصه جميله جمعتني بانسان أصبح بعدها أخي الذي لم تلده أمي ..

كانت بداية معرفتي بيهو حين أطلق مصطفي اسماعيل مستشار الرئيس مقولته المشهوره التي هزّت أركان البورد:

"الشعب السوداني كان مثل الشحادين !!!!"

شارك في بوست لدكتور أمجد فريد, وتداخلنا عن غير سابق معرفه ..
ثم أثار ما كتب فيّ مواجع كثيره فأفردت له بوستا لاستكمال ما بدأنا من حوار :

جيل ما بعد عصر الشحادين !!! قيقراوي تعال أحكي ليك ..

تأرشف البوست المعني, فانتقلنا الي بوست اخر وواصلنا حديث الذكريات والأوجاع عن ذات الموضوع ..

وشاركتنا حديث الأسي صديقاتي لاحقا ساره علي وحنين ..
وجمعتني بهن محبه وافره :)

أما هو فقد أصبحنا بعدها أصدقاء .. وأخوه ..

ناصحني في العديد من مواضيعي المثيره للجدل,

وكان ومايزال نعم الأخ ونعم الصديق ..

شكرا بكري أبوبكر لأنك أهديتني معرفة كنز هو الصديق قيقراوي :)

امانى
كل سنة وانت طيبة ياستى ،،

الاخت امانى

تحياتى وسنه سعيدة عليك

ان شاءالله السنه دى مزيد من الكتابات الشيقه والمفيدة

متابع كتاباتك واصلى

ولكى الود ...

ماما دوما ياعزيزه:

Quote: وكل سنه وانت طيبه يا موني بتي وحقيقي انت ثروه لا تقدر بثمن سعيده بمعرفتنا وستظل ذكري الاوقات التي قضينتها معا من اجمل ايامي ببكين . . نفس البوست الذي اختلفنا حوله اهداني سناء خالد ابنه اخري نسمه في عز الهجير ودفء في زمهرير بكين . ربنا يحفظكن لي كلكن يا السمحات لي ظلكن.

شكلي الليله البوست ده حأخصصه لشكر بكري ,
بكري شكرررررا لأنك اتحت لي الفرصه عن طريق منبرك التعرف علي ماما دومه,
أم ثانيه لي, وقفت معاي في الضيق والحزن,
وساندتني كأ<مل ما تكون الأمومه ..
انسانه لاتوصف بالكلمات ..

ربنا يخليك لينا يا ماما دوما ..

أماني

سلام

وكل سنة وأنت طيبة

ومواضيعك كانت ممتازة جداً وهادفة

فهو عام ناجح ونديك تقدير ممتاز

ومزيداً من النجاح في الأعوام القادمة

مزمل خيري:
شكرا كتير علي زيارة البوست ..

الأخ خالد درق:
ياهلا بيك وشكرا علي متابعتك ..

حسن مضوي:
اشادتك أسعدتني جدا ..
تسلم ياسيدي ..

بوست فيه صدق جميل

نواصل في استرجاع ذكريات سنه أولي بورد,

واصلت لاحقا رحلة الشجاعه في كتابة رأيي وبكل شفافيه,
مهما تكلفني الأمر,
كنت أحمل نزعتي الاسلاميه بقوه وتشبث في كل نقاشاتي في البورد,
-هل يجب أن أؤكد مره أخري وأخيره أن لا انتماء لي لأي كيان أو حزب سياسي أو ديني أو طائفي؟-

كنت أغضب بشده لو مس أحد بمعتقداتي أو بمدقسّات الدين,
حتي ظهرت حادثة جلد الفنان محمود عبد العزيز كاحدي الحوادث التي اهتزت لها أركان البورد بقوه,
جلد محمود وتكالب ملحدو البورد ومؤيدو العلمانيه وغيرهم في جلد الشريعه الاسلامي والدين الاسلامي بشده ..
وأبت غيرتي الا أن أقوم بفتح بوست لمواصلة المناظره المشتعله بين مؤيدي العلمانيه ومناصري الشريعه الاسلاميه,

كان عنوان البوست: العلمانيه مقابل الشريعه: كلاكيت تاني مره ..

كان بوست أشد سخونة مما توقعت ..
مؤيدو العلمانيه في البوست كانو كمال عباس طبعا, وهشام ادم (لم يكن قد أعلن وقتها الحاده),
وعماد الطيب والصديق كبر وماما دوما واخرون ..

أما في جانب الشريعه فكنت والزميل البصاص, والأخ سبيل واخرون ..

واشتعل البوست حد عدم الاحتمال ..
وتوالت الاتهامات بين الجانبين وفقدت الأمل في الحوار,
فلم يكن لي قبل بمثل هذه الحوارات الناريه,
التي أصبحت اليوم أراها مشتعله فأدير لها ظهري,
فلا زمني ولا أعصابي تسمحان بالخوض في مثل هذه المعارك الاسفيريه,
وان كانت دائمة الاشتعال اليوم بين ذات الفرقاء :)
ولكني رأيت ألا كاسب من الجدال, ولن يغير أحد الطرفان رأيهم يوما !!!
وكل علي رأيه ثابت ..

كانت الفائده التي خرجت بها من البوست قطعا كبيره,
وهي احترام وموده لاحقه مع فرقاء البوست بعد انقضاء المعركه :)

مدهش أمر البورد, فلا محبه تدوم ولاعداء يدوم

ملحوظه: لن أستطيع ايراد الرابط ..
فالبوست يقبع الان في "الخور" بأمان

ــــ

Quote: كان بوست أشد سخونة مما توقعت .. مؤيدو العلمانيه في البوست كانو كمال عباس طبعا, وهشام ادم (لم يكن قد أعلن وقتها الحاده), وعماد الطيب والصديق كبر وماما دوما واخرون ..

أماني الأمين ,,, تحية طيبة

وكل "سنة بوردابية" وإنت بخير في عالم الكتابة والصداقة.

لقيت إسمي من ضمن زمرة الشباب المحترمين جداً من قبلي وشخصي ودائر في فلك العلمانية عشان كدا قلت أسألك إنت جادة أنا كنت في البوست دااااك هههههه بدافع عن العلمانية ؟!

ما في إشكالية لو رجعتي ليهو وقريتهو من تاني سوف تجدي لم أقف مع هذا أو ذلك وكل مايهمني سلامة ما أعتقد فيه كدين , أن لا يمسه المتأسلمين السياسين وولا العلمانيين الحادبين , وفي كل الأحوال لا يخرج منهم كما إعتقدنا وأمنا به.

ولك المودة والإحترام.

ــ
طبعاً الضحكة ذكرتني الإعتذار إيااااهو , وكنت متوقع يأتي إسمي هنا لكن أبداً ماكنت متوقع أطلع علماني وأنا ماعارف.

الأخ عماد الطيب:
سلامات ..

Quote: ما في إشكالية لو رجعتي ليهو وقريتهو من تاني سوف تجدي لم أقف مع هذا أو ذلك وكل مايهمني سلامة ما أعتقد فيه كدين , أن لا يمسه المتأسلمين السياسين وولا العلمانيين الحادبين , وفي كل الأحوال لا يخرج منهم كما إعتقدنا وأمنا به.

اعتذار كبير لو فسّرت موقفك غلط ..
أذكر انك كنت مثنّي بشده علي مداخلات الزميل كبر, ولم تكن مع أهل الشريعه !! ..
وهذا ما جعلني أتوقعك علمانيا ..
لفت انتباهي علي فكره موقفك الجميل -حسب وجهة نظري- في بوست (السبي في الاسلام),
قريت مداخلاتك واتعجبّت حسب فهمي عن موقفك القديم !!

يبدو انه في لبس ما فعلا ..

شكرا لزيارتك للبوست,

امانــى بت الامين ..سلام ثــم دعاء

فليــكــن الباسويرد هو مدخلك الى شهادة العصــر

فهــى تكليف من رب العزة الى الحبيب الاكرم محمد

(( فكيف اذا جئنـــا من كل امة بشهيد وجئنا بك على هؤلاء شهيدا )) النساء

وهـــى مقام الشاهــد على صراع الحــق والباطــل

لا يهمــه مــن رضــئ / غضب بقدر ما يهمــه ارضاء الرب سبحانــه



________

قولــى بسم الله وادخلــى السنة الجديدة ..

سنتك فيها البركه يا اماني .. وما شاء الله كتابتك اكتر واقيم من كتابة سنين
بالتوفيق دايما ولي قدام يا حبيبه










التعديل لاضافة الله

الصديقه دلال:

Quote: سنتك فيها البركه يا اماني .. وما شاء الله كتابتك اكتر واقيم من كتابة سنين بالتوفيق دايما ولي قدام يا حبيبه

شكرا يادلال,
فاقداك في البورد,
اختفيتي مده ..
لعلّ المانع خير ..

شكرا كتير, وشهادتك أعتز بيها يا حبيبه ..

.
.
.
الضلاميه اماني الامين

ان الوجود هذا المنبر ليس لمن سبق لكن لمن صدق
اظنك من الصادقين


(وش يحمل كثير تقدير واحتفاء)


البصاص

لازلت اعتقد ان تسجيل اماني الامين من اشراقات بكري ابوبكر.
لن امدح اماني في بوستها.
لكن ساذكر فقط ان الله منحها بجانب الحصافة و الفكرة الحضور المدهش و هو ما لم تجتهد فيه بل هو نعمة الله.
كنت في طريق العودة من حاجة سكينة مع " بعض البورداب " فقطعنا في البت الجديدة التي كتبت بوست عضو جديد خايف من الكتابة و تداخل معها المئات حتى جاوز البوست الصفحتين.
ينال هذا قليل في الاعضاء الجدد. اغلبهم يكتب عضو جديد هل من مرحب و لا يرحب به الا قلة.
اما هذه الفتاة فقد تداعى لها الناس.
كان اسم الفتاة اماني الامين.
وهبها الله الفكر و الحضور فاحسنت للمنبر و اكسبته بهاءً.


شكرا لأنك هنا يا أماني.

حمّور:

شكرا كتير لحضورك يا صديقي,
ولمرورك من هنا ..

وشكر خاص علي كلماتك في حقي ..

لسه حأحكي عن بوست لطيف جمعنا ..
قبل يومين لقيته في الأرشيف وقريته,
بالجد كان بوست جميل وموفق .. واستمتعت بقراءته جدا ..

خليك قريب ..

الأخ البصاص:

Quote: ان الوجود هذا المنبر ليس لمن سبق لكن لمن صدق اظنك من الصادقين (وش يحمل كثير تقدير واحتفاء)

مشكور جدا علي تقديرك ..
وربنا يصدق ظنّك ..

الأخ بدر الدين:

Quote: وهـــى مقام الشاهــد على صراع الحــق والباطــل لا يهمــه مــن رضــئ / غضب بقدر ما يهمــه ارضاء الرب سبحانــه

البورد فيهو جانب أساسي اجتماعي, ترفيهي, ثقافي,
عليه ما دايما المقوله أعلاه يمكن تطبيقها ..
لكن وجهة نظرك مقدره جدا ..

وليك ألف شكر عليها ..

Quote: ملحوظه: لن أستطيع ايراد الرابط .. فالبوست يقبع الان في "الخور" بأمان

الخور حق الرجال، عفيت منك يا خيتي !

____
حقيقة إنت إضافة نوعية للبورد يا أماني..

مبروكـ يا أماني!!

اماني .. سلام
متابع

هابي بورد سنة

وتحياتي يا اماني الامين

الأخ مبارك :

Quote: اماني .. سلام متابع

لسه البوست فيهو حكاوي وذكريات وقصص كتيره,
وروايات عن معارك اسفيريه ضاريه ..

البوست بمثابة جرد حساب ..

ونقطه أراجع فيها نفسي, وأشوف وين أحسنت ووين أسأت ..

واجب علينا اننا كل سنه نقيف وقفه مماثله مع أنفسنا حتي في حياتنا العامه ,
عشان يكون الاستمرار أفضل ..

مشكور علي المتابعه ..

ود الصايم !!!!!!

Quote: مبروكـ يا أماني!!

الحاصل شنو؟

أصلو مافي مباركات هنا,
ذكريات ساي ..

كان ما قلت يا أماني, كنت حأظنك داخل البوست بالغلط ههههههه

ياسر ياصديق:

Quote: الخور حق الرجال، عفيت منك يا خيتي !

عندي فيهو تلاته بوستات ياياسر ..
شفت الاعترافات دي كيف ههههههه

علي فكره اسمك حيجي في البوست ..
وحأحكي عنّك ..

تابع ,,

Quote: لعلّ المانع خير ..

خير والحمدلله ... بس مشاغل دنيا

ما تفقدي عزيز ان شاء الله