Post: #1 Title: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!!!!!! Author: salah ismail Date: 01-23-2010, 11:40 PM
عدة معاني ....هل لما حدث علاقه بالانتخابات.. ام ماذا؟؟؟لماذا لم تسحب الصور للجميع؟؟؟؟هل يعقل هذا ؟؟؟
الصورة اختفت...
الصورة موجودة هنا ... يا ناس الانتخابات....شوفوها...يا شعب السودان شوف دا سجل جنائي...لاحد المرشحين للرئاسة بالانتخاب...لي ما يكون عندكم الحق تختارو انسان ماعندو مخالفات دولية...؟؟؟؟؟؟؟؟؟؟؟وليه هو ما يحترمكم ويمشي يحل مشاكلو بالاول...وبعد داك يجي يترشح
Post: #2 Title: Re: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!! Author: salah ismail Date: 01-23-2010, 11:47 PM Parent: #1
احتمال يكون موقع المحكمة الجنائية الدوليه اتهكر؟؟؟؟؟؟الفرق بين الصورتين اقل من 48 ساعة....
Post: #3 Title: Re: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!! Author: salah ismail Date: 01-23-2010, 11:48 PM Parent: #2
بعدين العندو مصلحة في تهكير الموقع منو.......................؟؟؟؟؟؟
Post: #4 Title: Re: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!! Author: salah ismail Date: 01-23-2010, 11:51 PM Parent: #3
او احتمال دا شغل من جوه المحكمة....يا ربي...؟؟؟ لكن الناس الناس ديل في weekend
Post: #5 Title: Re: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!! Author: salah ismail Date: 01-23-2010, 11:55 PM Parent: #4
ولا احتمال يكون.... يا جماعه افتونا....
الحاصل شنو؟؟؟؟ لا حولااااااااااااااااااه
Post: #6 Title: Re: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!! Author: salah ismail Date: 01-24-2010, 00:00 AM Parent: #5
العمل العملة دي منو.....؟؟؟؟
الصورة...؟؟؟؟؟
الصورة ويييييييييييينه
Post: #7 Title: Re: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!! Author: د.نجاة محمود Date: 01-24-2010, 04:07 AM Parent: #6
بالجد انت مصدق قصة الجنائية دي؟
Post: #8 Title: Re: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!! Author: salah ismail Date: 01-24-2010, 05:50 AM Parent: #7
د.نجاة شخصيا...
يا دكتوره الله يهدينا كلنا ونصدق. الصدق احسن من الكذب... الشيخ فرح ود تكتوك قال للهارب كان الصدق ما نجاك الكضب ما بنجيك...بتكوني عارفه باقي القصه.. دا الاخر
غريبه انو يكون موضوع التساؤل انو انا مصدق ولا مكذب...وموضوع الوثيقة المعترف بيها الشخص المطلوب نفسه ما يكون موضوع تساؤل بالنسبة ليك؟؟؟؟ السؤال موجه لصاحب الصورة المفقودة من الموقع...والله هو ذاتو مصدق خليني انا...
الموضوع ما ا نا...ومشكورة علي الاهتمام باحساس العبد لله
الصورة مشت وين يا دكتورة نجاة...؟؟؟؟....فتشي معانا...عليييييييك الله شيلي ليك دلو من بدري قبل الدلوهات ما تكمل يوم الاتنين لما اوكامبو يعرف الحاصل للزبون حقو.. وليييي صورتو اتشالت؟؟؟ صورة هارون لسة موجوده رغم انو برضو مطلوب وصورة ابوقردة لسة موجودة رغم انو مشي المحكمة وسجل حضور وصورة ابوعمة(كوشياب) برضو موجوده لسه مطلوب...
انتي لو ما مصدقه اخدي ليك جولة Take your time it is so big and huge.. also very clean
كمان دي صوره للزنزانات المعدة وجاهزه...مافي استعجال
كل الود
Post: #9 Title: Re: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!! Author: salah ismail Date: 01-24-2010, 06:12 AM Parent: #8
Post: #10 Title: Re: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!! Author: على محمد على بشير Date: 01-24-2010, 06:31 AM Parent: #9
زنازين السرور يا صلاح
يعنى عمر البشير دا بيضت ليهو فى عبو رئيس مستمتع بخيرات السودان وسجين ح يعيش فى زنازين خمسه نجوم
Post: #11 Title: Re: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!! Author: Nasruddin Al Basheer Date: 01-24-2010, 07:34 AM Parent: #10
ما في غير الملائكة هي السحبت الصورة.. بركاتك يا شيخ عمر
Post: #14 Title: Re: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!! Author: salah ismail Date: 01-24-2010, 03:26 PM Parent: #11
الاخ نصر الدين
لك التحية.... دي مجرد تساؤلات
الملايكة المارقة من باب الشمش زي ما بقول استاذنا الشاعر ازهري محمد علي برضو ممكن واتمني انو الملايكة ترجع وتشيل باقي الكلام الفضل...وتلغي الكيس وتحل مشكلة دارفور ومشاكل الشعب السوداني وتثبت ليهو نظام حكم يكفل ليهم العيشه بكرامة وعزة....مش هي مامورة بالسجود لي ابن ادم؟؟؟؟
الطشاش
غيب إحساس الرضى ومسَح الروح بالغباش وانا ما نعيت طيب معشرك ولا أقمت عليك عزا إشتهيت أفرد ضفيرتك للمطر واحقن وريدك بالدُعاش واكتفيت أفضل أريدك إندهاش أو ألوذ بي نفسي عنك ! يامدهشة أنا وين أفوت منك أمش؟ بشفق عليك من حسن ظنك بالملايكة المارقه من باب الشمس يا جابدة من تحتى الأرض وقابضة فى نفسى العرش يا نابضة من عطش الجسد للروح مجلوبة إنت ومستباحه كل المواعيد الزنيمه كانت مباحة ومطلقة كل البراحات الحميمة موصوده دونك ومغلقه مسجونه فيك إنتظارات السحاب والإحتمالات المريحه ومقلقه محلوبه من دمك عصارة العفه فيك لا فُضّ فيك يا صومعة إملاقى والعشق المحال دقت مسامير الفجيعه على العُضام الحيه واللحم الحلال بتمرقى من وجع المحجَه وتندسى بين جرحى العُضال وما انبله حلقك بالإجابات السؤال فعلام جدواه .. السؤال علام جدواه السؤال وفارسك مدجج بالدعاوى الخايبه والوعد الحنوط رددتى فى سرك جلالات الهزيمة وتليت على سرى التشهد والقنوت مطموسة فيك كل الصحايح بالفضايح الواقفه شاهد والبيوت وتعارضه ما بين الضحك والعبره شوكة حوت فعلام جدواه السؤال يا باحثه عن كل السواقط من نهاراتنا المهمة ونابتة من خيبة أملنا مع الليالى المدلهمة يا متعبة ومحقونة بى خدر الأمانى المستجمة أنا ما دلقتك للشوارع البارده ولا البيوت المترفه لو راودك عن نفسك الماجن الدّعى وهدّ عزمك بالوعود الزايفه ما تنسى إنك كنت وافقه على المسامير الصقر مجليه بى عرق الشفا لا شاكيه من ذل العوز لا باكية من وجع الجفا وأنا ما دلقتك للشوارع البارده ولا البيوت المترفه يا واقفه مشروخه وأبيه يا نحملك شرف القبيله ونغرمك سيف القضيه أو نبعثـك حُـرة ونـبيّه لو قد ثوبك من قفا وأنا ما دلقتك .. ما دلقتك
Post: #13 Title: Re: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!! Author: salah ismail Date: 01-24-2010, 03:09 PM Parent: #10
اخي الاستاذ علي محمد علي بشير
شكرا علي المشاركة والمرور... نعم لقد حباه الله بكل ما هو ملك للشعب السوداني حتي حريته سؤالي اين ذهبت العسكرية التي استغلها للاستيلاء علي السلطة هل هي نفس العسكره التي تطلب من جميع العساكر الدفاع عن السودان بالروح والدم فلتكتمل عملية انقاذ الشعب السوداني بالذهاب الي المحكمة الجنائيه الدوليه...هي مجرد محكمة وليست ساحة للقتال الموضوع اسهل من حرب وقتل وتشريد وزهق ارواح !!!!
كل الود
Post: #12 Title: Re: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!! Author: عادل نجيلة Date: 01-24-2010, 07:38 AM Parent: #2
They Just update it !!!! may be
Post: #15 Title: Re: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!! Author: Abureesh Date: 01-24-2010, 03:33 PM Parent: #12
د. صلاح،
كيفك ووين ياخ ما ظاهـر؟
لو ممكن وصلة الصورة، الوصلة الحالية لو تابعتها توديك سودانيزانلاين.
Post: #19 Title: Re: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!! Author: salah ismail Date: 01-25-2010, 05:49 PM Parent: #15
ابو الريش سلامات انا موجود والحمد لله
الحاجه الحاصلة دي غريبه...؟؟؟
Post: #16 Title: Re: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!! Author: salah ismail Date: 01-24-2010, 03:34 PM Parent: #12
استاذ عادل سلامات
الموضوع دا حصل في عطلة نهاي الاسبوع ...يعني في زول عمل العملة دي... وبالذات لييه اتشالت الصورة بعد ما ظهرت الوثيقه في سودانيز اونلاين؟؟؟
ننتظر رد المحكمة؟؟؟ لو في جديد في الموضوع
كل الود
Post: #17 Title: Re: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!! Author: Mohamed Yassin Khalifa Date: 01-24-2010, 05:43 PM Parent: #16
Post: #18 Title: Re: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!! Author: Abureesh Date: 01-24-2010, 06:02 PM Parent: #17
صلاح
الظاهر الرئيس مما شاف الصورة قام لبس الكدارة..
عارف الكدارة؟
Post: #20 Title: Re: موقع المحكمة الجنائية الدولية يسحب صورة احد المطلوبين للعدالة بعد ان نشرت بسودانيزاونلاين!! Author: salah ismail Date: 01-25-2010, 06:42 PM Parent: #17
العزيز محمد ياسين خليفه
تحياتي وشكرا علي الوثيقه طبعا في ناس لسه ما مصدقين رغم انو الزول نفسو مصدق ولابد الامر الخطير في ازالة الصورة من الفايل الجنائي انها تمت بعد المداخلات التمت هنا في هذا الموقع وظهرت الصورة نتيجة لذلك لكن لو كان ناس المحكمة غلطو ليه صورة كوشياب موجودة وصورة هارون موجوده ... لو في زول بستحق انو صورتو تتشال افتكر ابوقردة لانو سجل حضور... بعدين منو العندو مصلحة في اختفاء الصورة ومنو القام بالعمل دا هل هم ناس المحكمة او العاملين او مكتب اوكامبو... وليه الناس ما تتعامل بتساوي في المحكمة ؟؟؟
الاسئلة كتيرة!!! علي العموم المحكمة سوف تجيب علي هذه التساؤلات في القريب العاجل لنو الموضوع وصل لي مكتب اوكامبو الليله...
