خطاب ياسر عرمان أمام مستقبليه بميدان الحرية بالديوم الشرقية: القصر للمهمشين ولينو سيكون الوالي

http://www.akhbaralyoumsd.net/modules.php?name=News&file=article&sid=5972

وصل من جوبا بصحبة باقان وادوارد : عرمان :القصر الجمهورى سيكون ملكا للمهمشين ولينو سيفوز بولاية الـخرطوم
استقبالات وكرنفالات جماهيرية لمناصري الشعبية لعرمان وباقان ولينو
عرمان: نريد وحدة طوعية بارادة شعب الجنوب
كتب/ محمد الحلو ـ تصوير: رضا
وسط احتفالات وكرنفالات جماهيرية لمناصري ومؤيدي الحركة الشعبية حطت طائرة مرشح الحركة لرئاسة الجمهورية الاستاذ ياسر عرمان والامين العام للحركة باقان اموم بمطار الخرطوم ظهر امس في اجواء هستيرية بصالة الحج والعمرة يحملون اللافتات والاعلام الزرقاء والملونة وصور المرشح كبداية لتدشين حملته الانتخابية مبكرا وانطلقت الافراح حتى استقرت بميدان الحرية بالديوم الشرقية التي حيا فيها عرمان الجماهير بشعارات الحرية ، العدالة والمساواة ، وقال انا اصلا فائز طالما معي المظلومين والمهمشين والنساء والشباب والمفصولين مؤكدا فوزه بنسبة 100% مشيرا لسعادته بمقابلة الجماهير برفقة القائد الكبير باقان اموم ووالي الخرطوم الجديد ادوارد لينو

وحمل لهم تحيات القائد سلفاكير ووعد بأن القصر الجمهوري سيكون ملكا للمهمشين واعتبر ترشيحه فرصة تاريخية والتي اوجدها الدكتور الراحل المقيم جونق قرنق وخلفه الرفيق سلفاكير مبينا ان المرشحين للحركة اقوياء في كافة المواقع مشيرا الى اهمية ولاية الخرطوم التي يقطنها 15% من سكان السودان من كافة القوميات مشيرا الى ان ادوارد لينو موجود بالخرطوم منذ الستينات ويعرفها ركنا ركن واعتبره والي شعبي سيجده الناس مع بائعات الشاي مبيناً بأنه طاف السودان كله وجالس المهمشين وتفاخر ببناء الحركة لكل حركات الهامش بالبلاد وابدى عرمان تأثره لاختياره للرئاسة التي اعتبرها لن تكون ذات فائدة اذا لم تأت بالعدالة والانصاف واحترام الشعب مؤكدا سعادته لنشأة الحركة بالجنوب مشيرا لفوز الاب الراحل فليب غبوش بالعاصمة القومية من قبل.
واكد عرمان بأن الحركة ستكسر اساطير كثيرة من ضمنها فوز ادوارد لينو بمنصب والي الخرطوم الذي اعتبره سيكون اول انتصار لارادة المهمشين والديمقراطية من اجل العيش المشترك للسودانيين مبيناً بأن قرار اختياره للرئاسة من قبل قادة الحركة يمثل السمو وعلو الحركة لانها جاءت بافكار ودروس جديدة تعطي درسا بأن المسلم يمكن ان يكون رئيسا للجمهورية من رحمها ، وانتقد سياسات والي البحر الاحمر لخصخصة الميناء وانهاء عمل اكثر من (43) الف من عمال الشحن والتفريغ من البجا وقال بانه عندما ذهب للحركة لم يكن يريد رئاسة السودان ولكنه ذهب من اجل التحرر من اجل وجود بلد مختلف مبينا بان الذين اعطوا الحركة دماءهم يمكن ان يعطوها اصواتهم مؤكدا اطمئنانه لتأييد الشعب لاسباب بسيطة مشيرا الى التحديات الكبيرة التي تواجه البلاد التي قال لا يمكن لشخص ان يحلها دوننا مبيناً بأن السودان في الهاوية والحفاظ عليه لا يتم الا عبر الحركة وبرنامجها وؤيتها للسودان الجديد وقال ان السلطة للحركة ليست من اجل الافراد وانما لتغييرها لمصلحة المهمشين والفقراء مطالبا بضرورة الحريات والديمقراطية التي قال بدونها لا يمكن احداث التغيير.
وقال عرمان نريد حل لقضية دارفور التي اعتبرها قضية حقيقية وصحيحة واعتبرها مثل قضية الجنوب وانتقد الدولة قائلا اصبح الآن ليس هناك فرق بين الدولة والحزب من خلال القضاء والنيابة والخدمة المدنية الامر الذي اعتبره غير جيد مطالب بضرورة التغيير من اجل مصلحة السودانيين ، مشددا على ضرورة اجراء الاستفتاء ومؤكدا بان الوحدة الافضل للسودان ولكنها ليست بطريقة قديمة لانها ماتت ولابد من تشييعها ، داعيا لاعطاء الجنوبيين حقوقهم ، وقال عندما نكون في السلطة في حالة الانفصال نسعى لعلاقات جيدة لارجاع وحدة السودان مبينا ان الحركة مؤهلة لذلك مشيرا الى انهم يريدون اجراء مصالحة حقيقية بين القبائل العربية وقبائل الجنوب ، واعتبر في ذلك فرصة لتغيير السودان لآخر جديد بدفعها لاشخاص لتغيير البلاد ودعا لضرورة عدم قهر النساء اللاتي منهن الآن الكثيرات في السجون مشيرا الى ضرورة نقل المدينة الى الريف وفقا لرؤية الدكتور قرنق مبينا ان الشباب الآن نصفهم عاطل والعمل اصبح بالواسطة وعزا ذلك للفساد في البلاد داعيا لتغييره.
وقطع عرمان الطريق امام تركهم لاجماع جوبا وقال نحن وجدناهم بعد زمن طويل ولا يمكن ان نفرط فيهم بدليل تواصل الاتصالات كاشفا عن تكليف من رئيس الحركة لامينها العام للقاء الاحزاب وعزا ذلك الى ان البلاد لا يبنيها حزب واحد وقال ان الحركة دفعت بامرأتين لمنصب الولاة في القضارف والشمالية وقال فتحي خليل كان افضل له نقابة المحامين من الولاية الشمالية المحسومة اصلا لصالح الحركة ، مؤكدا حرصهم على السلام الاجتماعي من اجل الفوز بشرف وقال نحن ضد اي عنف ونريد الانتخابات ان تكون فرصة لتعزيز التآخي والمحبة والعمل المشترك والتغيير للسودان.
وانتقد عرمان توزيع الدوائر الجغرافية بجنوب كردفان وفقا لقيادة الحركة هناك مؤكدا تأييدهم لقادة الحركة بعدم دخولهم للانتخابات ولكنه قال نريد الحديث مع المؤتمر الوطني والمفوضية لتغيير الاشياء التي حدثت ، كاشفا عن ان ساعة التغيير جاءت ، وحث المتطوعين على ضرورة المشاركة في الحملة الانتخابية للحركة التي تقودها كوادر كانت في امريكا واوروبا مؤكدا تعاونهم مع كافة القوى السياسية من اجل اجماع وطني حقيقي بمشاركة كل السودانيين للاستقرار حتى يكون السودان قائدا لافريقيا والعالم العربي داعيا السودانيين لعدم اليأس وقال ان الحركة لابد ان تستمر في برنامجها للاستفتاء مشيرا الى انهم سيخوضون معركة كبيرة وسلمية.
فيما اكد الامين العام للحركة الشعبية الاستاذ باقان اموم اكيج سعادته لقدومه برفقة مرشح الرئاسة ، مقدما شكره لمؤيدي ومناصري الحركة مبينا بانهم يريدون تقديم عرمان للرئاسة واعتبر ان المكتب السياسي اتخذ قرارات تاريخية واختار عرمان بالاجماع من اجل مشروع السودان الجديد لتحقيق العدالة والمساواة وانهاء الحرب في اقليم دارفور باعطاء اهل الاقليم حقوقهم المشروعة وكذلك بقية اقاليم البلاد المختلفة.
فيما هنأ الاستاذ ادوارد لينو مرشح الحركة لمنصب والي الخرطوم هنأ الامهات والاخوات والبنات والشباب والرجال لنضالهم الطويل منذ عام 1955م قائلا: كنتم ترفعون اشخاص في ظهوركم ولا يعلمون كيف يجلسون فوق الظهور مؤكدا بانهم يريدون العدالة التي لا يمكن تحقيقها عبر الاوراق او اليد وانما تطلب العمل الذي كان سابقا بالسلاح والآن بالاصوات وتعهد بجعل الغد افضل للمهمشين مطالبا بضرورة احداث التغيير الشامل بالبلاد بقيادة عرمان في الرئاسة وقال ان الحركة لم تقتل الضباط في رمضان او الاشخاص للخلاف في الدين لذلك ستفوز في الانتخابات مؤكدا استعداده ليكون واليا للخرطوم من اجل المهمشين.
ووعد لينو بان التغيير سيبدأ بالخرطوم وقال بانه سيقول لعرمان الرئيس مباشرة لثقته بفوزه في سباق الرئاسة متعهدا باعادة العاصمة اكثر ألقا بدلا من مدينة يهددها الباعوض وكشات ستات الشاي اللائي قال ان معظمهن من نساء الشهداء وتعهد بتغيير أوضاع الطلاب.
وشمل الاحتفال وصلات غنائية للاستاذ محمود عبد العزيز وفرقة الهيلاهوب والفرق المؤيدة والمناصرة لبرنامج الحركة الشعبية

------------------


مرتضى جعفر

Quote: واكد عرمان بأن الحركة ستكسر اساطير كثيرة من ضمنها فوز ادوارد لينو بمنصب والي الخرطوم الذي اعتبره سيكون اول انتصار لارادة المهمشين والديمقراطية من اجل العيش المشترك للسودانيين

Quote: ستكسر اساطير كثيرة من ضمنها فوز ادوارد لينو بمنصب والي الخرطوم الذي اعتبره سيكون اول انتصار لارادة المهمشين

..
يا مرتضى قنـاة ..
خلاص بعدما ادوارد لينو يفوز بي منصب الوالي .. ح امشي معاك جامعة الخرطوم .. ونغير الشعار .. وبالمرة نشيل الفسحة الجمب ميدان جاكسون ديك ونعمل فيها قنـاة .. زي قناة الشروق ..
بالمناسبة:
ما شفتني في قناة الشروق عامل كيف ..؟
لما تعمل القناة بتاعتك إنت وتراجي واستيف بتاعت المرة الفاتت .. جيبني في اي برنامج إن شاء الله في برنامج الو مرحبـا بتاع النيل الأزرق .. عشان اسلم ليك على الاهل والاصدقاء وبالمرة اهدي ليك تفاحة بس أو برتكانة ..
..
ياخ إنت بدل الخستكة بتاعتك في المنبر وما جايبة حق الكيبورد البتكتب بيهو دا .. ما تنزل الخرطوم .. واشتغل مراقب انتخابات .. عشان بعدين لما ادوارد لينو وياسر عرمان يطلعو بي قد القفه ما تجي تبكي لينا هنا .. وتشبكنا الانتخابات مزورة ..
والله اقوليك حاجة ..؟
حسع تلقاك تسجيل ما سجلته .. وجاي تفكها فينا ساكت كدا ..
مرتضى جعفر وياااي ..
شعار جامعة الخرطوم وياااي ..
قناة فضائية بتاعت مفلسين وقلبم واقف .. وياااي ..

Quote: وقطع عرمان الطريق امام تركهم لاجماع جوبا وقال نحن وجدناهم بعد زمن طويل ولا يمكن ان نفرط فيهم بدليل تواصل الاتصالات كاشفا عن تكليف من رئيس الحركة لامينها العام للقاء الاحزاب وعزا ذلك الى ان البلاد لا يبنيها حزب واحد وقال ان الحركة دفعت بامرأتين لمنصب الولاة في القضارف والشمالية وقال فتحي خليل كان افضل له نقابة المحامين من الولاية الشمالية المحسومة اصلا لصالح الحركة ، مؤكدا حرصهم على السلام الاجتماعي من اجل الفوز بشرف وقال نحن ضد اي عنف ونريد الانتخابات ان تكون فرصة لتعزيز التآخي والمحبة والعمل المشترك والتغيير للسودان.

Arman for New Sudan
All Sudanese in diasporah, marginalized forces and democratic forces must work together and convey the message to the world that Arman'is the only suitable candidte for presidency and the stability bof Sudan and the region.
Let us all organize ourselves and kick the big campaign.

Nuraddin Mannan

Quote: مؤكدا تأييدهم لقادة الحركة بعدم دخولهم للانتخابات

حسع دا كلام تجيبو لينا هنا دا من الصباح .. يا مرتضى شعارات رنانـة .. ؟
والله تعرف يا بتاع القناة .. انا نوعيتك دي كنت بفتش عليها في السودان .. تخيل مافيشة ..؟
ما لقيت اصلو البشبهك ..
إنت جاي من ياتو كوكب ..
بي اختصار كدا .. إنت من هنا واللا من زحـــل ..؟
ملحوظة:
ما زلت في انتظاري الجاد جدا .. الخاص بتغييرك لي شعار جامعة الخرطوم ..
تخيل قبل كم يوم في اخر ايام اجازتي الاخيرة كنت في جامعة الخرطوم .. لقيت ليك الجماعة شغالين في السور ترميم .. وشعارك قاعد .. اصلو ما هببو ليك .. جريت ليك واحد من الشباب الشغالين كدا على جمب .. قلت ليهو .. اسمع:
معا لتنزيل الشعار دا .. لانو فوقو اسم الله .. ومرتضى قال ما كويس كدا ..
الكلام دا طبعا قلتو ليهو كلو في اضانو ..
تخيل الزول دا شايل ليهو مسطرين ومحارة وعرقو بيخر .. تخيل قعد يضحك ويتدردق ..
بي اختصار كدا الزول دا اتدردق من قدام البركس .. لحدت ما وصل الشرقي ومن الشرقي وصل هندسة ومن هندسة .. وصل جامعة السودان .. وقال لي عندي فكرة اوصله لحدت الفرع .. كل الدردقة دي وهو ماسك بطنو .. ومسطرينتو .. ومحارتو واغباااااش ..
تخيل ولا واحد في اللحظة ديك قال .. ويااااي ..؟


الزم مكانك واحترق .. نوعيتك دي عليك الله عايزه بي عقليته دي .. تساهم في الوعي السوداني .. وتشكل أمـة ..؟
إنت جادي ..؟

العزيز نور الدين منان

Quote: Arman for New Sudan All Sudanese in diasporah, marginalized forces and democratic forces must work together and convey the message to the world that Arman'is the only suitable candidte for presidency and the stability bof Sudan and the region. Let us all organize ourselves and kick the big campaign. Nuraddin Mannan

تحياتي لك، وقد تحدث المرشح الرئاسي عن الحركة الشعبية الأستاذ ياسر عرمان عن بداية الحملة في الخطاب المذكور أعلاه، وقال بأنه ستتم الإستفادة من عقول سودانية شابة عاشت في أوربا والولايات المتحدة وشاهدت الممارسة الديمقراطية الحقة. والحقيقة ما قال كومريد ياسر بأن الحملة قد بدأت بالفعل وأن الشباب من مختلف أرجاء العالم قد تنادوا ويعملون الآن في شبكة عالمية واسعة وسترى أعمالهم الملموسة في القريب العاجل ويمكنك الاتصال بأقرب مكتب للحركة للشعبية لتجد نفسك في خضم هذه اللحظات التاريخية التي ربما لا تتاح في العمر لتغيير الواقع خاصة في بلدان العالم الثالث.

شكري واحترامي


مرتضى جعفر

Quote: ستتم الإستفادة من عقول سودانية شابة عاشت في أوربا والولايات المتحدة وشاهدت الممارسة الديمقراطية الحقة

..
خلي لي الكلام دا هنا دا .. انا نازل تحت اضرب لي سجارة وجاي ..
نشوف العقول الشابة بتاعتك دي وممارساته الديمقراطية عاملة كيف ..




ــــ

Quote: ستتم الإستفادة من عقول سودانية شابة عاشت في أوربا والولايات المتحدة وشاهدت الممارسة الديمقراطية الحقة

.. كدي يا مرتضى جعفر .. رشح لي اتنين عقول شابه عاشت في اوروبا وامريكا شان نستفيد منها ..
جيب لي اتنين من البورد .. يا كمان كلم ياسر عرمان .. ولو ما قدرتو تختارو لي الكثافة العديدة للمهاجرين .. والمشردين والانصار والمعارضين .. والتانيين الفي سري ديلاك .. ادوني فرصة ارشح ليكم اتنين بس ..
انا برشح ليكم الباقر عثمان .. واستيف .. دي مش عقول عاشت ممارسة ديمقراطية في امريكا وبتاع ..
يللا يا مرتضى ما تمشي بعيد جيب لي الشيوعي الباقر .. القال لينا قاعدين هنا تتونسو لينا مع البنات ..
وجيب لي استيف القال عايز يجي يقلع بيوتنا ويشيل عرباتنا لانو اهلو ساكنين في بيوت الصفيح ..
يا كمان خليك من الاتنين ديل ..
جيب لي صاحبك (الشبح عمر علي) الجيت قلت ليهو تمبس دا عايزنو يورينا انو كيف الحوار بتاعي مفبرك وكتبوهو لي ناس الأمن ..
طبعا إنت عارفني .. لو ما اعتذرت لي عن الخرافة الروجت ليها هنا دا .. إنت وعمر علي وناس اوروبا وامريكا .. ما بخليك .. ولا كمان ح ادي صوتي للحركة الشعبية .. مش كان رشحت ياسر عرمان .. والله لو رشحت ياسر عرفات هيم سيلف ..