Post: #1
Title: انفاض شديد في اسعار الاراضي والعقار في السودان
Author: د.محمد حسن
Date: 01-23-2010, 08:15 AM
Parent: #0
يشهد سوق العقار في الخرطوم انخفاضا مريعا في اسعار الاراضي
ومن المعلوم ان عمليات غسيل الاموال لعبيت دورا كبيرا في ارتفاع اسعار الاراضي والعقارارا بصورة غير مبررة
ويبدو ان رياح التغيير القادمة جعلت المرجفون في المدينة يسارعون ببيع اراضيهم وعقارهم وتحويل اموالهم الى خارج البلاد
|
Post: #2
Title: Re: انفاض شديد في اسعار الاراضي والعقار في السودان
Author: Mayada
Date: 01-23-2010, 08:24 AM
Parent: #1
كيف...
ووين...
وبكم؟
ست البنيـــــــات
|
Post: #9
Title: Re: انفاض شديد في اسعار الاراضي والعقار في السودان
Author: د.محمد حسن
Date: 01-23-2010, 11:50 AM
Parent: #2
Quote: كيف...
ووين...
وبكم؟
ست البنيـــــــات |
ست البنات
انتظروا شهرين تاني بتكون دقت الدلجة
|
Post: #74
Title: Re: انفاض شديد في اسعار الاراضي والعقار في السودان
Author: بهاء الدين سليمان
Date: 03-15-2010, 01:40 PM
Parent: #9
دكتور محمد كيفنك
الشهرين مرو والله اسعار الاراضي طايره السمأ وين الدلجة دي
|
Post: #3
Title: Re: انفاض شديد في اسعار الاراضي والعقار في السودان
Author: Hussein Mallasi
Date: 01-23-2010, 08:27 AM
Parent: #1
كانت كم و بقت كم؟!!
|
Post: #4
Title: Re: انفاض شديد في اسعار الاراضي والعقار في السودان
Author: ود الباوقة
Date: 01-23-2010, 08:39 AM
Parent: #3
انخفاض ( مريع ) كمان يا ساتر ..
عندي قطعة في ام ضريوة بي كلامك دا
تكون بقت بي مليون ونص ..
غايتو ( روعتنا ) يا دكتور ...
|
Post: #5
Title: Re: انفاض شديد في اسعار الاراضي والعقار في السودان
Author: اسامه خليفه
Date: 01-23-2010, 08:43 AM
Parent: #4
Quote: كيف...
ووين...
وبكم؟
ست البنيـــــــات |
ناس القروش ظهروا ...
تحياتي ..
|
Post: #6
Title: Re: انفاض شديد في اسعار الاراضي والعقار في السودان
Author: nazar hussien
Date: 01-23-2010, 09:50 AM
Parent: #5
ياخ انخفاض شنو اول أمس دي المجاهدين بايعنها لي ود عمتي
بي 280 مليون بالقديم!!!
دي تجي اكتر من مية ألف دولار
نحن عايزين الاراضي تبقي بي الف جنيه بس
وبعضها مجاني
|
Post: #8
Title: Re: انفاض شديد في اسعار الاراضي والعقار في السودان
Author: د.محمد حسن
Date: 01-23-2010, 11:38 AM
Parent: #6
الاخ الكريم نزار
Quote: المجاهدين بايعنها لي ود عمتي
بي 280 مليون بالقديم!!!
|
دي تكون القطعة العايز يبني عليها ود الباوقة برج البشير
|
Post: #7
Title: Re: انفاض شديد في اسعار الاراضي والعقار في السودان
Author: د.محمد حسن
Date: 01-23-2010, 11:36 AM
Parent: #3
| Quote: كانت كم و بقت كم؟¿!! |
الاخ الكريم ملاسي
منور
|
Post: #10
Title: Re: انفاض شديد في اسعار الاراضي والعقار في السودان
Author: السيد أحمد إبراهيم
Date: 01-23-2010, 12:32 PM
Parent: #1
| Quote: ويبدو ان رياح التغيير القادمة جعلت المرجفون في المدينة يسارعون ببيع اراضيهم وعقارهم وتحويل اموالهم الى خارج البلاد |
يادكتور
مالك بوستات بقت زي بوستات هشام هباني
|
Post: #11
Title: Re: انفاض شديد في اسعار الاراضي والعقار في السودان
Author: د.محمد حسن
Date: 01-23-2010, 06:25 PM
Parent: #10
Quote: يادكتور
مالك بوستات بقت زي بوستات هشام هباني ] |
اخي الكريم السيد احمد ابراهيم
سلام من الله عليك
اولا جاءتنني هذه المعلومة من السودان
وظلت في راسي طوال اليومين الماضيين
ولكي اتثبت منها اتصلت باحد منسوبي المؤتمر الوطني والمقربين للجهاز التنفيذي في سودان الانقاذ واكد لي حقيقة الامر ( يعني من جوة الجك)
ثانيا لم افهم المقصود بان بوستاتي اصبحت تشبه بوستات الخال هشام هباني ؟!!!!!
|
Post: #12
Title: Re: انفاض شديد في اسعار الاراضي والعقار في السودان
Author: ابو جهينة
Date: 01-23-2010, 06:37 PM
Parent: #11
قال ملاسي :
كانت كم و بقت كم؟¿!!
فقال له أبو التومات أب شنب
الاخ الكريم ملاسي
منور
منور دي يا دكترة العُمْلة بعد الإنتخابات ؟؟؟
|
Post: #13
Title: Re: انفاض شديد في اسعار الاراضي والعقار في السودان
Author: قرشـــو
Date: 01-23-2010, 06:49 PM
Parent: #12
Quote: نحن عايزين الاراضي تبقي بي الف جنيه بس
وبعضها مجاني |
بس .....
قرط على كده بالله
فانا من انصار الكلام ده ...
مش بقولوا حلم الجعان عيش ؟
كمان حلم الما عندو بيت ارض.
|
Post: #14
Title: Re: انفاض شديد في اسعار الاراضي والعقار في السودان
Author: abuguta
Date: 01-24-2010, 06:00 AM
Parent: #13
Quote: بس .....
قرط على كده بالله
فانا من انصار الكلام ده ...
مش بقولوا حلم الجعان عيش ؟
كمان حلم الما عندو بيت ارض. |
لكن ناس عمو قرشو ديل ما عندهم بيوت الا فى حنتوب تصور ياصديقى ,,جنبنا قطعة فى ابوقوتة فاضية 30 سنة
فى رمضان اشتراها تاجر ب 35 مليون,,بنى فيها وبقى جارنا قابلتو فى العيد وسالتو ,ليه اشتريت القطعة بالسعر دا
قال داير اجابتى ذات المعنى قلت ليه اكيد,,,قال هى اصلا سعرها 10 فقط لكن بالباقى اشتريت جواركم,,
اخوى قال لازم تشترى ليك قطعة استثمارية قلت ليه,خلينى بعد سنة لو البلد اقسمت بشوق مكان ارخص وبمشى عليه
وانا اصلا ما عندى قروش
ياخى تجار الاراضى ديل مجانين,ارقى حى فى الخرطوم احسن منه سوق الفحم فى العزيزية الرياض
دحين خلى قروشك تحت مخدتك وانتظر نهاية اللعبة,,اكيد حتكسب,,
يادكتور بيت فى الشقيلاب فى شارع فرعى امس دى بيع ب90 مليون قديم
|
Post: #15
Title: Re: انفاض شديد في اسعار الاراضي والعقار في السودان
Author: على محمد على بشير
Date: 01-24-2010, 06:16 AM
Parent: #14
شكرا يا دكتور
وعقبال ترخص المعيشه
|
Post: #16
Title: Re: انفاض شديد في اسعار الاراضي والعقار في السودان
Author: الحاج حمد الحاج
Date: 01-24-2010, 06:25 AM
Parent: #15
الأراضي و العقارات عرض و طلب ، في مناطق ممكن تزيد لكن ما ممكن تنقص لأنو الطلب عليها دائما كبير مثل مناطق الرياض ، المنشية، غاردن سيتي، المعمورة و جزء من أركويت و في بحري الصافية ، شمبات ، بعض مربعات كافوري، المغتربين و بعض مربعات الحلفايا و كذلك بعض مناطق أم درمان خاصة المهندسين و مدينة النيل..لو حدث انخفاض ملحوظ عادة يكون في المناطق الجديدة..
|
Post: #17
Title: Re: انفاض شديد في اسعار الاراضي والعقار في السودان
Author: عبدالعزيز حسين عبدالرحيم
Date: 01-24-2010, 07:11 AM
Parent: #14
د. محمد حسن
ليك التحية والأحترام
نعم قد يكون هناك أنخفاض في أسعار الأرضي لكن السبب ليس الذي أوردته
Quote: ومن المعلوم ان عمليات غسيل الاموال لعبيت دورا كبيرا في ارتفاع اسعار الاراضي والعقارارا بصورة غير مبررة
ويبدو ان رياح التغيير القادمة جعلت المرجفون في المدينة يسارعون ببيع اراضيهم وعقارهم وتحويل اموالهم الى خارج البلاد |
أتابع أسعار الأراضي في السودان يوميا ويمكن أن تطلب من الشخص الذي أمدك بالمعلومة أن يفيدني بقطعة معروضه في كافوري فأنا مكلف بشراء قطعة من اكثر من 6 اشهر وذهبت للسودان لمدة شهر من من منتصف نوفمبر وحتى نهاية ديسمبر أيام الهوجة أبحث عن قطعةولم وجدت قطعةحصلت عليها مزايدة بين أربعة مشترين كنت خامسهم اثنين منهم في أمريكا وواحد قادم للسودان نهائي من المانيا وواحد من الخليج وتاجر أراضي وكان سعر القطعة في مربع 4 165 مليون وبعد المزايدة وصل سعر القطعة 190 وحتى الأن أنا متابع مع السماسرة وقد حصلت على كثير من المعلومات منها
المتحكم في أسعار الأرضي هم السماسرة بالإضافة وسياسات الحكومة ولعوامل العرض والطلب
بالنسبة للسماسرة فقد أكتشفت أنهم كونوا منظومة كبيرة في شكل شبكة تربطهم مصالحهم المشتركة ويتبعون طرق ترويج عن طريق الأشاعات السالبة والإيجابية عن المناطق التي ترغب في الشراء فيها
بالنسبة لسياسات الحكومة ففي بعض الأحيان تقل السيولة في السوق لعوامل لأأعرفها ويكون كل الناس راغبين في النقد وبذلك تقل الأسعار وتكون فرصة للمشتري الذي يمتلك النقد(أغلبهم مغتربون) ويعجز المشتري المحلي لأن أموله (شيك ، داخله في بضاعة، مسلفهالغيره)
بالنسبة للعرض والطلب فمعروف أنه من شهر يونيو حتى اكتوبر تزيد الأسعار وذلك لعودة المغتربين من الأجازات ويشترون البيوت والأراضي
نزول الاسعار كان متوقعاً من الكثيرين وكان يصرح بيه الصادقين من السماسرة لأن أسباب الزيادة الأخيرة كان مؤقتا وكان لعدة أسباب
الأزمة العالمية أدت إلى رغبة كثير من المغتربين وخاصة امريكا إلى توجيه مدخراتهم بل وبيع أصول لشراء أرضي وعقارات في السودان
عودة كثير من مغتربي الخليج بعد تقاعدهم وأستقرارهم في السودان وتوجيه مدخراتهم وأستحقاقاتهم في شراء عقارات وأرضي للسكن والأستثمار
تقلبات السوق أجبرت كثير من التجار للأستثمار في العقار وأصبح لديهم مقولة (نص المال عقار ونص تجارة وكاش)
ماذكرته أعلاه حسب ما وصلت ليه من أستنتاج من المعلومات الحصلت عليها وقد أكون مخطيء والله العالم
بالنسبة لهروب الناس وتهريب أمول فمع أحترامي ليك لأأظن أنه كلام صحيح فقد تكون أشاعة من التجار أو أي سبب أخر
أغلب الدول أصبح لديها سياسات رقابة شديدة على دخول الأموال إليهافعلى سبيل المثال ذكر قبل فترة شراء أفراد من الحكومة لعقارات في منطقة جميرا في دبي
حكومة دبي لديها قوانين قوية ومراقبة للمشترين ولن تسمح بالبيع لأشخاص يشتبه في اموالهم وتطالب بي مستندات ووثائق من المشترين بل تقوم بالتحري وهناك توجيهات من أعلى سلطة في الدولة بالمراجعة والالتزام بضوابط محددة يمكن لبعض الأخوان أن يفيدوك فهم أعلم مني
في بقية الدول مارست امريكا في إطار ما يسمى مكافحة الأرهاب ضغوطا لمراقبة حركة الأموال والزمت الدول بالشفافية وتقوم بمراقبة حركة الأمول فلو كان هناك شيء مما ذكر لسربته الحكومة الأمريكية في حملة عدائها لحكومة الأنقاذ
والله العالم
|
Post: #20
Title: Re: انفاض شديد في اسعار الاراضي والعقار في السودان
Author: Al Sunda
Date: 01-24-2010, 08:55 AM
Parent: #17
شكرا أخي ع. العزيز على المداخلة الحية
| Quote: المتحكم في أسعار الأرضي هم السماسرة بالإضافة وسياسات الحكومة ولعوامل العرض والطلب |
فقط هم السماسرة
ولو كانت هنالك سياسة حكومية بالسلب او الايجاب
او كانت هنالك تطبيق لساسات العرض والطلب
لما وصل سعر الارض في الخرطوم إلى هذه الارقام الفلكية
المتابعة اليومية للمغتربين لاراضي الداخل اسقطت تاثيرات يوليو واغسطس كما وان المغتربين
انفسهم اصبحو ليسو بلاعبين اساسيين في مسألة الاراضي ( مغتربو الداخل اشد بأساً وقوة )
قبل فترة حاولت الوصول إلى معرفة مؤشرات حول اسعار الاراضي في العاصمة
واستفسرت اكثر من زميل دراسة وفيهم دكاترة في الاقتصاد
بعد فترة احالوني الى السماسرة
تابع اعلانات العقار في الصحف المجانية ( الوسيط ...الخ )
ترى العجب
قطعنين في منطقة واحدة تجد اسعارها فرق الليل والنهار
قطعة معروضة من السمسار وقطعة اخرى من صاحب الملك
كل الفلم في يد السمسار
وحقيقة السمسار بيكسب أكثر من صاحب القعة
يعنى ممكن سمسمار يكسب في قطعة واحدة أكثر من 15 مليون ؟؟؟؟؟؟؟؟؟
والله ما حسدان بس حاجة كده تحير !
|
Post: #24
Title: Re: انفاض شديد في اسعار الاراضي والعقار في السودان
Author: عبدالعزيز حسين عبدالرحيم
Date: 01-24-2010, 09:44 AM
Parent: #20
نعم أخي Al Sunda
السماسرة أصبحوا شطار جداً في شكل لوبي بينهم تنسيق وأتصالات دائمة حتى أتنظموا وفيهم درجات
دورهم كبير في تحديد أسعار الأراضي
قبل أكتر من 15 سنة كانت قطع الأرض في كافوري لا تزيد عن 10ميلون وبنفس السعر ممكن تشتري قطعة في الحاج يوسف والأن نفس القطعة سعرها 200 مليون وسعر القطعة في الحاج يوسف حوالي 100 مليون السماسرة كانوا مطلعين أشاعة أن الأرض في كافوري غير صالحة للسكن لأن الأرض زراعية والبنيات بتشقق وغيره من الكلام ويوجهوك تشتري في مناطق تانية هم خبراء وعندهم قطع فيها ويمدحوها ليك ويدوك صورة إيجابية كأنك حا تسكن الجنة في ناس ما اشتغلت بي الكلام بتاع السماسرة وشرعوا في البينان وبرضه الاشاعات متواصلة والأسعار في زيادة لمن أصبح البنيان واضح كان هناك سماسرة متخصصين في كافوري وانعكست الأشاعات أصبحوا يقولوا ليك في مربع كدا في مستشفى وحا يوصلوا صرف صحي لكل كافوري وكله عشان الناس تجي تشتري من كافوري
السماسرة في السودان ما يسلم منهم مشتري وتسببوا في ضرر كتير من الناس بسبب جشعهم بالتضليل والمعلومات الخاطئة بالإضافة لسجلهم الحافل في تزوير وبيع أرضي الناس أو بيع العقارات والارض اكثر من مره ومع الأسف الفترة الأخيرة شهدت تورط بعض المحامين معهم
في عام 2001 اشتريت قطعة ارض ملك حر من المالك مباشر 800 متر في منطقة شرق النيل وقمت بتسجيلها وقبل 4 سنوات سألت أحد السماسرة عن سعرها وقال اديني فرصة اسال ليك من سعرها وفي نفس اليوم اتصل فيني قال انو الارض دي رخيصة لانو ما عندها سند والحكومة حا تنزعها احسن اتخارج منها وهو عندو زبون واتصل فيني في اليوم اكثر من مره يلح في بيعها وانو عاوز مصلحتي اتجاهلته وسافرت وتلفوناته تلاحقني وكل مره زيادة في السعر وعرض علي مبلغ اغراني لاني اشتريته يساوي عشره واعتبرته مكسب أتصلت في أحد اقربائي طلبت يجيب لي معلومات أتضح لي أنه القعطة أصبحت في منطقة غالية جداً وتم تطوير المناطق حولها بعد عمرانها وبعدها وكانت خطط اسكانية قديمة ونصحوني أن لا ابيعها وأن السمسار كان عاوز يدقسني فيها رغم علاقتي الطيبة معاه ولم رجعت رجع يلح ولم واجهته اني عارف قيمة أرضي وعارف محاولاته قال ياهو دا اكل عيشنا وفي شغلنا مافي خوه ولا صداقة
أحب أضيف انو برضه ظهور خطط اسكانية وأتجاه الناس لشراء قطع في مناطق معينة قد يسبب ركود أو ثبات أو حتى نزول في أسعار مناطق تانية
مثال قبل فترة وكافوري في قمة زيادة سعرها ظهر مخطط نبته واتجه الناس للشراء في نبته توقف البيع في كافوري وبدأت الأسعار في النزول مقابل قفزات سريعة في نبته والسماسرة كانو يروجوا لي نبته فجأءة ظهر ان نبته فيها مشكلة من رائحة الصرف الصحي وأنفخض السعر اقل من الثلث ويقارب النصف وتوقف الشراء نهائيا وعادت كافوري بقفزات اعلى واكبر
|
Post: #23
Title: Re: انفاض شديد في اسعار الاراضي والعقار في السودان
Author: السيد أحمد إبراهيم
Date: 01-24-2010, 09:36 AM
Parent: #11
| Quote: ثانيا لم افهم المقصود بان بوستاتي اصبحت تشبه بوستات الخال هشام هباني ؟!!!!! |
المقصود جنس ده
Quote: ولكي اتثبت منها اتصلت باحد منسوبي المؤتمر الوطني والمقربين للجهاز التنفيذي في سودان الانقاذ واكد لي حقيقة الامر ( يعني من جوة الجك)
|
يادكتور لك العتبى إن رأيت في مداخلتي حدة أو تجاوز
ولكن التهويل والتأويل المبالغ فيه يفقد الموضوع مصداقيته أو جديته
فمسائل مثل غسيل الأموال .. أو إخراج أهل الإنقاذ لأموالهم بهذه الصورة
لا يمكن مناقشتها في إطار إتصلت أو قال لي .. أو ( من جوه الجك )
فالمصداقية والعقلانية هي مفاتيح ودعائم إرتكاز مهمة لأي حوار
أو نقاش يرجى منه الفائدة .
لك كامل تقديري وإحترامي ..
|
Post: #45
Title: Re: انفاض شديد في اسعار الاراضي والعقار في السودان
Author: د.محمد حسن
Date: 01-24-2010, 02:28 PM
Parent: #23
الاخ الكريم احمد السيد ابراهيم
هذا البوست يحتوي على شقين
1- اخبار تناهت الي
ولكي اتثبت من صدقيتها اتصلت بمن لايمكن ان يعطوني اخبارا مضللة ( اهل الجلد والراس )
2- شق تحليلي وقد اصيب فيه وقد اخطئ الاوهو ان الارتفاع في الاراضي في السودان سببه الاموال المغشسولة ( هل تتفق معي ) رببما لا - لانه ليس من المبرر على الاطلاق ان تكطون اغلى اراضي في العالم في السودان مع انعدام كافة الخدمات
والتحليل يخضع لمنطق الخطأ والصواب وليس للمكصداقية المصداقية للخبر
هل هناك انخفاض في الاسعار ام لا
ولك احترامي وتقديري
|
Post: #18
Title: Re: انفاض شديد في اسعار الاراضي والعقار في السودان
Author: احمد محمد احمد عتيق
Date: 01-24-2010, 07:29 AM
Parent: #1
ام ضريوة ...المجاهدين .... الشقيلاب ...
المحلات دي وين ..لو سمحتو ...
|
Post: #19
Title: Re: انفاض شديد في اسعار الاراضي والعقار في السودان
Author: jini
Date: 01-24-2010, 08:25 AM
Parent: #18
Quote: ياخ انخفاض شنو اول أمس دي المجاهدين بايعنها لي ود عمتي
بي 280 مليون بالقديم!!!
دي تجي اكتر من مية ألف دولار
نحن عايزين الاراضي تبقي بي الف جنيه بس
وبعضها مجاني |
والله من اسمها دا اسكن فى مانديلا ما اسكن فيها!
مجاهدين بتاع ايه!
بكرة يسموا الاستشهاديين وحى مغنية وحى الظاهرى والمحضار!
بلد الاساملى فيها بقت تطمم البطن!
انا عارف نفسى ما بقدر على البنا عشان كدة من اساسه ما شتريت ارض!
ارض فى السودان بى نصف مليون دور تقول فى بيفرلى هيلز!
بلد وهم!
جنى
جنى
|
Post: #21
Title: Re: انفاض شديد في اسعار الاراضي والعقار في السودان
Author: Hala Hassan
Date: 01-24-2010, 09:08 AM
Parent: #19
الأخ د. محمد حسن،،
الحقيقة ما قدرت افهم أساس الخبر بإنخفاض اسعار الاراضى شنو؟؟
الايام دى أنا بسأل لخالى مغترب عن قطعة فى منطقة جنوب الخرطوم (مقابل ملعب القولف)،،
و الأسعار طايرة السما،،،
مافى زول قادر يفهم الامور دى ماشية لـ وين؟؟؟؟
|
Post: #22
Title: Re: انفاض شديد في اسعار الاراضي والعقار في السودان
Author: SHIBKA
Date: 01-24-2010, 09:12 AM
Parent: #21
هالة
كيفك
Quote: الايام دى أنا بسأل لخالى مغترب عن قطعة فى منطقة جنوب الخرطوم (مقابل ملعب القولف)،،
و الأسعار طايرة السما،،،
|
ملعب القولف وين دا اولاً
والاسعار لقيتيها تقريبا كم
|
Post: #25
Title: Re: انفاض شديد في اسعار الاراضي والعقار في السودان
Author: Al Sunda
Date: 01-24-2010, 09:48 AM
Parent: #22
| Quote: ملعب القولف وين دا اولاً |
ملعب القولف بمنطقة سوبا
|
Post: #26
Title: Re: انفاض شديد في اسعار الاراضي والعقار في السودان
Author: أيمن الطيب
Date: 01-24-2010, 09:55 AM
Parent: #25
سلام يا شباب,,
يا أخوانا ممكن أى زول يفيدنا بمعلومات عن أسعار (الشقق )و(الأراضى )
فى منطقة الخرطوم 1 والخرطوم 2 !!!كم سعر المتر ومتوسط السعر!!!
مودتى..
|
Post: #27
Title: Re: انفاض شديد في اسعار الاراضي والعقار في السودان
Author: munswor almophtah
Date: 01-24-2010, 09:58 AM
Parent: #22
الآندلس بى كم والأندلس دى وين وبعدين الدبلوماسى وليه دبلوماسى
تفاصيل أولى تانيه وتالته وأكتلوا السوق للماسره وإعلامكم أقوى
منصور
|
Post: #28
Title: Re: انفاض شديد في اسعار الاراضي والعقار في السودان
Author: Hala Hassan
Date: 01-24-2010, 10:42 AM
Parent: #27
يا شبكة،
أخبارك و يا حليلك،،
Quote: ملعب القولف وين دا اولاً
والاسعار لقيتيها تقريبا كم |
أولا شكرا للسندة جابها ليكى بالصورة،،،
ثانيا،
أنا بتكلم عن مخطط معين إسمو( سبأ)،،
المخطط دة جنوب مستشفى سوبا، و شرق الحاويات،،،
باعوه من حوالى 4 سنين ناس التأمينات الإجتماعية بحوالى 25 مليون للقطعة،،
بعد سنتين القطعة وصلت لحوالى 55-70 مليون،،
الان الان القطعة (أم 50-55) وصلت 120-125،،،
دة إسمو شنو؟؟؟؟
|
Post: #29
Title: Re: انفاض شديد في اسعار الاراضي والعقار في السودان
Author: SHIBKA
Date: 01-24-2010, 10:50 AM
Parent: #28
هالة
سفرتوني وقعدتو
Quote: ثانيا،
أنا بتكلم عن مخطط معين إسمو( سبأ)،،
المخطط دة جنوب مستشفى سوبا، و شرق الحاويات،،،
باعوه من حوالى 4 سنين ناس التأمينات الإجتماعية بحوالى 25 مليون للقطعة،،
بعد سنتين القطعة وصلت لحوالى 55-70 مليون،،
الان الان القطعة (أم 50-55) وصلت 120-125،،،
|
المكان دا انا شفتو قبل شهر تقريبا
مافيهو اي مقومات
الزيادة دي من شنو ؟؟؟
|
Post: #31
Title: Re: انفاض شديد في اسعار الاراضي والعقار في السودان
Author: Hala Hassan
Date: 01-24-2010, 11:08 AM
Parent: #29
السافر و خلانا،،
مش قلت ليكى يا حليلك!!!
أقول ليكى شنو،،
معليش إنشالله الجايات أرحب،،،
Quote: المكان دا انا شفتو قبل شهر تقريبا
مافيهو اي مقومات
الزيادة دي من شنو ؟؟؟ |
تعرفى يا شبكة،
المنطقة دى كلها مخططة درجة أولى،،
و منطقة جنوب الخرطوم دى بالتحديد الناس عاقدين عليها الامال تبقى منطقة سكنية ممتازة،
ما شفتى الفلل و البناء الجديد راقى كيف؟؟
و بالجد بالجد الناس الاشتروا هناك كلهم عوائل كبيرة و ناس معروفين (اسريا)،،،
يعنى دى براها جيرتها تمنها فيها،،،
من الاخر كدة،،
كيييف تقولى كلام زى دة؟؟؟؟
|
Post: #30
Title: Re: انفاض شديد في اسعار الاراضي والعقار في السودان
Author: عبدالعزيز حسين عبدالرحيم
Date: 01-24-2010, 11:05 AM
Parent: #28
قالو في المثل الفار طرو ليه العرس ضحك
هنا المغتربون طروا ليهم الأراضي قالو بي كم
غايتو بالخبرة وعن معلومات صادقة من غير سمسرة ولا حاجة في حته أسمها دردوق ما فيها حاجة شينه إلا أسمها شرق مخطط نبته وشمال الحاج يوسف جميلة جداً وأسعارها بلاش عديل
ومنطقة مفتوحها وقريبه جداً ومنها طريق وطرقها سالكة
أنصح أي شخص عنده رغبة في الشراء او الأستثمار يستفسر عنها والقصد المنفعة والمساعدة
دي أحداثياتها
http://wikimapia.org/#lat=15.7035108&lon=32.6265621&z=16&l=0&m=b
|
Post: #32
Title: Re: انفاض شديد في اسعار الاراضي والعقار في السودان
Author: محمد عبدالقادر سبيل
Date: 01-24-2010, 11:34 AM
Parent: #30
يا هالة ياخي ما تشتري مني قطعتي دي لاخوك وتخلصي
400 متر وشوية
واقعة في مخطط غزة
شمال حوش مدرعات الشجرة مباشرة وجنب مستشفى كدا حديثة اسمها بالسين شرق اللاماب بحر ابيض
ناصية مميزة فاتحة شمال على ميدان
اشتريتا من ناس صندوق التأمينات وشهادة البحث باسمي
داير فيها 250 ألف بس( رخص التراب )!!
شن قولك ؟
_______________
رب اوزعني ان اشكر نعمتك
|
Post: #33
Title: Re: انفاض شديد في اسعار الاراضي والعقار في السودان
Author: Hala Hassan
Date: 01-24-2010, 11:39 AM
Parent: #32
عبد القادر سبيل،،
يا ريت،
خالنا دة تقريبا لقى ضالتو فى المنطقة القلناها فوق دى،،
وأنا (شخشيا) لو عندى 250 مليون كنت خلفت رجل على رجل و قعدت أتمنى،،،
إلا هى 250 مليون دى بتجيب كام كيلو سبانخ؟؟؟؟
بهزر معاك طبعا،،،
لكن الله يهلها عليك و يديك الفى مرادك،،،،
|
Post: #35
Title: Re: انفاض شديد في اسعار الاراضي والعقار في السودان
Author: Tabaldina
Date: 01-24-2010, 11:44 AM
Parent: #32
..
.
يا دكتور
ما توهم الناس دى ساااى
مافى انخفاض ولا يحزنون ..
والله طايرة السما ..
Quote: 400 متر وشوية
واقعة في مخطط غزة
شمال حوش مدرعات الشجرة مباشرة وجنب مستشفى كدا حديثة اسمها بالسين شرق اللاماب بحر ابيض
ناصية مميزة فاتحة شمال على ميدان
اشتريتا من ناس صندوق التأمينات وشهادة البحث باسمي
داير فيها 250 ألف بس( رخص التراب )!!
شن قولك ؟ |
يا سبيل انتو طوالى داقسين
اها غزة دا مأسورة ..!!
لو جابت ليكم 100 الف بيعو ساااى
____________
اشوف ليك مشترى ؟؟
|
Post: #34
Title: Re: انفاض شديد في اسعار الاراضي والعقار في السودان
Author: jini
Date: 01-24-2010, 11:40 AM
Parent: #30
Quote: الأخ د. محمد حسن،،
الحقيقة ما قدرت افهم أساس الخبر بإنخفاض اسعار الاراضى شنو؟؟
الايام دى أنا بسأل لخالى مغترب عن قطعة فى منطقة جنوب الخرطوم (مقابل ملعب القولف)،،
و الأسعار طايرة السما،،،
مافى زول قادر يفهم الامور دى ماشية لـ وين؟؟؟؟ |
حليل ابوى!
ميدان جولف!
من ام دقرسى لى نيو جيرسي!
الله ليهم من ثورة الجياع!
ستقضى على ميدان الجولف واليابس!
جنى
|
Post: #36
Title: Re: انفاض شديد في اسعار الاراضي والعقار في السودان
Author: Hala Hassan
Date: 01-24-2010, 11:52 AM
Parent: #34
جنى،
Quote: حليل ابوى!
ميدان جولف!
من ام دقرسى لى نيو جيرسي!
الله ليهم من ثورة الجياع!
ستقضى على ميدان الجولف واليابس!
جنى |
أهو ميدان القولف دة بالتحديد، جنب الحلل (جمع حلة) و الأهالى،،
والله ح يشوفوا ليهم جنس مناظر،،
غايتو أنا فى تقديرى،
ح يبيعوا و يمشوا يشوفوا ليهم خلاء تانى،،
أو كمان،
ح يقلعوا العراقى و يا قولف جاك زول،،،
|
Post: #37
Title: Re: انفاض شديد في اسعار الاراضي والعقار في السودان
Author: أيمن الطيب
Date: 01-24-2010, 12:02 PM
Parent: #36
Quote: بالجد بالجد الناس الاشتروا هناك كلهم عوائل كبيرة و ناس معروفين (اسريا)،،،
يعنى دى براها جيرتها تمنها فيها،،، |
فى إنتظار تراجى,,
غايتو يا هالة جهزى دفوعاتك من هسه ومعاها فريق محامين بقيادة تبلدينا
جلابية مستلبة مستحدثة ما عارف شنو تانى كدا,,,
|
Post: #38
Title: Re: انفاض شديد في اسعار الاراضي والعقار في السودان
Author: Hala Hassan
Date: 01-24-2010, 12:10 PM
Parent: #37
أيمن الطيب،،
الزول ما يمرق النصيحة كلو كلو فى البلد دى؟؟؟
| Quote: غايتو يا هالة جهزى دفوعاتك من هسه ومعاها فريق محامين بقيادة تبلدينا |
أفووووو،
و إنت نطيت و لا شنو؟؟؟
Quote: جلابية مستلبة مستحدثة ما عارف شنو تانى كدا,,,
|
أنا غايتو جلابيتى بعرفها براى،
و مافى زول أستلبنى،،
إستحداث دة (إلا من يوم ولدونا)،،،
تانى شنو؟؟؟
ما تخاف يا زول،
ثابتة عند رأيى،،
ما بتزحزح،،،
بس إنتو خليكم قاعدين،،،
|
Post: #39
Title: Re: انفاض شديد في اسعار الاراضي والعقار في السودان
Author: Al Sunda
Date: 01-24-2010, 12:42 PM
Parent: #38
Quote: أولا شكرا للسندة جابها ليكى بالصورة،،،
ثانيا،
أنا بتكلم عن مخطط معين إسمو( سبأ)،،
المخطط دة جنوب مستشفى سوبا، و شرق الحاويات،،،
باعوه من حوالى 4 سنين ناس التأمينات الإجتماعية بحوالى 25 مليون للقطعة،،
بعد سنتين القطعة وصلت لحوالى 55-70 مليون،،
الان الان القطعة (أم 50-55) وصلت 120-125،،، |
مشكوره على التشكرات
يا استاذه / هالة
في بداية التسعينات فكرنا وبعض الاصدقاء في شراء قطع سكنية بهذه المنطقة
وإقامة قرية خاصة بنا( كلنا كنا اولاد حلة واحدة) عُرضت علينا القطعة
ب 2 مليون كسعر قابل للتفاوض
| Quote: الان الان القطعة (أم 50-55) وصلت 120-125،،، |
كنا حسع بقينا من اصحاب الملايين
ويا فرحة ما تمت على راي اولاد بمبة
|
Post: #40
Title: Re: انفاض شديد في اسعار الاراضي والعقار في السودان
Author: محمد عبدالقادر سبيل
Date: 01-24-2010, 01:16 PM
Parent: #39
بسم الله
واي حاجة يا تبلدينا فوق ال 250 ألف ليك
وماعندي غيرها
______________
اللهم بارك لنا فيما رزقتنا
|
Post: #41
Title: Re: انفاض شديد في اسعار الاراضي والعقار في السودان
Author: ماجد حسون
Date: 01-24-2010, 01:45 PM
Parent: #40
يا اخوانا الاراضى فى الوادى الاخضر ومدينة الفاتح كيف؟
|
Post: #42
Title: Re: انفاض شديد في اسعار الاراضي والعقار في السودان
Author: عبدالله احيمر
Date: 01-24-2010, 01:45 PM
Parent: #39
Quote: حليل ابوى!
ميدان جولف!
من ام دقرسى لى نيو جيرسي!
الله ليهم من ثورة الجياع!
ستقضى على ميدان الجولف واليابس! |
عارف ياجني قبل سـنتين وخلال الاجازة ( فاضي وكدا )
بديت أهبش واســأل عن الشــقق والأراضي أهـا ربك رب الخير
جيت ماشي في شـارع عبيد ختم ألقى ليك لافته مكتوب فيهـا ( الياسـمين )
دخلت عليهم , الجماعة ( بتاعين التسـويق ) طوالي بدأوا ليك معاي
شي خرط وشي مخطط في اللاب توب ( شيء مدهش ) , السـكن فلل والاسـعار بالدولار
احترت جـدا لما مسـئولة التسـويق قالت لي ( انت ح تكون حمب ملعب القولف
كيلومتر واحـد بس المسافة من الملعب للمخطط )
قولف شـنو يا باشمنهدسـة , بدأت توصف لي في موقع ملعب القولف و مخططهم
والله ياجني انـا كنت بجي ماشي بالقرب من المحل والوصفتوا لي ( على شارع
مدني وفبل تفتيش سـوبا , وكنت مسـتغرب دا شــنو ؟ يا ربي ترعة ؟
ياربي تكون ترس من الأمطار ) اهـا لم عرفت دا ملعب القولف قلت ليها
القولف دا تبع منـو ؟ وبلعـبو كيف ؟ و تاني ما مشـيت لا جيهة الملعب ولا المخطط .
د. محمد كيف حالك
|
Post: #43
Title: Re: انفاض شديد في اسعار الاراضي والعقار في السودان
Author: عبدالله احيمر
Date: 01-24-2010, 01:45 PM
Parent: #39
يلا خلينا في الوادي الأخضـر الجنب السـما الأحمـر
القطعة هنالك في حدود 5 - 6 مليون
واحسـن تلحق تشـتري
|
Post: #44
Title: Re: انفاض شديد في اسعار الاراضي والعقار في السودان
Author: ماجد حسون
Date: 01-24-2010, 02:06 PM
Parent: #43
هاهاهاها قلتا لى جنب السما الاحمر , ياها امكانياتنا نعمل شنو؟
الغريبة الناس قالولى القطعة هناك فى حدود خمستاشر
اللذيذة البوست انقلب سوق عقارات
|
Post: #46
Title: Re: انفاض شديد في اسعار الاراضي والعقار في السودان
Author: عبدالله احيمر
Date: 01-24-2010, 02:32 PM
Parent: #44
| Quote: ياها امكانياتنا نعمل شنو؟ |
كلنـا يا ماجـد ,
وما لحقت كلام ناسـك ديل بل تلت كلامهم
بس احتمال يكونوا بتكلموا عن المباني الجاهزة
|
Post: #47
Title: Re: انفاض شديد في اسعار الاراضي والعقار في السودان
Author: Hussein Mallasi
Date: 01-24-2010, 02:39 PM
Parent: #46
Quote:
ولكي اتثبت من صدقيتها اتصلت بمن لايمكن
ان يعطوني اخبارا مضللة ( اهل الجلد والراس ) |
كلٌ يصف الفيل من الزاوية التي يتلمسها!
|
Post: #49
Title: Re: انفاض شديد في اسعار الاراضي والعقار في السودان
Author: د.محمد حسن
Date: 01-24-2010, 02:59 PM
Parent: #47
| Quote: كلٌ يصف الفيل من الزاوية التي يتلمسها! ! |
صاح
|
Post: #48
Title: Re: انفاض شديد في اسعار الاراضي والعقار في السودان
Author: د.محمد حسن
Date: 01-24-2010, 02:40 PM
Parent: #46
عبد الله احيمر
اتصل فيني على الرقم 0565122959
|
Post: #50
Title: Re: انفاض شديد في اسعار الاراضي والعقار في السودان
Author: د.محمد حسن
Date: 01-25-2010, 05:00 AM
Parent: #48
اكتشفت من خلال هذا البوست اني صرت اجهل الناس باحياء اعاصمة
ارض الجولف
مسئولين من الخير وكت جات سيرة الرياضة
المدينة الرياضية حصل فيها شنو؟
قال جولف قال
مي اياها ام الحفر والا انا غلطان؟
|
Post: #51
Title: Re: انفاض شديد في اسعار الاراضي والعقار في السودان
Author: عبدالعزيز حسين عبدالرحيم
Date: 01-25-2010, 07:22 AM
Parent: #50
يا د. محمد حسن
هسع البوست دا سارح كدا وأنت في البوست ذكرت كلام
شرحنا ليك حسب فهمنا والله العالم كان صح كان خطأ
وجاء الأخ تبلدينا مشكور والواضح أنه موجود في السودان ووضح ليك أنو الأسعار ما زادت
وأتواصلت اكشافتك بي جهلك بي احياء العاصمة المثلثة القومية
نرجع كلامك الفي موضوع البوست دا وما عقبت عليه
المعلومات دي جبتها من وين وكيف والغرض شنو من ترويج الكلام الزي دا لانو مهم
هل هو وسيلة جديدة من وسائل السماسرة ؟
هل لترويع الناس ودفعهم لبيع اراضيهم ؟
هل ترويج كلام من النوع دا عندو علاقة بالانتخابات الجاية
ضروري لانو ما ممكن تجي تفك كلام مهم زي دا وتخليه
|
Post: #52
Title: Re: انفاض شديد في اسعار الاراضي والعقار في السودان
Author: د.محمد حسن
Date: 01-25-2010, 08:55 AM
Parent: #51
Quote: المعلومات دي جبتها من وين وكيف والغرض شنو من ترويج الكلام الزي دا لانو مهم
هل هو وسيلة جديدة من وسائل السماسرة ؟
هل لترويع الناس ودفعهم لبيع اراضيهم ؟
هل ترويج كلام من النوع دا عندو علاقة بالانتخابات الجاية
|
اولا المعلومة جاتني من السودان لانو عندي مشكلة تتعلق بالاراضي والعقارات ولم يكن في الحسبان ايرادها
ثم تأكدت من الموضوع عندما سالت اشخاصا آخرين لا يعلمون ان لي علاقة بالاراضي والعقار واكدوا لي المعلومة
وانا اوردتها كمعلومة
واضفت اليها تحليلي الشحصي
وليس لي قصد ولا بلبلة ولا يحزنون
ولاتحمل اخي الموضوع اكثر مما يحتمل
|
Post: #53
Title: Re: انفاض شديد في اسعار الاراضي والعقار في السودان
Author: خالد المحرب
Date: 01-25-2010, 09:06 AM
Parent: #52
اتمنى ذلك يادكتور والله خبركويس انا كان عندى احساس انو الاسعار حاتنزل
السودان كبير جدا حتى بعد الانفصال .. عاوزين نفكر نطلع من العاصمه شويه
|
Post: #54
Title: Re: انفاض شديد في اسعار الاراضي والعقار في السودان
Author: ماجد حسون
Date: 01-25-2010, 09:09 AM
Parent: #53
اها يا شباب مدينة النخيل بحرى الاسعار كيف ومستقبلها كيف
سواء كانت درجة اولى ثانية او ثالثة
|
Post: #55
Title: Re: انفاض شديد في اسعار الاراضي والعقار في السودان
Author: أيمن الطيب
Date: 01-25-2010, 09:28 AM
Parent: #54
سلام يا د.محمد حسن,,| Quote: الأراضي و العقارات عرض و طلب ، في مناطق ممكن تزيد لكن ما ممكن تنقص لأنو الطلب عليها دائما كبير مثل مناطق الرياض ، المنشية، غاردن سيتي، المعمورة و جزء من أركويت و في بحري الصافية ، شمبات ، بعض مربعات كافوري، المغتربين و بعض مربعات الحلفايا و كذلك بعض مناطق أم درمان خاصة المهندسين و مدينة النيل..لو حدث انخفاض ملحوظ عادة يكون في المناطق الجديدة.. |
تحليل الأخ الحاج حمد الحاج أعلاه من أقرب التحليلات إلى الواقع والحقيقة فى رأيى,, إضافة إلى ذلك منطقة الخرطوم نفسها!!
فكل المنطقة تشهد حركة عمرانية ملحوظة وكميات ضخمة من البنايات الكبيرة منتشرة فى أغلب نواحى وسط العاصمة وهذه لآ أظن أن أسعارها
إذا هبطت ستهبط كثيرا!! قد تهبط اسعار الإيجارات لكن أسعار الأراضى نفسها أو أسعار الوحدات السكنية ألله أعلم ولكن ليس من سبب واضح لذلك,,
حالة عدم الإستقرار التى يمر بها السودان ككل تؤثر سلبا فى كل النواحى ومن ضمنها إستثمارات العقارت التى كانت تعرف ب(الإستثمار الجبان) ولكنه فى حالة السودان فهو أفضلها أو هكذا ما ثبت حتى الأن,,
تحياتى
* حتى الآن لم نسمع عن اسعار قطع الأراضى والوحدات السكنية فى وسط الخرطوم الأم!!!!!
|
Post: #57
Title: Re: انفاض شديد في اسعار الاراضي والعقار في السودان
Author: Hala Hassan
Date: 01-25-2010, 09:35 AM
Parent: #55
ايمن الطيب،
| Quote: * حتى الآن لم نسمع عن اسعار قطع الأراضى والوحدات السكنية فى وسط الخرطوم الأم!!!!! |
هوهوهوووووووووووووو،،،،
كاشك تقيل معناها،
عينى باردة،،،،
على ما أظن كدة و التأكيد على العالمين ببواطن الامور،
سعر المتر يتراوح بين 1500-2000 دولار،،،،
و قامت تجرى لا تلوى على شئ،،،،،،،،،،،،،،،،،،،،
|
Post: #56
Title: Re: انفاض شديد في اسعار الاراضي والعقار في السودان
Author: عبدالعزيز حسين عبدالرحيم
Date: 01-25-2010, 09:31 AM
Parent: #54
د محمد حسن ليك التحية
Quote: وليس لي قصد ولا بلبلة ولا يحزنون
ولاتحمل اخي الموضوع اكثر مما يحتمل |
بالنسبة لي متفهم الوضع جداً لكن يا دكتور في ناس بتجي خاشه من بره بتقرى العناوين بس وفي ناس بتقرى الكلام بصورة غريبة وبتنقل لي غيرهم وغيرهم ديل بحرفوا وبغيروا الكلام وما تفتكر الكلام بمشي ساي كدا وعدد المشاهدات للموضوع قاربت ال3000 في ناس عندها حسابات كتيرة
كنت اتمني تجي تعقب وتقارن بين المعلومات الوصلتك والكلام الذكروه الناس الجات اتدخلت أما بالنفي لما ذكرته أو تدلل ليهم على صدق المعلومة وتحدث ليهم معلوماتهم
أشكرك على نفسك الطيب وليك كامل الأحترام والتقدير والمودة
|
Post: #58
Title: Re: انفاض شديد في اسعار الاراضي والعقار في السودان
Author: أيمن الطيب
Date: 01-25-2010, 10:12 AM
Parent: #56
سلام يا هالة حسن وشكرا للإفادة ,,Quote: على ما أظن كدة و التأكيد على العالمين ببواطن الامور،
سعر المتر يتراوح بين 1500-2000 دولار،،،، |
الله يطمنك يا خ والله ما ضرّاك,,
الفهم كويس ياخ,,
بالمناسبة دكتور محمد حسن دا الله يديهو العافية خلع ليهو ناس كتاااااااار وخلا تلفوناتم تتطاقش,,
شايف كميات من الجلسرين
إتدفقت هنا !!!
_____________________________________________________
لسة ترج رج ما فضت ليك وصدقينى بوست واحد ما بحلّك,,,
الناس فى شنو وإنتو شابكننا مجمع ناس النفيدى وأبراج
النخيل وأرض الغولف وأبراج الكنارى !!!!!!
تحياتى,,
|
Post: #59
Title: Re: انفاض شديد في اسعار الاراضي والعقار في السودان
Author: ماجد حسون
Date: 01-25-2010, 10:21 AM
Parent: #58
اها يا شباب مدينة النخيل بحرى الاسعار كيف ومستقبلها كيف
سواء كانت درجة اولى ثانية او ثالثة
|
Post: #60
Title: Re: انفاض شديد في اسعار الاراضي والعقار في السودان
Author: ود الباوقة
Date: 01-25-2010, 10:29 AM
Parent: #59
غايتو يا دكتور انا اشتريت
في الدوحة قبل سبعة سنوات
هس ما عارف بقت بي كم ..
|
Post: #61
Title: Re: انفاض شديد في اسعار الاراضي والعقار في السودان
Author: عبدالعزيز حسين عبدالرحيم
Date: 01-25-2010, 10:29 AM
Parent: #59
مرحب يا أخ ماجد حسنو
Quote: اها يا شباب مدينة النخيل بحرى الاسعار كيف ومستقبلها كيف
سواء كانت درجة اولى ثانية او ثالثة |
ياريت تورينا مدينة النخيل دي وين ولو امكن احداثياتها في القوقل ايرث كمان
وشكراً ليك
|
Post: #62
Title: Re: انفاض شديد في اسعار الاراضي والعقار في السودان
Author: Hala Hassan
Date: 01-25-2010, 10:47 AM
Parent: #61
يا ايمن الطيب،،
Quote: الناس فى شنو وإنتو شابكننا مجمع ناس النفيدى وأبراج
النخيل وأرض الغولف وأبراج الكنارى !!!!!! |
حالتو أنا بسأل لقريبى،
لسه ما فضيت لروحى،،،،
إنتو لسه شفتوا حاجة؟؟؟؟؟
________________________
ياخى لامن تشترى الملك فى وسط الخرطوم،،
كلمنا نجى نتصور،،
إحنا برضو زملاء............................
.........................................
................................بورد واحد!!
|
Post: #63
Title: Re: انفاض شديد في اسعار الاراضي والعقار في السودان
Author: عبدالرحيم أبراهيم العبيد
Date: 01-25-2010, 10:54 AM
Parent: #62
أسعار العقار في الجنوب
عشان نعمل مقارنه بعد الانتخابات
|
Post: #64
Title: Re: انفاض شديد في اسعار الاراضي والعقار في السودان
Author: محمد عبدالقادر سبيل
Date: 01-25-2010, 11:18 AM
Parent: #62
يا جماعة صححوني
رغم اهواء السماسرة وترويجاتهم والاعيبهم فانني ازعم بانني افلحت في اكتشاف القواعد التالية للتنبوء ورصد حركة تزايد اسعار الاراضي في السودان :
*الارض الصقيعة المخططة وفيها خدمات وسعرها في حدود العشرين مليون فاكثر تتضاعف اسعارها ( دبل ) كل سنتين ، يعني بمعدل 50% كل سنة حتى تصل المائة ألف ، ومن ثم تتزايد قيمتها بوتيرة اقل مالم يطرأ طارئ دراماتيكي على الموقع (مثل سوق جديد او ابراج او مركز خدمات الخ ).
*كما ان الارض التي تتجاوز قيمتها المائة ألف يقل الطلب عليها تدريجيا الى ان ينعدم تقريبا عند حدود المائتين ، مالم يكن الموقع صفويا صارخا( مثل الطائف والمنشية والرياض والصفا الخ).
* الاراضي التي تبدأ اسعارها باقل من عشرين وهي غالبا نائية جدا وعديمة الخدمات فلها قانون آخر لم استطع اكتشافه بعد خاصة وانها احيانا لا تحرز سعرها قبل سنة !!.
الكلام دا كله داخل العاصمة واطرافها المخططة رسميا وعندها شهادات بحث .
________________
اللهم لا تجعل الدنيا اكبر همنا ولا مبلغ علمنا
|
Post: #65
Title: Re: انفاض شديد في اسعار الاراضي والعقار في السودان
Author: Hala Hassan
Date: 01-25-2010, 12:12 PM
Parent: #64
الأخ ماجد حسون،،
Quote: اها يا شباب مدينة النخيل بحرى الاسعار كيف ومستقبلها كيف
سواء كانت درجة اولى ثانية او ثالثة |
مدينة النخيل دى بتاعة سوقطرة و لا حاجة تانى،،
حسب علمى البيع أنتهى فيها و فتحوا مخطط مجاور،
افتكر إسمو طيبة،،،
طبعا بعد ما الشركة تتم البيع،
ببدأ بعد كدة شغل السماسرة و الاسعار بتزيد،،
القطع دى كانت فى حدود العشرينات،،
ماعارفة حسه وصلت كم!!!
لكن حسب علمى المخطط دة مرغوب لدرجة،
نسبة لأن به خدمات الكهرباء، المياه،
الاسفلت، و الحدائق و المرافق الأساسية،،،
و على ما أعتقد سعرو ح يرتفع بمجرد ما يسكن أول زول،
أو بعد ما كبرى سوبا يكتمل أو يتم تشييدو،،،،
و العهدة على الراوى،،،،
|
Post: #67
Title: Re: انفاض شديد في اسعار الاراضي والعقار في السودان
Author: د.محمد حسن
Date: 01-25-2010, 12:21 PM
Parent: #65
Quote: لكن حسب علمى المخطط دة مرغوب لدرجة،
نسبة لأن به خدمات الكهرباء، المياه،
الاسفلت، و الحدائق و المرافق الأساسية،،،ì¡¡¡¡ |
هالة يا كريسين رونالدو في اعقار
لك ولكل المهتمين بالعقار الرابط ادناه ممكن يديهم فكرة
http://www.asuaq.com/?view=ads&catid=1&subcatid=124&cityid=129&lang=ar
مع شكري وتقديري لكل من تداخل
|
Post: #68
Title: Re: انفاض شديد في اسعار الاراضي والعقار في السودان
Author: Mahir Mohammed Salih
Date: 01-25-2010, 12:41 PM
Parent: #65
| Quote: وجنب مستشفى كدا حديثة اسمها بالسين شرق اللاماب بحر ابيض |
المستشفى دى إسمها سلف كير أو بست كير ،، وفيها نكتة جميلة ،، كونها إفتتحت إبان توقيع إتفاقية نفاشا،،
حيث قال أحدهم :
أها ،، متين جو فى الحكومة ومتين بقوا يبنوا مستشفيات ؟؟ وفى باله طبعاَ سلفا كير
ولا فى زول فيكم جاب سيرة الكلاكلة ،، تانى تجواااااااااا جنبنا ؟؟
ماهر
|
Post: #69
Title: Re: انفاض شديد في اسعار الاراضي والعقار في السودان
Author: سامى عبد الوهاب مكى
Date: 01-25-2010, 12:48 PM
Parent: #65
بخصوص الوادي الأخضر..انا وواحد صاحبي مغترب قررنا نمشي نشوف الوادي الاخضر وقلنا كمان نشوف اراضينا على الطبيعة...المهم..سايقين مسافة لحدي ما ضهري وجعني..نشيل ونسأل لحدي ما وصلنا لينا مكان كدا مبني زي الاشلاقات بالبلوكات..سمح ما عندو عوجة وشوارع وبداية تشجير..فرحنا فرحة لمن حسينا بالأمان..لقينا لينا مكتب اراضي عبارة عن اوضة واحدة خشينا ...نسأل عن سعر الارض ..قالوا لينا أول شي دي مالوادي الاخضر!!!!!!
ديـــــــــــــــــــــــك الوادي الاخضر بعد التل داك..مسافة بسيطة في زي حاجز ترابي كدا وقفنا العربية وطلعنا عشان نلقي ليك اوسع مكان ما فيه لا حجر لا شجر لا ارنب لا كربة لا عقرب ..غايتو نجرب نفتش فيه عن الدهب...
بالنسبة للاسعار أنا شايف مداخلة الاخ سبيل اقرب للمنطق....قبل 9 شهور اشتريت لي ارض في الواحة شرق (امدرمان) وهي المنطقة البعد مدينة النيل على البحر...كلفت بعد تسجيلها 97 مليون (بالقديم) بعدها بي ثلاث شهور مشيت مع صاحبي عشان يشتري لقيناها عملت 120 مليون..الان يقال انها بـ مابين 16-180 مليون!
|
Post: #66
Title: Re: انفاض شديد في اسعار الاراضي والعقار في السودان
Author: ماجد حسون
Date: 01-25-2010, 12:14 PM
Parent: #64
مدينة النخيل هى الاخت الصغرى لمدينة الفاتح وتقع جنوبها وتتبع لشركة سوقطرة
|
Post: #70
Title: Re: انفاض شديد في اسعار الاراضي والعقار في السودان
Author: ماجد حسون
Date: 01-25-2010, 02:00 PM
Parent: #66
مشيت موقعهم, لقيت كل المخططات بيعت
عندهم مخطط تانى اسمو طيبة شكلو القطع برضو فيهو خلصت ,
ممكن اعرف اسعار القطع فى طيبة الجديد ده كم؟
|
Post: #71
Title: Re: انفاض شديد في اسعار الاراضي والعقار في السودان
Author: ماجد حسون
Date: 01-26-2010, 01:48 AM
Parent: #70
فوق
|
Post: #72
Title: Re: انفاض شديد في اسعار الاراضي والعقار في السودان
Author: نادية عثمان
Date: 01-26-2010, 02:07 AM
Parent: #71
يادكتور
والله الأسعار طاااااالعة في السماء
وهسي أنا عارضة قطعة كافوري وكل يوم بتصلوا عشرات الناس والحمد لله
ماتبوظ علينا السوق ياااااخ ( وش ضاحك)
|
Post: #73
Title: Re: انفاض شديد في اسعار الاراضي والعقار في السودان
Author: د.محمد حسن
Date: 01-26-2010, 05:46 AM
Parent: #72
الاخوة المتداخلين جميعا
الخائف منهم والمترقب والطامع في انخفاض الاراضي
هنا في هذه المرة سأطرح وجهة نظري الشخصية جدا في مسالة الاراضي
من الملاحظ ان اغلى متر مربع في العالم هي الاراضي في السودان رغما عن
1-انخفاض القوة الشرائية التي تكاد تصل مرحل العدم في المجتمع
2- انعدام كافة الخدمات التي تساعد على رفع قيمة المتر
3- الوفرة في وجود الاراضي
اذا لمماذا هذا الغلاء الفاحش ؟
لا احد يستطيع ان يعطيك اجابة
وبغض النظر عن الاسباب الفعلية دعونا نطلق عليه ( الارتفاع غير المبرر) ولكن للنزوح نحو العاصمة بعض تاثير ولكن لا يمكن ان يكون هو سبب رئيس لهذا الجنون في الاسعار
إذا وفي حالة قيام حكومة جديدة على اساس ديموقراطي ( بغض النظر عمن يحكم فيها مؤتمر وطني او حزب آخر او تحالف احزاب - وفي توقعي ان لا حزب مفرد يمكنه ان يشكل الحكومة القادة ستكون هناك ائئتلافات )
ولان الحكم الديمقراطي جنح لحكم القانون ولان البرلمان لن يكون برلمان صوري ولان الاعلام سيسلق الناس بالسنة حداد فان الفساد سيتضاءا ويبدأ في الانكماش
فان اول اولويات الحكومة الجديدة سيكون منصبا على الزراعة ولان دول الخليج عامة ستتجه الى الاستثمار الزراعي والذي سوف يكون في الاقاليم مما يعني بداية الهجرة المعاكسة من المدن الى الارياف والتي في ظل وجود استثمارات ضخمة ستبدأ تنعم بخدمات اطلااقا لايمكن ان تجدها في المدينة لانني وبحكم عملي في السعودية واحتكاكي المباشر باصحاب المشاريع العملاق في السعودية اعهلم جيدا مستوى الخدمات التي يقمونها لمنسوبيهم في هذه الشركات وكيف انهم افادوا المناطق التي اقاموا فيها مشاريعهم وكيف تحولت الهجر الصغير الى مدن نامية
هذه الهجرة العكسية المتوقعة جدا جدا ستؤثر قطعا في اسعار كثير من السلع والخدمات في العاصمة مما يعني انخفاض الاسعار تقريبا الى 50% من قيمتها الحالية وربما اكثر
ياااااااااااااااارب
|
Post: #75
Title: Re: انفاض شديد في اسعار الاراضي والعقار في السودان
Author: بهاء الدين سليمان
Date: 03-15-2010, 01:45 PM
Parent: #73
دكتور محمد كيفنك
الشهرين مرو والله اسعار الاراضي طايره السمأ وين الدلجة دي
|
|