Post: #1
Title: صاحب البدله........حكايه صغيرونه!!
Author: مبيوع
Date: 01-23-2010, 00:38 AM
نظره مباشره من الفنانه ذات الجسد الفاتن والوجه المليئ بالمساحيق
كادت تجعله يحس بالندم على العمر الذى ضاع فى مطارات ومرافئ
وبرد تبكى منه الدببه
وهؤلاءالاستاذات لهن نظره لاتخيب فى مظهر المدعوين
مقروءه مع نظرات اعينهم
فالجلابيه والعبايه والعصايه يجب ان تصحبها رصانه ونظره ثابته وقوره
والبدله والكرفته والجزمه الملمعه
لا تشفع اذا كانت نظرتك زايغه والا كلامك مع جيرانك كتير
بكون ظاهر عليك انك (مخلوع ومستجد نعمه)
ظنت صاحبتنا انها التقطت فريستها (الزول اللابس بدله وقاعد ساكت)
لم تر ان يده كانت فى جيبه باحثا عن حبوب اللبراكس
والبخاخه فى ان واحد.. وهو يلعن فى سره اليوم الذى اتى به مجبرا لاحدى مناسبات الاهل
المزعجه والسخيفه.... -ياربى الفنانه دى تدقس وتنسى الزمن
وتغنى لحدى حداشر وربع ويجو الجماعه يكشوها هى وبتاع الاورغن
والساوند المزعجين ديل... والجماعه الكانو بحنسو فيها اثناء لحظات النشوه
يزوغو لانو ما فيهم زول فى الحكومه
نصهم من رجرجة ودهماء المغتربين
والباقين ناس اقاليم ساكت
اما سيد البدله دا.... فأول زول بزوغ وان شاء الله يعرف يصل بيتهم بعد داك!!!
الجعليه اسياد البلد ويييييييين....
فالتها وهى تنظر الى عينيه مباشرة
لكن سيد البدله ما اتحرك ولا حس
ياربى يكون الزول ال------- اداها معلومه غلط
الشوايقه اسياد البلد وييييييييين.....
وسيد البدله الوجيهه مطنش
الدناقله اسياد البلد وييييييييييييييييييييين.....
قالتها باخر نفس ووشها مكرضم
وصاحبنا برضو مطنش
(غايتو البلد دى ماعرفنا ليها سيد)
لو كنت من اسياد البلد كان الغربنى شنو خمسطاشر سنه يابت ال------
...مافى داعى!!
اما اسياد البلد من الشفع ومعهم بعض المتخلفين الكبار
فكانو يصرخون بطريقه هستيريه رافعى الايدى
لو كنتو اسياد بلد الوداكم تغتربو وتسكنو الاقاليم شنو؟
سأل صاحب البدله الجالس بجواره....
انت البلد دى سيدها منو بالضبط؟
فرد بخبث (الهلال سيد البلد)...
تذكر صاحب البدله انه رأى هذه العباره مكتوبه على علم يحمل شعار الهلال
عشية هزيمته بالخمسه داخل البلد
لم يعرف هل يضحك ام يبكى ام -----
انتهت الحفله فى تمام الحاديه عشرة
خرج صاحب البدله ووقف بجوار (الهايس التى تحمل الساوند)
مرت الاستاذه القديره الفنانه بجواره
فقال بصوت مرتفع ابدعتى يا استاذه
نظرت له الاستاذه بازدراء من تحت لى فوق
ولوت بوزها وطنطنت بعبارة لم يفهمها....................
|
Post: #2
Title: Re: صاحب البدله........حكايه صغيرونه!!
Author: مبيوع
Date: 01-23-2010, 11:14 AM
Parent: #1
التحيه لأولئك الاساتذه الاجلاء الذين يضربون
بتلك الاغانى النسيج الاجتماعى (المهنرئى اصلا) فى مقتل
والتحيه لكل الغبيانين الذين يحبون ان تنتفخ (الأنا) بتاعتهم لحدى ما تطرشق
والتحيه للعروس وابوها الذين اصرو على ان تحيى الاستاذه حفلهم العامر
والتحيه للحضور ممن شاركو بالزغاريد والهيصه والصراخ
والخزى والعار لصاحب البدله (الوهم)
|
Post: #3
Title: Re: صاحب البدله........حكايه صغيرونه!!
Author: مبيوع
Date: 01-23-2010, 11:55 AM
Parent: #2
والتحيه لمعظم اعضاء سودانيز اونلاين وخاصه ناس الخرطوم
والخزى والعار للقليلين منهم (لايتجاوز عددهم اصابعين اليدين والكرعين)
|
Post: #4
Title: Re: صاحب البدله........حكايه صغيرونه!!
Author: مبيوع
Date: 01-23-2010, 12:42 PM
Parent: #3
كما لايفوتنى فى هذا المقام ان ازجى التحيه والتبريكات والاحترامات
للطيب مصطفى الذى يصر على (تنبيهنا)على ان هذه البلد لاتسع الجميع
|
Post: #5
Title: Re: صاحب البدله........حكايه صغيرونه!!
Author: كمال علي الزين
Date: 01-23-2010, 02:36 PM
Parent: #4
(*)
بتمشوا لي السودان الجديد ده _ وقت أصلاً مابتتحملوا
أبقى مارق ..
(تاجي ساهر وييين ) ..
):
|
Post: #6
Title: Re: صاحب البدله........حكايه صغيرونه!!
Author: مبيوع
Date: 01-23-2010, 03:33 PM
Parent: #5
Quote: (*)
بتمشوا لي السودان الجديد ده _ وقت أصلاً مابتتحملوا
أبقى مارق ..
(تاجي ساهر وييين ) ..
): |
لسه راجى السودان الاجد من الجديد دا
وقاعد متحكر فى بيتى فى امدرمان ياكيمو
وتانى السفر الا اجازات
تاجى ساهر مختفى وجارى البحث عنو!!!!
سلام لكل الحلوين بطرفكم
|
Post: #8
Title: Re: صاحب البدله........حكايه صغيرونه!!
Author: مبيوع
Date: 01-23-2010, 06:24 PM
Parent: #7
ولك التحيات العطرات اخى د ابراهيم
غياب مبرر بالنسبه لى
وغير واضح- للزملاء
ها قد عدنا ولكنى لا ازال من بورداب المهجر
تحياتى ياجميل
|
Post: #9
Title: Re: صاحب البدله........حكايه صغيرونه!!
Author: مبيوع
Date: 01-24-2010, 11:48 AM
Parent: #8
*
|
Post: #10
Title: Re: صاحب البدله........حكايه صغيرونه!!
Author: مبيوع
Date: 01-25-2010, 10:44 PM
Parent: #9
والى المزيد من التحايا والتهانئ والتبريكات
|
Post: #11
Title: Re: صاحب البدله........حكايه صغيرونه!!
Author: مبيوع
Date: 01-28-2010, 07:53 PM
Parent: #10
*
|
|