|
بكري في اجازة ..... وظيفة قائد شاغرة !!
|
بكري ابو بكر رجل - كما تعلمون- يمشي في الاسواق ويأكل الطعام وبما ان الامر كذلك فمن الوراد مثلا ان يطلب الاخ بكري اجازة ولو مؤقتة من خلقنا دي ياخد فيها رااااحة ويبرد اضانو من عواستنا البنعمل فيها دي.... الاجازة دي نقوم نتخيلها لمدة شهر ياخد فيها الاسرة للتنزه في ديزني لاند او لاس فيقاس او يشم فيها هواء الله دا في شواطئ ميامي او اي شي من هذا القبيل..... نقوم نفترض تاني انو حا يقطع تلفونو خالص خالص في مدة الشهر دي لانو قرر يسد دي بطينة والتانية بي عجينة عن اي شي يتعلق بشي اسمه سودانيز اون لاين دوت كم.......سؤالي بسيييييييييط , منو بتقترحوا انو يقوم بقيادة البورد في حال غيابه المؤقت هذا.
|
|
|
|
|
|
|
|
Re: بكري في اجازة ..... وظيفة قائد شاغرة !! (Re: انور التكينة)
|
Quote: عليك الله غير صورة البروفايل. |
حا اغيرا وحا اضرب ليك تلفون لووووووول بس رد
Quote: الكوزنة اهلها ناكرنها اليومين ديل |
يا ود التكينة (الكوزنة) بقت ظاهرة سلوكية ادخلت مؤخرا في دراسة علم الاجتماع..... الكوزنة اصبحنا الان ننظر اليها من هذا القبيل اكثر من نظرتنا اليها كانتماء سياسي.
شكرا مجددا لخطوك الميمون بهذا الخيط
| |
|
|
|
|
|
|
Re: بكري في اجازة ..... وظيفة قائد شاغرة !! (Re: عبدالله محمد احمد بلة)
|
Quote: رغم اني سجلت امس القريبة دي .. بس ما عندي مانع في قيادة المنبر .. بناء علي رغبة الجماهير وكدة |
عبدالله محمد احمد بلة... مرحب بيك يا رجل في حوش بكري ونتمنى ليك اقامة سعيدة ونوعية خالية من اي دقداقات او مطبات اسفيرية... عندك تلاتة شهور تست لجس القدرات الاسفيرية سنراقبكم فيها مراقبة لصيقة بعدها يكون قرارنا في امر قبول ترشحكم لهذا المنصب الخطير لووووول.
تحياتي واطيب التمنيات
| |
|
|
|
|
|
|
Re: بكري في اجازة ..... وظيفة قائد شاغرة !! (Re: عبدالله محمد احمد بلة)
|
Quote: رغم اني سجلت امس القريبة دي .. بس ما عندي مانع في قيادة المنبر .. بناء علي رغبة الجماهير وكدة |
انا خطرت لي فكرة اجمل .. انا في انتظار موافقة بكري لمنح ( واحدة) عضوية المنبر .. لو اخذت العضوية والباسورد ح تنزل ع طول وتباشر مهام الوظيقة القيادية. اها يا باشمهندس .. لقينا ليك قيادية لقطة .. اديها العضوية ونوم قفــــا
| |
|
|
|
|
|
|
|