بيل قيتس بعد ما ساب مايكرو سوفت و اتفرغ للاعمال الخيرية , قرر يشرك العالم فى افكاروا. اليوم تم افتاح الموقع اللى ح يكتب فيه قيتز his notes. ح يتكلم فى الموقع عن المنظمة الخيرية بتاعته....عن كتاب قراه...عن اجتماع كان فيه... عن البئية ...عن الفقر...عن التكنولوجيا....
شكرا اسمارت علي الموقع بيل قيتس من اكثر الشخصيات الأثرت علي مسيرة الانسانية في تاريخها كلو لكن تقاعد شخص زي بيل غيتس طبعا بكون تقاعد غريب ما حيكون ضمنة وكشتينة وكشك جرايد خشيت الموقع وقريت افكاره واتذكرت الزول النزلوه معاش في السودان وبقي جاري بعد العمر ده كلو بعد نقة المرة بقي سمسار فجا راجع اول يوم مسخن شديد وتعبان وقهران المرة بدت تسأله وتستجوبه قال ليها يامرة هوي ساعدينا بالصمت والموية الباردة.
آن لبيل ان يجلس في قيلولة التقاعد ويصرف المليارات في الاعمال الخيرية مسيرة رجل تستحق التقدير بما فيها من عبقرية وذكاء وصبر وعزيمة
GamarBoBa ...شكرا جزيلا على تعليقك.... فعلا بيل قيتس ما زول (ساى). هو زول عندو vision عظيمة جدا. و ح تكون حاجه جميلة جدا ان الناس تكون عارفه زول ذيوا بيفكر فى شنو و بيقرا فى اى كتاب الايام دى. ما عشان (هوس متابعة النجوم) لكن عشان بس نعرف العالم ماشى على وين و المفكرين و العلماء الان عينهم على شنو . الكلام ده ما مفيد لو كان عندك شركة عاوز تطورها او لو شغال فى شركة و عاوز تجى بافكار مفيده ...فقط. ابدا حتى لو كنت عاوز تشارك فى اعمال خيرية فى السودان او فى كل العالم. خا صة ان مؤسسة بيل قيتس الخيرية بتعمل فى حجات السودان محتاجها جدا ذى محاربة الفقر و الملاريا و الجهل. _________________________ مؤسسة بيل قيتس الخيرية ما بتشتغل فى السودان بسبب العقوبات الامريكية على السودان.
Quote: مؤسسة بيل قيتس الخيرية ما بتشتغل فى السودان بسبب العقوبات الامريكية على السودان.
أها ده الألم زاتو يا سمارت...
لكن بالنسبة لي ده:
Quote: بيل قيتس بيفكر فى شنو الايام دى?
بسألوا ليك إن شاء الله لو ربنا هوّن القواسي...
Post: #5 Title: Re: بيل قيتس بيفكر فى شنو الايام دى? Author: Adil Al Badawi Date: 01-21-2010, 08:03 PM Parent: #4
سلام يا سمارت،
Quote: لكن عشان بس نعرف العالم ماشى على وين و المفكرين و العلماء الان عينهم على شنو
شوفي رفيق دربو (الرئيس التنفيذي، السابق، للتقنية بمايكروسوفت)، نيثان ميلفورد، بفكّر في شنو! الـFreakonomist (العالم المشكنِب، أكان ما مشكنِب بخلّي مايكروسوفت) دا عاوز يحل "مشكلة" الاحتباس الحراري بتوصيل "خراطيش" للفضاء عشان يرش الهواء بثاني أكسيد الكبريت!
لكن دا ما أهمّ شيء بفكّر فيهو العبقري دا (بدأ دراسته الجامعية وسنّه أربعة عشر عاماً وحصل على الدكتوراة في الثالثة والعشرين من عمره) وإنّما الرجل ترك مايكروسوفت وغيرها ليستغل ثروته المهولة في تمويل كافّة أنواع البحث العلمي وليؤسّس شركة تخصّصها تمويل المخترعين وتملّك مخترعاتهم (تملك شركته مائتي ألف براءة اختراع وتقدِّم لخمسمائة طلب للحصول على براءات اختراع في العام):
سمارت ازيك: شكرا علي الموضوع المهم .. في رايي تقاعد بيل قيتس عن مايكروسوفت أحسن حاجه عملها, عشان يتفرغ لينا للfoundation حقته, اللي بتقوم بعمل عظيم وبتقدم منح سخيه, خصوصا في مجال الصحه في الدول الفقيره ..
شوفي براك:
The Gates Foundation has quickly become a major influence upon global health; the approximately US$800 million that the foundation gives every year for global health approaches the annual budget of the United Nations World Health Organization (193 nations) and is comparable to the funds given to fight infectious disease by the United States Agency for International Development.[18] The Foundation currently provides 17% (US$86 million in 2006) of the world budget for the attempted eradication of poliomyelitis (polio).
The Global Health Program's other significant grants include:
The Global Alliance for Vaccines and Immunization
Children's Vaccine Program
University of Washington Department of Global Health
HIV Research
Aeras Global TB Vaccine Foundation
Visceral Leishmaniasis Research
* نقلا عن الويكيبيديا بتصرف ..
Post: #7 Title: Re: بيل قيتس بيفكر فى شنو الايام دى? Author: Mamoun Ahmed Date: 01-21-2010, 10:18 PM Parent: #6
ياسلام علي العظماء عظيمة دواخلهم
بالمقارنه الغير ظالمة انظرو للاثرياء عندنا
انا متاكد اعدة تاهيل مستشفي في السودان ما بتتجاوز تكلفة بيت من بيوتهم
سلاما ت AnwarKing تهوين القواسى ده - ذى ما قلت انت- توفيق ربانى.
Adil Al Badawi عارف ان زولك ابو شنبات ده برضو مصور محترف و حائز على جوائز فى التصوير الفتوغرافى للطبيعة و الحيوانات البريه? He is something
سلامات يا امانى...شكرا على المعلومات المهمة عارفه يا امانى اكتر حاجه عجبانى فى المؤسسة الخيرية بتاعته* انه بيديرها ذى ما كان بيدير شركته. لو عندك فكرة كويسة مفروض تعرضها على المؤسسة ...لكن ...لازم تكون معاها دراسة جدوى معتبرة تثبت ان الموضوع ده جايب همو. هى فعلا منظمة خيرية لكن Sustainable . و ده اهم حاجه فى لحجات اللى ذى دى.
سلامات Mamoun Ahmed
Quote: ياسلام علي العظماء عظيمة دواخلهم
بالمقارنه الغير ظالمة انظرو للاثرياء عندنا انا متاكد اعدة تاهيل مستشفي في السودان ما بتتجاوز تكلفة بيت من بيوتهم لكن الفهم القاصر هو سيدهم
لازم ابدى كلامى باعترافى الكامل بدور قيتس و مؤسسسته فى الاعمال الخيرية. و برضوا هو قدر شنو عبقرى و شخصية فوق العاده. لكن قيتس ما ملاك...كمية الشركات اللى انتهى منها بسبب الاحتكار او بسبب ان مايكروسفت اشترتها (عشان تبعدها من المنافسة) و بعد كده ببساطة دمر الشركة ما هين. الزول ده كان عبارة عن سمكة قرش فى سوق البرمجيات...ما بيرحم. وتاريخه فى المحاكم الامريكية يشهد. __________________________________ *الفاوندشن باسمه هو و زوجته
Quote: مؤسسة بيل قيتس الخيرية ما بتشتغل فى السودان بسبب العقوبات الامريكية على السودان.
لانى من قريت الموضوع بتاعك وشفت اللينك قلت ياخى اجهز المستندات الخيرية والوثائق وارسلها للزول دا حسي مافى غير حل واحد وهو طلب ان لم يكن رجاء تخاطبيهم انت بالانابة عنا .. سوف افيدك بالمشروعات الخيرية .. وقبلها ارجو مراسلتهم لافادتنا عن المطلوب بالضبط .. مع العلم سبق اننى استلمت ادوية ومعدات طبية من طرف منظمات طوعية وخيرية بواسطة د. متوكل بكاليفورنيا ووصلت عن طريق دبي بطيران الامارات
Quote: لكن قيتس ما ملاك...كمية الشركات اللى انتهى منها بسبب الاحتكار او بسبب ان مايكروسفت اشترتها (عشان تبعدها من المنافسة) و بعد كده ببساطة دمر الشركة ما هين. الزول ده كان عبارة عن سمكة قرش فى سوق البرمجيات...ما بيرحم. وتاريخه فى المحاكم الامريكية يشهد.
يعنى مما منو خير ؟؟ ننسى الموضوع __________
انا خايف يقول ما بساعد الافارقة زاتو لانو شكلو صهيونى ولا ايرلندى ما عارف ..
Post: #11 Title: Re: بيل قيتس بيفكر فى شنو الايام دى? Author: smart_ana2001 Date: 01-22-2010, 00:20 AM Parent: #10
سلامات يا تبلدينا....كيفك? بيل فيتس ما اظن انه صهيونى. لكن على كل حال هو مسيحى (متشدد). و اغلب شغل مؤسسته الخيرية فى افرقيا و اسيا. ومن ناحية (منو خير)...منو خير ...و خير كبير. حقيقى انا ما عرفه النظام فى الفوندشن بتاعهم كيف ...لكن متاكده انهم ما بيشتغلوا فى السودان. و متاكده انهم ما بيقبلوا بمشاريع ما بتشيل روحها. يعنى ما تجى تقول ليهم عاوز افتح عياده مجانية. لانهم عارفين انهم بعد ما يبنوها لازم زول يدفع مصاريفها الشهرية من مواهى و صيانة وكده. معليش.. ما ح اقدر اساعدك... لانهم فى النهاية ما بيشتغلوا فى السودان.
Post: #12 Title: Re: بيل قيتس بيفكر فى شنو الايام دى? Author: Tabaldina Date: 01-22-2010, 00:30 AM Parent: #11
