Post: #1
Title: اهداء الي ايمن الطيب ادفقي
Author: محمد طه الحبر
Date: 01-20-2010, 12:35 PM
Parent: #0
اوضح تسجيل بعد المعالجات التقنيه للصوت
|
Post: #2
Title: Re: اهداء الي ايمن الطيب ادفقي
Author: محمد عبد الماجد الصايم
Date: 01-20-2010, 12:39 PM
Parent: #1
يا زول هوووي
أيمن الطيب دا بتعرفو من وين!
نوبي بتاع تركيب ساي .. أيمن دا بعوّق!
|
Post: #3
Title: Re: اهداء الي ايمن الطيب ادفقي
Author: فيصل نوبي
Date: 01-20-2010, 12:55 PM
Parent: #2
تعرف يا ود الصايم
صاحبكـ ده ذكرني نكتة المسطول مشي للدكتور و عمل ليهو صور أشعة
الدكتور قال ليهو عندكـ إنتفاخ في الرئتين و ثقب في القلب
عاين للدكتور كده و قال ليهو الصورة دي من قدام ولا ورا 
|
Post: #4
Title: Re: اهداء الي ايمن الطيب ادفقي
Author: محمد حيدر المشرف
Date: 01-20-2010, 01:03 PM
تسجيل واضح جدا ..
أيمن الطيب من نواحيك السلام .. وشكرا يا الحبر
|
Post: #5
Title: Re: اهداء الي ايمن الطيب ادفقي
Author: Amira Elsheikh
Date: 01-20-2010, 01:15 PM
Parent: #4
شكرا اخ الحبر,,,,,,,,,,
,,,والله نفسي من زمان افتح بوست باسمو بس سبقتنى ودا جميل مابنساهو ليك طول العمر,,,
تعال يا ايمن وادفق هنا
_____________________________________
الاهدا ايضا الى الزميل عبدالماجد الصائم,,,والاخت ندى عثمان حسن بماسبة العضوية
|
Post: #6
Title: Re: اهداء الي ايمن الطيب ادفقي
Author: أيمن الطيب
Date: 01-20-2010, 01:37 PM
Parent: #5
Quote: كلمات قاسم ابوزيد
ادفقي ما تكونى رقراق
ابقي ياضل ياشموس
غطي الساحات بالوضوح
استنهضي الشوق البدوح
وهجك شوارع ذاتي في ليل اليباب
ما تشفقي العطش الرحيل
النيل ركيزة ودمعة الاحباب سحاب
ما تخافي من دم الغروب
لو رتش اللوحة الضباب
ما دام ضمير الفينا حي
ما دام عريق العشق حي
ملحوقة يامدن السراب
نديانة بفرح التساب
ادفقي فيضان عمر وفجي الوجع
دمع الالم ما يهددك ما خاب غناك
فارسك رجع ..
اتوهجي انت الشمس اتلهجي
نورك سطع نور بوادينا الكساح
رقصت مزامير الصباح
مبكية قرية وقنبلة
مسقية دمعة وسنبلة
الليلة في ايدنا السلاح
ريشة ..وكدنكة .. ومطرقة ..
نبنيك احسن يا ظروف ..
مخضرة دانية القطوف ..
نطوي المسافات نسبقا
ادفقي بلدك فداك .. اتوهطي
وري البنيات العزيز
محمية بعرق الترابلة ونغمتك
مسقية بالريد العتيق ..
انغام ربباتك تشيل معزوفة الليل والرفيق
ما تصغري تكبر اماني السنبلة هيا اكبري
تصغر معاني القنبلة
ما ترجعي الصد للمدائن والقرى
شيلي الشحوب والاصفرار
ادي البويتات منظرا
ادفقي في كل شارع وكل بيت
في روابينا المحنة في ضمائرنا السهول
ادفقي في كل حتة وكل زول
وابقي شان تحي الفصول |
سلام يا ود الحبر,,
سلام كبير بحجم كلمات هذه الأغنية الرائعة,,
ليس بالإمكان أن أحكى هنا ولا فى أى مكان آخر,,
عما تعنيه هذه الأغنية ,,| Quote: النيل ركيزة ودمعة الاحباب سحاب |
فى ذكرى الأصدقاء وإخوان الإنسانية,,
تفرقت بنا السبل وإحتوتنا المنافى,,
فى ذكرى مصطفى,,
ياخ يعجز لسانى عن شكرك,,
بقدر كم الألم والحزن الذى تثيره أغانى زمان محفور فى الوجدان,,
بقدر الفرح بأننا عشناها وما زلنا نعيشها فى أعماقنا,,
رغم أنف الزمن الشين..
شكرا شكرا محمد الحبر,,
وخليك كدا,,
لا يأتى منك إلا مثل هذا الجمال,,
_____________________________
عميق إمتنانى ومودتى,,
|
Post: #7
Title: Re: اهداء الي ايمن الطيب ادفقي
Author: أيمن الطيب
Date: 01-20-2010, 02:03 PM
Parent: #6
Quote: أيمن الطيب دا بتعرفو من وين!
نوبي بتاع تركيب ساي .. أيمن دا بعوّق! |
ودالصايم يا عمك,,
ياخ شوقنا إتدفق هنا ده,,
بعدين عويق هنا ما معانا,,
لو حدث ما حدث,,
فبمثل هذه الكلمات,,
أعلاه,,,
ترفع الأقلام,,
ونبقى أخوان إنسانية,,
,,,
Quote: تسجيل واضح جدا ..
أيمن الطيب من نواحيك السلام .. وشكرا يا الحبر |
يا دكتور محمد حيدر,,
ناس قطر,,
ما أعرفه تماما أنك قد تاورتك أيام جميلة بعيدة,, ,,,
السلام أطنان,,
أميرة الشيخ,,Quote: شكرا اخ الحبر,,,,,,,,,,
,,,والله نفسي من زمان افتح بوست باسمو بس سبقتنى ودا جميل مابنساهو ليك طول العمر,,,
عقبال بوست باسم ناس لفة المركز الاسلامى,,,,,
تعال يا ايمن وادفق هنا |
رغم التعديل,, كان تكلمينى أنا ,,
أتدفق أكتر من كدا أعمل شنو يعنى!!
ود الحبر سواها فينا,,
ياخ زول يهدى ليك إتدفقى!!!!!!!!!
دا وجع قلب ووجع زمن زاتو,,
بوباى شهر كدا ما بجى حايم بى هنا هسه بكون إتدفق ونشف,,
تحياتى,,
________________________________________________
وتانى وتالت شكرا لمحمد الحبر,,,
|
Post: #8
Title: Re: اهداء الي ايمن الطيب ادفقي
Author: محمد طه الحبر
Date: 01-20-2010, 02:06 PM
Parent: #6
شكرا اميره
اخي ايمن
الاغنيه تحمل كلمات روعه
وكما قالت الاخت أميرة الشيخ
اهداء ايضا للاخت ندى عثمان حسن بماسبة العضوية
تحياتي لكم جميعا
|
Post: #9
Title: Re: اهداء الي ايمن الطيب ادفقي
Author: محمد عبد الماجد الصايم
Date: 01-23-2010, 06:58 AM
Parent: #8
تسلمي يا بت الشيخ على الإهداء
|
Post: #10
Title: Re: اهداء الي ايمن الطيب ادفقي
Author: حاتم علي
Date: 01-23-2010, 07:05 AM
Parent: #9
شكراً محمد طه الحبر
تسجيل جميل و وواضح
تسلم على هذا الجمال
|
|