Post: #1
Title: للاسف ... للاسف
Author: نجلاء قرافي
Date: 01-19-2010, 05:17 PM
للاسف اكثرية الذين يدعون انهم ينظرون للمرأه علي انها شريك اصيل يمارسون استعلاء ذكوري عليها
هناك من اعرفه بمواقفه الجيده مع قضايا التمييز ضد المرأه وجدته واستفسرته عن حاله وحال خطيبته تلك البت الجدعه قال لي بكل استهتار
ـ انفصلنا
ـ ليه ؟
ـ تخيلي لقيتها في مظاهره
ـ اها وبعدين
ـ شنوالبعدين عملت ماشايف ...ولما واجهتها تصوري مانكرت .
والامثله كثيره
جاياكم
|
Post: #2
Title: Re: للاسف ... للاسف
Author: قرشـــو
Date: 01-19-2010, 05:23 PM
Parent: #1
سلام يا نجلاء
يا اختى نوع المظاهرة شنو ؟
وبعدين ده ما ليه اى علاقة بالاستعلاء الذكوري
يا جماعة ...............
|
Post: #3
Title: Re: للاسف ... للاسف
Author: نجلاء قرافي
Date: 01-19-2010, 05:47 PM
Parent: #2
ياقرشو هي المظاهرات في السودان بتطلع لاسباب واضحه شدييد اما للاعتراض علي نظام حكم او للاعتراض علي ممارسه محدده لنظام ما
وعلي فكره هوقال لي خليتها مش انفصلنا .
المظاهرات دي ماحقت الرجال والسجن للرجال انتن شن حشركن يانسون
البخلي كائن حي رقيق يطلع في مظاهرات شنو؟؟؟؟
|
Post: #4
Title: Re: للاسف ... للاسف
Author: Mohammed Haroun
Date: 01-19-2010, 06:20 PM
Parent: #3
البخلي كائن حي رقيق يطلع في مظاهرات شنو؟؟؟؟
____________________________
أختنا بت قرافي حبابك ومرحب بيك في سودانيز أون لاين ... أنا والله الكائنات الحية الرقيقة دي بحن عليها وما بريد ليها البهدلة... الوليدات البربيهم منو كان إنتن دخلتن السجون واتبشتنتن ... يا زولة كلمة استعلاء دي ذاتا كلمة ما راكبة عدلا.
تحياتي
|
Post: #5
Title: Re: للاسف ... للاسف
Author: نجلاء قرافي
Date: 01-19-2010, 09:31 PM
Parent: #4
مرحب بي ترحيبك محمد هارون
تفتكر لما المرأه تشارك كبني ادم في القضايا العامه دي بهدله يعني
اديها طله علي الشماليه النسوان بيليسوا الحيط ويجيروا وهوعمل نسوان محض
واديها طله عالغرب وشوف مريومه بتزرع وتحصد وتربي العيال .
بقت علي المظاهرات بس يعني
ولا المظاهرات دليل علي الوعي والتعبير الفعلي عن راي وفكره وده بيغيظ ادم شدييد واكيد ماكل الادمات .
|
|