Post: #1
Title: وفاة خريج بصعقة كهربائية بجامعة السودان
Author: عبداللطيف محجوب
Date: 01-19-2010, 10:50 AM
لقي طالب بجامعة السودان»المركز» مصرعه نتيجة صعقة كهربائية اثناء شربه الماء من المبرد، داخل حرم الجامعة. وكشفت مصادر شرطية بأن الطالب خريج وانه جاء الى الجامعة لاستخراج شهاداته، واثناء شربه للماء من المبرد تعرض لماس كهربائي ،وحاولت ادارة الجامعة اسعافه لكنه فارق الحياة، موضحة بأن الشرطة اتخذت اجراءات وحولت الجثمان الى مشرحة الخرطوم لمعرفة اسباب الوفاة.
اللهم أغفر له وأرحمه ..
|
Post: #2
Title: Re: وفاة خريج بصعقة كهربائية بجامعة السودان
Author: محمد عبدالقادر سبيل
Date: 01-19-2010, 11:26 AM
Parent: #1
بسم الله
يازول كيف بتورد خبر زي دا بدون تحديد
في كم زول هنا عندو ولدو او قريبو خريج جامعة السودان السنة دي
حدد بسرعة ياخ
اسم الطالب
هداك وهدانا الله
_________________
حسبنا الله ونعم الوكيل
|
Post: #3
Title: Re: وفاة خريج بصعقة كهربائية بجامعة السودان
Author: مناهل ابراهيم
Date: 01-19-2010, 12:03 PM
Parent: #2
بلد عجيبه
فى جامعة الخرطوم مجمع شمبات قبال ده كنا بنشرب مويه من الكولر مختلطه بمياه الصرف الصحى وبعد ده سخنه والكولر مصدى وبتقطع طلعنا مظاهره نسائيه امام الداخليه ووقفنا فوق الظلط الى ان اتوا وضربونا لكن صمدت معنا الاستاذه الراحله عنا نازك محجوب وفى داخلية الطلاب مجمع شمبات بجامعة الخرطوم توفى طالب داخل حمام الداخليه لان المويه النازله مع الدش مارى فيه سلك كهربائى وتوفى بسقطه كهربائيه جوا ناس الصندوق لملموا الموضوع وهم خايفين برضو فى طالبين فى يوم الكتاحه الشديده المرت بالعاصمه القوميه هم عندهم محاضره الصباح بدرى وهم برالمه المويه كانت قاطعه كالعاده فى داخليات صندوق دعم الطلاب نزلوا البحر غرقوا وفى داخلية مجمع شمبات توفيت طالبه لانها لم تجد الاسعافات الاوليه لان الداخليه ليس بها صيدليه واذا مرضنا نحن الطالبات علينا بالخروج منتصف الليل لاحضار عربه او رقشه او امجاد على حسابنا والذهاب الى احمد قاسم او اقرب مستشفى وتاتى المشرف فى لحظة الركوباالى متى هذا الاستهتار والى متى ستمر هذه الاحداث دون محاسبه او اقلاها اقاله المسؤلين .
|
Post: #4
Title: Re: وفاة خريج بصعقة كهربائية بجامعة السودان
Author: عبداللطيف محجوب
Date: 01-19-2010, 12:19 PM
Parent: #2
Quote: بسم الله
يازول كيف بتورد خبر زي دا بدون تحديد
في كم زول هنا عندو ولدو او قريبو خريج جامعة السودان السنة دي
حدد بسرعة ياخ
اسم الطالب
هداك وهدانا الله |
الخبر يا عزيزي نقلاً عن موقع النيلين الأخباري ..
http://alrakoba.com/news-action-show-id-19650.htm
..
وبعدين أنا لو عارف إسمو البخليني شنو ما أقولو .. ولا ما بفكر نفس تفكيرك الخارق ده .. !!
الله يهدينا ويهديك ياخ ..
بالله لو في زول عارف إسمو يقول لينا ..
إحتراماتي ..
|
Post: #5
Title: Re: وفاة خريج بصعقة كهربائية بجامعة السودان
Author: محمد الشيخ أرباب
Date: 01-19-2010, 12:22 PM
Parent: #4
تقصد الراكوبة يا عبداللطيف
|
|