منبر بكري دا مابجيهو تاني الا بعد اتزوج رأيكم شنو؟

عشان اكون زول كبير وواعي

والدقون تتلاحق اذا حصلت مشكله

إن شاء الله بس ما تكون ناوي تتزوج قريب ؟

وانا عارف في ناس اتصلو لبكري ابوبكر عشان يسحب العضويه مني

لكن بكري ما اضينه

وتاني متأكد في ناس بكونو اتصلو بيهو


دا اسمو المنبر الحر

الحكم ما بالسن الحكم بالآراء والعقل والفهم







------------------------------------------------------------
لايعني هذا بانني قمه الفهم
لكن لا تحقرن صغيرا ان الجبال من الحصي

Quote: عشان اكون زول كبير وواعي

يعني العرس حا يبقيك كبير و واعي ؟؟؟

رجاحة العقل يا الحبر يا إبني لاتقاس بالعمر

او الزواج؛

واحترام الكبير برضو ؛

احمد ولدي(عمره 6سنوات) لمن يجينا ضيف

بمشي لامو وبقول ليها يلا الموية والشاي

عمو قاعد في الديوان مع بابا .

فانت راجل مُتعلم وبتقرا في الجامعة ؛

وبعد شوية ح نجي نركب الطيارة وتخاطبنا من قُمرة القيادة

معكم الكابتن محمد طه الحبر ؛وتتمني لينا رحلة سعيدة؛

أحترم الناس تحترمك .

__________

تحياتي؛؛؛

Quote: عشان اكون زول كبير وواعي والدقون تتلاحق اذا حصلت مشكله

خطأك بإنك كتبت عمرك في بروفايلك ..

مع إنو إنتا عارف إنو الدولة الثالثة دي الناس قبل ما يقرو ليك .. لازم يشوفو مؤهلاتك وعمرك وخبرتك .. لو كتبت دكتوراة في الما عارف شنو .. وعمرك 45 .. ومدير ما عارف شنو كده .. تلقى الخلق دي كلها بتقرأ ليك .. وترد عليك رد احييييي بس ..

..

واصل يا ود الحبر ..

والله يشفي كل المرضى*






_____________________________
* المرضى هنا مقصود بيهم المرضى النفسانيين.

Quote: منبر بكري دا مابجيهو تاني الا بعد اتزوج رأيكم شنو؟

فى ناس كتار رايهم بكون عايزنكـ تعكسها وتقول :

Quote: بعد اتزوج رأيكم شنو؟

Quote: منبر بكري دا مابجيهو تاني

؟؟؟!!!!!!!!!!

Quote: عشان اكون زول كبير وواعي

يامحمد
انت ابن طه الحبر البشير الكباشى (الطيار)
كان بقيت ياهو ياكا صغيرونى وخلى بكري
يشطبك ويعيد تسجيلك تانى
وسلامى الكثير جدا جدا لهذا الرجل الفاضل ان كان ابوك
وقول لية عبدالمنعم مالك
النيل دله سابقا بسلم عليك كثير السلام

Quote: منبر بكري دا مابجيهو تاني الا بعد اتزوج رأيكم شنو؟

ما تخليها بعد تتزوج و يجيبوا ليك تيمان ( ولد و بنت )

الحبر

كدى قبل ما تزوج وتزوغ من المنبر وتجى كبير!
فى بوست التخريج داك سالتك سؤال وشايفك عملته سرحان فى الميدان!!

منتظر اجابتك!!


ــــــــــــــــــــــــــ
لو السؤال صعب قول صعب!!

مع حق الاخ الحبر في الوجود في هذا المنبر
وضد الحملة الجائرة ضده تحت اسم السن وما ادراك ما السن

في هذا المنبر تقال اشياء اسؤا مما كتبها العضو الحبر ولا نجد هذا الهجوم على كاتبيها


وقد اهلك من كان قبلكم انهم اذا سرق فيهم الشريف تركوه واذا سرق فيهم الضعيف اقاموا عليه الحد .

اكتب يا زول ولا يهمك بل اخضع لضميرك فقط .

Quote: مع حق الاخ الحبر في الوجود في هذا المنبر وضد الحملة الجائرة ضده تحت اسم السن وما ادراك ما السن في هذا المنبر تقال اشياء اسؤا مما كتبها العضو الحبر ولا نجد هذا الهجوم على كاتبيها وقد اهلك من كان قبلكم انهم اذا سرق فيهم الشريف تركوه واذا سرق فيهم الضعيف اقاموا عليه الحد . اكتب يا زول ولا يهمك بل اخضع لضميرك فقط

مافى زول عندو وصايه على زول هنا فى المنبر..الا من فرض وصايته على الناس !

انا عندى سؤال ومنتظر اجابته!

العايز اقعد ممكن اقعد..والعايز يمشى بقول ليهو رعاك الله


ـــــــــــــــــــــــــــــــــ
راى حـر!

محمد طه ، سلام
مافي زول إعترض علي سنك ، الناس اعترضت علي شتيمتك و إسائتك لرجل في عمر والدك !

Quote: مع حق الاخ الحبر في الوجود في هذا المنبر وضد الحملة الجائرة ضده تحت اسم السن وما ادراك ما السن في هذا المنبر تقال اشياء اسؤا مما كتبها العضو الحبر ولا نجد هذا الهجوم على كاتبيها وقد اهلك من كان قبلكم انهم اذا سرق فيهم الشريف تركوه واذا سرق فيهم الضعيف اقاموا عليه الحد . اكتب يا زول ولا يهمك بل اخضع لضميرك فقط

عادل عبد العاطى ياخوى كلامك دا ماسليم..
القضية ماقضية عمر ومافى زول معترض على وجود شباب صغار سن فى المنبر..
قصى همرور طيلة وجوده فى هذا المنبر وهو صغير سن لم يجد إلا الإستحسان والإ حترام والتقدير..

فى السودان ياعادل لو أنا وانت إتشاتمنا فى الشارع بتكون حاجة..
لكن إذا ولدى شتمك إنت بتكون حاجة مختلفة خالص..

محمد طه الحبر مافى زول منعوا الكتابة عشان عمره.. لكن الناس استنكرت شتمه لشخص فى مقام والده سنا..
وفى المنبر فى شباب صغار سن كثر مثل محمد عادل وبقال وذواليد ود.نبراس..

نحن لسنا مبرئين من الخطايا لكن الواجب علينا أن نساعد الصغير تجنب تجاربنا المريرة..
ياعادل مثل هذا الكلام يجعل الشتيمة إحدى مكونات الحوار..
فنجن لا نقول كما يقول آباؤنا للصغار ألا يتدخلوا فى حديث الكبار ولكن نقول لهم تدخلوا وابرزوا أنكم أنضج منا وأن السن لم تحد من حسن إدارتكم للجوار أو كونوا قصى همرور شيخ الدين.

سلامات يا محمد طه,,,

ما تكتبه يكشف ويُعرّف بشخصيتك وما تحتويه,,,
أهلنا بقولو الله يكبر العقول فالسن ليست
مقياسا فما أكثر من لا تستطيع إحترامهم رغم
كبر سنهم لأنهم لم يدعوا لنا فرصة لنحترمهم
وليس لأننا لا نود أن نحترمهم!!

وما أكثر من يجبروننا على إحترامهم رغم صغر
سنهم بسلوكهم وأدبهم وعقولهم وفكرهم الجميل
المحترم,,,

لن تجد أحدا فى هذه الدنيا يشجعك على أن
تمارس أى نوع من السلوك غير السوى مع من
هو أكبر منك سنا فهذه ليست من شيمنا وليست
من تقاليدنا,,,وإذا وجد فهو قطعا إنسان غير
سوى وغير محترم!!!

والأسوأ أن تكون (ماوس) فى يد أحد الناس
يحركه كيفما شاء وإن أقنعك بفكرته!!فهذه
ليست من شيم الكرام فى شئ(إذا صحت مقولة
أنك (موجه بالريموت كونترول) لا سمح الله,,,

المصيبة الكبرى أن يكون مصطفى هو سبب كل
هذه العداءآت والإساءآت!!!!!!!!!!!!

دا راى أخوك يا كابتن كباشى,,

قيل قديما (كل إناء بما فيه ينضحُ),,,,


خاصة لما تسخنو!!!!!!!!!!!!!!!
والسلام,,

عادل عبد العاطي ابلغ بك الحقد لهذه الدرجة

Quote: مع حق الاخ الحبر في الوجود في هذا المنبر وضد الحملة الجائرة ضده تحت اسم السن وما ادراك ما السن في هذا المنبر تقال اشياء اسؤا مما كتبها العضو الحبر ولا نجد هذا الهجوم على كاتبيها

لو كان ما قاله في حق شخص غير ابو ساندرا لما رايناك تتابع
حتى موضوع هذا الولد الصغير ،، ناهيك عن أن تداخل كمان وتتدافع عن قلة الأدب والبذاءة
تماما الطيور على أشكالها تقع ،، زيك زي الدكتورة ،، ما تدسو ورا قلة ادب ولد صغير
لو عندك حاجة مع الراجل قولوها ليهو في وشو

Quote: محمد طه ، سلام مافي زول إعترض علي سنك ، الناس اعترضت علي شتيمتك و إسائتك لرجل في عمر والدك !

حتي الأن أبيساندرا ماجاوبني علي الأسئله

وكل البعض أخذها بالجانب الأخلاقي

أنت يا أبوساندرا إذا داير تقفلني من الأول كان رديت لي

وكل القلتوهو إنو في زول دافعني أقول ليك الكلام دا غلط ومافي زول دافعني علي حاجه

وفكري أو الفهم الفي رأسي الدفعني أسألك هذه الأسئله غلط زي ماقلتو دافعني وهذا ما أريد أن أعرفه

إما هذه حقيقه تريد أن تخفيها خلف أعضاء المنبر

وإذا كان غلط أثبتو لينا إنو غلط عشان تاني مافي واحد يجي يسألك منو وتقولو عليهو قليل أدب

وإذا كان الكلام الحاصل دا كلو مخفي بظهرو الزمن

قطر عرفنا منها البطن الغريقه والخلافات الشخصيه

محمد طه ..سلام ...

انا اخوك القريب من سنك ...وبقول ليك من حقك تكون موجود وتكتب ماتشاء دون وصاية وزي ماقالوا اخوانا الكبار وابهاتنا وزي ماقال دينا وعاداتنا وتقاليدنا السمحة اننا نحترم الكبير ..وهينا الناس اعترضت على اسلوبك في مخاطبة اخونا ابوساندرا وهو مقام اخونا الكبير ان لم يكن ابونا...رد وافضح من تشاء ولكن باسلوب ليس فيه سب او اساءة ...


بالمناسبة انت مسحت العمر من بروفايلك ليه ؟!!!!


ودي واحترامي

شكرا اخي فائز

وانا مسحت البروفايل من بدري من اول شهر

ولاسباب شخصيه

الابن محمد طه سلام
رغم انه من الاهمية بمكان ان تشير الي المتحدثين بالتسجيل واين كان هذا التسجيل ؟؟
والاهم من ذلك اذا كان كل ما ذكرته صحيح حول الاشرطة وغيرها مما ذكر في الشريط فهل هذا يعطيك الحق في
ان تسئ الي من هو في عمر جدك ؟؟ وهل تعلمنا او اربينا الا علي احترام الكبير مهما اختلفنا معه ...

لن افصح مع من كنت اتحدث حتي لا اسبب له مشكله

وانا من افصح هنا عن هذا الامر

اذا لم تفصح عن الاسماء اذن اسمح لي اشكك في الشريط وانه مفبرك وانه حديث عادي قابل للصحة وغيرها ..
كما قلت لك ابعد عن مشاكل الاخرين ..

الحبر
يازول احمد الله انك لسع قاعد ..
والله انا افتكرتك لحقت امات طة
غايتو دى جليت منها
والمثل المصرى بيقول (العيار الميصيبش يدوش)
وخليك اكبر من سنك عشان تقدر تتعايش معانا هنا فى البورد دا .

يا محمد طه الحبر ..


اسمع يا حبيب .. الناس الكبااااار ابان شنبات ودقون تقول والله اياها هنا

وقت بيتزنقوا زنقات زي دي بيشتتو اسبوع اسبوعين والموضوع يبرد ..

دحين بعد ردك الاخير دا .. ونسبة للخبرة وكدة ..

أسمعها مني نصيحة اخوية ماوراها شئ ..

انت أخطات والموضوع شرب وعمل ليك هجمة مرتدة ..

دحين اعمل صاين اوتلاين وغيب اسبوعين شهر كدة .. أقرأ بس

وقت تلقي الامور رجعت لنصابها والناس نسوك تعال راجع وكون حريص ما ترجع من بوابة ابوساندرا

ولك التحية



ــــــــــــــــــــ
عارف في ناس كتيرة حا تزعل لكن ياهو عمل واحدين في سن والده ..
يغلطوا الغلطة ويزمزغوا لمن يتنسوا ويرجعوا .. وبلاش يخلي المنبر والا يترفد والكلام دا ..

يا حبر...
اول شي انت قبل عشرة دقايق منزل تسجيل وسحبته في دقايق
الفكرة شنو
وشنو تتصل بالناس وتسجل ليهم وما داير الناس تعرف ده منو
زول بتكلم في حق زول كلام من حقه الزول ده يعرف منو البتكلم عنه

وشنو ما بجي قبل اتزوج
ياخينا نحن المنبر ده خشيناه صغار ولحدي هسة ما اتزوجنا يعني شنو..داير تركب مكنة انك لسة صغير ولا شنو

شوف باختصار شديد كدة
ما تبرمج بالناس وبكلام اكبر منك لانو اصلا مافي زول بقدر يثبت قانونا انو المرحوم مصطفي عنده حاجة عند ابوساندرا لانو مافي مطالبة منو بشكل رسمي
فياخي البتسوي فيه ده شي كعب
امش من دربك ده اعتذر لابو ساندرا بخشم الباب وتقول ليه(أنا آآآآسف) وما لأنك صغير وابو ساندار كبير والحنك العاضي ده..لانك غلطت في حق زول وانت ما عندك دليل
والتسجيل الانت جبته وسحبته ده ما دليل ساعة المحاكم

واعمل لوق اوت وخت رقمك السري في جيبك وتعال راجع وكت ما تحب

احمد صديق

Quote: عادل عبد العاطي ابلغ بك الحقد لهذه الدرجة

أحقد على منو وفي شنو وعشان شنو ؟؟ يا زول قول بسم الله .

Quote: و كان ما قاله في حق شخص غير ابو ساندرا لما رايناك تتابع حتى موضوع هذا الولد الصغير ،، ناهيك عن أن تداخل كمان وتتدافع عن قلة الأدب والبذاءة

وهل دخلت قلبي يا هذا ؟؟ انا ادافع عن حق اي زول في الكلام والوجود هنا والسن ليست مقياسا ابدا ؛ وبعدين تعال قول لي وين دافعت عن قلة الادب ؟؟ انما ادافع عنه ضد الحملة التي تجاوزت كل الحدود كأنه جنازة وواقعين فيها لطم ؛ مع ان هناك من يقولونت اسؤا منه ولا يقال لهم تلت التلاتة كم؛ فلماذا ازدواج المعايير ؟؟

Quote: تماما الطيور على أشكالها تقع ،، زيك زي الدكتورة ،، ما تدسو ورا قلة ادب ولد صغير لو عندك حاجة مع الراجل قولوها ليهو في وشو

تعرف انت عندي اهون من ان ارد عليك مثل هذا القول ؛ فواصل فيه ما شاء لك الجهل ولا اقول لك الا سلاما .

بلة موسى سلام

في الاول تقول ما قضية عمر لتخلص في النهاية انها قضية عمر

Quote: فى السودان ياعادل لو أنا وانت إتشاتمنا فى الشارع بتكون حاجة.. لكن إذا ولدى شتمك إنت بتكون حاجة مختلفة خالص..

بالله ؟؟ الفرق شنو بين شتيمة الزول الكبير والزول الصغير ؟؟
كلها واحد عندي .

لك التحية .

Quote: (عدل بواسطة محمد طه الحبر on 18-01-2010, 02:23 م)

انا من اللذين استمعوا لما اسميته تسجيل صوتي

ثم سحبته كما هو واضح اعلاه

هو مجرد مكالمة لك مع احدهم كما هو واضح

من اسئلتك التقريرية للطرف الاخر

وهي لا تثبت اي شئ بالمناسبة على اي احد

ما يدفعني للتداخل هنا هو متاجرتك البائسة

باسم المرحوم مصطفى سيد احمد و شرائطه

مصطفى الله يرحمو و يحسن اليه كان فنان الشعب

غنى للشعب و ووهب فنه للشعب

فهذا ليس بالمكان المناسب للمتاجرة باسمه

عندك خلافات شخصية مع اعضاء هنا

صفيها بعيد عن اسم مصطفى عليك الله

كونك كبير صغير دا ما بهمني كتير

بهمني تحترم سيرة مصطفى سيد احمد

وتبعدها عن الهراء الانتا بتعمل فيهو هنا

ياخ انت زول مريض نفسياً
وزولك المحرشك امرض منك

يا محمد طه الحبر
تحياتي
كدى قبال ما تسافر للعرس انا عندي سؤال:
يعني شنو لو مصطفي سيد احمد مات وهو زعلان من شخص ما؟
السؤال بطريقة اخري
هل إذا ثبت او أثبت ان مصطفي سيداحمد غضب من شخص ما قبل رحيله فهذا يعني بالضرورة ان هذا الشخص سيئ؟

مع تقديرى

صديقي محمد طه الحبر

يأخي وسع صدرك وخلي بالك يكون طويل

هكذا حال المنبر ونحن الما قالوا فينا شنو ؟؟ ما خلوا لينا حاجة قالوا فينا مالم يقله
مالك في خمر وبرضوا صابرين وقاعدين اصبر يااخوي وخليك مشارك ومواصل في المنبر وما تشتغل
بأي رد ما يعجبك ( تجاهله )

اما في مسألة العمر فالاعمار بيد الله , ما فيهم زول خلقك وبقاك صغير , الخالق الله

عندنا المثل بيقول

( العفريت بيرفع ال ZY )

يعني شنو زول لو بقي كبير وجاهل احسن منه الصغير الواعي والعاقل

حاولت الاتصال بك والشبكة لم تساعدني , اتصل بي ضروري بالله

سلام يا بقال,,

Quote: ( العفريت بيرفع ال ZY )

العفريتة العفريتة...العفريييييييييييييييييييييييييييييييييتة,,,





يا عفريت إنت,,,

أبوساندرا بقى ZY ولا كيف الكلام دا,,

قرات بعض بوستات الأخ محمد الحبر

أويد الأخ عبدالعاطي

Quote: مع حق الاخ الحبر في الوجود في هذا المنبر وضد الحملة الجائرة ضده تحت اسم السن وما ادراك ما السن في هذا المنبر تقال اشياء اسؤا مما كتبها العضو الحبر ولا نجد هذا الهجوم على كاتبيها وقد اهلك من كان قبلكم انهم اذا سرق فيهم الشريف تركوه واذا سرق فيهم الضعيف اقاموا عليه الحد . اكتب يا زول ولا يهمك بل اخضع لضميرك فقط .

محمد الحبر نموذج من النماذج المتباينة الموجودة في المنبر وجوده مهم يعكس فهم ونظرة جيل يوم موجود سيسود

الأخ محمد الحبر
ليك تحية

أكتب ما تريد فهذا حقك لكن لا تتعدى على حقوق الناس
أسمع النصيحة فهي غالية
لا تغضب ولا تنفعل
حاول أن تقرا اكتر مما تكتب
حاول أن تكتب ما يفيد الناس
شاور صديق في ما تكتب

أكتب ونحنا بنقرى ليك

ود الحبر

مصطفي سيد احمد البتحبه دا ما بيرضي انك تشتم الناس

اسمع كلام اعمامك الفوق دا وركز في دراستك وبعدين تعال


الله يوفقك

بسم الله الرحمن الرحيم والصلاة والسلام على اشرف المرسلين سيدنا محمد وعلى اله وصحبه وسلم
الاخ محمد طه والمشاركين عموما السلام عليكم
اخي نشكرك لما اتحفتنا به من زكريات الاستاذ مصطفى
فهو قيمه كبيره والكل يجد ما يحبه فيه
لكن ملف مرحلة الدوحه عليه تنافس والكل يدعي لنفسه الفضل ويقلل من الاخرين
لكن البركه في صلاح ادريس ستر الناس وقام بالواجب بعد وفاة الاستاذ ولاما كده يا مدني النخلي ( امرقو التاريخ )
بعد تقديمك للاعتذار ما في داعي لنبش الموضوع ونرجو من الاخ عبد الرحمن قبول الاعتذار
نحن نثق في قدراتك والسن ما داخل في المعادله
الدعوه الي احترام الاخوان من الاولويات ومن ادبيات السودان
نرجو الارتقاء بالمشاركات فوق مستوي التهاتر الغير مجدي ولاينتصر لعبد الرحمن او محمد طه

سلام بقال

Quote: عندنا المثل بيقول ( العفريت بيرفع ال ZY )

عندك أمثال بتعرفا براك ..! قال قالوا في المثل قال

كدي أفرز لينا وأشرح المشبه والمشبه به ووجه الشبه ..!

والله يا أبو ساندرا بختك بقيت مضرب مثل .. بس زي مثل أخونا بقال دا حقو تتبرى منو نسأل الله السلامة ..