قيقراوي: سريع تعال ورينا المخرّف منو ؟

البوست ده يا جماعه لعناية السيد قيقراوي,

لأنه اتهمّني بالخرف وضحك علي حتي بانت نواجذه ..

ثم أثبتت "الكوتات" انو أنا بريئه من التهمه براءة الهدهد .. وفي مقولة أخري براءة الذئب "بس ما ذئاب اليومين ديل" ..



أها يا قيقا ..
سريع تعال اعترف وورينا المخرّف منو؟ ..
قبل ما أروي الروايه والناس تضحك عليك حتي تبين نواجذها برضو ..






---
"أبو الساء" الله يعينك والله

قومى لفى يا امانى
وخلى قيقا يلف معاك ...

انتي بقيتي زي امين ياسمين تطالبي بالاعتذار قبل تثبتي التهمة والا شنو !!!

جيبي الكوتات ثم بعد ذلك يحكم الجمهور حتي بعدها يتداخل قيقراوي مُقراً او مكابراً ..


ثم لا تنسي يا أماني انتي في سودانيز يعني ممكن تثبتيها صوت وصورة وبصمة وبعد ذلك

أنت من يضطر للانسحاب اضطراراً بل وقد تتعرضين للتوقيف من قبل ابوصلعة

لو اتأخرت يا قيقا حتلقاني شمتت فيك المغرضين,

أحسن تستعجل وتلحق تعتذر,


غايتو أنا بديت أعد ..






واحد





---
علي بشير مش تفهم الموضوع أول ؟

حيدر:

كويس انك جيت,
البوست ده فيهو شماته خياليه,
وفيهو اعتذار من قيقا مكرها لا بطل ..
وبما انّك أشهر من يمنح الرماد والياسمين,


فتعال شارك في منح صديقنا قيقا الياسمين الذي يستحق ...

بداية القصه انّي لقيت مداخله لقيقا (صاحبي قبل أن يتّهمني بالخرف),
في بوست أنا ما اتداخلت فيهو !!!!



دي المداخله المعنيه:

Quote: اماني انت تابخة " باسم " ولا شنو يا فردة ؟ الجمجمة شنو فينا كمان ؟!

!!!!!!!!!!!!!!!!


----
يتبع ياقول ود البشري وطلحه تنظير ..



قيقراوي قولاتنين

فوق عشان قيقا يحصّل يشوف البوست ويعتذر قبل ما أكمّل الحكايه ..

Quote: قيقراوي: سريع تعال ورينا المخرّف منو ؟

Guilty

لكن كان هناك و لا هنا ما بغير شئ . . كدي النسألك تاني !

انتي تابخة باسم ؟

ياها دي رومانسيتك اسي ؟

انقري شنو ؟

الرومانسية ما طلعت هي الطبيخ ذاتو ! . . تصدقي ؟



------------

سوري يا صديقة و الله ما شفت البوست دا إلا اسي . . ماالخرف كمان ؟!
مسكين سغير و جاهل . . جاني زهايمر مبكر اظنو !!
قايلاني بنكر و لا بنكر ؟! . .انت ما حدثوك اني صواط ؟ . . الاعتراف دا اسهل حاجة اعملا زي شراب الموية

امانى,,,,

والله من اليوم داك زايغة من البوست اياه,,,المداخلة معنونة برومانسيتى ومختومة بتبيخك يا امانى,,,
كل مرة ادى البوست داك طلةعسي ولعل,,واقراء من اول مداخلة لااااخر الصفحة يعمينى اسمك ماوقع فى عينى,,,
اها بما انو الكتابة بالحبر السري منتشرة اليومين ديل فى المنبر قلت بسسسس امانى تكون عملتهاوقيقا لقطهاوانا دقست,,,

ماكنت عايزة احرج قيقا واسال و من المداخلة,,لكن لقيتك صعبة,,,ياخ السترة مالها??خسوسا والزول صاحبنا وكداا,,


بوستيك دا صحانى,,,

Quote: وبما انّك أشهر من يمنح الرماد والياسمين, فتعال شارك في منح صديقنا قيقا الياسمين الذي يستحق

بالمرة خلى يجيب معاهو امين,,,

شان بطولة الرماد والياسمين دى مناصفة,,,,

Quote: علي بشير مش تفهم الموضوع أول ؟

حاضر يا ستى ..

طيب تعالى قدمى مرافعتك
المتهم حضر ومعاهو شاهد وهى الاستاذه اميره

وانا بعد ازنك يعنى بقعد جمهور

أميره الشيخ ..
لقيتك صاحيه جدا ..

Quote: ماكنت عايزة احرج قيقا واسال و من المداخلة,,لكن لقيتك صعبة,,,ياخ السترة مالها??خسوسا والزول صاحبنا وكداا,,

تصدقي يا أميره, أنا زاتي اتهجمت,
ولولا اني متأكده انو البوست بتاع الرومانسيه ما اتداخلت فيهو, كان صدّقت انه الرد ده علي كلام أنا كتبته هناك ..
طبعا في الحالات دي الستره واجبه يا أميره كلامك صاح,
لكن المتهم أعلاه في حوار بيني وبينه,

قال لي: كتبت ليك رد في بوست الرومانسيه,
أنا: لكن أنا ما اتداخلت في البوست ده,
المتهم: اتداخلتي وجبتي صورة الجمجمه,
أنا: ده بوست تاني بتاع Re: ***** نفســــــى يــــــوم *****
المتهم: نفس البوست يا أماني, أنا متأكد ..
أنا: ما نفس البوست صدقني, أنا بوست الرومانسيه ما كتبت فيهو حرف,
المتهم: انتي خرّفتي يا أماني ياحليلك (ضحكه مجلجله).
أنا (بضرب أخماس في أسداس وبقيت أصغر من السمسمه) ياخ أنا متأكده ده ما هو أنا كتبت مداخله في بوست "نفسي يوم" بس.
المتهم: والله خرّفتي خرف شديد ياحليلك (ضحكه أخري مجلجله) عاذرك والله يا أماني ياحليلك (ضحكه أخري مجلجله),
أنا: (اغرورقت الدموع في عيني) أمشي اتأكد ..
المتهم: أتأكدي لأنو أنا متأكده متين في الميه, ماعندي ذرة شك,
أماني ياحليلك خرفتي والله زي شاديه عبد المنعم, عندي بوست كده أمشي أقريهو,
كلما أقراهو بضحك, اتداخلت فيهو شاديه وكتبت كلام بس كلام زول مخرّف زي كلامك ده (ضحكه أخري مجلجله)..
أنا: نتشارط ياقيقا, لوكلامي طلع صاح تعمل شنو؟
المتهم: حأفتح ليك بوست فيهو اقرار بانك بريئه واني أنا ده المخرّف ..

مشيت اتأكدت يا أميره لقيت كلامي صاح,
غلبني أسكت طوااااالي سبقتو وفتحت البوست ده,

هسي دي دعوه يا أميره لشلّة الياسمين لأهداء مايلزم من الياسمين لصاحبي الزمان "قيقا",
حتي تصل بيهو الندامه مبلغا مثل ما بلغت بصديقنا العميق أمين محمد سليمان ..


---
شاديه عبد المنعم, أكيد فهمتي اني جبت اسمك هنا عشان نفسي أتعرف بيك,

علي بشير:
شفت قيقا أول ما جاء اعترف طوّالي ..

Quote: Guilty

لكن مابحلو صدقني,
كان بحلو كان اتحلّ الخال أمين ياسمين بعد أول اعتراف في بوست الرماد ..

الحمد لله أميره الشيخ أشهر شريك في بوست الرماد والياسيمن معانا هنا,

وحيدر الزين شخصيا معانا ..

يا اماني ..
اولاً صفقة كبيرة لبت الشيخ لعودتها للملاعب بعد ماراثون الياسمين

بعدين البوست عشان افهموا لازم من وجود الحبيب امين ياسمين على الاقل عشان يشرح لي الرومانسيات
وافهم الدائر في بوستاتها شنو ( بيني وبينك ما قاعد ادخلها ) ..
وامين زبون استثنائي معتمد بتلك البوستات .. عليه اطالب بتقديم دعوة له

عشان بعدين نتكلم بضميــر أنا والكاشف اخوي


ــــ
قيقراوي الحكاية لو فيها قصة امين ياسمين فأعلمك انه بتم مرات مفاوضات ودفع تحت الطاولة وكدة
ورقم حساب سامبا تلقاهو في البروفايل


ع/ حيدر وامين = مكتب الاستشارات الياسمينة والرمادية المتحد ليمتد

اماني ..ٍسلامات ..

قيقراوي : انا ماعارف الغلط وين لكن إياك والاعتذار في هذا المنبر ....وإن كان لابد فحاول مقابلة الاخت أماني شخصيًا والاعتذار لها دون ترك دليل مادى في المنابر او تسجيلات او صور تثبت ذلك للاخرين ...عليك الله ماتصغرنا قدام الحريم ...الراجل مابعتذر ياقيقا ...

Quote: وامين زبون استثنائي معتمد بتلك البوستات

ومعاوية والاود المسلمي وتبلدينا وانا احياناً...

فايز ود القاضي:

كنت بديت أطمئن انه ناس الياسمين والرماد ظهروا,
تقوم تكتب الكلام ده:

Quote: عليك الله ماتصغرنا قدام الحريم ...الراجل مابعتذر ياقيقا ...

حريم دي حأعمل روحي ماشايفاها,
وبجوك ليها ناس الجندر هسي,

بخصوص الاعتذار ..
Men apologize, Even when they are right

:)

Quote: علي بشير: شفت قيقا أول ما جاء اعترف طوّالي ..

والله يا امانى طلعتى عندك قضيه وقضيه كبيره كمان
وازيدك من الشعر بيت .. قضيتك دى مضمونه ميه الميه كمان

وقيقا دا بالحيثيات القدمتيها دى
سجن سجن .. غرامه غرامه

ـــــــــــــــــــ

امانى .. البوست دا تبيعيهو ؟

قيقراوي ياصاحبي (قبل أن تفعل فعلتك التي فعلت وتتهمني بالخرف),

هسي حسب معرفتك بي, كان قالوا ليك أماني شاركت في البوست ده:
Re: ***** المشـــاهدة لغـير المتـــزوجات فقــط ****
بتصدق؟
ايش حال لو ما شارحه ليك موقفي في بوست التنظيمات العاطفيه بتاعك:
Re: " التنظيمات العاطفية .. نشاط و اركان نقاش ....تجربة جديرة بالتوثيق
وأميره الشيخ دي زااااتها ضحكت علي وما صدقتني,

لكن انت عارف البير وغطاها ياصاحب, كيف تظن بي ظنون زي دي,

ثم سانيا ..
أي نعم أنا مصايب الدنيا متراكمه في راسي ده ليها كم شهر,
وراسي زاتو بيودي ويجيب ..
لكن أصلو ما جابت ليها خرف ياقيقا ..
أرجّع ليك البوست ده جيل ما بعد عصر الشحادين !!! قيقراوي تعال أحكي ليك ..
عشان نتذكر سبب صحبتنا وبالمره نحسب فرق العمر بيناتنا .. ونشوف الجيلو أقرب للخرف منو؟
ولابس عايز تضحك ليك ضحكه مجلجله فيني وخلاص؟

الخلاصه
guilty ما guilty مابحلّك ..
راجع قصة الخال أمين في بوست الياسمين ..
اعترف وسف الرماد ثلاثه صفحات متتاليه,
لكن الأشاوس الخلفه لم تأخذهم به رحمه ..

انت وقعت ولا حدش سمّي عليك ..

----
"أبو الساء" تاني الله يعينك والله ..

حيدر :

Quote: بعدين البوست عشان افهموا لازم من وجود الحبيب امين ياسمين على الاقل عشان يشرح لي الرومانسيات وافهم الدائر في بوستاتها شنو ( بيني وبينك ما قاعد ادخلها ) .. وامين زبون استثنائي معتمد بتلك البوستات .. عليه اطالب بتقديم دعوة له

الخال أمين منو خوف,
هسي يجي يتعاطف مع المتهم قيقا,
مش شركاء في الرومانسيه, وفي العمق؟

المزعلني ياحيدر بوست الرومانسيه ده مادخلت فيهو واتهزأت برضو,
يعني بقو علي اتنين خرف وعدم رومانسيه !!
ده كلام؟

Quote: قيقراوي الحكاية لو فيها قصة امين ياسمين فأعلمك انه بتم مرات مفاوضات ودفع تحت الطاولة وكدة ورقم حساب سامبا تلقاهو في البروفايل

من البدايه كد توريهو؟
الكلام ده بكون بعد مالجرسه تبلغ الحلقوم يا حيدر,
مالك بيّاع كده؟

أميره ألحقي شوفي حيدر بدأ مساومات عيني عينك

يا اماني دا مابيــع ..

دي اسمها سياسة الجزرة والعصا .. ( وش تاجر حرب انتهازي )

Quote: هسي دي دعوه يا أميره لشلّة الياسمين لأهداء مايلزم من الياسمين لصاحبي الزمان "قيقا", حتي تصل بيهو الندامه مبلغا مثل ما بلغت بصديقنا العميق أمين محمد سليمان ..

والله يا امانى داقصتو ملت البوادى والحضر وبقى مصاب بفوبيا من يومها كان ماسالتو يجيب السيرة,,,

يعنى قصدك نوصل قيقا المرحلة دى???

اناغايتو عايزةلى يوم فى حيدر الزين دا برضو امس خلعنى فى واحد من البوستات لماقلت دى اميرة الشيخ تانية,,,
والله لو عارفاك حتفتحى بوست لقيقا بحاجة زى دى كان لحقت حفظت الكوتيشن بتاع الفاول الختاهو لى حيدر
فى واحد من البوستات الحايمةدى قبل مايلحق ويعدل

لكن طلعت مسكينة,,,,

حيدر الزين طالباك اعتذار وترضية,,,

يا شباب لحدي اسي متضامن واحد ساي معاي في محنتي دي مافي ؟
طيب ما الرماد كال حماد !
بالله اعفونا من الياسمين و الرومانسيات دي . . شوفوا لينا حبوب زهايمر







------------------

همس فتح الرحمن تتفوق و الف مبروك النجاح الباهر