كنت اشاهد فيلما تشاديا جميلا اسمه "درت" وبعد الانتهاء من مشاهدته على قناة link tv وهى قناة متفردة تاتى بالافلام الوثاقية والاخبار والموسيقى من كل بلاد العالم وحتى تقاريرها الاخبارية
تجىء بوجهة نظر العالم الخارجى بدون سنسرة حتى لو كانت ضد السياسة الامريكية "واغلبها كذلك" وهى خالية من الاعلانات ويتم تمويلها بواسطة المشاهدين ، المهم القناة ممتعه وبها معلومات مفيدة وخالية من الانحياز،
ذهبت للموقع linktv.org لاقرأ عن الفيلم ، او اعيد بعض من مشاهده وقد لفت نظرى وجود فنانة تشادية ذات صوت جميل كنت استمع لها من ضمن تسجيلات نادرة تحصلت عليها من شقيقتى أميمة شيخ الدين وقد كانت تعمل فى اسبانيا كمنتج فنى ولها علاقات واسعة بافنانيين الافارقة وهى تأتى بهم لاسبانيا لاقامة علاقات فنية مع الفنانين الاسبان ، ما أطول عليكم الفنانة صوتها جميل وجاذب
من حسن الحظ اننى قدرت على الحصول على الفيلم كاملا فى اليوتيوب ...واسمه هناك darrat
يعنى يمكنكم التفرج عليه "براحة" ومشاهدة تلك المغنية التى ستعجبكم حتما ..شكلا ومضمونا "ههه" وفى معرض بحثى هذا عن كا شىء تشادى ...جارتنا، وجدت هذا الفيديو صعقت لما شاهدت ، توبنا وغنيتنا و"دهبنا" ورقصتنا النايصة الخجولة التى نرقصها فى الحفلات و"قمر بوبنا" ....
بالله عليكم الله تانى ما تشاكلونا ... نحن عندنا تأثير قدر ده فى دول الجوار ...وتشاكلونا؟؟ ههههه عليكم الله ورونا بتختوا فيديو اليوتيوب كيف؟؟ ولا واحد فيكم يخت لى الفيديو ده....مطلبين بالمصطفى ...
يا حليلنا منها السودانوية الزايلة. بقينا نفتش لى آثارها عند الجيران (الزراق والبنقالى والجارات والكرب والخريطة والرملة وأب قجيجة والمطغوط والشفونى ورسالة لندن لمن دخلنا الكمبيوتر) وانحسر وا حسرة مد السودانوية إلى خط صفر
جانى أحمد العربى الفنان الذى نال درجة الماجستير وانا لى حسة ما هنيتو....."ياخ والله ألف مبروك" كان فى بكيات مريرة كده ونفسى مارقة ...لكن الحمدلله على كل حال ...ولك العذر حتى تستغيث
أما عاصم الطيب قرشى هذا ...ما خليت زول ما كلمتو بيك يا عاصم ..واصدقائى الامريكان والعراقيين الحضروا سهرتك لسه بيسألونى منك ...ويا حليلك
عليك الله غنى الغنية الحلوة دى ..حاولت اكتبها لكنو جارى جرى الوحوش ما بقدر الحقو ..
أها النسألك وانت راجل متخصص ...الغنية دى حقتنا نمشى نقالعهم فيها ولا حقتهم نديهم خاترم؟؟ ههه ليك وحشة يا عاصم ...
Post: #7 Title: Re: الفن التشادى الاصيل، الثوب التشادى الاصيل Author: Tragie Mustafa Date: 01-17-2010, 02:41 PM Parent: #5
تمضور السمحه و البتغيب وما بتجيب الا السمح
اها يا تماضر ما فاتك الفنان الاسمه(سراج العروبه)
وهو يغني لينا هذه الاغنيه
غناها في نيويورك وفلادلفيا وحام بلادكم دي كثير
بالله لم تحظي بالاستماع اليه؟؟؟
Quote: لا طمجويا دى أغنية رهيبة اام دخانك كندياييى البتلصق فى الكساوى
دقوا ليكى السرارى
انحنا جينا
كى اخرتى كن لقينا
لى برشكى فرشينا
الما بريدكى ما يجينا
كمبجويا
البت المرة القسويا
كان دخانك وى تعالى وى تعالى وحياة ابوكى الغالى ...والايقاع ايقاع سيرة ...
االليلة دى اغنيتى المفضلة ....مبالغة
انحنا جينا ست البيت انحنا جينا
انحنا جينا ابقى مرة رضينا
حاكتبها
وفعلا اغنيه لذيذه ولو شوفيت كتب عنها الاخ حسن حماد
انه عياله حفظوها في لحظه وبقوا ساكين حفلات سراج ده.
وفعلا حظي بلقائه في عرس ثاني لناس نيويورك.
تسلمي يا غاليه على اطلاعنا على تراث هذه الدوله الشقيقه.
تخريمه:
سراج فنان سوداني ولكنه احترف في تشاد وصار يغني من تراثها وحضر بدعوة من السفاره التشاديه للاحتفال ياعيادهم القوميه.
Post: #8 Title: Re: الفن التشادى الاصيل، الثوب التشادى الاصيل Author: Tragie Mustafa Date: 01-17-2010, 02:45 PM Parent: #7
Post: #14 Title: Re: الفن التشادى الاصيل، الثوب التشادى الاصيل Author: Tragie Mustafa Date: 01-17-2010, 04:41 PM Parent: #10
كثر خيرك يا تماضر وعمك تنقو
جميل ان نتابع عمل درامي تشادي وشيئا من ثقافة اهل تشاد وبلادهم كيف تبدو.
حقيق كما قلتي يا تماضر تشابه كبير بالسودان.
ويا محمد نور التشادي لو مريت من هنا بالله اتاري تكاسيكم برضو لونها زي تكاسي الخرطوم؟؟؟
Post: #16 Title: Re: الفن التشادى الاصيل، الثوب التشادى الاصيل Author: عادل عبدالرحمن Date: 01-17-2010, 05:29 PM Parent: #14
Quote: يعنى يمكنكم التفرج عليه "براحة" ومشاهدة تلك المغنية التى ستعجبكم حتما ..شكلا ومضمونا "ههه" وفى معرض بحثى هذا عن كا شىء تشادى ...جارتنا، وجدت هذا الفيديو صعقت لما شاهدت ، توبنا وغنيتنا و"دهبنا" ورقصتنا النايصة الخجولة التى نرقصها فى الحفلات و"قمر بوبنا" ....
بالله عليكم الله تانى ما تشاكلونا ... نحن عندنا تأثير قدر ده فى دول الجوار ...وتشاكلونا؟؟ ههههه عليكم الله ورونا بتختوا فيديو اليوتيوب كيف؟؟ ولا واحد فيكم يخت لى الفيديو ده....مطلبين بالمصطفى ...
الفنانة/ تماضر هذا بوست جميل ، إذ يتوخى الفن للتدليل على أواصر العلاقة ووشائجها ، بيننا والجيران .. وأن الذي بيننا وبينهم ، هذا "النفاّج" الماعندو باب أو ترباس !
لكين يا ربي التوب ده حقنا مشى ليهم ، وللا هو حقهم جانا من هناك ؟!
أسمحي لي بأن أجاوب على هذا السؤال في بوست تاني ، فاتحو أنا لمثل هذه المعاضلات ..
Quote: أما سؤالى عن كيف "افرد" فيديو اليوتيوب مافى زول جاوب لى عليه
هسّع عليك الله إنتي ليك كم سنة في المنبر دا ؟
ومشتاقين
وهاك الجُّزء الأوّل من فيلمك دا
Post: #15 Title: Re: الفن التشادى الاصيل، الثوب التشادى الاصيل Author: Adil Osman Date: 01-17-2010, 05:19 PM Parent: #1
شكرآ يا تماضر على هذا البوست. فى تشاد مجموعة سكانية تتحدث اللغة العربية اسمهم عرب الشوا. وهم بقارة. ولهم امتداد فى النيجر والكاميرون ونيجيريا. تشاد زى السودان فيها تنوع لغوى وثقافى وقبلى ودينى واضح.
زوجة رئيس تشاد اسمها هندة وهى تلبس التوب وتتحنن كالسودانيات. السؤال هل التوب والحناء حكر على السودانيات فقط؟
Post: #17 Title: Re: الفن التشادى الاصيل، الثوب التشادى الاصيل Author: Adil Osman Date: 01-17-2010, 05:31 PM Parent: #15
وهذا غناء ورقص بقارة مسيرية من التلفزيون السودانى. الموسيقى تشبه موسيقى اليمن والجزيرة العربية.
Post: #18 Title: Re: الفن التشادى الاصيل، الثوب التشادى الاصيل Author: عادل عبدالرحمن Date: 01-17-2010, 05:33 PM Parent: #15
عفوا يا تماضر
عادل عثمان ، يا قرين الروح ، شفت كيف هم السؤال المشترك : ونحن نتسابق على طرح الأسئلة ؟!
يا جماعة نورتو البوست وعلمتونا الطريقة ووشرفتونا وأنستونا
اهديكم تحية تادية اصيلة وأتمنى ان أنه "الله يقدرنى" على جزاكم ...هههه
ويا لؤى انت مالك ومالى؟؟؟ "تبدا الشكل أقدر عليه" هه
Post: #23 Title: Re: الفن التشادى الاصيل، الثوب التشادى الاصيل Author: Adil Osman Date: 01-17-2010, 08:00 PM Parent: #1
عادل عبدالرحمن
Quote: عادل عثمان ، يا قرين الروح ، شفت كيف هم السؤال المشترك : ونحن نتسابق على طرح الأسئلة ؟!
شفت كيف؟ حكمته بالغة. التوب السودانى فعلآ بنكون جبناهو من الصحراء الافريقية. من شنقيط وموريطانيا وجنوب المغرب والصحرا الغربية. السودانيات فى الشمال والى اوائل القرن العشرين كن يلبسن الرحط فقط.
شوف الحسانيات ديل من جنوب المغرب يتصدرن موضوع طريف عن شعر غزل النساء بالرجال:
أم دخانا.. كندكايّ.. يا البلّصق في الكساوي.. بيتعب من قرينا اللاويّ.. كن خليتكي..أنا نســّايّ..
بندقو ليكي السراري.. ناس اليوم .. رزقهم غالي.. يا المسكين مقطوع الطاري.. بلاكو..ماليّ والي..
أنينا جينيا.. أنينا جينا.. مارزينا.. كأخرّكي كي ألّقينا.. بي برشك..فرشينا.. دقه قدح سمينه.. اكلن كيّ..شبعنا.. قسّمنا كي.. عينا المابريدكي..انشاء الله ما يجينا..
الدمبّّجويا..مارزينا.. الدمبّجويا..قلبي كالمره.ز القرسويا الدمبّجويا..كالريحة ملان سبّويا الدمبّجويا..كالدخان ملان.. كريويا.. الدمبّجويا..كالدخانا كندكايّ.. البلّصّق في الكسّاي.. بي..يتعب من قرينا اللاوي.. كن خليتكي.. أنا.. نسـّاي الدمبّجويا بت سعنّا.. الدمبّجويا..كن شالوها في الجبـّويا الدمبّجويا..قال خلوا السيد..تبرويّا الدمبّجويا.كالببكي..بيقول وي يويا.. الدمبّجويا.. قال ويّنّي..يا العيــّوني.. شالوا الميرم..خلّوني.. عمرها في شبابا.. عمر العجوز لي عقابا.. تمرا جابوه من كاكا.. قسّموهو للرّفـّاقا.. شق الفريق ما ضاقا.. لا لحق.. للجوا.. ســّواقا
ويّ..تعالي..ويّ تعالي.. ويّ تعالي.. و حياة أبوكي الغالي وي..تعالي..بحلبو.. ليك البقاري وي تعالي..بيدقوا ليكي السرّاري وي تعالي..ناس اليوم رزقهم غالي يا المسكين مقطوع الطاري.. بلاكوا..ماليّ والي
اللقّيبي.. البنيّه دي اللّـقيبي.. ابوكي..بي..رفيّقي.. ابوها بي رفيقا و جاموس الحريقة بيسند الرجال في الضيقه بيملأ ايدي حديدي (حديده).. رجع قدم لي ريجا.. بيكشكر في البعيده.. و الكشكار بينفع سيدا الكضب بدور اكيده جبلا ولا ركيزه لأ.. ليك السخله ما لييّقه
درتُو وين نزلتو..؟ نزلنا في أم سياله البرش الغلــّب ســلاّلا الصقير غلّب جــوجالا جوجالا.. بي سريركي طوطاحانا.. بت الشيخ ولا.. لـــوّانا من الميرم خشم ما جانا..
كبر
جبت ليكم النص من بوست كبر هدية للجميع وحتى يتم لكم بعض الانفشاش ...
ووالله ما كنت عارفة هشام بحب الطمجويا ..اظننا نحنا فينا "طمبجة" فى الجينات وما عارفين ....ههههه غايتو أغنية ما حصلت
Post: #32 Title: Re: الفن التشادى الاصيل، الثوب التشادى الاصيل Author: Tragie Mustafa Date: 01-18-2010, 06:08 PM Parent: #31
يا الصادق ضرار
الاغنيه النزلتها دي اول مره سمعتها في نيويورك وغناها عازف الاروج وهو فنان تشادي كما يبدو اسمه آدم طاؤوس وممعه سراج العروبه ووحياتك ما بتخيل مدى تجاوب الجمهور السوداني معها.
غايتو يا زول يومها رقصنا رقيص مبالغ فيه رغم اننا ما فاهمين حاجه لكن ايقاعها جميل. الا اهلك الزغاوه عجبتهم بالحيل....فياريت تحدثنا عن كلماتها بتقول شنو عشان نتنور.
Post: #41 Title: Re: الفن التشادى الاصيل، الثوب التشادى الاصيل Author: Kabar Date: 01-19-2010, 05:25 AM Parent: #39
صديقتي تماضر..حبابك و حباب الأصدقاء و الصديقات الحضور.. تحية ليك في رحاب الإحتفاء بالفن التشادي و كل فنون غرب افريقيا..و سوف اعلق على الفيلم لاحقا..
نحن يا صديقة وصلنا مالي..و كثيرا ما استغرب تجاهلنا للموسيقى المالية..و هي اساس البلوز.. فعندي على فاركة اطول باعا من بضي قاي ..Buddy Guy و ده الزول لمن كان بيعزف صولات بالجيتار كان اخونا جيمي هيندركس بتفرج و بيسجل.. و جيمي هيندركس هو الأول في عزف الجيتار على مر العصور..!!
الخيط الذي ارفقته هنا ابتدره اخونا بريمة محمد ادم..و كان ليهو غرض بيختلف عن اغراضنا..و في نفس البوست اخونا و صديقنا محمد نور احمد افاد بان أغنية الدمبجويا اساسا كانت متداولة منذ ثلاثينيات القرن الماضي..و قد تمكنت من الإستماع لصاحبها الأصلي ( و هي اغنية ام كيكي في الأساس) و لكن الفيرشن الحديث صار اكثر تطريبا..
الزولة المرفقة جزء من اعمالها هنا.. اسمها امو سينغراي..و اول مرة سمعتها سنة 1988..و جذبني لها استخدامها و توظيفها لإيقاع الكرنك الواحد ده (ايقاع من جبال النوبة)..و في العمل المقدم هنا لديها استخدام لإيقاع اخر و منتشر بكثرة فس السودان..و نخلي الناس تكتشفوا (تحديدا في المقدمة)..
الصديق عادل عبد الرحمن منتظر اجابتك..و لدي مقاربات عمادها كل الشريط الممتد بين جيبوتي شرقا و لغاية السنغال غربا..و تشابه الموسيقى ..و المحتويات..والأكسسوار..و الرقص..شفت الجلابية الطويلة دي يا عادل نفسها في مناطق..جبيوتي.. ارتيريا.. النوبا في الشمال..و الفور في الغرب..و البقارة في تشاد.. و النيجر..و مالي و موريتانيا..الخ..و هو حقل لم يتم اختباره بعد..
المهم..(الحقوق محفوظة لود ابا تبارك).. هنا العمل..
اهدى هذا العمل لصديقنا دكتور خالد عطا المنان (سسكتون/سكتشوان)..و مؤخرا اكتشفت لماذا يتحدث بحميمية عن غرب أفريقيا..
كبر
Post: #42 Title: Re: الفن التشادى الاصيل، الثوب التشادى الاصيل Author: ايمن التاج Date: 01-19-2010, 07:21 AM Parent: #41
سلامات يا تماضر كيفك وكيف الاولاد .. زمن طويل اتمنى تكونوا بخير اما عن البوست السمح ده .. ياريت لو فعلا نشوف الدراما والمزيكا الحوالينا .. فعلا في اعمال اصبحت عالميه وهي قريبه لينا .. الناس ما بسمعوا عنها ولا بشوفوها .. وبمناسبة مداخلة (كبر) الاخيره دي اتذكرته فليم شفته قبل فتره وادهشني حقيقي .. ومن مالي بهديك ليو ولزوارك يا ريت تلقيهو DVD لانو في الـ special feature بتاعو في كلام سمح شديد للمخرج وهو مغربي .. ضروري تشوفيهو وده جزء منو " target="_blank"> اتمنى يعجبكم الفيلم اسمو Bamako على اسم عاصمة مالي ـــــــــــــــــــــــ ايمن تابر
Post: #43 Title: Re: الفن التشادى الاصيل، الثوب التشادى الاصيل Author: يازولyazoalيازول Date: 01-19-2010, 08:06 AM Parent: #42
شقيقتى تماضر
رغم بعدى برسل سلامى
ورغم بعدى تأكدت أن الجينات واحدة فحبى للتشاديين لا يحده حدود
أشاهد قناة تشاد بصفة شبه يومية
الأغنية المذكورة أعلاه هى أغنيتى المفضلة كما ذكر جارى إدريس البدرى وبنتى نبراس ، إلا أننا إختلفنا فى اٌلإسم فأنا أسمعها (التمبشوية) وكأن الشاعر هنا يصف حبيبته بأنها لسع صغيرة وتمبشوية ، وهى معروفة فى منزلنا بهذا الإسم ، وقد إفتقدت فى النص الذى أوردتيه البيت الذى يقول (التمبشوية بت سكينة التمبشوية بتين تجينا)
أحييك يا تماضر وأحيى كل تمبشوية فى السودان وكل تمبشوية فى تشاد فأصلو يا تماضر هذه جينات لشعب واحد تنتج تمبشويات مميزة
Post: #54 Title: Re: الفن التشادى الاصيل، الثوب التشادى الاصيل Author: Tumadir Date: 01-21-2010, 04:11 AM Parent: #43
دكتور نبراس وأبوها الوناس
ألأف مرحبتين حبابكم ...فى الجينات ...وفى البوست
والله يا جماعة ما تتخيلوا جيتكم دى اثلحت "صدورى" كيف...
وعشان كلمتك بتاعة "كل يوم بتعلم منك اكون انسان افضل" دى....لة يومين بجرد فى حساباتى
قلت اقول ليك النصيحة.... انتى أصلك انسان "افضل" يا نبراس ...وأحذرك ما تبقى زيى .... انا اللى يوم الليلة ما دقيت لى غويشات ولى يوم الليلة ما اشتريت الحافلة المن الحيطة للحيطة ديك ولى يوم الليلة ما عرسونى هههههه .....ابقى ذاتك الحلوة الشاطرة الرسامة الشاعرة الدكتورة الجميلة الناكرة لى ذاتها المعطاءة الزايدة فى البنوت حلاه ......وخلينى أنا مرمى الله دى ....لمن الله يرفعنى ...
بحبك شديد
"يمكن اكتر من الاغنية دى زاتها"
Post: #44 Title: Re: الفن التشادى الاصيل، الثوب التشادى الاصيل Author: doma Date: 01-19-2010, 08:31 AM Parent: #42
Post: #45 Title: Re: الفن التشادى الاصيل، الثوب التشادى الاصيل Author: حافظ كنجال Date: 01-19-2010, 08:48 AM Parent: #44
هااي ترا تماضر شغل ده براكي تشوفي شاد انجمينا دي امتداد لي وجود اخوانا في الجزء الاخر كان ربنا هون شالوكي من بكانكي ده وودويك انجمينا ورجعتي لي الجنينية كلامك ده كل تشوفي الفن التشادي راقي ومتقدم يكفي زملاتنا سنيين لاخ عبدالله التشادي في معهد الموسيقى والمسرح وده برجعنا لحتت انو احنا فنيا اقرب لافارقة جيرانا من العرب الجمبنا
Post: #46 Title: Re: الفن التشادى الاصيل، الثوب التشادى الاصيل Author: Tragie Mustafa Date: 01-19-2010, 12:28 PM Parent: #45
عسل يا آل شيخ الدين
Quote: بدأت أصدق حكاية العرق المطمبج فعلا :)
كتلتوني بالضحك يا نبراس وعمتها(هههههه) هشام ذوقك راقي وتطريباتك باين مبالغ فيها. التمبشويه دي لحنها خرافي حنين شديد.
كونوا بخير.
ويا تماضر بسوت في السلك صرنا نحج اليه صباحا ومساء ونتستمتع باضافات كل زوارك الافاضل.
Post: #47 Title: Re: الفن التشادى الاصيل، الثوب التشادى الاصيل Author: Tragie Mustafa Date: 01-19-2010, 04:40 PM Parent: #46
الاغنيه النزلتها دي اول مره سمعتها في نيويورك وغناها عازف الاروج وهو فنان تشادي كما يبدو اسمه آدم طاؤوس وممعه سراج العروبه ووحياتك ما بتخيل مدى تجاوب الجمهور السوداني معها.
غايتو يا زول يومها رقصنا رقيص مبالغ فيه رغم اننا ما فاهمين حاجه لكن ايقاعها جميل. الا اهلك الزغاوه عجبتهم بالحيل....فياريت تحدثنا عن كلماتها بتقول شنو عشان نتنور.
التمبوجويا تراجي مصطفى اغنية ( سِلِكي / سِنِكي ) و كتبها البعض ( sinkey ) معنى الكلمة ( ارقصي لهم ) و ايضاً تعني ( زد لهم ) .. هذه الاغنية فيه تمجيد لفرسان القبيلة و تطالب الاغنية بنات القبيلة بالغناء للفرسان . بصراحة تراجي تعمدت تاخير مداخلتي هذه رغم طلبك حتى اجمع اكبر قدر ممكن من شاكلة هذه الاغنية و تفسيراتها . اعدك بذلك بس شيلي الصبر .
تماضر يا اختي فتحتي باب تاني ما بنسد و حتشوفي اولاد بلدك كيف يعجبوك و كم السودان متنوع . حبي و تقديري .
من كترة المشاركات الممتعة والمفيدة والمضحكة واللذيذة
خليكم معانا
انا أولادى بيستعملوا الكمبيوتر وبحمونى أخد فرصة ...
بقمعهم وبجيكم
ما تمشوا بعيد
Post: #52 Title: Re: الفن التشادى الاصيل، الثوب التشادى الاصيل Author: عادل عبدالرحمن Date: 01-20-2010, 08:53 PM Parent: #51
Quote: الصديق عادل عبد الرحمن منتظر اجابتك..و لدي مقاربات عمادها كل الشريط الممتد بين جيبوتي شرقا و لغاية السنغال غربا..و تشابه الموسيقى ..و المحتويات..والأكسسوار..و الرقص..شفت الجلابية الطويلة دي يا عادل نفسها في مناطق..جبيوتي.. ارتيريا.. النوبا في الشمال..و الفور في الغرب..و البقارة في تشاد.. و النيجر..و مالي و موريتانيا..الخ..و هو حقل لم يتم اختباره بعد..
العزيز/ كبَر Kabar ، تحياتي ..
كما ذكر أخونا عادل عثمان ـ أن التوب السوداني جاءنا من الصحراء الأفريقية ؛ فهو منتشر في بلاد شنقيط ومالي وموريتانيا .. وتشاد منذ دهور سحيقة . أما الشمال النيلي فلم يكن يعرف ، حتى عهد قريب ، سوى الرحط والقرقاب والطرحة . تقول الأستاذة / أماني عبد الجليل ( الجندرية ) :
Quote: تظهر بعض الآثار النوبية ( 6000 ق. م ) النساء وهن يضعن على روؤسهن تلك التجيان التي تشبه تيجان الملكات الفرعونيات . ولا ندري إن كانت النساء من العامة في تلك الفترة يضعن أغطية على رؤوسهن أم لا ؟!! فالآثار توثق في الغالب للحكام وليس للشعوب . (صورة رقم 37).
وفي مراحل تاريخية لاحقة ارتدت الفتيات في غالب مناطق السودان الرحط ( ). وذكرت بعض كتب الرحالة، أن هذا الزي ترتديه الفتيات في السودان، منهم الرحالة بوركهارت الذي زار شمال السودان في عام 1814م . ونعوم شقير في العام 1903م ( ). وقد تستبدل النساء الرحط الجلدي بقماش، يرتدى ما بين الخصر والركبة، وقد يكون في ذلك دلالة اقتصادية وإجتماعية، بحسب غلاء الجلد أو القماش، كما في هذه الصورة، التي أخذت لفتاة، من منطقة قنتي بشمال السودان، في العام 1905م.(صورة رقم 38) .
وكان الرحط لباسـاً للفتيات حتى يتزوجـن ، ثم يستبدلنه بعد الزواج بثـوب " يسمى (القَرِن) ( ) ، وهو يشبه إلى حد ما الطرحة الحالية " ( ) . أو بالقرقاب ، وهو إزار حول الخصر. وثم أصبحت الفتيات يلبسن قطعة من الدمور ( القماش القطني المنسوج يدوياً ) فوق الرحط . و تجاور ارتداء التوب السوداني ، والرحط ، ولكن الأخير أصبح لبساً للجواري فيما بعد ( ) ، وهو ما أشار إليه روزنيولي ، الإيطالي الذي عاش في أمدرمان إبان فترة الدولة المهدية ، ففي معرض حديثه عن سكان أمدرمان قال : " ففي هذا المعرض يمر الإنسان العريان كما ولدته أمه ، ومن هم في مصاف الطوطم ، والنساء المحجبات اللائي لا يكشفن عن أعينهن وأخريات ليس عليهن إلا خرق حقيرة تستر العورة فقط " ( ).
اندثر ارتداء الفتيات للرحط في الثلث الأول من القرن الماضي. ولكن ظلت العروس السودانية ترقص مرتدية الرحط فقط ، واستمرت هذه العادة حتى أربعينات القرن الماضي . ولا زالت ذاكرة رواة التاريخ الشفاهي ، في السودان ، تحفظ كيف أن الأستاذ محمود محمد طه، زعيم الحزب الجمهوري، رفض أن ترقص عروسه بالرحط ، بعد أن لاحظ تأثرها الشديد ورفضها البائن لهذا الطقس، وقد يشير رفض العروس للرقص بالرحط ، إلى أن فترة الأربعينات ، قد شهدت بداية اندثار هذه العادة . وفيما بعد ارتبط الرحط بالعذرية في الثقافة الشعبية، وانتقل إلى الممارسات الفلكلورية ، ضمن طقوس الزواج السوداني ، في شمال ووسط السودان ، حيث لا زالت تسود عادة ( قطع الرحط )، فترتدي العروس الرحط تحت فستانها ، ويقوم العريس أثناء حفل العرس ، وطقس رقصة العروس ، بقطع سبعة من الخيوط الجلدية من الرحط ، إعلاناً عن انتقال الفتاة إلى حياة الزوجية.
وربما يفسر انتشار هذا اللباس ( الرحط ) ، في مناطق تسود فيها الديانة الإسلامية ، أن الإسلام انتشر في السودان عن طريق الطرق الصوفية ( ) ، وتعامل المسلمون هناك مع لباس النساء بكل تسامح ودون أي تشدد ديني ، تدعمهم في ذلك مرجعيتهم الصوفية ، فجسد المرأة عند المتوصف الأكبر محي الدين ابن عربي ، ليس بعورة ، وإن تم أمرها بالستر في مذهبه ومذاهب غيره. فقد جاء على لسانه " أما مذهبنا فليس العورة في المرأة أيضاً إلا السوأتين كما قال تعالى وطفقا يخصفان عليهما من ورق الجنة ( الأعراف /22 ، وطه 121) فساوى بين آدم وحواء في ستر العورتين وهما السوأتان " ( ). أو ربما اعتبر فقهاء ذلك الزمان ، أن نساء السودان جميعهن جواري . خاصة بعد ارتباط الرق بالزنوج وبذوي البشرة السوداء . وبالتالي تسري عليهن الفتوى القائلة بأن " عورة المرأة جسمها كله ما عدا الوجه والكفين إذا كانت " حرة " أما الجارية أي " المملوكة " فعورتها مثل الرجل من فوق الركبة إلى تحت السرة "
وكما ذكرت أنت عن انتشار الجلابية في كل تلك البقاع ، فإن القرقاب منتشر في الصومال وفي مناطق العفر من إرتريا واليمن وحضرموت ـ يلبسه الذكور والإناث ، وهو لم يندثر بعد في تلك المناطق .
وفي انتظار مقارباتك ، التي لا نشك في ثرائها .
Post: #56 Title: Re: الفن التشادى الاصيل، الثوب التشادى الاصيل Author: Tumadir Date: 01-21-2010, 04:16 AM Parent: #44
يا دومة
غلبك التقوليهو؟؟
سلام
Post: #55 Title: Re: الفن التشادى الاصيل، الثوب التشادى الاصيل Author: Tumadir Date: 01-21-2010, 04:14 AM Parent: #42
أيمن تابر
"ابو مايا"
الفيلم عجيب...وصوت البت دى عذبنى عذاب ...مع دموعها الحقيقية دى ...ياخ حاجة ما ساهلة ...ياريت لو لقيتو....لكن بكوسو ليك وبلقاه ليك ....
والله بدون مبالغة لقيت نفسى فخورة باأفريقيا دى كلها خلى السودان ولا تشاد ولا مالى ......جمال شديد
شكرا
Post: #53 Title: Re: الفن التشادى الاصيل، الثوب التشادى الاصيل Author: Tumadir Date: 01-21-2010, 04:05 AM Parent: #39
عثمان سيد محمد
أشكرك على الاستجابة لنداء التفرج على الفيلم ...وبالله شفت البساطة والهدوء ووضح الرؤيا وكم "الشوف" البتشوفو من مشاهدة الفيلم
شايفة أحمد المرضى قالها ببساطة " شغل ما هين"
أما الاسم فمن ضمن صعوبة اسامينا انها طالعة من مصادرها الاصلية والوالد رحمة الله عليه كان دقيق فى النطق والمعنى لكل اسم
اسمى تماضر بضم التو وكسر الضى "هههه" حسة تبارك ده كان يسموهو شنو فكرك؟ غير تبارك؟؟ ههههههه
لك المودة ...والاحترام
Post: #57 Title: Re: الفن التشادى الاصيل، الثوب التشادى الاصيل Author: Tumadir Date: 01-21-2010, 04:18 AM Parent: #53
Quote: مش بنحبك؟؟؟
أبقي عشرة علي الحب دة
!!
أها ونورة دى البحبها منو ؟؟؟ ههههه
ياخى شكرا على الحب ..وشكرا على الزيارة .....والقلوب شواهد ....
Post: #58 Title: Re: الفن التشادى الاصيل، الثوب التشادى الاصيل Author: Tumadir Date: 01-21-2010, 04:22 AM Parent: #57
Quote: تماضر يا اختي فتحتي باب تاني ما بنسد و حتشوفي اولاد بلدك كيف يعجبوك و كم السودان متنوع . حبي و تقديري .
يمكن معرفة الذات دى كانت تحل لينا مشاكل سياسية اجتماعية تاريخية ضاربة فى القددم ...والله ينعل الكان السبب ...
على العموم حبابك هنا ...واليوم السعيد الليلة جابك ياااااااااصادق ضرار "اوكما قال النعام آدم"
Post: #59 Title: Re: الفن التشادى الاصيل، الثوب التشادى الاصيل Author: Tumadir Date: 01-21-2010, 04:25 AM Parent: #58
Quote: هااي ترا تماضر شغل ده براكي تشوفي شاد انجمينا دي امتداد لي وجود اخوانا في الجزء الاخر كان ربنا هون شالوكي من بكانكي ده وودويك انجمينا ورجعتي لي الجنينية كلامك ده كل تشوفي الفن التشادي راقي ومتقدم يكفي زملاتنا سنيين لاخ عبدالله التشادي في معهد الموسيقى والمسرح وده برجعنا لحتت انو احنا فنيا اقرب لافارقة جيرانا من العرب الجمبنا
كى الصح قتوهو ...وكلامى عرفتوهو
وبالله هو وين حسة .عبد الله ..فى انجمينا ولا فى الجنينة؟؟
تحيات وشوق خرافى
Post: #60 Title: Re: الفن التشادى الاصيل، الثوب التشادى الاصيل Author: Tumadir Date: 01-21-2010, 04:27 AM Parent: #59
أما انتو يا "خبراء" الانثربولوجى عادل وتراجى وكبر
فدعونى فقط استمتع بمناوشاتكم هذه ...وأتابع فى أدب ...ومرحبا بالجندرية حتى لو فى اقتنباس
وبالمناسبة يا كبر ...اغنية الفيديو آآآآآآآآآآسرة عمل مقدر
Post: #61 Title: Re: الفن التشادى الاصيل، الثوب التشادى الاصيل Author: خدر Date: 01-21-2010, 11:11 AM Parent: #60
روحي حرقتني والله يا تمادر ما قادر اسمع لكن تاميها خيال ساي خليني اجرب من المكتب بس قولي إنشاء الله ما تزرني المديرة و تبستفني
تزرني دي الانفنتف بتاعها زرارة موش ؟
Post: #62 Title: Re: الفن التشادى الاصيل، الثوب التشادى الاصيل Author: حواء سليمان ابراهيم Date: 01-21-2010, 01:49 PM Parent: #61
شكرأ تماضر على الجمال الذى لا ياتى الا من اهله اعتقد فى بيت فى اغنية تمباجوية بقول :-
السمحة أم كجيل* شعركى سبيب الخيل بلا القادر المسكين بلقاككى وين ؟؟ شفتى الوصف سمح كيف؟؟ ------
يا باقر موسى الفكرة حلوة وبسيطة وتسر الخاطر ...واظنها بتلخص البوست ...ده ما غريب يجى منك
والأهم من كده انت ما بتقيش ليه؟؟؟
سعدت بحضورك .
..حقا!!
Post: #68 Title: Re: الفن التشادى الاصيل، الثوب التشادى الاصيل Author: El Dukhri Date: 01-27-2010, 06:03 PM Parent: #67
تحية تماضر الفن السوداني ضارب في إفريقيا بل الجذور الإثنية السودانية في دول لا يمكن تخيلها مثل النيجر والكاميرون والسنقال وغيرها نتمنى أن يلتفت السودان لهذا الجزء من العالم
Post: #69 Title: Re: الفن التشادى الاصيل، الثوب التشادى الاصيل Author: عبدالله الشقليني Date: 02-09-2010, 05:00 AM Parent: #68
قلوب وحَسرة
الفاضلة : تماضر
تحية طيبة لكِ ولأضيافك الكرام وضيفاتَكِ الأفاضل . (1) عسير على القلب أن يكشف مواجع الذين أحزنهم المُستعمر بحدوده السياسية ، بين كل المجتمعات المُشتركة على أطراف كل الحدود بين كل البلدان . وفي السودان ينطبق الأمر على المجتمعات المشتركة بين حدود السودان جميعها ، شرقاً وغرباً وجنوباً وشمالاً . وقد أقام المُستعمر الحدود واضاف عليها قُدسية دولية و ألا تُمس هذه الحدود ، فقد قامت الدول بحدودها السياسية المعروفة ، ولن يستطع من يريد أن يفرقها أو يضمها إلا أن يخوض حرباً ضروساً ، تؤهله ليفرض تعديلاً على تلك الحدود . ومن هنا كانت حسرة الشعوب المشتركة ، وتعقيد الانتماءات التي تُكسر العواطف . وفي لغة اليوم تعني ضمن ما تعني ولاءات لدول أخرى ، ولذلك الكثير من المحاذير . والاتهام الأمني يظهر عند الصراعات الإقليمية ، فتُكشف أن الانتماء الشعبي أكثر قوة من الانتماء للدولة ، ومن هنا يأتي تعقيد العلاقات بين الشعوب المتجاورة على طرفي الحدود . (2) إنه لملف حاسر الرأس عند كل جمالٍ ، لكن تفضل هنا من أورد الحديث عن زوجة الرئيس التشادي إدريس دبي على أنها تشادية ، وقد وردت لنا معلومة أنها سودانية ومن آل دوسة ! . ووردت لنا معلومة أيضاً أن للرئيس التشادي ابن اسمه " عمر البشير "! . رجاء التفضل بالتصحيح إن وُجد . (3) سيظل الملف متألقاً بمحتواه ، وتلك حسرات الشعوب التي تفرقها الحدود السياسية للدول . وسيظل كل شيء مشترك ، وهي مساحة أفضل ليكن التعاون بين الدول المُجاورة أكثر إنسانية ، وأن تمتد أواصر العلاقات لتُمحي هذه الحسرة .
