اسئله ليست للاجوبه نسئلكم بعض الاسئله ونديكم بعض الحقائق عن الوسط الفني وبعدين احكموا براكم اولا ايمان لندن عايشه وين ؟ في لندن؟ بالله... يعني بريطانيا طيب عندها الجنسيه البريطانيه؟ بالله زززززززي يعني الحيكومه الانجليزيه مخيره معاها تحكم عليها حسب القانون الانجليزي اذا اتجاوزته ===== نفترض افتراضات اخري لو كانت ما لابسه توب سوداني مع انه الموريتانين بلبسو تياب برضو لو ما غنت بالسوداني يعني بالعربي الفصيح؟ او باي رطانه لو عازفي الاورغ ما سودانيين؟بتاعين الساكس الكويسين بكونوا حبش زعلت من صاحب البوست وصف عازف الاورغن بالخايب واطالبك بالاعتذار فورا ==== واحدين تسائلو لو اختك ايه ما عارف ايه ايه زي كده بترضي؟ يعني خلاص اتجاوزنا مساله الواحد يخلي اخته تغني ولا تقيف في مسرح؟ والله ده في حد ذاته تقدم ملحوظ ده كلو كوم ونقول حاجه تانيه بس ما تقولو عنصري لو ما كانت ايمان لندن ياها ايمان دي؟؟؟كانت من الهامش يعني؟ بطلو اللف والدوران انتو فاهمين قصدي طيف ما جوه الخرطوم في ناس فلانه امبده وفلانه العشش وووووو وبكشفو جنس كشف ولا تفرق كتير بين فلانه وين ما عارف وفلانه القدرت تشق طريقها لحدي ما استقرت وبقت تطلع عدادات بره بلدها التاني كمان وتمثل السودان؟ منو القال ليكم انها بتمثل السودان؟ مش هي بريطانيه الجنسيه وسافرت من بريطانيا؟ الرقص بتاعها خليع؟؟؟اللبس ايه ؟؟؟ نحمدالله انها سودانيه وليست مصريه....تتذكروا الحبوبات رقصوا رقص العروس كيف؟ هسه المسكينه دي لو قرت البوست ده تاني يدها ما ح تهزها ======= اتمني ان اري الفنان الذي يخرج عن وقفه جامده ويتفاعل مع الايقاع رقصا وطربا امااهم الحقائق عن الوسط الفني فهي انه نقي لا يسود فيه الا الفن الراقي,هكذا كان الفنان السوداني جذوره وستظل وارفه شجرته ولن تتسقط منه الا الاوراق حين تجف الموسيقيين السودانيين يظلوا يعشقون الفن والموسيقي واخلاقهم تترفع عن الابتذال مهما كانت المغريات وهم خير سفراء في اي مكان يرتادون ايها المثاليون ابحثوا عن الاصلاح في اوساط اخري وان كانت هنالك ثم مشكله اخلاقيات فابحثوا في بواطن المجتمع وتداعيات الحكم لكم فاحكموا ماهي مقاييس الحريه ومن يحددها؟من يحكم علي الفنان كيف يستلهم فنه,كيف يختار الفن حياه وسلوك. لا احد يملك الحكم علي سوك الاخرين طالما كان في اطار ترجمه الاخر لاحساسه الفني علي مسرح واقعي, ثم ان للفنون عموما خاصيه شاذه يتصف بها البعض عن الاخرين يتميز بها الفنانون فيما بينهم الحل عندي ان نترك اهل الفن يشتغلون بما يحبون تحيه لكل اهل ومحبي الفن وكفي
بعد ما قلت الداير اقوله ما مشكله البوست يمشي الخور المهم الداير اقوله قلته والما عاجبه يشرب من نفس الخور ===== اصل القضيه ما قضيه فلان وعلان عمل شنو وسوي شنو المشكله ولا حتي ما مشكله فنان اسمه ايمان داير اقول لو حريه الفنان في يد احد ما كان غرد كروان ==== فلنترك كل من يري انه فنان يحكم علي فنه جمهور مشاهد ومستمع لفنه وليس اي شيء اخر تغرد الطير في الغاب كماتشاء لم ولن تهش الاشجار غصن لتسكتها او لتجعلها تهرب
اتفق معاك تماما وطظ في اي مطبوظ في عقلو وفي اي واحد منفصم عقليا وروحيا وجاي هنا يحاكم الفن باخلاق لاوجود لها الان وناس بس من تزنقه تقول ليك ترضى اختك تكون كده ايوة رضيان اخواتي اتنين بعملوا في الفن وليهم بصمتهم الواضحة ما تحاكموا الفن من شوفكم الواهي وانتوا لا ليكم في الفن ولا حتى تذوقوا
01-16-2010, 11:06 PM
محمد زكريا محمد زكريا
تاريخ التسجيل: 09-01-2009
مجموع المشاركات: 4909
Quote: اتفق معاك تماما وطظ في اي مطبوظ في عقلو وفي اي واحد منفصم عقليا وروحيا وجاي هنا يحاكم الفن باخلاق لاوجود لها الان وناس بس من تزنقه تقول ليك ترضى اختك تكون كده ايوة رضيان اخواتي اتنين بعملوا في الفن وليهم بصمتهم الواضحة ما تحاكموا الفن من شوفكم الواهي وانتوا لا ليكم في الفن ولا حتى تذوقوا
الفنان المبدع ودالسني بالظبط هذا ما كنت احاول ان اوضح مافي زول عنده حق يحكم علي الناس عموما خليك من الفنانين اخواتنا لهم كل الحق ان يبرزوا ابداعهم ومواهبهم الفنيه وايضا لهم كل الحريه اسعدني مرورك ومداخلتك الوافيه تحيه لكل جندريات الفن ولك ايها الفنان الصادق
حرد عليكم بوصفي واحدة من الأتداخلوا في البوست المعني , و بوصفكم فنانيين و بوصفي واحدة معجبة بفنكم - ممكن نعرف منكم ماهو الفن و من هو الفنان؟
و هل للفن قيود او شروط او حريات او حدود ؟؟ ام هو مطلق - يعني مثلاً الفنان البغني اغاني عاطفية لكن بكلمات مرهفة و منتقاه هل هو زيو وزي الفنان البغني
اغاني دات مفردات هابطة ؟؟ و كلمات خادشة؟؟ و هل الممثل البمثل في دراما هادفة و ذات مغزى هادف - زيو و زي ممثل افلام الجنس و الإباحة ؟؟؟
و هل العازف البعزف مع فنان من الفنانيين العمالقة- زي مصطفى سيد احمد - مثالاً و ليس حصراً- ممكن يعزف مع واحدة بتغني اغاني مثل - ولعت لي الكبريت و استنيتو جنب البيت ؟؟ السؤال ده موجه ليك يا محمد ؟؟ طبعاً ممكن تقول لي دي حرية شخصية يعزف مع العايز يعزف معاها و ما حنختلف معاك و في النهاية انتوا الفنانيين و نحن المستمعيين او المشاهديين و نحن البنقرر ده فنان قامة و ده فنان محترم و ده فنان هابط ..
تعليق على كلامك الفوق يا محمد الفنانة بريطانية زي ما قلت لكن مالا ما غنت انغليزي و الحفلة بالمناسبة باسم الصداقة السودانية الاثيوبية ما الاثيوبية البريطانية
01-16-2010, 11:16 PM
محمد زكريا محمد زكريا
تاريخ التسجيل: 09-01-2009
مجموع المشاركات: 4909
Quote: اتفق معاك تماما وطظ في اي مطبوظ في عقلو وفي اي واحد منفصم عقليا وروحيا وجاي هنا يحاكم الفن باخلاق لاوجود لها الان وناس بس من تزنقه تقول ليك ترضى اختك تكون كده ايوة رضيان اخواتي اتنين بعملوا في الفن وليهم بصمتهم الواضحة ما تحاكموا الفن من شوفكم الواهي وانتوا لا ليكم في الفن ولا حتى تذوقوا
استاذ السني تحياتي
بالطبع العمل في الفن ليس عيباً , شخصياً احب التمثيل جداً و امنيتي في الدنيا ان اتعلم العزف على الكيبورد , و كنت اود الإلتحاق بكلية
الموسيقى و المسرح لو تدخل بعض افراد العائلة و تفضيلهم كلية القانون على الموسيقى - طبعاً الفهم المتخلف عن الفن - ما وددت قوله
ان اعتراضنا في البوست المعني و اتحدث عن نفسي - ليس تقليلاً بالفن و الفنانيين و لكن للسخف و الكلمات الهابطة و الرقص الخليع للفنانة
المعنية . و بوصفي محبة للفن - لا ارتضي ان تنسب واحدة كايمان لندن للفن او توصف بانها فنانة
مع تقديري و محبتي
01-16-2010, 11:57 PM
salah ismail salah ismail
تاريخ التسجيل: 04-27-2009
مجموع المشاركات: 1258
اتفق معاك.... يا محمد زكريا دي مشكلة طريقة تفكير وشخصيات مبنيه علي رد الفعل السلبي لاي حادث...رغم انو الاحداث مؤقتة لكنها بتتملك من دواخلهم المشابهة مساحة اكبر وما بتفضل حاجة تققال غير السلبيات من وجهة نظر واحدة...
الفن هو الحريه نفسها...علي مستوي فردي مستديم المشكلة عند الزول البفلق ويجدع..ويشتم... جووووووه في نفسه... ما بره... في ميزة ظريفة عند النسناس الاخضر(القرد) لوعفصت ضنبوا بشاكل القدامه...ودي طبيعه..حتي لوكان مادي ليهو موزة...
لكن في طبايع مكتسبة زي دي...
------------------------------- سلامتك يا استاذ وحترجع وتعزف زي ما حصلت حاجه
01-17-2010, 00:26 AM
Balla Musa Balla Musa
تاريخ التسجيل: 12-30-2004
مجموع المشاركات: 15238
حرد عليكم بوصفي واحدة من الأتداخلوا في البوست المعني , و بوصفكم فنانيين و بوصفي واحدة معجبة بفنكم - ممكن نعرف منكم ماهو الفن و من هو الفنان؟
و هل للفن قيود او شروط او حريات او حدود ؟؟ ام هو مطلق - يعني مثلاً الفنان البغني اغاني عاطفية لكن بكلمات مرهفة و منتقاه هل هو زيو وزي الفنان البغني
اغاني دات مفردات هابطة ؟؟ و كلمات خادشة؟؟ و هل الممثل البمثل في دراما هادفة و ذات مغزى هادف - زيو و زي ممثل افلام الجنس و الإباحة ؟؟؟
اولا اشكرك علي الدخول في هذا البوست لتبديء اراؤك ومخالفه لنا سارد عن نفسي طبعا الجزء الاول من اسئلتك لا تحتاج الي اجابه مختصره لان الاجابه هنا عباره فلسفه عميقه منسوبه للتاريخ القديم والحديث معا يحتوي علي نظريات وتعريف وتصنيف لا تكفي المجلدات لتدوين الاجابه المطلقه ...فرحمه بي وبك ساختصر بانك تعلمين الاجابه مسبقا.. ومع ذلك فان ابسط تعريف للفن هو ترجمه الاحاسيس والمشاعر الشخصيه المختلفه النوع الي تطبيق ينعكس في شكل ممارسه ملموسه الابعاد في عيون او اذن المتلقي وتكون النتيجه تجاوب ما بشكل ما والي حد مامع احاسيسه ومشاعره وفهمه كمتلقي...لا تنسي هنا يختلف ايضا تذوق المتلقي تباينيا فيتجاوب او لا يتجاوب مع العمل الفني المعين اما الفنان يا عزيزتي فهو بل شك ذلك الفرد او الجمع الذي يستطيع ان يشكل الاحاسيس في عمل يتجاوب معه الاغلبيه وبقدر عال من الاعجاب هذا تعريفي البسيط للفن والفنان...
الجزئيه الثانيه عن القيود والشروط يا عزيزتي اذا كانت هنالك قيود لما كان للاحساس وجود اصلا ولا لمعني لكلمه فن ولو كان حصريالاهل القيود فهو سيكون مكتفا... ولكن ايضا نعم هنالك قيود وشروط علميه وهارمونيه مع المنطق والمعقول الي حد ليس بالضروره شرطا بكل بساطه حتي مثالك الذي اوردتيه فهو جائز في حدود الحريه المطلقه وايضا المتلقي مره اخري هو من يحكم علي حياه العمل الفني او مماته اذا كنت ترين اعمال فنيه تقييمينها بانها هابطه قد تكون المشكله الاساسيه في المتلقي وليس الفنان لان التذوق يختلف بينك وبين متلق اخر. اعتبر الفنان شجاعا حين يتقدم بحريته المطلقه ليفرض اعماله علي المتلقي ولا يياس من محاوله تطوير اعماله حتي يرضي المتلقي ويستمر في المحاولات ولا شك فانه سيجد من يستمع وان كان العمل هابط فالمشكله في المستمع الذي يقبل ذلك
جزئيه ممثلي الاباحه اتركها لاخي السني ولا ادري بكل صراحه كيف اجاوب ولو اني اعتبر توصيل الثقافه الجنسيه ايضا رساله مهمه علي من يقوم بها
Quote:
و هل العازف البعزف مع فنان من الفنانيين العمالقة- زي مصطفى سيد احمد - مثالاً و ليس حصراً- ممكن يعزف مع واحدة بتغني اغاني مثل - ولعت لي الكبريت و استنيتو جنب البيت ؟؟ السؤال ده موجه ليك يا محمد ؟؟ طبعاً ممكن تقول لي دي حرية شخصية يعزف مع العايز يعزف معاها و ما حنختلف معاك و في النهاية انتوا الفنانيين و نحن المستمعيين او المشاهديين و نحن البنقرر ده فنان قامة و ده فنان محترم و ده فنان هابط ..
تعليق على كلامك الفوق يا محمد الفنانة بريطانية زي ما قلت لكن مالا ما غنت انغليزي و الحفلة بالمناسبة باسم الصداقة السودانية الاثيوبية ما الاثيوبية البريطانية
اقول لك شنو بس ,ضحكتني قصه الكبريت دي..... يا عزيزتي انا قلت ليك مشكلتي مش منو الفنان وبغني شنو وحقيقه العازفين ما بنطو بس مع اي فنان او فنانه وما تنسي العازف برضو فنان حريه الفنان ضروريه في كل انواع الفنون ===== محمد منير فنان مصري وبمثل مصر باغاني سودانيه بوب ديلون غني لبوب مارلي في اوسلو في الصداقه النرويجيه البريطانيه
بعدين مشت غنت من تلقاء نفسها يعني بدون دعوه مش ممكن الصداقهالاثيوبيه السودانيه بين الناس الفي بريطانيا مش الفي السودان؟
ياختي فترت من الكتابه لك تحياتي
01-17-2010, 01:43 AM
محمد زكريا محمد زكريا
تاريخ التسجيل: 09-01-2009
مجموع المشاركات: 4909
اختي العزيزة وغالية سناء السيد علم الجمال .... أصل الكلمة ومدلولها اصل الكلمة يوناني ( اغريقي ) و كان يقصد بها العلم المتعلق بالاحساسات طبقاً للفظ Aesthesi , الفيلسوف بول فاليري قال : علم الجمال علم الحساسية وفي الوقت الحالي اصطلح البعض على تسميته كل تفكير فلسفي بالفن , فالاستاطيقا فرع خاص بدراسة الحس والوجدان. ينطلق بومغارتن من المماثلة التالية: كما أنّه قد وقع نحت عبارة logic، أي علم ما هو بيّن أو المنطق، من لفظة (logikos) أي ما هو بيّن أو المنطقي، كذلك يمكن نحت عبارة (Aesthetic)، أي العلم بالمحسوس من لفظة (aisthètos) أي ما هو محسوس. ولذلك فإنّ المعنى الحرفي أو الأوّلي للفظة استاطيقا، Aesthetics هو مرادف لما تعنيه لفظة sentio في اللاتيني أي الإحساس بعامة، أي أكان ناجما عن حسّ ظاهر أو عن حسّ باطن.
[عدل] الجمال و الفن دائما ما يحصل خلط بين الجمال و الفن بالرغم من قربهما من بعضهما الا ان الجمال يختلف عن الفن من جهة الامور الحسية و الوجوداني فالجمال ليس بحسي بل يتعلق أكثر بالامور الوجدانية و الاحاسيس أو المشاعر اما الفن فهو إمّا خلق أو إعادة خلق مكون مادي محسوس ان كان بشكل لوحة فنية أو تمثال وحتى القصائد الشعرية و الاعمال الموسيقة هي بالرغم من عدم قدرة المرء على لمس النغمات أو الكلمات الشعرية الا انه قادر على لمس الالة التي صنعت أو خلقت هذا العمل ان كان بيانو أو قلم .
[عدل] تعريف الجمال اليونان كانوا يروا ان الإله يجمع بين الجماليات البشرية الكاملة و انه المثال المتكامل السامي للإنسان هربرت ريد : عرف الجمال بانه وحدة العلاقات الشكلية بين الاشياء التي تدركها حواسنا , إما هيجل فكان يرى الجمال بأنه ذلك الجني الانيس الذي نصادفه في كل مكان , جون ديوي عرف الجمال بفعل الادراك و التذوق للعلم الفني.
[عدل] تعريف الفن الفن عند اليونان كان يعرف بكل نشاط صناعي نافع بصفة عامة ولم يقتصر على الشعر و النحت و الموسيقى بل شمل الصناعات المهنية كالنجارة و البناء و الحدادة , في نفس الفترة كان ارسطو يرى الفن بانه تقليد ( محاكاة ) , و في معجم اكسفورد عرف الفن نقلا عن جون ستيوارت مل بالسعي وراء الكمال في الاداء , اما ماثيو ارنولد فعرفها بالصناعة التي لا تشوبها شائبة جيرم ستولنتز صاحب التعريف الاوسع انتشار عرف الفن بالمعالجة البارعة الواعية بوسيط من اجل تحقيق هدف ما
الأخلاق هي شكل من أشكال الوعي الإنساني كما تعتبر مجموعة من القيم والمبادئ تحرك الأشخاص والشعوب كالعدل والحرية والمساواة بحيث ترتقي إلى درجة أن تصبح مرجعية ثقافية لتلك الشعوب لتكون سنداً قانونياً تستقي منه الدول الأنظمة والقوانين.[1]
ويعتبر الدين بشكل عام سندا للأخلاق، والأخلاق هي دراسة، حيث يقيم السلوك الإنساني على ضوء القواعد الأخلاقية التي تضع معايير للسلوك، يضعها الإنسان لنفسه أو يعتبرها التزامات وواجبات تتم بداخلها أعماله أو هي محاولة لإزالة البعد المعنوي لعلم الأخلاق، وجعله عنصرا مكيفا، أي أن الأخلاق هي محاولة التطبيق العلمي، والواقعي للمعاني التي يديرها علم الأخلاق بصفة نظرية، ومجردة". وكلمة أخلاق ETHIC مستخلصة من الجدار اليوناني ETHOS، والتي تعني خلق. وتكون الأخلاق ETHIC طقما من المعتقدات ، أو المثاليات الموجهة، والتي تتخلل الفرد أو مجموعة من الناس في المجتمع. وباللغة الأجنبية فيتخلف لفظ ETHIC عن لفظ Déontologie، حيث تم اشتقاق هذا الأخير من الجدر اليونانيDEONTOS والذي يعني ما يجب فعله. وLogos والتي تعني العلم. وتعني اللفظتين معا العلم الذي يدرس الواجبات. كما تعرف « la Déontologie » أنها مرادف للأخلاق المهنية لمهنة معينة.
تختلف المسؤولية القانونية على المسؤولية الأخلاقية باختلاف أبعادهما ، فالمسؤولية القانونية تتحدد بتشريعات تكون أمام شخص أو قانون، لكن المسؤولية الأخلاقية فهي أوسع واشمل من دائرة القانون لأنها تتعلق بعلاقة الإنسان بخالقه وبنفسه وبغيره ، فهي مسؤولية ذاتية أمام ربه والضمير . أما دائرة القانون فمقصورة على سلوك الإنسان نحو غيره وتتغير حسب القانون المعمول به، وتنفذها سلطة خارجية من قضاة، رجال امن ونيابة ، وسجون . أما المسؤولية الأخلاقية فهي ثابتة ولا تتغير ، وتمارسها قوة ذاتية تتعلق بضمير الإنسان الذي هو سلطته الأولى
01-17-2010, 09:25 AM
محمد سنى دفع الله محمد سنى دفع الله
تاريخ التسجيل: 12-10-2005
مجموع المشاركات: 11026
هي مجموعة من الآداب والقيم أو القواعد التي تعتبر صوابا بين أصحاب مهنة معينة [1] .
كلمة أخلاقيات تعني: "وثيقة تحدد المعايير الأخلاقية والسلوكية المهنية المطلوب ان يتبعها أفراد جمعية مهنية . وتعرف بأنها بيان المعايير المثالية لمهنة من المهن تتبناه جماعة مهنية أو مؤسسة لتوجيه أعضائها لتحمل مسؤولياتهم المهنية." ولكل مهنة أخلاقيات و آداب عامة حددتها القوانين واللوائح الخاصة بها، ويقصد بآداب وأخلاقيات المهنة مجموعة من القواعد والأصول المتعارف عليها عند أصحاب المهنة الواحدة ، بحيث تكون مراعاتها محافظة على المهنة وشرفها.
تختلف المسؤولية القانونية على المسؤولية الأخلاقية باختلاف أبعادهما ، فالمسؤولية القانونية تتحدد بتشريعات تكون أمام شخص أو قانون، لكن المسؤولية الأخلاقية فهي أوسع واشمل من دائرة القانون لأنها تتعلق بعلاقة الإنسان بخالقه وبنفسه وبغيره ، فهي مسؤولية ذاتية أمام ربه والضمير . أما دائرة القانون فمقصورة على سلوك الإنسان نحو غيره وتتغير حسب القانون المعمول به، وتنفذها سلطة خارجية من قضاة، رجال امن ونيابة ، وسجون . أما المسؤولية الأخلاقية فهي ثابتة ولا تتغير ، وتمارسها قوة ذاتية تتعلق بضمير الإنسان الذي هو سلطته الأولى. هنا يمكن القول أن الأخلاق بقوتها الذاتية لا تكون بديلا عن القانون ولكن كلا من المسؤولية الأخلاقية والمسؤولية القانونية متكاملتان ولا يمكن الفصل بينهما في أي مهنة مهما كانت.
الميثاق الأخلاقي لأي مهنة يضم القواعد المرشدة لممارسة مهنة ما للارتقاء بمثالياتها وتدعيم رسالتها ، ورغم أهميته في تحديد الممارسات والأولويات داخل مهنة معينة إلا أننا لا يمكن أن نفرضه بالإكراه ولكن بالالتزام وان الطريقة الوحيدة للحكم على مهنة معينة هو سلوك أعضاء تلك المهنة إزاءها ، والحفاظ على قيم الثقة والاحترام والكفاءة والكرامة . ويجب أن يتميز الميثاق الأخلاقي للمهنة ب:
الاختصار السهولة والوضوح تكون معقولة ومقبولة عمليا شاملة إيجابية توضح جميع الالتزامات المهنية أمام زملاء المهنة الواحدة، المهنة نفسها، المؤسسات التابعين لها ، المستفيدين منها، الدولة ، المجتمع.
01-17-2010, 09:33 AM
محمد الطيب حسن محمد الطيب حسن
تاريخ التسجيل: 03-31-2007
مجموع المشاركات: 1609
مع انو اختلاف الود لايفسد للود قضيه لكن .. انا بعتبر انو بوستك ده نوع من الشوفوني لانو كلامك القلتو هنا كان ممكن تقولو في البوست المعني والاشهار الزياده مافيه ليه اي داعي ونوع من زياده الفضيحه بله وبله يابله وينو بله ؟؟؟
اختنا سناء لافض فوك وكلامك 100%
والسؤال موجهه للاخ الفنان الكبير محمد السني والذي راوغ باحترافيه عاليه عن الاجابه والسؤال هو كما قالت اختنا سناء
Quote: و هل الممثل البمثل في دراما هادفة و ذات مغزى هادف - زيو و زي ممثل افلام الجنس و الإباحة ؟؟؟
01-17-2010, 09:40 AM
محمد سنى دفع الله محمد سنى دفع الله
تاريخ التسجيل: 12-10-2005
مجموع المشاركات: 11026
ياجماعة اقيفوا عندكم افلام الجنس ليست افلام دراما ولا تتبع للفن المصطلح الخاص بها اسمها ـ الأفلام الزرقاء ليس فيها فنانين ولا ممثلين ناس بجيبوهم بي مواصفات محددة لعمل محدد وليس فيهو اي جانب يتعلق بالدراما او الفن الأبداعي واتحداكم ان تظهروا لنا فنان افلام جنس واحد مشهور ؟؟؟؟ التمثيل له مصطلح وما يتم في افلام الجنس حاجة تانية خالص ولا وجود لعلاقة بينهما بوبالمناسبة سؤالك ده ك\ده فيهو اساءة لاي ممثل ، محترم ولا غير محترم .. وانا مازوغت لكن بضع في المصطلحات لتحضير ردودي وسلمتم يا وجيه الدوحة
01-17-2010, 10:02 AM
محمد الطيب حسن محمد الطيب حسن
تاريخ التسجيل: 03-31-2007
مجموع المشاركات: 1609
Quote: بوبالمناسبة سؤالك ده ك\ده فيهو اساءة لاي ممثل ، محترم ولا غير محترم
اولا انا غير متفق معاك انو السؤال فيه اساءه للمحترمين واكبر دليل انت لانك اول فنان قدر يوصل الفن السوداني والمسرح للعالميه فهل الحته دي جات من فراغ ؟؟ اكيد لا وده الانا قاصدو انا في السؤال المقتبسو من الاخت سناء اكيد ماقاصد الافلام الاباحيه بقدر اني قاصد الاعمال المبتذله والهابطه
فممكن اغير ليك صيغه السؤال وترد عليه بعد
Quote: بضع في المصطلحات لتحضير ردودي
هل الفنان البقدم عمل هادف وعمل مفيد فنان والبقدم عمل مبتذل برضو فنان ؟؟؟
ــــــــــــــــــــــ تحت تحت مشتاقين وينك ماباين
01-17-2010, 10:34 AM
حاتم علي حاتم علي
تاريخ التسجيل: 11-04-2009
مجموع المشاركات: 1897
الاستاذ الفنان محمد زكريا ، و ضيوفه الاكارم من اهل الفن تحية طيبة
هذا ما كتبته في ذلك البوست المعني في معرض ردي على الاخ الحبيب امين محمد سليمان
Quote: نقطة أخرى على ما أعتقد أن هناك ممارسة سائدة هي توجيه الفنون ، بمعنى :
1. أن الفن يجب ان يكون له رسالة ما ، تخدم رؤية معينة للأخلاق وفق تخيل شخص أو مجموعة اشخاص وفق قناعاتهم الشخصية أو: 2. أن الفن هو انعكاس للواقع وجزء منه وبالتالي يجب تغير الواقع الاجتماعي للحصول على فن رسالي وفق رؤية معينة للأخلاق وفق تخيل شخص أو مجموعة اشخاص وفق قناعاتهم الشخصية
أنا شخصياً أرى أنه يجب " تحرير الفنون " من ربقة "التوجيه" نحو الأفضل "معيارياً" لزمن من الازمان أو لقوم من الأقوام ، الفنون هي تعبير انساني عن مكنونات داخلية لأي انسان وفق تفاعله مع بيئته - مجتمعه - بمعنى من حق كل انسان التعبير عن ما يجيش بداخله بدون وضع "نموذج" مفضل للفن "الغناء مثالاً" أو "القيم" التي يجب أن يعبر عنها الفن " الغناء مثالاً" ، هي حالة طبيعية - اي الفنون - تكون كنوع من التعبير أو اختزال لردود فعل معينة لمواقف معينة أو حتى تعبير عن مكنونات داخلية من شوق و حب و كره و بغض و نفاق الخ...
هلا توقفنا عن إسباغ - نظرتنا الذاتيه - لمفهوم "الفضيلة" على كل شئ في مجتمعنا ؟!
بمعنى ان يتم الحكم على الفن بمعايير (فنية) و ليس (قيمية)
تحياتي للجميع
01-17-2010, 11:01 AM
حافظ كنجال حافظ كنجال
تاريخ التسجيل: 10-02-2009
مجموع المشاركات: 511
التحية عبر بوستيك للفنانة ايمان لندن المتتبع لمسيرة ايمان في فترة وجيزة استطاعت انها تثبت وجوده داخل الوسط الفني الجزء الاول من عنوان البوست بكل تفاني وابداع زولة محترمة فنيا راقية في اداءها متواضعة جماهيرية والملاحظ من خلال الفيدو في البوست التاني مدى تفاعل الجماهير الاثيوبية معها ببساطه الحاضرين في القاعة اكثر من المنتقدين.... افرحي بي نجاحك يا ايمان لندن... بوسه عارضة لاتؤثر في مسيرتك..
01-17-2010, 12:40 PM
نجاة محمد بابكر نجاة محمد بابكر
تاريخ التسجيل: 09-10-2009
مجموع المشاركات: 571
مع انو اختلاف الود لايفسد للود قضيه لكن .. انا بعتبر انو بوستك ده نوع من الشوفوني لانو كلامك القلتو هنا كان ممكن تقولو في البوست المعني والاشهار الزياده مافيه ليه اي داعي ونوع من زياده الفضيحه بله وبله يابله وينو بله ؟؟؟
الاخ محمد الطيب حسن كلامك غريب وفيه نوع من الارهاب الفكري بصوره غير مباشره وتثبيط للعزم تتحدث عن اختلاف (الراي) الذي لا يفسد للود قضيه وتتهمني بالشوفونيه ونشر الفضائح هذه ان كنت تعلم فانها بادره لجنحه خطيره وتجني علي حقي في التعبير في ما اشاء واين اكتب ما اريد فقط ارجوك التمعن في القراءه قبل الرد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد زكريا
Elmosley
محمد سنى دفع الله
عادل عبدالعزيز عبد الرحيم
سناء عبد السيد
salah ismail
Balla Musa
محمد الطيب حسن
حاتم علي
حافظ كنجال
نجاة محمد بابكر
M A Muhagir
فيس بوك
تويتر
انستقرام
يوتيوب
بنتيريست