Post: #1 Title: مبروك يا أهله عودة الفنان( يوسف محمد) الي دياره Author: Maawya Hussein Date: 01-15-2010, 10:22 PM
Post: #2 Title: Re: مبروك يا أهله عودة الفنان( يوسف محمد) الي دياره Author: Maawya Hussein Date: 01-15-2010, 10:27 PM Parent: #1
قام الهلال قبل قليل وفي اخر دقائق حركة التسجيلات بتقييد نجمه السابق ونجم المنتخب النيجيري يوسف محمد ..وقام الهلال بشطب حارث مرماة ايجا وتحويل مهاجمه امبيلي في خانة اللاعبين الوطنيين ليحل النجم يوسف محمد مكانه
الف مبروك لعشاق الازرق عودة هذا النجم الخلوق الي دياره مرة اخري
Post: #3 Title: Re: مبروك يا أهله عودة الفنان( يوسف محمد) الي دياره Author: Mohamed Foto7li Date: 01-15-2010, 10:29 PM Parent: #2
الف مبروك
Post: #4 Title: Re: مبروك يا أهله عودة الفنان( يوسف محمد) الي دياره Author: Maawya Hussein Date: 01-15-2010, 10:34 PM Parent: #3
وفي تخبط غريب قامت ادارة المريخ باعاده اللاعب الشغيل بعد ان شطبته من الكشوفات امس !! (ما حصلت قبل كدا) وايضا قامت ادراة المريخ بتخذين اللاعب الدافي في فريق الاتحاد الليبي بعد عجزها في ايجاد خانه له بعد رفض الاهلي المصري التعاقد مع اللاعب وارغو ...
الوصيف عالم جميل
Post: #5 Title: Re: مبروك يا أهله عودة الفنان( يوسف محمد) الي دياره Author: طارق الكوتش Date: 01-15-2010, 10:35 PM Parent: #3
مبرووووك للاهلة عودة الفنان يوسف محمد
وحقيقى تسجيلات الهلال كانت حسب الحوجة
طرف يسار و طرف يمين
Post: #6 Title: Re: مبروك يا أهله عودة الفنان( يوسف محمد) الي دياره Author: Maawya Hussein Date: 01-15-2010, 10:56 PM Parent: #5
مبروك يا محمد وطارق
اخر الاخبار ان الاتحاد تعنت في ارجاع الشغيل لعدم وجود خانه بعد تصعيد وارغو من السنيه ..الاتحاد الان يخير المريخ بين وارغو والشغيل ..
Post: #7 Title: Re: مبروك يا أهله عودة الفنان( يوسف محمد) الي دياره Author: حيدر بشير Date: 01-15-2010, 11:03 PM Parent: #6
اخبار جميلة و مفرحة الاخ معاوية
و الحمدلله بعودة هذا الابن الى دياره و هو الذى عشقها و ابدع فيها
و الجماعة جلبوا وارغو فى سوق الله اكبر ما لقوا ليه بيع
عالم جميل فعلآ
Post: #8 Title: Re: مبروك يا أهله عودة الفنان( يوسف محمد) الي دياره Author: الصادق صديق سلمان Date: 01-15-2010, 11:11 PM Parent: #7
Quote: اخبار جميلة و مفرحة الاخ معاوية
و الحمدلله بعودة هذا الابن الى دياره و هو الذى عشقها و ابدع فيها
و الجماعة جلبوا وارغو فى سوق الله اكبر ما لقوا ليه بيع
عالم جميل فعلآ
قرقرقرقرقرقررررررررررررررررررررر
الحمدلله الذي عوضنا خيراً من الدافيء الهلال كمال قال عبداللطيف عالم جميل وعشق منتهى الصدق يوسف محمد لاعب يشبهنا ويشبه اخلاقنا. فعلاً مفاجأة من العيار الثقيل يا ارباب.
وشكراً معاوية حسين فرحتنا الله يفرحك في الدنيا والأخرة
أبومجتبى
Post: #9 Title: Re: مبروك يا أهله عودة الفنان( يوسف محمد) الي دياره Author: Maawya Hussein Date: 01-15-2010, 11:43 PM Parent: #8
مبروك يا حيدر والصادق ...
وفعلا اثبت صلاح ادريس انه اداري ذكي تعامل مع التسجيلات بتمويه وتشويش اداريي المريخ وكسب اللاعب المناسب في الخانه المطلوبه دون ضوضاء ..
Post: #10 Title: Re: مبروك يا أهله عودة الفنان( يوسف محمد) الي دياره Author: Elkheir Eltayeb Date: 01-16-2010, 00:04 AM Parent: #9
مبروك عودة يوسف محمد . الهلال سد الاطراف تماما بيوسف و امادو مع وجود بدلاء مميزين(خليفة و احمد الفاضل) كما ان عودة حمودة وسيف مساوى للوسط ستجعل المنافسة شرسة لحجز موقع فى التشكيلة مما ينعكس ذلك على الاداء فى خط الوسط الهلالى -سر تفوق الهلال-. شطب الحارس الثالث خطاء كبير مع مزاجية المعز .
Post: #11 Title: Re: مبروك يا أهله عودة الفنان( يوسف محمد) الي دياره Author: أمين محمد سليمان Date: 01-16-2010, 00:14 AM Parent: #10
سلام يا معاويه و شكرا للخبر الجميل . سؤالي : هل يوسف محمد اليوم بنفس إمكانيات و أداء يوسف محمد لمن كان في الهلال ؟ و هل كان في متابعه من إدارة الهلال لاداء اللاعب ولا تم تسجيلو بناء علي أداءو لمن كان في الهلال قبل سنتين ؟ أخشي ما أخشاه إنو الهلال يكون إشتري الإسم الكان قبل سنتين ..
Post: #13 Title: Re: مبروك يا أهله عودة الفنان( يوسف محمد) الي دياره Author: Maawya Hussein Date: 01-16-2010, 00:23 AM Parent: #11
Quote: هل يوسف محمد اليوم بنفس إمكانيات و أداء يوسف محمد لمن كان في الهلال ؟
اكيد يوسف محمد اليوم افضل من يوسف محمد ايام الهلال بدليل مشاركته الاساسيه مع المنتخب النيجيري في تصفيات كاس العالم وبطوله الامم الافريقيه الحاليه ..ولو في خلل بيكون من الهلال ما من يوسف
Post: #12 Title: Re: مبروك يا أهله عودة الفنان( يوسف محمد) الي دياره Author: Maawya Hussein Date: 01-16-2010, 00:20 AM Parent: #10
Quote: شطب الحارس الثالث خطاء كبير مع مزاجية المعز
سلام يا الخير ...الهلال سجل حارث ناشيء في الخانات السنيه (محمد حمزه) تعويضا للحارث اييجا ..ولاتنسي ان الهلال وصل الي دور الثمانيه في البطوله الافريقيه 2009 وتصدر الدوره الاولي من الدوري الممتاز في غياب المعز ..
Post: #14 Title: Re: مبروك يا أهله عودة الفنان( يوسف محمد) الي دياره Author: أمين محمد سليمان Date: 01-16-2010, 00:43 AM Parent: #12
ما كنت عارف إنو في المنتخب لانو ما شفت كورة مصر و نيجيريا ... بعدين ياخي السلام ردو فرض !
Post: #15 Title: Re: مبروك يا أهله عودة الفنان( يوسف محمد) الي دياره Author: ديامي Date: 01-16-2010, 04:08 AM Parent: #14
سلام يا شباب
مليار مبروك عودة أفضل لاعب يحترف بالسودان
عودة يوسف إلى بيته وتسجيل بكري المدينة
سيغير من شكل الهلال كثيرا
Post: #16 Title: Re: مبروك يا أهله عودة الفنان( يوسف محمد) الي دياره Author: Elfadil Sabeil Date: 01-16-2010, 04:56 AM Parent: #15
سلام يا شباب و ألف ألف مبروك
Post: #17 Title: Re: مبروك يا أهله عودة الفنان( يوسف محمد) الي دياره Author: Dr. Salah Albashier Date: 01-16-2010, 05:58 AM Parent: #16
Post: #18 Title: Re: مبروك يا أهله عودة الفنان( يوسف محمد) الي دياره Author: محمد عبد الماجد الصايم Date: 01-16-2010, 06:09 AM Parent: #16
يا سلاااام يا مغربي ياخ إنت أكوس زول في الدنيا دي!
الحمد لله .. السبت دا لحدي هسي ماشي كويس مشينا ضحكنا في بوست الحت داكـ وجينا لقينا الأخبار السمحة دي .. ربنا يكمل اليوم بخيرو!
Post: #19 Title: Re: مبروك يا أهله عودة الفنان( يوسف محمد) الي دياره Author: د.يوسف محمد طاهر Date: 01-16-2010, 08:05 AM Parent: #18
ألف مبروك لعشاق سيد البلد في كل مكان ... يوسف محمد لاعب صاحب إمكانيات كبيرة جداً...
Post: #20 Title: Re: مبروك يا أهله عودة الفنان( يوسف محمد) الي دياره Author: عمار يس النور Date: 01-16-2010, 08:25 AM Parent: #19
سلام لكل اسياد البلد،
Quote: رفض الاهلي المصري التعاقد مع اللاعب وارغو ...
كان عارو ما بنعار
و كان خلو ضرب عبار
و كان جلدو بجيب العار
====================
هاها هاها
حالة و الله اخير منها الشغيل
============================ ربنا في و كريم. دارت الدائرة عليهم عندما اصروا على طعن سيد البلد من الخلف. قال ليك بوضياف كب الزوقة. و رئيس القنيطرة قبض عمولتو كاملة. و الدافي و معاهو الوكيل الثاني فارشين بيت بكا عديل.
اللهم لا شماته
مبروك لكل احباب سيد البلد
Post: #21 Title: Re: مبروك يا أهله عودة الفنان( يوسف محمد) الي دياره Author: شعبان شريف Date: 01-16-2010, 09:28 AM Parent: #20
ومن يضحك أخيرا يضحك كثيرا ... أنه الهلال يعرف من أين تؤكل الكتف ...أدارة واعية تعرف كيف تدير كل المعارك وليس بالمال وحده يبني الناس (ملكهمو ) والمال السائب دائما مصيره البتشتنة ..لاعب يدفعون فيه مليوني دولار ثم يعيرونه ولاعب يدفعون فيه خمسة ملايين دولار ولايجدون من يستعيره ...الهلال عندما (يجنس ) يجنس بحرفة ومخطط معروف هذا نجنسه ليكون هذا في مكانه وهذا نعيره ليكون هذا بديله وهذا نشطبه وهذا نسجله ..المسألة ليست كلها مالا ينفق ولكنه عقل يدبر ورؤية حصيفة ...تخيل بأن المريخ وفي كل هذا المولد لم يخرج بسواء بلاعب شبه مجهول أسمه (النفطي ) والهلال كسب سادومبا وأمادو ويوسف ...
Post: #22 Title: Re: مبروك يا أهله عودة الفنان( يوسف محمد) الي دياره Author: Maawya Hussein Date: 01-16-2010, 09:34 AM Parent: #14
.وعليكم السلام
معليش با امين الرد كان قبل النوم بي ثواني ..
Post: #23 Title: Re: مبروك يا أهله عودة الفنان( يوسف محمد) الي دياره Author: Maawya Hussein Date: 01-16-2010, 09:41 AM Parent: #22
الف مبروك يا شباب النسر النيجيري يوسف محمد وهو مسك الختام لتسجيلات الهلال لموسم 2009 -2010 |_| احصائيه التسجيلات الاخيره لفريق الهلال منقوله من الاخ احمد الريح بمنتدي كورة
Quote: بعد الاستغناء عن الحارس محمد الأمين إيجا (وهو قرار ذكي يحسب لإدارة الهلال) وتسجيل النيجيري يوسف محمد، اكتملت قائمة لاعبي الهلال للموسم الجديد ب28 لاعباً هم:
المعز محجوب(كابتن ثالث)/عبد الرحمن علي إبراهيم (الدعيع)/محمد جعفر
ديمبا باري/سامي عبد الله/أسامة قسم السيد (التعاون)/منير موسى (أمبدة)/صدام أبو طالب
عثمان أمودو/أحمد الفاضل/خليفة أحمد/التاج إبراهيم/يوسف محمد
حمودة بشير/عمر بخيت (كابتن ثاني)/سيف الدين علي إدريس (مساوي)/ علاء الدين يوسف/محمد أحمد بشير (بشة)/جعفر بركية
هيثم مصطفى (كابتن)/مهند الطاهر/إيفوسا إيغواكون/النعيم محمد عثمان
(اللاعبون المكتوبة أسماؤهم باللون الأحمر هم المقيدون في خانات الشباب)
وبذلك يكون الهلال قد استغنى عن 6 لاعبين (كواريزما/أومولادي/زرياب/صالح عبد الله/سولي شريف/ محمد الأمين)، وتبقت له فرصة الاستغناء عن لاعب واحد في الفترة التكميلية وإعارة من تصل بشأنهم عروض استعارة من أندية خارجية.
مع أطيب التمنّيات لهلال الملايين بموسم ناجح على الصعيدين المحلي والإفريقي.
Post: #24 Title: Re: مبروك يا أهله عودة الفنان( يوسف محمد) الي دياره Author: محمد عبد الماجد الصايم Date: 01-16-2010, 10:08 AM Parent: #23
يا عمكـ بمناسبة عودة الركشة ممكن أزهجك شوية؟
لمن أدخل على الهوتميل ولا الياهو بتجيني الصفحة ملخبتة لخبتة شديدة خلاس وما بفهم أييي حاجة!
Post: #25 Title: Re: مبروك يا أهله عودة الفنان( يوسف محمد) الي دياره Author: Maawya Hussein Date: 01-16-2010, 10:40 AM Parent: #24
احذف الياهو مايل واللايف مسنجر مايل وجرب ..لو مازبط احذف المسنجرين ونزل المسنجرين كاملات من المواقع الاصليه ..
Post: #26 Title: Re: مبروك يا أهله عودة الفنان( يوسف محمد) الي دياره Author: محمد عبد الماجد الصايم Date: 01-16-2010, 11:10 AM Parent: #25
يا عمكـ دي صفحة البريد زاتا! ليها علاقة بالمسنجر ولّ كيف؟
Post: #27 Title: Re: مبروك يا أهله عودة الفنان( يوسف محمد) الي دياره Author: حامد محمد حامد Date: 01-16-2010, 11:17 AM Parent: #26
تحياتى يا معاوية
رايته فى مباراة نيجيرياوكان سيئافى التغطية , ونقول مبروك لمهاجمى المريخ
( منقول وفقا لراى هارون دياب والذى يوافقنى فى هذا )
Post: #28 Title: Re: مبروك يا أهله عودة الفنان( يوسف محمد) الي دياره Author: عمر الفاروق Date: 01-16-2010, 11:20 AM Parent: #26
ود الصايم : كدي جرب اعمل لي إيميلك ده غعارة للنادي الأهلي المصري.. ولو ما ظبط معاك جيب ليهو الدافي.. غير كده الا تجيب ليهو الشغيل..
Post: #29 Title: Re: مبروك يا أهله عودة الفنان( يوسف محمد) الي دياره Author: Maawya Hussein Date: 01-16-2010, 11:39 AM Parent: #26
يا عمك اديك النجيضه
رسل لي عنوانك ارسل ليك نسخة 7 كامله تريحك من التعب دا كلو
Post: #30 Title: Re: مبروك يا أهله عودة الفنان( يوسف محمد) الي دياره Author: ALGARADABI Date: 01-16-2010, 12:02 PM Parent: #29
مبروك للهلالاب عودة الكشة الخلوق يوسف محمد ولكن لماذا هذا الاصرار من قبل يوسف محمد لهلال؟؟ يعني الزول ده كان أحرص من صلاح ادريس على العودة انه الوفاء للهلال الذي دخل عبر بوابته للمنتخب النيجيري
الغريبة جريدة المريخ أمس نشرت خبر على لسان يوسف محمد بعدم العودة للوراء)(
Post: #31 Title: Re: مبروك يا أهله عودة الفنان( يوسف محمد) الي دياره Author: Maawya Hussein Date: 01-16-2010, 12:07 PM Parent: #30
Quote: الغريبة جريدة المريخ أمس نشرت خبر على لسان يوسف محمد بعدم العودة للوراء)(
ان شاء الله ناس جريدة المريخ ديل يكونوا امينين وينشروا لينا تفاصيل حافز شطب وتسجيل الشغيل خلال 24 ساعه :)
Post: #32 Title: Re: مبروك يا أهله عودة الفنان( يوسف محمد) الي دياره Author: keiga2000 Date: 01-16-2010, 01:02 PM Parent: #31
يوسف محمد كان ثغرة التي حقق بها المصريين الفوز على نيجيريا
وجيبوا وتعالوا خمسـة مازمبي (5) بتبقـى (10)
والمعز بكون بوابه عبدالقيوم
ابومصطفى
Post: #33 Title: Re: مبروك يا أهله عودة الفنان( يوسف محمد) الي دياره Author: Maawya Hussein Date: 01-16-2010, 01:20 PM Parent: #32
Quote: يوسف محمد كان ثغرة التي حقق بها المصريين الفوز على نيجيريا
ها ها ها ..
دا كلام الجرايد البتخدروا بيهو ناسكم !! دا الفيديو ودي الاهداف طلع لينا الثغرات
