Post: #1 Title: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 09:27 AM Parent: #0
بركة الجمعة الجامعة والدعوة السامعة
يكفينا ربي شر الاعارة الفاسدة
ما كلموكم الاهلي رفض وارغو
Post: #2 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 09:33 AM Parent: #1
الاسباب غير واضحة لرفض اعارة وارغو
واحدين قالو السبب الخممور
واحدين قالو طلب راتب شهري اكتر من ابو تريكة واحمد حسن
واحدين قالو وراغو رفض الكشف الطبي قبل التوقيع
وكيله قال لو ازنقتو ادوهو الجنسية السودانية
غايتو المريخ قد يجد مخرجا ويسجله في الخانات السنية
Post: #3 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 09:36 AM Parent: #2
مسكين الشغيل والله
راح في طهور بت الكاشف
بالمناسبة الدافي عنده جنسية سودانية استخرجها له الهلال
يمكن المريخ ان يستفيد منها ويسجله كمحترف وطني
ويرجع وارغو محله
Post: #5 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 09:39 AM Parent: #3
قال دكتور نافع
ان من ينشق من الموتمر الوطني سياكله الذئب
وقال اننا في مرحلة فتح مكة
Post: #4 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: عبدالكريم الامين احمد Date: 01-15-2010, 09:37 AM Parent: #2
Quote: واحدين قالو السبب الخممور
يا النبي نوح...
اهم حاجة يا ابو خليل في السجعة الفي العنوان بتاعك ده هي حكاية ياسر عرمان جووه الدار دي.. ويازول انت وين اراضيك بالله حدد موقعك الجغرافي جيت ولالسع ولو جيت اظهر الليلة في اصدقاء البيئة
Post: #6 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 09:42 AM Parent: #4
عرمان ضد البشير
متوقع ان يرد الموتمر الوطني بهجمة مرتدة
برياك قاي او بونا ملوال ضد سلفاكير
Post: #7 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 09:45 AM Parent: #6
قال الفريق عقار
عندما دخلنا الغابة افتكرنا ان للانقاذ اسنان
ولكن عندما ادخلنا يدنا في خشومهم وجدناهم بلا سنون
النبي فوقنا
Post: #8 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 09:49 AM Parent: #7
Quote: اهم حاجة يا ابو خليل في السجعة الفي العنوان بتاعك ده هي حكاية ياسر عرمان جووه الدار دي.. ويازول انت وين اراضيك بالله حدد موقعك الجغرافي
كيكي
wow
لسع انا في احضان البلاد وبكرة جووة الجق اذا ربك اذن
بالله خلي خالد الصحافة يغني
يا الرتاي كدة يا الرتاي واشكرني
Post: #9 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 10:19 AM Parent: #8
هل ينسحب اعضاء احزاب جوبا
لعرمان وينزل وحده ضد البشير
Post: #10 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 10:53 AM Parent: #9
منافسة شديدة بين فهيمة وشموس لنيل نجومية
برنامج نجوم الغد وكانت امس اخر الحلقات
شموس غنت اغنية جديدة للحلنقي والحان بشير عباس
واسم الاغنية فيها حاجة وغنت يا ماري عند الاصيل لحسن عطية
وابدعت كالعادة
فهيمة غنت لمني الخير واغنية جديدة لعبد الماجد خليفة
Post: #11 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: الشفيع وراق عبد الرحمن Date: 01-15-2010, 11:03 AM Parent: #10
خليل يا أخوي انت مشغل القناة العامة ولا شنو؟ كدي اثبت لينا بالله على موجه واحدة عشان نتفاهم اتوقع المداخلة الجاية عن الدين او الاقتصاد او الاسرة ولا امكن تقبل على الجكس
Post: #12 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 11:04 AM Parent: #10
Post: #13 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 11:19 AM Parent: #12
Quote: خليل يا أخوي انت مشغل القناة العامة ولا شنو؟ كدي اثبت لينا بالله على موجه واحدة عشان نتفاهم اتوقع المداخلة الجاية عن الدين او الاقتصاد او الاسرة
يا شفيعو
تلك انباء الجمعة نقصها لكم
اي موضوع من ديل محتاج لبوست قلنا نلمها في بوست واحد ترشيدا للاستهلاك
Post: #14 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: عبدالكريم الامين احمد Date: 01-15-2010, 11:24 AM Parent: #13
حكاية عرمان والبشير حيلعبو راس دي لو لقت ليها دفرة من قوي موتمر جوبا.. وتم تفعيل العمل الجماهيري العلي اصولو عمر البشير ده حياكل نيم
Post: #15 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 11:28 AM Parent: #14
Quote: حكاية عرمان والبشير حيلعبو راس دي لو لقت ليها دفرة من قوي موتمر جوبا
لكن يا كيكي
عبد الله دينق نيال بزوغ ول بشتت ساكت
Post: #16 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: عبدالكريم الامين احمد Date: 01-15-2010, 11:33 AM Parent: #15
Quote: عبد الله دينق نيال بزوغ ول بشتت ساكت
عبدالله دينق يا خليل لو زاغ ولا قعد كلو واحد فالرجل وزن الريشة ولا يستطيع تغيير واقع انتخابي في الجنوب وسط اهله في بور وحوافها او في الشمال... ولكن اتوقع لو امر موتمر جوبا لسع متماسك فانه سينسحب لصالح عرمان فشيخ حسن اي حاجة تغلغل وتسقط ليهو البشير حيجري عليها حفيان
Post: #17 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 11:47 AM Parent: #16
Quote: فشيخ حسن اي حاجة تغلغل وتسقط ليهو البشير حيجري عليها حفيان
شفت عقار قال شنو
الجماعة ديل ما عندهم سنون
Post: #18 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: عبدالكريم الامين احمد Date: 01-15-2010, 11:51 AM Parent: #17
Quote: الجماعة ديل ما عندهم سنون
سنون دي بيني وبينك مافي ولكن ابرة كيزانية دي رااااقدة وهم مثل ابوقدح بعرفو محل بعضو القوي السياسية الاخري وين
Post: #19 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 12:00 PM Parent: #18
Quote: سنون دي بيني وبينك مافي ولكن ابرة كيزانية دي رااااقدة وهم مثل ابوقدح بعرفو محل بعضو القوي السياسية الاخري وين
وقال عقار ان البشير مزنوق
في الغرب مع مناوي وفي الشرق الزنقة من موسي
وفي الجنوب الزنقة من الحركة
مما حدا بالهندي عزالدين ان يقول اتيت فقيرا معدما لابس قميص مزركش
واليوم راكب همر وما تنسي ان البشير هو الذي عينك
واورد هجوم صحيفة اجراس الحرية علي الفريق عقار
Post: #20 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: عبدالكريم الامين احمد Date: 01-15-2010, 12:09 PM Parent: #19
Quote: مما حدا بالهندي عزالدين ان يقول اتيت فقيرا معدما لابس قميص مزركش
الهندي عزالدين طبعا ملك ملوك الاسفاف والصحافة الكرتونية الهابطة والمغبشة والمخستكة بالوعي السوداني... مالك عقار ده العينو في حتتو دي هو نضاله الطويل في الغابات والاحراش والرصاص.. ومن حقو يلبس مزركش او يمشي ميطي فهو حرا يا هندي يا عزالدين .........
البشير فعلا مزنوقة زنقة بوبي في مايرنو الدفاع بتاعو في الاطراف مكعكع في ظل فرنبدات مناوي وفي ظل تصدع سطوة موسي علي البجا في الوسط ايضا رصدنا تزمر من القوي الانقاذية التقليدية كما صار في امر غازي العتباني في الهجوم ضربة خروجه من القوات المسلحة كانت قاضية ولها تبعاتها وبها سيظل دفاع البشير مكشوف ويسهل تسجيل زي كم قون فيه كده علي طريقة مصر في نجيريا...
بجانب ايضا التحكيم الدولي وخاصة رجال الخطوط اوكامبو وساركوزي
Post: #21 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 12:14 PM Parent: #20
Quote: بجانب ايضا التحكيم الدولي وخاصة رجال الخطوط
وما رايك في العبارات الجديدة التي ضخها نافع في العمل السياسي
مثل كلمة لعاكة
Post: #22 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: عبدالكريم الامين احمد Date: 01-15-2010, 12:23 PM Parent: #21
Quote: لعاكة
نافع سياسي مدهش ياخي.. وضحكني جدا لمن قال للذين يحاولون الخروج من الموسسية من اعضاء الموتمر الوطني (البعمل جوطة ولخبطة للرصة حيتعب معانا شديد).. الرجل واضح وبخت الدرابة كما هي ويعبر بصدق عن مكنون الخطاب الكيزاني..
علي عثمان عليك وين يا خليل..؟؟؟ الزول ده مختفي وما ليهو حسا كدي لمن ينضمو بيهو ليش..؟؟
Post: #23 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 12:28 PM Parent: #22
Quote: علي عثمان عليك وين يا خليل..؟؟؟ الزول ده مختفي وما ليهو حسا كدي لمن ينضمو بيهو ليش..؟؟
كيكي
شيخ علي اسندت اليه مهمة اعادة الحركة الاسلامية التي حلها دكتور ترابي
بالمناسبة حصلت مشاكل في اختيار الولاة في الموتمر الوطني
في النيل الابيض ونهر النيل وحتي ولاية الخرطوم
Post: #25 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: عبدالكريم الامين احمد Date: 01-15-2010, 12:33 PM Parent: #23
Quote: شيخ علي اسندت اليه مهمة اعادة الحركة الاسلامية التي حلها دكتور ترابي
بالمناسبة حصلت مشاكل في اختيار الولاة في الموتمر الوطني
في النيل الابيض ونهر النيل وحتي ولاية الخرطوم
تعرف يا ابو خليل تيم الحركة الاسلامية الكونو الترابي ما قبل الانقاذ تاني مش لو جابو علي عثمان حرم لو جابو (زجالو) ماحيقدر يعمل تشيكلة زي اللعبت ماتش الانقاذ قبل 99 ..
علي عثمان مقصقص الاجنحة سياسيا وشيخ حسن اعتمد في البناء علي الاداء الروحي وكارزيما الشيوخ ..........
شايفهم في دائرة المجلد منزلين مرشح صاعقة بس..!! الله يسترنا ساكت بس
Post: #26 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 12:36 PM Parent: #25
Quote: تيم الحركة الاسلامية الكونو الترابي ما قبل الانقاذ تاني مش لو جابو علي عثمان حرم لو جابو (زجالو) ماحيقدر يعمل تشيكلة زي اللعبت ماتش الانقاذ قبل 99 ..
كيكي
طريقة الكيزان كانت لذيذة في التجنيد
اجي يقول ولتكن منكن امة
لكن بتاعة الشيوعين كانت بتخلع
مفروض اخشو ليك بسايد حبني وليس سايد حاتم محمد احمد
Post: #28 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: عبدالكريم الامين احمد Date: 01-15-2010, 12:41 PM Parent: #26
Quote: لكن بتاعة الشيوعين كانت بتخلع
مفروض اخشو ليك بسايد حبني وليس سايد حاتم محمد احمد
قلت لي يشبكوك احنا زي عاوزين نناقش معاك مرحلة شنو كده ماعارف الديمقراطية واحنا بعتقد وبنفتكر انو الحتة دي فيها نمط انتاج اركلوجي لووول... ....... تعرف الخرفان والباسطة الاكلوها الكيزان ايامات التنجيدات في المزارع لو لموها حرم تاكل اهل كمبو كثر كلهم سنتين ونص
Post: #24 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: عادل عبدالعزيز عبد الرحيم Date: 01-15-2010, 12:32 PM Parent: #19
خللى
بورة وارغو شينة
وجية عرمان زينة
وكلام نافع يقولو ليزول اضينة
وكلام مالك عقار يوم بيقطع اضنينة
جمعتك مباركة وسلامى لعبد الرحيم عوض ود عمى طرفكم فى قطر
Post: #27 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 12:41 PM Parent: #24
Quote: جمعتك مباركة وسلامى لعبد الرحيم عوض ود عمى طرفكم فى قطر
يا سلام يا عادل
انت ابن عبدالرحيم عوض ود التور
ابو السارة وسلمي وهند
نبلغه التحايا علي اجنحة الغمام
Post: #29 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: عمار يس النور Date: 01-15-2010, 12:44 PM Parent: #27
ابو الخل سلام،
ياخي ده :
لو أعارو ما بنعار
و لو خلو ضرب عبار
و لو جلدو جاب العار
عمار
Post: #30 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 12:51 PM Parent: #29
Quote: قلت لي يشبكوك احنا زي عاوزين نناقش معاك مرحلة شنو كده ماعارف الديمقراطية واحنا بعتقد وبنفتكر انو الحتة دي فيها نمط انتاج اركلوجي لووول...
والله اتذكرت الجلاد بتاعة اقتصاد
داك لما جاء يجندني للجبهة الديموقراطية
قال لي انت عندك اجتماع في 102 مع القوي الديموقراطية
وانا برلوم جديد لنج لا عارف القوي الديموقراطية ولا القوي الخفية
Post: #31 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 12:55 PM Parent: #30
Quote: لو أعارو ما بنعار
و لو خلو ضرب عبار
و لو جلدو جاب العار
عمار ولدنا
وارغو الهلال حارقو
ههههههههههههههههههههههه
Post: #32 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: عبدالكريم الامين احمد Date: 01-15-2010, 12:58 PM Parent: #30
Quote:
قال لي انت عندك اجتماع في 102 مع القوي الديموقراطية
والراجح يا خليل انو الجلاد ده خشي فيك لفت ساكت لانو بكون المقصود هو وليد زكريا لانو ولي جاي من الثانوية موضب وشيوعي ليهو ضل..
_____________ وليد زكريا ده اول زول في العالم انا اشوفو بقدم كباية موية لبتاعين اركان النقاش.. ماشي معانا وماعارفنو الزول ده شيوعي ..وفجاة كده اشوف ليك زولي قاعد في ركن نقاش وقدم موية لنزار بتاع الجبهة الديمقراطية في البريك بتاع النقاش فقلت ياربي وليد ده شيوعي ولا الحكاية دي لبط ساكت.. واخرتها طلع شيوعي نحرير كبير ياخي
Post: #33 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 01:05 PM Parent: #32
Quote: ماشي معانا وماعارفنو الزول ده شيوعي ..وفجاة كده اشوف ليك زولي قاعد في ركن نقاش وقدم موية لنزار بتاع الجبهة الديمقراطية في البريك بتاع النقاش
تعرف يا كيكي حكاية الناس البقدمو الموية للمتحدث في اركان النقاش ما عاجباني
كنت بشاغل عبد الماجد الكج لما يشيل الموية للمتحدث بقول ليهو
امراته حمالة الحطب
يقوم يقول لي امشي يا (.........
Post: #34 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: عبدالكريم الامين احمد Date: 01-15-2010, 01:14 PM Parent: #33
Quote: كنت بشاغل عبد الماجد الكج لما يشيل الموية للمتحدث بقول ليهو
هو بالله الكج برضو كان بتاع مويات لووووووول...
اسمعني شايف يومتا يوسف محمد فتشو فتيش منكر ونكير في البطولة الافريقية بمناسبة بورة وارغو دي الارباب رامي وين اليومين وانشاء يقدر يبيض وشو معانا ويسجل لي انشاء الله الشرميطي
Post: #35 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 01:20 PM Parent: #34
Quote: اسمعني شايف يومتا يوسف محمد فتشو فتيش منكر ونكير في البطولة الافريقية بمناسبة بورة وارغو دي الارباب رامي وين اليومين وانشاء يقدر يبيض وشو معانا ويسجل لي انشاء الله الشرميطي
يوسف محمد
شاركت في مباراة مصر لم يكن جيدا
وبالنسبة للشرميطي اليوم اخر يوم للتسجيلات
واعتقد ان الارباب فلسكاب وما عندو شوربة للتسجيل
Post: #36 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: عبدالكريم الامين احمد Date: 01-15-2010, 01:26 PM Parent: #35
Quote: واعتقد ان الارباب فلسكاب وما عندو شوربة للتسجيل
يا زول احسن زاااتو دي فرصة عشان يدقو مزيكة دوري الحواري والليق ويجيبو لينا لعيبة من نبض الشارع زي ناس كندورة وكمبا وكرار ابو علي ورشيد المهدية.. بلا شلاليف لا كلتشي معاهم
Post: #37 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 01:35 PM Parent: #36
Quote: دي فرصة عشان يدقو مزيكة دوري الحواري والليق ويجيبو لينا لعيبة من نبض الشارع زي ناس كندورة وكمبا وكرار ابو علي ورشيد المهدية.. بلا شلاليف لا كلتشي معاهم
طبعا
غايتو الهلال سجل التاج وبشة من الموردة
وحل مشكلة الطرف الشمال واليمين
بس المعز لسع ما اعاد تسجيلو
Post: #38 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: عبدالكريم الامين احمد Date: 01-15-2010, 01:39 PM Parent: #37
Quote: بشة
ايوووووه ياخي دي الاسامي الدايرنها تعود الي الملاعب بشة ترنة قلة وزة ياخي قدومنا زااتتو اتعوج مع ناس كابوندي ديل
Post: #39 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 01:45 PM Parent: #38
Quote: ايوووووه ياخي دي الاسامي الدايرنها تعود الي الملاعب بشة ترنة قلة وزة ياخي قدومنا زااتتو اتعوج مع ناس كابوندي ديل
وتنقا ومنقا
يكفو الزنقة
عدد الاجانب في التشيلة صار اكبر من عدد الوطنيين
وخسران فريقنا القومي
Post: #40 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: عبدالكريم الامين احمد Date: 01-15-2010, 02:02 PM Parent: #39
Quote: وخسران فريقنا القومي
فعلا ودولة مثل قطر ورغم القروش المطر الا انه ممنوع منع بات ان يتم الاتيان بحارس مرمي من برره تشجيعا لهذه الخانة من المواهب المحلية من اجل مصلحة فريقهم الوطني.. ولكن شايف القصة عندنا جايبة الحضري كمان فحرام ياخي بلد نبع من ارضه بريمة والطيب سند وزغبير واحمد عافية ويور يقوم يجيب حارس عجوز اكبر من حبوبتي عشان يحرس مرمي الفرق الكبيرة فيها... وبالطريقة دي البطولة الافريقية الجاية قوم الفريق القومي السوداني ده الا يقيف فيهو كمال شداد
Post: #41 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 02:24 PM Parent: #40
Quote: فحرام ياخي بلد نبع من ارضه بريمة والطيب سند وزغبير واحمد عافية ويور
طبعا يا كيكي
المريخ كان عائز يسجل الحضري رغم ان القانون السوداني الكروي يمنع تسجيل حراس المريخ
ولكن ناس المريخ شطار
قالو نسجلو اعتمادا علي قانون الحريات الاربعة بتاع المصريين
Post: #42 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 02:42 PM
Quote: تعرف الخرفان والباسطة الاكلوها الكيزان ايامات التنجيدات في المزارع لو لموها حرم تاكل اهل كمبو كثر كلهم سنتين ونص
تعرف يا كيكي
ايام الثانوي واحد من الاسلامين عائز يجند واحد صاحبنا
مشي مدني مع الاسلامي في مكان اسمو دار الرعاية افتكر
وفرجو في كتب سيد قطب وحسن البنا وعرفو بالجماعة
بعد شوية صاحبي قال للكوز اسمع
الحلة الجديدة بي وين ماشين نغير زيييييييييييييييييت
Post: #43 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: على محمد على بشير Date: 01-15-2010, 03:16 PM Parent: #42
Quote: واحدين قالو السبب الخممور
تعرف يا خلى زى كتاباتك دى هى الخلت وارغو يقول انو السودان جحيم كبير
Post: #45 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 03:23 PM Parent: #43
Quote: زى كتاباتك دى هى الخلت وارغو يقول انو السودان جحيم كبير
ابو علوة
عملنا اتنين ميم لاسباب استراتجية وتكتيكية
جمعة سعيدة
Post: #44 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: محمد إبراهيم علي Date: 01-15-2010, 03:22 PM Parent: #42
خليل وكيكي الذ دويتو في المنبر
واصلو You made my Friday
Post: #46 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: عبدالكريم الامين احمد Date: 01-15-2010, 03:42 PM Parent: #44
Quote: خليل وكيكي الذ دويتو في المنبر
واصلو You made my Friday
هلا يا ود ابراهيم.. وابو خليل ده احسن زول بيعرف ينوع اللعب في الملاعب الاسفيرية.. تور نفسي في البوست ده بالكوكتيل العجيب ده.. كورة وكيزان وحركة شعبية وموتمر شعبي ومالك عقار.. والحضري... والذ حاجة حكاية الخممممور الوجعت زولنا المريخابي الحاقد ابو علي دي
Post: #47 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: عبدالكريم الامين احمد Date: 01-15-2010, 03:46 PM Parent: #42
Quote: الحلة الجديدة بي وين ماشين نغير زيييييييييييييييييت
Post: #48 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 04:32 PM Parent: #47
Quote: خليل وكيكي الذ دويتو في المنبر
محمد الافكاتو ود حلال كنت بفتش ليك
عندي سوال سياسي وقانوني
افرض فاز بمنصب الوالي مرشح حزب الامة
وكان الاغلبية في برلمان الولاية الغالبية موتمر وطني
كيف يحكم هذا الوالي
Post: #49 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: Elfadil Sabeil Date: 01-15-2010, 04:48 PM Parent: #47
سلام للأزرق الكبير خليل و الأخ عبد الكريم
البوست جميل و متنوع ول وَنْ تُو هي الأجمل.
و تقديم المضمون في شكل قالب سَّهل من متابعته و حضمه.
و فوق
Post: #50 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 04:57 PM Parent: #49
Quote: البوست جميل و متنوع ول وَنْ تُو هي الأجمل.
و تقديم المضمون في شكل قالب سَّهل من متابعته و حضمه.
سلامات يا فاضل
والله شهر منتظرين مفاجاة الارباب
لكن طلعت بندق في بحر زي ما بقولو اهلنا
Post: #51 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: عادل عبدالعزيز عبد الرحيم Date: 01-15-2010, 05:19 PM Parent: #50
Quote: يا سلام يا عادل
انت ابن عبدالرحيم عوض ود التور
خليل انا ابن عمه وليس ابنه
ده شنو يا حبيب الليلة الجمعة انت مشيت على قهاوى الحبش من بدرى ولا شنوا
تحياتى لك انت وكيكى وعاجبنى شديد الون تو بتاعكم ده
Post: #52 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 05:28 PM Parent: #51
Quote: ده شنو يا حبيب الليلة الجمعة انت مشيت على قهاوى الحبش من بدرى ولا شنوا
تحياتى لك انت وكيكى وعاجبنى شديد الون تو بتاعكم ده
عدولة
معليش انها استحقاقات الاربعينات
استحقينا نظرات النظر والقراءة لكن بنقاوح ساكت
Post: #53 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: Elfadil Sabeil Date: 01-15-2010, 05:29 PM Parent: #50
Quote: سلامات يا فاضل
والله شهر منتظرين مفاجاة الارباب
لكن طلعت بندق في بحر زي ما بقولو اهلنا
عليك السلام
أظن أن مفاجأة الأرباب ألا تكون هنالك مفاجأة. تسجيلات الهلال ما محتاج لمفاجئات لأن إحتياجات الفريق واضحة كانت و ليست كبيرة. المهم هل التسجيلات قدر الطموحات ول لا؟. لا نقارنوا أنفسنا بناس كانوا محتاجين يغيروا فريق كامل بجهازها الفني و الجمهور.
Post: #54 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: khaleel Date: 01-15-2010, 05:34 PM Parent: #53
Quote: لا نقارنوا أنفسنا بناس كانوا محتاجين يغيروا فريق كامل بجهازها الفني و الجمهور
فعلا يا فاضل
الهلال محتاج طرفين ومهاجمين
واعتقد المهمة انجزت وان كنا نطمع في خدمات الشرميطي
Post: #55 Title: Re: وارغو بار وعرمان جوة الدار ونافع يقول سيبو الكجار وعقار كلامو حار Author: محمد إبراهيم علي Date: 01-15-2010, 08:00 PM Parent: #54
Quote: محمد الافكاتو
سلام يا خليل لست بافوكاتو ولا حاجة انا مهندس
لكن سؤالك في الصميم ادناه نص المادة 179 من دستور السودان الانتقالي لعام 2005
Quote: الجهاز التنفيذي للولاية
179ـ (1) يرأس الجهاز التنفيذي للولاية والٍ ينتخبه مواطنو الولاية وفقاً لنصوص هذا الدسـتور والدسـتور الانتقالي لجنوب السودان متي ما كان منطبقاً، ودستور الولاية والقانون، على أن يكون ذلك وفقاً للإجراءات التي تقررها المفوضية القومية للانتخابات.
(2) (أ) يجوز للمجلس التشريعي للولاية , وفق أحكام دستور الولاية, حجب الثقة عن الوالي بموجب ثلاثة أرباع جميع أصوات الأعضاء.
(ب) إذا قام المجلس بحجب الثقة عن الوالي بموجب أحكام الفقرة (أ) أعلاه يدعو رئيس الجمهورية الناخبين في الولاية لانتخابات مبكرة لاختيار الوالي, تجرى خلال ستين يوماً، وإذا كانت الولاية المعنية من ولايات جنوب السودان يدعو رئيس الجمهورية الناخبين بعد تلقيه طلباً من رئيس حكومة جنوب السودان.
(ج) يقوم الوالي الذي ينتخب في الانتخابات المبكرة بتكملة الفترة المتبقية من ولاية الوالي الذي حُجبت عنه الثقة.
(د) إذا تمت إعادة انتخاب الوالي الذي حُجبت عنه الثقة، يعتبر المجلس التشريعي للولاية المعنية منحلاً، وتُجرى انتخابات خلال ثلاثة أشهر لتكوين مجلس تشريعي جديد لتكملة الفترة المتبقية للمجلس المنحل.
(هـ) لا يجوز حجب الثقة عن الوالي إلا بعد أن يمضي أثني عشر شهراً في منصبه.
(3) يعين الوالي مجلس وزراء الولاية وفقاً لدستور الولاية.
(4) يكون الوزراء الولائيون مسئولين فردياً وتضامنياً, عن أداء مهامهم أمام الوالي والمجلس التشريعي للولاية، ويتم إعفاؤهم بوساطة الوالي أو بناءً على توصية من ثلثي أعضاء المجلس التشريعي للولاية .
(5) يمارس الوالي، بمشاركة مجلس الوزراء الولائي، السلطات التنفيذية للولاية في الجدولين (ج) و (د) مقروءين مع الجدولين (هـ) و (و) بالإضافة إلى السلطات التنفيذية الأخرى الممنوحة للولاية بموجب هذا الدستور والدستور الإنتقالى لجنوب السودان ودستور الولاية.
