Post: #1
Title: قرد يونسك ..ولا غزال يزازي بيك ....
Author: Faisal Elrasheed
Date: 01-14-2010, 10:02 AM
Parent: #0
سنعود بعد قليل ...
توجد صور وهدايا ونبق
سبيس توون
|
Post: #2
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-14-2010, 10:04 AM
Parent: #1
القرود علي اشكالها تقع ...(مثل يوغندي)
اما الغزلان فمساككتها حارة وقد تؤدي احيانا لما لا تحمد عقباه
|
Post: #3
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-14-2010, 10:08 AM
Parent: #2
شخصيا افضل القرود علي الغزلان لما تتمتع به من خفه ..
كيس نبق او ترمس بقروش معدودات ممكن تجيب اجعص قرد حايم ..
الغزلان مكلفة شديد ..
|
Post: #6
Title: Re: قرد يونسك ..ولا غزال يزازي بيك ....
Author: معاوية عوض الكريم
Date: 01-14-2010, 10:23 AM
Parent: #3
Quote:
الغزلان مكلفة شديد .. |
اكيد جرّبت الغــزلان .. عشان كده نحن نســأل مجرّب !
|
Post: #4
Title: Re: قرد يونسك ..ولا غزال يزازي بيك ....
Author: فايزودالقاضي
Date: 01-14-2010, 10:11 AM
Parent: #2
فيصل سلامات ...
اها الناس تفرز القردمن الغزال كيف وسط الغابات الاسفيريه دي ؟!!!!!
|
Post: #5
Title: Re: قرد يونسك ..ولا غزال يزازي بيك ....
Author: العوض المسلمي
Date: 01-14-2010, 10:15 AM
Parent: #4
كل غزال في البوست ده علي مسئولية صاحبه ..
وما اكثر الغزال وما اصعب المزوزة ...
_____________________________________________
كاسر ركبة في البوست ده وحاجز لوج ...
|
Post: #7
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-14-2010, 10:24 AM
Parent: #4
| Quote: اها الناس تفرز القردمن الغزال كيف وسط الغابات الاسفيريه دي ؟!!!!! |
اهلا يا فايز ...
شوف يا اخوي .. المسئلة ما صعبة لكن الناس هي المصعبه الموضوع ..
القرود والغزلان التفرقه بينهم بتم بطريقتين..
يا تشوفهم علي الطبيعة ودي الطريقه الساهلة لكنها محفوفه بالمخاطر ومحتاجه عيون فاحصه ومتمكنة ومدربه لانه قد تقع في خطأ قاتل وتبقي المخارجه من بعد كده صعبه..
واحد اخونا هنا يومي بشكي من انه مشي يصطاد غزال في طرف الحله اها شاف ليه غزاله جاكه براها بره القطيع ... قام صاحبنا وقف ركشته وعمل فيهاشاعر ..
تخيل بعد ما دخل الغزال القفص اكتشف انه قرد متنكر .. اها القرود المتنكرين دي هي مشكلة العصر
كتيرين وقعوا فيها ..
تخيل انك بعد ما تصرف دم قلبك وتأكل الغزال ده من النضيف وتقد جيبك ..وساعة الجد تلقاهو قرد مفتح
نجي للطريقة التانية ...
|
Post: #8
Title: Re: قرد يونسك ..ولا غزال يزازي بيك ....
Author: معاوية عوض الكريم
Date: 01-14-2010, 10:26 AM
Parent: #7
المزازة دى كويسة يا فيصــل
ونسة القرد تطيــــــر !
|
Post: #9
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-14-2010, 10:31 AM
Parent: #7
Quote: كل غزال في البوست ده علي مسئولية صاحبه ..
وما اكثر الغزال وما اصعب المزوزة ... |
هلا شيخ العوض ...
بما انك اخصائي في الحته بتاعت الغزلان دي وصياد قديم لا يشق له غبار لدرجه انه الغزلان مما تشوفك في الخلا بقت تجري براها وتدردرق قدامك ..(شوف عيني وسمع اضاني)
حقو اذا امكن تعكس تجربتك في الصيد الجائر لي ناس كبسور ديل..
واحكي لينا عن الصيد زمان بي بندقية الخرطوش والصيد هسه بي موية السكر ..
والفرق بين القرد الحبشي والقرد بتاع جبل مره وهل في علاقة جينية بين الاتنين .ولا تنسي ان تدلف علي موضوع القرود المتنكره اليومين ديل ..وزمان لمن كنتو بتصطادو الصيد البدائي
ولمن كنتو بتلقو قرد متنكر كنتو بتعملو ليه شنو كده بالشطه
|
Post: #10
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-14-2010, 10:40 AM
Parent: #9
Quote: المزازة دى كويسة يا فيصــل
ونسة القرد تطيــــــر ! |
والله يا عمك المزازه زاته خشم بيوت...
في مزازه عندها طعم ونهايته بي فايده..
يعني لو بتشوف برنامج (اسرار البحار بتاع الغابه) ممكن تلاحظ انه الغزال من يكونو ساكنه بكون السككان عشان نفسه ينقطع ويستسلم ويجي المعلم النمر والا الاسد بعد كده يقزقز ويمصمص العضام
يعني العلاقه مبنية علي المطاردة ..
حصل شفته ليك غزال بجي للصياد براه والا بمشي يرقد ويقول تعالوا اكلوني ..الا في حالات نادره اذا كان الصياد يملك من الخبره ما يمكنه من تحنيك الغزال وتنويمه تنويم مغنطيسي
ودي عاوزه خبره ..تجدها اعلاه
وفي مزازه ما عندها طعم ودي بتنتهي بي انك سفنجتك تتقطع وكرعينك تتملي غبار وتفلس وترجع كداري وريقك ناشف وفاقد سوائل..
|
Post: #11
Title: Re: قرد يونسك ..ولا غزال يزازي بيك ....
Author: فايزودالقاضي
Date: 01-14-2010, 10:41 AM
Parent: #9
| Quote: نجي للطريقة التانية ... |
منتظر ....
|
Post: #12
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-14-2010, 10:50 AM
Parent: #11
اها الطريقه التانية برضو مقسومه لي شقين :
الشق الاول : وده بعتمد علي انه الصياد يتحلي بنوع من التقله والرزانة والصبر ..
لانه في قرود خفيفه وقرود تقيله ..
***القرد الخفيف وده نوع شائع في البلاد العربية والافريقية ..والبورد ده تحديدا يحتوي علي كمية لا بأس بها من القرود المتنكره ووزن الريشه..
وده عشان تكشفو ما محتاج درس عصر ..
وحاوصف ليك كتاب اسمه (عبقرية قرد خفيف) مؤلفه الاستاذ حسن هبابات وده شخصية ضليعه في الحته بتاعت القرود دي لانه اشتغل سواق ركشه خمسه سنوات وترقي حتي اصبح سايق حافله قريس مظلله
الكتاب ده يا فايز بشرح ليك كيفية اكتشاف القرد المتنكر خلال عشرة ثواني..عليه ان بتحدد بعد كده مسارك يا وديته الزريبه يا فكيته عكس الهوا يشوف رزقه..
من ضمن وصايا الكتاب انك تكون طوالي شايل معاك كيس موز ويكون شفاف ..واهم حاجه شفاف دي ..وربطة بتاعت برسيم اخضر تكون ظااااهرة...
نواصل ..
|
Post: #13
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-14-2010, 11:35 AM
Parent: #12
وصلتني قبل قليل عبر البريد صورتين واحده لقرد والاخري ايضا لقرد ..
الا ان القرد الثاني كنت اظنه غزالا فيما مضي ..
..حتي قطع البريد الشك باليقين ..
سأقوم بانزال الصور ..واليحصل يحصل ...
شكرا لصديقي بتاع الشمار الذي ارسل الصور علي عجل ..
|
Post: #14
Title: Re: قرد يونسك ..ولا غزال يزازي بيك ....
Author: مزمل خيرى
Date: 01-14-2010, 11:43 AM
Parent: #13
فيصل الرشيد
غايتو بوستك دا بيذكرنى قناة national geographic abu dhabi
|
Post: #15
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-14-2010, 11:49 AM
Parent: #14
| Quote: غايتو بوستك دا بيذكرنى قناة national geographic abu dhabi |
مزمل ... انت قصدك Animal Planet
|
Post: #16
Title: Re: قرد يونسك ..ولا غزال يزازي بيك ....
Author: محمد الطيب يوسف
Date: 01-14-2010, 11:59 AM
Parent: #9
Quote: بما انك اخصائي في الحته بتاعت الغزلان دي وصياد قديم لا يشق له غبار لدرجه انه الغزلان مما تشوفك في الخلا بقت تجري براها وتدردرق قدامك ..(شوف عيني وسمع اضاني)
|
دي حامضة وما بتنقرش لوووووووول
|
Post: #17
Title: Re: قرد يونسك ..ولا غزال يزازي بيك ....
Author: فايزودالقاضي
Date: 01-14-2010, 12:04 PM
Parent: #16
Quote: اها الطريقه التانية برضو مقسومه لي شقين :
الشق الاول |
والشق التاني ؟!!
|
Post: #19
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-14-2010, 12:16 PM
Parent: #17
شوف يا فايز..
الشق ده ممكن يكون :
1\شق تمرة
2\شق ضب
3\شق في حيطه
4\شق ساكت كده
5\شق في الواطه
شوف اي واحد من ديل واتصرف فيه بمعرفتك ...
اهم حاجه ركز علي 
|
Post: #18
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-14-2010, 12:11 PM
Parent: #16
| Quote: دي حامضة وما بتنقرش لوووووووول |
دي يشهد عليها (الوالد) وهبه (رد الله غربته)
|
Post: #20
Title: Re: قرد يونسك ..ولا غزال يزازي بيك ....
Author: Adam Mousa
Date: 01-14-2010, 02:24 PM
Parent: #18
والله يا فيصل فعلا قردا ما قردكـ جر فيه الشوكـ.. الا الغزلان فى زمنا ده بتدور الجزلان الملان..
فتكـ بعافيه وانا زاتى حاجز لوج مع العوض أخوى.. ومانا مغادرين تب ،، لحدت ما نشوف المحميه دى حدها وين؟؟؟؟
|
Post: #21
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-14-2010, 02:30 PM
Parent: #20
| Quote: وانا زاتى حاجز لوج مع العوض أخوى.. ومانا مغادرين تب ،، لحدت ما نشوف المحميه دى حدها وين؟؟؟؟ |
والله يا ادم جيت في وكتك ..
هسي نحن بنعمل في دراسه لاستيراد سلك شائك و حطب سنط ..
عندنا نيه نعمل زريبه كبيرة نلم فيها الحاجات دي كلها ....
لا بأس من ان تأتي بي زرديتك للتربيط وشد السلك
(:
|
Post: #22
Title: Re: قرد يونسك ..ولا غزال يزازي بيك ....
Author: فايزودالقاضي
Date: 01-14-2010, 02:35 PM
Parent: #21
مادام العمل بدا وجدت الشغلة .. فياريت الكائن داك يبقى قرد ولا غزال ماتجى جنبو ..الدماء حاتكون للركب ...
|
Post: #23
Title: Re: قرد يونسك ..ولا غزال يزازي بيك ....
Author: الهادي محمد ابراهيم
Date: 01-14-2010, 02:36 PM
Parent: #21
فيصل سلامات
علي اليمين ماعرفتك هل انت:
قنوع...راضي بالقرد
حاسد...ناس الغزلان
ولا مضلل..ما داير الناس تمشي للغزلان
|
Post: #24
Title: Re: قرد يونسك ..ولا غزال يزازي بيك ....
Author: على محمد على بشير
Date: 01-14-2010, 02:43 PM
Parent: #23
واصعب الصيد هو صيد الغزلان الملوعه *
ــــــــــــــــــــــــــــــــــ
الملوعه دى الانضربت فيها رصاصه ولم تصيبها فى مقتل
|
Post: #26
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-14-2010, 02:49 PM
Parent: #24
| Quote: الملوعه دى الانضربت فيها رصاصه ولم تصيبها فى مقتل |
علي ...
حاول ركز معانا في الحته بتاعت القرود المتنكرة وعامله فيها غزلان ...
الغزلان الجد جد سيبه لي عمك العوض ..لديه من التكنولوجيا في الصيد ما يجعله يدخلها القفص دون ان تدري ..وهذا لا قبل لنا به يا بني
|
Post: #25
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-14-2010, 02:45 PM
Parent: #23
Quote: علي اليمين ماعرفتك هل انت:
قنوع...راضي بالقرد
حاسد...ناس الغزلان
ولا مضلل..ما داير الناس تمشي للغزلان |
الهادي سلام ....
زمان يا الهادي كان في قماش في السوق اسمه خاتف لونين ..
الكلام ده طبعا في الستينات ..
بعد عبود بقي مصطلح خاتف لونين بتقال لي حاجات تانيه ....
اها لمن جا النميري الوضع اتغير ..وقطعو مع الناس وحول الخاتف لونين من قماش لي حاجه تانيه لي يوم الليلة مافي زول عارفه هي شنو...
وجو الاحزاب اكلونا حنك في الحته دي.. بقيت ما بتقدر توصف اي شئ بي انه خاتف لونين..لانه تاني يوم بتكون في الجمعية التاسيسيه مزرزر ...
اها ..بعد جات الانقاذ بقينا كلنا خاتفين ...
فهمته حاجه ؟ انا شخصيا ما فاهم ..
سيبك من رايي ..انت رايك شنو تجيب معاك عتله وطورية وتجي تساهم في الزريبه الجديده.. (:
|
Post: #27
Title: Re: قرد يونسك ..ولا غزال يزازي بيك ....
Author: Balla Musa
Date: 01-14-2010, 02:57 PM
Parent: #25
فيصل
إنت عايز تاكل ول تتونس?
|
Post: #28
Title: Re: قرد يونسك ..ولا غزال يزازي بيك ....
Author: علاء الدين يوسف علي محمد
Date: 01-14-2010, 04:31 PM
Parent: #27
و المُشكِلة لو بقى غزال إستثنائي كمان
الضحك شرطك
|
Post: #29
Title: Re: قرد يونسك ..ولا غزال يزازي بيك ....
Author: ابن عفان
Date: 01-14-2010, 07:42 PM
Parent: #28
واحد ما عندو غزال كل ليلة بقعد مع ناس مغزَليين (بشد الزال و ربط العين).
كل يوم شابكنوا إنت بتين حتغزَل.
وهو يقول ليهم والله أنا لمن أغزَل حأصطاد إتنين و ما حتشوفوا وشى تانى.
بعد شهر مما غزَل. لقوهوا حايم معاهم. و سألوهو أها يا العوض متين حتصطاد الغزال التانى.
نط فيهم و قال والله أنا بكوس فى البشاركنى فى الغزال العندى أجيب التانى.
شكله وقع فى قرد خفيف من نوع الشق الثانى
|
Post: #30
Title: Re: قرد يونسك ..ولا غزال يزازي بيك ....
Author: أبو عبيدة البصاص
Date: 01-14-2010, 07:58 PM
Parent: #29
|
Post: #32
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-14-2010, 10:26 PM
Parent: #28
| Quote: و المُشكِلة لو بقى غزال إستثنائي |
يا علاء ..
الغزال الاستثنائي طبعا بكون4WD ...
عشان كده بكون مصاريفه كتيرة .. واخوك بروتاريه ما بقدر علي العصر ده وحفلات البلابل ...
ياخ تصدق مره سألت من طرمبة الجاز بتاعته قالو لي العمره ساااكت بي اتنين مليون ..
اها دي لو اشتريناها جديدة تكون بي كم ؟...
طبعا قصة انها تكون شركة دي اقنع منها وشيلة من راسك ...
ما قلته لي ..قدمته في عطاء الزريبة والا لسه
|
Post: #31
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-14-2010, 10:19 PM
Parent: #27
| Quote: إنت عايز تاكل ول تتونس? |
داير الصراحه ...
انا داير اتصور..باقي ليك دي مش اخف الاضرار
|
Post: #66
Title: Re: قرد يونسك ..ولا غزال يزازي بيك ....
Author: العوض المسلمي
Date: 01-17-2010, 07:25 AM
Parent: #9
اييييييييييييييييييه دنيا !!!
يافيصل يا وليدي زكرتني ايام زمان ,,
ياحليل زمنا الفات زمن القومة والعرضة والتبات ,,,
ايييييييه دنيا !!!
هي غزلان زمان لكن ما غزلان , وما بتشبه غزلان زمنكم ده الكله خداع وتزييف ..
زمن الغزال ما تصطاده ولا تقرب منها الا للحوجة الماسة وبعد اخذ الاذن منها يعني طلب وقبول !!!
ايييييييه دنيا ...
زمنكم يا ولدي زمن استاسد القرد والعوير قام ليهو شوك ,, زمنكم لا بندار ولا بتمني ...
اما عن القرود فقد كان القرد محترما جدا ويعرف حدوده وامكانياته مازي قرودكم دي رافعة راسها وراخيها ضبنها فوق شنو الله تعلم ..
ايييييييه دنيا,,
ياوليدي فيصل زمنا كان كل قرد شائل ورقة من قبيلته وعارف عزه ومستريح مازي قرودكم الضهب دي لا اصل ولا فصل
وبرضو يقولوا تلت التلاته كم ؟؟؟
رجعت علي المواجع يا وليدي ,,
اييييييييه دنيا ..
|
Post: #68
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-17-2010, 07:33 AM
Parent: #66
Quote: رجعت علي المواجع يا وليدي ,,
اييييييييه دنيا .. |
فضفض يا عمو فضفض ...
انا ناوي ارسل ليك شهادة البحث بتاعت البوست ده نهاية اليوم ..
|
Post: #33
Title: Re: قرد يونسك ..ولا غزال يزازي بيك ....
Author: صديق مهدى على
Date: 01-14-2010, 10:29 PM
Parent: #1
المثل بقول الفيك بدربو
|
Post: #34
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-14-2010, 10:35 PM
Parent: #33
| Quote: المثل بقول الفيك بدربو |
والمثل برضو بقول (الموز بجيبك يا قرد ..)
حالته موزنا نص استوي ..امال لو كان جبنا موز اب نقطه اصفر من الصومال كان قريبك جا معاك ؟
|
Post: #35
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-14-2010, 11:15 PM
Parent: #34
.
|
Post: #36
Title: Re: قرد يونسك ..ولا غزال يزازي بيك ....
Author: صديق مهدى على
Date: 01-15-2010, 08:40 AM
Parent: #34
الظاهر عليك من فئة القرود السود
|
Post: #37
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-15-2010, 05:15 PM
Parent: #36
Quote: الظاهر عليك من فئة القرود السود
|
ايوه يا صديق ..
انا منهم ممكن تتخارج من هنا ورانا اشغال ومعايش وما فاضي ليك ..
|
Post: #38
Title: Re: قرد يونسك ..ولا غزال يزازي بيك ....
Author: صديق مهدى على
Date: 01-15-2010, 05:32 PM
Parent: #37
عشان كدى أرعى مقيد
|
Post: #39
Title: Re: قرد يونسك ..ولا غزال يزازي بيك ....
Author: Balla Musa
Date: 01-15-2010, 05:41 PM
Parent: #38
| Quote: انا داير اتصور..باقي ليك دي مش اخف الاضرار |
دى هينة
شوف أحسن غزال واعمل فوتوشوب..
|
Post: #40
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-15-2010, 05:42 PM
Parent: #38
| Quote: عشان كدى أرعى مقيد |
حااااضر يا صديق ..ممكن تشتت خلاص ؟..
المثل بقول المجنون في ذمة الواعي ..؟
|
Post: #41
Title: Re: قرد يونسك ..ولا غزال يزازي بيك ....
Author: صديق مهدى على
Date: 01-15-2010, 06:49 PM
Parent: #40
يعنى أنت فى ذمتى احسن نشوف رقشة قبل الحالة تصبح حرجة عشان تلحق التمام بمستشفى تيجانى الماحى
|
Post: #42
Title: Re: قرد يونسك ..ولا غزال يزازي بيك ....
Author: على محمد على بشير
Date: 01-15-2010, 06:57 PM
Parent: #41
| Quote: والمثل برضو بقول (الموز بجيبك يا قرد ..) |
ياخ ما تقول كدا من الاول
حيرت افكارنا معاك 
|
Post: #43
Title: Re: قرد يونسك ..ولا غزال يزازي بيك ....
Author: صديق مهدى على
Date: 01-15-2010, 07:03 PM
Parent: #42
كلام جميل يا بخيت
|
Post: #44
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-16-2010, 08:09 AM
Parent: #43
| Quote: يعنى أنت فى ذمتى احسن نشوف رقشة قبل الحالة تصبح حرجة عشان تلحق التمام بمستشفى تيجانى الماحى |
ايوه يا صديق ..
انا في ذمتك ..
يلا يا شاطر ابلع الحباية واتمدد ارقد ..الصباح بجيب ليك كراتين فاضية تلعب بيها بيوت بيوت
|
Post: #45
Title: Re: قرد يونسك ..ولا غزال يزازي بيك ....
Author: صديق مهدى على
Date: 01-16-2010, 09:05 AM
Parent: #44
بس ورينى بتجى القهوة الساعة كم عشان أقول للناس ياهو الامنجى جاء
|
Post: #46
Title: Re: قرد يونسك ..ولا غزال يزازي بيك ....
Author: السيد المسلمي
Date: 01-16-2010, 09:47 AM
Parent: #45
Quote: هلا شيخ العوض ...
بما انك اخصائي في الحته بتاعت الغزلان دي وصياد قديم لا يشق له غبار لدرجه انه الغزلان مما تشوفك في الخلا بقت تجري براها وتدردرق قدامك ..(شوف عيني وسمع اضاني) |
كاااااااااااااااااااااااااااك .....
بالغته فوها ياعمك
________
شايفك متونس ياحبيب !
ياريت لو طلبته حاجة حلوة ..
غايتو علي نفسه جني فيصل
مثل امريكي .
|
Post: #48
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-16-2010, 10:04 AM
Parent: #46
Quote: ياريت لو طلبته حاجة حلوة ..
غايتو علي نفسه جني فيصل |
اوووو ابو السيد بتاع البتاع ...
ياخ مشتاقون والله ..
براقش مين يا عمك ..
مع انو قلبي اكلني من ما العوض اتخارج لكن قلته ما مشكله الجاتك في العوض سامحتك ..
خلينا في المهم كوريا كيف اشجار الجنسينغ بزرعوها في شنو
|
Post: #47
Title: Re: قرد يونسك ..ولا غزال يزازي بيك ....
Author: HAIDER ALZAIN
Date: 01-16-2010, 09:52 AM
Parent: #45
| Quote: بس ورينى بتجى القهوة الساعة كم عشان أقول للناس ياهو الامنجى جاء |
|
Post: #49
Title: Re: قرد يونسك ..ولا غزال يزازي بيك ....
Author: باسط المكي
Date: 01-16-2010, 12:20 PM
Parent: #47
Quote: الا الغزلان فى زمنا ده بتدور الجزلان الملان..
|
فيصل ..
بوست مريح .وضحكت انا ومن معي في العنوان
وبيني وبينك ..
الغزال مريح ياخي القرد مابتقابل
الغزال بزوي بيك شوية وبعداك
انت تتتعلم علي المزازاه..وبالذات الجزلان
لما يكون ملان ترتاااااح
احييك فيصل وواصل
|
Post: #50
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-16-2010, 12:36 PM
Parent: #49
Quote: فيصل ..
بوست مريح .وضحكت انا ومن معي في العنوان
وبيني وبينك ..
الغزال مريح ياخي القرد مابتقابل
الغزال بزوي بيك شوية وبعداك
انت تتتعلم علي المزازاه..وبالذات الجزلان
لما يكون ملان ترتاااااح
احييك فيصل وواصل |
تشكرات اخي باسط علي المرور ..
وحقيقة ان الامر ذاد عن الحد فقررت اللجنة العلياء لشئون القرود والغزلان اقامة زريبة تسع الجميع ..
مودتي
|
Post: #51
Title: Re: قرد يونسك ..ولا غزال يزازي بيك ....
Author: humida
Date: 01-16-2010, 12:53 PM
Parent: #49
| Quote: قرد يونسك ..ولا غزال يزازي بيك |
شوف يا مان ..
عشان تلقى ليك غزال يونسك لازم تبقى قرد .. و اذا كنت غزال برضو داير ليك قرد يونسك ..
يعني قرد قرد و ان طال السفر ..
اها اذا لقيت الغزال البونسك .. ما في مشكلة .. لكن اذا بقيت قرد .. عندك حل من اتنين ..
يا تقعد تنطط .. يا تأكل موز ..
نططت ما ياكا قرد .. اكلت موز .. يعني واحد من اتنين ..
يا قرد جنينة الحيوانات .. يا تخش الغابة و تبقى تمرد ..
قعدت في الجنينة .. الله اداك .. دخلت الغابة عندك حل من اتنين ..
يا تحلق صلعة .. يا تربي شعرك ..
حلقت صلعة .. الله ريحك .. ربيت شعرك .. عندك حل من اتنين ..
يا تربيهو شعر سبيبي .. يا شعر قرقدي ..
ربيتو شعر قرقدي .. نو بروبلم ..
ربيتو شعر سبيبي .. قدامك واحد .. من اتنين ..
ياتشق شعرك من الجنب ..
يا ترجع شعرك لي .. ورا ..
شقيت شعرك من الجنب .. نو بروبلم ..
رجعت شعرك لي ورا .. قدامك واحد من أتنين ..
يا شعرك بقي طويل .. ياشعرك أتحتا ..
بقي طويل .. نو بروبلم ..
شعرك أتحتا ..
قدامك واحد من أتنين ..
يابقيت مزعمط .. يا بقيت صلعة ..
بقيت مزعمط .. نو بروبلم ..
بقيت صلعة .. قدامك واحد من أتنين ..
يا تعمل زراعة .. يا تشوف ليك قرد زيك يونسك .. !!
|
Post: #52
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-16-2010, 05:15 PM
Parent: #51
حميضه ..
زمان ايام الشباب والا الطفولة ما بعرفو .. المهم ..
قريت لغز للمغامرون الخمسه ..
اعتقد انه اسمه (الامير المخطوف ) قصه بتاعت امير خطفوهو الشفوت بتاعين مصر ..
وطلبو فديه طبعا..
المهم في الموضوع والذ حاجه كانت وبما اني في قصص المغامرات والافلام دايما بكون متعاطف مع الخيانة ..
كان الجماعه مصبنين الامير في حته اسمها (عزبة القرود) ..ودي حته في القاهرة عايشين فيها الجماعة البسموهم (القرداتيه)..
والقرداتيه جمع قرداتي ..وهو الزول البدرب القرد ويمشيه علي العجين ما يلخبطوش..
اها القرداتيه ديل طبعا ملوك الحنك ..ياخ ديل القرد البنطط ده قعدوهو وعملو ليه نظام بتاع استقبال وارسال ..
يعني القرد عادي ممكن يجي يقول ليك جيب سفه ..
وكان نهرته ممكن يطعنك ده لو ما نشلك ..
اللذيذ في الموضوع انه الود الامير ده بعد شهر كده بقي هو زاتو قرداتي ..
وانطبق عليه المثل المكسيكي البقول (من عاشر القرود 66 يوم بقي قرداتي)..
اللهم اكفنا شر القرود ..
ماظهر منها وما بطن
التعديل نسيت نقطه ..كله منك يا صديق عاديتنا..
|
Post: #53
Title: Re: قرد يونسك ..ولا غزال يزازي بيك ....
Author: علاء الدين محمد بابكر
Date: 01-16-2010, 06:19 PM
Parent: #52
دة تشوفي كدي تتخيلو غزال (قندف) لامن تقع فيو يطلع قرد..
|
Post: #54
Title: Re: قرد يونسك ..ولا غزال يزازي بيك ....
Author: علاء الدين محمد بابكر
Date: 01-16-2010, 06:21 PM
Parent: #52
دة تشوفو من ضهرو تقول (غزال ممشط) يديك وشو (تآآمن)
|
Post: #55
Title: Re: قرد يونسك ..ولا غزال يزازي بيك ....
Author: علاء الدين محمد بابكر
Date: 01-16-2010, 06:24 PM
Parent: #54
دة لابد ورا الغزال زاتتو...
|
Post: #57
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-16-2010, 06:28 PM
Parent: #55
| Quote: دة لابد ورا الغزال زاتتو... |
ولو لاحظته انو كمان بكسر تلج لي النمر اللي هو ممثل انه ولد الغزاله في فلم (غزاله واحده لا تكفي) ..
ده نوع القرود المستنبطه ..
يعني قرد بافكار شريرة ..
:)
|
Post: #56
Title: Re: قرد يونسك ..ولا غزال يزازي بيك ....
Author: علاء الدين محمد بابكر
Date: 01-16-2010, 06:25 PM
Parent: #54
يافيصل يا خوي..
الغش بقي في كل شيييي
|
Post: #58
Title: Re: قرد يونسك ..ولا غزال يزازي بيك ....
Author: معاوية عوض الكريم
Date: 01-16-2010, 07:07 PM
Parent: #56
اها البِقنع القرد شنو ؟
|
Post: #59
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-16-2010, 08:24 PM
Parent: #58
| Quote: اها البِقنع القرد شنو ؟ |
يا كبسور..
بديت اشك في مهاراتك والله ..
ياخ في بعض القردة جبنا ليهم مرايه وشرحنا ليهم وما صدقوا..
الحاله خلاص بقت متاخره شديد
اها اعتذرته والا لسه عمك امين ساكيكلووووووولز
|
Post: #60
Title: Re: قرد يونسك ..ولا غزال يزازي بيك ....
Author: singawi
Date: 01-16-2010, 09:32 PM
Parent: #59
فيصل الرشيد
أسمع كلامي أنا الهباش .. أنا النهاش .. أنا الختري
لا قرد يدقسك .. ولا عزال يزازي بيك
الصوم دا مالو .. عيبو لي
وبليلة مباشر هاك دي
في درب الريد
كم شاققت واتفولحت كم غنيت
كم مقلبت كم ضحكت كم بكيت
وكنت الفارس المنصور
أنا الشبّكت خط العرض وخط الطول
أنا الهباش أنا النهاش
أنا الختري
أصيد الهاوي شاقي الجو
واصيد الأرضي والبحري
أنوع في مطايب الصيد
أصيد البحبى والبجـري
مخازن فُل نكات بالكوم
مهذبة للعفيف وعديـل
مكهربة للبحومو الليل
شباب ورياش ورقة ولين
وخفة دم وقلة دين
دموع تمساح
تبكي الزينة والقاسين
غزال الجـن
دون ما يدري قلبو يحن
أرمّي حبالي في دربو وأقيف قدام
أمثل دور حميل مسكين
ويبدأ سـلام وراهو كلام
وكيف الحال وكيف عاملين
سلام يا أجمل الحلوين
سلام يا ناس ويا أناناس
صباح الورد والياسمين
وتسمع هااي
وتسمع كييف
وهمسة شوق وكسرة عين
وبعد شوية بيتكم ويـن
وبعد أيام
وييييين ليك مدة مشتاقين
ومشتاقين توصل شوشو للسكين
ويجي الشاكوش
يصنف شوشو في الارشيـف
وتبدأ القصة في التكرار
وكل عويل بدايتو هزار
يزين للفراش النار
وهاك ياصيد وجاك ياصيد
وفي ذات يوم نسايمو تهب
مكندش بي دعاش الرب
طريت الصيد
وشالني الشوق على سكة جِـدَيْ الريل
مدردح ماني راجي دليل
مسلح بي الخفيف وتقيل
مدى النيران يصيب النملة
ويتصاعد يصيد الفيل
وقولة تيت
جات الصيدة وجه جديد
عيونا تقول صباح العيد
بسيماتا ... تضوي الثورة والحلفايا
تدي الباقي لي باريس
وناس الكبكبة السبقوني رقدو القش
عيون زاغت ، رجول خارت
قلوب وقفت ، رؤوس طارت
مدحرجة في درب تاجوج
وكت ما بعومو شن وداهم يتشابو ويصارعو الموج
وجيتك يا صباح العيد
أنا الهباش أنا النهاش أنا الختري
ويادوب ما بديت بالبسمة قبل أقدم أوراقي
صباح الورد ما تميتا
سحبت إيدا .. صرت عينا .. لفتت جيدا .. قالت ... بِـسْ
تبسي كديسة يا تاجوج
عاملة عيونك الحلوات
أنا اب شنبات تقول لي بِـسْ
كما كُنتْ .. انسحاب تكتيكي لو ينفع
كحلت يمين لقيت شامتين
كحلت شمال لقيت وِسوِسْ
ومن يوم داك حردت الصيد
محل ما أقبِّـل أسمع ... بِـسْ
|
Post: #61
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-17-2010, 06:55 AM
Parent: #60
Quote: أسمع كلامي أنا الهباش .. أنا النهاش .. أنا الختري
لا قرد يدقسك .. ولا عزال يزازي بيك
الصوم دا مالو .. عيبو لي
|
سنجاوي ..
لقيتك ختري بالجد يا عمك ..
كاتب ليك معلقه زي بتاعت عمر بن كلثوم ..
ياخ لكن فيها كمية من المحن والاحن ما ظهر منها وما بطن ..الله يكفينا شرك
محتاجه تفتيت بالليزر دي يا عمك ..
حقو نمسكه بيت بيت وشارع شاع وعمود عمود ..
رايك شنو مبدئيا كده نبقيك الامين العام للمشروع الطرحناه اعلاه..
|
Post: #62
Title: Re: قرد يونسك ..ولا غزال يزازي بيك ....
Author: أمين محمد سليمان
Date: 01-17-2010, 06:59 AM
Parent: #61
طيب يا سعادتك ، الناس الما عارفين منو القرد و منو الغزال الذينا ديل ، دبارتهم شنو ؟
|
Post: #63
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-17-2010, 07:08 AM
Parent: #62
| Quote: طيب يا سعادتك ، الناس الما عارفين منو القرد و منو الغزال الذينا ديل ، دبارتهم شنو ؟ |
امين ياسمين.. (خال حمور)
معقول انت لاعب مخضرم كده وما قادر تفرز ..
ياخ انا هسه قايلك وصلته مرحلة اللولحة ..
|
Post: #64
Title: Re: قرد يونسك ..ولا غزال يزازي بيك ....
Author: HAIDER ALZAIN
Date: 01-17-2010, 07:10 AM
Parent: #62
| Quote: طيب يا سعادتك ، الناس الما عارفين منو القرد و منو الغزال الذينا ديل ، دبارتهم شنو ؟ |
يا خال حمور زيادة ..
فيصل دا شغال معانا بمبدأ : قِرداً ما قِردك جر فوقو الشوك
|
Post: #65
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-17-2010, 07:23 AM
Parent: #64
| Quote: فيصل دا شغال معانا بمبدأ : قِرداً ما قِردك جر فوقو الشوك |
عليك نور يا ضلالي ..
المحيرني امين ده وده خبرته دي كلها وين..
يكون اكل نص وباع والباقي
|
Post: #67
Title: Re: قرد يونسك ..ولا غزال يزازي بيك ....
Author: أمين محمد سليمان
Date: 01-17-2010, 07:31 AM
Parent: #65
Quote: معقول انت لاعب مخضرم كده وما قادر تفرز ..
|
أفرز شنو ياخ !
أنا كان ما جاتني القرود و الغزلان كل واحد معاهو إقرار مشفوع باليمين و صوره مصورها التكينه ما بصدق زول !
بعدين أنا أخر مره لعبت في الدوري القرود ذاتهم ما كان بخلوهم يلعبو ! 
|
Post: #72
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-17-2010, 07:56 AM
Parent: #67
| Quote: و صوره مصورها التكينه ما بصدق زول ! |
عليك نوووور...
بس عليك الله يا عمو امين ركز لينا في حته التكينة والصور دي ..
صراحة التكينة مقصر الايام دي ..من ما دينق قال ليه كميرتك البمبيه تاني حلف ما يجيب صور
|
Post: #69
Title: Re: قرد يونسك ..ولا غزال يزازي بيك ....
Author: عبدالوهاب علي الحاج
Date: 01-17-2010, 07:46 AM
Parent: #65
بوست متزمزغ
 
 
ديل القرود البونسوك
المزازة انا ما من انصارها
|
Post: #70
Title: Re: قرد يونسك ..ولا غزال يزازي بيك ....
Author: أمين محمد سليمان
Date: 01-17-2010, 07:49 AM
Parent: #69
| Quote: المزازة انا ما من انصارها |
مجبر أخاك لا بطل !
|
Post: #71
Title: Re: قرد يونسك ..ولا غزال يزازي بيك ....
Author: العوض المسلمي
Date: 01-17-2010, 07:54 AM
Parent: #70
| Quote: ياخ انا هسه قايلك وصلته مرحلة اللولحة |
امين الياسمين كيفك ؟؟
بالله لسهانت في مرحلة الولحة ؟؟؟
نحن وصلنا مرحلة القرطعة ذاتها ...
|
Post: #73
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-17-2010, 07:59 AM
Parent: #71
Quote: ديل القرود البونسوك
المزازة انا ما من انصارها |
وهبه ...
قالو المزازي في زمة العامل تقيل
|
Post: #74
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 01-17-2010, 08:04 AM
Parent: #71
| Quote: نحن وصلنا مرحلة القرطعة ذاتها ... |
يا عمك ما تتواضع قدر ده ..
ياخ انتو القرطعتو السما بوهية
|
Post: #76
Title: Re: قرد يونسك ..ولا غزال يزازي بيك ....
Author: العوض المسلمي
Date: 01-17-2010, 08:12 AM
Parent: #74
بالله نحن وصلنا المرحلة دي ؟؟
ماحدش قال لينا قبلك !!
|
Post: #79
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 02-16-2010, 03:21 PM
Parent: #74
اووووووبح
|
Post: #75
Title: Re: قرد يونسك ..ولا غزال يزازي بيك ....
Author: أمين محمد سليمان
Date: 01-17-2010, 08:10 AM
Parent: #71
Quote: بالله لسهانت في مرحلة الولحة ؟؟؟
نحن وصلنا مرحلة القرطعة ذاتها ... |
العوض رئيسنا زمان ، الشوق بلانا بل !
أنا في مرحله الحشره الكامله ، اللي هي أربعه مراحل قبل المرحلة الفيها وهبه !
|
Post: #77
Title: Re: قرد يونسك ..ولا غزال يزازي بيك ....
Author: العوض المسلمي
Date: 01-17-2010, 08:14 AM
Parent: #75
ونحن من بعدك حاربنا قندهار والمشويات ,,
حرد بس وشوق غير نهائي ,,
قلت لي الطور القبل وهبة ؟ ده اخطر طور يافردة ,,
|
Post: #78
Title: Re: قرد يونسك ..ولا غزال يزازي بيك ....
Author: singawi
Date: 01-17-2010, 01:09 PM
Parent: #77
ود الرشيد
شكيت محنك على الله
انا جاي أهديك وأقول ليك أسمع كلامي
لا قرد يدقسك ولا غزال يزازي بيك
وأقول ليك ألزم الصوووووم .. أجر وعافية
تقول لي نبقيك أمين عام .. أمانة ما اتلومت .. بتدور تجيب أجلي
سمعت ليك بأمين عام ما غرق
أبدأ من الترابي الأمين العام للجبهة الإسلامية
وأنزل لي نميري للأمين العام للاتحاد الاشتراكي
السلم منو؟
يا زول أجيك بالمختصر المفيد
الغابة دي ما فيها قشة مرة
القرد بي حلاتو ، والغزال بي حلاتو
والرك على العيون البعاينن
وعندما تغيب الشمس .. تتشابه الأشجار
ولا قصدك شنو .. القرود يموتو يعني
|
Post: #80
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 02-16-2010, 03:25 PM
Parent: #78
Quote: العوض رئيسنا زمان ، الشوق بلانا بل !
أنا في مرحله الحشره الكامله ، اللي هي أربعه مراحل قبل المرحلة الفيها وهبه ! |
امين انت لسه ما طرته
|
Post: #81
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 02-16-2010, 03:27 PM
Parent: #78
Quote: شكيت محنك على الله
انا جاي أهديك وأقول ليك أسمع كلامي
لا قرد يدقسك ولا غزال يزازي بيك
وأقول ليك ألزم الصوووووم .. أجر وعافية
تقول لي نبقيك أمين عام .. أمانة ما اتلومت .. بتدور تجيب أجلي
سمعت ليك بأمين عام ما غرق
أبدأ من الترابي الأمين العام للجبهة الإسلامية
وأنزل لي نميري للأمين العام للاتحاد الاشتراكي
السلم منو؟
يا زول أجيك بالمختصر المفيد
الغابة دي ما فيها قشة مرة
القرد بي حلاتو ، والغزال بي حلاتو
والرك على العيون البعاينن
وعندما تغيب الشمس .. تتشابه الأشجار
ولا قصدك شنو .. القرود يموتو يعني |
معليش يا سنجاوي علي التأخير
البوست ده غطسناهو لدواعي امنية في المرحلة الفاتت ..
وهسه طلعناهو ودايرين نعوجو شويه عشان يجيب مفعول ثلاثي ..
خليك معاي لحدي ما اجيب مفتاح الطبله
|
Post: #82
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 02-16-2010, 03:31 PM
Parent: #81
يا اخونا وين الاستاذ (شكلوته)
|
Post: #83
Title: Re: قرد يونسك ..ولا غزال يزازي بيك ....
Author: البدري عبد الله
Date: 02-16-2010, 03:32 PM
Parent: #81
السلام عليكم
|
Post: #84
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 02-16-2010, 03:45 PM
Parent: #83
هلا يا صلاح مشكله ..
وين اخوك الطريفي ..
الواحد عاوز يعمل سلطة فواكه وخايفكم تشمو الريحه عشان كده حقو تجو بدري بدري عشان نقدر نتصرف معاكم ..
..........
ينفع نديكم نبق يا اخوانا والا قرطاس تسالي
|
Post: #85
Title: Re: قرد يونسك ..ولا غزال يزازي بيك ....
Author: ممدوح أبارو
Date: 02-16-2010, 06:27 PM
Parent: #84
Quote: وعندما تغيب الشمس .. تتشابه الأشجار
ولا قصدك شنو .. القرود يموتو يعني |
الله يريحك دنيا واخره يا سنجاوي يا ابن ام سنجاوي  
يا قريبك البوست دا كان وين؟
|
Post: #86
Title: Re: قرد يونسك ..ولا غزال يزازي بيك ....
Author: Faisal Elrasheed
Date: 02-17-2010, 07:16 AM
Parent: #85
Quote: الله يريحك دنيا واخره يا سنجاوي يا ابن ام سنجاوي
يا قريبك البوست دا كان وين؟
|
وين يا ابارو يا عمك ..
عمك سنجاوي جابه من الاخر ..
كلامه بتاع زول خبره في المجالات القردية ..
البوست ده يا ابارو كنا خاتنو في التلاجه راجين بيهو سخانة اليومين ديل ..
ياخ دي سخانة نصاح ..
مدني كيف الايام دي
|
|