بنت الاحفاد & Outcast ...

امس و انا بعانى من عدم الموضوع ( مع انى عندى ذى مليون حاجه مهمة مفروض اعملها) اتزكرت الايام الخوالى فى المنبر.
وخطرت على بالى بنت الاحفاد. و ينا الان....عندها كم طفل غير عمر? و خلصت الدكتوراه و لا انشغلت فى البيت و الاولاد?

و صحبتى جدا Outcast ....اخر عهدى بيها بوست بريمة بتاع امريكا اللى ما فيها قروش ( قبل ان يتفرغ بريمة لنقد السودانيات فى امريكا بالحق و الباطل).
اتمنى ان يكونوا الاتنين فى افضل الاحوال.

Outcast

outcast


موجودة بيننا والله العظيم


وقريب دا كتبت في المنبر بس غيرت الاسم

ادعى كوستاوي في يوليو 2008 أن أوكاست قد تحولت للكتابة باسمها الحقيقي؛
الشيء الذي تم دحضه بمداخلاتها المستمرة حتى مايو 2009.

Re: إرفعوا أيديكم عن أطباء بلادي ...

Quote: Outcast

الايام دي كان العوض شغال (ذبائح) ؛ إن كان يملكـ وقتاً للمتابعة لكتب هلكتنا يا حسين..



_
التحية لـ Outcast ؛ و شكرا يا سمارتي.

سلامات يا ملاسى....
عندى سوال برئ........
الناس اللى فى البوست الفوق ده لما ادعوا ان اوتكاست موجوده باسم اخر .....كانوا مقتنعين بكده ...ام ....بس كانوا عاوزين يختلفوا معاك؟
__________________________________
ممكونه ذااااتا وحشانا ..و الله.

Quote: موجودة بيننا والله العظيم

بحليفتها كمان ؟؟؟



بجيكم راجعة

أنا زاتي والله يا سمارات واحشاني بت الأحفاد شديد
آخر عهدي بيها أنها أم عمر فقط وتلفونات كانت بيناتنا بس الكلام دا السنة الفاتت وبعدها إنقطعنا وضاع رقم هاتفها
المهم
لو عرفتي عنها حاجه طمنينابالله واتمنى انها تشوف البوست دا وتظهر
شكرا ليك على البوست يا جميلة

سمارتي يا حبيبة..

هابي 2010 عليك وأسرتك الحلوة..

فعلا نفتقد بت الأحفاد وبشدة.. تعرفي أنا مرات قاعدة أقيس قدر شنو المنبر بقى (شرور) لما أتذكر أوقات بت الأحفاد الحلوة.


أوت كاست ليها وحشة برضو.


ودي

Quote: ادعى كوستاوي في يوليو 2008 أن أوكاست قد تحولت للكتابة باسمها الحقيقي؛ الشيء الذي تم دحضه بمداخلاتها المستمرة حتى مايو 2009.

بكري لما يغير ليك النيك نيم بيخليك تحتفظ بالقديم برضو-كرم منه- والدليل في زول /ة هسة محتفظ بتلاتة نيك نيمس (بس)
ودليل تاني نوف الكان إسمها ود أمي (بالانجليزي) إحتفظت بالحسابين قبل أن تختفي في ظروف ماغامضة
وناس تاني كتير
بالمناسبة مرة أوتكاست نزلت صورتها هنا في البورد وكانت ملامحها حميمة وقريبة للقلب
وممكن بقلب قوي برضو تسألي منها ياسمارتي لانها بالاسم الجديد برضو مقلة





_____________________
ياسمارت ماشاء الله عليهو وعيني بارده

خليل....بتحلف كده شكلك متاكد و عارفها...
على كل حال انا ما فارق معاى بتكتب باسم منو....لكن ما لاحظت -حتى الان- شخصية جديده بنفس اسلوبها. لو كانت فعلا موجوده اكيد بعد شويه ح الاحظ لزوله لذيذة و راجحة العقل ذى اوتكاست و ح احبها برضو.




وجن ...سلامات...و تسلمى
انا برضو كان بينى و بين بت الاحفاد ايميلات...لكنها انقطعت و اتشغلت انا مع الدنيا و احوالها . و باين انها برضوا مشغولة.....ربنا يطراهم بالخير.



جو جو (ده ا ل Pet name بتاعنا لرجاء)...
كل سنة و انتى بالف خير.....
بنت الاحفاد فعلا زولة نقية....كانت ايام و الله جميلة.
جنى كان مسميها (البصيرة ام حمد)....و كان شايلو تقيل شديد معانا. و كل ما يزهج منى كان بيقول لى ( يا ذكية)...و انتى فاهمة قاصد شنو طبعا.
اتمنى انها يكون عندها لو دقائق....تطمنا عليها.


ازيك يا راوية....وين اراضيك?
يعنى هسى انا لو قلت لبكرى اسمى و طلبت حساب ح يكون عندى حسابين و الناس ما عارفه...wow ....دى حركة لذيذه ...بالجد.

انا متخيلة اوتكاست تكون زوله نحيفه طويلة قمحية وملامحها ناعمة و لابسه توب..(ما عارفه ليه).
اظن انها فى بوست قبل حوالى 5-6 شهور كتبت اسمها فى نهاية تعليق ليها. بس انا نسيت الاسم...اظنه كان نادية (احتمال).
________________________
تسلمى يا راوية... قرد بس...موش كده?.

نوبى....العوض ده منو ? بصراحة ما فهمت حاجه....معليش ...عامل السن و كده

راوية...عارفاك ما ح تقولى...لكن...ح اسال و السلام...منو اللى عندها 3 اسماء الان???

على حسب شكلها في الصورة بيخيل عليها نادية أكتر من إسمها الحقيقي(لاحظي دا كله أنا بتكلم عن أوت كاست)
وهي عكس تخيلك فيماعدا الطول و الصورة كانت من غير توب لكن بأي حال مانحيفة
ولو قلت إسمها (عرفتو منها وفي هذا البورد) ممكن تعرفي الحساب الجديد طوالي
الا لو طلعتي ذكية على قول جني




__________________
الزول العندو تلاتة حسابات مابقدر أقول إسمو
ما لاي سبب غير إني بعطف عليهو وعلى الحالة الواصل ليه

هسى يا راوية انا استفدت شنو ??
لا قلتى لى اوتكاست اسمها الجديد شنو . و لا حتى وريتينى اللى عندها 3 اسماء منو. انا مفروض اشوف لى اصحاب غيركم فى البورد ده.


خلاص نحاول مع خليل....
خليل...عليك الله....اوتكاست منو?

طيب ...كوستاوى....
كستاوى ...احنا ناس زملاء مهنة و قدر بعض (قرينا الابتدائى مع بعض فى الخمسينيات فى كوستى الابتدائية المختلطة)...قول لى ...وين اوتكاست?

أول حاجة الزمن داك كان اسمها الأولية
تاني حاجة حتى إن سمح لها بكري بالاسمين فلا أظنها تقبل بمثل ذلك التدليس.
تالت حاجة رواية بتحب توري إنها عارفة أسرار البورد و هي ما عارفة حاجة.

Quote: أول حاجة الزمن داك كان اسمها الأولية تاني حاجة حتى إن سمح لها بكري بالاسمين فلا أظنها تقبل بمثل ذلك التدليس. تالت حاجة رواية بتحب توري إنها عارفة أسرار البورد و هي ما عارفة حاجة.

يقع فى يدك العدو!
جنى

ملاسى...انا قصدى قرينا الاساس فى الالفية التالته.

بعدين بعد "تدليس" و الكلام الصعب ده ...حتى لو قررت اوتكاست تكشف عن شخصيتها الحقيقية ح تغير رايها.
يمكن الموضوع ابسط من كده و ما فيه تدليس و لا حاجه. تكون قالت لبكرى اعمل لى حساب باسمى...عمل ليها. لكن ما عاوزه الناس تعرف انها اوتكاست. عادى.
انا لو (لا قدر الله) قررت اكتب باسمى الحقيقى..ح اعمل فيها زول جديد. لكن ح انسى حكاية smart دى تماما. و اكون باسمى بس "ست النفر".


جنى...و انت يعنى الهين.
انتو الاتنين ربنا يسترنا من السنتكم.

اوتكاست....و الله البوست ده الغرض منو كان فقدانك و السوال عن احوااك.
ابدا ما كان قصدى اثير القيل و القال.

..
.

Quote: اوتكاست....و الله البوست ده الغرض منو كان فقدانك و السوال عن احوااك. ابدا ما كان قصدى اثير القيل و القال.

اخيرا
انتبهت لانحراف البوست عن مساره !!
_______

يعنى بدلاً عن السؤال عن شخصيتين جديرتين
بالاحترام والسؤال .. صار من هى ؟ وكم اسم ؟ والاسم الجديد ..
واخرون كذلك ..!!!!

؟؟

..
.
ووجميل لم يأت من يتشكك فى بت الأحفاد
التى شغلتها الحياة واشياء اخر

________

لتظل بت الاحفاد هى بت الاحفاد

لهما التحيه؛

والله يا ملاسي قايلك زول زكي و مصحصح
لكن طلعت زي أبورزقة

و أقولها لك للمرة التانية
outcast قاعدة تكتب بإسمها الحقيقي




مافي ليك أي شرح

بتعرف غنية عذبني و.....

بالمناسبة يا ملاسي أنت ماخد شاكوش ولا شنو?

تدفع بوريك محلها...

اسمارت


خلصتي الشرائط?

الاخت العزيزة اسمارت والاخوات رواية ورجاء وكل من سال من بنت الاحفاد

وصلت تحاياك اسمارت وبنت الاحفاد بخير واعلمتها بامر البوست وسؤالك


اتمنى انها تكون اتطلعت على البوست وقامت بي الواجب معاك

Quote: تالت حاجة رواية بتحب توري إنها عارفة أسرار البورد و هي ما عارفة حاجة.

أول حاجة إسمي راوية
تانيا ولا أسرار ولا دياولو لو فتحت وقريت أكتر من تكتب في البورد دا بتلاحظ لحاجات زي دي
وبعدين أوعى تدخلني في حتة إني بتهم زول بتدليس
الاسمين بيكونو معاك ومن حقك تستعملهم وبمعرفة صاحب البورد ذات نفسه
ونوف تحديداٌ إستعملت الاسمين وبالواضح ومع بعض وفي مداخلتين في بوست واحد وعلقت عليها رجا وفي لحظتها كانت (قفشة) وبكل نفس نضيفة ووعي إعتبرناها ونسة وهزار




___________
أوعدك في المستقبل أقعد (تزة) ولا أعرف ولا الاحظ لاي حاجة وأخلي ليك الفهم

..
.
غايتو يا نوف
يا بت امى ...!!
اتلومت معاى تحديداً

تهون عليك العشرة !!؟

______

الواحد طلع برضو ملاحظته ضعيفة
كلو من الزهايمر

Quote: يا بت امى ...!!

ود أمي
بت أمي جبتها من وين كمان
وبعدين أنتو ذاتكم إتلومتو
ولا زول فيكم مافتح بوست سأل منها
أنا لو كنت بفتح بوستات سؤال عن الغايبين كنت سألت منها
عموما بتذكر ليها بوست جميل عن هاشم صديق
ووردة حمرااااا شديد في بروفايلها

..
.

Quote: ود أمي بت أمي جبتها من وين كمان

جبتها بحكم مداخلاتى معها _ فيما مضى _
هى ود امى
والواحد كان لمن يرد عليها برد ببت امى
وووقع ليك .. ولا تشيكى الارشيف ..

منو القال ليك انا من رواد فتح بوستات الغائبين ؟؟

___________

يا الله من دروس اخر الليل _ بتوقيت امدرمان المحلى _
الواحد يمشى ينوم بعد دا

Quote: الاخت العزيزة اسمارت والاخوات رواية ورجاء وكل من سال من بنت الاحفاد

عبدالله وداعة ياراجل يازين
شكرا ليك على مجايب أخبار بت الاحفاد
وسلم عليها بالله





____________
تبلديينا ياشين
ماقلنا ليك من المداخلة القبل الفاتت قاعدين (تزز) في البورد دا
فمـــا حتفرق لا الدروس ولا مواعيدها


_______________
تحية لبت (ود) أمي أينما كانت
وسلام وود
والعفو والعافية

الاخت العزيزة بنت العباسي راوية

تحية وسلام لكي خاص
الحقيقة انا الاسف لاني كتبت اسمك غلط
وقدمت الواو على الهمزة ولكي العتبى فهي حتما غلطة مطبعية



التحايا لكي عزيزتي والاخوات رجاء وهدى والاهل بمصر

Quote: الاخت العزيزة بنت العباسي راوية تحية وسلام لكي خاص الحقيقة انا الاسف لاني كتبت اسمك غلط وقدمت الواو على الهمزة ولكي العتبى فهي حتما غلطة مطبعية

إنت بالذات تكتبو زي ماعاوز تقدم الهمزة وتأخر الواو و تنقص حروفو وتعمل البريحك في إلاسم دا
لكن المداخلة والتصحيح ديلاك لي ملاسي
مخصوص
غتاتة كدا بس


_________
سلامك وصل
وتشكر عليهو

Quote: يمكن الموضوع ابسط من كده و ما فيه تدليس و لا حاجه. تكون قالت لبكرى اعمل لى حساب باسمى...عمل ليها. لكن ما عاوزه الناس تعرف انها اوتكاست. عادى.

التدليس فيما لو كانت تكتب باسمها الحقيقي و بأوتكاست .. معاً.


_______
فقد مرايد مستقبله السياسي
– أو كاد – بسبب تدليس مشابه.

Quote: فقد مرايد مستقبله السياسي

الراجح انك تقصد مراويد


حسين بدات تفقد تركيزك الكتابي هذه الايام


هدية لعمر عشاري

شفت البقت عليك يا مراويد .. حتى و إن تمت الإشارة لك
بالحرف "م" فسيعرف كل من هب و دب بأنك المقصود!

Quote: فسيعرف كل من هب و دب بأنك المقصود!

اتمنى الا تكون قاصدا الاساءة هنا

Tabaldina ازيك???

Quote: اخيرا انتبهت لانحراف البوست عن مساره !!

انت كمان ما تصعبا قدر ده! الموضوع ابسط من "مسار" و "خطة طريق" و كده. سالنا من اصحابنا الزمان ...و الناس قالوا لينا الناس ديل كويسين و موجودين. خلاص...الحمد لله انهم كويسين.

Kostawi
شكلو ملاسى عاارف كل الحاص...و انا الوحيده اللى طلعت "زي أبورزقة".
الشرائط دى كمان بتخلص...دى ح تكون ذى الورد...كل ما تخلص نبداها تانى يوم من الاول.
لما تمشى السودان المرة الجاية كلمنى...و انت ماشى على كوستى اقيف فى الدويم و امشى زور سيدى الخليفه بهاء الدين. و قول ليه يديك الطريقة. يمكن ربنا يفتح علينا و عليك. ما تنسى تقول ليه انك من طرف smart.

عبدالله وداعه الامين
شكرا جزيلا لتوصيلك سلامنا للعزيزه بنت الاحفاد.
قول ليها لو عاوزه ترسل لى ممكن ترسل لى على [email protected]
لانها زمان كانت بترسل لى فى ايميل قديم فى Yahoo ...و ضاعت منى كلمة للمرور فيه.

ملاسى

Quote: التدليس فيما لو كانت تكتب باسمها الحقيقي و بأوتكاست .. معاً.

hmmmm..."تدليس" دى كلمة صعبة. انا ممكن اقول تدليس لو ظهر مثلا انها بتشتم فى الناس باسم و عاملة ظريفه باسمها الحقيقى. او بتشاكل فى روحها بالاسم غير حقيقى . يعنى حجات معمولة لخداع الناس مع سبق الاصرار و الترصد.
على العموم شخصية اوتكاست كانت شخصية لطيفه. و ( اغلب) الناس الى بتكتب باساميها الحقيقية بحاولوا يكونوا معقولين.
The bottomline ح اندهش لو طلعت اوتكاست هى "تراجى" مثلا.*


محمد إبراهيم علي
سلامات...الله لا جاب اساءة
_______________________________
* تراجى please ما تجى تمسحى بى الارض ....ان قصدى اضرب مثل بس.

Quote: تدفع بوريك محلها...

ما بدفع .. ما كان بفلوس أصبح مجاناً.

والله والحق يقال أفتقد بوستات الأخت الفاضلة بنت الأحفاد

أتمنى من كل قلبي لها و لعائلتها الكريمة كل التوفيق.


شريف