اين عادل عبدالعاطي؟........سؤال واعتذار

الاخ عادل
كل سنة وانت طيب
غاب اسمك عن المنبر وغابت مساهماتك
فانت قلم جرئ وان كان به بعض الشطط
اراك تملك ناصية الكلام ويمكن لقلمك
ان يكون مفيدا للسودان في هذه اللحظات
الفارقة..لما له من تدفق ..
ربما رددت عليك في خيط سابق باكثر مما
يتطلبه الموقف وهذا اعتذار مني
واريد عودتك واثراء المنبر بارائك واتمني
ان تصب مساهماتك في مجري التيار السوداني
العام وهذا طلب مني..
لك الود والعتبي حتي تعود

Quote: ربما رددت عليك في خيط سابق باكثر مما يتطلبه الموقف وهذا اعتذار مني واريد عودتك واثراء المنبر بارائك

تشكر يا حكيم على الاعتذار الكريم وهو قيمة
راقية , ومن شأنه معالجة التوتر الذى قد
ينشأ بين اعضاءالمنبر فى مور أعتقد أنها
لا تستحق , عادل رجل مميز وأنا على المستوى
الشخصى استفدت كثيرا من كتاباته التى أنارت
بصيرتى وجعلتنى أرى أشياء كانت غائبة عنى فى
السابق , لك ولعادل كثير التقدير والمعزة .

شكرا اخي فيصل
هذا المنبر كالاسرة الواحدة قد نرفع صوتنااحيانا
وقد نختلف في احايين كثيرة ولكن نتعشم في ان يبقي
الود هو سيد المنبر..

اصيل ياحكيم تولا ..

حكيم يا رائع يا انسان يا جميل .عادل كان في السودان ورجع قبل يومين محبط مما يجري ومما شاهده في السودان



عادل انسان رائع ومسامح .ما هو برضو نوبي والنوبيون معظمهم رائعين الا من ابي

سلام يا حكيم

شكرا لك وفي الحقيقة لم اخد في خاطري منك ولو للحظة ذلك اني فهمتك وادركت الانسان والانساني فيك
الغياب كان بسبب زيارة السودان وانشغالات عديدة وارهاق اريد ان استجم منه شيئا ما .

عمار يا زول يا جميل محبط شنو قلت ليك مرهق تحولا لي محبط ؟؟

لا محبط ولا اي حاجة وهذه الكلمة لا اعرف معناها وليست في قاموسي فمن يدرك الاشياء كما هي لا يُحبط .

لك ودي

تحياتي موصولة لاخي العزيز فيصل وللاستاذ مزمل خيري

شكرا عبد الحكيم يا حساس.

ويا عادل كفايه استجمام خلاص امرق رؤيسك ده

وتعال قول لينا شوفته شنو في السودان ؟؟

Quote: عمار يا زول يا جميل محبط شنو قلت ليك مرهق تحولا لي محبط ؟؟ لا محبط ولا اي حاجة وهذه الكلمة لا اعرف معناها وليست في قاموسي فمن يدرك الاشياء كما هي لا يُحبط .

اها اسحر روحك؟؟؟يا زول قول ماشاء الله تبارك الله اولا.

ما بيسحر المال غير اصحابه...وقس على ذلك(اختك في حالة شعوذه)

سلام تراجي

قلتي لي فاكيها في روحي موش وبسحرا ؟؟.. ههههههه

قبل يومين كنتا بقرا كتاب لي نيتشة ؛ اهو دا الفاكيها في روحو بالجد؛ هو والمتنبي وكاليغولا وابن عربي ذاتو
وناس تانيين لو جبنا اسماؤهم بنجيب الهواء

اها يا ستي كلمة محبط دي اصلو ما قدرتا افهما .. محبط يعني شنو ؟؟
يعني الزول يكون سوداني واتولد في السودان وعاش فيهو وعارف كل تفاصيلو البايخة وقرر ان يمشي ضد التيار الكاسح وان يهد الجبل بابرة
يجي بعد دا يحبطو شنو ؟؟

وبجيك .

ليك الود

نفتقد قلم عادل عبدالعاطي

هسع يا حكيم كان في داعي
ماكنا مرتاحين من الكارثة ده

أهلآ .

Quote: هسع يا حكيم كان في داعي ماكنا مرتاحين من الكارثة ده

والله يا ابوساندرا بس تقول كان واقف ورا
الباب..غايتو لحظة السما كانت فاتحة لي
ابوابها.
تحياتي

تولا حكيم


تحايا


عادل قالوا لي كنت في غيبوبة السودان الشقيق


لكن ما عارف لسة في نفس الغيبوبة

واللا رجعت وارسو


المهم كن بخير

تسلموا يا شباب
ابو ساندرا عيونك بقتا كيف ؟؟؟

ما تهمل فيها يا زميل ..