Post: #1
Title: يا جماعة بتعرفوا ليكم زول كان بيجي الحداااشر في الإبتدائي؟
Author: عمر الفاروق
Date: 01-13-2010, 07:02 AM
أي زول لاقيتو (بمن فيهم انا زاااتي) يقول ليك والله انا لمن كنت في الإبتدائي ما كنت بطلع من العشرة الأوائل!!!
كلللللللللللل الناس اللاقيتهم دون اسثناء والله ..
عليييكم الله لو في زول بيعرف ليهو واحد كان بيجي الحداشر وانت طالع في الإبتدائي يديني خبر وياريت لو تدعموها لي بي المستندات ..
الغريبة اصلو ما بيقول ليك في المتوسط أو الثانوي العالي ..
تخريمة :
أولاد المغتربين ديلك كوم برااااهم ..ديلك مش ما بيطلعوا من العشرة الأوايل لالالالالا ديلك ماااا فك الأول دي اصصصصصصلو لحدي ما جا السودان ..
|
Post: #2
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: إدريس البدري
Date: 01-13-2010, 07:08 AM
Parent: #1
هاهاهاهاهاها
بالله برضو لاحظت الحكاية دي؟
ح تتعب شديد وبرضو ما بتلقى ولا واحد
|
Post: #3
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: أميرة فاروق عبد العال
Date: 01-13-2010, 07:16 AM
Parent: #2
عمر ود أبوي..
يعلم الله مشتاقين..
(الحداشر) الهينة دي؟؟
بالله تحلف تقول (طيش) واحد في المدارس مافي..
|
Post: #4
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: SHIBKA
Date: 01-13-2010, 07:17 AM
Parent: #2
انا غايتو البعرفهم كلهم كانوا الاول
التاني زاتو ما لاقاني
اها مرة فكرت قلت زمان الناس شوية
معناها كل فصل فيهو اتنين واحد الاول والتاني الطيش لكن فرقو من الاول نص درجة بالتالي
بيكن قرب انو يبقى مشترك مع الاول
وعشان كدا الاتنين بيكونوا الاول باعتبار النص دا
|
Post: #5
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: فيصل نوبي
Date: 01-13-2010, 07:18 AM
Parent: #2
مشّتركـ ؟
|
Post: #7
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: عمر الفاروق
Date: 01-13-2010, 07:25 AM
Parent: #5
أدريس باشا:
| Quote: ح تتعب شديد وبرضو ما بتلقى ولا واحد |
طيب ياخ كدي خلينا نبدا بيك انت زاااتك..
كنت بتجي الكم ؟
الأميرة بنت الفاروق ااال عبد العال:
لااااااا حولة ولاااا قولة !!!
ويييينك يا زولة ولا ويييني انا ما عارف ..
| Quote: بالله تحلف تقول (طيش) واحد في المدارس مافي.. |
مع إنو الطيش عند الله بعيش ..
لكن بيني وبينك كده يا أميرة عندي إحساس إنتي النوع الكان يوم النتايج بيغيب أو من النوع البيكون واقف في الطابور أومأمل يزيعوهو مع العشرة الأوايل لكن للأسف لحدددددددي ال46 ما بتسمعي إسمك تقومي فوووووووووووووو تكسحي..
|
Post: #8
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: عمر الفاروق
Date: 01-13-2010, 07:34 AM
Parent: #5
شبكة الشبكة :
| Quote: معناها كل فصل فيهو اتنين واحد الاول والتاني الطيش لكن فرقو من الاول نص درجة |
لييي ديل مدرستهم ما كانت من النوع البيجبر ليك النص ؟؟
نوبي يا حبوب:
والله الواحد بقا يخاف لمن يقرا اسمك في بوست
ياخ عليك الله حوالينا ولااا علينا ..:)
تعرف يا عمك مشترك دي كانت اهممممممممممممم حاجة يعني انا باقي لي لو الزول جا 67 مشترك بيكون متكيف أكتر من البيجي التاني براهو ..
|
Post: #10
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: دينا خالد
Date: 01-13-2010, 07:45 AM
Parent: #5
لا اكذب ولكننى اتجمل !!!!
ـــــــــــــــــــ
وهو الفرق شنو بين الاول والطيش فى مدارسكم دى !!
ياااااااى ,, بس لسانكم طويل فى الشهادات العربية !!
هسه علاء دا كان بيجى الواحد وعشرين ...
و وليد عااااااااادى بجى ال 63 ولا قاعدين ينكروا !!
وهسه عااااااااااادى بخربوا فى كمبيوترات الناس ...
واللى بسال ماااااااااااااااا بتوووهـ .. دارنا نحن قريبا لييه ..
|
Post: #6
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: عبدالله ود البوش
Date: 01-13-2010, 07:25 AM
Parent: #2
حسن ولدي كل شوية جايب لي ساعة واقلام هدية من المدرسة
وانا فرحان يعني ولدي شاطر عشان كدي ادوهو الهدية
اقوم اهوش واديهو ليك عشرة ريال وهو المدرسة احسن مني
تاني بعد اسبوعين تلاتة ميداليات وكاسات صغار وهكذا
وانا فرحان واشجع
يوم جاتنا دعوة آباء للمدرسة ( يوم مفتوح )
واشوف ليك شفع المدرسة كلهن شايلين نفس حاجات حسن ولدي واكتر
وانا طالع مع ولدي وهو شائل الهدايا بتاعتو لقيت ليك مدرس جنب الباب
ينادي للشفع : ترى المستودع ملان ونبي نفضيهو للفترة الجاية
خدو لاخوانكن الصغار واشار علي ليش حسن شال هدايا شوية ؟
وهو ما عارف حسن خجلان عشان ابوه عرف ان مكتبة جرير مالية المدارس حشو
.
.
.
الفاروق انا مرة واحدة جيت الحداشر عشان كدا ما ذاعوني بالرادي
تحياتي
عمك عبدالله محمد عبدالله _ الرياض _ الحداشر في امتحان الشهادة الاولية
|
Post: #9
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: عاطف عمر
Date: 01-13-2010, 07:37 AM
Parent: #1
صديقي الباشمهندس ( ع ) إستثناء لقاعدتك
رجل يمتاز بالسخرية الحادة منذ صغره
التزم وهو طالب في جامعة الخرطوم الفكر الجمهوري وتأثر بـ ( سخرية دالي ) وأصبحنا نقول له الكلمة و ( نقوم جاريين ) خوفاً من تعليقه اللاذع المتوقع
المهم جاييك في الكلام
صديقنا هذا يحكي دوماً أنه أن لم يفارق ( العشرة الأخيرين ) في صفه
وكان هذا بمثابة منجاة له من ( علقة الأوائل ) الشهيرة
جاء يوم توزيع نتائج أحد السنوات يخبر والدته أنه قد طلع ( تاني الطيش )
فانفجرت الحاجة
" سجم خشمي ، والترابة كالت راسي ، والله يعوض أبوك في شقاهو وتعبو...... "
لم يدعها تستمر
قاطعها بسخريته الشهيرة
" هسع إنتي قلتي دا كلللللللو فيني أنا ، طيب الطلع الطيش أمو تقول شنو ؟؟ "
_________________
سلامات الفاروق
إنت قلت لى ولدك في صف كم ؟؟
المشكلة أنك حتكون خربتا عليهو
لأنو الولد ممكن عادي يكون شاطر وذكي ويطلع ليك الأول زى الترتيب
تجينا تقول لينا باركو لى
زووول يصدقك مافي
أصحابك الكتاااار يقوموا يجيبو ليك لنكات البوست دا في أمان الله
|
Post: #11
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: BitAlhana
Date: 01-13-2010, 07:46 AM
Parent: #9
سيد الدار سلام
والله ملاحظه قويه
صحبتي مره زمان قالت لي اي ابو من ابهات صحباتنا طلع الاول
طيب الطيش منو؟؟؟
فعلا ماكان في الا العشره الاوائل
انا غايتو كنت بجي من العشره الأوائل
جدجد
|
Post: #12
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: عمر الفاروق
Date: 01-13-2010, 07:57 AM
Parent: #11
اوووو دينا بت خالد :
المشكلة إنتي بي فصاااحتك دي تلقيك لمن خلااااص تتجملي كده بتقولي ليهم والله كنت بجي ال37 ..
اصلاً الناس التامنها ظرافة ديل اسأليني منهم انا من ال30 وانت طالع يقعد يضحك في ناس الفصل ويوم تسميع جدول 9 يقعد يبكي هو ..
| Quote: واللى بسال ماااااااااااااااا بتوووهـ .. دارنا نحن قريبا لييه .. |
الغريبة نحن سألنا وتهنا
تخريمة :
علييييييييييك الله كنتي بتجي الكم ؟
|
Post: #13
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: أميرة فاروق عبد العال
Date: 01-13-2010, 08:09 AM
Parent: #12
Quote: لكن بيني وبينك كده يا أميرة عندي إحساس إنتي النوع
الكان يوم النتايج بيغيب أو من النوع البيكون واقف في الطابور
أومأمل يزيعوهو مع العشرة الأوايل لكن للأسف لحدددددددي ال46
ما بتسمعي إسمك تقومي فوووووووووووووو تكسحي.. |
آي الحركات دي بتعرفها كويس إنت!!
لكن وحااااااة ربي يا (عمر) انا ما مرقت،
من الـ10 الأوائل..
في الابتدائي لكن..
|
Post: #15
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: Nader Abu Kadouk
Date: 01-13-2010, 08:13 AM
Parent: #13
|
Post: #16
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: عمر الفاروق
Date: 01-13-2010, 08:30 AM
Parent: #15
ود البوش:
ياخ والله ضحكتني مع الود حسن
يا زول لمن كنا في السودان خالي او عمي لمن يجيب اولادو ويحكي ليك عنهم وكيييف تفوقوا على المصريين والأردنيين وغنو السودانيين هناك شطااار وماسكين المدارس بالله جيت ليك هنا عيااانا بيااانا لقيت ليك الجماعة لحدددددي سنة سادسة ما بيمتحنوهم يدوهم شهادات وحلاوة جلكسي وفنيلة الهلال السعودي ومعاها ممتاز
غايتو النصييييحة كده الزول الوحييد الأقنعني بي تفوقو سمع وشوف إبن عضو المنبر عباس (زول ساكت) الولد عبد الله ماشاء الله عليهو كل يوم تكريم وشهادات تقدير مختومة مباااشرة من وزارة التعليم )غايتو بيدوهو ظرف كده ابوهو ما بيخلينا نشوفو لا انا لا عبد الله ولدو)..
عاطف يا عمممممر:
يا زول أبببببببشرك ولدي طالع زييي مجلللللللي وبرة الشبكة ..
احكي ليك دي عنو ..
قلنا نبدا نحفظو الحاجات وبقينا نأشر ليهو على العين ونقول ليهو محمد عينك وينا ؟ اهوووووووووو دييييييييي (ونأشر ليهو على العين) ..
اها كررناها ليهو كتييير لحدي ما حفظا وبقينا كل يوم نقول ليهو محمد عينك وينا؟
يشيل أصبعو ويختو ليك على عينو ..
بعد كم يوم مشيت اشتريت ليهو عربية صغمبروتية كده يلعب بيها ..جيت خاشي من الشغل لقيتو ليك بيبكي ..قلت ليهو مووودي يا مووودي عربيتك وينا ؟؟
وهو بيبكي كده شال اصبعو وأشر لي على عينو
بسسسسسسسسسس عرفتو ليك نجض وطالع زي أبوهو ويا ال49 جاك زوووول..
|
Post: #14
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: شمائل النور
Date: 01-13-2010, 08:12 AM
Parent: #9
الفارووووخ
يعني هسه انت فاتح ليك بوست طول وعرض عشان تقول انك كنت ما بتطلع من العشرة الاوائل
وحاة العداوة البينا لو حلفت لي 10 مصاحف ما بصدقك
|
Post: #17
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: فيصل محمد خليل
Date: 01-13-2010, 08:37 AM
Parent: #14
في الاولية انا كتا بطلع في
التلاتينات
|
Post: #18
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: عمر الفاروق
Date: 01-13-2010, 08:49 AM
Parent: #17
بت الهنا :
ياخ والله كل ما اقرا إسمك ده بتذكر قناة الشروق والبنات المربطات ديلك لييي ما عارف
| Quote: صحبتي مره زمان قالت لي اي ابو من ابهات صحباتنا طلع الاول |
اها انا أبوي الله يديهو العافية غيييير..
أبوي كل المشاهير قرو معاهو في فصلو ..مع إنو قال لي الفصل زمان بيكون فيهو 20-30 طالب لكن والله يا بت الهنا أيييييييي زول يجيبوهو في التلفزيون يقول لي ده قرا معاي ..حسبتهم لقيتهم ليك زي 87 واحد
شمااااايل النووووور ياااااااا ..:
عممممممممممممتك ياااااااا..
طبعاً إنتو يا ناس معهد القرش والبلجيكية ما أظن كان عندكم ترتيب تلبسي ابرووولك ده ويا الورشة جاك زول ..
لكن يا شمايل من صورتك الكنتي خاتاها في البروفايل ديك + بتاعت البحر قدرت اتخييلك من النوع الكان جنننننو رحلات داك لو انتهيتو من درس المتواليات العددية ساي تقولي ليهم تعالوا نعمل رحلة ..
والمحصلة شماااااااااايل النووووووووور ال 62 مشترك ..
|
Post: #21
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: humida
Date: 01-13-2010, 08:55 AM
Parent: #18
اقول ليك حاجة .. انا جربت الطرفين .. ( اوله و آخره ) ..
من اولى ابتدائي لحدي اولى متوسط .. يا الاول يا التاني ..
تانية متوسط و تالتة متوسط في بكار .. عادي جدا .. الـ 53 .. و استاذ محمد الامين يقول ليك .. عليك الله انت ابوك استاذ ..
ما تخجل ياخي ..
..
..
الثانوي قريته في القاعة .. ما عارف زاتو جيت الكم ..
|
Post: #19
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: عمر الفاروق
Date: 01-13-2010, 08:52 AM
Parent: #17
فيصل:
| Quote: كنت بطلع في التلتينات |
إنت كمان ما تبالغ
تخريمة :
التلاتينات دي ترتيبك ولا السنة القريت فيها الأولية ؟
|
Post: #20
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: عبدالمجيد الكونت
Date: 01-13-2010, 08:52 AM
Parent: #17
ايه رأيك لو قلت لك انا نهائي ما جبت غير الأول في الفصل لا في الابتدائي ولا المتوسط وفي قرية ريفية بسيطة جدا
بالمناسبة النجاح الاكاديمي ما عنده اي علاقة بالنجاح في الحياة العامة والتميز في المراحل الابتدائية قد يكون سبب في الفشل في المراحل العليا
ودي
|
Post: #22
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: العوض المسلمي
Date: 01-13-2010, 09:00 AM
Parent: #20
عمر كيفك
تقريبا مستوي الابتدائي متقارب جدا وخاصة من الفصل الاول وحتي التالت ..
ولكن بعد سنة رابعة تاتي الفروقات في التحصيل والنتائج ..
شخصيا في اولي مرة جيت التاسع ومرة جيت الاتني عشر ,, جد والله ..
|
Post: #23
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: HAIDER ALZAIN
Date: 01-13-2010, 09:03 AM
Parent: #22
الشهادة لله ...
صاحبي لكعة اصلو ماجاء غيــر الأول والتاني من اولي ابتدائي لغاية اولي ثانوي ..
بعدين امتحن شهادة سودانية وقد عربي ودين ومشي اشتغل في سوق العيش ..
والنصيحة بمرقها ..
|
Post: #24
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: abuguta
Date: 01-13-2010, 09:14 AM
Parent: #17
عمر الفاروق
اى زول فيكم,,,يشوف ناس الدفعة هم وين ظاتهم
انا بعرف 10 فقط من دفعة الابتدائى,,,
مشو معاى المتوسطة,,,وكل ناس المتوسطة مشو ماى العالى
لان التوزيع فى الجزيرة لا مركزى,,
ثم اولنا فى المتوسطة لم يتوفق فى دخول الجامعة
والثانى لم يوفق ايضا لظروف عائلية
اما من دفعتى ممن درسو جامعة,,,7 انفار فقط ,,وين البقية ما بعرف
لكن احد افراد دفعتى اتصل على وانا جائى من المغتربين
قال لى بنتظرك فى الكلاكلة شرق,,جنب محل تجارى بعرفه اخوك المعاك دا
فقلت لاخوى فى زول منتظرى هناك اسرع ,,قال دا منو,,, قلت ليه الاسم
قام وقف العربية,,,قال لى قول الاسم مرة تانية قلت ليه فلان,,الزول دا دفعتى
قال قول ليه حنتاخر,,الزول دا ما عندو زمن ليك,,,اتصلت عليه قلت حنتاخر ساعتين
قال لى عشرة ساعات بنتظرك,,,اخوى قال غريبة,,,قلت ليه ايش فيييييييييك
الزول دا مالو,,,,قال دا اغنى زووووووووول فى المنطقة دييييييييييييييك
كل محل باسمه وكل عقار على الشارع او فى منطقة تجارية تبعو,,,
عندو 5 اسواق,,وكم حافلة ودفار,,وطاشر عمارة,,,
قلت ليه زولى دا حمارة ما بكون عندو,,,مشينا وشوارع الخرطوم الماخمج
وصلنا الراجل ليقتو ياهو زول الما بغبانى دااااااااااااااااك
قالى طبعا ناس الطيب اخوك ديل ما بسلمو علينا لانه فاكرنا نحن مفترين ومتكبرين
لكن انا وانت كم قسمنا الساندوتش مع بعض,,,زمن والله زمن,,,,انت الله وفقك قريت جامعة
وانا دخلت سوووووق الله اكبر,,,,
بالله بذمتك يالفاروق الاول سوت لييييييييييك شنو,,
اخونا ادم اسحاق ابكر,,من ناس شرق الجبل(مرة) بقول عن نفسه ما حصل جاء ال26
يعن طيش وتانى طيش,,او مرات بكون فى نصف الفصل,,وصل الهند بشهادة نجاح
درس باكالريوس بمستوى عادى,,اجتهد فى الماجستير بدرجة شرف,,فمنحتو الجامعة
دكتوراه مجانية فى علم البنوك الان فى استراليا,,,حاجة كبيرة خالص
|
Post: #25
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: عبدالله ود البوش
Date: 01-13-2010, 09:38 AM
Parent: #24
يحكى ان علي دنقلا وصاحبو جوا الخرطوم لاول مرة عشان اشتغلوا
قالوا ليهن في شركة دايرة غفير مشوا الاتنين
وعشان المدير يفزر بينهما قال ليهن اي واحد يكتب اسمو
الاول كتب اسموا تمااااااااام
وعلي دنقلا كتب بدون نقط
اها المدير عين صاحبو
وعلي دنقلا مشى افتش شغل تاني اصلو ما لقى شغل
ولمن زهج مشى اشترى علبة ند وابيعها بالحبة
شويتين تلاتة اشترى كرتونة ند ومشت معاهو
والدنيا ادتو وبقى تاجر شهير
اها بعد عشرين سنة صاحبو سمع بيهو
قام مشى ليهو وعرفو بنفسو
وعلي دنقلا الله يرحمو رجل فاضل ولا بنسى العشرة
حن عليهو وكتب ليهو شيك وقال لصاحبو امشي البنك واصرف القروش دي اتصرف بيها
صاحبو وهو طالع قرا الشيك وقام كتب النقط وقال علي دنقلا دا لهسع ما بعرف
اكتب اسمو صاح وقدم الشيك ... طبعاالشيك راجع لان التوقيع غير مطابق
صاحبك رجع زعلان لـ علي دنقلا وقال ليهو بتلعب علي
علي دنقلا عاين للشيك وقال ليهو لو نقط اسمي كنت لهسع غفير في مكانك دا ....
|
Post: #26
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: فيصل محمد خليل
Date: 01-13-2010, 09:58 AM
Parent: #25
| Quote: التلاتينات دي ترتيبك ولا السنة القريت فيها الأولية ؟ |
يا عمر انت صدقتا الوهم ديل باني عجوز
غرغرغر
وبعدين كيف ما اطلع في التلاتينيات وانا العبد لله
جاي جديد لنج من حلفا و ما بعرف عربي وكلامي
كلو مع امي وامي غير الرطانة ما بتعرف .اتكلم مع مين
يا حسرة ?
و يجو ناس المدرسة يدوك دروس فيها يوماً عبوساِ
قمطريرة عاوزني افهم كيف ? بس في الثانوي العام
بقيت اطلع في الستة الاوائل و ما حصل طلعت الاول
اما في الخرطوم الجديدة الثانوية العليا لقيت معظم الطلبة
لو نقلت من الكتاب ما بتقدر تفوتهم
لو ما مصدقني اسال ابوساندرا دا كان دفعتي
|
Post: #27
Title: Re: يا جماعة بتعرفوا ليكم زول كان بيجي الحداااشر في الإبتدائي؟
Author: جمال الباقر
Date: 01-13-2010, 11:06 AM
Parent: #26
انا
|
|