Post: #1
Title: أنور التكينة
Author: عبدالعزيز حسين عبدالرحيم
Date: 01-13-2010, 07:01 AM
أعرف أن لديكم عادة فتح البوستات بأسماء الأعضاء في سودانيز أون لاين
أحب أن أجربها في شخص أعزة جداً
أستاذي أنور التكنة
في السبعينات كنا تلاميذ في الأبتدائي في مدرسة من مدارس بحري بشرنا أستاذنا بي أستاذ جديد بالإضافة للتدريس فهو أستاذ صحفي
وقدم لنا أستاذ التكنية الذي شرفني بتدرسي وكنا فخورين وبنقول لطلبة المدرسة المجاورة نحنا بندرسنا التكينة ومازلنا لمن نتذكر مع الأعزاء ذكريات الدراسة نعدك من الحاجات السمحة في حياتنا
وكان الأستاذ بالإضافة للعلم الأدانا ليه أدانا طرواة روحه إنسان جميل وطيب وودود وحبيناه وبقى من الذكريات الحلوة المدسوسة في النفس كلما اكفهرت نفوسنا اتبناها تدينا نداوة
شرفني أكون معاك في منبر واحد وليك الأحترام وفضلك ثابت وتكريمك في نفسي اكبر
|
Post: #2
Title: Re: أنور التكينة
Author: الزبير بشير
Date: 01-13-2010, 10:08 AM
Parent: #1
و اللة كتر خيرك
في زمن قل فيه الخل الوفي .
و يقولون المستحيلات 3 هي :الغول و العنقاء و الخل الوفي .
يقولون لا يعرف الفضل الا اولو الفضل .
و لا يحبك الا من انقدح منك شئ فيه .
كتتتتتتتتتتتتتتتر خيييييييييييييييييييييرك
|
Post: #3
Title: Re: أنور التكينة
Author: عماد الشبلي
Date: 01-13-2010, 10:36 AM
Parent: #2
والتكينة وكما عرفتة رجل ودود يصادق الجميع ..
شكرا علي البوست
|
Post: #4
Title: Re: أنور التكينة
Author: انور التكينة
Date: 01-13-2010, 11:09 AM
Parent: #3
Quote: في السبعينات كنا تلاميذ في الأبتدائي في مدرسة من مدارس بحري بشرنا أستاذنا بي أستاذ جديد بالإضافة للتدريس فهو أستاذ صحفي
|
الابن عبد العزيز
تحياتى و تجلتى
و عظيم شكرى و تقديرى للمسة وفاء نفتقدها فى هذا الزمن ..
يا أخى حبابك و مرحبا بك فى هذا الحيز الاثيرى الجميل ... لكن يا اخى طلعتنا عجايز ...
المهم الحمد لله لسع شباب ، والدليل ان اصحح معلومات ابنى و تلميذى ...
يا عبد العزيز انا درستك فى مدرسة كوبر المتوسطة و ليس ابتدائى فى بحرى ..
اها ليك .... شباب و لا لا ؟؟؟
لك شكرى و امتنانى لهذه اللفتة ..
|
Post: #5
Title: Re: أنور التكينة
Author: عبدالعزيز حسين عبدالرحيم
Date: 01-13-2010, 11:44 AM
Parent: #4
اشكر الأخوان الزبير وعماد الشبلي للمرور والتزكية وليكم تحياتي
أستاذي التكينة
معليش بس أنت كبرت نفسك بي إبني دي لأنو الزمن داك كنت شباب وصح قد تكون درستنا في الوسطى وكتير بخلط بين الوسطى والأبتدائي لأنو الدفعة كانت واحدة والمدارس بيهم حيطة
غايتو كان مصر تقول لي أبنى أستحمل تكون جدو وربنا يديك طولة العمر
في هبيشي في المنبر لقيت أسمك ولمن شفت الصورة عرفتك والله بالجد فرحت
أطمنك الدفعة الدرستها ديك كانت ناجحه جداً وغالبيتهم العظمى أكملوا دراستهم حتى ما بعد الجامعة وكانت الدفعة الأولى في الوسطى في الزمن داك بفضل الله السخر ليهم مدرسين ممتازين
بالجد يا أستاذ المدرس أهم من المدرسة وأهم حاجه في التعليم
ما عندي غير الدعاء ليك بالصحة والعافية وطولة العمر وربنا يدخر ليك عملك لي يوم شديد
أتمني ربنا يقدرني اعمل شيء طيب يشرفك عشان تفتخر وتقول دا تلميذي
|
Post: #6
Title: Re: أنور التكينة
Author: عبد اللطيف السيدح
Date: 01-13-2010, 11:47 AM
Parent: #4
وفاؤك يا عزو لاستاذك التكينة طب ما بقع البحر
يديك العافية
|
Post: #7
Title: Re: أنور التكينة
Author: عفاف ابوكشوه
Date: 01-13-2010, 03:31 PM
Parent: #6
شكراالاستاذ عبد العزيز
علي هذا الوفاء النبيل
لقد صدقت .. ان الزميل انور التكينه
حلو المعشر وعلاقاته الانسانية حميميه
عملت معه لسنوات بصحيفتي الراي الآخر والصحافة
وكنا نختلف ونتشاجر اثناْْء تأديتنا العمل الصحفي
ولكن بعد ثواني قليلة نتقاسم الساندوتس وكوب الشاي
بمحبة واحترام متبادل ... هكذا عرفنا التكينه
وكنا نمازحه دائما فهو لايغضب والبسمة لاتفارق شفتيه
وفي اثناء عملنا المشترك انجبت بنتا اسميتها هدي
وكنت احملها معي الي الصحيفة احيانا في المهد ..وكان
الاعزاء الزملاء عبد الحميد عوض وخالد فضل ولبني حسين
يداعبون ابنتي ويقولون لها هدوية الشينه البتشبه التكينه
وكنا نضحك وهو سعيد بذلك اللقب .. وفي احدي الافطارات الجماعية
لبورداب الخرطوم في رمضان السابق شاركتنا ابنتي هدوية ذات
الثمانية سنوات ذلك الافطار وكعادته رحب بنا التكينه والتقط لنا
العديد من الصور وقال لي < دي هدويه الشينه البتشبه التكينه؟ >
وضحكنا وقلت له انها الان من اجمل البنيات وقريبه الي القلب
وبكرة تكبر وولدك يجي يخطبها ويدفع بالدولار
هذا ملمح بسيط يعكس شكل العلاقات الاجتماعية التي تربط التكينه بزملائه
ومعارفه
ومرحي بك وبه الاستاذ عبدالعزيز
مودتي وتقديري
عفاف ابوكشوه
|
Post: #8
Title: Re: أنور التكينة
Author: نجاة محمد بابكر
Date: 01-13-2010, 04:08 PM
Parent: #7
للاسف الشديد لم اتعرف على الاخ انور عن قرب لكنى قابلته قبل ايام فى منزل ابراهيم عبدالحليم مقابلة خاطفة كدة وكما سمعتا كان جارنا لكنو رحل
دى فرصة لاعرفه اكثر وخاصة انو من بورداب الخرطوم
|
Post: #9
Title: Re: أنور التكينة
Author: عفاف ابوكشوه
Date: 01-14-2010, 07:29 AM
Parent: #8
.
|
Post: #10
Title: Re: أنور التكينة
Author: عبدالرحيم أبراهيم العبيد
Date: 01-14-2010, 07:42 AM
Parent: #9
شكراالاستاذ عبد العزيز
علي هذا الوفاء النبيل
وربي يديم المحبه والاخوه بينكما وجميع أفراد أسرة سودانيز
|
Post: #11
Title: Re: أنور التكينة
Author: عبدالعزيز حسين عبدالرحيم
Date: 01-14-2010, 07:50 AM
Parent: #9
الأخوان الزملاء
عبداللطيف
نجاة
عفاف
شكراً لمروركم
أستاذ أنور صاحب فضل وفرصة نرد ليه الفضل دا بل المعلمين كلهم أصحاب فضل ياريت ننكر نفوسنا ونعترف بي فضلهم دا
مع الأسف سمعت أنو المعلمين في كردفان مضربين ليهم شهرين حاجة مؤسفة جداً وخسارة كبيرة
المعلمين أنبياء مجهولين شايل أعز أمانه العلم والناس بتأتمنهم في أعز حاجه عندهم
ياريت نكرم كل المعلمين المعانا والما معانا
|
Post: #12
Title: Re: أنور التكينة
Author: Deng
Date: 01-14-2010, 10:23 AM
Parent: #11
واحد معلق صورة العنصري الكبير الطيب مصطفى فاتح بوست يمدح فيه الإنتهازي الكبير التكينة.
أنه فعلا عهد الإنحطاط في هذا المنبر . حتى أنتي يا عفاف أبو كشوة بتمدحي في هذا الإنتهازي ؟
|
Post: #13
Title: Re: أنور التكينة
Author: عبدالعزيز حسين عبدالرحيم
Date: 01-14-2010, 11:35 AM
Parent: #12
السيد دينق
معليش بغض النظر عني وعن الطيب مصطفى
ونغض النظر عن أنو أنور التكينة راجل محبوب وليه فضل علينا ويستاهل كل الخير
بس أوضح ليك غرضي من البوست دا فيه تكريم للمعلم في شخص أنور التكينة وفيهو فهم وقع لي ناس كتير قروا البوست دا فتح عيونك واقلع نضارتك الأنطباعية دي وعاين كويس للبوست دا وافهمه
يا سيد دينق دا عربون العداوة التاني مش كدا
أختاني وعليك يسهل
|
Post: #14
Title: Re: أنور التكينة
Author: Sidgi mattar
Date: 01-14-2010, 11:53 AM
Parent: #13
الاخ عبد العزيز
شكرا لك
الاستاذ انور رجل محترم يستحق الاحترام
لم التقيه واحترمه من كتاباته التى اتابعها دوما
مودتى
|
|