Post: #1 Title: البحث عن الذهب هو سبب خروج الوحوش Author: Osman Musa Date: 01-12-2010, 09:42 PM
قال : نوع الوحش ده اسمو المرفعين . و شكل المرفعين ياهو شكل الكلب بس عريض من قدام . البلد ده من شمال شرق بربر ولا عند شلاتين مليان مرافعين . ومقشوط دهب . المرفعين طلع بعد حركة الحفريات وشرد جنوب . وقال ده الحديث الصاح .
Post: #2 Title: Re: البحث عن الذهب هو سبب خروج الوحوش Author: طارق جبريل Date: 01-12-2010, 09:47 PM Parent: #1
انت يا عثمان دحين ديل اصلهن ضباع ولا زرنيخ قالوا الزرنيخ قاعدين يطلعوبوا الدهب
Post: #3 Title: Re: البحث عن الذهب هو سبب خروج الوحوش Author: Osman Musa Date: 01-13-2010, 00:39 AM Parent: #2
Post: #4 Title: Re: البحث عن الذهب هو سبب خروج الوحوش Author: سيف اليزل برعي البدوي Date: 01-13-2010, 02:50 AM Parent: #3
عثمان موسي
سلام كتير
وقاتل الله الفقر
ناس غبش في ظروف صعبة
تكون أو لا تكون
أنا غايتو ما بعملا
ولو أعيش فقير
لعبة حظ
وناس شغالة عكس التيار
الصورة ما وردية زي ما نحن متخيلنها
أخير لينا الرصاص ده هنا مع الكابويات ديل
دمت بخير
Post: #5 Title: Re: البحث عن الذهب هو سبب خروج الوحوش Author: Tragie Mustafa Date: 01-13-2010, 04:54 AM Parent: #4
الغبش البحفروا وبتعبوا ياهم زنوج السودان برضو و البيستفيدوا في النهايه ياهم مدعي العربوه بالسودان.
وانتظرنا يا الطيب مصطفى وحاتك لا مثلث حمدي ولا مضلع البشير كما يبدو واضحا انكم بلا زنوج لا تسون شيئا. ياهم عصب الانتاج في السودان وقاسمه المشترك.
ويجيك الكلب عبد الرحيم ابو رياله يقول نملك الحواشات الزراعيه للمصرين لانه السودانين كسلانين!! يا له من تافه.
شكرا يا عثمان على تفريجنا على كل هذا البؤس الجديد على مهمشي السودان.
Post: #6 Title: Re: البحث عن الذهب هو سبب خروج الوحوش Author: Osman Musa Date: 01-13-2010, 05:44 PM Parent: #5
حيونات الصحراء تصرخ فى عهد الفوضى وعدم تحمل المسؤولية .. الوحوش خرجت من جحور البرارى .. هامت مصعت تحت نتح الشواكيش وطمع الجاهلية وسلبية الحيكومة .. قصة الدهب قصة . طفشت اندر الحيونات فى العالم . وطفش الذهب السودانى .
Post: #8 Title: Re: البحث عن الذهب هو سبب خروج الوحوش Author: Osman Musa Date: 01-14-2010, 03:55 AM Parent: #4
عزيزنا سيف اليزل كيفك ؟ شايف الحال ده يا سيف ؟ تكون أو لا تكون . تجلى من الوحوش تتهايل عليك الجحور . الشغل يا سيف يحتاج الشركات الأمريكية شغل QUICK AND EASY . .. هسع يا سيف صاحبك ده يكون شهرو كلو فى 5 جرامات بس . حظ فى ناس عملت فلوس . تحياتى
Post: #7 Title: Re: البحث عن الذهب هو سبب خروج الوحوش Author: Osman Musa Date: 01-13-2010, 09:55 PM Parent: #2
العزيز طارق جبريل سلامات شنو يازول ؟ اسمع شوف ليك معاك كم مغربى كدى وتعال نازل . أمسك من مروى وشرق . الشركة السودانية المغربية . رأس مالك كلو 30 شاكوش و6 كواشف ولورى وخيمة وصحنين وبراد .. وبعدين الدهب شخاليب . واعمل حساب المرفعين . تحياتى
Post: #9 Title: Re: البحث عن الذهب هو سبب خروج الوحوش Author: Osman Musa Date: 01-14-2010, 03:56 PM Parent: #7
عزيزتنا تراجى سلامات اسمعى قالوا عروق الدهب الكبار عندكم هناك كلها فى جبال سنكات . وأنتى ياتراجى بتعرفى شعاب الفجات ديك . سيبك من كلام السياسة والتمحرك . دايرين شغل . دايرين دهب .. سنكات .. الى سنكات منتظرنك و50 /50 . . تشربى الشاى فى سنكات مالك ومال التلج والهم . شوفى الوحوش دى شردت كيف . شردت . شواكيش أجنات طوارى الناس شغالين . تحياتى
Post: #10 Title: Re: البحث عن الذهب هو سبب خروج الوحوش Author: Osman Musa Date: 01-18-2010, 02:01 AM Parent: #9
موسم هجرة الوحوش . واحد قال : كاشف الدهب الأمريكى طلع بعشوم عيار 999
Post: #11 Title: Re: البحث عن الذهب هو سبب خروج الوحوش Author: Osman Musa Date: 01-18-2010, 06:01 PM Parent: #10
عزيزنا ناذر الخليفة سلامات عاين .. سامعين تحت تحت خبر ... كدى اجدع الحاصل شنو . والكلام عن دخول شركة CALIFORNIA ده صاح . عشان لو الكلام ده صاح يقوم الواحد يفكر فى شركة IMPORT _ EXPORT للبعاشيم والله يا ناذر مكاسب دى احسن من الدهب زاتو .
Post: #12 Title: Re: البحث عن الذهب هو سبب خروج الوحوش Author: ناذر محمد الخليفة Date: 01-19-2010, 07:56 AM Parent: #11
Quote: عشان لو الكلام ده صاح يقوم الواحد يفكر فى شركة IMPORT _ EXPORT للبعاشيم
Post: #13 Title: Re: البحث عن الذهب هو سبب خروج الوحوش Author: عبدالله علي عجبنا Date: 01-19-2010, 09:40 AM Parent: #12
الاخ عثمان سلامات شكرا على البوست وعلى الفيلم الذي نقلنا الى واقع التنقيب البدائي جدا عن الذهب وصورة الناس البلورتاريا التعبانه وشقيانه شديد عشان تحقق جزء من طموحاتها وترفع شويه من احباطاتها، والحكاية كلها لعبة حظ بعضهم يتوقع بضعة جرامات ويطلع منها ب "كيلوهات" وبعضهم يأتي بأحلام كبيرة تعادل "كيلوهات" ويطلع منها بحفنة جرامات تقل عن تكلفة البص الذي نقله الى الشمالية، وبعضهم يأتي بأحلام اقتناص جرامات يبدأ بها حياة زوجية سعيدة فيستقر في باطن الارض، وفي النهاية يجوا تجار الذهب وياخدوا كل "عرق" المساكين. دي مغامرة شديدة وما يجبر على الصعب إلا الاصعب
Post: #14 Title: Re: البحث عن الذهب هو سبب خروج الوحوش Author: الطيب شيقوق Date: 01-19-2010, 09:56 AM Parent: #13
طيب يا عثمان مع فرضية صحة ان انها مرافعين طلعت ايام الحفر فكيف وصلت الخرطوم ؟
Post: #18 Title: Re: البحث عن الذهب هو سبب خروج الوحوش Author: Osman Musa Date: 01-20-2010, 04:26 PM Parent: #14
عزيزنا الطيب شيقوق سلامات يا الطيب . الحفر وكثرة الناس والشواكيش والحركة الشديدة فى الخلا اجبرت الوحوش على الهروب . والمرفعين يا الطيب عادى يقطع المسافة دى .. يازول ده مرفعين سودانى أنت قايلو مرفعين سعودى هههههههها المرفعين السودانى يا الطيب ( دينجرس ) تحياتى
Post: #16 Title: Re: البحث عن الذهب هو سبب خروج الوحوش Author: Osman Musa Date: 01-20-2010, 02:42 AM Parent: #13
العزيز عبدالله عجبنا سلامات اهو لعبة حظ .بس يا عبدالله عارف فى ناس عملت فلوس جد . انا بعرف واحد عندو جهاز قدر يعمل 500 مليون فى اسبوع يعنى حوالى 180 ألف دولار .. اها ده الكلام البجنن ويخلى الواحد يحفر لاحدد ما يطير الوحوش لى الحبشة زاتو . وصدقنى مافى زول بتعب ساكت . تحياتى
Post: #15 Title: Re: البحث عن الذهب هو سبب خروج الوحوش Author: Osman Musa Date: 01-19-2010, 06:05 PM Parent: #12
عزيزنا ناذر الخليفة كدى فكر .. الموضوع مهم . اليومين دى يا ناذر وبعد الأزمة الاقتصادية العالمية . فى اهتمام شديد بالسودان . وفى تجار وأصحاب شركات أمريكان عندهم استعداد للدخول السوق السودانى . وهم قالوا الصينيين أجهضوا عملية التنمية فى السودان وجاطو كتير.. والحكومة كمان ساعدت .. يازول انا كلام السياسة ده مابعرفو .. بس شوف لينا قصة تصدير المرافعين دى .. سلامات
Post: #17 Title: Re: البحث عن الذهب هو سبب خروج الوحوش Author: عبدالله علي عجبنا Date: 01-20-2010, 10:00 AM Parent: #15
الاخ عثمان سلامات ده بالنسبة لدهب الشمالية لكن يوجد دهب بمنطقة سودري و ام قصة وام ليونة وأبوزعيمه بمحلية سودري بشمال كردفان، طبعا الدهب دا زي المغناطيس يجذب الناس من كل اصقاع السودان . دهب الشمالية يمكن كشفه باستخدام الاجهزة لانه يوجد في شكل "عروق" و "كتل" أما دهب شمال كردفان فهو سطحي اكثر من دهب الشمالية ولا يمكن اكتشافه بالاجهزه لأنه عباره عن "بودرة" مختلطة مع اشياء اخرى داخل الحجارة. وحوش المنطقة هذه قد تخرج أيضا وتهاجم الخرطوم من جهة الغرب، غايتو ياناس البندر شدو خيلكم جاياكم بلاوي كتيره
Post: #19 Title: Re: البحث عن الذهب هو سبب خروج الوحوش Author: Osman Musa Date: 01-21-2010, 02:17 AM Parent: #17
يا عبدالله نقوم نكلم اصحاب شركة الكاشف الأمريكية عشان موضوع بودرة الدهب حقت سودرى دى . .. أنا احسن لى دهب العروق عشان الواحد ما يضيع الزمن ساكت .
Post: #20 Title: Re: البحث عن الذهب هو سبب خروج الوحوش Author: المسافر Date: 01-21-2010, 05:32 AM Parent: #19
Quote:
وحوش المنطقة هذه قد تخرج أيضا وتهاجم الخرطوم من جهة الغرب، غايتو ياناس البندر شدو خيلكم جاياكم بلاوي كتيره
عثمان أبو الذهب
لو وقفت على الوحوش ... الجن ذاتو جايييكم
قالوا الناس اتلمت في وادي السنقير يبحثوا عن الذهب
في آخر الليل واحد سمع جماعة من الجن تتكلم
"" لينا ثلاثمائة سنة في المكان ده ما أزعجنا حد ... من أين أتى هؤلاء ؟؟؟""
حتى الجن يتساءل
Post: #21 Title: Re: البحث عن الذهب هو سبب خروج الوحوش Author: عبدالله علي عجبنا Date: 01-21-2010, 08:53 AM Parent: #20
الاخ عثمان الامريكان لا مادايرنهم، شوف لينا حاجة اقل شويه مثلا شركات اردنية، صينية، يابانية، ماليزية، يعني حاجة كدا نقدر نزحها لو "اتعنكشت" او "كنشكت" في دهبنا، و لا للمارينز الامريكاني
أخونا المسافر عشان الدهب دا الجن ذاتو يهون
Post: #22 Title: Re: البحث عن الذهب هو سبب خروج الوحوش Author: Osman Musa Date: 01-21-2010, 05:53 PM Parent: #20
العزيز المسافر سلامات اسمع يا حبيب . وادى السنقير ده يا هو مدينة الجن من زمان . بس جن مسالم . جن حبوب . وممكن يدلك على الطريق . وممكن يشحدك تمباك . احتمال بعد الحفريات دى يكون قام تعفرت . .. هسع المشكلة الوحوش . هروب جماعى للوحوش النادرة جدا . تحياتى
Post: #23 Title: Re: البحث عن الذهب هو سبب خروج الوحوش Author: Osman Musa Date: 01-22-2010, 03:17 AM Parent: #22
زمان قالوا فى نهر العطبراوى فى انواع من النمور زى النوع ده .....
Post: #24 Title: Re: البحث عن الذهب هو سبب خروج الوحوش Author: Osman Musa Date: 01-22-2010, 04:50 PM Parent: #1
