الشيوعيون يشيعون السودان الى مثواه الاخير منذ تدخلهم فى السياسة

يا ابن عمي تحياتي واحترامي

اتمنى ان تؤجل الخلافات المختلفة مع الاخرين الى حين هزيمة الشمولية الانقاذية فحزب الامة والحزب الشيوعي عدوهم المشترك الان هو المؤتمر الوطني وعلينا جميعا ان نسعى حثيثا من اجل تحقيق الهدف المشترك لوضع قطار الوطن في القضيب الصحيح وبعد ذلك الحساب ولد للخلافات المختلفة مع الاخرين .


اتمنى ان تترك البوست هذا يذهب للخووووووووووووووووووور

وشكرا

Quote: 2-هل قدمت لهم هذه الايدلوجية كسلطة لفتح الشهية

انا غايتو يا هندسة بساعدك في الكلام عن الفقرة دي لأنها ساهلة و واضحة و كده .
كما هو معلوم فان هذه الايدلوجيا بسبب خفتها و سهولة هضمها تقدم دائما باردة و ينصح دائما بتقديمها قبل الوجبات الرئيسية ز كما تعلم فأن ماركس و من بعده لينين قد تحدثوا كثيرا في مؤلفاتهم عن هذا الأمر ، الا أن ستالين قد خالفهم
و اجبر الاحزاب الشيوعية و خصوصا في دول العالم الثالث على تناولها ساخنة كوجبة كاملة .
في حالة الشيوعيين السودانيين و نسبة لتعودهم على تناول الكسرة مع الويكة و هو الشئ الذي كان معتادا في الاربيعينيات من القرن الماضي فهم لم يكونوا في حوجة للسلطة لفتح الشهية لذا فالارجح أن تكون قد قدمت لهم كتحلية.
و مع احترامي لتحليلك العميق الا اني اجد أنه لزاما علي أن اختلف معك في هذه النقطة . ارجو أن تراجع وثائق المؤتمر الأول للحزب الشيوعي السوداني و ستجد أن مسألة التحلية هذه قد اوليت اهتماما كبيرا من قبل الرفاق.

يا سيف النصر ازيك ياخ وتوحشات
قلنا ننتهز الفرصة دي ونسلم عليك





لحدي ما صاحب الأمانة يجي يوضح السببين أو بالاصح (السبتين)
ولاحول ولاقوة الا بالله


مشتاقين والله يا سيف

غايتو

كما قال الصديق دكتور عوض محمد أحمد

الشيوعيين عندهم فكي كارب

فكل البوستات التي تفترع لمهاجمة الحزب تتحول من حيث لا يدرى الشيوعيون الي دعاية مجانية لحزبهم !!


وقبل كل شئ يا صديق أخوى عدل العنوان ليكن (مستساغا) شوية ......

موضوع سخيف

ماشفناك في بيت العزاء !!
كما قال الدكتور كدودة

أيها الشاعر المجيد صديق مهدي .. لك التحايا وانت تحاول انقاذ السودان من براثن الحزب الشيوعي ..

لكني يا صديقي العزيز لم اعرف معني كلمة مثواه هذه تعني شنو ؟

ممكن تشرح لي !!






ــــــــ
ثم يا صديق مهدي الم ترى انك اشتهرت بما فيه الكفاية ولم تعد محتاج لبوستات شهرة اخري

دخلت للتاكد من العيار

ووجدته قد ازداد ضعفين .

مما يقربك اكثر من المحاية والبخور ..

Quote: ..ثم يا صديق مهدي الم ترى انك اشتهرت بما فيه الكفاية ولم تعد محتاج لبوستات شهرة اخري

تحياتي
صديق مهدي علي .
ومن الذي سحل وقتل السودان؟
ياخي للشهرة كذا طريق ..دي اسطوانة مشروخة
واصبحت اكتر ملل بالنسبة للقراء والمتداخلين
وشوف ليك طريقة احرق بها بخورك ...ياخي
واين الشيوعين من الحراك السياسي الان
كلو بيد الموتمر الوطني ..يخيطو ويشرطو كيفما شاءوا
وكل الشعب السوداني متفرج ليس الا

الاخ با سط شكرا على مرورك بس ان عايز اقول ليك من الذى سند لانقاذ الشيوعيون بقيادة هامات شيوعية

المرحوم احمد سليمان المحامحى وسبدرات الان صاحب منصب حساس بالانقاذ ويدافع عنها بقوة

الأخ صديق مهدي تحية
الأخوة الشيوعيون مكون أساسي من مكونات العملية السياسية في السودان لهم تاريخهم الوحدوي الذي لم نختلف معهم فيه ولا ينكره عليهم الا مكابر
يختلف البعض معهم في بعض المواقف السياسية ويختلف البعض حول برنامجهم ولكن لهم كامل الاحترام بيننا

كفيت ووفيت هذه مهداة لك


كفيت ووفيت

يا ونسة النت

ومن الجنائية

هربت وجريت

وشربت الموية

ما رويت

وقولت الروب

من القيادة تنحيت

وقلعت الكاكى

وطشيت


مع كامل تحياتى

الاخ حيدر اقول ليك كلام من هو الذى امطر الجزيرة ابا بقنابل عن طريق ثلاثة طائرات ميج 23 بقيادة

قائد الطيران المصرى انذاك حسنى مبارك تحت رئاسة جمال عبد الناصر وقيادة الشيوعين بالسودان

للذين مضوا نميرى على ضرب الجزيرة ابا تحت التهديد بالمسدسات 0

وفوق ذلك اوقفت كل المؤسسات لتعليمية الدينية بما فيها جامعة ام درمان الاسلامية حتى المعاهد

لصغيرة الموجودة فى بعض القرى حولت لمدارس متوسطة حتى الترية الاسلامية فى امتحان 1970 لم تكن موجودة

واذا اردت مفرفة ذلك فسأل اى واحد امتحن الشهادة عام 1970 0

هذا هو السبب الذى جعل الامام الشهيد الامام الهادى المهدى يعلن الحرب على مايو

طيب يا صديق مهدي معليش .. بس موقف الجمهوريين من ضرب الجزيرة ابا كان شنو ؟!

وهل كان النميري ونظامه شيوعياً ..

وهل انقلاب مايو قام به الحزب الشيوعي كما قامت الجبهة الاسلامية بانقلاب يونيو ؟!

وهل كان عبد الناصر الاخر شيوعياً ايضاً ..؟!

( حسني مبارك دا ماعاوز اعرف انتماؤه نهائي )





ـــــــــــــــــــ
بسأل عشان استفيد

الاخ حيدر جمال عبد الناصر شيوعى هو الذى قتل الاخوان المسلمين بمصر وهو نفخ الشهيد سيد قطب بهواء

لطائرة وهو الذى ادخل الشيوعية للسودان طريق عمال السكة حديد ومزارعى الجزيرة

أما بالنسبة لحكومة نميرى اللذين كانوا ى الواجهة قومين عرب أمثال بابكر عوض الله أم الشيوعين فى

فى الخلف لذا يجب علينا ان نتحدث بكل مصداقية ونكران ذات 0

والله يا صديق الليلة عندي بالجد رغبة اتونس معاك بصدق لمن انكر زاااااتي زاااتها ...

في البدء ليكن معلومك لست شيوعي وإن كنت اودهم واحبهم كأصدقاء لي اولاً وكحزب شكل لدي وعي سياسي بحكم انتمائي لعطبرة معقل من معاقل الحزب ..

نرجع لعبد الناصر :

عبد الناصر دا حسب ما قريناهو كان قومي عربي ولا يتقاطع مع الشيوعية الا في الاشتراكية فهل انا عارف والا زول جربندي ساى ؟!

إن كان شيوعي بالله وثق لينا كلامك دا ..

وكان قتل سيد قطب اليقتلوا قتلوا البلاء جاب لينا الهواء وفكر الاخوان المسلمين اريتو لو لمّ في الترابي ونفخو برضو ان شاء الله بهواء مجروس ..

لكن كيف يقتل الزميـــل زميله ووجهه الآخر ؟!

أما ناس بابكر عوض الله الواجهة والمجلس مُش كان من الاجدي لو قلت ان البعثيون يشيعون السودان لمثواه الاخيــر ( رغم انك ابيت تشرح لي معني كلمة مثواه لكن ما بين الخيرين حساب )

أها نميري قامت بحركته الضباط الاحرار فيها قوميون عرب وشيوعيون وغيرهم فلماذا خصصت الشيوعييين بالذم ؟!

ولك التحية

الاخ حيدر ان لم اكره حد ابدا وأطمأنك ان مع كل انسان يأنس فى نفسه الكفاءة مهما كان فكره انسان

تعامل مع الشعب بصدق من غير استغلالية البشر وجهل السياسي أى يتعامل مع الشهب بنظرية العقد

الاجتماعى للكاتب جان جاك روسو مضمونها الحياة الندية بين الحاكم والمحكوم أى من أجل استمرارية

عجل الحياة لابد من ان يتنازل المجتمع عن شئ للحكومة وفى المقابل تتنازل الحكومة عن شئ من اجل

المواطن اظن هذه مفهوم الشعب يريد الحرية التى تكفل له العيش الكريم واظهار ابداعاته

وبالمقابل الحكومة ما تقصر فى حق المواطن 0

يازول تمام ..

واها سؤاليني خبرم شنو ؟!

اين السخف يا سخيف موضوع للنقاش

سيف النصر كلامك جميا بس عاوزين سبدرات يرجع زى ما بقول المثل حليمةلقديمة وايضا نطالب با عادة

الاتحاد السوفيتى وايضا بتوحيد الحزب

Quote: حتى الترية الاسلامية فى امتحان 1970 لم تكن موجودة واذا اردت مفرفة ذلك فسأل اى واحد امتحن الشهادة عام 1970

معلومة كاذبة
و البوست, جملة, مضطرب و يقوم على معلومات غير صحيحة و لفكار غير مرتبة
احمد سليمان ترك الحزب فى 1970م وسبدرات ترك الحزب الشيوعى عام 1974م فما دخلهما بالشيوعيين؟
و هل نلوم حزب الامة بفعائل عبد اللة محمداحمد و عبد القادر عبد اللطيف و غيرهم ممن ترك حزب الامة و سكن فى كهوف الانقاذ؟
اما (شيوعية) عبد الناصر فدى ما سبقك عليها احد من العالمين و تشئ عن جهالة تامة بالف باء السياسة
و انا استغرب كيف تتصدى للحديث فى منبر عام و انت الى هذا الحال
اما احداث الجزيرة ابا فمعلوم من هو نفذها (ابو القاسم) الذى لا ينكر هو هذا الامر. اما حكاية ان الشيوعيين وضعوا مسدسا على عنق النميرى لمهاجمة الجزيرة ابا فارجو ان اسالك: هل انت نفسك تصدق هذا الهراء؟

طيب ماتكتب لينا قصيدة كاااااااااااربة تهجوهم فيها

يناوى مجموع بتاعة سكارى كانوا يجلسوا وسط جزيرة بعد ما شبعوا والخمرة اشتقلت واحد قال ليهم هم

لشعراء ديل ولدوهم من بطون امهاتهم شعراء قالوا له لا قال ليهم اسع انا بقيت شاعر قالوا له اشعر

قال كأننا والماء من حولنا قوم جلوس وحولهم ماء

كتب عوض محمد أحمد :

Quote: وسبدرات ترك الحزب الشيوعى عام 1974م

إزيك يا عم عوض
انت متأكد من التاريخ ده ؟
انا ظني انه مادخل الحزب أصلآ ، كان عضو في الجبهة الديمقراطية في جامعة الخرطوم
ولو دخل الحزب بيكون طلع منه من وقت مبكر
مستحيل تقع تلك الملاحقات والإعدامات بعد فشل حركة يوليو 1971 ويكون لسع في الحزب
ده الحتات الحارة دي مابيقدر عليها
كما انه وجد ما يسكب في أذنه ان الحزب الشيوعي مسؤول عن موت الملازم معاوية سبدرات

يا خضر حسين و الله مشتاقين اكتر و شكرا للأخ مهدي لاتاحته الفرصة لنا للسلام و تبادل الاشواق .

و يا مهدي خضر ده عريس بالمناسبة فما تنسى تبارك ليهو و هو من محبي السلطة الايدلوجية بالمايونيز .

ها يا جماعة ازيكم

ولله البوست دا انا اعتقد انو مهم جدا و اطالب الاخ بكري برفعه و تثبيته اعلى المنبر
و يا كونت
دي عمايل تعملوها فينا يا راجل ياخ
يعني شايفنا في زمتك ناقصين
اما عن شيوعية عبد الناصر فقد تواترت روايات عدة بين شيوعيته و شيعيته
و حيث انه هو الذي ادخل الشيوعية الي السودان عبر الفلاحين و العمال المصريين (راجع توثيق الاستاذ صديق مهدي)
فانه بذلك قد ارتكب جرما عظيم في حق شعب السودان و و امته و هلما جرا
و قد جرنا هذا الي دائرة الانقلابات العسكرية فثورات شعبية فانقلابات مرة اخرى و هكذا دواليك
كما انه قبل نفي الحبيب السيد الامام رئيس حزب الامة الصادق المهدي الي القاهرة ايام حكمه (و معه عبد الخالق محجوب للتمويه) و هذا يدل و يقطع الشك بانتماءه المعادي ... (انا تعبت زول يجي يتم يا صديق)

سلام امجد طبعا التاريخ روايات متداخلة وزى ما بقول المثل البيدو القلم ما بكتب نفسه شقى

يعنى فى حاجات كثيرة عايزة مراجعة بما فى ذلك الايدولوجيات واصحابها يعنى بالواضح نحن محتاجين

لكل شئ حتى الانساب نحن لاى جهة تبع ومن نحن ومن اين اتينا ولماذا وهل يحق لنا ان نحتكر رقعت ارض

ونقول هى لنا وكمان بحدود وعاصمة و مدن

Quote: سلام امجد طبعا التاريخ روايات متداخلة وزى ما بقول المثل البيدو القلم ما بكتب نفسه شقى يعنى فى حاجات كثيرة عايزة مراجعة بما فى ذلك الايدولوجيات واصحابها يعنى بالواضح نحن محتاجين لكل شئ حتى الانساب نحن لاى جهة تبع ومن نحن ومن اين اتينا ولماذا وهل يحق لنا ان نحتكر رقعت ارض ونقول هى لنا وكمان بحدود وعاصمة و مدن

بسم الله !
انتو ما تقولي لي الزول ده جنينة !!

خالد العبيد لو عندك شئ موثق مطلوب عشان ما تصبح جنينة

Quote: يناوى مجموع بتاعة سكارى كانوا يجلسوا وسط جزيرة بعد ما شبعوا والخمرة اشتقلت واحد قال ليهم هم لشعراء ديل ولدوهم من بطون امهاتهم شعراء قالوا له لا قال ليهم اسع انا بقيت شاعر قالوا له اشعر قال كأننا والماء من حولنا قوم جلوس وحولهم ماء

لا لا دي خطيرة ..
أديهم
أيدولوجيين ولاد بمبة
طبعا انا عرفت مواعيدك
من رجعتك من الشغل
ويحدي البتيات يروحن
المدارس تكون فكيت بوستين
تلاتة..وتروح
تنوم ..عفارم عليك

Quote: نحن لاى جهة تبع ومن نحن ومن اين اتينا ولماذا وهل يحق لنا ان نحتكر رقعت ارض

والله فعلا الأحساس بعدم الأنتماء مشكلة بجهجهك ذى جهجهة الدندهوب الطاش يلوج

والله ده بوست لزيز
تاريخ و سياسة و جغرافية و علم إجتماع و ... و ... ليس إطلع كويس

ابو ساندرا
الفين سلام

Quote: إزيك يا عم عوض انت متأكد من التاريخ ده ؟ انا ظني انه مادخل الحزب أصلآ ، كان عضو في الجبهة الديمقراطية في جامعة الخرطوم ولو دخل الحزب بيكون طلع منه من وقت مبكر مستحيل تقع تلك الملاحقات والإعدامات بعد فشل حركة يوليو 1971 ويكون لسع في الحزب ده الحتات الحارة دي مابيقدر عليها كما انه وجد ما يسكب في أذنه ان الحزب الشيوعي مسؤول عن موت الملازم معاوية سبدرات

تاريخ خروج سبدرات من الحزب (1974) هو ماافضى به هو نفسه فى اكثر من مقابلة اذاعية و تلفزيونية
اغلب الظن يا عبد الرحمن انه كان مجمدا نشاطه فى الفترة التى تلت حركة يوليو 71
فبعد تلك الاحداث نشطت حالة عداء هستيرى ضد كل من كانت له علاقة بالشيوعيين و لا اظن ان النظام كان
يرحب حتى بتاييدهم, خصوصا انه كانت له علاقة وثيقة مع الشهيد فاروق حمد اللة. و حتى عندما ترك الحزب و انضم لمايو لم يتم الاطمئنان له و لم يعرف جماهيريا بعلاقته بمايو الا عند ظهوره محاميا عن ضباط انقلاب مايو عند دفاعه عنهم فى المحكمة بعد الاتفاضة. كما انه استولى على النظام عقب يوليو مجموعات من المنافقين و عملاء مخابرات و اكاديميون انتهازيون بينهم و اليسار ما صنع الحداد و اقصوا تدريجيا حتى عتاة اليساريين من خصوم الشيوعيين امثال احمد سليمان و سورج فما بالك بشاب صغير فى عشرينياته!
الملازم معاوية سبدرات (شقيقه) رحمه اللة, كان ممن قتلوا فى ود نوباوى (مارس 70) (و ليس فى قصر الضيافة) و لا اظن انه يخطر بباله ان الشيوعيين يمكن ان يكون لهم يد فى مقتله
و تبقى كلمة حق. فالاستاذ سبدرات من القلائل الذى حافظوا على شرف الخصومة مع الحزب. فهو يرفض بحزم فى مقابلاته مع اجهزة الاخلام الانجرار لمحاولة بعض المذيعين لجره للاساءة للحزب و كثيرا ما يردد (لن ابصق على تاريخى). كما انه تاريخيا من القلائل الذين لم تولغ اقلامهم فى دماء الحزب و شهدائه عقب حركة يوليو فى وقت تورطت فيه اقلام يظنها الناس من الاخيار!

مصداقية ونكران ذات صحى صحى














______________
الواحد ما عارف نفسو كان فى الخرطوم ولّ فى تاناناريف

Good on you Mr Sideg

this post should be up

Quote: الاخ حيدر اقول ليك كلام من هو الذى امطر الجزيرة ابا بقنابل عن طريق ثلاثة طائرات ميج 23 بقيادة قائد الطيران المصرى انذاك حسنى مبارك تحت رئاسة جمال عبد الناصر وقيادة الشيوعين بالسودان

طيب ياخى انت كنت فى مصر سنين عدده ليه
مقلت ليهو الكلام دا.




ــــــــــــــــــــــــ

الحبيب صديق مهدى
مش عارف كل ما اقرأ ليك بتذكر
الفنان عقيد الخيل ((الله يرحمو))

هسي يا أمجد ده بوست بخلوهو ينزل

بكرة نجي نفقدو نلقاهو راح فى شربة ميه او شربة اى شئ اخر

الاستاذ مهدي نتابع باهتمام ما خط يراعكم ( صغة الجميع لتعظيم تستحقونه )

اعتقد ان اجتماعا للمكتب السياسي للحزب الشيوعي يعقد قريبا لمناقشة وثائقكم الخطيرة ..

واصل بذات من حتة المسدس الختوهو الشيوعيين الله لا يطراهم بالخير فى رقبة نميري لمن ضرب الجزيرة ابا
و مبارك برضو افتكر ختو ليهو قزلك فى جنبتو لمن كان سايق الطايرة ..

والله الراجل ده بئول كلام زى الفل

معز
انت ياك معز داك ولا واحد تاني

امجد بالمناسبة دي انت زول عريس مالك ومال السياسة ام دق والجاتك في حزبك سامحتك

Quote: قال كأننا والماء من حولنا قوم جلوس وحولهم ماء

يعني هسه الشيوعيين ديل والماء من حولهم كأنهم قوم جلوس حولهم ماء



والله ياخدر حسن ماكنت قايل كدي




خالص الود

والله يا بيناوي وانت ماطالبني حليفة
انا لأول مرة اكتشف اننا قوم جلوس من حولنا الماء







صديق ازيك ياخ ورمضان كريم

معز دمك خفيف شربات ها ها ها ها هو هو

العزيز صديق
مشتاقين يامان

مناشدة :
أناشدك اخي صديق بترك بوستات السياسة بعد ان جهجهت كل التنظيمات السياسية والعقائدية
على حدٍ سواء نناشدك اخي بالعودة الفورية لبوستات (الشــعر والادب) لاننا نفتقدك بشدة
عُـــدْ لمعجبيك وقرائك

ليك وحشة 0 اما بالنسبة للشعر هو فى تين

صديع مهدي علي،
تعرف آفة هذا الوطن هو إشتغال أمثالكم-أصحاب الإحتياجات الخاصة- بالسياسية، والأزرط من ذلك، وجود أحزاب في عضويتها من هم في شاكلتكم.
___
إنت دعاية مجانيَّة للحزب الشيوعي، لأنّ الأشياء تتمايّز وتُعرّف بضدها..

Quote: نناشدك اخي بالعودة الفورية لبوستات (الشــعر والادب) لاننا نفتقدك بشدة عُـــدْ لمعجبيك وقرائك

صديق اسمع كلام وهبه دا ياخ
بالجد مفتقدين اشعارك


خالص الود

انت أقل من ان تحاكم تجربة بحجم تجربة الحزب الشيوعي !

لا الفكرة .. لا اللغة .. لا المنهج النقدي .. بسعفوك

Quote: مناشدة : أناشدك اخي صديق بترك بوستات السياسة بعد ان جهجهت كل التنظيمات السياسية والعقائدية على حدٍ سواء نناشدك اخي بالعودة الفورية لبوستات (الشــعر والادب) لاننا نفتقدك بشدة عُـــدْ لمعجبيك وقرائك

الأخ وهبة بركة العودة


ياخى ركز معانا شوية

امال دى شنو يعنى الا يكتب ليك عليها
قصيدة.

انظر الى اعلى

Quote: كفيت ووفيت هذه مهداة لك كفيت ووفيت يا ونسة النت ومن الجنائية هربت وجريت وشربت الموية ما رويت وقولت الروب من القيادة تنحيت وقلعت الكاكى وطشيت مع كامل تحياتى

Quote: (عدل بواسطة صديق مهدى على on 16-01-2010, 04:11 م)

إنت يا مهرج المنبر ..

وقت نكتتك دي فشلت ما كان تحذف البوست عديل زي بتاع الحزب الاتحادي بدل تعدل كلامك ويكون قاعد !!!

Quote: الشيوعيون يشيعون السودان الى مثواه الاخير منذ تدخلهم فى السياسة

أنت ياربي (ويا الاخوات والاخوان) الفكر الماركسي ده سوهو لي شي غير السياسة ؟!!!

وعلي العموم سلام للجميع .

الراجل مسّح كلامو، قالوا ليهو أجِل الكلام ده لبعدين، قام مسّح كلامو..
___
أول مرة أشوف لي عضو حزب من ذوي الإحتياجات الخاصة، فما عارف الأمر هل هو تطور غير مسبوق في مجال حقوق الإنسان، ولا زيادة كوم ساكت..

حي انا
تجري يا راجل

Quote: جمال عبد الناصر شيوعى........................ وهو الذى ادخل الشيوعية للسودان طريق عمال السكة حديد ومزارعى الجزيرة

أبو الزفت!!!!

الحصة تاريخ.

تحياتس

و إني لأعجب من شيوعيين حسودين يريدون الإستئثار بمثل هذه البوستات التحف و يغنجوا بها ، فويحكم يا رفاق .. و عفارم عليك أيها المفكر المؤرخ المشكنب / صديق ..

شوف عيني جريتو .. جري السواد!

Quote: Quote: الشيوعيون يشيعون السودان الى مثواه الاخير منذ تدخلهم فى السياسة

Quote: أنت ياربي (ويا الاخوات والاخوان) الفكر الماركسي ده سوهو لي شي غير السياسة ؟!!!

يا ســفيان الناس ديـل مش في البداية كانـو بتاعين بلي و كورة
الوداهـم يتدخلوا في السـياســة شـــنو ؟
عشــان يعمـلوا كل العمايل التي ذكرهـا صديق دي
ننصحهـم بالعـودة للعب البلي و الانصــراف عن السـياســـة

Quote: سلام امجد طبعا التاريخ روايات متداخلة وزى ما بقول المثل البيدو القلم ما بكتب نفسه شقى يعنى فى حاجات كثيرة عايزة مراجعة بما فى ذلك الايدولوجيات واصحابها يعنى بالواضح نحن محتاجين لكل شئ حتى الانساب نحن لاى جهة تبع ومن نحن ومن اين اتينا ولماذا وهل يحق لنا ان نحتكر رقعت ارض ونقول هى لنا وكمان بحدود وعاصمة و مدن

أها يازول بطل سلبطة .. عاوز تتسلبط وتقول دي ما بلدناولا عاصمتنا ونحن جينا من برة ونسبنا شريف وجدنا الحسين ورجعونا مكة تاني والا شنو؟!

ناس الجزيرة العربية جنس كضبك دا طوالي 80 جلدة ويرفعوا عنك الشهادة وقيــل كما يحجروا عليك للسفاهة

اهل البيت سلام عليكم

يسألني الله دخلت بالغلط ، ما قايل في مسرحية، ما كان تقولوا لينا الفاضل سعيد وتور الجر، وفرقة الاصدقاء هنا، حرام عليكم والله، هسع كنا جبنا الدرافين معانا وانبسطوا،،
وحات ربي من دخلت قني ما تقفل، اضحك ساكت، صاحبكم شول كمل الباقي، الغدا طرشتو،، الا لسع ما شبعت
اها با جماعة العرض الجاي الساعة كم، عشان الاسرة وكده..

ود الزين عليك احجز لي معاك خمسة تذاكر..

ودعتكم الله ,, محطتي جات