هذا البوست ساحاول ان اعود فيه بالذاكرة الارشيفية الي ايام خلون من المنبر العام علي نسق ( يا حليل زمان وسنين زمان ) كعادتنا السودانية الراسخة فينا حيث اننا نبكي دائما علي الماضي وذكريات الماضي .
ابدا البوست باللفتة البارعة من الاخ بكري ابو بكر حينما كان يكسر لينا تلج عادي ويرحب بعودتنا حين غياب من المنبر ويضع مثل هذا البوست في مكتبته يزينها وقبلها يجلس هذا العنوان علي صدر البورد خمسة ايام بلياليها , اين لكم من هذا اخوتي ( فارات ) البورد وهبة وحيدر الزين وفيصل الرشيد وطمبس وحمودي العسل وود البشري ونوبي وعمر الفاروغ ومن لف لفهم من اخوتي الفارات . تلك ايام لم تدركوها ولن تدركوها ابدا ابدن . كنا فيها اولاد راحات (ذوات) المنبر العام.
أساسي ممكن أنداح معاك هنا شوية؟؟ عندي ذكريات ختيييرة لو عرضتها للبيع تجيب ملايين
_______________ وليد ياشين مامكتوب لينا نتلاقى كلو كلو كل ما امشي بلد يقولو لي وليد كان هنا اولت أمبارح وبعدين مالك بقيت زي تراجي تستجدي الدخول في بوستاتك
يا حمور بطل حسادة ياخي , انحنا اتربينا في عز البورد , قبل ايامم الجفاف التي استدعتكم , بنظرة سريعة للبورد ايامها لا بد لك ان تقول ماشاء الله بعدها , ليس كما الان تطوف علي صور الاعضاء ويذهب ذهنك سريعا الي ذكريات المويلح , هنيئا لنا بدسمه وهنيئا لكم بجفافه وتصحره
Post: #28 Title: Re: ذكرياتنا الاسفيرية في سودانيز اون لاين Author: هاجر التهامي ياسين Date: 01-12-2010, 07:25 PM Parent: #4
Quote: لو ما قبل يومين شايفاك في بوست صارفين ليك صرف تقيل من قبل احدي البرلومات الجداد لنج ؟
لكن مبااااااااااااالغة
Quote: البورد ده كان زي كي جي تو مالو ؟
حمور زيادة زمان انا كنت بقول انت زول رائع وبتقول درر بس اسع
لقيت كلامك دا زي العسل لمن شرقتا.
عارف يااستاذ حمور البوست دا ذكرني قصة النسوان لمن يزعلن من بعضهم
تقوم الواحدة تصر ليك الكلام في جواها , وفي اقرب ملف تجيبوا ليها بصورة
تخليي صاحبتها عيونها يطلعن ليبره يعني بلغة النسوان (مطاعنة)
تعرف يا وليد الشفت , طلعت شفت بالجد , ياخي اخوك من زمان امنيته في الحياة العامة انه ياكل مال عام , ما ممكن الناس دي تاكل كلها مال عام وانا الوحيد البتفرج عليهم ؟ لكن دي خطوات واثقة من اجل نيل حصتك في المال العام , تعرف يادوب جيت البورد وما فتشت الصفحة الاولي لسع وفكرة البوست دا كانت معششة في دماغي قلت افكها لكن يا وليد دي حركة جميلة منك , بس ان شاء الله ناس بيتكم يدوك صوتهم , ياخي جاني ليك احساس انك بقيت زي المناضلين البكبوها في البورد دا ويصدقوها ان شاء الله تفوز يا وليد عشان الواحد يجي من المطار ويتفاصح بانه عنده واسطة بدل سمعة الاسافير اللصقت فينا دي بدون اي فوائد مجنية من ورائها بجيك بهناك
Post: #46 Title: Re: ذكرياتنا الاسفيرية في سودانيز اون لاين Author: walid taha Date: 01-13-2010, 10:58 AM Parent: #2
من تقصد بدكين؟ دكين بتاع الرياض الزمان داك؟ ولا بتاع قطر؟ بلغه عني التحايا الطيبات يا وليد وقل له احيانا نذكر ان وغدا مر من هنا , واشار بيده الي ارشيف 2003 الي الفين وخمسة وابتسم
يا حبيب لا يفوت علي ذهنك انه شفوت النت يظلوا شفوته وفتواته ولا تغرنك هذه الهرجلة الحاصلة وصمتنا المهيب والذي ما هو الي صمت الواثق في نفسه قادرين ان نعيش زماننا وزمان غيرننا ولكن هو حلم الحليم وحكمة الايام ولكنا متي ما تراى لنا اهمية عوددتنا فانا فاعليها بقوة قد تدهش البعض
بعدين خليها مستورة يا سعد , الست من جيل الذين لم يتم قبولهم في هذا المنبر الا بعد جابوا اولياء امرهم؟
ابدا أخوك جابوا ليه ولي أمره. دعنا نكون صريحين يا أساس.. هسه فيك حيل تضج و تعترض زي زمان ولا اصابتك قناعة و هبـطت عليك من حيث لاتدري حكمة واعتورك فتور و علتك المسئوليات؟ أمانة الأسد لما يعجز مشكلته مشكلة!
لا يا سعد ليس فتور وانما ملل من التكرار , كل الضجة والصخب هذا عشناه من قبل لذا لا نحب ان نكرر انفسنا , اما المسئولية ليس لها علاقة بالحوار , يعني بشاشا وتراجي وعادل عبد العاطي (كامثلة) ما عندهم مسؤليات , لكنهم قوم ادمنوا تكرار انفسهم . في النهاية يا صديق طلب من ولي امرك الحضور
والاسد يا حبيب ما كان يوما عرضة للافتراس وان شاخ وصاحب الشياه
هاهاهاها تعرف يا عادل عبد العاطي كتبت اسمك واترددت حذفته وتاني قمت رجعت كتبته , قلت شبكة شبكة مافي مانع
بعدين الكلام دا ما واضح يا عادل ومن غير اللائق بك كعضو قديم من سنة اسكت تطلب توضيحا مني
ولكن لك ذلك , واضحا جدا اني اقصد حرارة النفس في حوار مواضيع تعاد كل مرة في المنبر يتم محاورتها من الذين اشتهروا بنفس حار في الحوار بنفس شراستهم القديمة , هذا بعد ان اتتهمنا في ان بنا خوار ووهن في محاورة الموضوعات التي نراها معادة ومكرورة
سلام اساسي ما في مشكلة مع تكرار النفس او الانتقاد في هذا الجانب ؛ استرعتني فقط كلمة ((ما عندهم مسؤوليات)) لاعود بعد تفكير واكتشف انها مكتوبة بالسو\داني يعني ((عندهم مسؤوليات)) والما ليست للنفي وانما للتأكيد .
لك الود
Post: #49 Title: Re: ذكرياتنا الاسفيرية في سودانيز اون لاين Author: Gaafar Ismail Date: 01-14-2010, 09:54 AM Parent: #15
Quote: والاسد يا حبيب ما كان يوما عرضة للافتراس وان شاخ وصاحب الشياه
يا اماني ما قبل يومين الكلام دا امس حصل , البرلومة قالوا في ذمة الواعي وبعدين المشكلة انه البرلومة ما كانت في المدي البصري بتاع كيبوردي , الناس ديل قايلين انه خبراتنا الاسفيرية دي بنبزلها في اي مكان ولاي كان ؟
ياخي قبل التدريس لو في حاجة مفروض تتعمل في البورد دا المفروض بكري يطالب مع تسجيل الاعضاء بوجود شهادة حسن سير وسلوك المنبر بقي ليق عديل كدا
طيب ما دام مريت بينا يا عادل ما تجي تحكي لينا تجربتك في ادارة المنبر دا وتعينك من قبل بكري مسؤلا عن ادارة المنبر وعودة بكري واقصاءك من الادارة وحردانك دي ذكريات الجيل الثالث المطور من عضوية المنبر ما عارفها الايام ديك دكين وخدر الشين طلعوا زيتك وظهرت كديكتاتور صغير لدي البعض
Post: #26 Title: Re: ذكرياتنا الاسفيرية في سودانيز اون لاين Author: الرفاعي عبدالعاطي حجر Date: 01-12-2010, 06:24 PM Parent: #25
بوست دعائي انتخابي ومعقووول ياصاحبي
بالمناسبة في انتخابات رئاسة المنبر قريب حسب مصادر رئاسية خاصة جداً .
Post: #27 Title: Re: ذكرياتنا الاسفيرية في سودانيز اون لاين Author: سيف النصر محي الدين محمد أحمد Date: 01-12-2010, 06:38 PM Parent: #26
في السودان في شهر سبعة الفين و تسعة و مع بورداب الخرتوم و بعد ما ضربنا الشيات في بيت الفنون و انا بغسل يدي لقيت بكري قدامي فقام قال لي انت من بورداب جده ، قلت ليهو بالحيل قام قال لي :اساسي كيف بالله ؟ قمت رديت ليهو : اساسي ده منو كمان
Post: #29 Title: Re: ذكرياتنا الاسفيرية في سودانيز اون لاين Author: الخير محمد عوض Date: 01-12-2010, 07:47 PM Parent: #27
Quote: قام قال لي :اساسي كيف بالله ؟
يا سيف سلامات.... يعني بكري سألك عن اساسي قبل ما يسألك اسمك منو !!
والله يا أساسي ربنا يديك العافية... بوستك العامل فيه جادي بتاع مكالمة بكري دا ضحكني شديد. قلت لي:
Quote: الاخت الفضلي تراجي
ان المرحلة الحساسة التي تمر بها بلادنا اكبر من تضيع وقت العباد والبلاد في مناقشة كل ما هو غير جدي وما لا يفيد . لذا لم نتطرق الي هوامش وسفاسف الامور بل كان الهم الاكبر وهو السودان هو ما جمعنا علي صعيد صف واحد وهو الوطن
اشكر لك مرورك واتمني جديتك في الحوارات المقبلة وعدم تضيع الوقت فيما هو غير ضروري
Post: #62 Title: Re: ذكرياتنا الاسفيرية في سودانيز اون لاين Author: اساسي Date: 01-18-2010, 08:29 AM Parent: #31
Quote: والله يا أساسي ربنا يديك العافية... بوستك العامل فيه جادي بتاع مكالمة بكري دا ضحكني شديد. قلت لي:
العوض نعتبر ضحكت دي بايتة ليها سبعطاشر ارشيف , تسلم يا لذيذ
Post: #61 Title: Re: ذكرياتنا الاسفيرية في سودانيز اون لاين Author: اساسي Date: 01-18-2010, 08:27 AM Parent: #29
Quote: يا سيف سلامات.... يعني بكري سألك عن اساسي قبل ما يسألك اسمك منو !
يالخير , بكري لا يُسال
وهذه حكتها لي اساسية حينما سمعتها من ابراهومة لاعب المريخ السابق في احد لقاءات التلفزيون حينما ساله المذيع عن الفنان عبد الكريم الكابلي الذي انتهت له وصلة غنائية في نفس اللقاء فحار ابراهومة طويلا وظنته سيأتي برد خرافي وهذا ما فعل حينما رد اخيرا ( الكابلي لا يُسأل ) وسكت .
يمتاز أساسي بأنه لم يفقد بريقه - و لو للحظة - طوال هذه السنوات.
Post: #35 Title: Re: ذكرياتنا الاسفيرية في سودانيز اون لاين Author: عمران حسن صالح Date: 01-12-2010, 09:04 PM Parent: #32
Quote: يمتاز أساسي بأنه لم يفقد بريقه - و لو للحظة - طوال هذه السنوات.
وهذا لا يمنع أيضاً إلى الإشاره بأنه وفي آخر مشاوير الحوش أصبح - ضنيناً - برأي واضح في _ أشياء _ واضحة تحتاج لرأي أمثاله .
______________ يا حبيب : بطل زوغانات
Post: #65 Title: Re: ذكرياتنا الاسفيرية في سودانيز اون لاين Author: اساسي Date: 01-18-2010, 08:40 AM Parent: #35
Quote: يا حبيب : بطل زوغانات
عمران ابو محمد
ياخ ما زوغان لكن تصدق يا حبيب انه الواحد في حصيلة يومه المنبري ما بيكون قرأ اربعة بوستات , الواحد بقي يجي من برة مركز علي اسماء بعينها وغالبا ما نكتفي بها , بعدين كما ذكرت فوق انه الملل من التكرار حاصل , بالاضافة الي انه تفاوت المقدرات يشكل عائقا كبيرا . ما ممكن تكون شايل ليك مدفع اربجي مقابل واحد شايل ليهو نبلة !!؟ ولا شنو؟
Post: #64 Title: Re: ذكرياتنا الاسفيرية في سودانيز اون لاين Author: اساسي Date: 01-18-2010, 08:35 AM Parent: #32
Quote: يمتاز أساسي بأنه لم يفقد بريقه - و لو للحظة - طوال هذه السنوات.
ااااااي يا ملاسي ياخي ريحني بالاطراء ياخ , طبعا كعادتنا السودانية الشهيرة نموت في الاطراء ونتكسر فيهو عديل , تلفزيوناتنا السودانية تجيب الاجانب وتستضيفهم وتسالهم عن رايهم في السودان عشان تستمتع بالاطراء الفرمالة عن كرم الشعب السوداني وطيبته , اسع الواحد مفروض يخلي اطراءك دا كتوقيع ملزم لجميع المشاركين في بوستاتي اديت الواحد احساس بانه قاعد يلمع بقصة بريق دي ريحتني ياخ الله يريحك شوف الفارات ديل شابكننا اندرو والاسد لمن كرهونا كتاب المطالعة زاتو
Post: #63 Title: Re: ذكرياتنا الاسفيرية في سودانيز اون لاين Author: اساسي Date: 01-18-2010, 08:31 AM Parent: #30
يا عسس .. سوعال بللاي مونكن ايراد شمارات المسنجر الطااااعمة أم لا؟؟؟
بس
Post: #34 Title: Re: ذكرياتنا الاسفيرية في سودانيز اون لاين Author: سيف النصر محي الدين محمد أحمد Date: 01-12-2010, 08:50 PM Parent: #33
Quote: يا سيف سلامات.... يعني بكري سألك عن اساسي قبل ما يسألك اسمك منو !!
و الله يا الخير كان في تعارف جماعي في الاول لكن بصراحة ما عارف لو كان متذكر اسمي و للا لا.. يا خي انت حاكيها شديد كده ليه ؟
Post: #36 Title: Re: ذكرياتنا الاسفيرية في سودانيز اون لاين Author: saadeldin abdelrahman Date: 01-13-2010, 05:56 AM Parent: #34
Quote: يمتاز أساسي بأنه لم يفقد بريقه - و لو للحظة - طوال هذه السنوات. ---------------------- وهذا لا يمنع أيضاً إلى الإشاره بأنه وفي آخر مشاوير الحوش أصبح - ضنيناً - برأي واضح في _ أشياء _ واضحة تحتاج لرأي أمثاله .
هذا جزء مما قصدته ب"شيخوخة الأسد" يا عمران/أساسي.
Post: #37 Title: Re: ذكرياتنا الاسفيرية في سودانيز اون لاين Author: محمد عبد الماجد الصايم Date: 01-13-2010, 06:13 AM Parent: #36
أيوا ياخ!! فكّ لينا الدبرسة دي!
___________ بالمناسبة .. احتمال أصل مرحلة الحردان!
Post: #67 Title: Re: ذكرياتنا الاسفيرية في سودانيز اون لاين Author: اساسي Date: 01-18-2010, 08:43 AM Parent: #37
Quote: بالمناسبة .. احتمال أصل مرحلة الحردان!
حتي في حالة حردانك يا ود الصايم ركز لينا علي رسائل stc المجانية , فهي تطلف يومنا اكثر مما تتخيل
Post: #38 Title: Re: ذكرياتنا الاسفيرية في سودانيز اون لاين Author: احمد التجانى احمد Date: 01-13-2010, 06:33 AM Parent: #36
Quote: هذا البوست ساحاول ان اعود فيه بالذاكرة الارشيفية الي ايام خلون من المنبر العام
يا ابوعمر اقول فكنا من هرجة ايام التلفزيون الابيض واسود كلكم كنتوا كم وخمسين نفر لاعبين باكات لبعضكم ومقسمة بينكم الاختصاصات واحد مسئول الكورة والغناء وواحد للرسم وواحد تبرعات وكم واحد كدة تبع الامانة العامة للجندر كحركة وليدة فى المجتمع السودانى وبعد داك جو ليك ناس عيييييك لما وصلت مرحلة كتابة مواضيع بخصوص القراصة الغريبة يا اخى المشاكل كانت كتيرة وعنيفة والخصومة كانت فاجرة برغم ضعف العضوية ودة دليل على عدم احتمالنا العيش ضمن مجتمعات صغيرة - ناس الايام دى والله طاعمين الربع عندهم رحلتين وكم خطوبة كدة مع ترحيب بكم مناضل ومناضلة كدة ويقلبوه على الارشيف
ما فقدتنى ياخ ....!!!!
Post: #39 Title: Re: ذكرياتنا الاسفيرية في سودانيز اون لاين Author: حمور زيادة Date: 01-13-2010, 06:55 AM Parent: #38
لجوء الشخص لتسجيل مثل هذه التجارب لم نعهده الا في اسماء في حياتنا. يا بورداب السعودية طمنونا على صحة اساسي .
Post: #40 Title: Re: ذكرياتنا الاسفيرية في سودانيز اون لاين Author: saadeldin abdelrahman Date: 01-13-2010, 07:00 AM Parent: #39
أو حين يهرم السبع!
Post: #41 Title: Re: ذكرياتنا الاسفيرية في سودانيز اون لاين Author: saadeldin abdelrahman Date: 01-13-2010, 07:14 AM Parent: #40
Quote: والاسد يا حبيب ما كان يوما عرضة للافتراس وان شاخ وصاحب الشياه
لو كان افتراسا لقضي الامر و ما احتاج عناء شرحه لكنه التحاس اعاذنا الله و إياكم.
Post: #42 Title: Re: ذكرياتنا الاسفيرية في سودانيز اون لاين Author: BitAlhana Date: 01-13-2010, 07:36 AM Parent: #39
اساسي الاساسي
غايتو حمور بالغ معاك........ حمور فال الله ولا فالك
تعرف يا اساسي انا غايتو بتذكر زمان لما كنت صغيره (ما زمان شديد) لما يحكوا قصه او موقف و انا مافيه... او يعلقوا على شي انا ما حاضراه بزعل زعل شديد
اسي دي من ما نقول بورداب الزمن الجميل الدنيا دي تنقلب
اساسي ........ مشتاقين
Post: #43 Title: Re: ذكرياتنا الاسفيرية في سودانيز اون لاين Author: العوض المسلمي Date: 01-13-2010, 07:50 AM Parent: #42
عندما يروق اساسي فانه ينداح وياتي بالروائع كالعهد به دائما
Post: #44 Title: Re: ذكرياتنا الاسفيرية في سودانيز اون لاين Author: معتصم دفع الله Date: 01-13-2010, 08:38 AM Parent: #43
والله يا هالك .. زي ما قال سعدالدين الأسد كان كِبر مشكلته بتبقى كبيرة يا حليل أيام زمان أيام الدفئ أســـــاسي آخر التوابـــيت !!!!!!!!!!!!!!! لكن برضو ما بننسى تصييعة بكري ليك في زمانٍ سابق والمشكلة في كبرك بقيت تشجع الحمام الميت ..
Post: #77 Title: Re: ذكرياتنا الاسفيرية في سودانيز اون لاين Author: اساسي Date: 01-18-2010, 09:19 AM Parent: #44
Quote: لكن برضو ما بننسى تصييعة بكري ليك في زمانٍ سابق
تعرف يا معتصم
بكري دا ما حصل يوم رسل لي ورنق رغم مخاشناتي ايامها زي ما بتجيكم كل يوم وتاني وموقفنك انت وصاحبك العريس , الوهمة بتاعة بوستك دا كانت اقصي امانيك لكن تلقاها عند الغافل يا رشاشة
Post: #45 Title: Re: ذكرياتنا الاسفيرية في سودانيز اون لاين Author: Yassir Tayfour Date: 01-13-2010, 08:52 AM Parent: #43
Quote: لو ما قبل يومين شايفاك في بوست صارفين ليك صرف تقيل من قبل احدي البرلومات الجداد لنج ؟
يا أماني ده كلو بي سبب العولمة.. ___ يا أساسي شكلة شكلتين في كل أرشفة ما بتضر..
Post: #47 Title: Re: ذكرياتنا الاسفيرية في سودانيز اون لاين Author: ismeil abbas Date: 01-13-2010, 06:17 PM Parent: #45
أساسى..السلام عليكم...
الموضوع جميل..لو واصلت فيهو بنفس الفكرة وما جوك الناس البرلومات والحاسدين وطششوك بخدم الغرض..
إنتو بالنسبة لينا زى حقيبة الفن((حقيقة الفن)) كلامكم سمح لكن ما بنفع فى زمن المسكولات وألأنترت ده....
زمان ناس الحقيقة كانوا بغنوا حاول يخفى نفسو...هسى تلقاهم بالهبل فى الشارع والفيس بوك حاول يظهر نفسو..يا أساسى..أحكى لينا والله بنستفيد..ما بنخسر...
لك تحياتى وتقديرى..
Post: #48 Title: Re: ذكرياتنا الاسفيرية في سودانيز اون لاين Author: سارة علي Date: 01-13-2010, 11:56 PM Parent: #47
اساسي.. سؤال...
شرير والبرتقالة...
لسه معاناباسم تاني؟؟ولا من ناس(حضارات سادت ثم بادت)؟
Quote: صباحاتكم بنكهة القرنفل وقشر البرتقال
Post: #50 Title: Re: ذكرياتنا الاسفيرية في سودانيز اون لاين Author: بكري اسماعيل Date: 01-14-2010, 10:44 AM Parent: #48
سلامات يا أساسي
Quote: بعدين خليها مستورة يا سعد , الست من جيل الذين لم يتم قبولهم في هذا المنبر الا بعد جابوا اولياء امرهم؟
يعني إنت هسي خليته مستورة ؟
عارف زمان لمن كنا بندفع 10 ريال للساعة عشان نتصفح سودانيز أونلاين ونشوف أسماء الأعضاء زيكم وناس خالد الحاج ،عادل عبد العاطي ، تماضر ،أسامه الخواض قرنفل نادوس ووو وهلمجرا الواحد ما بفكر يسجل في المنبر ، بتقول لي نفسك يا زول هوي الناس ديل بروفَات كبار ، الواحد كان بكتفي بالقراية ويحفظ ليهو كم بوست يقراهم في المكتب ولمن الشغلة انفلتت وجابت كل من هب ودب قلنا يعني مافيش حد أحسن من حد وهكذا .. أيَامكم أم عهدُ إسماعيلا !
Post: #51 Title: Re: ذكرياتنا الاسفيرية في سودانيز اون لاين Author: saadeldin abdelrahman Date: 01-14-2010, 11:13 AM Parent: #50
أم أنت فرعون يسوس النيل
Quote: وليد الشفت والاخ رومانسي..معجبة باحترامهم لي نفسهم.. عشان ما تطش رومانسي دة عضو قديم كان هنا لكن زمانو فات وغنايو مات..
ولكن اين لي (بمكافئين ) او حتي (مقاربون) في القوة لاسعاد الجمهور التواق؟
قد اعود بالرد لجمهوري الذواق والذي لا يستطيع فكاكا من هذا المربع الذي قطعت فيه (كما يبدو) اشواطا بعيدة تفوق قدرة جمهوري الذواق علي مجاراتي
احيان كثيرة وبصورة ( شخصية جدا) احلم بجمهور جله من الاذكياء ليدركوا بذكائهم ما يفوتهم من متعة جارية حولهم يغفلونها
ـــــــ ساعود عليكم فرادي يا اصدقائي وان كان البوست لم يبارح نقطة انطلاقه قيد اللحظة
Post: #83 Title: Re: ذكرياتنا الاسفيرية في سودانيز اون لاين Author: الوليد عمر Date: 01-18-2010, 10:06 AM Parent: #52
.........
Quote: احيان كثيرة وبصورة ( شخصية جدا) احلم بجمهور جله من الاذكياء ليدركوا بذكائهم ما يفوتهم من متعة جارية حولهم يغفلونها
والله دى أكتر حاجة (حازَّة) فى نفسى كبرلوم
و معصلجة معاى .. عارف إنو فايتانى المتعة كلها
وتبقى عوارة الواحد يقعد يطلب تفاسير
و حارة كمان تعمل فيها عارف الدبايب دى بتقول فى شنو
يا أساسى ياخ أقول ليك حاجة:
حاول تكتِّر الحواشى والمحاشى
نجيب بنبرنا ونحتل هنا دا ..
زهجنا ياخ من الحوامة فى الأرشيف كل يوم .
أبو بكرى
......
Post: #82 Title: Re: ذكرياتنا الاسفيرية في سودانيز اون لاين Author: اساسي Date: 01-18-2010, 09:39 AM Parent: #50
بكري اسماعيل
يا صاحب منتظرينك لاسع ترجع مع كباية القهوة
Quote: أيَامكم أم عهدُ إسماعيلا !
لا ما بنقدر نطلقها كدا علي الشيوع , ايامنا زاتها كان فيها الكدر والرهق كما هو حاصل الان , ولكن رهق تلك الايام لا يسوى شيئا امام عكر الواقع هذا كما قال احمد التجاني العدد ليهو تاثيره
Post: #81 Title: Re: ذكرياتنا الاسفيرية في سودانيز اون لاين Author: اساسي Date: 01-18-2010, 09:33 AM Parent: #48
Quote: اساسي.. سؤال...
شرير والبرتقالة...
لسه معاناباسم تاني؟؟ولا من ناس(حضارات سادت ثم بادت)؟
سارة مرحب بيك لا شرير معانا باسم تاني بكتب باسم بت قضيم الايام دي
Post: #80 Title: Re: ذكرياتنا الاسفيرية في سودانيز اون لاين Author: اساسي Date: 01-18-2010, 09:32 AM Parent: #47
وعليكم السلام اسماعيل عباس
Quote: الموضوع جميل..لو واصلت فيهو بنفس الفكرة وما جوك الناس البرلومات والحاسدين وطششوك بخدم الغرض..
إنتو بالنسبة لينا زى حقيبة الفن((حقيقة الفن)) كلامكم سمح لكن ما بنفع فى زمن المسكولات وألأنترت ده....
زمان ناس الحقيقة كانوا بغنوا حاول يخفى نفسو...هسى تلقاهم بالهبل فى الشارع والفيس بوك حاول يظهر نفسو..يا أساسى..أحكى لينا والله بنستفيد..ما بنخسر...
والله الواحد كان مقرر انه يتم البوست دا وزي ما قلت انت فوق عن الطشيش وذكرت انا تحت عن انه الواحد بقي محتار بين اكمال الموضوع ليكون ( بيض ساكت ) وبين انه يكمل ما بدا رجحت الاولي لعدم جدوى الثانية كما يبدو فالجمهور كما ذكرت بتاع لت وعجن ولكن ساحاول ان اكتب بوست كامل وانزله وبعدها نري امر الجمهور ياخي دخولك في البوست يسعدني وكلامك دا انحنا ما قدرو يا رايق وانا اخذه ماخذ تواضع العلماء من قبلك
Post: #79 Title: Re: ذكرياتنا الاسفيرية في سودانيز اون لاين Author: اساسي Date: 01-18-2010, 09:27 AM Parent: #45
ياسر ابتفة المداخلة حقت يبدو جليا ان الجمهور ( يموت في الاكشن ) ردا علي
Quote: يا أساسي شكلة شكلتين في كل أرشفة ما بتضر..
Post: #72 Title: Re: ذكرياتنا الاسفيرية في سودانيز اون لاين Author: اساسي Date: 01-18-2010, 08:56 AM Parent: #43
Quote: عندما يروق اساسي فانه ينداح وياتي بالروائع كالعهد به دائما
وحتي عندما لا اروق يا المسلمي فانا ااتي بالروائع
Post: #71 Title: Re: ذكرياتنا الاسفيرية في سودانيز اون لاين Author: اساسي Date: 01-18-2010, 08:55 AM Parent: #42
اختنا بت الهنا اخت ذاك الزمان
Quote: اسي دي من ما نقول بورداب الزمن الجميل الدنيا دي تنقلب
يازولة ولا يهمك حق لك ان تفخري بانك كنت عنصرا من عناصر تشكيل وجدان وتاريخ الناس الرايحة دي كلها , وبامكانك الاضافة بتعالي و لولا كتابتنا في هذا الموقع ايامها لما جلستم بالسنوات ( تحنسون ) بكري لاعطائكم باسويرد , ايمها كنا في سودانت كان هذا البكري الذي يتمنع علي هؤلاء يترجانا بالاميلات لمشاركته هذا البورد , حتي انه ومعاذ بتاع سودانت حتو قرض
Post: #70 Title: Re: ذكرياتنا الاسفيرية في سودانيز اون لاين Author: اساسي Date: 01-18-2010, 08:50 AM Parent: #39
Quote: لجوء الشخص لتسجيل مثل هذه التجارب لم نعهده الا في اسماء في حياتنا. يا بورداب السعودية طمنونا على صحة اساسي .
حمور
بالعكس يا حمور الحركة دي ما جديدة كنت اقوم بعمل جرد منبري كل فترة , وهذا امتداد لتك البوستات , بعدين يا حمور انت قايل الناس كلها بتعضي زي عضتك التعبانة دي وتشفق علي صحتها , احيانا انا افكر جديا في بعض بوستاتك يا حمور هل اشارك بالكتابة ولا اعلق ليك درب جلكوز فوق صورتك , مصر دي بلد عضة بالله حاول تغير عاداتك الغزائية هناك
Post: #68 Title: Re: ذكرياتنا الاسفيرية في سودانيز اون لاين Author: اساسي Date: 01-18-2010, 08:46 AM Parent: #38
Quote: ناس الايام دى والله طاعمين الربع عندهم رحلتين وكم خطوبة كدة مع ترحيب بكم مناضل ومناضلة كدة ويقلبوه على الارشيف
ياخ حرام عليك يا ابو حميد دا تزيف لحقائق معاشة عديل كدا , ياخي الكنا بنعملوا كباكات كلنا ايامئذٍ تقوم به مشكورة تراجي وحيدة هذه الايام , دعك من الباقين ياخي البوقفهم بكري في الربع الواحد ويرجعهم الايام دي للعنف اللفظي اكتر من عضوية المنبر ايامها وتقول لي برضو عاطف الرشاشة راجل راقي؟
Post: #66 Title: Re: ذكرياتنا الاسفيرية في سودانيز اون لاين Author: اساسي Date: 01-18-2010, 08:42 AM Parent: #33
Quote: سوعال بللاي مونكن ايراد شمارات المسنجر الطااااعمة أم لا؟؟؟
اكيد لا يا طيفور
الماسنجرات دي مهارات فردية لا يجوز اطلاقها للسابلة هكذا , هذه تسطعم بها وحيدا وتحمد الله في سرك
Quote: في السودان في شهر سبعة الفين و تسعة و مع بورداب الخرتوم و بعد ما ضربنا الشيات في بيت الفنون و انا بغسل يدي لقيت بكري قدامي فقام قال لي انت من بورداب جده ، قلت ليهو بالحيل قام قال لي :اساسي كيف بالله ؟ قمت رديت ليهو : اساسي ده منو كمان
دكتورنا سيف
التحايا النواضر
بالتكيد فبكري رجل يحفظ لاصدقائه مودتهم , ومن قبل سال الرفاعي حين لقاء في غياهب سوق الناقة عندما عرف انه مقيم في جدة عن اساسي (قدس الله سره) انتو بكري دا رايحة ليهو سماية ولا شنو اي زول يقول لاقيتو في الخطوم يكون لاقاهو في صحن شية
بالمناسبة في انتخابات رئاسة المنبر قريب حسب مصادر رئاسية خاصة جداً .
الصديق الرفاعي بس ما تطلع زي انتخابات الجالية
Post: #57 Title: Re: ذكرياتنا الاسفيرية في سودانيز اون لاين Author: saadeldin abdelrahman Date: 01-17-2010, 11:36 AM Parent: #55
Quote: ولكن اين لي (بمكافئين ) او حتي (مقاربون) في القوة لاسعاد الجمهور التواق؟
قد اعود بالرد لجمهوري الذواق والذي لا يستطيع فكاكا من هذا المربع الذي قطعت فيه (كما يبدو) اشواطا بعيدة تفوق قدرة جمهوري الذواق علي مجاراتي
احيان كثيرة وبصورة ( شخصية جدا) احلم بجمهور جله من الاذكياء ليدركوا بذكائهم ما يفوتهم من متعة جارية حولهم يغفلونها
في نقابة المنتحرين كان كابو (الفنان عبدالحكيم) يتحسر على ماضيه الكروي النجومي أيام كان بختها في الراس و الكتف و ينزلا بصدرو.. ختم كلامه المتحسر و هو يتحسس كرشته : هسة نزلت كلها هنا!
احمد التجاني الفوق دا اول امس قاعدين في كوفي سالني قال لي مالك ما رديت علي باقي البوست , قلت ليهو ياخ الواحد كان عنده فكرة معينة داير يكتبها وبديت فيها كويس اول مداخلات جاطت لي البوست بقيت معلق لا قادر اتم البديتو ولا ارد علي الناس الشاركوني البوست ويبقي في النهاية بوست ( بيض ) ساكت , خاصة وانه اخونا سعد الدين ما حريف ون تو جا قعد لي في البوست وقعد يصرج لي في الكورة ذكرني ليك المثل الدارفوري الشهير الذي يتخذه اخونا ناذر الخليفة شعارا لفترة "جرادة في سروال زول ولا بعضي الا قعادا شين" ضحك احمد التجاني وقال لي : طعم المعسل دا الليلة ما ياهو !!؟ ونفخ زفيرا وعدت الي البوست ابحث عن شهيق جافاني
Post: #59 Title: Re: ذكرياتنا الاسفيرية في سودانيز اون لاين Author: ناذر محمد الخليفة Date: 01-17-2010, 06:02 PM Parent: #58
وبما إنو البوست جائط زي ما قال صاحبو .. النجوط مع الجائطين وأسأل اخونا أساسي سرال هام :
يا خوي وين أوسكارك الكنت بتعملو سنوي لكتاب المنبر ؟!!
حقيقة كنت بشوف فيهو مراية للبورد ..!
الحاصل عليهو شنو ؟!!
Post: #60 Title: Re: ذكرياتنا الاسفيرية في سودانيز اون لاين Author: اساسي Date: 01-18-2010, 08:20 AM Parent: #59
ــــــ زوجتنا اساسية هذه الايام مع الاهل واحيانا نتواصل عبر ماسنجر الهوتميل , في امس سألتها : انت الاميل دا حق منو بالظبط مرة القي روحي بتكلم مع اخوك مرة مع اختك مرة مع الوالدة مرة معاك ؟ ردت علي سريعا وكانها كانت تنتظر السوال : هذا اميل من لا اميل له , في اشارة ذكية و ( تريقة ) علي شعار سودانيز اون لاين ( سودانيز اون لاين وطن من لا وطن له )
Post: #69 Title: Re: ذكرياتنا الاسفيرية في سودانيز اون لاين Author: عبدالوهاب علي الحاج Date: 01-18-2010, 08:47 AM Parent: #60
Quote: ( سودانيز اون لاين وطن من لا وطن له )
وروضة وحضانة للاندر ايدج كمان اليومين دي يا سماني
____ تحياتنا
Post: #74 Title: Re: ذكرياتنا الاسفيرية في سودانيز اون لاين Author: سارة علي Date: 01-18-2010, 09:01 AM Parent: #69
يا اساسي ما رديت علي وريتني العضو بتاع (انا والبرتقالة انت) يطلع منو؟
Post: #78 Title: Re: ذكرياتنا الاسفيرية في سودانيز اون لاين Author: Amir Omer Date: 01-18-2010, 09:25 AM Parent: #69
أول مرة أعرف إنه بكري أبوبكر عندي باسووورد معانا هنا
Post: #73 Title: Re: ذكرياتنا الاسفيرية في سودانيز اون لاين Author: omer osman Date: 01-18-2010, 08:59 AM Parent: #60
هذه أول مداخلة وأول بوست لي في المنبر في بوست فتحته بعنوان أنا جديد
Quote: زماااااااااان في يناير 1987م لمن دخلنا كلية الشرطة(الدفعة 56) كان في مجموعة من الدفعة دخلت متاخرة بي كم يوم. واحد من التعلمجية اختار اتخن واحد فيهم وقال ليهو تكورك وتقول انا جديد والبقية يشيلوا معاك ويقولوا نحن برضوا جداد .......... وهكذا) اسع الزمن بعيد نفسه وجينا المنبر متاخرين عشان كده بقول أنا جديد بس ما عارف الشيالين منو ؟ قلنا ندخل بطرفة لانها تفتح الطريق للود ويلا رحبوا بينا والا بنفوت
وكان أول رد :
Quote: ازيك يا بوليس
وصاحبه الاخ الفاضل اساسي ....... وكان ردي عليه :
Quote: شكرا يا اساسي وفعلاً انت اساسي لانك اول زول رحب بي وبالمناسبةانا بوليس معاش
Post: #75 Title: Re: ذكرياتنا الاسفيرية في سودانيز اون لاين Author: ALZOLZATOO Date: 01-18-2010, 09:14 AM Parent: #73
ازيك يارومانسي
طبعا رومانسي هو الاسم القديم لي اساسي وتم استبداله باساسي بحجة ان شخص قدم له ورقه
بغض النظر عن رده للشخص المتقدم تم تغيير الاسم الى اساسي ليبعد عنه كل الشبهات
وبعد ذلك تم تغييره الى هناي داك ولكن بنصيحة الاخوة تم الرجوع الى اساسي
رومانسي واساسي شخص ظريف ولطيف ضخم الجسم عريض المنكبين لايقبل الاستفزاز والاشياء المشابهة
افتقدنا كتاباته الجميلة واصبحت جل كتاباته مناوشات ومخاشنات بعد احتكاكه بلعيبة ينقصهم الاحتراف
نرجو من الاخ اساسي العودة للعب النضيف والكتابة الراقية فهو رجل يربطني معه فول وسمك وكنا بنحب الاراضي المقدسة لوووووووووولز
الاولاد لسع في البرد الشديد
تحياتي
زاتوووو
Post: #85 Title: Re: ذكرياتنا الاسفيرية في سودانيز اون لاين Author: هاجر التهامي ياسين Date: 01-21-2010, 01:36 AM Parent: #75
Quote: نرجو من الاخ اساسي العودة للعب النضيف والكتابة الراقية فهو رجل يربطني معه فول وسمك وكنا بنحب الاراضي المقدسة
ملعوبة وجميلة شديييييييييد من الزول زاتو
Post: #76 Title: Re: ذكرياتنا الاسفيرية في سودانيز اون لاين Author: يازولyazoalيازول Date: 01-18-2010, 09:17 AM Parent: #73
أساسي شايفة الكبر دخل معاه خرف كمان شرير منو البكتب باسم بت قضيم؟ يكتب ذنبك إن شاء الله
Post: #86 Title: ياااااااااااااااااااااااااااااااااااااااااااه ... زمن Author: حبيب نورة Date: 01-21-2010, 02:32 AM Parent: #84
أساسينا
أذكر فيما أذكر
و أنا مراهق إسفيري غير شهير أتسكع ما بين المواقع الخليجية بحُكم النشأة السعودية سيئة الذِكر وقد أصابني القرف منها جميعاً الأرف حسب المراهقة المصراوية الجديدة!!
سألت من كنت أحسبه صديقي
بالله ما بتعرف مواقع سودانية ؟؟
كان في الخاطر فقط سودان دوت نيت ! لذا أبتدرت نقراتي في هذا الذي كان يدعي بسودان أيش كدة إنك دوت حاجة كدة
شنو كدة ما عارف تعارف الخريجين غرفة الدردشة المعروفة في ذلك الوقت بإسم الراكوبة و شوية كدة نادي الألم !! ( نادي القلم) ومع شوية خستكات فرضتها علي مراهقتي النضالية بديت أقِل أدبي الإسفيري والتسجيل كان عبارة عن بوفيه مفتوح!
صراحة كدة
كان القميص الشادّيهُ دة ما مقاسي!
قلت! يا واد يا ياسين بطِّل عوارة و ألبس ليك حاجة قدرك! وفي الخاطر الحكمة الشقاوية المعروفة لدينا
لِعب الما قدرك بِفِك سدرك!
قُمت تاني شدّيت بلوزة نورا!!
وما طالبني حليفة
لي يوم الليلة
بحاول أكلمك عنك
وعن ناس سودانيز دوت نيت
وعن لياقة حبيبتي و أمي و فردتي ( دومة) لما كانت مركبة مكنة دومة ود حامد
وعن دكتور نصر الدين البرينس و هشام يا زول يا زول وود القبيلة و أمير التبلدي أبنوووووووسي والمجاهد
وعن و عن
ياخي سيبك يا أساسي
Post: #87 Title: Re: ياااااااااااااااااااااااااااااااااااااااااااه ... زمن Author: حبيب نورة Date: 01-21-2010, 02:33 AM Parent: #86
ح أعزمك إنت و المعاك
نانسي
طاعمة و ملحاحة
وياخي سيبك!!
Post: #88 Title: Re: ياااااااااااااااااااااااااااااااااااااااااااه ... زمن Author: حبيب نورة Date: 01-21-2010, 04:21 AM Parent: #87
فيما يبدو
أنني سأضطر مجبراً علي رفعِ البوست
Post: #89 Title: Re: ياااااااااااااااااااااااااااااااااااااااااااه ... زمن Author: ناذر محمد الخليفة Date: 01-21-2010, 07:29 AM Parent: #88
يا أساسي ..
في بوست إنت كتبتو وأنا فتشت ليهو في مكتبتك وما لقيتو ..!!
إسمو (تراجي .. تراجي) أو حاجة بالشكل دا .. أظنك كسرت فيهو تلج ليها أول ما جات المنبر وقلت إنو تراجي إسم جميل ..!
إتذكرتو ؟!!
البوست دا بيهمني جدا لأني متذكر أنا إتشالقت ودخلت رحبت بي تراجي قامت قالت لي أنا جيت المنبر دا عشانك (يعني نظام جيت أادبك) وكدة ...!
بالله شوف لينا البوست دا غاتس في ياتو إرشيف ,,,!
Post: #90 Title: Re: ياااااااااااااااااااااااااااااااااااااااااااه ... زمن Author: bob Date: 01-21-2010, 07:35 AM Parent: #89
احن الى تلك الايام.. ايام ال chat وكل القرنتى الجميل!
ــــــــــــــــــــــ مشتاقين يا رومانسى
Post: #91 Title: Re: ياااااااااااااااااااااااااااااااااااااااااااه ... زمن Author: اساسي Date: 01-21-2010, 09:35 AM Parent: #89
Quote: عارف يااستاذ حمور البوست دا ذكرني قصة النسوان لمن يزعلن من بعضهم تقوم الواحدة تصر ليك الكلام في جواها , وفي اقرب ملف تجيبوا ليها بصورة
الزولة دى شتره ولا بتخيل لى ..!!
-------
الشمكلة انو عدد الفارات فى الوست دا ما عدد طبيعى
Post: #98 Title: Re: ياااااااااااااااااااااااااااااااااااااااااااه ... زمن Author: عبدالوهاب علي الحاج Date: 03-05-2010, 04:32 PM Parent: #97
Quote: هذا ما تبدو عليه الاشياء
ياعمك .....
_____ العبرة خنقتني ماقدرت اتم باقي الكلام
Post: #100 Title: Re: ياااااااااااااااااااااااااااااااااااااااااااه ... زمن Author: khaleel Date: 03-06-2010, 07:31 AM Parent: #98
وما فضل غير اغنياتي
فيها اكتب ذكرياتي
واعتبر حبك حكاية
اساسي يا حبيبو
الذكريات تثير قلبي لوعة
فعلام تضحك في سمائك يا قمر
Post: #101 Title: Re: ياااااااااااااااااااااااااااااااااااااااااااه ... زمن Author: جعفر محي الدين Date: 03-06-2010, 11:03 AM Parent: #100
العزيز أساسي المنبر بقى زحمة شديدة ... اليوم أول مرة أشوف البوست دا بالجد محتاجين لكتابات زي دي عشان نعرف أساطين البورد كويس أنا سبق وسجلت في هذا المنبر تقريبا 2004 وبدأت الإطلاع والمشاركة الفعلية لكن سرعان ما ضاع الباسوورد ومرت سنوات أربع وأنا أكتب لبكري استعلام وتجيني كلمة مرور وما أقدر أدخل إمكن في ذكرياتك دي نشوف ذكرياتنا سأكون من المتابعين اللصيقين لهذا الخيط فبدايته تبشر بمعلومات وافية عن المنبر نرجو أن تداوم على رفده بذكرياتك الإسفيرية كما نرجو من قدامي اللاعبين المشاركة كذلك ...
Post: #102 Title: Re: ياااااااااااااااااااااااااااااااااااااااااااه ... زمن Author: بت قضيم Date: 03-06-2010, 11:31 AM Parent: #101
اساسي ما رديت عليا
Post: #103 Title: Re: ياااااااااااااااااااااااااااااااااااااااااااه ... زمن Author: saadeldin abdelrahman Date: 03-24-2010, 04:49 AM Parent: #100
Quote: هذا ما تبدو عليه الاشياء
يبدو أن هذا اعتراف متأخر.
Post: #104 Title: Re: ياااااااااااااااااااااااااااااااااااااااااااه ... زمن Author: tmbis Date: 03-24-2010, 07:06 AM Parent: #103
مسكيــن جدا .. اعتقد إنك وصلت مرحلة رفع البوستات بي نفسك ..
والله أنا أكتب بوست زي دا (ناس بيتنا) غالبــا(ينفضوني) ـــــ
