Post: #1 Title: يا أبو ساندرا تعال شوف سوادنيي الدوحة المتضهبين بتاعين (الملح) والماعندهم برنامج ... صور وفيديو Author: معتز القريش Date: 01-12-2010, 08:11 AM Parent: #0
كنت يا أبو ساندرا قد كتبت في بوست هجو الأقرع بتاع احتفال الجالية بقطر بعيد الاستقلال ال 54 ما يلي :
Quote: الإقبال الجماهيري معقول فالناس هنا تفتش عن مايزيل الملل عنها وتقبل على الإحتفالات ، خاصة لو كانت مجانية ، زرافات و وحدانا فهو برنامج وإحتفال مجاني لايكلف غير مشوار الطريق للبعيد
وقد رددت أنا عليك (اليوم) صباحا بعد حفل الأمس (الاثنين) الحفل الثاني الذي اقامته الجالية السودانية بمناسبة عيد الاستقلال
سلام يا أبو ماهيتاب المعروف هنا بـ(أبو ساندرا)
سبحان الله يا مستنيرين سبحان الله في اهانتكم للشعب السوداني هسي يا أبو ماهيتاب الناس الجو ديل كلهم ما عندهم موضوع ولا عندهم برنامج ولا عارفين يمشو وين عشان كدا كان حضورهم بالكثافة دي ؟ مافي أي عشرة ولا عشرين جايين مخصوص عشان يحتفلوا بعيد الاستقلال ناس ما عندهم وطنية والله ... جايين ساي تقضية وقت وعدم موضوع وجفاف ترفيه
بعدين يا أخوي كمان طلعتهم بتاعين (ملح) يعني عشان انت ربنا فاتحا عليك تقوم تستهزئ بالمساكين المفلسين الحضروا الاحتفال عشان هو مجان (ملح) يعني واحتمال كبير المشوار ذاتو ما يكون كلفهم ريالين بتاعة بص (كروة) احتمال كبير يكون كلهم جو راكبين بنظام (يا عم)
الوطنية سحبتها من الآلاف الحضروا ديل كللللهم واحتفظتوا بيها انتو ؟؟
سبحان الله ثم سبحان الله
هسة بعد كلامك دا أنا كان عندي (مليون) صوت انتخابي ولا اصواتي قايمة من بيتي في أبو نخلة لغاية خور العديد بديكم منها صوت ...؟؟؟
Post: #2 Title: Re: يا أبو ساندرا تعال شوف سوادنيي الدوحة المتضهبين بتاعين (الملح) والماعندهم برنامج ... صور وف Author: معتز القريش Date: 01-12-2010, 08:16 AM Parent: #1
أها يا الحبيب أمس كان يوم الاثنين ... يعني (نص) الاسبوع بالتمام والكمال المدارس شغاااالة والدوام الرسمي شغااال والجو برد وبرد شديد كمان والاحتفال كان في المدرسة الهندية هناااااك في أبو هامور (يعني في آخر الدنيا)
لاهو يوم خروج من المنازل ولا هو يوم ترفيه
يلا تعال النوريك الناس الحضروا الاحتفال بالصور والفيديو ...
بس لوك الصبر معاي شوية عشان الموضوع محتاج تجهير
Post: #3 Title: Re: يا أبو ساندرا تعال شوف سوادنيي الدوحة المتضهبين بتاعين (الملح) والماعندهم برنامج ... صور وف Author: معتز القريش Date: 01-12-2010, 08:50 AM Parent: #2
Post: #4 Title: Re: يا أبو ساندرا تعال شوف سوادنيي الدوحة المتضهبين بتاعين (الملح) والماعندهم برنامج ... صور وف Author: معتز القريش Date: 01-12-2010, 09:07 AM Parent: #3
ديل كلهم ما عندهم موضوع وما عندهم مكان يمشوا يفرقوا فيه وما عندهم مدارس ولا عندهم شغل غير مباراة حفلات الجالية وغيرها من الحفلات ال (الملح)
Post: #5 Title: Re: يا أبو ساندرا تعال شوف سوادنيي الدوحة المتضهبين بتاعين (الملح) والماعندهم برنامج ... صور وف Author: هجو الأقرع Date: 01-12-2010, 09:16 AM Parent: #4
ابو الزفت ، المدرسة الهندية كمان ، شغلك نضيف ، غايتوانت بقيت زى جمال الوالى للهلالاب كل يوم ممغس ليهم . عليك الله اخونا ابوساندرا شوية شوية عليهو انا ما دايرو يقعد كتير على الجهاز ، صحة عيونو اهم شىْء بالنسبة لينا.
Post: #6 Title: Re: يا أبو ساندرا تعال شوف سوادنيي الدوحة المتضهبين بتاعين (الملح) والماعندهم برنامج ... صور وف Author: معتز القريش Date: 01-12-2010, 09:33 AM Parent: #5
Quote: ابو الزفت ، المدرسة الهندية كمان ، شغلك نضيف ، غايتوانت بقيت زى جمال الوالى للهلالاب كل يوم ممغس ليهم . عليك الله اخونا ابوساندرا شوية شوية عليهو انا ما دايرو يقعد كتير على الجهاز ، صحة عيونو اهم شىْء بالنسبة لينا.
ود عمي الكلس كيفنك
أول حاجة سجلت ليك جزء من أغنية جعلية غنوها ناس تيراب ثاني حاجة ... يوم الجمعة كمان في أصدقاء البيئة (الحفل الثالث) ... رش شديد .. أحييي يا عوضية عشان الماحضر يوم الجمعة الفاتت ولا يوم الاثنين الفات يحضر ... ما بحبو (الملح) وما عندهم برنامج هههه
أما صاحبك أبو ساندرا والله كلامو شين في حق السودانيين أها قلنا نوريهو شوية شوية عشان كمان يعرف يقدر وطنية الناس ومقدرين مشكلة العيون
Post: #7 Title: Re: يا أبو ساندرا تعال شوف سوادنيي الدوحة المتضهبين بتاعين (الملح) والماعندهم برنامج ... صور وف Author: ebrahim_ali Date: 01-12-2010, 09:41 AM Parent: #5
تحياتي شنو الخيانات البتعملوا فيها دا يا معتز حفل ما عندنا خبرو إلا بعد أنصاص الليالي وخبر عاجل في منبر الأحرار يعني لو كان عملتو ليهو حبة دعاية ومزيكة وملصق ملصقين في مطاعم السودانين في الدوحة كان المدرسة دي واطتها اصبحت واستعنت بالقوات الخاصة ليكم حق ... مشكور على الصور وياريت المزيد ومع الفيديو
Post: #8 Title: Re: يا أبو ساندرا تعال شوف سوادنيي الدوحة المتضهبين بتاعين (الملح) والماعندهم برنامج ... صور وف Author: معتز القريش Date: 01-12-2010, 10:55 AM Parent: #7
والله يا ابراهيم على أنا ذاتي عرفت متأخر وبعدين يا فردة هو فضل مطاعم سودانية ما كلها هرسوها خلاص
ما تحزن يا صاحب .. تعال يوم الجمعة في أصدقاء البيئة من بدري عشان الصالة محدودة وأكيد ناس (الملح) ما بخلو ليك مكان
Post: #9 Title: Re: يا أبو ساندرا تعال شوف سوادنيي الدوحة المتضهبين بتاعين (الملح) والماعندهم برنامج ... صور وف Author: محمد طه الحبر Date: 01-12-2010, 11:07 AM Parent: #8
معتز
ابو ساندرا بيجيك هسه بقول ليك
انا لو جيتك ببول ليك في راسك
زي ماقال لي زول
Post: #10 Title: Re: يا أبو ساندرا تعال شوف سوادنيي الدوحة المتضهبين بتاعين (الملح) والماعندهم برنامج ... صور وف Author: د.نجاة محمود Date: 01-12-2010, 12:07 PM Parent: #9
دكتور بركات ما جعيص يا معتز
الملح بجيب ليه طالضغطي" ياخي..
الاساءات المجانية دي ياها شغلتو الاساسية
Post: #12 Title: Re: يا أبو ساندرا تعال شوف سوادنيي الدوحة المتضهبين بتاعين (الملح) والماعندهم برنامج ... صور وف Author: معتز القريش Date: 01-12-2010, 04:48 PM Parent: #10
Quote: دكتور بركات ما جعيص يا معتز
الملح بجيب ليه طالضغطي" ياخي..
الاساءات المجانية دي ياها شغلتو الاساسية
كيفك يا دكتور وعنك طيبة
يا ختي الاساءات الشخصية ن تو ون ما فيها مشكلة بتنحل بين الاتنين ون تو ون لكن الاساءة لجالية كااااملة دا ياهو الغلط ذاتو
الزول دا طلّع الجالية السودانية في قطر كلهم رمتالة وبتاعين ملح وما عندهم شغلة غير مباراة الحفلات والاحتفالات المجانية
انا لله
Post: #11 Title: Re: يا أبو ساندرا تعال شوف سوادنيي الدوحة المتضهبين بتاعين (الملح) والماعندهم برنامج ... صور وف Author: haroon diyab Date: 01-12-2010, 04:08 PM Parent: #9
ياود الحبر
ياخى مافي داعي للمشاترة والكلام ده....!!!!!
Quote: معتز
ابو ساندرا بيجيك هسه بقول ليك
انا لو جيتك ببول ليك في راسك
زي ماقال لي زول
انا لله
Post: #13 Title: Re: يا أبو ساندرا تعال شوف سوادنيي الدوحة المتضهبين بتاعين (الملح) والماعندهم برنامج ... صور وف Author: معتز القريش Date: 01-12-2010, 08:51 PM Parent: #11
ديل كلهم يا ابو ساندرا ما عندهم موضوع وبحبو الملح زي عيونهم عشان كدا منطربين لأغنية (أنا افريقي انا سوداني)
وجاييك بالفيدو عشان يمكن ما تصدقني
عالم وهم ما عندهم وطنية بتعريفة
Post: #14 Title: Re: يا أبو ساندرا تعال شوف سوادنيي الدوحة المتضهبين بتاعين (الملح) والماعندهم برنامج ... صور وف Author: معتز القريش Date: 01-12-2010, 09:41 PM Parent: #13
بالله عليك يا ابو ساندرا دا شعب تقول عليهو رمتالي وبتاع ملح بالله شوف الناس ديل بحبو السودان دا كيف شوف حتى النساء في الخلف وقفن على طولن وهن فخورات بخالد الصحافة وهو يحكي ما بداخلهن
أنا افريقي أنا ســــــــــــوداني
بالله ديل ناس جايين عشان الملح ولا عشان ما عنهم برنامج
Post: #15 Title: Re: يا أبو ساندرا تعال شوف سوادنيي الدوحة المتضهبين بتاعين (الملح) والماعندهم برنامج ... صور وف Author: أبو ساندرا Date: 01-12-2010, 10:13 PM Parent: #14
معتز يا مستهبل شايفك اليومين ديل عاصر شديد على حضرتنا مرة تتسدى لصاحبك أبوجهل ومرة تفسر كلامي على حسب رغبتك
عايز تفض التحالف واللا خبارك ؟
في الأول حرمتنا من رسالة الفجر ودي عفيناك منها ، عشان كانت شدة وبتزول وغالبآ اليومين ديل بعد ما تكتل الحفلات الملح وتسهر ، بتغلبك قومة الفجر اها دي أول سيئات حفلة اصحابك الفرحان بيها
وتاني حاجة ، شايفك حنيت لعهد الدواس
يا زول شوف ليك زول غيري موضوعك ده مابيخارج معاي
فالجماهير نحن منها واليها نحترمها و نوقرها ولم تكن في كلامي شبهة إساءة بقدر ماهي الحقيقة
حسي في ذمتك شفت ليك هناك أي ثلاثة من : القانونيين الأطباء الصيادلة الزراعيين المهندسين ( اوعك تحسب لي فلان معاهم ) اساتذة الجامعات ( برضو ماتحسب لي بتاع جامعة سنار داك )
دي طبعآ مانبرة تعالي لكن عايز اذكرك فئات مهمة جدآ من رموز المجتمع هنا ( اتوقعك تعصلج لي في الحتة دي ) العندهم حضور قوي في تفاصيل العمل والنشاط هنا
ومن ناحية أخرى ايام الترفيه التي أعدتها الجالية جناح الكيزان وأنفقت فيها اموال طائلة سيأتي يوم حسابها
مش كان احسن تكون في دحل الحمام؟
نقطة اخيرة عدد الحاضرين الذين صورتهم كم يا معتز وماهي نسبته من عددية الجالية البالغة 30 الف
Post: #16 Title: Re: يا أبو ساندرا تعال شوف سوادنيي الدوحة المتضهبين بتاعين (الملح) والماعندهم برنامج ... صور وف Author: معتز القريش Date: 01-12-2010, 10:20 PM Parent: #15
Quote: معتز يا مستهبل شايفك اليومين ديل عاصر شديد على حضرتنا مرة تتسدى لصاحبك أبوجهل ومرة تفسر كلامي على حسب رغبتك
عايز تفض التحالف واللا خبارك ؟
في الأول حرمتنا من رسالة الفجر ودي عفيناك منها ، عشان كانت شدة وبتزول وغالبآ اليومين ديل بعد ما تكتل الحفلات الملح وتسهر ، بتغلبك قومة الفجر اها دي أول سيئات حفلة اصحابك الفرحان بيها
وتاني حاجة ، شايفك حنيت لعهد الدواس
يا زول شوف ليك زول غيري موضوعك ده مابيخارج معاي
فالجماهير نحن منها واليها نحترمها و نوقرها ولم تكن في كلامي شبهة إساءة بقدر ماهي الحقيقة
حسي في ذمتك شفت ليك هناك أي ثلاثة من : القانونيين الأطباء الصيادلة الزراعيين المهندسين ( اوعك تحسب لي فلان معاهم ) اساتذة الجامعات ( برضو ماتحسب لي بتاع جامعة سنار داك )
دي طبعآ مانبرة تعالي لكن عايز اذكرك فئات مهمة جدآ من رموز المجتمع هنا ( اتوقعك تعصلج لي في الحتة دي ) العندهم حضور قوي في تفاصيل العمل والنشاط هنا
ومن ناحية أخرى ايام الترفيه التي أعدتها الجالية جناح الكيزان وأنفقت فيها اموال طائلة سيأتي يوم حسابها
مش كان احسن تكون في دحل الحمام؟
نقطة اخيرة عدد الحاضرين الذين صورتهم كم يا معتز وماهي نسبته من عددية الجالية البالغة 30 الف
لغاية بكرة يا ابو ماهيتاب هسة أنا نعست والليل أليل
تصبح على خير وابقى عشرة على الفجر بحفظك ... صدقني بحفظك
Post: #17 Title: Re: يا أبو ساندرا تعال شوف سوادنيي الدوحة المتضهبين بتاعين (الملح) والماعندهم برنامج ... صور وف Author: معتز القريش Date: 01-14-2010, 06:14 AM Parent: #16
Post: #18 Title: Re: يا أبو ساندرا تعال شوف سوادنيي الدوحة المتضهبين بتاعين (الملح) والماعندهم برنامج ... صور وف Author: معتز القريش Date: 01-14-2010, 01:42 PM Parent: #17
مجموعة أخرى من الرمتالة عديمي الموضوع بتاعين الملح
Post: #19 Title: Re: يا أبو ساندرا تعال شوف سوادنيي الدوحة المتضهبين بتاعين (الملح) والماعندهم برنامج ... صور وف Author: عمرو علي Date: 01-21-2010, 08:58 AM Parent: #18
