Post: #1 Title: ART VS ALJAZEERA Author: فيصل نوبي Date: 01-12-2010, 06:23 AM
دخلنا في حيص بيص بعد تجديد الإشتراكـ في قنوات راديو و تلفزيون العرب كان دوري أبطال أفريقيا لا يزال في مرحلة دوري الثمانية و الأمل يحبونا بتتويج الكأس قررت و بكامل أهليتي تجديد الإشتراكـ بالمبلغ الذي تحدده شبكة راديو و تلفزيون العرب و في الاسبوعين التاليين لتجديد الإشتراكـ تناقل البعض خبر بيع القناة .. فاذا بنا قاعدين في السهلة من أول يناير ( أو هذا ما ظننته ) كنت أمتلكـ إشتراكـ في قنوات الجزيرة الرياضية أيضاً (يحوي القناتين الاولي و الثانية) بمبلغ زهيد مقارنة بإشتراكـ ART مع بداية دوري أمم أفريقيا بدأت أتفقد الإشتراكات و خاصة أنني من غير المتابعين لما تحويه قنوات الـ ART من أفلام أو مسلسلات و كل همي هو القنوات الرياضية فاذا بي أفاجاء بعدم وجود القنوات الست الرياضية !! إتصلت هاتفياً و دلني الموظف مشكوراً أن بإمكاني مشاهدة قنوات الجزيرة الرياضية علي نفس التردد لقنوات الـ ART بعد إعادة البرمجة حصلت علي القنوات من الاولي و حتي الثامنة و إرتحت نوعاً ما مع أن الشككـ لا زال يراودني ... بدأت البحث عن القنوات التي تبث الدوري و اذا بي أفاجاء أنها التاسعة و العاشرة من الجزيرة الرياضية !! إتصلت مرة أخري علي موظفي الـ ART و اذا به يفاجئني بأنه في حال رغبتي في مشاهدة القناتين علي بالاشتراكـ في الجزيرة الرياضية لأنهم لا يملكون إشتراكـ هاتان القناتان .. و ماذا عن المبلغ الذي يفوق الثلاثمائة دولار المدفوعة ؟ ليرد و يقول نحن عبد المأمور و هذه قوانين القناة الحالية .. إتصلت علي قناة الجزيرة الرياضية بالدوحة للإستسفار عن تجديد الإشتراكـ و دلني الموظف مشكوراً علي الموقع و الأسعار توكلت علي الله و جددت إشتراكـ الجزيرة الرياضية بمبلغ سبعة و ستون دولار فقط لا غير للقنوات العشر كاملة !!
_ فهل هذا من العدل !!
Post: #2 Title: Re: ART VS ALJAZEERA Author: walid taha Date: 01-12-2010, 06:36 AM Parent: #1
بعيداً عن موضوع البوست
أووو نوبي إزاى الحال
Post: #3 Title: Re: ART VS ALJAZEERA Author: محمد عبد الماجد الصايم Date: 01-12-2010, 06:38 AM Parent: #2
ياخ إنت من زمن بجددو الكروت!! ما سمعت بالدريم بوكس ولا شنــو؟؟
__ أزي الحال برضو!
Post: #4 Title: Re: ART VS ALJAZEERA Author: فيصل نوبي Date: 01-12-2010, 07:07 AM Parent: #3
وليد سلامات أخوكـ قاعد في الدنيا الزائلة دي .. ربكـ يهون
_ إن شاء الله إنت بخير !
ود الصايم ياخ دريم بوكس بتاع حنانكـ ! أخوكـ ما مقتنع بالحنكـ البيش بتاع السرقة ده و في النهاية برضو الدريم بوكس عندو إشتراكـ و برضو ح تدفع ! أخير لينا بالدرب العديل
Post: #5 Title: Re: ART VS ALJAZEERA Author: smart_ana2001 Date: 01-12-2010, 07:24 AM Parent: #4
ازيك يا نوبي بالله يتصرفوا القروش دي كلها علي الكورة......ما شا الله
Post: #6 Title: Re: ART VS ALJAZEERA Author: Al Sunda Date: 01-12-2010, 08:06 AM Parent: #5
Quote: توكلت علي الله و جددت إشتراكـ الجزيرة الرياضية بمبلغ سبعة و ستون دولار فقط لا غير للقنوات العشر كاملة !!
يا نوبي الحالة ون ( بس الفرق نحن صرفنا فلوس شوية لكرت ال ART عشان كان من السودان) المهم وين جددت ؟ انا لي مدة باحاول اجدد وكل مرة بيقولو مافي بطاقات ؟؟؟ مش غريبة يكون في سوق اسود في الامارات برضه؟
Post: #7 Title: Re: ART VS ALJAZEERA Author: فيصل نوبي Date: 01-12-2010, 08:14 AM Parent: #6
_ لا سوق أسود لا بطيخ و السوق الاسود ده كرهنا الاشتراكات و نعمل جاهدين علي محاربته. أي إستفسار جاهزين يا حبيب.
Post: #8 Title: Re: ART VS ALJAZEERA Author: فيصل نوبي Date: 01-12-2010, 08:19 AM Parent: #5
سمارتي مشتاقين يا صديقة إن شاء الله مبسوطه بهناكـ .. ياخ الكورة دي كان ما هي ما كان قعدنا في البيت !! عارفه نحن نعتبر أحسن حالاً من كثيرين لأننا بنتفرج لا بنمشي قهاوي لا إستادات في ناس عيانين شديد و بيقطعو تذاكر سفر و تذاكر إستادات و حاجات كتيره تاني ياخ .. بعدين ياخ قروش الـ ART دي ما قاعدين نقسمها مع الحريم في البيت .. السنة كلها مقالعننا في الافلام و السينما العربية !!
_ ما قربتو ترجعو لسه !
Post: #9 Title: Re: ART VS ALJAZEERA Author: محمد عبد الماجد الصايم Date: 01-12-2010, 08:54 AM Parent: #8
سرقة شنو يا نوبي ياخ! ما تبالغ يا عمكـ!! ما ياهو رسيفر زيو وزي أي رسيفر تاني موجود في السوق! تدفع قروش .. تركب .. تستمع .. وانتهى الموضوع الرسيفر يسرق .. يقالع .. يمش يضارب ناس الآرتي براهو! أنا كل العلي أقعد في البيت أولع شيشة وأنتظروا بس!!
الأنجض من نجيضتكـ: في نوع جديد اسمو The Crow .. منقة بس! ممكن أرسل ليك الفني لحدي عندكـ يخلص الموضوع وتديهو النجيضة!! بكلف حوالي 700 إلى 750 ريال في السعودية!
Post: #10 Title: Re: ART VS ALJAZEERA Author: Maawya Hussein Date: 01-12-2010, 10:37 AM Parent: #9
الموضوع بالجد فيهو استغلال من قناة الجزيره الرياضيه ..الاي ار تي معلنه قبل فتره وحتي الان في موقعها الرسمي انها ناقله لبطوله امم افريقيا علي هذا الاساس ناس كتيره اشترت كروت الاي ار تي ..لكن بعد بيع القناة تفاجأ الجميع بان الجزيره الرياضيه حصرت البث علي قناتي 9 و10 المشفرات !!يعني لازم اشتري كرت الجزيره لاشاهد البطوله الافريقيه !!دي حرمنه من ناس الجزيره
Post: #11 Title: Re: ART VS ALJAZEERA Author: Al Sunda Date: 01-12-2010, 10:53 AM Parent: #10
يا معاوية ما تظلم ناس الجزيرة المشكلة في ال ART وقد كانوا على علم بخطوات البيع ورغم ذلك لم توقف الشركة الاعلان واستمرت في بيع البطاقات وشوف اعتذار الجزيرة للمصريين
Quote: وأضاف "تجسيداً لرغبتنا في تقريب البطولة إلى أكبر عدد من المشاهدين في كامل أرجاء الوطن العربي الكبير، لم يتم فرض أية رسوم إضافية على قناتي +9 و+10 اللتين تنقلان مباريات البطولة، رغم أن الاشتراك الأوليّ لا يشمل القنوات الجديدة، بل إن الجزيرة الرياضية كان بودها نقل المباريات على قنواتها غير المشفرة، لولا القيود القانونية المفروضة من طرف الشركات مالكة الحقوق".
Post: #15 Title: Re: ART VS ALJAZEERA Author: Maawya Hussein Date: 01-12-2010, 11:15 AM Parent: #11
سلام يا السوندا
عندي سؤال قنوات 9 و10 انشات خصيصيا للبطوله الافريقيه ولا اصلا قنوات كانت موجوده !!؟ لو اصلا قنوات كانت موجوده وانت اشتريت زبائن الاي ار تي فما من حقك تشفر اي قناة من قنواتك ..لاني بي كرتي القديم كنت بشاهد اي بطوله معلنه وانت جيت حرمتني منها عشان ادفه ليك ...الرد الفوق دا لانو الجزيره ضاعفت سعر البث للقناة المصريه اضعاف الكان متفق مع الاي ار تي وارغمت المصرين علي شراء كرت الجزيره لمشاهدة البطوله
Post: #12 Title: Re: ART VS ALJAZEERA Author: Rihab Khalifa Date: 01-12-2010, 10:54 AM Parent: #10
يا فيصل دايرة اتضامن معاك، لكن ما قادرة، اعفي لي :)
---------- اهاا، الجابني انه لقيتك انت و معاوية، سؤال تقني، و اسفة لخربطة البوست، انا لمن اعمل صورة بروفايل، بورد بكري ده ببشتنها و يمطها و يكبرها ليه؟ في حل تفتكرو ولا يفتح الله لمن هو يفتح قصة الابلودينج في سودانيز
Post: #14 Title: Re: ART VS ALJAZEERA Author: Maawya Hussein Date: 01-12-2010, 11:09 AM Parent: #12
سلام يارحاب
تقريبا الموقع بصغر كل صور البروفايل اتوماتيك لي 90px × 100px (scaled to 140px × 170px) فانتي قبل ما تختي صورتك اضبطيها علي الاحجام دي زلا ختيها هنا بي الحجم الطبيعي اصغرا ليك
Post: #16 Title: Re: ART VS ALJAZEERA Author: Rihab Khalifa Date: 01-12-2010, 11:23 AM Parent: #14
يا سلاام عليك يا معاوية :) الف شكر علي المساعدة، انا بعت ليك لنكها علي البريد الداخلي، بخاف يبشتني فيصل كان ختيتها هنا ما عارفة حكاية الكورة دي تكون مؤثرة عليه قدر شنو، لوول
Post: #17 Title: Re: ART VS ALJAZEERA Author: Maawya Hussein Date: 01-12-2010, 11:37 AM Parent: #16
علي نوبي هينه ..فكاها فينا ومشي خلاص
Post: #23 Title: Re: ART VS ALJAZEERA Author: Rihab Khalifa Date: 01-12-2010, 12:05 PM Parent: #17
merci :) a bunch
Post: #13 Title: Re: ART VS ALJAZEERA Author: عثمان الخير Date: 01-12-2010, 11:02 AM Parent: #9
العزيز نوبي
ياأخي ناس ال ART ديل ربك رب الخير فكانا منهم , ديل فيهم كمية من الجشع ما عادية.
انا مشترك معاهم من عام 2006 وبجدد بشكل منتظم وكل مرة القى الاسعار مختلفة حسب ظروف البطولات
العالمية , لكن اخر مرة ذهبت اليهم للتجديد فوجئت بالمبلغ المطلوب فحلفت ما أجدد ورفعت أمري الي
الله خصوصآ وقتها مباريات الهلال الافريقية كانت على اشدها , وهاك يا مساسكة بين الاستراحات والمقاهي
وانا أكره ما اكره الاستراحات وريحة الشيشة والدخان... المهم خبر شرائها ده وقع علينا بردآ وسلامآ
وبعدها جددت مع الجزيرة والان آخر حلاوة...
Post: #18 Title: Re: ART VS ALJAZEERA Author: هيثم درار Date: 01-12-2010, 11:42 AM Parent: #9
Quote: في نوع جديد اسمو The Crow .. منقة بس! ممكن أرسل ليك الفني لحدي عندكـ يخلص الموضوع وتديهو النجيضة!! بكلف حوالي 700 إلى 750 ريال في السعودية!
بالله بقى بى 750 ريال؟؟ والله هسى قبل العيد بى اسبوعين كان بى 550 مع التركيب كمان ومعاهو بوسة من البنغالى انا خايف لحدى البطولة دى ما تنتهى يعمل 1000 ريال غايتو الما لحق اشتراهو يجرى يمشى يشتريهو لانو شى روعة خالص اوعك من يقطع
Post: #19 Title: Re: ART VS ALJAZEERA Author: محمد عبد الماجد الصايم Date: 01-12-2010, 11:55 AM Parent: #18
Quote: ومعاهو بوسة من البنغالى
هيثم العريس .. أخباركـ يا مان ووين قاطع أها يا عمكـ .. بوست البنغالي دي بديهو ميتين ريال عشان ما يجي جمبي زاتو!
القطع ما مشكلة يا حبيب .. بتعمل أبقريت السرور كلها 30 ولا 20 ريال ما عارف والأمــور ترجع زي ما هي!
أنا جبت الجهاز ليهو فترة عندي من زمن كان بألف وشوية قبل يومين واحد من أصحابي جابو بالمبلغ دا!!
________ متعة المتعة عديييييييل!
Post: #20 Title: Re: ART VS ALJAZEERA Author: ادريس خليفة علم الهدي Date: 01-12-2010, 11:59 AM Parent: #19
يا ود الصايم
أمس في قناة دريم الجماعة زعلانين من ارتفاع اسعار الجزيرة(حق النقل التلفزيوني ) قاموا جابوا ليهم مفتي قال سرقة القنوات الزي دي حلال لأنوا الاحتكار حرام !!!!!!
Post: #21 Title: Re: ART VS ALJAZEERA Author: محمد عبد الماجد الصايم Date: 01-12-2010, 12:02 PM Parent: #20
تمام يا وزير الري يعني كـدا مرقنا منها!
Post: #22 Title: Re: ART VS ALJAZEERA Author: ادريس خليفة علم الهدي Date: 01-12-2010, 12:04 PM Parent: #21
وكان قطع عندك ما عليك الا الاتصال وسوف نمدكم بكيفية تحديثه
خدمات مجانية
Post: #24 Title: Re: ART VS ALJAZEERA Author: عصام علي أحمد Date: 01-12-2010, 12:20 PM Parent: #22
Quote: بالله بقى بى 750 ريال؟؟ والله هسى قبل العيد بى اسبوعين كان بى 550 مع التركيب كمان ومعاهو بوسة من البنغالى
يا هيثم ماتنسي ودالصايم بياخد عمولة 250 ريال بدون بوسة البنغالي
Post: #26 Title: Re: ART VS ALJAZEERA Author: فيصل نوبي Date: 01-12-2010, 12:29 PM Parent: #24
سلام يا شباب لحدي ما نجيكم راجعين أخوكم مع الرأي بتاع إنه اللوم يقع علي الـ ART و ليس علي الجزيرة يعني مفروض الـ ART تقلع حقوق مشتركيها من الجزيرة لأنه نحن ما عندنا كلام مع الجزيرة باعونا من ضمن البيعة عن شخصي الضعيف لو كنت عارف الصفقة دي ما كان جددت مع ناس الـ ART.
_ غايتو حرامي القنوات بتاع ود الصايم ده ما بينفع معاي ما عندي أخلاق لي قطع و رجع و قطع و رجع القصة دي أمسكـ لي و أقطع ليكـ.
Post: #25 Title: Re: ART VS ALJAZEERA Author: عصام علي أحمد Date: 01-12-2010, 12:25 PM Parent: #22
يانوبي حارق دمك في شنو !
خلي ودالصايم يرسل لينا رسيفرين من النوع الخطير وبعد ماتصل الرسيفرات بعدين نحول ليهو القروش ودالصايم ما مضمون
Post: #27 Title: Re: ART VS ALJAZEERA Author: abuguta Date: 01-12-2010, 12:55 PM Parent: #25
سلام ياسباب
ود الصائم ,,تعال ياخوى ركب لى الريسفر بسعر الخوة,,,,منها نتعرف على بعض
والنجيضة
العشاء على ,,,وما عليك غير اختيار المطعم الريم,,,,التيسير,,,التركى,,الافندى
شقتى بين هذه المطاعم
تحياتى
Post: #28 Title: Re: ART VS ALJAZEERA Author: smart_ana2001 Date: 01-12-2010, 04:29 PM Parent: #27
خلاص ما تزعل يا نوبى...."مشاهدة ممتعةتنا" ذى ما بيقولوا.. ______________________________________________________ رجعنا..و لما جينا مارين بحلتكم الساعة كانت 2 صباحا...و الساعة 6 صباحا (بعد 4 ساعات تلتله من مطار لفندق لمطار) شدينا الرحال لحلتنا.
Post: #29 Title: Re: ART VS ALJAZEERA Author: Maawya Hussein Date: 01-12-2010, 10:00 PM Parent: #28
مباراتا مصر وتونس على القناة المفتوحة
أعلن السيد ناصر بن غانم الخليفي المدير العام لقناة الجزيرة الرياضية، أن القناة ستنقل مباراة مصر ونيجيريا ضمن الدور الأول من بطولة كأس أمم أفريقيا 2010 مساء اليوم الثلاثاء على الهواء مباشرة في تمام الساعة السابعة بتوقيت مكة المكرمة على الجزيرة الرياضية 2 المفتوحة، على القمر الصناعي "نايل سات" (تردد 12284 عمودي)، وذلك حرصاً منها على إرضاء المشاهد العربي، وبعد أن تم أخذ الموافقة من الجهة المالكة لحقوق البطولة. كما ستنقل الجزيرة الرياضية 2 على نفس التردد مباراة زامبيا وتونس مساء يوم غد الأربعاء في تمام الساعة التاسعة والنصف بتوقيت مكة المكرمة
_________
صدقوني ناس الجزيره المستنكحين .
Post: #30 Title: Re: ART VS ALJAZEERA Author: فيصل نوبي Date: 01-13-2010, 10:12 AM Parent: #29
يا معاوية ياخ ناس الجزيرة ما مستنكحين ولا حاجة يعني شنو مباراتي مصر و تونس علي القنوات المفتوحة و بقية المباريات مغلقة ! مفروض بقية الفرق و خاصة (الجزائر) تعمل مقاطعة أو حركة في شكل هدف ! الموضوع ده محتاج إعادة نظر شديد .. و ناس الـ ART واقفين يتفرجو ! نحن ذنبنا شنو ندفع ليهم قروش وما ينقلو لينا كورة (الجزائر) !!
_ تمنيت أن تفوز نيجيريا بالأمس.
Post: #31 Title: Re: ART VS ALJAZEERA Author: Maawya Hussein Date: 01-13-2010, 12:12 PM Parent: #30
هو الاستنكاح دا كيف يا نوبي !!
زول يجي يشتري منك حقوق البث علي وعد انو مشتركنك (القُدام) ما يفقدوا حقهم في المشاهده وما حا يفقدوا اي امتيازات لحدي ما كرتهم يخلص ..طيب تجي قبل يومين من انطلاق البطوله تقول لي انت في دي ما معانا الاتشتري !!والسبب شنو انو الشركه الراعيه للب(.........)له طالبه كدا !! دا منطق !! انت طالما اشتريت حقوق البث تاني مافي شركه راعيه عندها حق تقول ليك شفر ولا خلي الناس تتفرج مجان ..حتي القنوات البتقول عليها الجزيره مفتوحه قنوات اصلا ما مجانيه قنوات مشتراة يعني تسمع ناس الجزيره يقولو ليك القنوات المفتوحه تقول دي قنوات متاحه للجميع ..دا استنكاح ولعب بي عقول الناس وبعدين اهتماموم بي المشاهد المصري والتونسي والاعتذارات والتوضيحات كانو مافي زول تاني هامينا
شوف التبريرات والتمليس لمدير القناة
Post: #32 Title: Re: ART VS ALJAZEERA Author: فيصل نوبي Date: 01-13-2010, 12:47 PM Parent: #31
يا معاوية ياخ كدي براحه اول حاجة أمس المباراة كانت منقوله علي القناة المجانية يعني الجزيرة إسبورت 2 و ليس 2+ اها دي واحده يا معاوية بطريقة تانية إنت عندكـ منتدي و بعت لي المنتدي أفرض انا قوانيني علي أعضائكـ و لا أمشي معاهم بقوانينكـ ! اهو ده نفس الشيء إنت ARTو انا الجزيرة ( )
Post: #33 Title: Re: ART VS ALJAZEERA Author: Maawya Hussein Date: 01-13-2010, 01:15 PM Parent: #32
Quote: إنت عندكـ منتدي و بعت لي المنتدي أفرض انا قوانيني علي أعضائكـ و لا أمشي معاهم بقوانينكـ ! اهو ده نفس الشيء إنت ARTو انا الجزيرة (
مفروض ما يكون في فرق في التعامل مشتركي الجزيره متاح ليهم القنوات 9 و10 وانا طالما بقيت مشترك مع الجزيره ما مفروض تتشفر مني القنوات دي وانا اصلا بي اشتراكي القديم مفروض اشاهد البطوله الافريقيه ...الجزيره ما عندهم فكر تجاري ولا فكر تسويقي للمستقبل دايرين يخموا الناس من بطوله واحده وما بفكروا اني بعد كرتي مع الاي ار تي ينتهي اجدد معاهم ولا لا دا غير انهم ما محترمين باقي الشعوب باثين الدوري السعودي بدون مشاكل اعتذارات وبيانات للمصرييين توضيحات للتوانسه ولا عزاء للزولات الطيبين
Post: #34 Title: Re: ART VS ALJAZEERA Author: فيصل نوبي Date: 01-13-2010, 02:10 PM Parent: #33
يا معاوية الجزيرة ما ظلمتكـ لمن تجدد الإشتراكـ معاهم بيديكـ سنة إضافة للمدة المتبقية من إشتراككـ القديم .. حلو !! يعني باقي ليكـ شهرين و جددت الاشتراكـ كرتكـ بيكون صالح لسنة و شهرين . و بمبلغ زهيد جداً مقارنة بما ندفعه للـ ART. نرجع للـ ART ؛ بما إني مشتركـ قديم و دافع مبلغ يساوي أربعة أو خمسة أضعاف إشتراكي مع الجزيرة و بفهم ( ما داير أقول إتفاق لأنه ماف وثائق ثبوتية و دي المشكلة الحالية ) إنه إشتراكي ده عشان أشوف دورات بعينها مفروض هم يجبرو الجزيرة إنه تخلي مشتركيهم ( و الضمير راجع للـ ART ) يشوفو الدوري بإشتراكهم الحالي . لكن الـ ART شغالة بفهم إنكـ كنت مشتركـ في ستة قنوات رياضية و هسي نحن قاعدين نديكـ ثمانية يعني نحن ذوي فضل عليكـ من الآخر كده يا معاوية الـ ART ما قادرة تقلع حق المشتركين بتاعينها ..
_ لا تنسي إنه الـ ART بتفرض عليكـ قنوات إنت ما عايزها عشان الإشتراكـ بتاع الكورة لازم تشتركـ في الباقة الأساسية !!
Post: #35 Title: Re: ART VS ALJAZEERA Author: فيصل نوبي Date: 01-13-2010, 02:24 PM Parent: #34
أعلن السيد ناصر بن غانم الخليفي المدير العام لقناة الجزيرة الرياضية، أن القناة ستنقل مباراة مصر ونيجيريا ضمن الدور الأول من بطولة كأس أمم أفريقيا 2010، على الهواء مباشرة على الجزيرة الرياضية 2 المفتوحة، على القمر الصناعي "نايل سات" (تردد 12284 عمودي)، وذلك حرصاً منها على إرضاء المشاهد العربي، وبعد أن تم أخذ الموافقة من الإتحاد الإفريقي لكرة القدم (الكاف) والجهة المالكة لحقوق البطولة.
كما ستنقل الجزيرة الرياضية 2 على نفس التردد مباراة زامبيا وتونس مساء اليوم الأربعاء في تمام الساعة التاسعة والنصف بتوقيت مكة المكرمة.
Post: #38 Title: Re: ART VS ALJAZEERA Author: فيصل نوبي Date: 01-13-2010, 02:33 PM Parent: #35
شوف الخبر بتاع البيع
الجزيرة تشتري القنوات الرياضية لراديو وتلفزيون العرب كرة القدم - كأس العالم 2010 الخليفي يعلن بث بطولتي كأس العالم 2010 و2014 وكأس إفريقيا 2010 على شبكة القنوات الرياضية القطرية الجزيرة تشتري ART Eurosport الدوحة - أعلن المدير العام لقنوات "الجزيرة الرياضية" ناصر بن غانم الخليفي شراء حقوق النقل التلفزيوني الخاصة بالقنوات الرياضية لشبكة راديو وتلفزيون العرب ART. وجاء إعلان الخليفي في مؤتمر صحفي عقد الثلاثاء 24/11/2009 في الدوحة بحضور المدير التنفيذي لشبكة راديو وتلفزيون العرب عبد العزيز اليماني، ونائب الرئيس التنفيذي للإعلام محيي الدين صالح كامل. وحصلت "الجزيرة الرياضية" بناءً على العقد الذي وقع بين الطرفين على كامل حقوق النقل التلفزيوني التي كانت تملكها شبكة راديو وتلفزيون العرب، بما فيها بطولة كأس العالم لكرة القدم في نسختي 2010 في جنوب إفريقيا و2014 في البرازيل، وكأس أمم إفريقيا 2010 في أنغولا. وتم الاتفاق على إغلاق القنوات (1 حتى 6) فيART نهاية كانون الأول/ديسمبر المقبل، على أن تبقى القنوات الخاصة بنقل الدوري السعودي لكرة القدم (7 و8 و9) مفتوحة، حتى نهاية التعاقد مع الاتحاد السعودي للعبة عام 2011، على أن تضاف القناة 7 إلى باقة الجزيرة الرياضية. كما تم الاتفاق على إغلاق القنوات الخاصة بالأندية السعودية (الهلال والشباب والنصر والاتحاد)، على أن تدفع "الجزيرة الرياضية" تعويضاً مادياً لهذه الفرق، باستثناء الهلال لأن تعاقده مع شبكة راديو وتلفزيون العرب شارف على النهاية. يذكر أن قناة الجزيرة الرياضية تمتلك حالياً أيضاً حقوق بث مباريات الدوري الإسباني والإيطالي ودوري أبطال أوروبا ويوروبا ليغ في منطقة الشرق الأوسط، اضافة إلى عدد من بطولات كرة القدم التي تبثها بالاشتراك مع قنوات أخرى.
_ لاحظ لفقرة الدوري السعودي !! طيب ليه ما عملو إتفاق مع الجزيرة زي ما عملو إتفاق الدوري السعودي !!
Post: #41 Title: Re: ART VS ALJAZEERA Author: Maawya Hussein Date: 01-13-2010, 11:43 PM Parent: #38
Quote: وحصلت "الجزيرة الرياضية" بناءً على العقد الذي وقع بين الطرفين على كامل حقوق النقل التلفزيوني التي كانت تملكها شبكة راديو وتلفزيون العرب، بما فيها بطولة كأس العالم لكرة القدم في نسختي 2010 في جنوب إفريقيا و2014 في البرازيل، وكأس أمم إفريقيا 2010 في أنغولا.
ياخ دا انا الكلام البيهمني في الموضوع ..الجزيره اشترت حقوق البث للبطوله الافريقيه من الاي ار تي وانا اصلا كمشترك مع الاي ار تي من حقي اشاهد البطوله دي ...لاحظ انو الجزيره ما جايبه سيرة تشفير في العقد ..الكلام دا جابوهو جديد ..بعدين حكاية اني اجدد لمدة سنه مع الجزيره بسعر زهيد دا كلام ما ما موجود علي ارض الواقع .... شوف براك
_______
يا محمد يا فرده ..والله ما عندي شغله بي نقلهم ولا مزيعنهم ..الاستخفاف بي عقول الناس والتميييز حاجه ما كويسه وشوف براك بعدين فروقات البث بين الدوري السوداني واي دوري عربي تاني ..
Post: #37 Title: Re: ART VS ALJAZEERA Author: محمد يوسف الزين Date: 01-13-2010, 02:31 PM Parent: #34
يا أخوانا معاوية دا بالجد زول حاقد
يا معاوية اتكلم باحترام بالله عن امبراطورية الجزيرة الاعلامية
اعظم قنوات رياضية عرفتها الكرة الأرضية
__________________________
إي ار تي بتاع فنيلتك؟
ياخ الجزيرة دي كفاية انو ريحتنا من الزول دا معكم عدنان حمد الحمادي اب قُصة
اتخيل دا مدير الا ار تي الرياضة زول استغفر الله العظيم ورم عدييييل
رونالدينو: ثعبان البحر ما عارف كريستيانو رونالدو: الغزال البري ما عارف دروغبا: التور الهايج المنو ما عارف: القرنتية العجيبة
يازول اي ار تي دي ماسورة الله حلانا منها فرمالتهم كان الشوالي ، والشوالي زاتو قد أضانا. وهسي مشى الجزيرة
الجزيرة قشت ليك كل الدوريات من امريكا الجنوبية وأوروبا مروراً بافريقيا وكاس العالم والدوري التايلاندي ، وكلو بكم انت قايل؟
باقي بس الدوري الانجليزي.. والسنة الجاية معانا ان شاءالله.
_________________ Big Ignore 2 Dude
_________________ عشان تعرفو زول ورم ، الا تعدل مرتين حتن صورتو تنزل!!
Post: #36 Title: Re: ART VS ALJAZEERA Author: هيثم درار Date: 01-13-2010, 02:27 PM Parent: #19
Quote: هيثم العريس .. أخباركـ يا مان ووين قاطع
كنت غرقان فى العسل ... علا كمل وبقى لى بمبى
تسلم على السؤال
Post: #39 Title: Re: ART VS ALJAZEERA Author: ادريس خليفة علم الهدي Date: 01-13-2010, 03:01 PM Parent: #36
يا نوبي بالامس استضاف برنامج الجولة الشيخ محي الدين صالح كامل .... تحدث عن أكثر من عشرين ألف مشترك سددوا اشتراك كأس العالم وقا ل بانه يضمن لهم مشاهدته عبر قنوات الجزيرة دون اي تكاليف اضافية وهو الان يتفاهم مع الجزيرة من اجل ضمان حقوق المشتركين !!!!!!!!!!
مع العلم بأن الجزيرة 9 و10 هي المخصصة لكاس العالم ولا يشملها اشتراك art
Post: #40 Title: Re: ART VS ALJAZEERA Author: فيصل نوبي Date: 01-13-2010, 03:07 PM Parent: #39
Dude
Post: #42 Title: Re: ART VS ALJAZEERA Author: وجن Date: 01-14-2010, 00:02 AM Parent: #40
الأنجض من نجيضتكـ: في نوع جديد اسمو The Crow .. منقة بس! ممكن أرسل ليك الفني لحدي عندكـ يخلص الموضوع وتديهو النجيضة!! بكلف حوالي 700 إلى 750 ريال في السعودية!
ود الصائم البتاع دا مش ممنوع في السعودية ولا عادي كأني سمعت بحاجه زي كده
نوبي الكورة دي كان بريده أتكحل بالشطه في فيدو لذيذ شديد شفتو في الفيس بهديه ليك بهناك كان عترت فيو تاني
Post: #43 Title: Re: ART VS ALJAZEERA Author: فيصل نوبي Date: 01-14-2010, 08:39 AM Parent: #42
أم لمار ياخ الكورة دي إحدي وسائل ترفيهنا في الغربة الحارة دي نسوي شنو عاد السنة كلها نباري الافلام و المسلسلات !
_ شكراً للهدية.. و ود الصايم بيرسل ليكم البنغالي مجاناً عشان الهدية دي
Post: #44 Title: Re: ART VS ALJAZEERA Author: فيصل نوبي Date: 01-14-2010, 08:45 AM Parent: #43
التقرير أو العمود أو الموضوع أدناه شاهدته في شهر يونيو الماضي و فعلا كانت شبكة راديو و تلفزيون العرب قد ضاعفت قيمة إشتراكها تخيل كمية السخط الموجودة و إقرأ
Quote: يبدو أنها بداية النهاية..كل يوم يأتي وفئة ليست بالقليلة تتأكل من شعبية شبكة ART..كان لزاماً علي أن أسال العديد من مشتركي الشبكة المختلفة لأقف علي أرض صلبة حين أضع تقريري بين أيديكم..
أمثلة كثيرة لاحت أمامي حين قمت بسؤال عدد لا باس به من الجماهير..بدأت بالطبقات المتدنية في المجتمع المصري وأقصد بذلك الفقراء وبسؤال عدد ليس بقليل فقد أجمعوا علي أنهم ليسوا من مشتركي الشبكة وأن اي مباراة هامة علي اي من قنوات الشبكة فالمقاهي لا يوجد أكثر منها او الذهاب إلي اي من الأصدقاء من ميسوري الحال لمشاهدة المباراة وغير ذلك فالقنوات الأرضية هي الحل الوحيد لكي يشاهدوا مباراة كرة قدم مجانية.
أما الطبقة المتوسطة في مصر والتي ينتمي إليها عدد كبير من الشعب المصري فقد أثارت سخطها علي شبكة ART بعد أن ضاعفت أشتراك الشبكة بداعي أن هناك قنوات جديدة تم أضافتها للباقات ويجب أن يتم دفع أشتراكها أجباريا لكي تشاهد قناتك المفضلة بالرغم من عدم حاجة الكثير من المشتركين للعديد من القنوات التي تجبر الشبكة مشتركيها للأشتراك فيها.
أما طبقة الأثرياء فالكثير منهم يشتركون في الباقات بداعي الرفاهية حتي ولو لم يحتاجوا لمشاهدة ما بها من قنوات وأن الأغلبية لا تجد أدني مشكلة في الأشتراك بالشبكة هذا مع شعورهم بالأسي لزيادة الأشتراك وما يسببه من ألم للمشجع العربي محدود الدخل..
لا يمكن أبدًا إغفال الطريقة التي تتعامل بها شبكة ART مع المشتركين فالامر اصبح لايوصف فبعد أن كان الأشتراك للباقة الرياضية 45 جنيها مصرياً اصبح الأمر الان يصل إلي 120جنيها مصرياً اي أن الاشتراك قد تجاوز الضعف ولن يجد رب الأسرة الذي زاد دخلة بقدر محدود وأرتفعت نفقاته بسبب غلاء الاسعار بشكل لا يوصف مفر من الأستغناء عن خدمات الشبكة والأتجاه إلي أقرب دليل للمقاهي في الحي الذي يسكن به ويحجز مقعده من الان وحتي أول مباراة هامة يريد مشاهدتها مع حاجته إلي بعض الكمامات لكي لا يشم رائحة الدخان وبعض سدادات الأذن لكي لا يسمع بعض الكلام النابي الذي من الممكن أن يسمعه في بعض المقاهي هو وأسرته فهو يعلم أنه في مقهي وليس محرابأ للعلم هذا فضلاً عن الضغط الأسري لذي سيسببه له ذلك فمن أين سيأمن إذا أحضر زوجته او أبنائه مما يحدث في المقاهي خاصة مع ازدياد سخطه علي الشبكة بعد أن حرمته من خصوصيته بالبقاء في منزله هو وأولاده.
تحاول شبكة ART أن تقطع كل أوصال الود بينها وبين المشتركين بعد أن جفت ينابيع الحنان مع أول ضربة من الشبكة إلي الشتركين برفع الأسعار سواء كان ذلك بداعي الأزمة العالمية او اي سبب يمكن أن تسمعه او تتخيله !
الأشتراك المبالغ فيه في رأي الكثير من الفئات يضع رب الأسرة أمام فرصة لا باس بها لمخالفة القوانين وإستعمال طرق غير قانونية لمشاهدة مباراة فريقه او منتخبه المفضل سواء بإستخدام "الشيرنج" او "الوصلة".
ورغم عدم قناعتي بمثل هذة الأساليب التي تخالف القانون إلا أنني وقفت عاجزاً عن الحديث أثناء حواري مع أحد الجيران وهو يوجه لي أكثر من لكمة حوارية بعد أن ساق لي الدليل علي عدم جدوي رفع الشركة لقيمة أشتراكها بالمقارنة بشبكة اخري مثل الجزيرة التي تقدم بطولات أكثر بمبلغ أقل وكلما لاحت الفرصة لزيادة الأشتراك بعد أن تتعاقد علي بطولة هامة ترفض بشدة واضعة المواطن العربي البسيط نصب أعينها.
بدا جاري يحاول أن يقنعني بمدي جدوي أساليبه الغير قانونية وأنا أخالفه دائما في حديثي إلي أن ساق لي مثالاً حيث قال إذا أفترضت انك تريد أن تشتري سلعة ما فذهبت لكي تبحث عنها إلي أن وجدتها ففوجئت بالبائع يجبرك لكي تشتري السلعة التي ترغبها فإن عليك أن تشتري سلعة أخري لا ترغبها لكي تحصل علي سلعتك المطلوبة وعندما طلبت منه التوضيح أكثر لمثاله فقال لي أن الشبكة قد فرضت علي أن أشترك في قنوات لا أرغبها وانا لست في حاجة إليها لكي أشترك في الباقة الرياضية التي أرغبها فماذا تسمي هذا لماذا يتم إجباري أن أشترك في قنوات عالم الحيوان وقنوات كرة القدم الامريكية وأنا لا أملك الا وقت قليل لمشاهدة مباريات كرة القدم التي أعشقها ماذا تسمي هذا بالله عليك.
وقفت أمامه أبحث عن إجابة إلي أن عجزت فطريقتي في الجدال عجزت عن الحديث معه وإقناعه في التخلي عن الأشتراك الغير قانوني لكن لعل الشبكة لديها توضيح او طريقة أفضل للأقناع.
وأمر اخر يلوح في الافق من شبكة A RT حيث تعكف الشبكة علي تغيير نظام التشفيير الذي تتبعه لتأمين إيصال القنوات إلي المشتركين فقط حيث ستتعاقد علي تبديل نظام ارديتو 2 بنظام Viaccess الفرنسي وهو ما يعني أن علي جميع المشتركين أن يغيروا أجهزة إستقبالهم الحالية والتي تعمل بنظام ارديتو 2 مما يمثل مشكلة كبيرة لمشتركي شبكة الشوتايم والجزيرة حيث سيضطروا لشراء جهاز يعمل بنظام Viaccess والأحتفاظ بجهازهم القديم الذي يعمل بنظام ارديتو 2 لمشاهدة باقتي الشتوتايم والجزيرة مما يمثل إثقال علي كاهل المواطن العربي.
وهو الامر الذي سيمثل بلا شك زيادة السخط علي الشبكة من قبل المشتركين بعد أن زاد الأشتراك مما يعني أن علي شبكة ART أن تبذل مجهود خارق للحفاظ علي مشتركيها وليس البحث عن فئة جديدة للأشتراك لديها.
وكان الله في عون المشجع العربي الذي يعاني من زيادة قيمة الأشتراك من شبكة ART خاصة أنه لا يوجد سوي دافع واحد لتقريري وهو أن تنظر الشبكة بعين الأعتبار للمشجع العربي محدود الدخل.
وكانت أخر وقائع شبكة ART التي لم تغضب المشجع المصري فقط وإنما السعودي حين أشترت حق بث مباراة المنتخب السعودي مع المنتخب الصيني ومع ذلك لم تبث المباراة حيث أرجعت ذلك إلي خطأ شركة أخري كان عليها أن تساعدها في تقديم خدمة النقل للمباراة.
وإذا كانت الأشتركات قد أرتفعت في مصر فإنها أرتفعت في السعودية والمغرب والجزائر والسودان والعديد والعديد من الدول العربية وبكل تأكيد هناك من عزف عن الأشتراك في الشبكة بسبب أرتفاع الأسعار وربما يتجهوا نحو الطرق الغير قانونية والامر الان لله أولاً ثم للشبكة إذا أرادت أن تخفف من وطأة الغضب الذي يلاحقها بأن تخفض قيمة الاشتراكات وتضع المشجع العربي نصب أعينها لينتمي أكثر للشبكة ويداوم علي الأشتراك بها.
Post: #45 Title: Re: ART VS ALJAZEERA Author: محمد يوسف الزين Date: 01-14-2010, 09:20 AM Parent: #44
كفاية إنو الجزيرة الرياضية ما دخلت في المشفر الا بعد ما رفعو عليها قضية في أسبانيا بسبب الدوري الأسباني الكان بحضروهو اهلو مجااااان لمدة سنتين من قناة عربية بصل بثها من قمرها العربي في أسبانيا.
بمبلغ زهيد (بالنسبة لشوتايم لمشاهدة الدوري الانجليزي وبالنسبة للمرحوم الغير مأسوف عليه إ آر تي) الآن تشاهد.. الدوري الأسباني الدوري الإيطالي دوري أبطال أوروبا بطولة الأمم الأوربية جميع بطولات القراند سلام والماستر في التنس بطولات العاب القوى دوريات السلة والطائرة الأوربية
والآن.. كأس العالم بطولة الأمم الافريقية الدوريات العربية دوري أبطال آسيا
وفي الجزيرة المفتوحة تشاهد: الدوري الارجنتيني الدوري البرازيلي الدوري الفرنسي
كل دا بتغطية لن تجد لها مثيل
مباراة في دوري أبطال أوروبا في مدينة روسية في درجة حرارة تحت الصفر تلقى المذيع والمحلل قاعدين جوا الاستاد
فاضل دوريين بس.. الدوري الانجليزي والسوداني الممتاز
)
