وارغو: جابوهو بالطيارة....وباعوهو بالخسارة

وارغو...والهلال حارقو


عصر الورغنة

المريخ في عصر وارغو سيحرز كأس افريقيا


وارغو والهلال الدوري فارقو


كل هذه عبارات شغل بها اعلام المريخ السالب الدنيا......وحاول عمدا اغفال قيمة الصفقة الحقيقية ...التي لا يعلم احد سوي الوالي ووارغو قيمتها

عارف يا باشا

امبيلي الأحتياطي بتاعك اغلي من وارغو

لانو بياخد في السنه 500 الف دولار


ووارغو سنته ب 400 الف دولار

وعليك التأكد من صحة كلامي



بوستيك ده من حرقة الدافي ساكت

وهي فعلا" حاره

قيمة صفقة وارغو بالتأكيد قياسية...لم تحدث من قبل...وسمعنا أرقام خيالية...

حضر وارغو للمريخ كلاعب رأس حربة صريييح


ولكن ..بعد ان تبين عجزه الكامل عن تسجيل الاهداف....حولوهو بقدرة قادر الي صانع العاب...وهي الشغلانة التي بها حتي التقاعد المبكر من المريخ

عاجبني

نجاح امبيلي وكابوندي !!

ديل جابوهم مجان ولا شنو ؟؟

حضر وارغو من نيجيريا...وكان يلعب لناديه السابق وهو يرتدي فانله مكتوب عليه اسمها من الخلف بالقلم الشيني...وذاب الاسم مع المطر


فجأة وجد من يمنحه خمسة ملايين دولار....فأصيب بصدمة

ولم يتمكن من اللعب...نسبة للنقلة القوية الفجائية


أرزاق

يتم الان عرض وارغو ولو بالمجان...لاعارته...,لا يوجد مشتري



وهناك من هو مستعد لدفع راتبه.....بس يغور ويختانا



و لايوجد زبون



حتي كادت الطماطم ان تتلف



وفي النهاية


حن مسئولو الاهلي المصري



وقالوا: أمرنا لله هاتووووه

Quote: امبيلي الأحتياطي بتاعك اغلي من وارغو لانو بياخد في السنه 500 الف دولار

ابوعثمان


امبيلي اذا اخد 500 الف دولار في سنة


وارغو هبر 5 مليوووووووووووون دورااار موسم واحد يعني اقل من سنة....والحسابة بتحسب


واحرز هدفا في الشجرة وهدفا اخر.....يعني كل هدف بأتنين مليون ونص دولار


تقول لي شنو وتقول لي منو؟؟؟؟

وتعرف يا أبوعثمان

ازيدك من الشعر بيت


وارغو دا راجل لعاب جدا......والعب من الدافي مليون مرة.....


دا عشان الوالي لو ماخلص الصفقة...يلحق يرجع الدافي مكانو ويجيب وارغو

وارغو ابتدأ يفيق من الصدمة...ويظهر لعبو الحقيقي

واخر مباراة للهلال بتدل علي كدا


يعني لو الكورة الضربت في العارضة جات قوون.....وارغو ماكان فارق

للاسف ادارة المريخ ضعيفة

وبتجري وراء كل ماهو يجري وراءه الهلال


وبكدا طمست هوية المريخ تماما

واصبح تابع للهلال


والتابع أسوأ من الضل

نعم كنا نفضل الدافي في الهلال...بالرغم من انو عندنا افضل منو


لكن لن نركض خلفه مثلما ركض خلفه المريخ


وللان لدينا من يوقف الدافي...ويجعله كالمتفرج في الملعب


ولن نندم عليه


لكن أثبت الوصيف انه وصيفا في كل شيئ

جري المريخ وراء طمبل...واغراه بمبلغ يعتبر فلكي...فتركه لهم الهلال في هدوء

اغري المريخ كليتشي بالمال....فشطبه لهم الهلال ورحل في هدوء

طلب المريخ ريتشارد....فقلنا له اذهب فأنت طليق وذهب في هدوء

نسينا كرومة.....الذي ذهب قبل ان نقول له انت طليق...,لم نأسف علي فراقه



عندما فكر الهلال في الدافي...بعد ان قنع المريخ من التسجيلات..واطلق صراحة..قامت القائمة..وتلخبطت الحسابات,,,وتطاقشت التلفونات....وتناثرت الدولارات



مبرووك عليكم


فأنتم معذورون

دكتور ياسر سلام

الواحد لامن يكون ما تعب وراء القروش صرفها ما بيكون فيه مشكلة ليه
عشان كدة الوالى ينتظر بس الهلال ماشى على ياتو جهة و يجرى وراها

اما لتسجيله مع الوصيف او لافشال صفقة الهلال
دا كله عشان يكون عندهم امل فى الدورى و الله كاس السودان

عشان كدة حا يكونوا مكانك سر و لا يحيق المكر السيء الا بأهله

الصديق حيدر بشير

Quote: الواحد لامن يكون ما تعب وراء القروش صرفها ما بيكون فيه مشكلة ليه عشان كدة الوالى ينتظر بس الهلال ماشى على ياتو جهة و يجرى وراها اما لتسجيله مع الوصيف او لافشال صفقة الهلال دا كله عشان يكون عندهم امل فى الدورى و الله كاس السودان

دا معناهو انو المريخ نادي لايملك اي تخطيط.....بس يشوف الهلال ماشي وين ويمشي معاهو


حتي لو المريخ خلص كل تسجيلاتو

والله يادكتور ياسر
حالتهم تحنن,,,عندنا ود خالتنا وجيه ومرتاح لكنه غير مرزق فى اسطياد الفتيات الشرعى
كل ما يخطب واحدة ,,تطير منو بعريس جاهز الى ان لحق ال11
فيوم من الايام واحدة قالت لاخته خلى اخوك يجى يخطبنى
عشان يحرر سوقى,,,

عندنا حارس فى الحلة اسمه شعيريه فى التمرين بتدخل فيه طاشر قون
دحين ياخوى ,,,خلينا نسوق للولد دا نخلى ناس الهلال يجوا يتفاوضو معه
حتى يجرى وراه الوالى,,,عشان يسترزق والولد يتيم وبعدين المرابط قاعد
الكورة ظاتها ما بتصلو,,,,

الفاضل عبد العاطى بلدياتى قابلته فى العيد ,هو حكم مباراة هلال مريخ الممتاز
فالرجل هلالابى معتصب,,فهمست لهفى العيد ليه يافاضل خليت المريخ غلنا قال لى عشان يصدقوا انهم عندهم تيم
وينوموا على كدا,ويوم مباراة كاس السودان كان مشاهد معنا,لانه عصرا كان حكما فى دورينا المحلى
فقال لى قبل ان تبدا المبارة اليوم المريخ بترشه بكذا قووووووووووون
فكان صياح الرشاشات,,,,سا سا سا سادمبا

تحياتى لك ايها الهلالى الناصع النيات

الهلالي اللذيذ ابوقوتة

يوم الجمعه الماضي وديت سيارتي المغسلة للغسيل...وجدت واحد نيجيري صغير في السن...تحدثت معه قليلا..فإشتكي لي عن ضيق ذات اليد ومحدودية الامكانيات لعدم مواصلة تعليمه...فجأة سألتو: بتعرف تلعب كورة؟؟فأجاب يعني ..نص نص...قلت ليهو بس هو دا المطلوب...أنا حأكلم ليك ناس الهلال بقول ليهم انو عندنا لاعب خطيير فتعالوا سجلوهو...يقوم الخبر يصل ناس المريخ...وبدون ماتشعر تلقاهم خطفوك ودفعوا ليك مبلغ ما تقدر تحلم بيهو...وتجي الجرايد تاني يوم تسجل انجاز فريد للكتيبة الحمراء..
فإستوقفني الراجل وقال لي : طيب لو اكتشفوا اني مابعرف العب كورة...قلت ليهو بسيطة ..يعني حتكون أكعب من نجاد (اللاعب البوسني الشهير)....

وانتهي غسيل السيارة..وتركت النيجيري وهو مندهش وعليه جدية بالتفكير

إزيك يا دكتور ..

المريخ دا يجيب التخطيط من وين ..
قروش هامله ساي نصها بتمشي لإداريي الفريق السماسرة والبركة في الوالي ..
وارغو دفعوا فيهو 5 مليون دولار وباعوهو بي 300 ألف دولار للأهلي ويمكن يكون دفعه الوالي زاتو ..
ولسه ياما ح يحصدوا الخسران من صفقاتهم الخاسرة والبركة برضو في الصحفيين المشجعين أمثال مزمل وسلك ..

الصديق العزيز معتصم

Quote: قروش هامله ساي نصها بتمشي لإداريي الفريق السماسرة

خليها التمشي...في حد داقي فيها حجر دغش

Quote: المريخ دا يجيب التخطيط من وين

8سنوات فريق واقف في مكانو....تخطيط ايه اللي انت جاي تقول عليه


ببدلوا في لاعب اساسي بلاعب اخر اسلوبو يختلف تماما في كسر من الثانية...عشان النادي المنافس قال عايزو


ال تخطيط ال



مرورك اسعدني يا شفيف

جمال الوالي

قال وارغو صانع العاب لكن طريقتو هجومية

وقال نحن عائزين صانع العاب صريح عشان كدا سجلنا النفطي


واليوم الدافي


احسب معاي يا دكتور

خمسة مليون دولار وارغو


مليون واربعمائة الف النفطي

مليون وستمائة الف الدافي


ثمانية مليون دولار لاحراز كاس افريقيا المستحيل

لا

Quote: اعتقد ان المغربى عبد الكريم الدافى يستحق كل هذه الضجة الاعلامية التى تملأ الصفحات الرياضية واعمدة الكتاب فهى ضجة مفتعلة لاتعكس المستوى الحقيقى للاعب الذى قضى نصف الموسم مع المريخ خلال الفترة التى ساءت فيها ظروف الفريق بسبب الاصابات التى طالت عددا من اعمدته الرئيسية مما مهد الطريق امام الدافى ليدخل تشكيلة الفريق فى ذلك التوقيت ,, فهو ليس لاعبا خارقا حتى تثار حوله هذه الضجة التى لم يستفد منها سوى اللاعب نفسه ووكيله الذى استغل الصراع غير المبرر بين الهلال والمريخ والذى تحول خلال الفترة الاخيرة الى صراع مكشوف بين رئيسى الناديين صلاح ادريس وعديله جمال الوالى رغم ان الاول يحاول بقدر المستطاع عدم مجاراة الثانى خاصة عندما يتعلق الامر بالمغالاة او المزايدة على عقود اللاعبين ,, لا اريد ان اتحدث عن خسارة الهلال لهذه الصفقة التى كان قريبا جدا منها او عن مكسب المريخ فى اعادة الدافى من جديد لصفوفه ولكن المحير فى الامر هو موقف المريخ الذى تبدل بين يوم وليلة فى اعادة اللاعب الى صفوفه مما افقده فرصة تحقيق المكسب المادى المطلوب من وراء اعارة المحترف النيجيرى وارغو للنادى الاهلى المصرى حيث تم الامر على جناح السرعة بعدما استغل النادى المصرى حاجة المريخ الى خانة تمكنه من تسجيل الدافى رغم ان المريخ كان فى استطاعته ان يتمسك بلاعبه وارغو لموسم اخر حتى ينجح فى تسويقه بما يعود عليه بالمبلغ الذى يتناسب مع مستواه الفنى وسمعته التى اكتسبها فى دورى الابطال ,, فالخاسر الاكبر مما حدث هو المريخ لان الدافى بمستواه الذى ظهر به مع المريخ فى الموسم الماضى ليس بالبديل المناسب لوارغو حتى لو اقتنعنا جميعا بان المحترف النيجيرى لم يكن موفقا مع المريخ منذ انضمامه اليه ولكن هذا لايعنى انه كان صفقة خاسرة حتى يتم التفريط فيه بهذه السرعة على نحو ماتم الاتفاق عليه بين المريخ والاهلى المصرى ,, فقد طالبنا من قبل وفى اكثر من مناسبة بعدم الاستعجال فى بيع وارغو وحتى رئيس المريخ جمال الوالى كان من انصار التأنى وعدم الاستعجال فى بيعه بدليل موافقته على سفر وارغو الى بلجيكا لاجراء اختبارات هناك ومن ثم التفاوض على قيمة العقد مما يؤكد ان رئيس المريخ كان راغبا فى استعادة مادفعه عند شراء وارغو من ناديه النيجيرى بل كان رافضا لكل محاولات الاهلى المصرى التى تمت فى السابق من اجل شراء عقد اللاعب واكد فى اكثر من تصريح صحفى واعلامى ان المريخ لايمكن ان يفرط فى وارغو بهذه السهولة او لمجرد ان اللاعب لم يوفق مع المريخ ,, ولهذا فان موافقته على اعارة اللاعب للاهلى لايمكن تفسيرها او تحليلها سوى انها مجرد مخارجة سريعة من اجل قطع الطريق على الهلال حتى لايضم الدافى الى صفوفه !! وحتى من الناحية الفنية البسيطة يمكن القول ان المريخ ليس فى حاجة الى لاعب وسط صانع لعب فى الطرف الشمال فى وجود النفطى الذى يتفوق على الدافى بخبرة اللعب الدولى مع منتخب بلاده ومع ناديه الصفاقسى الذى شارك فى تتويجه بالالقاب المحلية والافريقية وقيادته فى اكثر من نهائى قارى , اضافة الى وجود مصعب عمر الذى اخضر عوده وقوى ساعده واصبح من ابرز النجوم المحليين فى هذه الخانة التى يشغلها الدافى والنفطى فليس من الحكمة ان يسعى مجلس المريخ لتدمير موهبة مصعب وتحطيمه بتسجيل اكثر من محترف اجنبى فى الخانة التى يشغلها لاعب وطنى كفء مثل مصعب عمر فالدافى ليس بصانع لعب مميز مثل النفطى او حتى فيصل العجب الذى نأمل عودته معافى فى هذا الموسم . المريخ ليس فى حاجة الى عبد الكريم الدافى بدليل ان اللاعب غادر السودان بعد انتهاء فترة اعارته دون ان يشعر به احد ولم يكن ضمن المرشحين لدخول كشف المريخ الامر الذى يعطى انطباعا قويا ان الرغبة المريخية فى استعادته والركض خلفه والمزايدة عليه لم يكن من خلال رؤية فنية وانما كان بهدف عرقلة انتقاله للهلال وبس !! مما نخشى ان يدفع المريخ لاحقا ثمن احتكار النجوم دون رؤية فنية واضحة كما حدث فى الموسم الماضى الذى خرج منه الفريق خالى الوفاض !!

دا كلام الاعلامي المريخي المتزن

علم الدين هاشم

خليل سلامات

Quote: احسب معاي يا دكتور خمسة مليون دولار وارغو مليون واربعمائة الف النفطي مليون وستمائة الف الدافي ثمانية مليون دولار لاحراز كاس افريقيا المستحيل

المشكلة انو بعد التمانية مليون دولار بيحتاجو لي دفرة الحكام


ومن الان وفود المقدمة بدت


تخيل سانت جورج الاثيوبي ...رسلوا ليهو وفد مقدمة


والحالة دا التمهيدي





حقيقي وصيف حالتو تجنن



شكرا لمرورك

Quote: الصحف المصرية كشفت أن قيمة صفقة انتقال وارغو من المريخ إلى الأهلي 250 ألف دولا

معقولة بس....

إحتمال تكون دي مفاجاة الارباب الحقيقية