Post: #1
Title: يا أخوانا ممكن واحد يورينى أعمل دى كيف ----- أخوكم برلوم جديد
Author: ابن عفان
Date: 01-11-2010, 07:13 PM
أخوكم برلوم جديد لنج. و مسطح فى حاجات كتيرة
فتحت بوست و بديت أشرح فيه كيف أن هناك مشاريع جادة لإنتاج الكهرباء من الماء
وذلك ببناء مفاعل إندماج حرارى. الفكرة أن يبدأ ألإنتاج عام 2030
إذا نجحت (و فى الغالب ستنجح) فإن كل شخص سيحتاج فقط لكوب واحد من الماء لانتاج كل
الطاقة والكهرباء التى سيحتاجها منذ ولادته إلى مماته (75 سنة) و الماء سيكفى البشرية لملايين السنين.
عنوان البوست كان غير مناسب و لم يجد البوست قبول بسبب العنوان المامناسب.
أنا عاوز أغير العنوان و أواصل فى البوست.
ممكن واحد يورينى اعمل شنو.
|
Post: #2
Title: Re: يا أخوانا ممكن واحد يورينى أعمل دى كيف ----- أخوكم برلوم جديد
Author: انور التكينة
Date: 01-11-2010, 07:20 PM
Parent: #1
Quote: عنوان البوست كان غير مناسب و لم يجد البوست قبول بسبب العنوان المامناسب.
أنا عاوز أغير العنوان و أواصل فى البوست.
ممكن واحد يورينى اعمل شنو. |
حباب بن عفان ..
ما ممكن يا ظريف .. تغيير العنوان مستحيل
كل التقدر عليهو انك تفتح بوست جديد لموضوعك بعنوانك الجديد
لك ودى
|
Post: #3
Title: Re: يا أخوانا ممكن واحد يورينى أعمل دى كيف ----- أخوكم برلوم جديد
Author: Kostawi
Date: 01-11-2010, 07:21 PM
Parent: #1
الطريقة الوحيدة هوالإتصال ببكري أبو بكر
مافي عضو يمكنه تغيير العنوان
أو أفتح بوست جديد بعنوان آخر جاذب
good luck
|
Post: #4
Title: Re: يا أخوانا ممكن واحد يورينى أعمل دى كيف ----- أخوكم برلوم جديد
Author: صديق عبد الجبار
Date: 01-11-2010, 07:23 PM
Parent: #1
الأخ الأستاذ (إبن عفان) ..
تحية طيبة وكل سنة وإنت طيب .. ومرحب فيك في المنبر .. وإنشالله يرحب بيك وتكون إضافة جيدة له ..!!
للأسف الشديد لا يمكنك نغيير العنوان الأصلي ، يمكنك فقط تغيير العنوان في كل مداخلة وهذه من الأشياء التي لا تحبذها إدارة المنبر ، ولكن يمكنك أن تسى البوست القديم وتفتح بوست جديد وتنقل فيه بالإقتباس الأشياء المهمة اللي في البوست القديم.
أتمنى لك التوفيق والسداد .. وما طرحته موضوع جميل ويستحق العناء ، لم تخبرنا ماهو العنوان القديم !!!!
تحياتي ومعزتي
"أبوفواز"
|
|