Post: #1
Title: أغرب واعجب عمايل المصريين فى الفهلوة والدهاء وال... (توجد صور).
Author: عبد السميع دفع الله
Date: 01-11-2010, 01:29 PM
لو تكرمتم بقراءة القصة القصيرة دى
وبعدها انظروا فى الصفحة الثانية
حتى تصدقوا ان هذه القصة ليست من نسج الخيال (توجد ادلة بالصور تؤكد فنون اولاد بمبة فى الغش)
يحكى أن فتاة مصرية اسمها سناء حاصلة على بكالوريوس تجارة 1998 ظلت لعدة سنوات تبحث عن عمل دون جدوى فأشار عليها أحد أقاربها بالذهاب معه لمقابلة مسئول يعمل بحديقة الحيوان ليسأله عن عمل مناسب لها ، فاعتذر لهم المسئول ولكنه بعد تفكير قال لثناء : أن زوجة الأسد ماتت ، وأن الحديقة لن تأتى بأخرى الا بعد شهور بسبب الإجراءات الروتينية ، وعرض عليها أن ترتدي جلد زوجة الأسد وتجلس في القفص مكانها يوميا من الساعة الـ 9صباحا حتى الساعة الـ 2 ظهرا لقاء مرتب جيد حتى يتفرج عليها رواد الحديقة ، وطمأنها أن الأسد في قفص ملاصق لها وان بينهما باب مغلق ! وظلت ثناء على هذا الوضع لمدة شهر حتى حدثت الواقعة حينما نسى الحارس في أحد الأيام إغلاق الباب الذي يفصلها عن الأسد فدخل إليها الأسد محاولا التحرش بها فأخذت تصرخ مستغيثة وأنها سناء بكالوريوس تجارة 98 وكانت المفاجأة أن الأسد رد عليها بأنه طلعت محروس بكالوريوس علوم ولابس جلد الاسد من عدة شهور.
|
Post: #2
Title: Re: أغرب واعجب عمايل المصريين فى الفهلوة والدهاء وال... (توجد صور).
Author: عبد السميع دفع الله
Date: 01-11-2010, 01:37 PM
Parent: #1
ده طبعا حمار الوحش بحديقة الحيوان بمصر
ولـــــــــكن
انظروا تحت
لمعرفة حقيقة ذلك الحمـــــــار
(حمار بلدى مضروب بوهية).
|
Post: #3
Title: Re: أغرب واعجب عمايل المصريين فى الفهلوة والدهاء وال... (توجد صور).
Author: الصادق عوض
Date: 01-11-2010, 01:59 PM
Parent: #2
أخونا عبد السميع دفع الله
دا الحمار"الوحشي" في حديقه الحيوانات بتاعت غزه ...
|
Post: #4
Title: Re: أغرب واعجب عمايل المصريين فى الفهلوة والدهاء وال... (توجد صور).
Author: محمد فرح
Date: 01-11-2010, 02:08 PM
Parent: #3
| Quote: دا الحمار"الوحشي" في حديقه الحيوانات بتاعت غزه |
ايوة وقبل كدا اتعرض عنو تقرير في أخبار العربية تقريباً
وقالوا بسبب الحصار ما بقدرو يستوردو Zebra فعملوهو للأطفال البجو الحديقة في غزة ، بعد ما يكلموهم بالحقيقة
|
Post: #6
Title: Re: أغرب واعجب عمايل المصريين فى الفهلوة والدهاء وال... (توجد صور).
Author: عبد السميع دفع الله
Date: 01-11-2010, 02:17 PM
Parent: #5
الصادق ومحمد فـــــرح
تحياتى يااعزائى شكرا ليكم لكن اولاد بمبه ديل قاعدين يلصقوا فينا حاجات عجيبة انتو ما لكم مستعجلين للدفاع عنهم
وهاكم دى من القصص او النكت اللى بتلقى رواج وتصديق وطالعه منهم عننا
شوفوا
عائله سودانية كسلانة
عائله سودانية كسلانة
مرة كانت الأم يدوبك جايه من الشغل .. طرقت باب البيت بعدين قال زوجها : مين ؟
قالت : إفتح الباب .. أنا خديجة زوجتك
قال : أنا كسلان ما أقدر أفتح الباب .. روح يا ولدي عثمان إفتح الباب لأمك
قال ولده عثمان : ما أقدر أنا كسلان .. روح ياخويا خضر
إفتح الباب
قال خضر : لا ما أقدر أنا كسلان وتعبان خالص خالص
قال الأب : خلاص ياخديجة إحنا ما نقدر نفتح الباب .. إنت
طالق .. روحي بيت أبوكي
قالت خديجة : يااااويلي .. ياليتني طلـّعت المفتاح من الشنطة !
|
Post: #7
Title: Re: أغرب واعجب عمايل المصريين فى الفهلوة والدهاء وال... (توجد صور).
Author: فايزودالقاضي
Date: 01-11-2010, 02:41 PM
Parent: #6
البرلوم عبدالسميع بتاع الريف المصري (الزقازيق) ...سلامات ..
| Quote: يحكى أن فتاة مصرية اسمها سناء |
| Quote: وظلت ثناء على هذا الوضع لمدة شهر |
اولاً هي سناء ولا ثناء ؟!!!!
ثانياً كلامك بعد توضيح الاخوان بقى تزوير في حمير رسميه ..
|
Post: #8
Title: Re: أغرب واعجب عمايل المصريين فى الفهلوة والدهاء وال... (توجد صور).
Author: عبد السميع دفع الله
Date: 01-11-2010, 02:47 PM
Parent: #7
يا ود القاضى حكايتك معاى شنو يا اخوى
كل ما افتح بوست تجى ناطى لى يابرلوم يا بتاع الدلتا
يا اخى انا عضو من سنة 2009
وثانيا انا ما قصدت التزوير فالمعلومة وصلتنى كده على
ايميلى ونقلتهاوقلت يا ما اولاد بمبا فبركوا فينا
يا اخى حكاية برلوووم وبلوووم دى خليها شوية -
شنو يا ودالقاضى انت اصلوا ولدوك بأسنانك فى المنبر
خليك حنين معانا يا حنين
|
Post: #9
Title: Re: أغرب واعجب عمايل المصريين فى الفهلوة والدهاء وال... (توجد صور).
Author: فايزودالقاضي
Date: 01-11-2010, 02:57 PM
Parent: #8
هههههههههههههههه عسل بس ...
Quote: يا ود القاضى حكايتك معاى شنو يا اخوى
كل ما افتح بوست تجى ناطى لى يابرلوم يا بتاع الدلتا |
اولاً لغاية تكمل السنة انت برلوم ..ده ما كلامي ده تعريف عالمي للبرلمة ...
بعدين انا ماقلت ليك يابتاع الدلتا ..
Quote: وثانيا انا ما قصدت التزوير فالمعلومة وصلتنى كده على
ايميلى ونقلتهاوقلت يا ما اولاد بمبا فبركوا فينا |
رسل لينا ايميلك والباسوورد عشان نتأكد
| Quote: يا اخى حكاية برلوووم وبلوووم دى خليها شوية - |
اخليها كيفن وانا كرهوني ليها سنة كاملة ...واكلتها من سكات ...عاد الاقى برلوم زيك وين ...
عسل بس وانت كثافتك مرفوعة ...هههههههه
|
|