شِفت الليل أب كراعاً برّه

Post: #1
Title: شِفت الليل أب كراعاً برّه
Author: Yassir Tayfour
Date: 01-11-2010, 06:41 AM
Parent: #0

الحمد لله الذي يُحمّد على المكاره وحده، والبتقّع من IBM يتحملوها المساكين الزينا ديل، والبتقّع مني تتحملوها إنتو، وكل زول يرمي في قفّة أخوهو؛ لي زّمن شغال after noon، والآفتّر نون لو تعلمون، دوام مبروك بلحيل، تشتغل شغلك، وكان في سهرّة تكملها، وتجي راجع تنوم نومّك، وبكره تصحى علي مهلتّك؛ الشهر ده الله إبتلى بعضنا ببعض، من الساعة 12 بالليل للساعة 8 صباحاً، والوكت ده بكري نائم، ونوم أب صلعة عباده..
___
عندي حسابات قديمة داير أصفيها، والبسمّع إسمو ما يتطارشني، أنا قاعد، وفورتي أكتر من فورّه تمبس، لأنو في الليل ده لافي شغل، ولا في زول ذاتو بتكلّم معاي..

Post: #2
Title: Re: شِفت الليل أب كراعاً برّه
Author: Teeta
Date: 01-11-2010, 06:46 AM
Parent: #1

طيفور مساء الخير

وردية مباركه

أم الاء

Post: #6
Title: Re: شِفت الليل أب كراعاً برّه
Author: Yassir Tayfour
Date: 01-11-2010, 07:07 AM
Parent: #2

تيتا يا أم آلاء،
ورديه الليل والبركه ما بتلمو، يا قول الحلفاوي، البلاء حصل، نسأل ربنا التخفيف..
___
بارك الله فيك يا أم آلاء..

Post: #3
Title: Re: شِفت الليل أب كراعاً برّه
Author: محمد عبد الماجد الصايم
Date: 01-11-2010, 06:48 AM
Parent: #1

تعرف يا أب تفه
شغل الأفترنون دا ممتع ياخ! بعدين الجسم كان اتعوّد عليهو خلاس
اليومين ديل قلبنا شغل صباح .. صباح الرحمن البقولوهو زاتو!
تخيل تصحى صلاة الصبح واليوم يكون بدا خلاس!!
باللاي ترجع البيت تقعد زي الضاربكـ هيم! أيوه هيم عدييييل!
أها بس صلاة العشا دي تشوف ليكـ حجر وتبقى متخارج!!

ياخ صفّي ولو لقيت صفيت لينا معاكـ شوية تكون ما قصّرت برضو!

Post: #10
Title: Re: شِفت الليل أب كراعاً برّه
Author: Yassir Tayfour
Date: 01-11-2010, 07:17 AM
Parent: #3

حمودي !
أي والله شغل الآفتر نون مُمتع شديد، وخاصة لو كنت من عشاق السهر والنوم، حاجة ما تخلص.. جري وطيران..
____
لكن إنت محتاج تشتغل صباح، وصباح بدري شديد كمان..

Post: #4
Title: Re: شِفت الليل أب كراعاً برّه
Author: عبدالوهاب علي الحاج
Date: 01-11-2010, 06:53 AM
Parent: #1

دعم ومساندة ماأمرت بمعروفٍ او نهيت عن منكر
ولو خضت بنا البحر لخضناه ولو استعرضت بنا خور شمبات
شمبتناه معك ولا نبالي ما اقمت فينا حدود الله وشرعه
ومشتاقين ياعمكـ ...

Post: #5
Title: Re: شِفت الليل أب كراعاً برّه
Author: omer osman
Date: 01-11-2010, 06:56 AM
Parent: #4

بس زي ماقلت ليك في الماسنجر .......................

كاااااااااااااااااااك

Post: #15
Title: Re: شِفت الليل أب كراعاً برّه
Author: Yassir Tayfour
Date: 01-11-2010, 07:27 AM
Parent: #5

عمر عثمان،

Quote: بس زي ماقلت ليك في الماسنجر
والرد كما ورد بالماسنجّر..
___
هسي يا عمر صاحبك ودالصائم يكون داير نسخة من الماسنجّر..

Post: #12
Title: Re: شِفت الليل أب كراعاً برّه
Author: Yassir Tayfour
Date: 01-11-2010, 07:23 AM
Parent: #4

وهبه
دايرك تعمل لي خلو رجل من علي مهدي، وبعوِضك في أي حته تانيَّة..
___
Quote: دعم ومساندة ماأمرت بمنكرٍ او نهيت عن معروف
مشكور شديد يا صديقي الضليل..

Post: #7
Title: Re: شِفت الليل أب كراعاً برّه
Author: هاجر التهامي ياسين
Date: 01-11-2010, 07:07 AM
Parent: #1

Quote: وفورتي أكتر من فورّه تمبس، لأنو في الليل ده لافي شغل، ولا في زول ذاتو بتكلّم معاي..

الاخ ياسر صباح الخير

والله كلامك دا انا مافهمت منو حاجة انتو الناس في المنبر دا عندهم اللغاز براهم .

وحكاية انو مافي زول يتكلم معاك دي (الله في لا تيأس), وياولدي هون على نفسك.

مع مودتي

هاجر

Post: #8
Title: Re: شِفت الليل أب كراعاً برّه
Author: محمد عبد الماجد الصايم
Date: 01-11-2010, 07:15 AM
Parent: #7

قرّط على كلام أختكـ هاجر دي!

بالمناسبة .. وين صحبكـ الطيفورية الجات
شبكت الناس أفكار ذكورية وأفكار بتاعية ديكـ؟

____
شمبتناه دي في السلك يا وهبة!

Post: #9
Title: Re: شِفت الليل أب كراعاً برّه
Author: محمد عبد الماجد الصايم
Date: 01-11-2010, 07:16 AM
Parent: #8

بالمناسبة .. قالوا ليكـ كان
بقت على الكراع هيييينة

Post: #13
Title: Re: شِفت الليل أب كراعاً برّه
Author: هاجر التهامي ياسين
Date: 01-11-2010, 07:24 AM
Parent: #8

ود الصايم كيفنك

Quote: قرّط على كلام أختكـ هاجر دي!

احلى حاجة فيك ضحكتك فيها براءة الذئب من دم ابن يعقوب

اما الباقي فهو ............. نفسه

مع مودتي

هاجر

Post: #19
Title: Re: شِفت الليل أب كراعاً برّه
Author: Yassir Tayfour
Date: 01-11-2010, 08:04 AM
Parent: #13

Quote: احلى حاجة فيك ضحكتك فيها براءة الذئب من دم ابن يعقوب
براءة شنو يا هاجر،
الذئاب الحايمة في الخرطوم دي طلقها ود الصائم في إجازتو الفاتت..

Post: #18
Title: Re: شِفت الليل أب كراعاً برّه
Author: Yassir Tayfour
Date: 01-11-2010, 07:44 AM
Parent: #8

Quote: بالمناسبة .. وين صحبكـ الطيفورية الجات
شبكت الناس أفكار ذكورية وأفكار بتاعية ديكـ؟
يا كاروشة مليون مرة قلت ليك دي اختي، فبالله ما تخلونا نعاملكم بالمثل

Post: #11
Title: Re: شِفت الليل أب كراعاً برّه
Author: SHIBKA
Date: 01-11-2010, 07:17 AM
Parent: #7

تلاتة ارباع تضامني مع اب صلعة النايم

والربع الباقي
يكون مع العايز تصفي معاهو حساباتك يا ياسر

Post: #14
Title: Re: شِفت الليل أب كراعاً برّه
Author: محمد عبد الماجد الصايم
Date: 01-11-2010, 07:24 AM
Parent: #11

Quote: تلاتة ارباع تضامني مع اب صلعة النايم

Post: #16
Title: Re: شِفت الليل أب كراعاً برّه
Author: داليا حافظ
Date: 01-11-2010, 07:34 AM
Parent: #14

Quote: شِفت الليل أب كراعاً برّه

يا شفت بالله حقنا في العنوان برة ..

Post: #23
Title: Re: شِفت الليل أب كراعاً برّه
Author: Yassir Tayfour
Date: 01-11-2010, 08:45 AM
Parent: #16

يا دلو سلامات،
Quote: يا شفت بالله حقنا في العنوان برة ..
ياخي جهجهتيني جنس جهجهة، قلت دلو دي مرات بترمي ليها شفرات عشان تحلها you have to get out of the box
____
أخير إتذكرت البوست بتاعك أب كراعاً بره، حقك محفوظ..

Post: #22
Title: Re: شِفت الليل أب كراعاً برّه
Author: Yassir Tayfour
Date: 01-11-2010, 08:23 AM
Parent: #11

شِبكه،
Quote: تلاتة ارباع تضامني مع اب صلعة النايم
والربع الباقي
يكون مع العايز تصفي معاهو حساباتك يا ياسر
تلاتة أرباع يا شبكه مره واحده، يعتبر سوء توزيع تضامن..
___
أرقدي عافية يا شبكه..

Post: #17
Title: Re: شِفت الليل أب كراعاً برّه
Author: Yassir Tayfour
Date: 01-11-2010, 07:41 AM
Parent: #7

هاجر التهامي،
أسعد الله صباحاتك،

يا هاجر فورة تمبس دي كانت زمان، هسي فورتو أكيد بتكون أسرّع من "صفرجّت"؛ اليأس هيِّن، الكلام القنوط..
___
تحياتي يا هاجر..

Post: #20
Title: Re: شِفت الليل أب كراعاً برّه
Author: Amira Elsheikh
Date: 01-11-2010, 08:09 AM
Parent: #17

Quote: لي زّمن شغال after noon، والآفتّر نون لو تعلمون، دوام مبروك بلحيل، تشتغل شغلك، وكان في سهرّة تكملها، وتجي راجع تنوم نومّك، وبكره تصحى علي مهلتّك؛ الشهر ده الله إبتلى بعضنا ببعض، من الساعة 12 بالليل للساعة 8 صباحاً، والوكت ده بكري نائم، ونوم أب صلعة عباده..

سيم سيم ياابتفة..

بس رايت ناو انا شغالة مورنيق...الله لاوراك تتدخل النت مسارقة

الليل مهيل وبتاخد راحتك هنا..

اى طلبات نحن جاهزين,,,,,,

وانامن اسي بجهز اللافتات وبقود المسيرة,,,

قصرت معاك,?

Post: #25
Title: Re: شِفت الليل أب كراعاً برّه
Author: Yassir Tayfour
Date: 01-11-2010, 09:09 AM
Parent: #20

الأمورة،
الشوق،
لو تعرفي الشوق..
أما بخصوص أمر شفت الليل، لا يُفتى والأمورة في المدينة..
____
لمعتصم دفع الله الرماد ولك الياسمين..

Post: #35
Title: Re: شِفت الليل أب كراعاً برّه
Author: Amira Elsheikh
Date: 01-11-2010, 11:54 AM
Parent: #25

Quote: لمعتصم دفع الله الرماد ولك الياسمين..

طيب امين يتعشى بشنو??

Post: #21
Title: Re: شِفت الليل أب كراعاً برّه
Author: على محمد على بشير
Date: 01-11-2010, 08:15 AM
Parent: #17

Quote: يا هاجر فورة تمبس دي كانت زمان، هسي فورتو أكيد بتكون أسرّع من "صفرجّت"؛ اليأس هيِّن، الكلام القنوط..

قرقرقرقرقرقرقرقرقرقرقرقر

يا شقيق
ياخ كيفتنى جنس كيف فى تامبا دا
بعدين بالجمبه كدا ياشقيق
انتا الزول دا تم الشهر والا لسه
لانو لا شوفة تبل الشوق ولا ردا يطمن وانشاء الله يبقى هو طيب
الظاهر والعهده على الراوى انو دلوش شدت السرج كويس

قرقرقرقرقرقرقرقرقرقرقرقر
قلت لى الفوره حقته بقت اسرع من صفرجت

Post: #43
Title: Re: شِفت الليل أب كراعاً برّه
Author: Yassir Tayfour
Date: 01-12-2010, 12:38 PM
Parent: #21

أبو علوة يا شقيق،
Quote: انتا الزول دا تم الشهر والا لسه
لانو لا شوفة تبل الشوق ولا ردا يطمن وانشاء الله يبقى هو طيب
إنت في هو تمّ الشهر ولّ هو ذاتو وين؟ في الخرطوم؟ في الرياض؟ في السِكة؟
لكن أكيد طيِّب، شايف عمران جايِّب ليهو فيديو بالأقمار الصناعيَّة..
___
يا شقيق تمبس فارقنا فراق الطريفي لجملو..

Post: #24
Title: Re: شِفت الليل أب كراعاً برّه
Author: HAIDER ALZAIN
Date: 01-11-2010, 08:57 AM
Parent: #17

شنو عملتها كلها مطايبات !!
يآخمنتظرين لستة الاسامي يا طيفور يمكن يكون فيها أحد المارقيــن عشان ندعمك وكدة ..

ــــ
للآن فهمت انك قاصد ابصلعة بالبوست

Post: #26
Title: Re: شِفت الليل أب كراعاً برّه
Author: داليا حافظ
Date: 01-11-2010, 09:15 AM
Parent: #24

Quote: يآخمنتظرين لستة الاسامي يا طيفور يمكن يكون فيها أحد المارقيــن عشان ندعمك وكدة ..

يلا قول واحد..

ــــــــــــــــــــــــــــــ

شفتنا نحن شمسو تصقع عز الشتا ..

Post: #27
Title: Re: شِفت الليل أب كراعاً برّه
Author: عبدالوهاب علي الحاج
Date: 01-11-2010, 09:29 AM
Parent: #26

Quote: دايرك تعمل لي خلو رجل من علي مهدي، وبعوِضك في أي حته تانيَّة..
حليل خالك
يمين هسه شهادة البحث بتاعتو ماعارفا عند منو
انت قايل الشفوت ديل بخلوا لي حاجة
ايييييه منو العوض وعليهو العوض
بقينا فارات وحقنا بقى يقلعوا ضحى

_______
خش في الموضوع حرّقت روحنا

Post: #28
Title: Re: شِفت الليل أب كراعاً برّه
Author: Faisal Elrasheed
Date: 01-11-2010, 09:53 AM
Parent: #27

Quote: خش في الموضوع حرّقت روحنا

وهبه يا طيش الفصل ..
الزول قال داير يقزقز ويتمدد ..
يعني ده بوست بتاع فلزات ..قابل للسحب والتمدد والطرق والعجن..
كان قام حرق الفلم يتم باقي الليل وين ؟؟
ما تضغط عليه.......

اتمدد يا اب تفه اتمدد يا بني

ـــــــــــــــــــــــــ
بالمناسبة شهادة البحث طلعت مضروبه

Post: #29
Title: Re: شِفت الليل أب كراعاً برّه
Author: الخير محمد عوض
Date: 01-11-2010, 10:30 AM
Parent: #28

ابو اليسر
كل شفتة وانت طيب... ياخي البوست دا انضربت فيهو كمية
من البراءة ما طبيعية- واخد بال حضرتك- فعشان كدا يا تخش
في الموضوع وتجيب النجيضة يا كمان سيبو لينا عشان نشرح
لي هاجر دي ( رندوكم) الفوووووووووق دا

_______________________________________________________
بوست تبيع

Post: #30
Title: Re: شِفت الليل أب كراعاً برّه
Author: عفاف الصادق بابكر
Date: 01-11-2010, 10:49 AM
Parent: #28

ود طيفور .. الله يهون عليك يا اخوي ..
والله انت اللي فيهم على قول اخوانا البقو اعداءنا..
تعرف دوام الصباح .. المؤذن يحتار فينا ..
ياخ نقعد ننتظره للصلاة زي الطالبنه حاجه ..
ونرجع .. ننتظره للعشاء بنفس شعور الصباح ..
غايتو حاله حاله ..
غايتو دوام الصباح .... الدوام لله بس ..

اها تم الباقي منتظرنك ..

Post: #31
Title: Re: شِفت الليل أب كراعاً برّه
Author: khaleel
Date: 01-11-2010, 10:57 AM
Parent: #30

اضرب يا ابو عمار ولا يهمك

احسن حاجة شغل الليل

وزي ما قال الطيب الفاضل

الليل بغطي الجبال

وزي ما قالت كتيرة بت التاية

الليل فيهو اكل الطير

Post: #32
Title: Re: شِفت الليل أب كراعاً برّه
Author: محمد فرح
Date: 01-11-2010, 11:00 AM
Parent: #31

Up

ساكت كدا بس

Post: #33
Title: Re: شِفت الليل أب كراعاً برّه
Author: على محمد على بشير
Date: 01-11-2010, 11:01 AM
Parent: #32

Quote: يا تخش
في الموضوع وتجيب النجيضة يا كمان سيبو لينا عشان نشرح
لي هاجر دي ( رندوكم) الفوووووووووق دا

Post: #34
Title: Re: شِفت الليل أب كراعاً برّه
Author: Hassan Makkawi
Date: 01-11-2010, 11:20 AM
Parent: #33

أب تفة

كترتة الكلام...

إحنا منتظرين تصفية الحسابات والرش و الضُراب.....

(ت)

Post: #36
Title: Re: شِفت الليل أب كراعاً برّه
Author: Yassir Tayfour
Date: 01-11-2010, 12:03 PM
Parent: #34

هووي ما تستعجلو، الليلة أول يوم في دوام الليل...
___
لو مستعجلين شديد، ممكن أجيب ليكم كبسور المحامي في عرض منفرد..

Post: #37
Title: Re: شِفت الليل أب كراعاً برّه
Author: HAIDER ALZAIN
Date: 01-11-2010, 12:08 PM
Parent: #36

Quote: لو مستعجلين شديد، ممكن أجيب ليكم كبسور المحامي في عرض منفرد..

ودي آخرتها يا ابتفة.. معناتا نمشي ناكل باسطة ..

Post: #38
Title: Re: شِفت الليل أب كراعاً برّه
Author: السيد المسلمي
Date: 01-11-2010, 12:08 PM
Parent: #34

ابتفة ...
بالله قوم لف !!!

Post: #39
Title: Re: شِفت الليل أب كراعاً برّه
Author: د.نجاة محمود
Date: 01-11-2010, 12:14 PM
Parent: #38

Quote: ولا في زول ذاتو بتكلّم معاي..

طوالي تجي بوست خالاتك نشوف ليك عروس من بنات البورد

Post: #40
Title: Re: شِفت الليل أب كراعاً برّه
Author: Rihab Khalifa
Date: 01-11-2010, 01:15 PM
Parent: #39

Quote: طوالي تجي بوست خالاتك نشوف ليك عروس من بنات البورد
Dr Najat

دي لازمة بوست ناذر الخليفة غايتو
لووول، تاني تجي؟

Post: #41
Title: Re: شِفت الليل أب كراعاً برّه
Author: هاجر التهامي ياسين
Date: 01-11-2010, 01:46 PM
Parent: #39

اها ابتفة (زي ما بقولوا ليك ناس المنبر دا)

نحن راجينك تفت لينا الناس ديل وبنعمل ليك كل الدعم الانت محتاجه

Quote: طوالي تجي بوست خالاتك نشوف ليك عروس من بنات البورد

وطوالي تعمل بنصيحة خالتك نجاة وطوالي قدم طلب عندهاوهي ما بتقصر

والله خالاتك ديل ناس كدا

مع مودتي

هاجر

Post: #42
Title: Re: شِفت الليل أب كراعاً برّه
Author: على محمد على بشير
Date: 01-11-2010, 02:56 PM
Parent: #41

Quote: والله خالاتك ديل ناس كدا

شنو يا هاجر يعنى
موضوع الفاره انسانيا داك الخالات ديل تموهو ليك من وراء ضهرى والا شنو

قرقرقرقرقرقرقرقرقر

Post: #44
Title: Re: شِفت الليل أب كراعاً برّه
Author: Amira Elsheikh
Date: 01-12-2010, 12:46 PM
Parent: #42

Quote: هووي ما تستعجلو، الليلة أول يوم في دوام الليل...

اها الليلة تانى يوم,,,

انا ماسكة ليك الحساب,,,,

_________________
انا دوامى خلص,,هاها