Post: #1
Title: نيل إبن كلب (وطن كضاب)
Author: حبيب نورة
Date: 01-11-2010, 00:34 AM
Parent: #0
دفاق وَهَج النجوم في النيل
غُنا القمرا
حُجَا المطرة
عِناق الموجة لي مركب تاكِل حيلوا في مُقداف
يأشِّر للنخيل في القيف
هناك جدول يغازل في حضن سنبل .. وطير زرزور يمِد جنحينوا
يسرق ضي غروب شمسوا
و قبُل يطلع علي عشوا
و ينسي الدنيا والازمان .. وسحر اللحظة ما يغشوا ...!
|
Post: #2
Title: Re: نيل إبن كلب (وطن كضاب)
Author: حبيب نورة
Date: 01-11-2010, 00:34 AM
Parent: #1
و أنا المهمُوم بتاكِي رذاذ
رشَح و إنسلّ من زهرة
بسم يضحك علي الصحرة
تصرصِر في وِشيشا نشاف وما حضنت غُصُن شجرة
ولا قمرية طارت فر مستّفة بالسراب و الحر ...
يا نيل دفاق موجك
يدنقِر كان يبُوس القيف
يتاوِق كان يقالد الصيف
يكابِس في عشم كضاب ! وكيف يا نيل شعور الموجة يبقي رِهاب ؟؟
|
Post: #3
Title: Re: نيل إبن كلب (وطن كضاب)
Author: حبيب نورة
Date: 01-11-2010, 00:35 AM
Parent: #2
دفاق جرحك شَرَح سِر الغُنا المصرُور
فوق وطناً من الحسرات ...
و نوسر في ضفاف همُّو
حنين النيل
و موية النيل
و نوسر في ضفاف همّوا
حنين النيل وموية النيل
ودين النيل !
وفرع اللوبيا .. نازع و مات
دفاق جرحك حشاهُ يوِح من الآهات
|
Post: #4
Title: Re: نيل إبن كلب (وطن كضاب)
Author: حبيب نورة
Date: 01-11-2010, 00:37 AM
Parent: #3
دفاق نيلاً صرخ عطشان و كشّر وشُّوا عدمان لي مسوح المَي
أنين موجاً نبح حرقان مَشوشو من جحيم الصي
وجع مركب فَتر حيران و بِندِب حظوا ميِّت وحي
وكيف يا نيل و إنت المَي تكوس الضفة زي غرقان ؟
تقول أحّي !!؟
|
Post: #5
Title: Re: نيل إبن كلب (وطن كضاب)
Author: حبيب نورة
Date: 01-11-2010, 00:39 AM
Parent: #4
تحيض فييك الدموم ........وما بتتعب من الإنجاب
ولا بتربط رِحِم موجك سيول وطناً شقي و كضاب
ترضِّع في جناك جدول .. وعُمرك ما فطمت سراب
عُقُب يا نيل تقوم تاني تعال إتاكا في الكرّاب
|
Post: #6
Title: Re: نيل إبن كلب (وطن كضاب)
Author: حبيب نورة
Date: 01-11-2010, 00:41 AM
Parent: #5
دفاق غيمةً تجيك بالخير
دفاق وطناً سمح بالحيل
شموس الضو ... وغيمة أجوادة تمطِِر كو
تدفِّق لا إذِن لا كو
يزِح منك بلا الهدّام
يكون اللوبيا ليك هندام
و تنجب نخلة دُغرية
مشاعل نور و حورية و طير زرزور يشاغل في صفق جدول
يتاوِق للمراكبية
دفاق نيلاً حلال ما حرام ...!!!
|
Post: #7
Title: Re: نيل إبن كلب (وطن كضاب)
Author: حبيب نورة
Date: 01-11-2010, 00:42 AM
Parent: #6
نشاف حلقك
أذاك يا نيل
شنق في القيف قناديلك
حراق روحك .... غباش الضفة بِنده ليك .. يناديلك
سجم خشمك...
تمِد ماعونا للمالِح
تكوس في وحدة ماهِيلك
تقشقِش في دموع صحرة
بتسرِق في مناديلك
خصوك يا نيل !!!!
قبُل تفتح عَشم بٌكرة
و جابوا الدم و زِيف المعني و الفكرة
وكِت يا نيل بِقيت عاجِز ما بندِّيك أرِض بُكرة
واصل في حوامتك سِير
و إنشاء الله الرجالة تطِير
لا قمحاً بِشيل إسمك
ولا جدول بشيل الفاتحة مرّة عليك
دفاق النيل
نِفاق لي غيمة ما بِتشيل .. ولا بِتكيل
تكُوس رِجلينوا للفارغات
يجيك إنشاء الله عِزرائيل ....!
|
Post: #8
Title: Re: نيل إبن كلب (وطن كضاب)
Author: حبيب نورة
Date: 01-11-2010, 01:03 AM
Parent: #7
إهداء خاص جداً
لأم إيمان
ربنا يخليهم لي الإتنين
و ما عندي حاجة أقولا
غير إني بحبهم كتير
شكرن كتيرن!
|
Post: #9
Title: Re: نيل إبن كلب (وطن كضاب)
Author: Elmosley
Date: 01-11-2010, 12:01 PM
Parent: #8
يازول انت مجنون وماك نصيح
مع تحياتي لام ايمان وايمان
وليك ياحلو
|
Post: #10
Title: Re: نيل إبن كلب (وطن كضاب)
Author: naeem ali
Date: 01-11-2010, 12:19 PM
Parent: #9
حبيب نوره
Quote: نشاف حلقك
أذاك يا نيل
شنق في القيف قناديلك
حراق روحك .... غباش الضفة بِنده ليك .. يناديلك
سجم خشمك...
تمِد ماعونا للمالِح
تكوس في وحدة ماهِيلك
تقشقِش في دموع صحرة
بتسرِق في مناديلك
خصوك يا نيل !!!!
قبُل تفتح عَشم بٌكرة
و جابوا الدم و زِيف المعني و الفكرة
وكِت يا نيل بِقيت عاجِز ما بندِّيك أرِض بُكرة
واصل في حوامتك سِير
و إنشاء الله الرجالة تطِير
لا قمحاً بِشيل إسمك
ولا جدول بشيل الفاتحة مرّة عليك
دفاق النيل
نِفاق لي غيمة ما بِتشيل .. ولا بِتكيل
تكُوس رِجلينوا للفارغات
يجيك إنشاء الله عِزرائيل ....! |
ياخ انت بالجد (مسخوط)..
______________________
انا جاييكم قريب , تضوقنا من (البتاعات) دي..
|
Post: #12
Title: Re: نيل إبن كلب (وطن كضاب)
Author: حبيب نورة
Date: 01-11-2010, 01:09 PM
Parent: #10
Quote:
ياخ انت بالجد (مسخوط)..
______________________
انا جاييكم قريب , تضوقنا من (البتاعات) دي.. |
نعيم الدنيا
يازول كيف الحياة غير ليمك
أنت بس أبقي تعال
والبتاعات جاهزة من هسة
|
Post: #11
Title: Re: نيل إبن كلب (وطن كضاب)
Author: حبيب نورة
Date: 01-11-2010, 01:04 PM
Parent: #9
Quote: يازول انت مجنون وماك نصيح
مع تحياتي لام ايمان وايمان
وليك ياحلو |
موصلي يا جميل
أسعدني كثيراً مرورك
وحشتنا يا راجل
وينك ؟
قبل فترة ضربت ليك وما عرفت تلفونك الحاصل عليه شنو
كان في شوية محبة فيها ريحتك
و صفقة و غنا
|
Post: #13
Title: Re: نيل إبن كلب (وطن كضاب)
Author: عفاف الصادق بابكر
Date: 01-11-2010, 01:14 PM
Parent: #11
Quote: تحيض فييك الدموم ........وما بتتعب من الإنجاب
ولا بتربط رِحِم موجك سيول وطناً شقي و كضاب
ترضِّع في جناك جدول .. وعُمرك ما فطمت سراب
عُقُب يا نيل تقوم تاني تعال إتاكا في الكرّاب |
حبيب نورة .. كيفنك
حيرتنا .. وحيرة النيل في جريهو ..
نضمي سمح بالحيل ..
|
Post: #14
Title: Re: نيل إبن كلب (وطن كضاب)
Author: اناهيد كمال
Date: 01-11-2010, 01:26 PM
Parent: #13
نشاف حلقك
أذاك يا نيل
شنق في القيف قناديلك
حراق روحك .... غباش الضفة بِنده ليك .. يناديلك
سجم خشمك...
تمِد ماعونا للمالِح
تكوس في وحدة ماهِيلك
تقشقِش في دموع صحرة
بتسرِق في مناديلك
-------------------
حبيب النيل
شكرا جميلا
على ريحة النيل
بكاء النيل
|
Post: #16
Title: Re: نيل إبن كلب (وطن كضاب)
Author: حبيب نورة
Date: 01-11-2010, 01:56 PM
Parent: #14
Quote: حبيب النيل
شكرا جميلا
على ريحة النيل
بكاء النيل |
تشكري يا أناهيد
النيل بسلم عليك
و حزنت كتير لعدم اللقيا
شكرن كتيرن!
|
Post: #15
Title: Re: نيل إبن كلب (وطن كضاب)
Author: حبيب نورة
Date: 01-11-2010, 01:52 PM
Parent: #13
Quote: حبيب نورة .. كيفنك
حيرتنا .. وحيرة النيل في جريهو ..
نضمي سمح بالحيل .. |
عفاف
ياخي تسلمي كتير علي المرور الجميل دة
أسعدتني كلماتك كثيراً
وربنا يجبر بي خاطرك
قولي آمين
شكرن كتيرن!
|
Post: #17
Title: Re: نيل إبن كلب (وطن كضاب)
Author: عبدالأله زمراوي
Date: 01-11-2010, 02:11 PM
Parent: #15
Quote: نشاف حلقك
أذاك يا نيل
شنق في القيف قناديلك
حراق روحك ....
غباش الضفة بِنده ليك .. يناديلك
سجم خشمك...
تمِد ماعونا للمالِح
تكوس في وحدة ماهِيلك
تقشقِش في دموع صخرة
بتسرِق في مناديلك
خصوك يا نيل !!!!
|
يا للوجع عندما يصل مداه الموجع فيحيل
الحروفَ كراتاً من نارٍ ولَهب!
يا حبيب نورة، فاجعتك هي ذات فاجعتنا، فلنجمع
كلماتنا ونمتطي حروفها علّها تخفف علينا قليلاً من غلواء
صحراء التيه (هذه)، التي نجوبها ونرود صحاريها المقفرة
دونما بصيص أمل قريب، إلا من حروفٍ (كهذه)....
الوجع الذي أخذك أخذاً هو ذات الوجع الذي نعيشه، لذلك طرَقت كلماتُك
أنفاسي طرقاً، هي كلماتٌ ُمُرّةٍ لكنها شافية، وكأنها ترياق شفاء.
الرمز (النيل) لا وجيع له إلا مثل كلماتك ولا حبيب له
إلا إياك، هم من حملوه في الخاطر مثلك عنوانا وشعرا وغناء...
صح لسانك...
|
Post: #18
Title: Re: نيل إبن كلب (وطن كضاب)
Author: abubakr
Date: 01-11-2010, 06:46 PM
Parent: #17
يالجالس القرفصاء .. صراحة ما قريت الا العنوان ووقفت عندو .. اكييد بتكون كتبت كلام يناسب قعدتك التاريخية دي قعدة الكاتب الملوكي .. والكاتب حينها هو الاديب والشاعر والقانوني والطبيب ..الخ ...رغم اني من ضحايا مياه النيل الا ان النيل اصلو ما كضاب ..وكت الدميرة حتي ولو فاضت مياهو وتجاوزت حدود عرفناها الا انو ما كان بيغشنا بس نحن كنا بنعتدي علي الحدود من جرف وخلافه فنضعفها فينساب او يفيض مستغلا هشاشتها .. وكت غرق بلادنا وقبور اجدادنا بمياهو الترسوها بسدا كبير خنقو لحد ما بطنو بقت حامل بمخزون من مياه ما بتقدر عليهو الا تطرشق او تغرق واطتنا وجروفنا وذكرياتنا برضو ما هو الغشانا وبقي كضاب لكن ناسا من بلدنا هم الغشو بلدنا وكضبو علينا وعليها ... الوطن ما كضاب برضو ونحن ناس الوطن كضابيين باسمو سرقنا وكتلنا ونهبنا وطردنا بعض ومن الكضب الوطن بقي عدمان وكحيان وتعبان وبرضو ما زلنا بنكضب باسمو ....
|
Post: #25
Title: Re: نيل إبن كلب (وطن كضاب)
Author: حبيب نورة
Date: 01-12-2010, 01:48 PM
Parent: #18
| Quote: يالجالس القرفصاء .. صراحة ما قريت الا العنوان ووقفت عندو .. اكييد بتكون كتبت كلام يناسب قعدتك التاريخية دي قعدة الكاتب الملوكي .. والكاتب حينها هو الاديب والشاعر والقانوني والطبيب ..الخ ...رغم اني من ضحايا مياه النيل الا ان النيل اصلو ما كضاب ..وكت الدميرة حتي ولو فاضت مياهو وتجاوزت حدود عرفناها الا انو ما كان بيغشنا بس نحن كنا بنعتدي علي الحدود من جرف وخلافه فنضعفها فينساب او يفيض مستغلا هشاشتها |
أبو بكر
الجالس القرفصاء
بقول ليك أنت كمان محكر في جواي بكل ملوكية مشتهاة
وبعدين إنت قاعد تغطس وين؟
والله النيل بشبهك
إنت منساب كما الموج فيني
النيل هو المفروض يزعل مننا
ما قاعد يقصر معانا
بس نحن البنسيبوا يتحاوم في زقاقات الخرئط
غايتو !
تسلم كتير
وشكرن كتيرن!
|
Post: #24
Title: Re: نيل إبن كلب (وطن كضاب)
Author: حبيب نورة
Date: 01-12-2010, 01:34 PM
Parent: #17
Quote: يا حبيب نورة، فاجعتك هي ذات فاجعتنا، فلنجمع
كلماتنا ونمتطي حروفها علّها تخفف علينا قليلاً من غلواء
صحراء التيه (هذه)، التي نجوبها ونرود صحاريها المقفرة
دونما بصيص أمل قريب، إلا من حروفٍ (كهذه)....
الوجع الذي أخذك أخذاً هو ذات الوجع الذي نعيشه، لذلك طرَقت كلماتُك
أنفاسي طرقاً، هي كلماتٌ ُمُرّةٍ لكنها شافية، وكأنها ترياق شفاء |
زمراوي
أو نيلاوي ما أختلفنا
كلام بديك إحساس زول متوسد ضفيرة لوبيا
في جرف رويان
كلامك ملاني دفاق
تسلم حروفك
أقصد تسلم جروفك!
شكرن كتيرن!
|
Post: #37
Title: Re: نيل إبن كلب (وطن كضاب)
Author: حبيب نورة
Date: 01-13-2010, 00:11 AM
Parent: #17
يكون كضيضيب البحر؟
مشكلة!
|
Post: #23
Title: Re: نيل إبن كلب (وطن كضاب)
Author: Elmosley
Date: 01-12-2010, 02:12 AM
Parent: #11
هانت ياحبيبي
وزي ما ادهشتني
ارجو انم استطيع ادهاشك
وقريييييييب باذن الله
|
Post: #26
Title: Re: نيل إبن كلب (وطن كضاب)
Author: حبيب نورة
Date: 01-12-2010, 02:04 PM
Parent: #23
Quote: هانت ياحبيبي
وزي ما ادهشتني
ارجو انم استطيع ادهاشك
وقريييييييب باذن الله |
يا موصلي يا جميل
منتظر منك الكثير الأجمل
تسلم كتير
|
Post: #52
Title: Re: نيل إبن كلب (وطن كضاب)
Author: د.نبراس
Date: 01-15-2010, 03:11 AM
Parent: #4
لأ , انت فعلا مجنون !!
:)
يا حبيب نوره ياااااخ , كلامك سمح بالحيل ..
وكيف يا نيل و إنت المَي تكوس الضفة زي غرقان ؟
تقول أحّي !!؟
!!!
|
Post: #54
Title: Re: نيل إبن كلب (وطن كضاب)
Author: حبيب نورة
Date: 01-15-2010, 03:45 AM
Parent: #52
Quote: لأ , انت فعلا مجنون !!
:)
يا حبيب نوره ياااااخ , كلامك سمح بالحيل ..
وكيف يا نيل و إنت المَي تكوس الضفة زي غرقان ؟
تقول أحّي !!؟
!!! |
دكتورة نبراساي
ياخي بركة الشفتك طيبة!!!
لسة الإقامة في القيامة؟؟؟
حمد الله سلامة يا زولة
هشومي عامل شنو هسة؟
أنا غايتو آخر معلوماتي عن أسرة شيخ الدين
حفلة الخرطوم
ومواعيد عرقوبكم
ووووو
المهم ...
كدي خليني أعرف أخباركم !
شكرن كتيرن!
|
Post: #55
Title: Re: نيل إبن كلب (وطن كضاب)
Author: د.نبراس
Date: 01-15-2010, 03:53 AM
Parent: #54
أيا حبيبها ,
نحن وان سألتم عنا بخير لا ينقصنا سوى رؤياكم الغاليه , أما بعد ..
:) (جوابات ناس زمان) ..
نحن لسا الاقامه في القيامه , وجيتنا مؤجله لما القيامه تقوم , بعد تقديم الشكيه لحاكم الخرطوم
كما جاء على لسان محمد منير :)
سألت عليك العافيه يا حبيبها , الوالد بخير حال , كتر خيرك ..
تقدر تقول كده اني قربت أجي , الى حين الملتقى , أبقى عشره على نيلك الغريب ,
مايكوس الضفه زي غرقان , ويقول أحي ..
|
Post: #56
Title: Re: نيل إبن كلب (وطن كضاب)
Author: حبيب نورة
Date: 01-15-2010, 04:32 AM
Parent: #55
Quote: تقدر تقول كده اني قربت أجي , الى حين الملتقى , أبقى عشره على نيلك الغريب ,
مايكوس الضفه زي غرقان , ويقول أحي ..
|
نبراس
الله يعلم أنا غايتو بعد طاشر يوم كدة
ما أظن تلقيني نهائي
إنا وناساً كُتُر
ويمكن أقول ليك ما ح نتلاقي إلا في ضفاف نيلاً
يكوس الضفة زي غرقان يقول أحححححي!
أها شِن قولِك ؟؟
|
Post: #57
Title: Re: نيل إبن كلب (وطن كضاب)
Author: د.نبراس
Date: 01-15-2010, 04:47 AM
Parent: #56
نفتش ضفاف النيل , ونصل بي كضبو حد الباب ..
ولما تغيب عن الميعاد , نناديها !!
ما تمشوا ياخ :)
|
Post: #58
Title: Re: نيل إبن كلب (وطن كضاب)
Author: حبيب نورة
Date: 01-15-2010, 05:16 AM
Parent: #57
ما تمشوا ياخ :)
ما تمشوا ياخ
يا يمة نقعد شان مِنُوا ؟
وريني نرجاك شان شِنوا ؟؟
نبراس يا هشام
خليها علي الله
كدي أرفعي إيدينك للسما شان نتقابل
باقي أنا دعواتي لحدي هسة ما مستجابة
لكن الله كريم
|
Post: #19
Title: Re: نيل إبن كلب (وطن كضاب)
Author: اسعد الريفى
Date: 01-11-2010, 06:59 PM
Parent: #3
حبيب نوره
سلام كتير ..
و بعدين يا اخى السويتو فى النيل ده .. تقول بس آثار المتعافى فى الخرطوم !!
نشف ريقا , خلانا
Quote: يدنقِر كان يبُوس القيف
يتاوِق كان يقالد الصيف
يكابِس في عشم كضاب ! وكيف يا نيل شعور الموجة يبقي رِهاب ؟؟ |
و فى الاخر كده بقينا كلنا
|
Post: #20
Title: Re: نيل إبن كلب (وطن كضاب)
Author: ابو جهينة
Date: 01-11-2010, 07:02 PM
Parent: #19
حبيبها كما نحن
سلام يغشاك من هنا لحد القيف ال هناك
أما بعد
عِناق الموجة لي مركب تاكِل حيلوا في مُقداف
فلنتكيء هنا مع الموجة إلى حين .. بل إلى حين عودة
|
Post: #21
Title: Re: نيل إبن كلب (وطن كضاب)
Author: حامد محمد حامد
Date: 01-11-2010, 07:06 PM
Parent: #20
*
|
Post: #29
Title: Re: نيل إبن كلب (وطن كضاب)
Author: حبيب نورة
Date: 01-12-2010, 02:10 PM
Parent: #21
حامد يا كعب
عليك الله بحر كااااامل تديني منو نقطة بس!!
ومع ذلك تسلم يا نوبي يا جميل
نقطة نقطة النيل نحبوا
|
Post: #22
Title: Re: نيل إبن كلب (وطن كضاب)
Author: عبدالله ود البوش
Date: 01-11-2010, 07:08 PM
Parent: #20
غايتو ات وحبيب نورة يوم بتخنقو ليكم زول بحرف
|
Post: #31
Title: Re: نيل إبن كلب (وطن كضاب)
Author: حبيب نورة
Date: 01-12-2010, 02:11 PM
Parent: #22
| Quote: غايتو ات وحبيب نورة يوم بتخنقو ليكم زول بحرف |
ود البوش يا سمح
عليكم الله أتحملونا شوية
نورا بتسلم عليك
|
Post: #28
Title: Re: نيل إبن كلب (وطن كضاب)
Author: حبيب نورة
Date: 01-12-2010, 02:08 PM
Parent: #20
Quote: حبيبها كما نحن
سلام يغشاك من هنا لحد القيف ال هناك
أما بعد |
أبو جهينة الريس الجميل
عارفني منك!!
وحاتك كلما أكتب لي حرفين
بنتظر إطلالتك الجميلة دي
ياخي بحبك يا رائع
ربنا يخليك لي
|
Post: #27
Title: Re: نيل إبن كلب (وطن كضاب)
Author: حبيب نورة
Date: 01-12-2010, 02:06 PM
Parent: #19
Quote: و بعدين يا اخى السويتو فى النيل ده .. تقول بس آثار المتعافى فى الخرطوم !!
نشف ريقا , خلانا |
الريفي الجميل
ياخي السواهوا النيل فينا شوية؟؟؟
و بنحبوا و بنستحملوا
ما أجملوا
شكرن كتيرن!
|
Post: #30
Title: Re: نيل إبن كلب (وطن كضاب)
Author: عبدالمجيد الكونت
Date: 01-12-2010, 02:11 PM
Parent: #27
حبيب نورة ازيك ياخي ومشتاقين
|
Post: #32
Title: Re: نيل إبن كلب (وطن كضاب)
Author: الوليد عمر
Date: 01-12-2010, 02:30 PM
Parent: #30
....
نيلك سمح يا حبيب نورة
كريم و دفَاق
و مويتو بتروى ااعطشان
و موجو حنين
و أنت ذاتك حنين
كنت هنا و تمتعت بالكثير
تسلم
....
|
Post: #34
Title: Re: نيل إبن كلب (وطن كضاب)
Author: حبيب نورة
Date: 01-12-2010, 02:36 PM
Parent: #32
الوليد
تسلم يا جميل
ومرحب بيك في الأون لاين
|
Post: #33
Title: Re: نيل إبن كلب (وطن كضاب)
Author: حبيب نورة
Date: 01-12-2010, 02:35 PM
Parent: #30
الكونت
شفيق يا راجل ؟؟؟
وينك يا حبيبو
أخبارك وكدة
شكرن علي المرور
|
Post: #35
Title: Re: نيل إبن كلب (وطن كضاب)
Author: willeim andrea
Date: 01-12-2010, 10:36 PM
Parent: #33
ياسلام عليك يارائع
محبتي
|
Post: #36
Title: Re: نيل إبن كلب (وطن كضاب)
Author: حبيب نورة
Date: 01-12-2010, 11:31 PM
Parent: #35
أندريا يا حبيبو
والله تشكر وربنا يديك قدُر ما داير
جبرت بي خاطري
شكرن كتيرن
وكن بخير يا صديق
|
Post: #38
Title: Re: نيل إبن كلب (وطن كضاب)
Author: بكري الصايغ
Date: 01-13-2010, 00:15 AM
Parent: #1
***- نيلكم ده كرهتو من زمان، زمن غرق بلدي ودخلت امواج مويته العاتية القري والسهول وكسر المعابد الأثرية والكنائس التاريخية ومااحترم تراث خمسة الف سنة حـضارة!!
***- نيلكم كرهتو وكرهت يوم جاء ماري بمنطقتنا قبل الاف السنيـن، واريتو ماعدي من جـنبنا ولا حتي قرب مناطقنا. وماتقول لي لولا النيل لما كانت حـضارة النوبة، حضارتنا سويناها والنيل بعيد مننا،....وكان هو وقتها بعاين لنا باعجاب واستغراب باعجاب واستغراب نحـنا اهل النوبة بنسوي في شنو،وشالته الغيـرة لما لقي نفسه مـهمش والعالم بتتكلم عن النوبة وناس النوبة... وغضـب وزعل وقال (علي وعلي اعـدائي) كيف الناس ديل يشيلوا من تـحـتي البساط ويلمعوا هم براهم في الصورة?!!!، وفي ليلة سوداء هـجم علينا هـجـمة تشبه هـجـمة (الجـنجويد) في الناس الطيبيين، ونزل بامواجه الصاخبة وبسيوله الهادرة واغار بكل انواع اسلحته من طـمي وطين وصخـور، وماكان قدام السكان الا وان يصرخوا ( وا عبوداه )،..... وجانا الرد عبود باعكم بخمستاشر مليون دولار!!!
***- كرهت النيل حتي وان كان عصـب الحياة، نيل كضاب والف كضاب يديك الحياة ومويته تسري في بدنك، وينقلب عليك فجأة وبلا سابق انذار ويغرقك ويعدمك النفس وينبسط جـدآ لما يشوف جثتك طافية فوق مويته!!!،
***- بسبب غـدره ووساخته ونتانه اصله، مرقت من البلد وسبتها له يـمرح فيه ويتقلب زي ماهو عاوز، مرة يشربكم طين، مرات يحـرن ويحلف مايطلع من المواسير ونسمع شـخيره في الحنفيات، ومرات مانلقاه وقت الوضوء وتتيمموا في بلد فيه النيل الابيض والازرق وروافده!! ، وفي اغلب الاحيان يقطع مويته وانت في عـز الاستحمام!!!،
***- بسببه تركت له السودان( والجمل بماحمل )، وقاعـد دلوقت جـنب بـحر ظريف جـميل نضـيف مستحمي ومافيه تراب ولاطـمي ولاتماسيـح،.... بـحر في موسكو اسـمه ( نهر مـوسكو )،...الايام دي هـو في حالة بيات شتوي وفي حالة تـجمد وماقاعد يمنع الناس تتزحلق فوق جليده، والمواطنون جالسون في امن وامان علي الكراسي ويدخنون الشيشة وتحتهم نهر موسكو... وهو قانع وراض بالحال وبالناس البتمشي فوقه بالرجلين وبالزحلاقات،، مـش زي النيل عندنا كل يوم نسمع مركب انقلب، بنطون اتزحلق،فلوكة غطست!!!مـش زي النيل عندنا بنت له الحكومة سـد مروي، فلا شافوا الناس موية ولاكهرباء!!!
***- المصريين عندهم مثل يقول ( البشرب من موية النيل يرجع له مره تانية )،ولكن بستغرب ليه نسبة الهجـرة السودانية والمصرية زادت بنسبة كبيرة ولسه الزيادة طالعة باستمرار?!!
***- ده مااسمه نيل...ولكن نيلة وألف نيلة!!
|
Post: #39
Title: Re: نيل إبن كلب (وطن كضاب)
Author: Omayma Alfargony
Date: 01-13-2010, 01:02 AM
Parent: #38
| Quote: ***- ده مااسمه نيل...ولكن نيلة وألف نيلة!! |
بالله طلع مؤنث ومصري كمان. يبأ نيلة ووبتودي في ستين داهية.
:).
حبيب نورة
وحات الله ات ماك نصيح.
اكتب.
اكتب.
اكتب.
|
Post: #42
Title: Re: نيل إبن كلب (وطن كضاب)
Author: حبيب نورة
Date: 01-13-2010, 06:29 PM
Parent: #39
Quote: حبيب نورة
وحات الله ات ماك نصيح. |
بت الفرجوني
النبي البخليني أكون نصيح شنو؟
وحاة الله فاقدك بشدة
أخبارك يا اللُّخُت
|
Post: #40
Title: Re: نيل إبن كلب (وطن كضاب)
Author: ناصر المحسى
Date: 01-13-2010, 06:18 PM
Parent: #38
جميل
|
Post: #43
Title: Re: نيل إبن كلب (وطن كضاب)
Author: حبيب نورة
Date: 01-13-2010, 06:31 PM
Parent: #40
إنت الأجمل يا ناصر
|
Post: #41
Title: Re: نيل إبن كلب (وطن كضاب)
Author: حبيب نورة
Date: 01-13-2010, 06:25 PM
Parent: #38
والله يا بكري تخيل بعد دة كلوا طلع نيل مسكين
وما عندوا أيي ذنب في الشئ البحصل دة
نيل ما بتعب من الإنجاب
لكن مشكلتوا العقوق القاعدين نمارسوا عليه دة
أتحمل جميع خطايانا
و آثامنا
ومشاكلنا
و حزننا
وجوعنا
ومرضنا وعمروا ما أشتكي ولا قال كفي!
| Quote: بسببه تركت له السودان( والجمل بماحمل )، وقاعـد دلوقت جـنب بـحر ظريف جـميل نضـيف مستحمي ومافيه تراب ولاطـمي ولاتماسيـح،.... بـحر في موسكو اسـمه ( نهر مـوسكو )،...الايام دي هـو في حالة بيات شتوي وفي حالة تـجمد وماقاعد يمنع الناس تتزحلق فوق جليده، والمواطنون جالسون في امن وامان علي الكراسي ويدخنون الشيشة وتحتهم نهر موسكو... وهو قانع وراض بالحال وبالناس البتمشي فوقه بالرجلين وبالزحلاقات،، مـش زي النيل عندنا كل يوم نسمع مركب انقلب، بنطون اتزحلق،فلوكة غطست!!!مـش زي النيل عندنا بنت له الحكومة سـد مروي، فلا شافوا الناس موية ولاكهرباء!!! |
بختك يا عم
عقبالنا يا رب
|
Post: #44
Title: Re: نيل إبن كلب (وطن كضاب)
Author: نهلة محكر
Date: 01-14-2010, 11:13 AM
Parent: #41
يا واد يا طاقة حروف
|
Post: #45
Title: Re: نيل إبن كلب (وطن كضاب)
Author: عمر علي حسن
Date: 01-14-2010, 05:05 PM
الله ..
الله .. الله ..
الللللللللللللللللللللللللللللللللللله
قرأت ومددت بصري للنيل فوجدته في قلبي وهو علي بعد الاف الاميال
وانت تحضرة مقودا مخفورا يبوس الضفاف
وكذاك يسيل دمعه غلي قلوبنا وهو يقرأ معنا
نشاف حلقك
أذاك يا نيل
شنق في القيف قناديلك
حراق روحك .... غباش الضفة بِنده ليك .. يناديلك
سجم خشمك...
تمِد ماعونا للمالِح
تكوس في وحدة ماهِيلك
تقشقِش في دموع صحرة
بتسرِق في مناديلك
تصور ياحبيب إن صوتي سيزعج مصطفي سيد احمد في مرقده الابدي .. ولكنني
جلست ادندن هذا المقطع وانا اظن بنفسي الخير واتخيل اني مصطفي سيد احمد..
لست آسفا علي خيالي الجامح .. فالسكران ما عليه عتب ..
(صح لسانك) ..
اسكرتنا واطربتنا وكمان طيرت باقي عقلنا
أعجابي بلا حدود .. وساذاكر حتي الحصة القادمة ..
عمر علي حسن
|
Post: #47
Title: Re: نيل إبن كلب (وطن كضاب)
Author: حبيب نورة
Date: 01-15-2010, 00:30 AM
Parent: #45
Quote: الله ..
الله .. الله ..
الللللللللللللللللللللللللللللللللللله |
عمر يا جميل
الله أكبر وخمسة و خميسة علي جمال روحك
يا زول غني
خلي مصطفي يرتاح في تُربتو
غني وخلي الدنيا كلها تسمعك
|
Post: #46
Title: Re: نيل إبن كلب (وطن كضاب)
Author: حبيب نورة
Date: 01-15-2010, 00:13 AM
نهلة محكر
إنتي طبعاً أول زولة تبحر في النيل دة
لإعتبار إني مقاديفي جواك بقت حصرية
خليك بخير
|
Post: #49
Title: Re: نيل إبن كلب (وطن كضاب)
Author: حبيب نورة
Date: 01-15-2010, 01:46 AM
Parent: #48
|
Post: #50
Title: Re: نيل إبن كلب (وطن كضاب)
Author: حبيب نورة
Date: 01-15-2010, 01:49 AM
Parent: #49
منتهي الجمال يا صائغ
نهر في غاية الحلاوة
تسلم علي الصور الجميلة
|
Post: #51
Title: Re: نيل إبن كلب (وطن كضاب)
Author: خدر
Date: 01-15-2010, 01:58 AM
Parent: #50
Quote: وطير زرزور يمِد جنحينوا
يسرق ضي غروب شمسوا
و قبُل يطلع علي عشوا
و ينسي الدنيا والازمان .. وسحر اللحظة ما يغشوا ...! |
راجيك لي فترة تتم لي المقطع ده و توريني الزرزور فكرتو وصلت ويين
لقيتك ما مركز معاي .. قلت الكزك
اتصلح معانا يا حبيبا
و ركز .. ما تجهجهنا ياخي 
|
Post: #53
Title: Re: نيل إبن كلب (وطن كضاب)
Author: حبيب نورة
Date: 01-15-2010, 03:41 AM
Parent: #51
Quote: راجيك لي فترة تتم لي المقطع ده و توريني الزرزور فكرتو وصلت ويين
لقيتك ما مركز معاي .. قلت الكزك
اتصلح معانا يا حبيبا
و ركز .. ما تجهجهنا ياخي |
أبو الطاء والخاء
في نفس الوقت
شكلك كدة تاوقت لي النص بعيون شاعر!
لكن وحياة غلاوتك
أول ما كتبتوا ما كنت بعتبر إنوا عندوا علاقة بالشعر تب!
أنا حسب إعتباري إنوا النص لازم تكون علاقتوا بالمزيكة مدوزنة
ما بحب القلم الأشتر حتي لو كان الموضوع عن السياسة
ـــ هسة!
لما قريت كلامك دة عرفت إنك عاينت للنص بعيون زول مليان مزيكة
غايتو بحاول اعالجوا حسب إحساسي بي كاروشتك !
عاد جِنِس كاروشة هي!
| Quote: و ركز .. ما تجهجهنا ياخي |
زي ما جهجهتني في الغيم
السمعتوا صدفة في شنطة صديق قديم
أها أركِز للبجيبها الريح
|
Post: #59
Title: Re: نيل إبن كلب (وطن كضاب)
Author: حبيب نورة
Date: 01-16-2010, 04:49 PM
Parent: #53
يانيل أعلن زفافك للجروف ................... بطِّل عوارة بتبعدك
تشهــــــــِر زواجك للملح !!!
راجياكا من زمن القراية
نخلاية زينة مأصلة .......... قارية فاتحة علي الوطن!!
لا تخونوا لا تطــــــــاطي الجريد ......... الا كان يا السمحة يصبح سعف
فوق ضلوا ينجم الحبيب !
تقطع سبايطك كل شك ..... يجعل تميرك منو فك
والنيل بيرفل في عظمتوا و في جلالو البيه أصبح لينا مك!!!
|
Post: #60
Title: Re: نيل إبن كلب (وطن كضاب)
Author: حبيب نورة
Date: 01-16-2010, 04:50 PM
Parent: #59
مشاويرك عديلة علي الخدار ........... حارساك مصنقرة في الجفاف
نخلة بايرة !! ما طلب أيدا الغمام
لا جاها بي سيرة المطر!!!!!
كانت بتسمع حس دلاليك السمـــــا ... جلع الطنابير النايمة في سدر المسادير و الغنا
تتكرَّّف ضريرة الغيم عشم
في بالا قيدومة العصر و السيرة مرقت للبحر و أنشاء الله بالمال و التمــُر !!
|
Post: #61
Title: Re: نيل إبن كلب (وطن كضاب)
Author: حبيب نورة
Date: 01-16-2010, 04:51 PM
Parent: #60
و أنت يا نيل واصل حوامتك في زقاقات الخرايط
أبقي عشرة علي نخيلة شاربة من صلصال نزيفك ......... وخل خريفك
يغشي للمحل البنتـــــِّف كل صفقة جليدا ناير
أمسح جبين كل الجزاير
يبقي مهرك للحبيبة يوم لقيطك
سبيطة تعرق في الرؤوس الفاضية رقصة
شبال بتاوق للسما
زغرودة تقدل في الفضـــا .......... وعشم علي وش البلا
|
Post: #62
Title: Re: نيل إبن كلب (وطن كضاب)
Author: حبيب نورة
Date: 01-16-2010, 04:52 PM
Parent: #61
يا نخلة
أنتي يا الكبرتوكي وجرتقوك!!
ماروق ودلكـــــــــــــــة ومحلبية
طورية بتعوسلك فطير .......... جدول بجيب حق الفطور!!
تربال بودي المدرسة!!!
ساقية بتراجع في الحصص !!! حواشة لي لعبة شليل !!! من غير حوامة و مسخرة!!
ما مرقتي لي شحدة رغيف ... لا كشفتي وشك لي غريب
لا جبتي خبراً من قريب ........... قالوهو في قعدة مشــــــــاط!!
|
Post: #63
Title: Re: نيل إبن كلب (وطن كضاب)
Author: حبيب نورة
Date: 01-16-2010, 04:53 PM
Parent: #62
سيّروا سيّروا
الصلاح بِروا
شوفوا النيل وصل جدودوا السبعة جوا
سيرتوا ما بتقيف
لو غاب الخريف
شوفوا النيل وصل عاد النخلة كيف
في جبينوا الهلال
شاقي للتلال
شوفوا النيل خطب نخلة في الشمال
سيّروا سيّروا
الصلاح بِروا
شوفوا النيل وصل جدودوا السبعة جوا
|
Post: #64
Title: Re: نيل إبن كلب (وطن كضاب)
Author: حبيب نورة
Date: 01-19-2010, 06:56 PM
Parent: #63
الريح بتتعب
لمّا تضهب في البلود الما بتعرف هم صدودك
تجري مقطوعة نفَس
تمسح دموعا في ضل الشجر
تختِف من النيل الغنا
تزهج من الحر واليباس
ما الريح مواعيدا المطر تفرح و تضحك للغمام
|
Post: #65
Title: Re: نيل إبن كلب (وطن كضاب)
Author: ناصر المحسى
Date: 01-20-2010, 05:33 PM
Parent: #64
فوق
|
Post: #66
Title: Re: نيل إبن كلب (وطن كضاب)
Author: حبيب نورة
Date: 01-20-2010, 05:51 PM
Parent: #65
مشكور يا ناصر
فيك الخير
|
|