شركات الاتصالات في السودان تحسب بالدقيقة كيف الحساب عندكم؟

الاخوة في المنبر معظم شركات الاتصالات في السودان تحسب بالدقيقة وهذا فيما اعلم لا تشاركها فيه دولة.
اصدرت الهيئة القومية للاتصالات أمرا للشركات لتحسب بالثانية مع مطلع هذه السنة.
النتيجة لم تلتزم لا سوداني ولا زين.
افيدونا هل يشارك شركات السودان بلد في هذا الظلم؟
الذي يتحدث ثانيتين يحاسب بستين ثانية دقيقة كاملة.
افيدونا

صراحة في شوق لاجاباتكم واتمنى إجابة واحدة من كل دولة على الأقل؟
مشكورين.

سلام

عندنا بالثانية ...

عند ما نتصل بالسودان والشبكة تطش بيك كالعادة...

تتصل بالشركة وهم بقوا للاسف عارفين تداعيات الاتصال بالسودان..

برجعوا ليك حق الطشاش بالرغم من انهم ما السبب وبالثانية ومعها اعتذار....!!

نعاني جدا خاصة عندما تتصل بخط سوداني ...

ومرات يجيك جرس وما في جرس ودي اصبحت معروفة للجميع هنا..!!

وحق الجرس مخصوم في السودان وهنا لا..!!

قبل يومين كنت بتصل علي شخص عزيز لامر ضروري ....

الجرس يضرب ويضرب لمن قلت عزيزي نام...!!

خشيت الماسنجر في الهوت ميل لقيتو واقف منتظر..

ياعزيزي مابترد مالك قال لي ما اتصلت ...

شلت التلفون واتصلت عدة مرات وبجيني جرس وتلفونوا مابيرن...!!

واصلت بالماسنجر لكن داير حد يشرح لينا جرس الهواء دة شنو!!

وجرس الهواء دة في السودان بس..!!

هنا لوتلفونك مقفول وحد اتصل عليك عندما تفتح التلفون تجيك رسالة من الشركة بمن اتصل بك بالساعةوالدقيقة والثانية..!!

دي غير خدمة ترك رسالة للمتصل>رد الي بترك رسالة) لو ماقادر ترد..!!

الأخ مجدي شكرا جزيلاً بعض هذه الخدمات موجود هنا مثل من اتصل عليك في حالة تلفونك مقفول.
ارجو شاكراً ان تحدد لي البلد الذي انت فيه الآن.

الأخوة أعضاء المنبر السلام عليكم ورحمة الله
طلبي بسيط أذكر لي الدولة التي انت فيها وكيفية حساب محادثات الموبايل بالثانية أم بالدقيقة.
لنحتج بها هؤلاء.