تابعت صدفة لقاء مع شابة اسمع لها لاول مرة وهي نهي عجاج وبدءت واثقة متواضعة هادئة وادت غناء جميلا لها ولغيرها باقتدار ...عرفت من اللقاء انها تحصر نشاطها الفني في اصدار البومات ولقاءات محدودة ... المهم ان لها في وجهة نظري صوت وامكانات جيدة ولقد غنت الحانا من عمل والدها الموسيقي الراحل بدرالدين عجاج ولشعراء اغاني معروفيين...هي بالتاكيد شقيقة لنانسي عجاج والتي سبقتها شهرة وانتشارا ولكن لكل واحدة منهن امكانات ولون خاص كما يبدو الا ان "الجينات" باقية في تشابه في نبرات الصوت ....تمنياتي لها بتوفيق يليق باجتهادها وعطاؤها .....اعجبت بالقصاص الذي رافقها علي الة الاورغ وهو موزع اغانيها وكثير التهذيب والتواضع وعارف بدوره ....
مسافر ليه
Post: #2 Title: Re: نهي عجاج صوت نسائي جميل Author: Elmosley Date: 01-10-2010, 01:04 AM Parent: #1
صدقت والله يا ابوبكر بتنا نهي فنانة مافي كلام سمعت ليها ست اغنيات في موقع سودانيس سونقس دوت نيت ياسلام اعمال من والدها الراحب قمة في الروعة وتوزيعات من عمر القصاص جميله جدا خصوصا الاغنيتين لوحت وبهاجر ليك غايتو مزجة جميله جدا صوتها بين الاصالة والمعاصرة تاييد تام لك يا ابا بكر
Post: #3 Title: Re: نهي عجاج صوت نسائي جميل Author: خـالد سـوميت Date: 01-10-2010, 08:02 AM Parent: #2
الاخ ابو بكر لك التحية والتقدير
مسافر ليه ..؟ الاغنيه التى ظهرت بها نهي عجاج كلمات جميلة ومعبرة عن عمق السؤال نفسه مسافر ليه؟
أجادت في الاداء بصوتها الجميل الدافئ .. والمبشر بأنها سوف تكون نجمة فى المستقبل القريب
Quote: أجادت في الاداء بصوتها الجميل الدافئ .. والمبشر بأنها سوف تكون نجمة فى المستقبل القريب
باذن الله يا خالد فهي لها حضور واضح وصوتها يمزج بين الاصالة والحداثة كما قال استاذنا الموصلي ولها موروث من ابداع ...
Post: #14 Title: Re: نهي عجاج صوت نسائي جميل Author: هاشم محمد الحسن عبدالله Date: 01-12-2010, 09:44 AM Parent: #5
تحياتى أستاذنا أبوبكر ، والله بالفعل هذه الفنانة واعدة وأداؤها مقنع وتملك صوت ملائكيا ينساب عذوبة والقا، وأستفادت كثيرا من والدها الموسيقار الراحل بدرالدين عجاج فى صقل الموهبة ونضجها، وأعجبنى جدا أدائه لأغنية ( حليلك ياأسمر) .
Quote: غايتو مزجة جميله جدا صوتها بين الاصالة والمعاصرة تاييد تام لك يا ابا بكر
يا قريبي اكييد هي حتكون سعيدة وفخورة برائك كفنان وموسيقي محترف ...في زمن كثرت فيه اصوات كثيرة تشتهر بغناء الاخريين وتخشي ان تاتي باعمالها الخاصة فهذه الشابة اتت بست اغاني معا سمعت منها ثلاث ومطالع الثلاث الاخريات وكلها لها موقع في الوجدان ومتما ما وجدت الاغتية اوالصوت موقعا في وجدان الانسان فهي تبقي هناك متحكرة ..
انا شاهدت اللقاء معها في النيل الازرق وسجلت هذه "لوحت" التي اعجبتك كما ذكرت
تعرف انا رايي غير رأيك تماما وكثيرا ما أسال نفسي لماذا تصر نهى على الغناء ، صوتها اكثر من عادي ولو انها فيها امكانيات نجمة حقيقية لكن قد تكون في مجال آخر ، ولا تشابه في نبرات الصوت ،،،
من حقك...كل منا يبدي وجهة نظره وما اراه انا جميلا ليس بالضرورة ما تراه انت او اخر ... انها اذواق ولولا اختلافها لبارت السلع ....
Post: #9 Title: Re: نهي عجاج صوت نسائي جميل Author: Elmosley Date: 01-12-2010, 04:46 AM Parent: #4
تعرف ياقريبي وسط العجاجه القايمه في الفن السوداني هنالك اثتان سوف تسيطران علي الساحة قريبا ياسمين محجوب ونهي عجاج لانهما لاتستمرآن الطريق الاسهل الا وهو الاجترار كلاهما شجاعة وكلاهما مقدامة وكلاهما تعشق الجديد والتجديد ولا يهمهما ان صفق الجمهور ام لا لانهما تعلمان بان من يصفق لها بضم الصاد اخيرا يكون لها الخلود اسمع كلامي ده وارقد قفا وما اسهل وارخص الاجترار مودتي
Post: #10 Title: Re: نهي عجاج صوت نسائي جميل Author: فاروق أبوحوه Date: 01-12-2010, 05:25 AM Parent: #9
كغيري أعجبني صوت نهي عجاج جداً ،، وقد تابعت حلقه كامله لها بثها تلفزيون الخرطوم خلال أيام العيد،، والغريب حتي الإعاده حضرتها ، وقد كانت أجمل من البث الأول.
نهي عجاج ما شاء الله ، قدره فائقه علي التطريب بمعية صوت قوي وجميل يطربك حد التوهان. ولم أنس أن أدس الـ CD الأخير لها بين ما غادر الوطن معي..
شكراً أبو بكر علي هذه الكوه الجميله والموصلي معه ألف حق في ما ذهب إليه.
كل الود
Post: #11 Title: Re: نهي عجاج صوت نسائي جميل Author: abubakr Date: 01-12-2010, 06:45 AM Parent: #9
ياقريبي
Quote: وما اسهل وارخص الاجترار
صدقت .. الاجترار والنقل والنسخ والمحاكاة كلها اسهل حيث تفتقد صفة الخلق والابداع الاولي والاصيلة ....
اكرر ان اعجابي بالشابة نهي بالاضافة الي ان صوتها قد وصل وجداني من اول مرة هو اصرارها علي ان تاتي "بحقها" خالصا كما فعل من بقيت اعمالهم واصواتهم في وجداننا عقودا وما زالت
Post: #12 Title: Re: نهي عجاج صوت نسائي جميل Author: saif massad ali Date: 01-12-2010, 07:13 AM Parent: #11
ياسلام
حاجة تمام والله دي طلعت متين
Post: #13 Title: Re: نهي عجاج صوت نسائي جميل Author: وليد عبد اللطيف Date: 01-12-2010, 07:50 AM Parent: #12
Quote: صدقت والله يا ابوبكر بتنا نهي فنانة مافي كلام سمعت ليها ست اغنيات في موقع سودانيس سونقس دوت نيت ياسلام اعمال من والدها الراحب قمة في الروعة وتوزيعات من عمر القصاص جميله جدا خصوصا الاغنيتين لوحت وبهاجر ليك غايتو مزجة جميله جدا صوتها بين الاصالة والمعاصرة تاييد تام لك يا ابا بكر
ياهندسة طال ما انت والاستاذ الموصلي اتفقتوا على شيء معناها انا ارجع واشوف الماعجبني فيها شنو .. ياربي عشان يوم هذا اللقاء كانت مكتره من الاخدر ... تخيل في يوم سمعت واحدة من بنات عجاج بتغني رائعة الراحل المقيم (صديق الكحلاوي ) ( قالو قالوا على شقي ومجنون ) والله العظم جرت دموعي ياخي الاغنية حنينة ولي معها ذكريات وبصوتها زادتها حلاوة وكما ن كدى ننتظر صاحبك طارق ميرغني (ابو الفن ) رايو شنو . و ياهندسة البت دي في شيء فيها ناقص وعايز بحث لمعالجته
استاذ الموصلي ( سعد + القصاص + عبد العال ) ياخي انا بقول ديل امتداد لجيلكم
--------------- الف تحية ليك ولكل الزوار
Post: #15 Title: Re: نهي عجاج صوت نسائي جميل Author: abubakr Date: 01-12-2010, 10:16 AM Parent: #13
يا وليد اغاني واغاني سلام وخيرا جمعنا تاني
Quote: طال ما انت والاستاذ الموصلي اتفقتوا على شيء معناها انا
البرابرة اتفاقم صعب ووقت يتفقو بتفقو علي الشديد القوي .... اها ننتظر ابوالفن"طارق" اها يا وافقنا يا شلنا منو عمتو الكبيرة دي
Post: #16 Title: Re: نهي عجاج صوت نسائي جميل Author: حافظ كنجال Date: 01-12-2010, 10:35 AM Parent: #15
بغض النظر عن شكل المقارنة بينها وبين الصاعدات من المغنيات الشابات نهى افضلهن في الساحة حقيقي يكفيها شهادة ابوها الله يرحموا ياموصلي ساعدوها بقدر مابتقدروا نهى رائعة
Post: #17 Title: Re: نهي عجاج صوت نسائي جميل Author: عمر الفاروق Date: 01-12-2010, 10:41 AM Parent: #12
الأخ ابوبكر والاخوان المشاركين : كلام شمايل النور ده ما تمشوا فيهو ساي .. وما تتعاملوا معاهو كوجهة نظر ورأي وبس.. حا اوافقكم واختلف معاكم .. حا اوافق كلام الموصلي جداً في الحتة بتاعت انها ممكن تنجح لأنها فعلاً أختارت الطريق الوعر وقررت تقدم نفسها بي اعمالها الخاصة واللي وفقت كتييير جداً في اختيارها فهي من نوعية الاعمال القريبة لي قلب وسمع السودانيين وبتهبشهم سريع ساعدها في ده استخدامها لي واحد من امهر الشباب الموسيقيين هذا المدعو عمر القصاص .. حا اختلف معاكم وكالعاااادة في قصة صوتها جميل دي .. صوتها ما فيهو جماليات ولا شي مميز والغريبة كمان انو حتى ما بيشبه صوت البنات الفنانات (مرات كده كللل النسوان لمن يغنوا عندهم صوت واااحد كده ).. ما يميزها انها جريئة وشكلها عينها قوية وما بتخاف (اللقاء الحضرتو ليها كانت قاطعة قلب مقدمة البرنامج عدييييل كده وعندها صرة تخلع والله :) ).. اتوقع والله اعلم انها بتغني وفي بالها شهرة نانسي اختها ومن بعيييد لي بعييد كده انا حاسي بودار خلاف اثرت عليها عوامل خارجية خلت نهى دي تغني بي نفس حااار ومعاكس ومخالف لي طريق نانسي مع انهم اخوات بس يبدو انو في دوافع خفية بتخلي نهى اكتر حدة وهي بتغني على عكس نانسي البتغني رااايقة وبتتكلم راااايق وبدون انفعالات (واضح من خلال المقارنة بين اللقاء اللي تم مع كل واحدة على حدى وطريقة الردود والكلام ..) نهى تملك اعمال جميلة متكاملة تعتمد على اعمالها الخاصة في تقديم نفسها لكن تفتقد للصوت .. مع تحيات عمر الشاتور..
تخريمة : شمايل انا من زمااان قلت ليك انتي مججججججرمة ما صدقتينيوعاااارفك قريتي في معهد القرش بس براااك ناكرة ..
Post: #18 Title: Re: نهي عجاج صوت نسائي جميل Author: abubakr Date: 01-12-2010, 11:12 AM Parent: #17
يالفاروق
الحمدلله الجيت بجاي
Quote: حا اختلف معاكم وكالعاااادة في قصة صوتها جميل دي ..
اختلف زي ما داير فانا كما ذكرت في موضوع سابق غير متخصص واهو رطاني ساي اكان عجبني غني عرريب بسمعو ما عجبني برجع لطارنا وغنانا وطمبورنا ويا دار ما دخلك شر ... انا استمعت للبنية دي صدفة وما كنت عارف هي منو لاني تابعت البرنامج في جزء بعد المقدمة بحيث لم اعرف دي مين وداك منو وكانت بتغني لحظتها فبدل ما احول لفضائية ثانية لانو عندي "ارتكاريا " من الفضائيات السودانية ما بتخليني اتاوق كتير عندها اها اكرش واستمع .. يعني عانيت لانو كنت عايز اواصل اسمع البنية .. اي ان صوتها او غناها وصل الي وجداني ... بعدين انا مزاجاتي في الاستماع ممكن اشعلق في اغنية شهر واكرهها سنيين وارجع ليها عشان كدة عندي حوالي مية غنية في التلفون الشايلو وفجاءة اقوم امسحن كلهن واجيب غيرهن وكدة فبالله خليني في الوصلة الانا فيها دي وواصل مع عمك الموصلي هو برضو من اندنا وما بتنازل كدة لله في الله ولو قال صوت جميل يعني صوت جميل ويبقي الوضع كما هو عليه وعلي المتضرر اللجوء الي اية حاجة ...شد حيلك ...
Post: #19 Title: Re: نهي عجاج صوت نسائي جميل Author: سيف الدين مصطفى كرار Date: 01-12-2010, 06:10 PM Parent: #1
يا استاذ ابوبكر تحياتى
ادهشنى تاديتها لاغنية الفنان ابراهيم عوض يازمن فى لقاء لها على قناة النيل الازرق