Post: #1
Title: فرصة ذهبية : منزل 1200 م بأمدرمان
Author: خلف الله عبود
Date: 01-09-2010, 06:04 PM
Parent: #0
للبيع منزل 1200 متر بامبده الحاره السادسه ....
قطعه رقم 310 ..
ناصيه علي شارعين رئيسيين
احداهما شارع الردميه الرئيسي
و جوار مستشفي الشفاء التخصصي
و بالقرب من سوداتل
من المالك مباشره :
249913857437
966559748747
الوسطاء يمتنعون
|
Post: #2
Title: Re: فرصة ذهبية : منزل 1200 م بأمدرمان
Author: خلف الله عبود
Date: 01-10-2010, 05:14 PM
Parent: #1
المنزل يحوي ...عياده في جزء منه + دكان مؤجران حاليا ......
|
Post: #3
Title: Re: فرصة ذهبية : منزل 1200 م بأمدرمان
Author: ismeil abbas
Date: 01-10-2010, 07:26 PM
Parent: #2
ألأخ خلف الله..السلام عليكم..
والله موقع سمح بالجد...وإستثمارى كمان......
Quote: من المالك مباشره :
249913857437
966559748747
الوسطاء يمتنعون
|
هل هناك مبانى بالداخل وكم عددهم.؟؟؟عاد الوسطاء ديل ما بنقدر نمنعهم..شى صعب خلاص.....الله يكون فى العون..
تقديرى وأحترامى.....
|
Post: #4
Title: Re: فرصة ذهبية : منزل 1200 م بأمدرمان
Author: الشفيع وراق عبد الرحمن
Date: 01-10-2010, 11:41 PM
Parent: #3
الأخ/خلف الله
فعلاً الموقع ممتاز ، وفرصة استثمارية، أنا اسكن قريب منها
الموقع كمX كم؟
السعر التقديري؟
هل توجد به أي نزاعات؟هل المالك واحد أم ورثة؟
طبعاً بعد البيعة لازم تطلع لي بكري حق السعي!!!!
لك التحية
|
Post: #5
Title: Re: فرصة ذهبية : منزل 1200 م بأمدرمان
Author: خلف الله عبود
Date: 01-11-2010, 07:45 AM
Parent: #4
والأخ الشفيع
سلامات
المساحة1200 م م وسآتيك بتفاصيل كم في كم قريبا
المنزل ورثة من إخوة في إنسجام لا مثيل له في تاريخ السودان وقدأكملوإجراءاتهم ولم يبق غير البيع
|
Post: #6
Title: Re: فرصة ذهبية : منزل 1200 م بأمدرمان
Author: jini
Date: 01-11-2010, 07:56 AM
Parent: #5
| Quote: المنزل ورثة من إخوة في إنسجام لا مثيل له في تاريخ السودان وقدأكملوإجراءاتهم ولم يبق غير البيع |
لا مثيل له فى تاريخ السودان!!!
مرة واحدة كدة!!!!!!!!!
جابت ليها شتايم كمان!
غايتو البورداب لمن يبقو سماسرة ببالغوا!
جنى
|
Post: #7
Title: Re: فرصة ذهبية : منزل 1200 م بأمدرمان
Author: dardiri satti
Date: 01-11-2010, 07:58 AM
Parent: #5
تعرف يا أستاذنا ،
مرة واحد صاحبي
عرفني بضابط سجون كان معلم سابق
قدمه لي:
الأخ عبد الرحمن ،
من معلم إلى سجان!!
دحين يا صاحبي
أوعك تكون انقلبت
من معلم إلى سمسار!!
بالتأكيد ...لا .
عزيزي ،
اها سعره كم؟؟
كاش والا شيكات ؟؟
وكيف التقسيط؟؟
تحياتي
|
Post: #8
Title: Re: فرصة ذهبية : منزل 1200 م بأمدرمان
Author: خلف الله عبود
Date: 01-11-2010, 09:08 PM
Parent: #1
المنزل يحوي 8 غرف نوم + 3 صالات + 4 حمامات + مطبخ
كل الورثه عاملين تنازل ..لوكيل واحد ...قانوني
البيت يحتاج لبعض الترميم .....
وفعلا .. الوسطاء يمتنعون
|
Post: #9
Title: Re: فرصة ذهبية : منزل 1200 م بأمدرمان
Author: ombadda
Date: 01-11-2010, 09:21 PM
Parent: #8
أتوقع أن يكون سعر هذا المنزل رقم فلكى لموقعه المميز جدا...
بالمناسبة أنا ساكن قررررييييب ..وبالأمارة لو مشيت قدام شوية
حتلقى فرن الأميرة ...ومدارس الشامى..
بالمناسبة سكنا أمبدة سنة 1980 ...
|
Post: #10
Title: Re: فرصة ذهبية : منزل 1200 م بأمدرمان
Author: willeim andrea
Date: 01-11-2010, 10:41 PM
Parent: #9
امسك العربون ده لحدة ما نتفق انا جاد
|
Post: #11
Title: Re: فرصة ذهبية : منزل 1200 م بأمدرمان
Author: الشفيع وراق عبد الرحمن
Date: 01-12-2010, 08:59 PM
Parent: #9
| Quote: المنزل يحوي 8 غرف نوم + 3 صالات + 4 حمامات + مطبخ |
مطلوب صور داخلية ، ان وجدت
عموماً زي الموقع الاستراتيجي ده يحتاج لي تأسيس ،طوابق وكده ،عشان كده تقييم المباني الموجودة = صفر
| Quote: أتوقع أن يكون سعر هذا المنزل رقم فلكى لموقعه المميز جدا... |
شنو حكايتك يا أمبدة
نمرق منها ولا شنو؟
مميز ، نعم ، بس فلكي دي شنو؟
تحياتي
ولسع منتظرين أرقام تقديرية وليست فلكية
|
Post: #12
Title: Re: فرصة ذهبية : منزل 1200 م بأمدرمان
Author: فايزودالقاضي
Date: 01-12-2010, 09:05 PM
Parent: #11
Quote: لا مثيل له فى تاريخ السودان!!!
مرة واحدة كدة!!!!!!!!!
جابت ليها شتايم كمان!
غايتو البورداب لمن يبقو سماسرة ببالغوا!
جنى |
هههههههههههههههههههههههه
والبيت ماعنده مثيل في جغرافية السودان ....
|
Post: #13
Title: Re: فرصة ذهبية : منزل 1200 م بأمدرمان
Author: ombadda
Date: 01-12-2010, 09:15 PM
Parent: #12
شارع الردمية هو الشارع الرئيسى الذى يؤدى لسوق ليبيا
منتظرين جيرانا الجدد....
اسمى برضو خلف الله 
(بس ما خلف الله عبود) ههه
|
Post: #14
Title: Re: فرصة ذهبية : منزل 1200 م بأمدرمان
Author: خلف الله عبود
Date: 01-14-2010, 12:48 PM
Parent: #8
مزيدا من الصور الداخليه للمنزل :
و بالنسبه للاسعار .....ليست " فلكيه " بالمره ....و الكاش يقلل النقاش ..... :D
|
Post: #15
Title: Re: فرصة ذهبية : منزل 1200 م بأمدرمان
Author: yasir Abdelgadir
Date: 01-14-2010, 01:01 PM
Parent: #14
أمبدة يا زميل: سلامات
| Quote: أتوقع أن يكون سعر هذا المنزل رقم فلكى |
هو اصلو بيت في امبدة ولا وارغو ؟؟؟؟؟؟
بعدين بيت كلو حوش وسراير قديمة ونخل و عشر قايم..وبعد في امبدة يكون سعرو فلكي كيف يعني...شكلك بطلت الطب وبقيت سمسار
صاحب البوست:
انت قلت الوسطاء يمتنعون...يعني انت لو ما واحد من الورثاء تبقي انت ذاتك وسيط
ادينا المختصر المفيد.....أو النجيضة زي ما بقول عمك ود الصايم
|
Post: #16
Title: Re: فرصة ذهبية : منزل 1200 م بأمدرمان
Author: ombadda
Date: 01-14-2010, 01:17 PM
Parent: #15
يا أخوانا أقول ليكم أنا ساكن فى المنطقة دى لى حكاية بتاعت 30 سنة...وأتمنى أنو خلف الله عبود يورينا السعر
التقريبى للمنزل دة عشان تعرفوا حاجة...
فى حاجة تانية ..شايفين المستوصف السمح دة ...دة ما حقى دة بتاع واحد زميلنا هههههههههههههههههه
ندخل فى تحدى ورهان لسعر المنزل...الناس دى لسة نايمة ما عارفين التطور الحصل فى أمبدة..
خليكم نايمين أحسن...
-----
تنويه :
ليس لى أى علاقة بأصحاب المنزل أو بخلف الله عبود...
مداخلتى فقط للممازحة ولانى ساكن قررررييييب
|
Post: #17
Title: Re: فرصة ذهبية : منزل 1200 م بأمدرمان
Author: Hadia Mohamed
Date: 01-14-2010, 01:38 PM
Parent: #16
| Quote: كلو حوش وسراير قديمة ونخل و عشر قايم.. |
فى زول قال ليك السراير للبيع هسى؟
النخلة بركة والعشر بتقطع
الواحد فيكم التقول بكتب لى سنونو.
|
Post: #36
Title: Re: فرصة ذهبية : منزل 1200 م بأمدرمان
Author: نوفل عبد الرحيم حسن
Date: 02-05-2010, 01:38 PM
Parent: #17
Quote: فى زول قال ليك السراير للبيع هسى؟
النخلة بركة والعشر بتقطع
الواحد فيكم التقول بكتب لى سنونو. |
دا بوست ولا حلة رباطاب ؟
شفت يا دكتور ام بده ؟
معظم طفولتي قضيتها جمب البيت دا
وكمان برضو شويه كده علي تقاطع ودالبشير
بتلاقيك صيدلية انا السودان قبل التقاطع بشارعها طوالي كده
بتلقي مسجد الاستاذ محمد سعد . او ما يعرف حاليا بجامع الحلبا
شويه كده علي المحكمه الشرعيه القديمه
اها صاحب البوست يدينا حقنا في البيعه ولا نحرقا ؟
بالجد كده
البيت موقعو ممتاز شديد
العندو كاش .. يقلل النقاش
وما ح يندم ابدا
|
Post: #37
Title: Re: فرصة ذهبية : منزل 1200 م بأمدرمان
Author: ombadda
Date: 02-05-2010, 02:34 PM
Parent: #36
Quote: معظم طفولتي قضيتها جمب البيت دا
وكمان برضو شويه كده علي تقاطع ودالبشير |
نوفل إبن عمى
سلام ياخى
بس إنت شطحت شديد. تقاطع ود البشير أول أمبدة..ومكان المنزل دة فى الثمانينات كان اخر محطة للمواصلات..علشان
كدة المحطة دى للان تسمى ((اخر محطة)) بالرغم إنو اخر محطة للمواصلات الان هى سوق ليبيا وما وراء سوق ليبيا..
يعنى ما ممكن تكون ساكن جمب البيت دة فى اخر محطة وتمشى شوية وتلقى أول محطة..
حاجة تانية ..اخر الشارع الأسفلتى كان بالضبط محازى لمدرسة الكتيابى وإستاد المريخ فى العرضة..وباقى الطريق حتى امبدة عبارة عن ردمية
وأعتقد سبب تسمية الشارع بشارع الردمية لهذا السبب..ولم تتغير التسمية حتى بعد سفلتة الشارع...
غايتو نتمنى جيرانا الجدد يكونوا بورداب  بس ما يكون ((تبلدينا)) عدو الأطباء الأول هههه..
ما تزعل يا تبلدينا بنهظر ساى
|
Post: #38
Title: Re: فرصة ذهبية : منزل 1200 م بأمدرمان
Author: نوفل عبد الرحيم حسن
Date: 02-05-2010, 03:04 PM
Parent: #37
| Quote: تقاطع ود البشير أول أمبدة..ومكان المنزل دة فى الثمانينات كان اخر محطة للمواصلات.. |
سلامات يا دكتور
ام درمان كلها وام بده تحديدا اسألني منها انا
انا اصلا مولود في الحاره التاليه شارع الجميعاب بالقرب من المستشفي الصيني
باقي اسرتي كلها ممتده من تقاطع ودالبشير حتي الحاره السادسه . مكان المنزل
وصفي الاول مسكتو ليك من تقاطع ودالبشير مرورا بالحاره السابعه وحتي الحاره السادسه
يعني كان وصف لشارع الردميه من اولو لحدي مكان المنزل
ممكن اوصفها ليك زقاق . زقاق وزول . زول
اقول ليك شي ؟ نحن بنلعب قيم واحد من السابعه بوصلنا لحدي محلية الامير
هو موضوع البوست كان شنو ؟
|
Post: #39
Title: Re: فرصة ذهبية : منزل 1200 م بأمدرمان
Author: ombadda
Date: 02-05-2010, 03:16 PM
Parent: #38
نوفل..
بالمناسبة ياخى عندى إقتراح..رأيك شنو نفتح بوست عن أمبدة,, تماما زى ما ناس بحرى طراوة..والشعبية ..وبرى
بس ما ممكن نسميهو أمبدة طراوة زى بحرى طراوة لانو هنا ما فى طراوة.. ممكن نسميهو أمبدة كتاحة 
ناس أمبدة فى البورد دة كتار بس لابدين.....
نوفل
البوست دة حيجيب لينا شبهة سمسرة ساى نطلع منو ونتلاقى إنشاء الله فى بوست ((أمبدة طراوة)) أو ((أمبدة كتااحة)) ههه
|
Post: #18
Title: Re: فرصة ذهبية : منزل 1200 م بأمدرمان
Author: ناهد علي
Date: 01-14-2010, 01:43 PM
Parent: #16
والله العظيم دة فيه حوش ماحوش نصاح ثلاث حبشيات مايقدرن يقشنه.
و8 غرف و4 حمامات يعني اليوم بي عدلة نظافة .
الشفيع وراق ماعرفت المكان ياجاري قدر ماعصرت مخي رغم أني اشتغلت في المقسم دة بس المستشفي لخبطت علي الحكاية.
كدي وصفة لي .
|
Post: #19
Title: Re: فرصة ذهبية : منزل 1200 م بأمدرمان
Author: yasir Abdelgadir
Date: 01-14-2010, 01:48 PM
Parent: #18
| Quote: فى زول قال ليك السراير للبيع هسى؟ |
السمساريات ظهروا.........ما قالوا الوسطاء يمتنعون...اهو نوعكم دا الرفع سعر الدافي من 200الف دولار لي اتنين مليون دولار
حقك محفوظ...بس بالماسينجر... بالله ماتخربوا علينا اللعب
|
Post: #20
Title: Re: فرصة ذهبية : منزل 1200 م بأمدرمان
Author: ombadda
Date: 01-14-2010, 02:03 PM
Parent: #19
انشاء الله تكون امنت يا زميل...
----
الموظفون يمتنعون... Tycoons Only
|
Post: #21
Title: Re: فرصة ذهبية : منزل 1200 م بأمدرمان
Author: Mahmoud Mustafa Mahmoud
Date: 01-14-2010, 02:03 PM
Parent: #19
دايرين فيهو كم..؟؟؟
هات من الآخر..
200 حلوة؟
أرح
|
Post: #22
Title: Re: فرصة ذهبية : منزل 1200 م بأمدرمان
Author: الشفيع وراق عبد الرحمن
Date: 01-14-2010, 02:57 PM
Parent: #21
Quote: هات من الآخر..
200 حلوة؟
أرح |
250 والعربون جاهز
كيفك يا ناهد
يعني جينا هناك وما لاقيناك!
من بيتكم لي شارع الخور البمشي الردمية و من الصيدلية تاخدي يمين وتقريباً بعد 500 متر قريب جداً من سوداتل محل شغلك القديم
طبعاً ده حسب الذاكرة ،وصححني يا خلف الله
تحياتي للاسرة
قابلت نادر كم مرة ومعاهو ولده الظريف
|
Post: #23
Title: Re: فرصة ذهبية : منزل 1200 م بأمدرمان
Author: خلف الله عبود
Date: 01-16-2010, 05:05 AM
الاخوه الافاضل .....
لست بوسيط ...و لكن يهمني انجاز هذا الموضوع .....
و بالنسبه للسعر يا ساده ....ارجو الاتصال بالارقام اعلاه .....السعر بيحدده طريقه الدفع و السرعه ........
فما تستعجلوا.....
|
Post: #24
Title: Re: فرصة ذهبية : منزل 1200 م بأمدرمان
Author: خلف الله عبود
Date: 01-22-2010, 06:12 PM
Parent: #1
فوق
|
Post: #25
Title: Re: فرصة ذهبية : منزل 1200 م بأمدرمان
Author: abubakr salih
Date: 01-22-2010, 07:15 PM
Parent: #24
| Quote: والله العظيم دة فيه حوش ماحوش نصاح ثلاث حبشيات مايقدرن يقشنه. |
يا جماعة سلام عليكم.
بعيد عن موضوع البيع و الشراء لفت اٍنتباهى قصة الحبشيات الثلاثة.
يا أخت ناهد هذا التعليق ربما جاء بحسن نية لكنه يتجنى على اخوتنا الاحباش
لانه يقع تحت طائلة ما يسمى بالتنميط، ان تجعل نمط محدد من العمل مرتبط بجنس او عرق.
بعدين الحبشيات لزم شنو؟ اذن من الافضل انو اى زول يقش بيتم براهو
|
Post: #26
Title: Re: فرصة ذهبية : منزل 1200 م بأمدرمان
Author: jini
Date: 01-22-2010, 07:32 PM
Parent: #25
| Quote: منزل 1200 م بأمدرمان |
يعنى البطان يتشاكلوا لو باب البيت دق!
انا فتحت الباب قبيل والله ما بمشى خلى حسن يمشى!
يعنى لو داير السعر تقسم البيت لى تلاتة بيوت اتنين مبنيات والتالتة بور!
وتشوف قيمة المثل وتجمع المبالغ التلاتة تظلع ليك بحوالى 450 مليون لحلوح!
ولا كضبا كاضب!
جنى
|
Post: #27
Title: Re: فرصة ذهبية : منزل 1200 م بأمدرمان
Author: Elawad
Date: 01-22-2010, 09:54 PM
Parent: #26
Quote: يا جماعة سلام عليكم.
بعيد عن موضوع البيع و الشراء لفت اٍنتباهى قصة الحبشيات الثلاثة.
يا أخت ناهد هذا التعليق ربما جاء بحسن نية لكنه يتجنى على اخوتنا الاحباش لانه يقع تحت طائلة ما يسمى بالتنميط، ان تجعل نمط محدد من العمل مرتبط بجنس او عرق. |
الأخت ناهد
أثق تماما في حسن نيتك لكني كالأخ أبو بكر لفتت نظري هذه العبارة و أتفق معه تماما في عدم مناسبتها... أقول ليك اختبار بسيط تعرفي الكلام مناسب ولا لا... ختي سودانيات مكان حبشيات و تصوري أن العبارة قيلت في منبر مصري و شوفي رد فعلك.
|
Post: #28
Title: Re: فرصة ذهبية : منزل 1200 م بأمدرمان
Author: Hussein Mallasi
Date: 01-22-2010, 09:58 PM
Parent: #27
Quote: يا أخت ناهد هذا التعليق ربما جاء بحسن نية لكنه يتجنى على اخوتنا الاحباش
لانه يقع تحت طائلة ما يسمى بالتنميط، ان تجعل نمط محدد من العمل مرتبط بجنس او عرق |
أدبتك نجاة محمد علي فأحسنت تأديبك.
|
Post: #29
Title: Re: فرصة ذهبية : منزل 1200 م بأمدرمان
Author: jini
Date: 01-22-2010, 10:05 PM
Parent: #28
| Quote: أدبتك نجاة محمد علي فأحسنت تأديبك. |
كايسو معاهو يا حسين!
غايتو فيك شبه من الجمل!
مابتنسى العشرة
جنى
|
Post: #30
Title: Re: فرصة ذهبية : منزل 1200 م بأمدرمان
Author: abubakr salih
Date: 01-22-2010, 10:40 PM
Parent: #29
| Quote: أدبتك نجاة محمد علي فأحسنت تأديبك. |
ما ادبتنى نجاة. انا مؤدّب خلقة الله، زيادة عليها اٍتأدّبت في بيتنا ثم الجبهة الديمقراطية جامعة الخرطوم. الاحباش اخوتنا فى الانسانية و غيرها، و هم ضحايا اٍستعلاء اجوف و فارغ يحصرهم فى الاشغال الهامشية و الوضيعة رغم انهم اهل ذكاء، فطنة و همّة عالية. اما "الباشبزوق" فقد كانوا ظلمة و مأجورين، يكتادون عيشهم من الاشتغال بالتعذيب و القهر الذى لا يخلو من الاستعلاء العرقى. عشان كده لاندخر للباشبزوق القديم و ورّاث صنعته المعاصرين سوى الضرب بلا هوادة. و البلدى لى باشبزوق يكربوا فى صلبو.
|
Post: #31
Title: Re: فرصة ذهبية : منزل 1200 م بأمدرمان
Author: Elawad
Date: 01-22-2010, 10:56 PM
Parent: #30
| Quote: عشان كده لاندخر للباشبزوق القديم و ورّاث صنعته المعاصرين سوى الضرب بلا هوادة. |
هنا اختلفنا تماما يا أبو بكر... لا يخفى على أي إنسان أنك عندما تخاطب ملاسي بباشبوزق فأنت لا تشير إلى الصنعة بل إلى التنميط الذي أدنته في كلامك أعلاه. إذا لم يكن هذا هو ما تقصده فلماذا خاطبت ملاسي دون غيره بالباشبوزق؟ يا أبو بكر يا عزيزي رأيت ما كتبته لك الأستاذة نجاة في سودان فور أوول و حتى أكون صريحا معك أنا شايف إنو الاعتذار بقى ليك حار... لكن صدقني كلامك أبدا ما مقنع و مناداتك للأخ ملاسي بباشبوزق فيها عنصرية لا تخفى أبدا.
|
Post: #32
Title: Re: فرصة ذهبية : منزل 1200 م بأمدرمان
Author: Tabaldina
Date: 01-22-2010, 11:36 PM
Parent: #29
..
.
Quote: غايتو البورداب لمن يبقو سماسرة ببالغوا!
جنى |
Quote: كايسو معاهو يا حسين!
غايتو فيك شبه من الجمل!
مابتنسى العشرة
جنى |
اليومين دى معدل سكرك زيادة
_________
البيعة لو ما تمت ..
بنقول 300 بس اهم شئ المؤجرين
يطلعوا .. خصوصا ناس العيادة ديل ..
|
Post: #34
Title: Re: فرصة ذهبية : منزل 1200 م بأمدرمان
Author: خلف الله عبود
Date: 01-28-2010, 12:56 PM
Parent: #33
القروش ليست ما كما تتخيلوا .... و ذكرت مسبقا ...
توفرها و طريقه دفعها بتحددها ...
بس راجعو الارقام المكتوبه فووق
|
Post: #35
Title: Re: فرصة ذهبية : منزل 1200 م بأمدرمان
Author: خلف الله عبود
Date: 02-05-2010, 10:19 AM
Parent: #34
up
|
|