Post: #1 Title: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-08-2010, 09:00 AM Parent: #0
فكرت وترددت كثيرا قبل أن أكتب عن هذا الموضوع,
تابعت مثل 4348 قارئ بوست العزيزه د. نجاة , والذي أبدت فيه د. نجاة استعدادها مع الحبيبه ماما دوما, للتوفيق بين راغبي الزواج في المنبر من الطرفين, وهي خطوه تحسب ل د. نجاة تخصيص جزء من وقتها اللذي أعلمه موزع بين عدة اهتمامات علي رأسها بيت وعمل و و و من أجل خدمة راغبي الزواج الذين لم يتوفقوا بعد في العثور علي شريك مناسب .. كثر تناولوا العرض بمنتهي الجديه وعبروا عن مكنونات أنفسهم, وكثر تناولوا الموضوع بمنتهي عدم الجديه وببعض الدعابه .. ومازالت المساعي طي الكتمان, اذ لم تعلن حاله توافق جاده بعد ..
أعلم أن العديد من الأعضاء يشجّعون الأمر بشده, والبعض لهم اراء مغايره ويتحفّظون عليها ..
مناهضو طريقة الزواج هذه يرون فيها طريقه غير واقعيه لاختيار شريك, فأفكار الكاتب قد تخالف واقعه وحياته اليوميه, وهنا يكون الاعجاب مبني علي جزء صغير من شخصية الشريك, وماعداه يظل محجوبا ..
أما المؤيدون فقد يرون فيه بدايه سليمه للتعارف بعيدا عن ضغوطات الأسر, وأيضا طريقه غير تقليديه ..
لن أواصل في طرح نقاط المع والضد, أود منكم اضافتها,
وليكن هذا بمثابة استفتاء عن رأي أعضاء سودانيز أون لاين عن زواج الانترنت, وحوار جاد وموضوعي ..
طريقة الاجابه: رجاءا اكتب مع أو ضد بمنتهي الوضوح, ثم لا بأس من كتابة الأسباب وراء رأيك .. نود أيضا سماع وجهات نظر من توفقوا في الاختيار والزواج بهذه الطريقه .. ونود سماع رأي المتزوجين, فأهل مكه أدري بشعابها ..
Post: #2 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: د.نجاة محمود Date: 01-08-2010, 09:08 AM Parent: #1
سلامات يا اماني وكل سنة وانت طيبة
انا بفتكر ذي ما الناس بتتلاقى في الجامعة ولا الشغل ولا الشارع ولا عند ناس بتعرفهم برضو الناس ممكن تتلاقى في هذا الاسفير
الصداقات الكونتها هنا لا تقل عن الصداقات الكونتها في الجامعة ولا المدرسة ولا الحلة.
يعني الانترنت دا بس حلقة وصل بعدها الناس تتعارف ياقالت اوكي يا لا.
الخطورة بتكمن لو العقد بقى بالمراسلة بدون ما الناس تتقابل ذي عرس الشرائط الذي انتشر في فترة..
لكن لو اصلا الناس حتتلاقى وتتعارف وجه لوجه يبقى مافي اي حاجة الزول يبدأ ليه مشروع ذي دا...
موضوعنا الناس هنا سربعت بيه وفي ناس جادين من برة ربنا يوفقنا ان شاء الله في ان نجد ناس مناسبين لبعض.
ولك كل الاماني
Post: #3 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-08-2010, 09:16 AM Parent: #2
د. نجاة: شكرا علي استجابتك للاستفتاء ..
Quote: الصداقات الكونتها هنا لا تقل عن الصداقات الكونتها في الجامعة ولا المدرسة ولا الحلة.
ده كلام صحيح ميه الميه, وبشهد عليهو أنا ذاتي, لأنه عندي صداقات بفتخر بيها,
نفسي أناقشك زياده لكن خايفه أأثر علي مسار البوست .. خلي البوست يمشي شويه وبرجع ليك ..
عموما دكتوره نجاة أول اجابه :" مــــع "
Quote: الخطورة بتكمن لو العقد بقى بالمراسلة بدون ما الناس تتقابل
قصدك كده:
تحياتي وخليك قريبه ..
Post: #4 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: عزام حسن فرح Date: 01-08-2010, 09:17 AM Parent: #2
في دَول الإغْتِراب وفي المهاجِر الزول بِيشتغِل في الأغلب بين 13- 18 ساعة يَومِيًا ... ما عِندو طريقة لأي مُشاركة في المُناسبات الإجْتِماعِية البِتلِم الناس ، ده بِإفْتِراض إنها -أي المناسبات- أصلاً مَوجودة في المكان الهو مَوجود فيهو ... ولامِن يِكون هو عِندو الرغبة في الزواج والبِت عِندها الرغبة في الزواج وتكون المُشْكِلة الكبيرة < المكان > يعني هو في بلد وهي في بلد ، يبقى الإنترنت والكام هو الحل المُناسِب ... أصلو الواحِد لامِن يِتْقدم لِلزواج مِن واحدة ... البِحصل شنو؟ البحصل إنو بِيجي ويِخبِت الباب ويِقول دايِر بِتكُم ... يِقومو أهل البِت يِسألو عنو ويِتحرو ... برضو البِتقدم لِلبت في النت ، في الإمْكان البحث والتحري عنو بِكُل سُهولة ...
Post: #5 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-08-2010, 09:28 AM Parent: #4
Quote: في دَول الإغْتِراب وفي المهاجِر الزول بِيشتغِل في الأغلب بين 13- 18 ساعة يَومِيًا ... ما عِندو طريقة لأي مُشاركة في المُناسبات الإجْتِماعِية البِتلِم الناس ، ده بِإفْتِراض إنها -أي المناسبات- أصلاً مَوجودة في المكان الهو مَوجود فيهو ... ولامِن يِكون هو عِندو الرغبة في الزواج والبِت عِندها الرغبة في الزواج وتكون المُشْكِلة الكبيرة < المكان > يعني هو في بلد وهي في بلد ، يبقى الإنترنت والكام هو الحل المُناسِب ... أصلو الواحِد لامِن يِتْقدم لِلزواج مِن واحدة ... البِحصل شنو؟ البحصل إنو بِيجي ويِخبِت الباب ويِقول دايِر بِتكُم ... يِقومو أهل البِت يِسألو عنو ويِتحرو ... برضو البِتقدم لِلبت في النت ، في الإمْكان البحث والتحري عنو بِكُل سُهولة ...
هلا يا عزام ..
أكيد تجمعات البورداب كمان في كل المدن جعلت العلاقات بين الأعضاء أسريه وشخصيه, وده سهّل معرفة الكاتب والسؤال عنّه برضو .. بس ياعزّام التعارف والاختيار عن طريق النت هل بيكون موضوعي وكافي في أمر هام ومصيري زي الزواج؟
--- ملحوظه: قلنا نكتب مع أو ضد بمنتهي الوضوح وبعدين نناقش ..
ملحوظه تانيه: أسئلتي فقط لاثارة نقاط النقاش, وفي البوست سألتزم الحياد ..
Post: #7 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: هواري نمر Date: 01-08-2010, 09:34 AM Parent: #4
أماني.. تحياتي و احترامي..
في فرق ان تتم المعرفة من خلال..الانترنت..مثلا: القروبات..المنبر العام..الفيس بوك...المنتديات الاسفيرية عموما.. وفي فرق بين ان يكون هناك طرف ثالت بالتعارف ومن خلال النت..
مثلا...يمكن لاي اثنين تعارفا عبر خلال المنتدي هنا..ان تمتد العلاقة لتكون صداقة ...او زواج.. وقد تكون قد تمت بينهم نقاشات و حوار و اتصالات ومراسلات و قد يكونا قد التقيا بعد ذلك...ولكن في الاساس تمت المعرفة من خلال المنتدي او المنبر... ومن ثم صارت العلاقة..
الثانية و هي قد تكون مختلفة بعض الشئ.. في مثل حالة بوست د\نجاة وماما دوما...بمعني أن يقوما بعملية ايصال المعلومات للشخص المعني و لكن عبرهما..اي وسيط.. وقد لا تكون بينهما اي سابق معرفة, ( الطرفين المعنين.).أو حتي مجرد زمالة بينهما في اي من المواقع.. بمعني لم يتبادلا اي نوع من الحوار او النقاش او حتي السلام
لك عاطر التحايا و لكل الزوار ولي عودة...ان شاء الله
Post: #9 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-08-2010, 09:47 AM Parent: #7
الأخ هواري سلامات ..
Quote: في فرق ان تتم المعرفة من خلال..الانترنت..مثلا: القروبات..المنبر العام..الفيس بوك...المنتديات الاسفيرية عموما.. وفي فرق بين ان يكون هناك طرف ثالت بالتعارف ومن خلال النت..
كلامك صحيح ميه الميه .. في اختلاف كبير بين الطريقتين,
أن يكون الاعجاب فالتعارف فالزواج تم باختيار الطرفين منذ البدايه .. وبين أن يكون التوافق تم بواسطة طرف اخر, بس في الحالتين النوعين دارجين في الحياه العامه, بمعني وجود وسيط في الزواج, أو بدون وسيط ..
منتظرين رأيك في الاستفتاء ..
Post: #8 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: الخير محمد عوض Date: 01-08-2010, 09:40 AM Parent: #4
عرفت وتعرفت علي جنسات عربية وغير عربية في سنين ترحالي في بلاد الله... ما عرفت امة تعقد مسالة الزواج هذه مثلنا نحن السودانيون...... ارى ان تسمية هذا النوع من الزواج بـ ( زواج الانترنت) بكون فيه تعتيم لحقيقة ان الانترنت لا يمثل الا اداة للتلاقي وما يلعبه الانترنت يتمثل في انه نقطة انطلاق فقط بعدها يتم الاتفاق بين الطرفين علي تشكيل ما تبقى وفقا لرؤية يضعاها سويا ومنها ينطلقا لبراحات ارحب...لا اعرف تحديدا مسمى لمثل هذه الالتقاءات ولكن يهجسني مسمى ( زواج الانترنت) اوافق تماما لزواج يتم فيه التلاقي عبر هذه الاسافير مثلما اوافق علي اي زواج اخر يتم فيه التلاقي عبر اي وسيلة تتيسر للطرفين طالما ان نواياه خالصة واهدافها مرجوة.
لك كامل الاحترام والتقدير
Post: #10 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-08-2010, 09:52 AM Parent: #8
أخ الخير: اجابتك واضحه وضافيه ..
Quote: اوافق تماما لزواج يتم فيه التلاقي عبر هذه الاسافير مثلما اوافق علي اي زواج اخر يتم فيه التلاقي عبر اي وسيلة تتيسر للطرفين طالما ان نواياه خالصة واهدافها مرجوة.
عارف عبارة "زواج الانترنت" دي بالضبط زي عبارة "أطفال الأنابيب"
طفل الأنابيب طفل طبيعي من أم وأب وبوسيله مختلفه قليلا أو حديثه, وكذلك زواج الانترنت طبيعي بوسيله مختلفه وحديثه ..
اذا هي وسيله ولكنها تظل لازمه كسبب للتعارف والزواج ..
تحياتي واحترامي,,
----- نجاة محمود "مع" الخير محمد عوض "مع"
Post: #6 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Yassir Tayfour Date: 01-08-2010, 09:34 AM Parent: #1
أماني سلامات، مصطلح " زواج الإنترنت" مصطلح سالب، ومُمعِن في الحط من الزواج الذي نتجّ عن طريق علاقات في الإنترنت، الإنترنت هو وسيلة تعارف، هل ممكن أسمي علاقات الصداقة الحميمة التي كان للإنترنت الفضل فيها "بصداقات الإنترنت"؟ أكيد لا، أنا مثلاً، تعرفت على أصدقاء كُثُر عن طريق الإنترنت وفي دول كثيرة، نشأت بعد ملاقاتي لهم علاقة صداقة قويَّة، الإنترنت هو مكان إلتقاء، مثله مثل مكان العمل، الدراسة، المواصلات، إلخ؛ تمت حالات زواج كثيرة عن طريق صورة في فيديو، او عن طريق مجموعة من الصورة مرسلة من الأهل لإبنهم كيما يختار، هكذا يختار، ونتجّ عن ذلك حالات زواج عديدة، أكثر عدداً من الحالات التي تمّ الزواج فيها عن طريق تعارف بالإنترنت، وهنالك حالات زواج كثيرة تمّت عن طريق الـarranged marriage حيث خيار الإختيار ذاته تمّ بالإنابة عنّك.. ___ مع الزواج الذي تمّ التعارف عليه عن طريق الإنترنت..
Post: #11 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-08-2010, 10:00 AM Parent: #6
ياسر :
Quote: الإنترنت هو وسيلة تعارف، هل ممكن أسمي علاقات الصداقة الحميمة التي كان للإنترنت الفضل فيها "بصداقات الإنترنت"؟ أكيد لا، أنا مثلاً، تعرفت على أصدقاء كُثُر عن طريق الإنترنت وفي دول كثيرة، نشأت بعد ملاقاتي لهم علاقة صداقة قويَّة، الإنترنت هو مكان إلتقاء، مثله مثل مكان العمل، الدراسة، المواصلات، إلخ؛
صحيح وأتفق معك تماما .. ولو قرأت ردي للأخ الخير حتفهم تفسير لفظ "زواج الانترنت" .. بس مش انت معاي انه وسيله غير تقليديه, بمعني الأسر "التقليديه" - قـــد - لا تتقبل هذا النوع من التعارف ؟
Quote: حالات زواج كثيرة عن طريق صورة في فيديو، او عن طريق مجموعة من الصورة مرسلة من الأهل لإبنهم كيما يختار، هكذا يختار، ونتجّ عن ذلك حالات زواج عديدة، أكثر عدداً من الحالات التي تمّ الزواج فيها عن طريق تعارف بالإنترنت، وهنالك حالات زواج كثيرة تمّت عن طريق الـarranged marriage حيث خيار الإختيار ذاته تمّ بالإنابة عنّك..
برضو صاح جدا .. ونرجع نقول انه أهلنا زاتهم اتزوجوا بطرق زي دي .. بمعني قد ما يتلاقوا قبل الزواج أبدا .. وعاشوا حياه مستقره وهادئه ..
---- نجاة محمود "مع" الخير محمد عوض "مع" ياسر طيفور "مع"
Post: #12 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Shayma Date: 01-08-2010, 10:36 AM Parent: #11
Quote: الإنترنت هو مكان إلتقاء،
زيه وزي اي طريقة تعارف اخرى، وبعد داك الامور ممكن تمشي عادي yes, it can work يعني ((مع)) ـــــــ كلام د. نجاة وطيفور سمح وسلامات يا اماني
Post: #13 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: عزام حسن فرح Date: 01-08-2010, 10:43 AM Parent: #12
الأُخت / أماني
Quote: ملحوظه: قلنا نكتب مع أو ضد بمنتهي الوضوح وبعدين نناقش ..
مع
Post: #14 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: هواري نمر Date: 01-08-2010, 10:57 AM Parent: #13
الاخت الكريمة أماني... فقط في الاول احببت التوضيح.. وفعلا كلا من الطريقتين موجودة وان اختلفت السبل... والان الميديا مكان ..الفيديو ...ومكان المناسبات.. وهي الامكنة التقليدية لرؤية العريس او العروس وصار الايمل في مكان الخطاب الغرامي القديم,...وحل الموبايل.. مشكلة الاتصال.. قد تكون الطريقة ...هي مواكبة العصر و متطلباته.. وهي تكون بداية للعلاقة و معرفة لتوطيد شكل و نوع العلاقة..التي تأتي لاحقا
وفي الاخر........مع
Post: #16 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-08-2010, 11:19 AM Parent: #14
عزّام وهواري:
شكرا لعودتكم وتوضيح رأيكم في الاستفتاء ..
---- نجاة محمود "مع" الخير محمد عوض "مع" ياسر طيفور "مع" Shayma "مع" عزّام حسن فرح "مع" هواري نمر "مع"
Post: #15 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-08-2010, 11:18 AM Parent: #12
العزيزه شيماء:
شكرا لمشاركتك ..
-------- نجاة محمود "مع" الخير محمد عوض "مع" ياسر طيفور "مع" Shayma "مع"
Post: #17 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: النذير حجازي Date: 01-08-2010, 12:53 PM Parent: #15
أولاً: إذا كان يا أماني قد أصبح التقديم للوظائف المرموقة فى معظم دول العالم وبالأخص أمريكا ودول الخليج لا يتم إلا عبر الإنترنت، وكذلك فى الدول المتقدمة التسويق جميعه من مأكل، مشرب، ملبس وخلافه، ايضاً تتم عبر الإنترنت، فلا أرى غضاضة أن يكون الزواج كذلك.
ثانياً: سبب التوزيع الديموغرافي الغير متكافيء للجنسين، بسبب هجرة الشباب العزاب إلى الدول الغربية، وهجرة العوائل إلى الدول العربية، فقد جعل من الصعوبة بمكان للتعارف بين الجنسين، وأرى فى الإنترنت حلقة الوصل للجمع بينهما بالحلال.
ثالثاً: هواية الإنترنت ستكون الهواية المفضلة لكلاهما، وستجنبهما الخلاف حولها بعد الزواج، مثلاً عني أنا شخصياً، لا أكتب فى الإنترنت إلا عندما تسافر زوجتي لزيارة أهلها، وإذا ما شوفتيني تاني فى المنبر، تعرفي أنو أخوك هرشو.
ثالثاً: أتفق تماماً مع رأيك بأن الشخصيات عبر الإنترنت ليست هى نفسها على الواقع وخصوصاً فى المنتديات الكتابية، وقد تكون أحسن أو أسوأ على حسب، قد لاحظتُ معظم الذين التقيت بهم من مرتادي المنابر الكتابية خجولين ومأدبين عكس ما تنم عنهم كتاباتهم، وأظن أنها مؤشر موجب وليس سالب، والحياء من الإيمان. أما فى المنتديات الصوتية فإن الشخصيات هى نفسها، وكما قال زهير بن أبي سلمى:" لسان الفتى نصفٌ ونصفٌ فؤاده --- ولم يبق إلا صورة اللحم والدم"، ولكن يا أماني أنصح دائماً بالتعامل مع الزواج وكأنه عملية توظيف جديدة، بمعنى، يجب وضعها فى فترة اختبارية على الواقع، لفترة ثلاثة شهور على الأقل، ومن ثم تثبيتها.
رابعاً: قد يسألني سائل – عكليت – ويقول لي: طيب إنت يا الفالح بتتحاوم فى الإنترنت من جدي صبي، لا خليت منتديات صوتية ولا منتديات كتابية، فلما لم تتزوج عبر الإنترنت؟! ولأهمية هذا السؤال، وقد يفيد بعض الجنس اللطيف أو الاثنين فى علاقتهم عبر الإنترنت، سأجيب عنه بكل صراحة ووضوح، وهو أن فيًّ عادة سيئة جداً – فهى عند معظم الرجال - وهي الغيرة الشديدة، ويحق فى قول القائل:" إذا سقط الذباب على إناءٍ رفعتُ يدي ونفسي تشتهيه--- تجتنب الأسود ورود ماءٍ إذا ما ولجنًَّ بعض الكلاب فيه" وكل علاقتي العاطفية فى الإنترنت قد فشلت بسبب هذه العادة القبيحة، فيجب لكل من ارتبط أو ارتبطت بأحد فى المنتديات، أن يعمل حسابه بعد الارتباط عند المداخلات المنفتحة مع الآخرين، فقد يظن المرتبط به، أنه على علاقة أخرى مع هذا وذاك، ويلعب بالحبلين، وقد يكون بريء من هذه التهمة.
أرجو أن أكون قد أفدت، وإذا ما استحضرتُ شيئاً آخراً سأعود إن شاء الله، لتعم الفائدة للجميع وبالتوفيق والسداد للراغبين بالزواج عبر الإنترنت
Post: #18 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: محمد البشرى الخضر Date: 01-08-2010, 01:07 PM Parent: #17
مع
Post: #19 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: د.يوسف محمد طاهر Date: 01-08-2010, 01:58 PM Parent: #18
لك التحية أختي : أماني الأمين , وأنت تطرقين مواضيع لها فائدة عظيمة , وقد تكون هاجس يؤرق مضجع الكثيرين منا. لو أتيحت لي فرصة الزواج للمرة الثانية , وخيرت بين الطريقة التقليدية , والانترنيت فسأختار الانترنيت لعدة أسباب : * الشريك الذي يستخدم الانترنين بالتأكيد شريك واعي ومتعلم وإلا ما إستطاع استخدام الانترنين . * سهولة الحصول على المعلومة من خلال الانترنيت , وأيضاً إجراء الحوارات المختلفة , والتي من خلالها يمكنك التحقق من الطرف الثاني ببساطة... وغير ذلك من الأسباب الموضوعية , لا يتسع المجال لذكرها جميعاً... أويد الفكرة , ولكن بعد التلاقي ... نعم...
Post: #20 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-08-2010, 02:08 PM Parent: #18
النذير حجازي صديقي الصدوق: ازيّك يا باشمهندس والأسره؟
نقاطك واضحه ومرّتبه وصادقه كالعاده ..
Quote: فلما لم تتزوج عبر الإنترنت؟! ولأهمية هذا السؤال، وقد يفيد بعض الجنس اللطيف أو الاثنين فى علاقتهم عبر الإنترنت، سأجيب عنه بكل صراحة ووضوح، وهو أن فيًّ عادة سيئة جداً – فهى عند معظم الرجال - وهي الغيرة الشديدة، ويحق فى قول القائل:" إذا سقط الذباب على إناءٍ رفعتُ يدي ونفسي تشتهيه--- تجتنب الأسود ورود ماءٍ إذا ما ولجنًَّ بعض الكلاب فيه" وكل علاقتي العاطفية فى الإنترنت قد فشلت بسبب هذه العادة القبيحة، فيجب لكل من ارتبط أو ارتبطت بأحد فى المنتديات، أن يعمل حسابه بعد الارتباط عند المداخلات المنفتحة مع الآخرين، فقد يظن المرتبط به، أنه على علاقة أخرى مع هذا وذاك، ويلعب بالحبلين، وقد يكون بريء من هذه التهمة.
شاكره ليك صراحتك جدا .. أثرت نقطه في غاية الأهميه, استمرار علاقات الانترنت بعد الارتباط, هل ستثير شك وغيرة أحد الطرفين وحنقه؟ ولأنك انسان متصالح مع نفسك, أجبت بمنتهي الوضوح ..
Quote: مثلاً عني أنا شخصياً، لا أكتب فى الإنترنت إلا عندما تسافر زوجتي لزيارة أهلها، وإذا ما شوفتيني تاني فى المنبر، تعرفي أنو أخوك هرشو.
والله يامدام ماليكي حق, أخونا النذير ده قاعدين نستفيد من صراحتو وارائه الشجاعه, استحملي موضوع الانترنت ده شويه عشان خاطرنا بلييييييييز وخلي الهرشه مره مره
تحياتي يالنذير ليك وللمدام ..
Post: #21 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-08-2010, 02:09 PM Parent: #20
نجاة محمود "مع" الخير محمد عوض "مع" ياسر طيفور "مع" Shayma "مع" عزّام حسن فرح "مع" هواري نمر "مع" النذير حجازي "مع" محمد البشري الخضر "مع"
Post: #22 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-08-2010, 02:21 PM Parent: #21
د. يوسف:
Quote: أويد الفكرة , ولكن بعد التلاقي ...
شكرا علي المشاركه .. وأري انك تتفق مع دكتوره نجاة في ضرورة التلاقي قبل الارتباط ..
تحياتي واحترامي,,
---- نجاة محمود "مع" الخير محمد عوض "مع" ياسر طيفور "مع" Shayma "مع" عزّام حسن فرح "مع" هواري نمر "مع" النذير حجازي "مع" محمد البشري الخضر "مع" د. يوسف محمد طاهر "مع"
Post: #128 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: الزبير بشير Date: 01-13-2010, 12:43 PM Parent: #22
حرام عليكم .
انتو الحكايه لعب ده حدود ربنا .
بطلو الكلام الفارغ ده ما ليهو معني .
تعالو بي خشم البيت نديكم بنتنا و اخواتنا يسترن عليكم و تسترو عليهن .
Post: #23 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: رشا سالم Date: 01-08-2010, 02:30 PM Parent: #21
مع..
Post: #24 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: ماجدة عوض خوجلى Date: 01-08-2010, 02:47 PM Parent: #23
مع وفى انتظار النقاش تسلمى يارب ...
Post: #25 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: حسن مضوي Date: 01-08-2010, 03:02 PM Parent: #24
مع
Post: #26 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: بابكر التوم Date: 01-08-2010, 03:02 PM Parent: #24
ضد المسمى (زواج الانترنت ) ....
ومع الفكرة باعتبار الانترنت اصبح من الوسائل العصرية والمهمة للتلاقى ...
ومن ثم تلاقح الافكار وترتيب العلاقة ...
وافتكر بيعطى مساحة كبيرة لشريحة المغتربين لزيادة معرفتهم اكثر ببعض ...
سابقا المغترب يأتى اجازة شهران ويتم الترشيح والتعارف والخطوبة والعقد (معقولة ) ...
وزيجات نجحت بهذة الشاكلة ومستمرة تعارف الانترنت احسن ويعضض لمثل هذة الزيجات اكثر ...
Post: #27 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Mohamed Foto7li Date: 01-08-2010, 03:24 PM Parent: #26
Salam
مع
Post: #28 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-08-2010, 03:27 PM Parent: #26
ماجده عوض خوجلي: النقاش ممكن يكون بين زوار البوست بدون تدخلي, وممكن أشترك في بعض الأجزاء مع محاولة مراعاة التزام الحياد .. مشكوره علي المرور,
Post: #29 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-08-2010, 03:32 PM Parent: #28
الأخ بابكر التوم:
Quote: ومع الفكرة باعتبار الانترنت اصبح من الوسائل العصرية والمهمة للتلاقى ... ومن ثم تلاقح الافكار وترتيب العلاقة ... وافتكر بيعطى مساحة كبيرة لشريحة المغتربين لزيادة معرفتهم اكثر ببعض ... سابقا المغترب يأتى اجازة شهران ويتم الترشيح والتعارف والخطوبة والعقد (معقولة ) ... وزيجات نجحت بهذة الشاكلة ومستمرة تعارف الانترنت احسن ويعضض لمثل هذة الزيجات اكثر ...
بدون شك الانترنت بصوره عامه, والبورد بصوره خاصه, أتاح فرصه لانشاء شبكة علاقات وتعارف مترابطه بين الأعضاء, باختلاف أماكن اقامتهم,
شكرا علي مرورك ..
Post: #30 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-08-2010, 03:35 PM Parent: #29
نجاة محمود "مع" الخير محمد عوض "مع" ياسر طيفور "مع" Shayma "مع" عزّام حسن فرح "مع" هواري نمر "مع" النذير حجازي "مع" محمد البشري الخضر "مع" د. يوسف محمد طاهر "مع" رشا سالم "مع" ماجده عوض خوجلي "مع" حسن مضوي "مع" بابكر التوم "مع" Mohamed Foto7li "مع"
Post: #31 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: خالد درق Date: 01-08-2010, 04:27 PM Parent: #30
الاخت / امانى سلام[/green
أولـ شئ وأهــم شئ هــل انـآ مـع ام ضــده زواج الانترنت ... وبكل صراحة ( ضد )
... لماذا ؟؟؟
الاسباب كثير وسوف اذكرها ان شاءالله
أولـ شئ بحـكم انـنا سُودانين فا بـقول رأي من هذا المنطلق ومن تفـكـير ورأية مجتمعنا الى حاتنطبع على صفاتي أكـيد
ولـ شئ أعتــقد وأكـرر أعتــقد ان الزواج عن طــريق المــواقع و المنتـديات يـكون أقــل جــديه من الطــرق التقليديه , بمعنى ان الرجل او المرأه اللي يبحث عن الزواج عن طريق المواقع يمكن يكونـ او تـكون يبحثان عن المتعه وليس الزواج بمفهومه .. ثانى شئ أعتــقد ان البنت ما حـلو او ما زيـن في حقهـا انــها تـعرض نفسـها للزواج في المنتديات او المواقع بحدِ ِ سوآء ,, وأفـضل لها ان تـكون في بيت اهلها معززهـ مٌكرمه و الزوج يــجي لحدى البيت ثـالثا شئ أعتـقد ان مساؤهـ من الناحيه الأخلاقيه سيئه أكـثر من محاسنه ,, وأعتــقد ان هذا الـشئ جـلي و واضح ..
رابعا شئ أعتقـد انه يـكون أقل رســميه وأقل تنــظيميه وهذي نقطه سيئه بالتأكيد !!
( واهم نقطه لما يكون الزواج عن طريق النت , يفقد الحلاوه الحقيقه للزواج وظـروفه ويقتـل جوهره ..)
ويعطيك الفـ عافيه اخت امانى على طرحك للموضوع ,
على العـموم الحوار يــطول في هذا المجـال واهم شى نسمع نقاش الاخوان ورايك انتى
ولكى الود ....
Post: #32 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Abdelrahim Elamin Date: 01-08-2010, 04:48 PM Parent: #31
الاخت اماني والضيوف
تحياتي
مع
ولكن بشروط!!
ان يكون هو باب او طريق للتعارف فقط وان ينزل الي ارض الواقع وليس اسفيرا وان يتعارف الطرفان علي الطبيعة بوضوح ثم التعارف بين الاسرتين والطلب رسميا.
Post: #34 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-08-2010, 05:37 PM Parent: #32
الأخ عبد الرحيم الأمين: مرحب بيك ,
Quote: ان يكون هو باب او طريق للتعارف فقط وان ينزل الي ارض الواقع وليس اسفيرا وان يتعارف الطرفان علي الطبيعة بوضوح ثم التعارف بين الاسرتين والطلب رسميا.
حضرتك بتنضم لرأي الدكتوره نجاة ودكتور يوسف, عن ضرورة التلاقي والتعارف الشخصي قبل الارتباط ..
نقاطك واضحه تماما,
شكرا لمشاركتك,,
Post: #33 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-08-2010, 05:33 PM Parent: #31
الأخ خالد درق: مرحب بيك .. حضرتك أوّل مشترك عن فئة "الضد" مداخلتك فيها نقاط كتيره .. وفيها أجزاء مافهمتها .. ياريت ترجع تشرحها لينا ..
Quote: أعتــقد وأكـرر أعتــقد ان الزواج عن طــريق المــواقع و المنتـديات يـكون أقــل جــديه من الطــرق التقليديه , بمعنى ان الرجل او المرأه اللي يبحث عن الزواج عن طريق المواقع يمكن يكونـ او تـكون يبحثان عن المتعه وليس الزواج بمفهومه ..
ما فهمت .. انت يمكن تقصد التعارف والعلاقات عن طريق الانترنت ممكن تكون ما جادّه ؟ لكن زواج ماجادّي كيف ما فهمت؟
Quote: أعتــقد ان البنت ما حـلو او ما زيـن في حقهـا انــها تـعرض نفسـها للزواج في المنتديات او المواقع بحدِ ِ سوآء ,, وأفـضل لها ان تـكون في بيت اهلها معززهـ مٌكرمه و الزوج يــجي لحدى البيت
طبعا ده بيمثل راي معظم الشباب بوضوح, حتي علي أرض الواقع, انه البت ما مفروض تعرض نفسها, طيب لو التعارف جاء تلقائي وطبيعي رايك شنو؟
Quote: ثـالثا شئ أعتـقد ان مساؤهـ من الناحيه الأخلاقيه سيئه أكـثر من محاسنه ,, وأعتــقد ان هذا الـشئ جـلي و واضح ..
مافهمت النقطه دي ومحتاجه شرح أكتر !! وبرضو النقطه الرابعه ما فهمتها:
Quote: رابعا شئ أعتقـد انه يـكون أقل رســميه وأقل تنــظيميه وهذي نقطه سيئه بالتأكيد !!
زواج مارسمي كيف؟ نحن بنتكلم عن زواج وأهل واجتماع أسر وكل حاجه ..
أحيي شجاعتك وطرحك لأفكارك بدون تردد, وأتمني عودتك لتوضيح ما خفي وصعب علي فهمه من نقاطك ..
في انتظار عودتك ,,
Post: #35 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-08-2010, 06:43 PM Parent: #33
نجاة محمود "مع" الخير محمد عوض "مع" ياسر طيفور "مع" Shayma "مع" عزّام حسن فرح "مع" هواري نمر "مع" النذير حجازي "مع" محمد البشري الخضر "مع" د. يوسف محمد طاهر "مع" رشا سالم "مع" ماجده عوض خوجلي "مع" حسن مضوي "مع" بابكر التوم "مع" Mohamed Foto7li "مع" Abdelrahim Elamin "مع"
خالد درق "ضد"
Post: #36 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: قيقراوي Date: 01-08-2010, 07:20 PM Parent: #33
انا مع الغالب ما عارف لو المدخل رأي الناس " المتورطين " في العلاقة ذاتم - و شايف اغلب الناس دخلو من هنا - فمع و نص و خمسة ، التاريخ يسير الى الغد لكن لو من ناحية ( قبول ) المجتمع ليهو ، و نجاح ( المشروع ) فدي قصة طويلة . يا شباب كم مستخدمي الانترنت حالياً في البلد ، حتى وسط المتعلمين ؟ الوعي بالانترنت ذاتو قدر شنو في اوساط الاسر و خصوصاً في الارياف ، اعتقد هي الجهة النهائية المعنية بالقبول و الرفض عرفياً و اجتماعياً ؟
التثوير طال كل شئ ، و ثورة المعلوماتية كاسحكة قدامها كل الاشكال التقليدية ، لكن محتاجين كم من الزمن و المثابرة و طولة البال ؟ الله اعلم الانترنت خدمت كل المجالات ، وسعت قاعدة المشاركة في السياسة ، و ادخلت التفاعلية في الثقافة ، و حلت كتير من المشاكل الاكاديمية و البحثية . . ياخ ما ياهو دا بنبيع ونشترى فيها ذاتو و حتى اكلنا و شرابنا فيها . . ليه لا ؟!
مع
---------------
زمان في البلد واحد اتقدم لبت سألوهو شفتها وين ؟ قال في طريق المدرسة . رفضوهو ، و طلّعوا البت من المدرسة
Post: #37 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amir Omer Date: 01-08-2010, 09:13 PM Parent: #36
الأخت أماني .. سلام
لستُ ضد ولستُ مع! فهناك جوانب كثيرة خافية عليَّ تحول بيني وبين تكوين رأي واضح ، رغم ذلك أسمحي لي بأن أُدلي بوجهة نظر (مشاترة) في هذا الموضوع الجيد خارج سياق (مع) أو (ضد)!
ليس هناك وسيلة وحيدة ومُثلّى مُتفق عليها لعرض الزواج بل تتعدد الوسائل "والزواج" واحد! فلكل عصر أدواته ووسائله المختلفة .. ولو رجعنا لعصر الأجداد والحبوبات نجد أن وسيلة (التعارف) قبل الزواج كانت تتم عن طريق طرف (تالت) .. الخاطبة أو الأهل، ومع تطور أساليب الحياة العصرية حلَّ النت بديلاً لهما أو شريكاً لهما! وبالتالي فأن الزواج عن طريق النت ما هو إلاَّ وسيلة تتيح (فرصه) التعارف فقط ، مثلها ومثل الخاطبة والأهل، ويظل قرار الزواج له قياساته الآخرى التي يتفق عليها الطرفان ..! وفي إعتقادي بأننا لا نستطيع قياس فشل أو نجاح أي زواج بناءً على الوسيلة المُتَّبعة! لذلك فأنا أرى بأن حُكمنا على موضوع "زواج النت" لا يخلو بأية حال من خلفية إجتماعية ، فمن ناحية ، قد يحكم المجتمع على مثل هذه النوعية من الزيجات بالفشل لا لشيء سوى لإعتقاد خفي بأن فيها نوعاً من تفريط الفتاة في كرامتها بإعلانها عن رغبتها في الزواج ، وهذه النظرة تقود إلى تفسيرات خاطئة تصُب في أن هنالك خلل ما في تلك الفتاة وأنها لا تصلح للزواج طالما أنها من قامت "بعرض" نفسها! ومن الناحية الأخرى، نجد نظرة المجتمع للعنوسة قد ساهمت في تشجيع بعض ممن فاتهم/ن قطار الزواج إلى اللجوء لمثل هذه الوسيلة التي (ربما) تساعدهم في توسيع دائرة معارفهم وبالتالي تزيد من حظوظهم في الإختيار وإيجاد الشخص المناسب، أو ربما هي وسيلة إضطرارية للهروب من قفص العنوسة المجتمعي الذي لا يرحم!
عموماً الحُكم في كلتا الحالتين قاصر ولا يرى كل الجوانب فنجاح/فشل أي زواج يظل رهين التجربة العملية ، ويصعب التنبؤ بأحداهما مُسبقاً .. فكم من زيجة فشلت رغم أن كل مُعطيات النجاح توفرت لها ، وكم زيجة نجحت رغم الفوارق والعوائق!
إذن ، نحن لا نستطيع إثبات مساوئ زواج الإنترنت كما أننا لا نستطيع أثبات محاسن الزواج التقليدي، سيما وأننا لا نملك أية مُعطيات أو إحصائيات دقيقة نستطيع على ضوءها التفضيل! وبالتالي يظل الزواج هو الزواج ، ونسبة نجاحه تعتمد على عوامل شتى أهمهما إدراك ووعي الزوجين بمعنى الزواج نفسه ، وقناعتهما ببعضهما البعض ، ولكن لا تدخل فيها الوسيلة التي أدت إلى تعارفهما!
وتسلمي على الطرح
Post: #38 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: حاتم علي Date: 01-08-2010, 10:32 PM Parent: #37
مع
Post: #41 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-09-2010, 07:58 AM Parent: #38
نجاة محمود "مع" الخير محمد عوض "مع" ياسر طيفور "مع" Shayma "مع" عزّام حسن فرح "مع" هواري نمر "مع" النذير حجازي "مع" محمد البشري الخضر "مع" د. يوسف محمد طاهر "مع" رشا سالم "مع" ماجده عوض خوجلي "مع" حسن مضوي "مع" بابكر التوم "مع" Mohamed Foto7li "مع" Abdelrahim Elamin "مع" قيقراوي "مع" حاتم علي "مع"
خالد درق "ضد"
Post: #40 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-09-2010, 07:56 AM Parent: #37
الأخ أمير عمر:
Quote: إذن ، نحن لا نستطيع إثبات مساوئ زواج الإنترنت كما أننا لا نستطيع أثبات محاسن الزواج التقليدي، سيما وأننا لا نملك أية مُعطيات أو إحصائيات دقيقة نستطيع على ضوءها التفضيل! وبالتالي يظل الزواج هو الزواج ، ونسبة نجاحه تعتمد على عوامل شتى أهمهما إدراك ووعي الزوجين بمعنى الزواج نفسه ، وقناعتهما ببعضهما البعض ، ولكن لا تدخل فيها الوسيلة التي أدت إلى تعارفهما!
وجهة نظر مقدّره .. حديثك عن ان الزواج كمنظومه معرَضه للنجاح أو الفشل لعوامل عده منّها الشريكين أكيد صحيح .. الوسيله في اعتقادي ممكن تكون مؤثره, لأنه بيتبني عليها الاختيار في حد ذاته, مش الاختيار من الخطوات المهمه برضو؟
Quote: قد يحكم المجتمع على مثل هذه النوعية من الزيجات بالفشل لا لشيء سوى لإعتقاد خفي بأن فيها نوعاً من تفريط الفتاة في كرامتها بإعلانها عن رغبتها في الزواج ، وهذه النظرة تقود إلى تفسيرات خاطئة تصُب في أن هنالك خلل ما في تلك الفتاة وأنها لا تصلح للزواج طالما أنها من قامت "بعرض" نفسها!
ياجماعه نحن ليه مفترضين انه البت عرضت نفسها؟ صحيح في مواقع متخصصه للزواج وفيها عروض وطلبات من الجنسين, لكن دي ما الطريقه الوحيده, نحن بنتكلم عن "زواج الانترنت" بصوره أعم ..
مشكور علي المشاركه ..
Post: #39 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-09-2010, 07:42 AM Parent: #36
قيقراوي:
Quote: لكن لو من ناحية ( قبول ) المجتمع ليهو ، و نجاح ( المشروع ) فدي قصة طويلة . يا شباب كم مستخدمي الانترنت حالياً في البلد ، حتى وسط المتعلمين ؟ الوعي بالانترنت ذاتو قدر شنو في اوساط الاسر و خصوصاً في الارياف ، اعتقد هي الجهة النهائية المعنية بالقبول و الرفض عرفياً و اجتماعياً ؟
نقطه غايه في الأهميه .. لكن من ناحية مستخدمي الانترنت في البلد كتار فكتار, قصدي الشباب طبعا, حاول بس تكتب كلمة Sudan في ال Face book وشوف كمية القروبات اللي حتجيك, والغريبه كلّهم Socially active, ودايما برسلو مسجس بتاعت رحلات ولمّات .. قروب شباب بحري, قروب ناس الخرطوم بتحبوا, قروب المركز الثقافي الفرنسي, كأمثله, كلّها قروبات أنا مشتركه فيها وبتجيني منّهم بصوره منتظمه Notifications للمّات وبرامج, لدرجة اني لغيت مشاركتي في جزء منهم لكترت ال Notifications والمسجس .. ما حصل شاركت في اللّمات دي, لكن الموضوع مدهشني جدا .. زمان شباب المنطقه الواحده زي بحري مثلا بيتلاقوا في تجمعات الروابط بتاعت الشباب وفي الجامعات, حاليا الFace book بقي رابط أساسي للتعارف والتلاقي .. السودان دوله من أفضل دول أفريقيا والعالم العربي من ناحية الاتصالات, وسرعات الانترنت المختلفه ومتاحه بطرق وأسعار مختلفه خلقت عالم للتلاقي ما كان متاح بنفس الصوره قبل عشره سنين .. أمّا موضوع الوعي والأسر فعندك كامل الحق, التغيير ماحيكون بسرعه ولا بسهوله, وقبول المجتمع Unpredictable ..
مشكور علي المشاركه واثارة النقطه المهمه دي ..
Post: #42 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: أسماء عبدالسلام Date: 01-09-2010, 08:24 AM Parent: #1
اماني وكل المتداخلون صباحكم سوداني
انا مع لكن علي شرطين الاول مااكون داخلة الانترنت للبحث عن زواج "مايكون دا هدفي الاساسي" يكون دخولي عشان اقرأ وازيد معرفتي وخبرتي في العالم الاسفيري دا اها صدفة كدا "حلوة صدفة دي " يلاقيني زول نتوافق في افكارنا وأراءنا واسلوبنا وغيره والزول دا يكون صادق "دا الشرط التاني" شوية شوية الناس بتفهم بعض وبتقرب لبعض وبيحصل اعجاب وحب وفي راي المتواضع انه لو بالمعطيات دي ح يكون انجح من الزواج التقليدي المتعارف عليه في المجتمع
في الانتر نت ممكن الزول يلقي الجزء المكمل ليه وبيبحث عنه وماقادر يلاقيه في حياته العادية
حاسة انه كلامي كتير عشان كدا بسكت هنا وبتابع معك بقية الارءا
Post: #43 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-09-2010, 09:42 AM Parent: #42
الأخت أسماء عبد السلام:
Quote: في الانتر نت ممكن الزول يلقي الجزء المكمل ليه وبيبحث عنه وماقادر يلاقيه في حياته العادية
شكرا يا أسماء علي صراحتك,
---- خارج النص:
Quote: أسماء عبدالسلام تاريخ التسجيل: 10-08-2009 مجموع المشاركات: 8
ليه كده يا أسماء؟ ليك أربع شهور في البورد و8 مشاركات فقط؟ مافاضيه وللا متحفظّه؟
Post: #44 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-09-2010, 09:43 AM Parent: #43
نجاة محمود "مع" الخير محمد عوض "مع" ياسر طيفور "مع" Shayma "مع" عزّام حسن فرح "مع" هواري نمر "مع" النذير حجازي "مع" محمد البشري الخضر "مع" د. يوسف محمد طاهر "مع" رشا سالم "مع" ماجده عوض خوجلي "مع" حسن مضوي "مع" بابكر التوم "مع" Mohamed Foto7li "مع" Abdelrahim Elamin "مع" قيقراوي "مع" حاتم علي "مع" أسماء عبد السلام "مع"
خالد درق "ضد"
Post: #46 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: محمد الجيلى Date: 01-09-2010, 09:52 AM Parent: #44
مع ...
لأن الإنترنت مُجرد وسيلة لعبت دورها في اللُقا ...
ويمكن تشبيهه كـ أي وسيلة أُخرى ( جامعة، مكان عمل، إلخ )
ولكن ليس يكون الأصل في الولوج إلي الإنترنت البحث عن الشريك ( كدة تخطيط مع سبق الإصرار)
Post: #52 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-09-2010, 11:35 AM Parent: #46
الأخ محمد الجيلي:
Quote: ولكن ليس يكون الأصل في الولوج إلي الإنترنت البحث عن الشريك ( كدة تخطيط مع سبق الإصرار)
نقطه واضحه جدا .. قررت اني في نهاية البوست خالص, ألخّص النقاط اللي تمت اضافتها, لأنه حقيقي كل الزملاء أضافوا نقاط جيده وواضحه ..
شكرا علي مشاركتك ,,
Post: #45 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: saadeldin abdelrahman Date: 01-09-2010, 09:52 AM Parent: #43
سلام يا أماني شخصي مع و بتحفظ على التسمية كما أب تفة. ----------------------------
وقولي لي أختك أسماء دي: غيري النوع في البروفايل..
Quote: النوع: Male
لأنه "صدفتها" كدا ما بتحصل!
Post: #53 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-09-2010, 11:44 AM Parent: #45
سعد الدين :
Quote: شخصي مع و بتحفظ على التسمية كما أب تفة.
وطيب مخستك ببوست د. نجاة مالك؟
------- بروفايل أسماء لاحظت ليهو وضحكت :)
Post: #70 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: أسماء عبدالسلام Date: 01-09-2010, 03:03 PM Parent: #43
ليه كده يا أسماء؟ ليك أربع شهور في البورد و8 مشاركات فقط؟ مافاضيه وللا متحفظّه؟
----------------
الاتنين يااميرة "اميرة هنا صفة وليست اسما" لكن النسبة الغالبة التانية
وعشان ماينحرف البوست عن مساره ممكن نتناقش في الحتة دي في مكان اخر
وشكرا يا saadeldin abdelrahman
اول مرة انتبه للبروفايل وح يتم التعديل
Post: #81 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: أسماء عبدالسلام Date: 01-10-2010, 06:34 AM Parent: #43
"الغريبة امبارح نزلت مشاركة الليلة ما لقيتها ، ح انزلها تاني بعد اذنك"
صباحك سوداني يا اميرة "اميرة صفة ، مااسم"
ليه كده يا أسماء؟ ليك أربع شهور في البورد و8 مشاركات فقط؟ مافاضيه وللا متحفظّه؟ --------------------- الاتنين حاصلات والاكتر التانية ، وعشان البوست ما ينحرف عن مساره خلينا نتناقش في الحاجة دي في حتة تانية
شكراً saadeldin abdelrahman اول مرة انتبه لموضوع البروفايل دا
همسة : اها المشاركات بقوا 10 ، قصرت ):
Post: #91 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-10-2010, 07:32 AM Parent: #81
أسماء عبد السلام:
Quote: همسة : اها المشاركات بقوا 10 ، قصرت ):
ماشه كويس ههههههه
شكرا يا أسماء وشكلنا حنبقي أصحاب, عندي معاك كلام كتير في موضوع تحفظك ده, بنلقي ليهو فرصه انشاء الله,,
شكرا مره تانيه,,
Post: #47 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: علاء الدين محمد بابكر Date: 01-09-2010, 10:02 AM Parent: #42
الصديقة أماني..سلامات
أي شئ جديد مرفوض من الذين الأقدمين.. دي سمة انسانية بغض النظر عن الجديد شنو.. الأقدمين بعد ما يرفضو بعدين بيبدو يخطو الأطر العامة المنطقية لرفضهم (علما بأنو الرفض أصلا لأنو مغاير لما تعودو عليه..بس)..
رفض الزواج عن طريق النت..بعد كدة نفتش نحنا رفضناهو ليه..عشان كدة بتلقي كل واحد من الرافضين عندو تبريرات مختلفة.. زمان الزواج كان داخل العائلة,. واي خروج من العائلة مرفوض..وتم وضع تبريرات ليهو الزواج بقي داخل القبيلة..واي خروج مرفوض وتم وضع تبريرات ليهو.. الزواج بقي من داخل اماكن العمل..واي معرفة خارج العمل مرفوضة.. بقي داخل الجامعات..واي علاقة خارج الجامعات مرفوضة.. وهكذا..واجمل ما في القضية انو دايما القديم بينهار امام الجديد.. لأنو دي سنة الحياة.. الجديد عندنا هنا هو الإنترنت.. وعلاقات الإنترنت (بالمعني الواسع لعلاقات).. والموضوع المطروح هو الزواج عن طريق النت: من مداخلتك الفوق انتي ما قاصدة (العرض المباشر للزواج) وما يوازيهو قديما (الخاطبة أو الأخت) انما انتي قاصدة (علي ما اعتقد) التعارف عن طريق النت البقود للزواج؟؟ ولا ما كدي؟؟ الرغبة في الزواج (أي زواج) عندها منطلقات ذاتية تتفاوت ما بين انسان وآخر.. بعضهم (جسدية جنسية) ودة النت ما بينفع معاهو لأنو لو ما شافو بعض وعرفو الدوافع الجسدية في الطرفين ما بيقدمو علي الزواج.. البعض الآخر (انسانية..روحية) ودي هي الممكن أصل ليها وصول كامل عن طريق (النت)، وممكن أصل حالة من (الحب) الكامل مع الطرف الآخر (بالنت).. والحالة الثالثة هي (اللإنسانية..الجسدية) ودي بتبدأ بالنت وبتكتمل بالتلاقي، وبعدها بيكون القرار الأخير بتاع الزواج.. وبعد دة كلو الزواج نفسو..حياة متغيرة في الزمان والمكان..ونتيجة للتغيرات بتحدث تغيرات في الإنسان (جسدية وروحية) ممكن تكون تكون مقبولة والناس تواصل وممكن تكون غير مقبولة والناس تنفصل.. عشان كدة.. أنا.. لا (مع) ولا (ضد)
Post: #48 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: SHIBKA Date: 01-09-2010, 10:32 AM Parent: #47
انا مع التعارف من خلال الانترنت والذي يودي للزواج مع التحفظ بان تكون هناك مقابلات فعلية بين الطرفين وما يكون الاتفاق على الزواج من خلال الانترنت فقط لان الواقع يختلف عن الكي بورد
ما يكون القصد من الدخول للانترنت للبحث عن زوج او زوجة لذا لا اؤيد مواقع الزواج
تسلمي اماني على طرحك الموضوع المهم دا
Post: #56 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-09-2010, 11:56 AM Parent: #48
أهلاااا شبكه:
Quote: انا مع التعارف من خلال الانترنت والذي يودي للزواج مع التحفظ بان تكون هناك مقابلات فعلية بين الطرفين وما يكون الاتفاق على الزواج من خلال الانترنت فقط لان الواقع يختلف عن الكي بورد ما يكون القصد من الدخول للانترنت للبحث عن زوج او زوجة لذا لا اؤيد مواقع الزواج
نقطتين مهمات عديد من الزملاء أكدّوا عليهم ..
شكرا علي المشاركه,,
Post: #49 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: الرفاعي عبدالعاطي حجر Date: 01-09-2010, 10:38 AM Parent: #47
الاخت اماني الامين
كل سنة وانت طيبة
وهي عودة كما تعودناها منك بالطرح الجاد والمسؤول , اعتقد ان الطريقة تتواكب والتطور التكنولوجي وهي وسيلة حوار وتواصل افكار يمكن لها ان تقرّب بين اثنين فيصيرا شُركا والادلة لا تحتاج الى اشارة للذين هم في المهاجر مثل التي نعيشها حيث الوصول الى فتاة في جامعة او عمل او خلافه تستعصي لطبيعة المهاجر وتقاليدها فاعتقد ان تلك وسيلة مقبولة نوعاً ما وتؤدي الى تواصل قد يفضي الى حياة هانئة وذلك ما احسبه ووفق تجارب زملاء هنا اطفالهم بيننا صور تمشي , الحقيقة مبادرة الدكتورة جيدة لولا ان البعض حملها لمحمل الهزل وعدم الجدية لكنها يمكن ان تثمر لو ان الموضوع طرح على شاكلة ما تناولتينه واعتقدبكل الصدق ان الطريقة لها سلبياتها وما كنت لاخوضها في حال اني غير متزوج بكل تأكيد لان هنالك ما يُؤسس باللقاء لن يغني عنه التواصل حرفياً ولا اسقط ان الجواب نصف المشاهدة لكن الزواج مؤسسة تحتاج الى كثير من التروي واخذ الامور بعين فاحصة تجنباً للفشل , الظروف الان تختلف ونسبة عالية من المضربين عن الزواج والعزوف ملاحظ لكنه ليس لعدم وجود تجاوب او العروس , المشكلة في جانبها الاقتصادي وتبعات ذلك فلينطلق اقتصادنا ولتعم العدالة الحياة ستجدين محل كل سرداق عزاء سرادق من القناديل تضج بالفرح
عموماً ملخص قولي :
مع زواج النت في مثل حالات يعيشها المغترب الشاب في ظل عدم تداخل اسري واكتظاظ الناس بالظنون.وضد زواج النت لان ذلك لا يغني عن التعارف عن قرب وإلا فالبديل زواج تقليدي (ياامي او يااختي شوفوا لي عروس بت عم بت خال بت الجيران !!! دا حال المغتربيين البعاد هناك وهنا برضو .
Post: #58 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-09-2010, 12:06 PM Parent: #49
مرحبا أخ الرفاعي:
Quote: اعتقد ان تلك وسيلة مقبولة نوعاً ما وتؤدي الى تواصل قد يفضي الى حياة هانئة وذلك ما احسبه ووفق تجارب زملاء هنا اطفالهم بيننا صور تمشي ,
نعم هنالك العديد من التجارب الناجحه, عارف يا أخ الرفاعي, الموضوع ده بذكّرني علاقات الجامعه, كثير من الناس بتحذر البنات منّها لأن ممكن يكون فيها استهلاك لعواطف البت والنتيجه فشل, والسبب معلوم انه الطالب أبعد ما يكون عن الجاهزيه لخطوه جاده من أي نوع, والحالات الناجحه موجوده ولكن بنسب ضئيله جدا مقارنه بأعداد العلاقات الهائله, كذلك علاقات النت, كثير بيعتبروها غير مأمونة الجوانب, وبرضو حالات النجاح محسوبه ..
Quote: مع زواج النت في مثل حالات يعيشها المغترب الشاب في ظل عدم تداخل اسري واكتظاظ الناس بالظنون.وضد زواج النت لان ذلك لا يغني عن التعارف عن قرب
نقدر نقول مع بشروط؟ شكلي حأدخّل خانة "مع مشروطه" للاستفتاء, لأنه بصراحه عديد من المشاركين قالوا مع "بشرط" ..
تحياتي واحترامي,,
Post: #50 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Faris Mohamed Date: 01-09-2010, 10:43 AM Parent: #47
سلام أمانى
أنا مع الفكرة بس ماتكون هي الهدف من عضوية المنتديات ( البحث عن النصف الاخر )
وأن يتم التلاقي وجها" لوجه وبعد ذلك بيت مال وعيال
Post: #61 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-09-2010, 12:20 PM Parent: #50
أخ فارس سلامات:
Quote: أنا مع الفكرة بس ماتكون هي الهدف من عضوية المنتديات ( البحث عن النصف الاخر ) وأن يتم التلاقي وجها" لوجه
تقريبا ديل أكتر نقطتين تم التأكيد عليهم من قبل المشاركين ..
مشكور علي المشاركه,,
Post: #51 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: خالد درق Date: 01-09-2010, 10:48 AM Parent: #47
الاخت امانى سلام
Quote:
حضرتك أوّل مشترك عن فئة "الضد" مداخلتك فيها نقاط كتيره .. وفيها أجزاء مافهمتها .. ياريت ترجع تشرحها لينا ..
نمسك النقاط واحدة واحدة ونشوف
قلتى عوزة تفهمى الزواج ماجادى كيف :-
Quote: أعتــقد وأكـرر أعتــقد ان الزواج عن طــريق المــواقع و المنتـديات يـكون أقــل جــديه من الطــرق التقليديه , بمعنى ان الرجل او المرأه اللي يبحث عن الزواج عن طريق المواقع يمكن يكونـ او تـكون يبحثان عن المتعه وليس الزواج بمفهومه ..
لانه لايبتى على اساس صحيح ( كيف ) بيبنى على الكذب فالشاب او الشابةلايتقبلان الى عن طريق المسنجر وممكن كل واحد يقول اى شى حتى يخلى الاخرى يميل اليه ويحب
ولهذا تكون المتعة هى التسلى
ثانيا:-
Quote: أعتــقد ان البنت ما حـلو او ما زيـن في حقهـا انــها تـعرض نفسـها للزواج في المنتديات او المواقع بحدِ ِ سوآء ,, وأفـضل لها ان تـكون في بيت اهلها معززهـ مٌكرمه و الزوج يــجي لحدى البيت
ودى حقيقة بعرف انا وانتى وجميع الاخوان المتداخلين فى الموضوع انو البنت بتجلس فى البيت حتى يجى ود الحلال الذى يسترة مش البنت تعرض نفسها لزواج عبر النت صح
ثالثا :-
Quote: ثـالثا شئ أعتـقد ان مساؤهـ من الناحيه الأخلاقيه سيئه أكـثر من محاسنه ,, وأعتــقد ان هذا الـشئ جـلي و واضح ..
الشك ، اى شاب او شابة عند غريزة الشك فلما يجد كل واحد الاخر جالس على الكمبيوتر وهو عارف انو اتعرف عليها او العكس بدور فى مخيلتوا انها بتكلم مع شخص وهنا تاتى المشاكل ثم فشل الزواج وهذا راى
رابعا :-
Quote: رابعا شئ أعتقـد انه يـكون أقل رســميه وأقل تنــظيميه وهذي نقطه سيئه بالتأكيد !!
من المعروف ان الزواج لديها عادات وتقاليد وخطوات مدروسه ومقابلات بين الاهل وحضور من الطرفين
لتعرف اكثر واكثر لانها حياة سوف تستمر النهاية
لكي كل الاحترام اختي امانى والموضوع حلو وهذا راى وشكرا
لكى الود
Post: #54 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: doma Date: 01-09-2010, 11:53 AM Parent: #51
Quote: ودى حقيقة بعرف انا وانتى وجميع الاخوان المتداخلين فى الموضوع انو البنت بتجلس فى البيت حتى يجى ود الحلال الذى يسترة مش البنت تعرض نفسها لزواج عبر النت صح
العام 2010 والناس بتفكر بالصوره دي ؟؟؟!! يا دي الطامه!!!!!!!!!!!!!!!! انا غايتوا ما اسميتها حقيقه دي لا اعرفها وتجلس في بيتهم كيف يعني؟؟؟ وشنو موضوع ود الحلال اليسترها دي ؟؟؟؟؟
Post: #62 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-09-2010, 12:25 PM Parent: #54
ماما دوما: مشتاقين حبيبه ..
Quote: العام 2010 والناس بتفكر بالصوره دي ؟؟؟!! يا دي الطامه!!!!!!!!!!!!!!!! انا غايتوا ما اسميتها حقيقه دي لا اعرفها وتجلس في بيتهم كيف يعني؟؟؟ وشنو موضوع ود الحلال اليسترها دي ؟؟؟؟؟
في عدد من المشاركين بيتكلموا عن مواقع الزواج والعروضات المنتشره في النت, وبصراحه ده فهم سائد في السودان اتفقنا معاهو أو اختلفنا, فكرة عرض البنت لنفسها بتقابل باستهجان معلن, وكتير من الناس بيدّعوا التحضّر وعدم ممانعة الفكره, وجوّاهم مستحيل يتقبلوا فكره زي دي .. مش لو 2010 حتي لو 2100 :)
الأخ خالد كان واضح وصريح في طرحه, وصدقيني كتير عندهم نفس الفكره, لكن ما بنفس الشجاعه لطرحها ..
سعيده بزيارتك للبوست,
Post: #57 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: اسامه خليفه Date: 01-09-2010, 11:59 AM Parent: #51
الاخت اماني الامين... سلام
تذكرت مجلة الدستور والتي تشتهر بالاعلان عن الراغبين في الزواج من الطرفين وخاصة الاناث من المملكه
المغربيه...
الزواج اختي الفاضله عمل خير اذا تم باي الطرق فهو شي جميل .. كثير من الاخوه المغتربين والذين فاتت
عليهم طريقة اختيار شريكة الحياه بالطريقه التلقديه فليست هنالك من مانع ان يتم توجيههم من احد
افراد الاسره او الاصدقاء لتكملة الزواج...
الطرق كثيره والغرض واحد وسامي فلا مانع ان يتم الزواج عن طريق النت او اي وسيلة تعارف اخري
...
قد يختار احد شريكة حياته بتلك الطريقه المعروفه المتمرحله من الاعجاب والحب والي اخره ولكن قد
يفشلون في استمرار الحياه الزوجيه , الحياه الزوجيه عالم اخر وحياه تختلف مماسبقتها من مراحل..
وقد ينجح احد المغتربين في اختار شريكة حياته في شريط فيدو لزفاف احد الاصدقا او المعارف..
عموما الموضوع جميل والطرق كثيره للزواج ..
مع الشكر..
Post: #63 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-09-2010, 12:30 PM Parent: #57
الأخ أسامه خليفه:
Quote: قد يختار احد شريكة حياته بتلك الطريقه المعروفه المتمرحله من الاعجاب والحب والي اخره ولكن قد يفشلون في استمرار الحياه الزوجيه , الحياه الزوجيه عالم اخر وحياه تختلف مماسبقتها من مراحل..
أراك تتفق مع الأخ علاء, في انه الاختيار مرحله منفصله عن مرحلة الزواج نفسه, وانه متغيرات الحياه مواجهتها هي الفيصل في الاستمرار ..
شكرا للمشاركه,,
Post: #59 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: هواري نمر Date: 01-09-2010, 12:13 PM Parent: #51
الاخ خالد درق تحياتي و احترامي... عندما قلنا (مع) ...لم أقصد ان يتم الزواج عبر الانترنت انما القصد و حسب ما فهمت من كلام أماني ..ان تكون المعرفة قد تمت عبر الانترنت..بمعني مثلا هنا في البورد..تعرفنا علي نساء و رجال...كثر..و هم بمثابة الاخوة و الاصدقاء... ولم افكر ابدا بان علاقتي بمن صادقتهم تنتهي بانتهاء المشاركة او الكتابة...بالعكس الرغبة دوما في أن اري مالم أراه منهم\ن و قد اسافر خصيصا لرؤية صديق او حضور مناسبة لاحد الاصدقاء... اذن المعرفة التي تتم هنا..مثلها و مثل المعرفة التي تتم في الجامعة او العمل... اما حكاية جلوس البنت في المنزل..وانتظارها للزواج..فهذا شئ غير صحيح ..الان زميلاتنا و صديقاتنا..مغتربات و عاملات وعمليات للحد البعيد..ولم الحظ ابدا ان اي منهن قد خرجت للبحث عن عريس من خلال الانترنت !!!!!!!!! وحتي ان فعلت ...يا اخي الكريم..فهل هذا ينقص منها شيئا..(انا خلقناكم شعوبا و قبائل لتعارفو)________الايلا الكريمة بمعني التعارف هو من يؤدي الي الزواج او الصداقة او الاخوة.. ودونك كم من الزيجات تمت هنا...وعبر هذا المنبر....... اما مسالة الجدية و القبول...فبالطبع...موضوع الزواج شئ جد وجد للحد البعيد... كل الموضوع هو ..ان تمت المعرفة. هنا..و بعدها للطرفين ان يحددا الطريقة المناسبة لتكملة التعارف و معرفة الاخر و نهاية الامر بالزواج والنسب بين اسرتين....ولقاء الاهل وحكاية التنظيم و تقاليد الزواج...نعم و لم يقل اي احد هنا..بأن لا تتم.. لم نقل ان يتم الزواج من وراء شاشة الكمبيوتر...وان يقوم بكري ابوبكر .بدور المأذون...لا يا أخي الانترنت و المنتديات..وسيلة حضارية و حديثة...للمعرفة و التواصل , والباقي هو دور الاسر و الاهل وتقاليد الزواج العادية..
هذا هو فهمي للموضوع...و ان كان غير ذلك فالنقاش مفتوح و سوف نري من الاخوان و الاخوات بقيىة الاراء..
لك عاطر احترامي و تقديري... اخوك هواري
Post: #60 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-09-2010, 12:13 PM Parent: #51
أخ خالد درق:
شكرا لاستجابتك وعودة للتوضيح, ونقاطك أصبحت أكثر وضوحا الان,
Quote: أعتــقد وأكـرر أعتــقد ان الزواج عن طــريق المــواقع و المنتـديات يـكون أقــل جــديه من الطــرق التقليديه , بمعنى ان الرجل او المرأه اللي يبحث عن الزواج عن طريق المواقع يمكن يكونـ او تـكون يبحثان عن المتعه وليس الزواج بمفهومه .. لانه لايبتى على اساس صحيح ( كيف ) بيبنى على الكذب فالشاب او الشابةلايتقبلان الى عن طريق المسنجر وممكن كل واحد يقول اى شى حتى يخلى الاخرى يميل اليه ويحب ولهذا تكون المتعة هى التسلى
واضح فهمت, تقصد انه الغش والكذب وارد في العلاقه,
Quote: الشك ، اى شاب او شابة عند غريزة الشك فلما يجد كل واحد الاخر جالس على الكمبيوتر وهو عارف انو اتعرف عليها او العكس بدور فى مخيلتوا انها بتكلم مع شخص وهنا تاتى المشاكل ثم فشل الزواج وهذا راى
دي نقطه أشار ليها صديقي العزيز النذير حجازي, الغيره أو الشك من استمرار أو تعدد العلاقات بعد الارتباط ..
شكرا علي التوضيح مره تانيه,
Post: #55 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-09-2010, 11:54 AM Parent: #47
صديقي الباشمهندس علاء:
Quote: وهكذا..واجمل ما في القضية انو دايما القديم بينهار امام الجديد.. لأنو دي سنة الحياة..
لخّصت فكرة الرفض بتسلسل منطقي, أي شئ جديد بنقابلوا بخوف وتوّجس, فعلا أحيانا الجديد بيثبت في مواجهة القديم, مش بيقولوا البقاء للأصلح؟ يبقي الجديد لو أصلح أو Fittest حيثبت ويبقي أكيد ..
Quote: الرغبة في الزواج (أي زواج) عندها منطلقات ذاتية تتفاوت ما بين انسان وآخر.. بعضهم (جسدية جنسية) ودة النت ما بينفع معاهو لأنو لو ما شافو بعض وعرفو الدوافع الجسدية في الطرفين ما بيقدمو علي الزواج.. البعض الآخر (انسانية..روحية) ودي هي الممكن أصل ليها وصول كامل عن طريق (النت)، وممكن أصل حالة من (الحب) الكامل مع الطرف الآخر (بالنت).. والحالة الثالثة هي (اللإنسانية..الجسدية) ودي بتبدأ بالنت وبتكتمل بالتلاقي، وبعدها بيكون القرار الأخير بتاع الزواج..
كلام جميل جدا .. يمكن عشان كده عدد كبير من المشاركين أصرّوا علي ضرورة التلاقي قبل الارتباط, عشان تكتمل أركان العلاقه ..
Quote: وبعد دة كلو الزواج نفسو..حياة متغيرة في الزمان والمكان..ونتيجة للتغيرات بتحدث تغيرات في الإنسان (جسدية وروحية) ممكن تكون تكون مقبولة والناس تواصل وممكن تكون غير مقبولة والناس تنفصل..
نقطه هامه عن النهايات اللي بعض الناس متوجّسه منها .. بس كأنّك بتعزل مرحلة الزواج عن القبلها وبتربطها فقط بالتغيرات القادمه ..
شكرا ياأخ علاء , مداخله قويه كعهدي بك ..
Post: #64 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-09-2010, 12:42 PM Parent: #55
نجاة محمود "مع" الخير محمد عوض "مع" ياسر طيفور "مع" Shayma "مع" عزّام حسن فرح "مع" هواري نمر "مع" النذير حجازي "مع" محمد البشري الخضر "مع" د. يوسف محمد طاهر "مع" رشا سالم "مع" ماجده عوض خوجلي "مع" حسن مضوي "مع" بابكر التوم "مع" Mohamed Foto7li "مع" Abdelrahim Elamin "مع" قيقراوي "مع" حاتم علي "مع" أسماء عبد السلام "مع" محمد الجيلى "مع" saadeldin abdelrahman "مع" SHIBKA "مع" Faris Mohamed "مع" اسامه خليفه "مع"
خالد درق "ضد"
الرفاعي حجر "مع وضد" (مع مشروطه) علاء بابكر (لا مع ولا ضد)
Post: #65 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: خالد درق Date: 01-09-2010, 12:47 PM Parent: #55
doma تحياتى
Quote: دي لا اعرفها وتجلس في بيتهم كيف يعني؟؟؟
الفهم بمعنى تجلس فى البيت اى يعنى ان تكون معززه ومكرمه ويتقدم له الشخص الجاد وليس الفهم ان تجلس فى البيت دون دراسه اوعمل وهذه هو القصد
Quote: وشنو موضوع ود الحلال اليسترها دي ؟؟؟؟؟
الستره ليس من العيوب ولكن بمعنى ان الفتاة لما تتزوج وتذهب الى بيت زوجها بتحس بالامان
وهذا راى
تحياتى
Post: #66 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: خالد درق Date: 01-09-2010, 01:04 PM Parent: #65
الاخ / هوارى نمر تحياتى
Quote: مثلا هنا في البورد..تعرفنا علي نساء و رجال...كثر..و هم بمثابة الاخوة و الاصدقاء...
وهم بمثابةالاخوة والاصدقاء ليس بمثابة الزوجه والازواج تختلف هنا المعنى اخى فالزواج شى اخر
حياة مشتركه وتعامل غير واسرار وهموم ... الخ من دنيا الحياة الزوجيا
Quote: المعرفة التي تتم هنا..مثلها و مثل المعرفة التي تتم في الجامعة او العمل...
طبعا لا فى الجامعة اوالعمل انت وهى بتتقابلوا يومى وكل واحد بكون غريب من الثانى وبعرف مشاكل وبعرف وافراحه ولكن فى النت فى الكذب والخداع بكميات
ولك كل الود والتقدير اخى هوارى
Post: #67 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: الصادق صديق سلمان Date: 01-09-2010, 01:07 PM Parent: #65
الأخت أماني لك التحية
مع وبالعشرة كمان
أبومجتبى
Post: #68 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: خالد درق Date: 01-09-2010, 01:22 PM Parent: #67
الاخت / امانى
مشكورة على هذه المساحة من النقاش فى موضوع مهم ومهم جداً وربنا يوفقك
ولكى منى كل التقدير والاحترام
خالد درق ... دبى
Post: #69 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: هواري نمر Date: 01-09-2010, 01:33 PM Parent: #68
Quote: الاخ / هوارى نمر تحياتى
Quote: مثلا هنا في البورد..تعرفنا علي نساء و رجال...كثر..و هم بمثابة الاخوة و الاصدقاء...
وهم بمثابةالاخوة والاصدقاء ليس بمثابة الزوجه والازواج تختلف هنا المعنى اخى فالزواج شى اخر
حياة مشتركه وتعامل غير واسرار وهموم ... الخ من دنيا الحياة الزوجيا
Quote: المعرفة التي تتم هنا..مثلها و مثل المعرفة التي تتم في الجامعة او العمل...
طبعا لا فى الجامعة اوالعمل انت وهى بتتقابلوا يومى وكل واحد بكون غريب من الثانى وبعرف مشاكل وبعرف وافراحه ولكن فى النت فى الكذب والخداع بكميات
ولك كل الود والتقدير اخى هوارى
اخي الكريم خالد...تحياتي و احترامي عفوا...و لكنني الان اغادر و سوف ادخل مساءا..وسوف يكون صباحا بتوقيتكم.. وشكرا للتحاور و النقاش.. والي ان اعـــــــــــــود... فقط اسألك.. ما رايك في الفتاة التي تشترك في المنتديات و المواقع الاسفيرية....؟؟؟ سلام ولك كل تقديري و احترامي... هواري
Post: #71 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: انتصار محمد صالخ بشير Date: 01-09-2010, 04:10 PM Parent: #69
الاخت امانى
مع وضد
مع : ان تكون بداية لمعرفة الشريك بشكل عام
ضد : ان يكون هو الوسيلة الوحيدة للتعارف الى مرحلة تحديد زمن الزواج
ببساطة الزواج هو مؤسسة تحتاج الى قواعد اساسية بمعرفة الطرفين جيدا من حيث البئية والاصدقاء والاسرتين ومعرفة الطرف الاخر كيف يعيش مع مجتمعه واسرته واصدقاءه قبل الاقدام على هذه التجربة.
تحضرنى واقعة حدثت لى جاءتنى صديقة بان احد الزملاء طلبها للزواج وتريد ان تعرف عنه ما اعرفه
وبعد خروجها بقليل جاءنى والدها وكنت اعرفه جيدا رجل مرح واحترمه كأبى سالنى نفس السؤال ماذا اعرف عنه
قلت لهم اعرف عنه كل خير وللامانة اعطونى فرصة اسال احد زملاء السكن معه
عرفت من زملاءه انه يشرب خمر تحيرت كثيرا هل اقول لهم ام اترك الامر مستورا
اخيرا توكلت على الله ولم اخبر صديقتى بل اخبرت والدها بالحقيقة
تصدقى يا امانى قال لى شنو والدها واعرفه رجل متدين. بس بشرب ؟ دا بتى بتقدر عليه
يعلم الله الان اسعد زوجين ومن اكثر الرجال الان يقيموا معظم صلواتهم فى المسجد هذا الزوج .
يعنى شحصية المراة لها تأثيرها على الزوج يعنى زول كامل ما موجود بس لازم كل شئ يكون على ارض الواقع وبصدق وامانة
Post: #72 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Munir Date: 01-09-2010, 04:27 PM Parent: #71
الأخت أماني .. بناءً علي منظوري بدأت أعتقد بأن الحياة عشوائية في انتظامها . والزواج قسمة ونصيب عشوائي يصدق و يصيب أو يكذب ويخيب .. ولذلك كله محصل بعضه .. فلربما انهار زواج من حبيبين بعد يومين رغم أنهما أقرباء أو زملاء كانوا يرون بعضهما يومياً رأي العين .. وينجح زواج الصدفة رغم أن العروسين لبعضهما لم يكونا معروفين .. وحتي الأزواج الذي عاشوا مع بعض لسنين طويلة لربما يكون عيش نكد وعلي مضض .. إذن الحكاية كلها توفيق أو عدم توفيق من رب العالمين - وحتي التوفيق وعدم التوفيق ذاته درجات وانواع .. ورب ضارة نافعة و..و.. إذن في الآخر مع أو ضد مافارقة كتير .. ههه . تحياتي ..
Post: #73 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: علاء الدين محمد بابكر Date: 01-09-2010, 07:19 PM Parent: #72
Quote: وبعد دة كلو الزواج نفسو..حياة متغيرة في الزمان والمكان..ونتيجة للتغيرات بتحدث تغيرات في الإنسان (جسدية وروحية) ممكن تكون مقبولة والناس تواصل وممكن تكون غير مقبولة والناس تنفصل..
> > بس كأنّك بتعزل مرحلة الزواج عن القبلها وبتربطها فقط بالتغيرات القادمه ..
Post: #74 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Munir Date: 01-09-2010, 08:31 PM Parent: #73
Quote: هههه!!!
يا علاء الدين ياخي في ناس الزواج ده ذاته عندهم فيهو رأي .. منهم من قال ممكن الرجل ينفصل من زوجته بعد ثلاثين سنة تتخللها تربية أولاد وبنات !! تصبح العلاقة كأن لم تكن !!.. فقال أصلاً الزوجة دي إمرأة ما عندك بيها أي علاقة والشرط الوحيد لإرتباطك بيها إنها تكون غريبة عليك !!.. ويكون علاقتك بيها ياها المكتوبة في الورقة دي .. واليوم الذي ينفض فيه العقد تصبح غريبة عنك وما يلمك معاها أي رابط ولو هبشتها ساي يكون حرام عليك !!!..وتصبح أجنبية يجب عليك تغض عنها البصر .. !! وذلك علي النقيض من أمك أو أختك .. لأنه أختك دي لو كسرت رقبتها أو كسرت رقبتك ياها برضو إسمها اختك كما أن أمك ياها أمك حتي لو كتلتك أو طردتك من البيت ..لاحظ لحرف الكاف الملصق فيك ده والذي لا فكاك منه.. لكين الزوجة السابقة دي تاني ما بتبقي ليك أي حاجة لو لاقتك في الشارع ساي تاني سلام مافي !!!..
يعني علاقة زي دي في نظره لو جاءت عن طريق الانترنت أو الانترمانت ما بتغير كتير
ناس عجيبة !!..
Post: #75 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: أمين محمد سليمان Date: 01-09-2010, 09:26 PM Parent: #73
أماني الأماني لو قاصده بزواج الإنترنت ، إنو ناس يتعرفو علي بعض في منبر عام زي بتاع بكري ده و بعدين تطور العلاقه لزواج ، فانا ضدو لسبب واحد : إنو أساس العلاقه بيكون مفترض و متخيل و مبني علي أسس ما حقيقيه . الشخصيات المنبريه - في أغلب الأحيان - لا تمت للحقيقه بصله ، الإنترنت ما زيو و زي الجامعه أو الشغل ....الخ ، لانو في المحلات دي إنت بتتعامل مع بني ادم ، لحم و دم ، ممكن تحدد - أو تقرب تحدد - مدي صدقو في اراؤو ، تصرفاتو ، .... الخ عكس المنابر الحواريه ، اللي بطبيعتها بتقوم بالرد فيها في الوقت اللي بتختارو و بالسيقه البتختارها و مهما الناس اجتهدت ما حا تكون محادثه حقيقيه تشوف فيها صورة الزول و طريقة كلامو و حركاتو و باقي تفاصيل مهمه في التقريب بين الناس . المشكله بتبقي لمن يتمكن منك الخيال و بالتالي الإحساس و لمن تقابل الزول في الواقع و إنت لسه شايفو بعيون الاسافير ! الغشاوه دي ما بتتزحه إلا بعد شهر العسل ! و نبقي في إنو ده ما الزول الحبيتو و عرستو و بقية الحنك المؤلم ، و طبعا في ناس ممكن تكون محظوظه و تطلع الشخصيه الحقيقيه بعد الزواج أجمل و أنضر من الخيال !
Post: #76 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: وجن Date: 01-09-2010, 10:02 PM Parent: #75
أماني الأماني لو قاصده بزواج الإنترنت ، إنو ناس يتعرفو علي بعض في منبر عام زي بتاع بكري ده و بعدين تطور العلاقه لزواج ، فانا ضدو لسبب واحد : إنو أساس العلاقه بيكون مفترض و متخيل و مبني علي أسس ما حقيقيه . الشخصيات المنبريه - في أغلب الأحيان - لا تمت للحقيقه بصله ، الإنترنت ما زيو و زي الجامعه أو الشغل ....الخ ، لانو في المحلات دي إنت بتتعامل مع بني ادم ، لحم و دم ، ممكن تحدد - أو تقرب تحدد - مدي صدقو في اراؤو ، تصرفاتو ، .... الخ عكس المنابر الحواريه ، اللي بطبيعتها بتقوم بالرد فيها في الوقت اللي بتختارو و بالسيقه البتختارها و مهما الناس اجتهدت ما حا تكون محادثه حقيقيه تشوف فيها صورة الزول و طريقة كلامو و حركاتو و باقي تفاصيل مهمه في التقريب بين الناس . المشكله بتبقي لمن يتمكن منك الخيال و بالتالي الإحساس و لمن تقابل الزول في الواقع و إنت لسه شايفو بعيون الاسافير ! الغشاوه دي ما بتتزحه إلا بعد شهر العسل ! و نبقي في إنو ده ما الزول الحبيتو و عرستو و بقية الحنك المؤلم ، و طبعا في ناس ممكن تكون محظوظه و تطلع الشخصيه الحقيقيه بعد الزواج أجمل و أنضر من الخيال ! إزيك يا أماني ياصديقة صراحة أنا مع كلام أمين كلام منطقي ويكاد يكون من وجهة نظري 100% بس بصراحة أنا ما ضد التعارف والتواصل ومشروع خطبة يبدأ بالنت وينتهي بالتعارف والتقارب في الواقع ويتوج بإذن الله بالزواج بعد التوافق موضوع جميل أحييك عليه
Post: #78 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: نادر الفضلى Date: 01-09-2010, 10:36 PM Parent: #76
الزواج عن طريق الإنترنت له وسيلتان: (1) مواقع خدمات الزواج لمن يرغب من الجنسين، بإدراج معلومات شخصية ورغباته وشروطه حسب فورمات معينه
(2) التعارف عبر المنتديات مثل هذا المنتدى
فى رأيى الوسيلة الثانية أفضل لأن الإلتقاء فى المنتدى مفتوح لمعرفة الكثيرين يدون أن يكون الغرض الزواج. فيتم التعارف من خلال كتاباتهم و من هنا يتم التقارب الميول ومزيد من التعارف خارج الإنترنت.
هو تعارف أقل درجة بمعرفة الطرف الآخر عن طريق الزمالة فى العمل أو الدراسة كما قال الأخ أمين محمد سليمان. .. ولكن ميزاته يفتح فرصة أكبر للتعارف والخيارات و التواصل فى الوقت الحاضر مع شتات الناس فى بقاع الأرض ,, وكثير من القيود فى بدأ المعرفة مباشرة أو عدم توفر الفرص لذلك .. مثال ناس السعودية وإحتمال باقى الخليج بحكم تقاليد المجتمع. وحتى فى الدول الغربية أمريكا مثلاً المشكلة قائمه لإتساع البلد وطاحونة العمل و حتى الرجل للبحث عن فتاة ليراها فقط يحتاج لسفر وتحين فرصة مناسبة حفلة وفى الآخر لو وفق بكون زواج Arrangement وبدون معرفة. والميزة الثانية أن البنت بنفسها بتشارك فى الإختيار مثل الرجل. ولكن الحصافة و معرفة الآخر بصورة أفضل و السؤال عن الطرف الأخر والمشورة أيضاً قد تكوم مهمة.
فى رأيى لا بد مما ليس منه بد .. وأقول نعم للتعارف و الزواج عن طريق الإنترنت
Post: #88 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-10-2010, 07:16 AM Parent: #78
الأخ نادر الفضلي:
Quote: لزواج عن طريق الإنترنت له وسيلتان: (1) مواقع خدمات الزواج لمن يرغب من الجنسين، بإدراج معلومات شخصية ورغباته وشروطه حسب فورمات معينه (2) التعارف عبر المنتديات مثل هذا المنتدى
طيب طريقة د. نجاة جمعت بين الطريقتين, التعارف عبر المنتدي, لكن ابداء الرغبه وادراج المعلومات ضروري للتوافق .. نقدر نعتبرها طريقه تالته؟
Quote: فى رأيى الوسيلة الثانية أفضل لأن الإلتقاء فى المنتدى مفتوح لمعرفة الكثيرين يدون أن يكون الغرض الزواج. فيتم التعارف من خلال كتاباتهم و من هنا يتم التقارب الميول ومزيد من التعارف خارج الإنترنت.
واضح انه حضرتك مع الطريقه التلقائيه,
باقي كلامك أكدّوا عليه العديد من الأعضاء, اتاحة فرصة تعارف وحوار بين أشخاص ماكانت لتتوفر لهم الفرصه بدون المنتدي ..
شكرا علي النقاط المنظمه ,,
Post: #87 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-10-2010, 07:09 AM Parent: #76
وجن ياصديقه:
Quote: إزيك يا أماني ياصديقة صراحة أنا مع كلام أمين كلام منطقي ويكاد يكون من وجهة نظري 100% بس بصراحة أنا ما ضد التعارف والتواصل ومشروع خطبة يبدأ بالنت وينتهي بالتعارف والتقارب في الواقع ويتوج بإذن الله بالزواج بعد التوافق
وجن مع في حالة التعارف علي أرض الواقع قبل الارتباط .. حنكتبك (مع بشروط) ياوجن ..
شكرا علي مرورك,,
Post: #77 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: إخلاص محمد أحمد Date: 01-09-2010, 10:30 PM Parent: #75
الاخت اماني انا (مع) بس بشروط لانوا النت مرات بلم ذوي القلوب الضعيفة فبعض الشباب بس عايز يتسلي ويملي جزء من فراغه بالونسة في النت, اما اذا كنا نتحدث عن بورداب سودانيزاونلاين معليش لانو هؤلاء الشباب جادين وبيعتبروا زميلاتنا هنا اخواتهم وعرضهم( علي ما اظن) فهؤلاء الشباب اثق بهم اكثر , ولكن لازم الناس بعد التعارف تتلاقي وتتفاهم لانو قرارالزواج ما حاجة ساهلة وتدخل فية اسر وقبائل.
Post: #79 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: أمين محمد سليمان Date: 01-09-2010, 11:07 PM Parent: #77
Quote: اللي بطبيعتها بتقوم بالرد فيها في الوقت اللي بتختارو و بالسيقه البتختارها و مهما الناس اجتهدت ما حا تكون
(السيقه) دي قاصد بيها (الصيغه ) و لا عزاء للغه العربيه !
Post: #80 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: د.نجاة محمود Date: 01-10-2010, 02:56 AM Parent: #79
Post: #86 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-10-2010, 07:07 AM Parent: #79
الخال أمين:
Quote: لو قاصده بزواج الإنترنت ، إنو ناس يتعرفو علي بعض في منبر عام زي بتاع بكري ده و بعدين تطور العلاقه لزواج ، فانا ضدو لسبب واحد : إنو أساس العلاقه بيكون مفترض و متخيل و مبني علي أسس ما حقيقيه . الشخصيات المنبريه - في أغلب الأحيان - لا تمت للحقيقه بصله ، الإنترنت ما زيو و زي الجامعه أو الشغل ....الخ ، لانو في المحلات دي إنت بتتعامل مع بني ادم ، لحم و دم ، ممكن تحدد - أو تقرب تحدد - مدي صدقو في اراؤو ، تصرفاتو ، .... الخ عكس المنابر الحواريه ، اللي بطبيعتها بتقوم بالرد فيها في الوقت اللي بتختارو و بالسيقه البتختارها و مهما الناس اجتهدت ما حا تكون محادثه حقيقيه تشوف فيها صورة الزول و طريقة كلامو و حركاتو و باقي تفاصيل مهمه في التقريب بين الناس . المشكله بتبقي لمن يتمكن منك الخيال و بالتالي الإحساس و لمن تقابل الزول في الواقع و إنت لسه شايفو بعيون الاسافير ! الغشاوه دي ما بتتزحه إلا بعد شهر العسل ! و نبقي في إنو ده ما الزول الحبيتو و عرستو و بقية الحنك المؤلم ، و طبعا في ناس ممكن تكون محظوظه و تطلع الشخصيه الحقيقيه بعد الزواج أجمل و أنضر من الخيال !
الخال أمين بينضم الي خانة الضد, وبيضيف شرح مفصّل لوجهة نظرو, الشخصيه الاسفيريه غير حقيقيه ولاتمكن من معرفة الطرف الاخر علي حقيقته, وحتي اللقاء علي أرض الواقع لايزيل الغشاوه في رأي الخال أمين ,
Post: #89 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-10-2010, 07:20 AM Parent: #77
الأخت اخلاص:
Quote: الاخت اماني انا (مع) بس بشروط لانوا النت مرات بلم ذوي القلوب الضعيفة فبعض الشباب بس عايز يتسلي ويملي جزء من فراغه بالونسة في النت, اما اذا كنا نتحدث عن بورداب سودانيزاونلاين معليش لانو هؤلاء الشباب جادين وبيعتبروا زميلاتنا هنا اخواتهم وعرضهم( علي ما اظن) فهؤلاء الشباب اثق بهم اكثر , ولكن لازم الناس بعد التعارف تتلاقي وتتفاهم لانو قرارالزواج ما حاجة ساهلة وتدخل فية اسر وقبائل.
حضرتك بتفتكري انه النت كلمه واسعه, وكتير من الشباب الغير جادّي ممكن يتخذوهو وسيله للتسليه ببنات الناس, بينما (منبر بكري) كما يسميه الخال أمين, شروط العضويه فيه يمكن أصعب, والأعضاء محل ثقه أكتر ..
كمان مع نقطة التلاقي قبل الارتباط,
نقدر نقول دي أكتر نقطه تم التأكيد عليها,,
تحياتي وشكرا لمشاركتك,,
Post: #85 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-10-2010, 07:01 AM Parent: #73
Post: #84 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-10-2010, 06:53 AM Parent: #72
الأخ منير:
Quote: الأخت أماني .. بناءً علي منظوري بدأت أعتقد بأن الحياة عشوائية في انتظامها . والزواج قسمة ونصيب عشوائي يصدق و يصيب أو يكذب ويخيب .. ولذلك كله محصل بعضه .. فلربما انهار زواج من حبيبين بعد يومين رغم أنهما أقرباء أو زملاء كانوا يرون بعضهما يومياً رأي العين .. وينجح زواج الصدفة رغم أن العروسين لبعضهما لم يكونا معروفين .. وحتي الأزواج الذي عاشوا مع بعض لسنين طويلة لربما يكون عيش نكد وعلي مضض .. إذن الحكاية كلها توفيق أو عدم توفيق من رب العالمين - وحتي التوفيق وعدم التوفيق ذاته درجات وانواع .. ورب ضارة نافعة و..و.. إذن في الآخر مع أو ضد مافارقة كتير .. ههه . تحياتي ..
وكأنك بتأكد علي انه المهم الاستمراريه, وبتعتقد انها مبنيه علي عوامل بعضها خارج ارادة الزوجين, بمعني اخر طريقة الزواج أو التعارف ليست من العوامل المؤثره في الاستمراريه,
بعض المشاركين أشاروا لهذه النقطه وبيشاركوك الرأي,
شكرا لابداء رأيك وللمشاركه,,
Post: #83 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-10-2010, 06:48 AM Parent: #71
الأخت انتصار:
Quote: مع وضد مع : ان تكون بداية لمعرفة الشريك بشكل عام ضد : ان يكون هو الوسيلة الوحيدة للتعارف الى مرحلة تحديد زمن الزواج
بتأكدي علي نقطه كثر أشاروا ليها, وهي انه لابد من التعارف وجها لوجه قبل الارتباط ..
Quote: ببساطة الزواج هو مؤسسة تحتاج الى قواعد اساسية بمعرفة الطرفين جيدا من حيث البئية والاصدقاء والاسرتين ومعرفة الطرف الاخر كيف يعيش مع مجتمعه واسرته واصدقاءه قبل الاقدام على هذه التجربة.
كلامك قريته بتمعن,
شكرا,,
Post: #82 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-10-2010, 06:42 AM Parent: #67
أخ الصادق: مرحب بيك ..
Quote: مع وبالعشرة كمان
شكرا للمشاركه,,
Post: #90 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-10-2010, 07:30 AM Parent: #82
نجاة محمود "مع" الخير محمد عوض "مع" ياسر طيفور "مع" Shayma "مع" عزّام حسن فرح "مع" هواري نمر "مع" النذير حجازي "مع" محمد البشري الخضر "مع" د. يوسف محمد طاهر "مع" رشا سالم "مع" ماجده عوض خوجلي "مع" حسن مضوي "مع" بابكر التوم "مع" Mohamed Foto7li "مع" Abdelrahim Elamin "مع" قيقراوي "مع" حاتم علي "مع" أسماء عبد السلام "مع" محمد الجيلى "مع" saadeldin abdelrahman "مع" SHIBKA "مع" Faris Mohamed "مع" اسامه خليفه "مع" الصادق صديق سلمان "مع" نادر الفضلى "مع"
خالد درق "ضد" أمين محمد سليمان "ضد"
الرفاعي حجر "مع وضد" (مع مشروطه) انتصار محمد صالح بشير "مع وضد" (مع مشروطه) وجن "مع وضد" (مع مشروطه) إخلاص محمد أحمد "مع وضد" (مع مشروطه)
علاء بابكر (لا مع ولا ضد) Munir (لا مع ولا ضد) Amir Omer (لا مع ولا ضد)
---- رجاءا: أي من المشاركين عن فئة "المع", يرغب في تحويل صوته الي خانة (المع المشروطه) ينبهني,
Post: #92 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: علاء الدين محمد بابكر Date: 01-10-2010, 08:51 AM Parent: #90
Post: #94 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: معتصم دفع الله Date: 01-10-2010, 08:58 AM Parent: #90
أماني إزيك ..
أول حاجة خلونا نقلل نفقات الزواج الكتيرة والصرف البزخي حتى نساعد على الإقبال عليه ودا خيط ممكن يكون عنوان بوست نتوقعه منك .. الإنترنت وسيلة زيها وزي أي مكان آخر للتلاقي والتعارف مع إختلاف بسيط .. إتفق معظم المتداخلين بأن طريقة الزواج المقصودة هنا ليست كطريقة المواقع المخصصة لذلك وهي عادةً ما تحصل بصورة تلقائية كما يحدث في موقع زي سودانيز أون لاين مع ضرورة ملاقاة الطرفين لبعضهم البعض ودي أحب طبعاً ..
مع ..
تحياتي ..
Post: #97 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-11-2010, 06:55 AM Parent: #94
الصديق معتصم دفع الله:
Quote: الإنترنت وسيلة زيها وزي أي مكان آخر للتلاقي والتعارف مع إختلاف بسيط .. إتفق معظم المتداخلين بأن طريقة الزواج المقصودة هنا ليست كطريقة المواقع المخصصة لذلك وهي عادةً ما تحصل بصورة تلقائية كما يحدث في موقع زي سودانيز أون لاين مع ضرورة ملاقاة الطرفين لبعضهم البعض ودي أحب طبعاً ..
رأيك واضح جدا .. شكرا علي المشاركه,
Post: #95 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: احمد حامد صالح Date: 01-10-2010, 09:22 AM Parent: #90
فى زمن العولمة ,,, القرية الواحدة ،،، التقنية السريعة ،،، لا مجال للا ،،، المعترض المكوك بفوتو و يبقى زى الداير يصعد لكوكب المريخ بالقطر ربما يصل فى القرن السابع و التسعين ،،، المبادئ الفاضلة و القيم السامية لا تتعارض مع الوسائل الجديدة فهى كالقديمة تعتمد على المتعامل ,,, فى العصر الحجرى عند اكتشاف النار هناك من قال انها وسيلة دمار و اصر اخرون انها ضرورة اعمار ،،، المدرسة فى بداية القرن الماضى ناس قالوا كفر و قبل بها اخرون على مضض و كذا الكهرباء و الموبايل بالامس القريب ،،، لكم ان تتخيلوا حياة بلا نار بلا كهرباء مدرسة موبايل الى اخر قائمة الوسائل الحديثة ،،، لماذا نحن دوما ضد المواكبة ،،، ضد التغيير ،،، ضد الحداثة العصرنة التجديد،،، مصرين على القديم ،،، الانترنت وسيلة متطورة تقصر المسافة و تختصر الزمن و توفر المكان ... كالنار فى العصر الحجرى يمكن ان يستفاد منه ايجابا او سلبا
Post: #98 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-11-2010, 06:58 AM Parent: #95
الأخ أحمد محمد صالح:
Quote: لماذا نحن دوما ضد المواكبة ،،، ضد التغيير ،،، ضد الحداثة العصرنة التجديد،،، مصرين على القديم ،،، الانترنت وسيلة متطورة تقصر المسافة و تختصر الزمن و توفر المكان
حضرتك بتوافق الأخ علاء بابكر في انه التخوف من زواج الانترنت, جزء من طريقة تفكير قديمه رافضه للجديد والحديث لأسباب غير منطقيه في رأيك ..
مشكور علي المشاركه,,
Post: #93 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Kabar Date: 01-10-2010, 08:53 AM Parent: #82
أماني ..حبابك يا صديقة و حباب كل الأصدقاء و الصديقات هنا..
ضد..
اضافة لكلام اخونا أمين:
اولا: غياب التلقائية..و دي اهم عنصر في فكرة الزواج.. حبوبتي كان عندها نظرية..و قالتها في شكل وصية لواحد من احفادها ..قالت (لمن تدور تعرس..ما تعزل عروستك من البوش (الحفلة).. انتظر لمن البنات يفزعن للحطب..و اتدسى و اتخبأ و عاين ليهن..و بعدين اختار منهن عروستك).. طبعا الزمن ده مافي بنات بيفزعن للحطب..و لكن فكرة حبوبتي هي انحياز للتلقائية..يعني لازم الناس في اول لقاء ليها تعاين لعيون بعض..و تقرا فيها منو الجيعان و منو الخائف..و منو الممكن يبيع القضية في أول منعطف..و اللقاء الأول في النت لن يساعد في حسم هذه المسألة و اكتشافها..
ثانيا: منتديات النقاش الإسفيرية زي الفصل الدراسي..ولا اظن الفصل الدراسي هو المكان الأنسب لأرتكاب قرار مصيري مثل قرار الزواج.. في الفصل الناس كلها بتكون مؤدبة و مهذبة و مسكينة..و بتحاول تسوق نفسها بالصورة التي ترتضي السلطة العليا و هي الأستاذ..و بنفس المقدار.. منتديات النقاش الناس فيها بتسوق روحها بأخر ما عندها..و ما بتقدر بتعرف الإنسان/ة بيزعل كيف (خليك من متين)..و كيف بيقدر يتخذ القرار الحاسم في الوقت المناسب و المكان المناسب.. يعني في النت كلنا تمام يا افندم..و هذه صيغة لا اظنها تفيد كثيرا ..
ثالثا: غياب الخصوصية..القرار بالزواج حاجة خصوصية للغاية ( و الحب كمان)..و حاجات زي دي لمن تجي لحظة نقاشها يجب أن تكون راس براس..يعني لمن تجي تقول لزولة عاوز اتزوجك.. مش المهم كلمتها و اجابتها.. بقدرما ما المهم تقاسيم وجهها و تعابيرها لمن تسمع البربوسول لأول مرة.. ياخي دي اجمل اللحظات الإنسانية قاطبة..و ما اظن النت ممكن يوفر اللحظة دي..اهم حاجة البكية الأولى (و دموعها صادقة..و ما عداها من دموع لن تصدق الأ لمن يكون في خبر موت..المهم ما علينا)..
الغريبة يا اماني كل الأصدقاء و الصديقات الذين اجابوا بنعم و قدموا تبريراتهم في نهاية المطاف اتفقوا على اللقاء الحقيقي..
حاجة مهمة للغاية.. منتديات النقاش (و فلسفة الناس القامت بتصميمها فاهمة كويس) لا يمكن أن تكون بديل للواقع الحقيقي التلقائي الطبيعي..
اصدقائنا و صديقاتنا الذين تزوجوا عن طريق تعارف النت.. نو اوفنيس..
لأصدقائي و صديقاتي غير المتزوجين ( و اتمنى أن يرتكبوا هذا الفعل اللذيذ باسرع ما يمكن): اول مرة لاقيت زوجتي في الرابع من فبراير 1995..و كانت بتسترق النظر و هي بتعاين لي و انا بتكلم..اخر النقاش ..قالت لي عايزة اقول ليك حاجة على جنب.. قلت ليها جدا..انتحينا جانبا ..و عاينت في وشي و قالت لي: مهما تحاول تكون زول متماسك.. لكن اقول ليك حاجة.. عمري ما شفت لي انسان مقهور بالشكل ده..!! سبيت ليها دين..و اديتها قفاي..و ادتني قفاها..!!
هي اول زولة و ربما اخر زولة تقدر تكتشف فيني حقيقة..كنت اجتهد لإخفائها..لأن اعلانها كان يعني انهيار الكثيرين و الكثيرات.. قد يكون هذا الموقف مثالي للغاية..و لكن الخلاصة المستفادة منه: الزولة البتعرفك انت شنو (مش منو) ..و الزول البيعرفك انتي شنو (مش منو)..ديل الناس البتقدر تقضي باقي عمرها مع بعض..و لا اظن أن النت سيسمح بتوفير تلك اللحظة الحاسمة..
و دمتم جميعا..
كبر
Post: #96 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: ismeil abbas Date: 01-10-2010, 04:40 PM Parent: #93
ألأخت/امانى السلام عليكم...
مررت على هذا البوست كثيرآ.ولم أضغط عليه كلك..قادنى أخى العزيز معتصم دفع الله لآن أكون حضور لآنه بوست مميز..
قد تكون إجابتى أتت مطابقة فى الفكرة لردود كثيرة مع العلم لم أقرآ ولا رد حتى كتابة ردى هذا..
أولآ..مشاركتى..مع زواج ألأنترنت..
وذلك للشتات الواقع بين الناس..والأسفير اضافة بعد أخر لجغرافيتنا المحدودة....
لك وللمتداخلين التقدير...
Post: #100 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-11-2010, 07:06 AM Parent: #96
Quote: مشاركتى..مع زواج ألأنترنت.. وذلك للشتات الواقع بين الناس..والأسفير اضافة بعد أخر لجغرافيتنا المحدودة....
صحيح, تقريب المسافات وتلاقي كل من في الشتات عبر الأسافير محمده كبيره للانترنت ..
شكرا علي المشاركه,,
Post: #101 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-11-2010, 07:09 AM Parent: #100
الأخ الصديق كبر:
Quote: اولا: غياب التلقائية..و دي اهم عنصر في فكرة الزواج.. حبوبتي كان عندها نظرية..و قالتها في شكل وصية لواحد من احفادها ..قالت (لمن تدور تعرس..ما تعزل عروستك من البوش (الحفلة).. انتظر لمن البنات يفزعن للحطب..و اتدسى و اتخبأ و عاين ليهن..و بعدين اختار منهن عروستك).. طبعا الزمن ده مافي بنات بيفزعن للحطب..و لكن فكرة حبوبتي هي انحياز للتلقائية..يعني لازم الناس في اول لقاء ليها تعاين لعيون بعض..و تقرا فيها منو الجيعان و منو الخائف..و منو الممكن يبيع القضية في أول منعطف..و اللقاء الأول في النت لن يساعد في حسم هذه المسألة و اكتشافها..
ثانيا: منتديات النقاش الإسفيرية زي الفصل الدراسي..ولا اظن الفصل الدراسي هو المكان الأنسب لأرتكاب قرار مصيري مثل قرار الزواج.. في الفصل الناس كلها بتكون مؤدبة و مهذبة و مسكينة..و بتحاول تسوق نفسها بالصورة التي ترتضي السلطة العليا و هي الأستاذ..و بنفس المقدار.. منتديات النقاش الناس فيها بتسوق روحها بأخر ما عندها..و ما بتقدر بتعرف الإنسان/ة بيزعل كيف (خليك من متين)..و كيف بيقدر يتخذ القرار الحاسم في الوقت المناسب و المكان المناسب.. يعني في النت كلنا تمام يا افندم..و هذه صيغة لا اظنها تفيد كثيرا ..
ثالثا: غياب الخصوصية..القرار بالزواج حاجة خصوصية للغاية ( و الحب كمان)..و حاجات زي دي لمن تجي لحظة نقاشها يجب أن تكون راس براس..يعني لمن تجي تقول لزولة عاوز اتزوجك.. مش المهم كلمتها و اجابتها.. بقدرما ما المهم تقاسيم وجهها و تعابيرها لمن تسمع البربوسول لأول مرة.. ياخي دي اجمل اللحظات الإنسانية قاطبة..و ما اظن النت ممكن يوفر اللحظة دي..اهم حاجة البكية الأولى (و دموعها صادقة..و ما عداها من دموع لن تصدق الأ لمن يكون في خبر موت..المهم ما علينا)..
حضرتك قدّمت لينا مرافعه قانونيه منظمه ومكتمله عن فئة الضد,
غياب التلقائيه والخصوصيه في الانترنت, ردود الأفعال غائبه, والتفاعل الحقيقي مفقود في الأسافير حسب ما أوردت, كذلك التفهم الحقيقي للطرف الاخر وقراءة انفعالاته وشخصيته غائبين, وهي في اعتقادك من أهم متطلبات اتخاذ قرار الزواج, أو صحة الاختيار فيه ..
شكرا علي النقاط القويه والأمثله الحيه, وتحياتي للمدام,
Post: #155 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: doma Date: 01-15-2010, 02:56 PM Parent: #100
النت وسيله عصريه للتعارف وفي حاله الزواج لابد من اللقاء بعد التعارف الاسفيري لمعرفه الانسان علي ارض الواقع
Post: #99 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-11-2010, 07:04 AM Parent: #93
نجاة محمود "مع" الخير محمد عوض "مع" ياسر طيفور "مع" Shayma "مع" عزّام حسن فرح "مع" هواري نمر "مع" النذير حجازي "مع" محمد البشري الخضر "مع" د. يوسف محمد طاهر "مع" رشا سالم "مع" ماجده عوض خوجلي "مع" حسن مضوي "مع" بابكر التوم "مع" Mohamed Foto7li "مع" Abdelrahim Elamin "مع" قيقراوي "مع" حاتم علي "مع" أسماء عبد السلام "مع" محمد الجيلى "مع" saadeldin abdelrahman "مع" SHIBKA "مع" Faris Mohamed "مع" اسامه خليفه "مع" الصادق صديق سلمان "مع" نادر الفضلى "مع" معتصم دفع الله "مع" احمد حامد صالح "مع" ismeil abbas "مع"
خالد درق "ضد" أمين محمد سليمان "ضد" Kabar "ضد"
الرفاعي حجر "مع وضد" (مع مشروطه) انتصار محمد صالح بشير "مع وضد" (مع مشروطه) وجن "مع وضد" (مع مشروطه) إخلاص محمد أحمد "مع وضد" (مع مشروطه)
علاء بابكر (لا مع ولا ضد) Munir (لا مع ولا ضد) Amir Omer (لا مع ولا ضد)
Post: #102 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Hala Hassan Date: 01-11-2010, 10:34 AM Parent: #99
بوست مفيد يا امانى عشان الناس تناقش فيه وجهات النظر المختلفة،،،
أنا شخصيا ما عارفة ليه، لكن دايرة أفرز التسمية،،،،
يعنى زواج الإنترنت إذا كان مقصود بيهو مواقع الزواج، فدا أنا ما بحبو و ما بقدر أوافق عليهو،،
لكن إذا كان المقصود بيه التعارف عن طريق الإنترنت، زى مجموعات الفيس بوك مثلا (فى وسط أصدقاء) أو فى زى منبرنا دة كتجربة د. نجاة الحالية،، دة أنا مع،،،،،،
Post: #103 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: saadeldin abdelrahman Date: 01-11-2010, 01:19 PM Parent: #102
يا أماني أنا لم اخستك ببوست خالتي نجاة لدرجة إنه في أوراق قدمت هناك و تم تجاهلها شديــــد. نتقطع نحن يعني؟
Post: #104 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-12-2010, 08:33 AM Parent: #103
هاله حبيبتي:
Quote: يعنى زواج الإنترنت إذا كان مقصود بيهو مواقع الزواج، فدا أنا ما بحبو و ما بقدر أوافق عليهو،،
لكن إذا كان المقصود بيه التعارف عن طريق الإنترنت، زى مجموعات الفيس بوك مثلا (فى وسط أصدقاء) أو فى زى منبرنا دة كتجربة د. نجاة الحالية،، دة أنا مع،،،،،،
أغلب المشاركين شاركوكي الراي في رفض زواج مواقع التعارف والزواج المتخصصه, لاعتبارات كتيره تم شرحها .. وقبلوا بالتلقائيه في التعارف أو حتي ال Arrangement زي حالة بوست د. نجاة ..
شكرا ليك علي المشاركه :)
Post: #105 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-12-2010, 08:41 AM Parent: #104
سعد الدين:
Quote: يا أماني أنا لم اخستك ببوست خالتي نجاة لدرجة إنه في أوراق قدمت هناك و تم تجاهلها شديــــد. نتقطع نحن يعني؟
الصراحه لله, انت كنت لاعب دور منسق مع د.نجاة في البوست !!!!
Post: #106 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-12-2010, 08:43 AM Parent: #105
نجاة محمود "مع" الخير محمد عوض "مع" ياسر طيفور "مع" Shayma "مع" عزّام حسن فرح "مع" هواري نمر "مع" النذير حجازي "مع" محمد البشري الخضر "مع" د. يوسف محمد طاهر "مع" رشا سالم "مع" ماجده عوض خوجلي "مع" حسن مضوي "مع" بابكر التوم "مع" Mohamed Foto7li "مع" Abdelrahim Elamin "مع" قيقراوي "مع" حاتم علي "مع" أسماء عبد السلام "مع" محمد الجيلى "مع" saadeldin abdelrahman "مع" SHIBKA "مع" Faris Mohamed "مع" اسامه خليفه "مع" الصادق صديق سلمان "مع" نادر الفضلى "مع" معتصم دفع الله "مع" احمد حامد صالح "مع" ismeil abbas "مع" Hala Hassan "مع"
خالد درق "ضد" أمين محمد سليمان "ضد" Kabar "ضد"
الرفاعي حجر "مع وضد" (مع مشروطه) انتصار محمد صالح بشير "مع وضد" (مع مشروطه) وجن "مع وضد" (مع مشروطه) إخلاص محمد أحمد "مع وضد" (مع مشروطه)
علاء بابكر (لا مع ولا ضد) Munir (لا مع ولا ضد) Amir Omer (لا مع ولا ضد)
Post: #107 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: saadeldin abdelrahman Date: 01-12-2010, 09:15 AM Parent: #105
غايتو الله يدي العافية بس.. يعني آخرتا طلعت منسق بصفر! ما شفتي تعقيبي على مولانا محمد المرتضى؟ ده بس ياهو الحاصل.. يعني الواحد لو في الدنيا أو الإسفير الوااااااسع ده احتاج لأنه يوجهوه صوب نصفه/ا الآخر يبقى هو/هي اصلا مقتنع بال Arranged marriage و فعلا بكون عايز assistance أو direction و ممكن القصة دي تحصل من الأسرة القريبة أو الاسفيرية. لا غضاضة اذا, فالمسألة قناعات و مبادئ لا تتغير في الاسفير أو غيره. و لكي لا افرض قناعاتي التي هي بالضرورة تخصني و من يتفق معي, قررت أن اصفر و انسق.
-------- ود الصايم ما تضحك!
Post: #108 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-12-2010, 10:53 AM Parent: #107
Quote: يعني الواحد لو في الدنيا أو الإسفير الوااااااسع ده احتاج لأنه يوجهوه صوب نصفه/ا الآخر يبقى هو/هي اصلا مقتنع بال Arranged marriage و فعلا بكون عايز assistance أو direction و ممكن القصة دي تحصل من الأسرة القريبة أو الاسفيرية. لا غضاضة اذا, فالمسألة قناعات و مبادئ لا تتغير في الاسفير أو غيره. و لكي لا افرض قناعاتي التي هي بالضرورة تخصني و من يتفق معي, قررت أن اصفر و انسق.
سعد الدين .. Ooooook كده بقيت واضح, بس كان نفسي توضح رايك المميز ده لو ماهناك عشان "ماينحرف البوست", هنا لأنه المجال للنقاش, لكنك لدهشتي بصمت بالعشره, واتحفظت علي التسميه كمان "زواج الانترنت" بوستي ده لو لاحظت للعنوان "عن بوست د. نجاة" اتوقعت الناس الكانت ماجاده هناك تجي تشرح ليه ماكانت جادّه, وأحد توقعاتي كانت انه بعض الشباب والشابات بيرفضوا ال arranged marriage في الواقع أو في الاسفير, في ناس طبعا شددوا علي نقطة التلقائيه, لكنك كمثال فقط بصمت ولم تتحفظ !!
في المقابل في ناس كانت أكتر من صريحه في طرح أفكارها, زي أخونا النذير حجازي, وأخونا خالد درق, وقيقراوي وغيرهم ..
الصراحه دي أكيد بتساعد في اننا نطلع بخلاصه حقيقيه من البوست ده .. عن وجهة نظر الشباب والشابات في "زواج الانترنت"
Post: #109 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: saadeldin abdelrahman Date: 01-12-2010, 02:06 PM Parent: #108
إمكن يا أماني رأيي كان اوضح بعد مداخلة المرتضى التى وجدتها عبرت عني تماما.. بس ما وضح ليك إنتي..أشجع التعارف عن طريق النت سواء ان قاد لزواج أو صداقة أو عداوة.. هو حاليا جزء من عملية المعرفة ككل. اما مسألة الArranged marriage دي فحسمتها حتى مع والدتي الله يطراها بالخير. "الخستكة" التي رأيتيها كان سعي جاد لمعاونة الآخرين و هذا ليس نبلا من أي شخص بقدر ما هو محاولة عدم فرض وصاية أو رأي على الآخر أو تضييع فرصة ماثلة له.
Post: #110 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-12-2010, 04:37 PM Parent: #109
سعد الدين قادره أتفهّم وجهة نظرك تماما ..
وشكرا علي اثراء الحوار,
Post: #111 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Kostawi Date: 01-12-2010, 06:30 PM Parent: #110
يا جماعة أدونا فرصة نقول رأينا!!! الزحمة شنو? كلها شوية عرس
Post: #112 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: خالد عنان عمر Date: 01-12-2010, 07:19 PM Parent: #111
انا جاى متاخر داير لى عروسين
_______
هسب اتلقى الجماعة شالو تلاتة تلاتة
-----
تحية لصاحب البوست الموفق
انا مع :
لماذا : والله الكترة لامة محمد السودانية بتعجب -- ولا شنو يا شباب واكيد ايجابيات الزواج لا تحصي انا شخصيا عزابي وما عندى مانع اعرس واحدة من النت او من خلافو لانو الحاجات دى فى النهاية اقسام ماها شطارة ولا فلاحة والطيبات للطيبين والزول ربنا ما بظلمو فى العرس دا يعنى انا مقتنع انو ربنا بيدى كل زول زولة شبهو كدا والما بلقى شبهو الله فى
Post: #113 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-12-2010, 08:38 PM Parent: #112
حاج كوستاوي:
Quote: يا جماعة أدونا فرصة نقول رأينا!!! الزحمة شنو? كلها شوية عرس
مالك طالع مظاهرات؟ هسي رايك ده كان قلتو براحه بدون ماتدفّر الناس مالو؟
---- أها اتفضل المايكرفون معاك
Post: #114 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-12-2010, 08:45 PM Parent: #113
الأخ خالد:
Quote: انا مع : لماذا : والله الكترة لامة محمد السودانية بتعجب -- ولا شنو يا شباب واكيد ايجابيات الزواج لا تحصي انا شخصيا عزابي وما عندى مانع اعرس واحدة من النت او من خلافو لانو الحاجات دى فى النهاية اقسام ماها شطارة ولا فلاحة والطيبات للطيبين والزول ربنا ما بظلمو فى العرس دا يعنى انا مقتنع انو ربنا بيدى كل زول زولة شبهو كدا والما بلقى شبهو الله فى
واضح انك انك بتشجع الزواج أيا كانت طريقته, انترنت أو خلافه ..
شكرا لمشاركتك ..
Post: #115 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Kostawi Date: 01-12-2010, 09:43 PM Parent: #114
أماني
كدي قبال ما ندلوا بدولنا ويني عروسي بتاعة النت?
Post: #116 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-12-2010, 09:54 PM Parent: #115
Quote: كدي قبال ما ندلوا بدولنا ويني عروسي بتاعة النت?
السؤال لعناية د. نجاة وتراجي وماما دوما ..
وممكن تجاوب انت ذاتك قبل مايجيبوا مفاريكهم ويجوك .. وبعدين تدلي بدلوك .. لأنه الاستفتاء ده قرّب بقفل, وبطريقتك دي ما حتلحق ههههه
Post: #117 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Kostawi Date: 01-12-2010, 10:08 PM Parent: #116
يا إيدي شيليني.....
Post: #118 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Kostawi Date: 01-12-2010, 11:56 PM Parent: #117
يا ست البوست مش قلتي شوف ناس تراجي و بيان و دوما
أها شفناهم و شوفاكم معانا دي مش الشفافية الطالبنها مننا
أها يا حبوبة دوما شوفي لينا عروس إنترنيت صينية عويناتها أم شرطة لكن كمان ما عميانا
Post: #122 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-13-2010, 06:42 AM Parent: #118
حاج كوستاوي:
Quote: ها يا حبوبة دوما شوفي لينا عروس إنترنيت صينية عويناتها أم شرطة لكن كمان ما عميانا
ماما دوما, عندك مفراكه في المطبخ وللا أرسّل ليك من هنا؟
Post: #119 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: قيقراوي Date: 01-12-2010, 11:59 PM Parent: #117
بعد اذنك يا اماني قبل ما تعزلوا
Quote: المشكله بتبقي لمن يتمكن منك الخيال و بالتالي الإحساس و لمن تقابل الزول في الواقع و إنت لسه شايفو بعيون الاسافير ! الغشاوه دي ما بتتزحه إلا بعد شهر العسل ! و نبقي في إنو ده ما الزول الحبيتو و عرستو و بقية الحنك المؤلم ، و طبعا في ناس ممكن تكون محظوظه و تطلع الشخصيه الحقيقيه بعد الزواج أجمل و أنضر من الخيال !
يا خال ( الخيال ) ما مرتبط بي النت حتى العلاقات الاساسها ارضي مليانة خيال . . اصلاً الاختراع الاسمو الحب دا نصو تماهي و تامينو موية !! تفسر بشنو نفس الحنك العاضي المنثور اعلاه في علاقات ارضية ؟!!
ما تربط الشغلة بالنت ( المسكين ) ساي .
المقاربات بتختلف للتعامل مع النت ، لكن اعتقد انو شوية شوية الناس ح تآخدو على مأخذ جدي حقيقي يا حبيب اسي الشغل في مجالنا ( البزنس ) دا كلو أون لاين . . ما في مساحة لخيال او تهاون فيهو . . و لا كمان تشيل شيلتك !
---------------
كوستاوي نمرة تلاتة دي متكلمين عليها . . اظفر بواحد و اتنين تربت يداك . . و جوز لا يخسر
Post: #120 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: أمين محمد سليمان Date: 01-13-2010, 02:26 AM Parent: #119
قيقا العميق
Quote: يا خال ( الخيال ) ما مرتبط بي النت حتى العلاقات الاساسها ارضي مليانة خيال . . اصلاً الاختراع الاسمو الحب دا نصو تماهي و تامينو موية !! تفسر بشنو نفس الحنك العاضي المنثور اعلاه في علاقات ارضية ؟!!
ما تربط الشغلة بالنت ( المسكين ) ساي .
(حتى العلاقات الاساسها ارضي مليانة خيال . . اصلاً الاختراع الاسمو الحب دا نصو تماهي و تامينو موية) ده كلام سليم أتفق معاك فيهو تماما ، لكن الخيال اللي أنا اتكلمت عنو و إنت علقت عليه خيال تاني خالص : شغله الحب في المنابر دي يا قيقا بتبتدي بإستحسان أراء زول/ه - أراء مبذوله في الهواء ساي - بتنكتب لمن يكون عندك مزاج في الوقت البريحك بالطريقه البتريحك في الموضوع البريحك ، شغل كلو عكس الحياه الواقعه ، المشكله كلها إنك لمن تجي تقابل الزول ده في الواقع بتكون مفتكر إنك بتحبو استنادا علي إحساس تكون من أراء و مداخلات كتبت في ظروف لا تمت لواقع الحياه بصله . و لحدي ما يقع ليك إنك عرست ليك (نيك نيم ) يكون باسوردك ذاتو بقي ما شغال !! حب الاسافير يا قيقا ما تامينو مويه ، هو في عضمتو مويه !
Post: #121 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: saadeldin abdelrahman Date: 01-13-2010, 05:11 AM Parent: #120
Quote: وشكرا علي اثراء الحوار,
نشتت يعني؟
Post: #123 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-13-2010, 06:54 AM Parent: #120
الخال أمين:
Quote: [شغله الحب في المنابر دي يا قيقا بتبتدي بإستحسان أراء زول/ه - أراء مبذوله في الهواء ساي - بتنكتب لمن يكون عندك مزاج في الوقت البريحك بالطريقه البتريحك في الموضوع البريحك ، شغل كلو عكس الحياه الواقعه ، المشكله كلها إنك لمن تجي تقابل الزول ده في الواقع بتكون مفتكر إنك بتحبو استنادا علي إحساس تكون من أراء و مداخلات كتبت في ظروف لا تمت لواقع الحياه بصله .
جبتنا لنقطه مهمه جدا .. انت ليه بتفتكر انو الكتابه ماعندها علاقه بالواقع؟ نحن بنكتب عن شنو؟ ما عن همومنا واحباطاتنا السياسيه والاجتماعيه .. وليه الكتابه في نظرك Artificial وما بتعبر عن انفعالاتنا الحقيقيه ومشاعرنا؟ أنا معاك انو الشخصيه الحقيقيه للكاتب ممكن تختلف عن اللي الناس شايفينو في البورد, لكن ده ما لأنو كل الناس بتكتب مواقف ماحقيقيه أو بتكتب البريحها .. في البورد ده علي الأقل أنا بعرف ناس كتار بتكتب نفسها .. الشخصيه الحقيقيه بتختلف لأنه في جوانب تانيه صعب تتشاف في البورد, جوانب يوميه وحياتيه, دي لازم الناس تتقابل عشان تشوف جزء منّها, وفي جزء ما بتعرف الا بالمعايشه اليوميه ..
Quote: حتى العلاقات الاساسها ارضي مليانة خيال . . اصلاً الاختراع الاسمو الحب دا نصو تماهي و تامينو موية !!
ياقيقا, أنا قلت زواج الانترنت, لكن ما جبت سيرة حب هنا؟ زواج يعني استلطاف, اعجاب, قبول, لكن حب عديل كده عن طريق الانترنت؟
ده سؤال الموسم,
هل ممكن الناس تحب عن طريق الانترنت؟
Post: #124 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-13-2010, 07:15 AM Parent: #123
سعد الدين:
Quote: نشتت يعني؟
أنا طبعا لقيتك سخنّت واتجرّست, قمت اتوترت طوالي ههههه
سعد معليش علي الزرزره والله, لكن أهمّ حاجه نعصر الناس هنا عشان نعرف فعلا بفكروا كيف .. ياسعد ما محتاجه أقول ليك انو في ناس عندهم راي في البنات اللي بيكتبوا في الانترنت !! وفي ناس مواقفهم مانفس قناعاتهم, يعني ممكن زول يدخل البوست هنا يقول أيوه مع وبدون تحّفظ, وجواهو مستحيل يتزوج بالطريقه دي ..
ما تتضايق من عصرتي ليك دي, والبوست بوستك :)
Post: #126 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: saadeldin abdelrahman Date: 01-13-2010, 07:42 AM Parent: #124
ياشيخة بلا اتضايقت بلا بطيخ انتي زرزرتي و عصرتي علينا و لحقتي القبلك
Quote: ما محتاجه أقول ليك انو في ناس عندهم راي في البنات اللي بيكتبوا في الانترنت !!
مع احترامي الكامل لرأي هؤلاء..بس ده بيشبه الناس الاعترضت على تعليم البنات. ماذا إذا اشتركت الزوجة في ما بعد و كتبت هل سترجع بيت أهلها؟
Post: #137 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-14-2010, 06:33 AM Parent: #126
سعد الدين:
Quote: ماذا إذا اشتركت الزوجة في ما بعد و كتبت هل سترجع بيت أهلها؟
سؤال مهم, البوست عموما اطرحت فيهو كميه من الأسئله المهمه, وهسي سؤالك ده انضم ليهم,
في ناس ما ممكن تتزوج عن طريق النت لأسباب عقلانيه زي أسباب الخال أمين -اتفقنا معاهو أو اختلفنا- في ناس ما ممكن لأسباب من نوعية البت ما مفروض تكتب في النت, أو الزوجه زاتها مامفروض تشارك في منتديات ... وفي ناس ماضد الفكره, لكن مابيقدروا يطبقوها علي نفسهم ..
الموضوع متعدد الأوجه..
عموما خلينا نأمل يجي متطوع يجاوبنا علي سؤالك :)
Post: #125 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amira Elsheikh Date: 01-13-2010, 07:24 AM Parent: #123
Quote: و لحدي ما يقع ليك إنك عرست ليك (نيك نيم ) يكون باسوردك ذاتو بقي ما شغال !!
امين ياسمين,,,
عرست ليك نك نيم دى عجبتنى شديد,,,بس شغل الباصويرد من عدمو دى ماوقعت لى...
امانى اسي حتشب لى فى رقبتى وتقول لى انت مع ولاضد,,,
الاجابة,,,اتدبند يا امانى وكان عصرتى على شديييد بقول ليك ماعافة والله,,
Post: #127 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amira Elsheikh Date: 01-13-2010, 11:26 AM Parent: #125
Quote: وفي ناس مواقفهم مانفس قناعاتهم, يعني ممكن زول يدخل البوست هنا يقول أيوه مع وبدون تحّفظ, وجواهو مستحيل يتزوج بالطريقه دي ..
وجدتها,,,
وجدتها,,,
وجدتها,,,
وجدتها,,,
____________________________ بس
Post: #129 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: مهيرة Date: 01-13-2010, 03:05 PM Parent: #127
Quote: الاخت اماني والضيوف
تحياتي
مع
ولكن بشروط!!
ان يكون هو باب او طريق للتعارف فقط وان ينزل الي ارض الواقع وليس اسفيرا وان يتعارف الطرفان علي الطبيعة بوضوح ثم التعارف بين الاسرتين والطلب رسميا.
ياأمانى بتى
مع بشروط زى الفوق دى
تحياتى
Post: #130 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: انعام عبد الحفيظ Date: 01-13-2010, 03:38 PM Parent: #129
Quote: أنا معاك انو الشخصيه الحقيقيه للكاتب ممكن تختلف عن اللي الناس شايفينو في البورد, لكن ده ما لأنو كل الناس بتكتب مواقف ماحقيقيه أو بتكتب البريحها .. في البورد ده علي الأقل أنا بعرف ناس كتار بتكتب نفسها .. الشخصيه الحقيقيه بتختلف لأنه في جوانب تانيه صعب تتشاف في البورد, جوانب يوميه وحياتيه, دي لازم الناس تتقابل عشان تشوف جزء منّها, وفي جزء ما بتعرف الا بالمعايشه اليوميه ..
Quote: وفي ناس مواقفهم مانفس قناعاتهم, يعني ممكن زول يدخل البوست هنا يقول أيوه مع وبدون تحّفظ, وجواهو مستحيل يتزوج بالطريقه دي ..
يا اماني سلامات شلت إتنين كوتيشن لكلامك وكلام أميره في سياق معين بس عجبني ومتفقة معاهو انا مع بفهم انو النت واحدة من وسائل المعرفة المبدئية زيها وزي المواصلات او المدرسة او الجامعة او المكالمة الخطأ حتى وسيلة يبدأ بيها التعارف العفوي وممكن تتطور المعرفة والعلاقة لتمتد وتستمر وتتواصل برغبة الطرفين بغرض الزواج
Post: #131 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: خالد درق Date: 01-13-2010, 09:15 PM Parent: #130
Quote: اخي الكريم خالد...تحياتي و احترامي عفوا...و لكنني الان اغادر و سوف ادخل مساءا..وسوف يكون صباحا بتوقيتكم.. وشكرا للتحاور و النقاش.. والي ان اعـــــــــــــود... فقط اسألك.. ما رايك في الفتاة التي تشترك في المنتديات و المواقع الاسفيرية....؟؟؟ سلام
الاخ / هوارى نمر تحياتى
اولاً :- اسف على التخير فى الرد على سوالك وذلك من زحمت شغل
ثانياً :- نستمح الاخت امانى فى ان نرد على السؤال هنا فى هذا البوست وذلك لرتباط الموضوع مع السؤال ولكى الاحترام اختى امانى
بخصوص سوالك اخى هوارى ، اقول لك راى اذا عرفت الفتاة ما هو الخط الاحمر الذى تقف عندها ... اظن ان الاشكال فى المشركة فى المنتديات والمواقع الاسفيرية مثلاً اذا ردات الفتاة على موضوع لاحدى الشباب ويكون الرد ( شكراً... او تشجيعاً ) لارى ابدا انها تعدت الخط الاحمر وهذا ممكن المشرك فى المنتديات والمواقع الاسفيرية ولك الود والاحترام
Post: #132 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: أمين محمد سليمان Date: 01-14-2010, 02:04 AM Parent: #131
أماني سلام
Quote: انت ليه بتفتكر انو الكتابه ماعندها علاقه بالواقع؟ نحن بنكتب عن شنو؟ ما عن همومنا واحباطاتنا السياسيه والاجتماعيه .. وليه الكتابه في نظرك Artificial وما بتعبر عن انفعالاتنا الحقيقيه ومشاعرنا؟
أنا يا ستهم ما قلت إنو كتابتنا هنا ماعندها علاقه بالواقع ، قلته إنها بتكون بالمزاج العايزنو في الوقت العايزنو و الموضوع العايزنو ، في حين إنو الواقع ما كده ، في الواقع ما عندك الخيارات دي : يعني المساله دي ما لاننا ما بنكتب تعبيرا عن عن انفعالاتنا الحقيقيه ومشاعرنا ، و لا لاننا منافقين ، لكن لانو طبيعة منابر الرأي كده : إنك تكتب (بالمزاج العايزو في الوقت العايزو و الموضوع العايزو ) ، و ده بيؤدي لتكوين شخصيه (متخيله ) غير حقيقيه و هنا تكمن الخطوره في ربط المساله دي بالواقع و بالذات في مسألة الزواج دي . و لحدي ما تلقو سكه تعملو (داون لود) للزول/ه لارض الواقع ، يظل ما في الأسافير للاسافير و ما في الواقع للواقع !
Quote: ده سؤال الموسم,
هل ممكن الناس تحب عن طريق الانترنت؟
عندي إجابه علي سؤالك ده ، لكن رسلوني ! تقولي لي الحب و الزواج الإسفيري
Post: #133 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: قيقراوي Date: 01-14-2010, 02:19 AM Parent: #131
Quote: شغله الحب في المنابر دي يا قيقا بتبتدي بإستحسان أراء زول/ه - أراء مبذوله في الهواء ساي - بتنكتب لمن يكون عندك مزاج في الوقت البريحك بالطريقه البتريحك في الموضوع البريحك ، شغل كلو عكس الحياه الواقعه ، المشكله كلها إنك لمن تجي تقابل الزول ده في الواقع بتكون مفتكر إنك بتحبو استنادا علي إحساس تكون من أراء و مداخلات كتبت في ظروف لا تمت لواقع الحياه بصله . و لحدي ما يقع ليك إنك عرست ليك (نيك نيم ) يكون باسوردك ذاتو بقي ما شغال !! حب الاسافير يا قيقا ما تامينو مويه ، هو في عضمتو مويه !
كيفتني بحكاية زواج " النك نيم " دي
ما عاوز اكون لديح لكن تصدق نفس المشهد دا متوفر بكثافة في الزواج ارضي المنشأ و المصب يا امين يا صحبي سنة اولى زواج هي المحك الحقيقي ما قبل كدا و لا بعدو انزع تفصيلة " الاعجاب بالاراء المنثورة - مسبقة الحبك والحياكة - و احلل مكانها اي تفصيلة تجي على بالك ، مثلاً الهندام و المظهر العام المرتب و الانيق - في زول بمش موعد غرام مبهدل و هو جادي في محاولة خلب انفاس محبوبو ؟ - يلا تعال قارن المنظر دا بقومة الصباح و شعر منكوش و ريالة ناشفة في طرف الخشم . . . و على ذلك قس ، تختلف تمظهرات " النك نيم " و يبقى الاثر الصادم واحد ! الله في العرس دا زي السكر توفيق من الله بس . . زي ما قال طيار سابق
سلام يا صحبي
-------------
اماني يافردة كلامك في المليان الا تفصيلة " بنتكلم عن زواج ما حب " دي ! . . كيف الكلام دا ؟ هو الزواج ابو " حب " يا الله يا الله يصمد ، كمان جانا زواج ابو من غير حب ؟ !! صدقي اي ابروتش للزواج غير " الحب " يبقى دخول من باب الخروج . . لانو ح يفاقم التناقض الاساسي في " مؤسسة الزواج " و يعجل بالانفجار .
سلام يا صاحبة و ما نكون خرمجنا ليك البوست ؟ و سلام يا خال
Post: #134 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: قيقراوي Date: 01-14-2010, 03:10 AM Parent: #133
Quote: ياقيقا, أنا قلت زواج الانترنت, لكن ما جبت سيرة حب هنا؟ زواج يعني استلطاف, اعجاب, قبول, لكن حب عديل كده عن طريق الانترنت؟
ده سؤال الموسم,
هل ممكن الناس تحب عن طريق الانترنت؟
زواج برا حب ، بيرة بدون كحول كلو ما فيهو توفيق
---------
ما سمعتي الاستاذة / ندى القلعة ؟ في احدى روائعها غنت ما يشبه : ووب علينا نحن الما قرينا يا الانترنت سويتا فينا و الحب بقى بالمسنجر او نحو ذلك اسمعوا :
Post: #135 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: سارة علي Date: 01-14-2010, 06:05 AM Parent: #134
اماني.. في الغربة التواصل بالانترنت بيكون اسهل بين الاصدقاء..وخاصة البتربط بيهم علاقة (قبل عصر الانترنت).. المهم صديقن لي في خانة الاصدقاء الاعزاء..والتواصل بعد الغربة بقي بالانترنت عن طريق الهوتميل(فقط لا غير). وراني انو خلاص قرب يستقر ويتزوج..بعد المباركة نظام عجبني ليك وسر بالي وربنا يتم ليك علي خير..و(نق نق نق نق نق).. بعد النقة دي قمتا سألتو.. انا: اها والعروس من ووووين؟؟ هو:(وبكل تلقائية) لا لا لا لا العروس لا بتاعت منتديات لا بتعرف النت دربو بي وين.. انا:(بيني وبين نفسي)اخخخخخخخخخ يا سارة بلاي هي القصة كدة دة صديقك المتعلم والفاهم دة تفكيرو؟؟ لاحظي كمية اللا لات الصرفا قدر شنو والاثبتت تلقائية ردو.. هسه النبي فيكم في واحدة في الخرطوم ما بتعرف درب النت بي وين؟؟ الغريبة سؤالي ما كان: هل تعرف علي زوجة المستقبل عن طريق النت؟؟سؤال كان بسيط العروس من وين؟؟ اتوقعتا اجابة علي شاكلة (من امدرمان الناسا حنان..من الخرطوم ناس الما بيعرفو النوم..من الديامة حطب القيامة ..من بحري شنو كدة ما بعرف..بت عمي ..بت خالي..بت جيرانا..زميلة جامعة..معرفة صلبطة سااااي.. الخ الخ الخ ..اقصد اخ اخ اخ)..الاجابات دي كلها ما لقي غير لا لا لا (ممطوطة كمان) لا لا ما بتاعت منتديات ولا بتعرف نت؟؟ آآآآآخخخخخخ انا ..جرحني والله يا اماني..دي الحالة انو ما عارف اني بتاعت سودانيز اون لاين وفيس بوك كمان!!!! القصة رغم انها عبيطة لكن اثرت فيني شدددديد ..دخلتا علي دخلة يا اماني بصورة ما بتتخيليها..اناقعدتا انقنق مع روحي اسبوع زي العاضيني كلب.. لدرجة قررتا احفظ ماء (فيس بوكي).. يعني الغي حسابي.. كان دة صحبي..الباقين رأيهم شنو؟؟ أكان كدة النبشرنكن يا بنات البورد..بايرات بايرات بدرجة الشرف..
يا جماعة مالو اسلوب ردي دة شكلو (تمبسي)؟؟ ناقصني بس ادخل سيرة بحر الموردة والجثث المطفحة في اي سطر اكون ماشة اعرس؟؟ اوعي تقولوا لي كترتي المحلبية..
ــــــــــــــــــــــــــــــــــ ما عارفة....دة جواب الكوتشنير بتاعك.
Post: #144 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-14-2010, 07:33 AM Parent: #135
سروره صحبتي:
أول حاجه فرحتيني بعودتك لساحات الحوار ..
Quote: جرحني والله يا اماني..دي الحالة انو ما عارف اني بتاعت سودانيز اون لاين وفيس بوك كمان!!!! القصة رغم انها عبيطة لكن اثرت فيني شدددديد ..دخلتا علي دخلة يا اماني بصورة ما بتتخيليها..اناقعدتا انقنق مع روحي اسبوع زي العاضيني كلب.. لدرجة قررتا احفظ ماء (فيس بوكي).. يعني الغي حسابي.. كان دة صحبي..الباقين رأيهم شنو؟؟
عارفه ياساره انه في ناس بيعتبرو النت بدعه, وكل بدعه ضلاله, وكل ضلاله في النار .. ياساره أي زول ممكن يكون عندو راي في الزواج بالطريقه دي لأسباب مختلفه .. لكن سلوك الانسان في التعامل مع النت ما بختلف عن سلوكه في التعامل مع الناس في الشارع, لو البت في العمل أو الدراسه تعاملها وسلوكها بيخلّي انسان يتجنب الارتباط بيها, في النت نفس الشئ, بمعني مامهم الواحده بتستعمل نت وللا بتاعت منتديات ولل لأ, المهم هي بتحسن وللا بتسئ استعمال النت, ودي حاجه بيحددها سلوكها الفعلي, اللي بينعكس علي أي حاجه تشترك فيها .. عمر البعد عن الحاجه ما بيعني جيد مطلق, وللا القرب منّها بيعني سوء مطلق, النت ده فيهو الخير والشر بالضبط زي الحياه, هل عشان الشر الفي العمل والجامعه والشارع سبناهم وقعدنا في البيت؟ وهل مقياس الخير هو التقوقع والانعزال من الخير والشر المختلطين في أي حاجه في الدنيا؟ طبعا لأ ..
انه ده صاحبك ياساره ما بيعني انه مفروض رايه يهزّك, لكن أبشرك, نسبه مقدّره من الشباب بتفكر بنفس طريقته, ودي في رايي فئه سطحيه, اما بيتعاملوا مع الحياه بطريقة اعتزال الخير والشر ما اختلطا في أحسن الفروض .. أو غارقين في الاتنين جدا, لكن لما يجوا يتزوجوا عايزين زوجه ما احتكّت و"قطه مغمضه".. أبشرك تاني, النوع ده غالبا بيتغشّا .. والزوجه بترسم ليهو دور الجاهله بعنايه, ليعيش الوهم كاملا ..
نقطتك مهمه جدا, بس مابتعفيك من الجواب علي السؤال موضوع البوست ..
مع أم ضد ولماذا ياساره؟
Post: #136 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: أمين محمد سليمان Date: 01-14-2010, 06:06 AM Parent: #134
Quote: انزع تفصيلة " الاعجاب بالاراء المنثورة - مسبقة الحبك والحياكة - و احلل مكانها اي تفصيلة تجي على بالك ، مثلاً الهندام و المظهر العام المرتب و الانيق - في زول بمش موعد غرام مبهدل و هو جادي في محاولة خلب انفاس محبوبو ؟ - يلا تعال قارن المنظر دا بقومة الصباح و شعر منكوش و ريالة ناشفة في طرف الخشم . . . و على ذلك قس ، تختلف تمظهرات " النك نيم " و يبقى الاثر الصادم واحد !
خلاص يا قيقا ، الناس تعرس بالكرتله !
صدقني أنا متفق معاك تماما في مجمل كلامك و بالذات كلام الطيار العميق ده ، اختلافي الوحيد معاك إنك شايف نسبة نجاح زواج معرفه عبر منبر حوار زيها و زي نسبة نجاح زواج معرفه في الواقع طالما القصه كلها بتنتهي بشعر منكوش في الصباح !
Post: #143 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-14-2010, 07:11 AM Parent: #134
قيقا والخال أمين:
مستمتعه برضو بحواركم جدا ..
شايفاكم الاتنين زغتوا من نقطة حب الانترنت دي,
الخال قال رسلّوهو, وقيقا قال كلام عام انو ماممكن زواج بدون حب ..
لكن طبعا أنا لايوقه, وبعصر الناس زي سعد وأميره ..
ياجماعه أنا بتكلم عن زواج فيهو 1 + 1 = 2 تعارف + توافق ... وكده يعني .. حب عن طريق النت حب خيالي أم واقعي؟ صادق وحقيقي وللا وهمي؟
-- قيقا شكرا علي الغنيه المتسقه مع موضوع البوست ..
Post: #141 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-14-2010, 06:54 AM Parent: #131
الأخ خالد درق:
مستمتعه جدا بحوارك مع الأخ هواري, وصدّقني بيصب في مصلحة البوست جدا ..
ياريت تواصلوا, وبتمني هواري يرجع للحوار ..
شكرا,,
Post: #140 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-14-2010, 06:53 AM Parent: #130
انعام حفيظ : ازيك ومشتاقين ..
Quote: شلت إتنين كوتيشن لكلامك وكلام أميره في سياق معين بس عجبني ومتفقة معاهو انا مع بفهم انو النت واحدة من وسائل المعرفة المبدئية زيها وزي المواصلات او المدرسة او الجامعة او المكالمة الخطأ حتى وسيلة يبدأ بيها التعارف العفوي وممكن تتطور المعرفة والعلاقة لتمتد وتستمر وتتواصل برغبة الطرفين بغرض الزواج
أوّل الحاجه الاتنين كلامي, أميره دي بتكوّت كلامي وتقشر بيهو (أميره بهظر معاك ساي هههه) .. رايك واضح تماما .. لو لاحظت في ناس بيفتكروا انه النت ما زي الجامعه والشغل وغيره .. لانعدام الاحتكاك الشخصي اليومي .. وفي ناس "زيّك" بيعتبروهو وسيلة تعارف عاديه, ممكن تطورها وتأكيدها بالتلاقي والتعارف الشخصي ..
نوّرتي البوست ياعسل :)
Post: #139 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-14-2010, 06:47 AM Parent: #129
مهيره:
Quote: ياأمانى بتى مع بشروط زى الفوق دى
أوّل حاجه أوّل مره زول في البورد يقول لي يابتي .. ولو علي سبيل الهظار .. دايما الناس مقدّرين لي عمر كبيييييير .. من ضمنهم ناديه عثمان, لما اتلاقينا قالت لي هو دي انتي؟
--- حنكتبك يادكتوره في خانة مع بشروط, شكرا لمشاركتك ..
Post: #138 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-14-2010, 06:40 AM Parent: #125
أمّوره الشيخ:
Quote: [الاجابة,,,اتدبند يا امانى وكان عصرتى على شديييد بقول ليك ماعافة والله,,
طيب نعصرك زي سعد الدين, دبند علي شنو؟ وماعارفه كيف؟
ماتشمّتي فينا أمين ياسمين, هسي يجي يمسك ليك في ماعارفه دي ربع كامل ههههه
Quote: وجدتها,,,
الا كان الصابونه :) ما قاصده أي زول بعبارتي دي, ولابأي عباره بالبوست.. ولو العباره ذكرتك زول ورينا معاك .. هههه
Post: #142 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: سارة علي Date: 01-14-2010, 06:57 AM Parent: #138
نسيت اقول...
بوست فيه اماني وقيقا... معناها ادق خروج نهائي بلا عودة منو.. اصلا عندي سابقة اندياح و(بوح لا ارادي) في بوست سابق ليهم..
ـــــــــــــــــــــــــــــــــ
يعلم الله بشتاق لنضميكم ومتابعااااااااكم.
Post: #145 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: سارة علي Date: 01-14-2010, 07:43 AM Parent: #142
Quote: لكن لما يجوا يتزوجوا عايزين زوجه ما احتكّت و"قطه مغمضه".. أبشرك تاني, النوع ده غالبا بيتغشّا .. والزوجه بترسم ليهو دور الجاهله بعنايه, ليعيش الوهم كاملا ..
انتي عارفة يا اماني انا شغالة اكتب وامسح في المداخلة دي اكتب وامسح..عشان ارد ليك علي الكلام الموجود داخل الاقتباس.. (ارهقت كمية من الحبر)##... وفي النهاية مسحتو كلو .. اماني الامين ابعدي جنك من جني..
ـــــــــــــــــــــــــــــــــــــــــ ### (ارهقت كمية من الحبر)..حقوق الطبع محفوظة لي ملاسي
Post: #148 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-14-2010, 06:54 PM Parent: #145
سروره: انتي بتكتبي وتمسحي ليه؟ أنا غايتو سياستي في البورد ده أكتب البجي في راسك ..
هو مش مكان للنقاش وابداء الراي وكمان متنفّس؟
ماتلاوزي :)
Post: #151 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: قيقراوي Date: 01-14-2010, 09:09 PM Parent: #145
Quote: ### (ارهقت كمية من الحبر)..حقوق الطبع محفوظة لي ملاسي
اسي جايبة سيرة الاوط الك ؟! الحقي عدلي الارهاق دا قبل ما يجيك ينط اصلو ما بكون كتبا كدا
------------
سرورة اختي انداحي ساي . . الدنيا دي آخرتا @ كوم تراب اكتبي يمة . .و ما تمسحي . . سمح ؟ ارهقي باندويدث بكري دا و ارهقي " السيرفا " - يا قولو - معاهو ذاتو . . و لا يهمك
مشتاقين و الله
Post: #146 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: العوض المسلمي Date: 01-14-2010, 07:45 AM Parent: #142
مع التعارف اولا عن طريق النت ومن بعد ذلك لامانع من الارتباط .. بس ليس باعلانات الزواج لا بل عبر التعارف الذي يتم في المنتديات .. علي العموم انا مع هذا الزواج .. ولاتنسوا ان هناك كثير من الظروف ادت لهذا النوع من الزواج منها طول امد الحروب والفقد الكبير من عنصر الرجل وثانيا اغتراب الكثيرين وصعوبة التواصل مع مجتمعهم السوداني وثالثا يعتبر هذا النوع افضل من سابقه والذي اعني به رؤية الفتاة من خلال اشرطة الاعراس والاختيار علي هذا الاساس مما يؤكد فشل زواج الاختيار عن طريق اشرطة الحفلات .. رابعا المشغوليات للطرفين مما يمكن للنت اللقاء والنقاش وصولا لحياة مستقرة خامسا التعليم والوعي ادي الي التفكير في وسيلة زواج عبر النت وهذا للثقة المطلقة في بنات حواء .. وممكن سادسا الظروف الاقتصادية التي تجعل من صعوبة العودة من الخارج للبحث عن الزوجة مستحيلا ... اماني لكي الف تحية ...
Post: #149 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-14-2010, 06:59 PM Parent: #146
العوض المسلمّي أخوي:
Quote: مع التعارف اولا عن طريق النت ومن بعد ذلك لامانع من الارتباط .. بس ليس باعلانات الزواج لا بل عبر التعارف الذي يتم في المنتديات .. علي العموم انا مع هذا الزواج .. ولاتنسوا ان هناك كثير من الظروف ادت لهذا النوع من الزواج منها طول امد الحروب والفقد الكبير من عنصر الرجل وثانيا اغتراب الكثيرين وصعوبة التواصل مع مجتمعهم السوداني وثالثا يعتبر هذا النوع افضل من سابقه والذي اعني به رؤية الفتاة من خلال اشرطة الاعراس والاختيار علي هذا الاساس مما يؤكد فشل زواج الاختيار عن طريق اشرطة الحفلات .. رابعا المشغوليات للطرفين مما يمكن للنت اللقاء والنقاش وصولا لحياة مستقرة خامسا التعليم والوعي ادي الي التفكير في وسيلة زواج عبر النت وهذا للثقة المطلقة في بنات حواء .. وممكن سادسا الظروف الاقتصادية التي تجعل من صعوبة العودة من الخارج للبحث عن الزوجة مستحيلا ...
حصرت أسباب التعارف عن طريق النت فأوفيتها .. حقيقي تغرّب نسبه مقدره من السودانيين, وابتعادهم عن الوطن, جعل النت رابط حميم مع الوطن, سواء كان أسره أو أصدقاء, أو حتي معارف اسفيريين .. كلامك في مجمله بيوصف أسباب زواج الانترنت بمنتهي الصدق والدقه ..
شكرا كتير وألف تحيه علي مرورك الكريم ..
Post: #147 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: saadeldin abdelrahman Date: 01-14-2010, 08:09 AM Parent: #142
في بوستات الاستفتاء دائما سؤال غياظ يوجه لصاحب/ة البوست: ما سمعنا رأيك يعني ..هل أنت مع أم ضد؟
Post: #150 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-14-2010, 07:10 PM Parent: #147
سعد الدين:
Quote: في بوستات الاستفتاء دائما سؤال غياظ يوجه لصاحب/ة البوست: ما سمعنا رأيك يعني ..هل أنت مع أم ضد؟
عايز تزرزرني زي ما عملت معاك صاح؟
No way معروف انه صاحب البوست بيمتنع عن التصويت عادة
Post: #152 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: أمين محمد سليمان Date: 01-14-2010, 09:30 PM Parent: #150
Quote: شايفاكم الاتنين زغتوا من نقطة حب الانترنت دي,
الخال قال رسلّوهو,
ما زغت يا أماني ، رسلوني بالجد في الغربه أم تلج دي . العرس ده 90% منو مراسيل و ال 70% الباقيه مشي للدكتور ! بالنسبه لسؤالك ده :
Quote: حب عن طريق النت حب خيالي أم واقعي؟ صادق وحقيقي وللا وهمي؟
أقول و بالله التوفيق : وهمي لوهمية الأطراف المتحابه !
Post: #153 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-15-2010, 11:07 AM Parent: #152
الخال أمين:
Quote: [العرس ده 90% منو مراسيل و ال 70% الباقيه مشي للدكتور !
قانون النسبه والتناسب غيروهو وللا شنو؟ المهم أخوي رايه زي رايك, بالذات في حكاية المشي للدكتور دي, قال كل اسبوع يا في مواعيد لزوجتو يا لولده هههههه
Quote: وهمي لوهمية الأطراف المتحابه !
شكرا لتوضيح رايك, لكن غايتو طلّعتنا أشباح اسفيريه ساي
Post: #154 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: Amany Elamin Date: 01-15-2010, 11:10 AM Parent: #153
نجاة محمود "مع" الخير محمد عوض "مع" ياسر طيفور "مع" Shayma "مع" عزّام حسن فرح "مع" هواري نمر "مع" النذير حجازي "مع" محمد البشري الخضر "مع" د. يوسف محمد طاهر "مع" رشا سالم "مع" ماجده عوض خوجلي "مع" حسن مضوي "مع" بابكر التوم "مع" Mohamed Foto7li "مع" Abdelrahim Elamin "مع" قيقراوي "مع" حاتم علي "مع" أسماء عبد السلام "مع" محمد الجيلى "مع" saadeldin abdelrahman "مع" SHIBKA "مع" Faris Mohamed "مع" اسامه خليفه "مع" الصادق صديق سلمان "مع" نادر الفضلى "مع" معتصم دفع الله "مع" احمد حامد صالح "مع" ismeil abbas "مع" Hala Hassan "مع" خالد عنان عمر "مع" انعام عبد الحفيظ "مع" العوض المسلمي "مع"
خالد درق "ضد" أمين محمد سليمان "ضد" Kabar "ضد"
الرفاعي حجر "مع وضد" (مع مشروطه) انتصار محمد صالح بشير "مع وضد" (مع مشروطه) وجن "مع وضد" (مع مشروطه) إخلاص محمد أحمد "مع وضد" (مع مشروطه) مهيرة "مع مشروطه"
علاء بابكر (لا مع ولا ضد) Munir (لا مع ولا ضد) Amir Omer (لا مع ولا ضد)
Post: #156 Title: Re: استفتاء: زواج الانترنت .. مع أم ضد و لماذا ؟ (عن بوست د.نجاة) .. Author: saadeldin abdelrahman Date: 01-17-2010, 11:42 AM Parent: #154
يبدو أن الاستفتاء قد تم رفع نتيجته دون أن نعرف رأي صاحبته و إن كنا قد استشفيناه من الردود. دا كلام دا يا ناس!
