Post: #1
Title: مـلـقـوفـه
Author: احلام وهبي
Date: 01-07-2010, 02:41 PM
ياناس في واحد ملقوف اكتر مني ؟
بعد السلام والتحيات احكي ليكم لقافتي
طبعا المنبر ده فيهوه ناس كبسور وناس شلاقه لكن مافيهوه لقافه اها انا الليله حاحكي ليكم عن لقافتي
مرات بقول كلام لدرجه ( نجدي ) بيقول لي حلاق الجامعه
اول لقافه : اول ايامي في الشغل (سوداتيل عطبره) واحده من الزميلات والدتها اتوفت وكل المكتب ماشين انا قلت ما ماشه انافي حياتي ما مشيت لي بيت بكا (خارج اسرتي) البنات المعاي في المكتب اصروا علي امشي وده زميله ما ممكن ما تعزيها في امها المهم مشيت ومن الخوف لما رجليني بيدخلوا في بعض من لمه النسوان الكتار وانا حاسه كل الناس دي بتعاين لي لاني شايله همين الاول الوحيده الفي الموظفات الماشه موضه (حتي ما لابسه طرحه)والتاني ما بعرف ولا كلمه مجامله في المناسبات الزي دي المهم عزينا البت.. وفي واحده بتسأل فيها امك كان عندها شنو؟ ردت عليها امي كانت عيانه ورقدت بس يومين في المستشفي وماتت ... وانا علي لقافتي قاعده جنبها بدل اسكت فتحت خشمي .البت عاوزه تجامل وقلت ليها : ســـــــــــلامتا ما تشوف شر .. بس في لحظه لقيت كل البنات بيضحكوا حتي بت المرحومه ميته من الضحك وطبعا انا بقيت اقله من حبه السمسم
وده بوست مفتوح لي لقافه
كاكاااات مامعانا لووولاات مامعانا ـ ده بوست لقافه بس !!!.....
|
Post: #2
Title: Re: مـلـقـوفـه
Author: فيصل محمد خليل
Date: 01-07-2010, 02:47 PM
Parent: #1
انا قتا حرم انا اكون اول متداخل
|
Post: #3
Title: Re: مـلـقـوفـه
Author: احلام وهبي
Date: 01-07-2010, 02:50 PM
Parent: #2
لقافتك جابتك الاول
شكرا على المرور
يا قريبي الفنان
احتراماتي وتابع لقافه..2.
|
Post: #4
Title: Re: مـلـقـوفـه
Author: محمد طه الحبر
Date: 01-07-2010, 02:57 PM
Parent: #3
احلام سلامات
| Quote: ( نجدي ) بيقول لي حلاق الجامعه |
اوعه تقولي لي دا عبدالرحمن نجدي
وبعدين ادينا نوع من اللقافه بالرطانه 
|
Post: #5
Title: Re: مـلـقـوفـه
Author: عمران حسن صالح
Date: 01-07-2010, 02:59 PM
Parent: #1
| Quote: انافي حياتي ما مشيت لي بيت بكا (خارج اسرتي) |
اللقافـــــــــــــــه هينه دي يقولو عليها شنو ؟؟
|
Post: #6
Title: Re: مـلـقـوفـه
Author: احلام وهبي
Date: 01-07-2010, 03:21 PM
Parent: #5
ود الحبر اهليييين
ايوه عبدالرحمن نجدي
وبعدين انا كان قلت ليك لقافه بالرطانه انت حتكون زي الاطرش في الزفه ماحتفهم اي حاجه فاحسن خليها بالعربي .
وشكرا علي مرورك
|
Post: #7
Title: Re: مـلـقـوفـه
Author: احلام وهبي
Date: 01-07-2010, 03:30 PM
Parent: #6
الاخ العزيز عمران لك كل التحايا
Quote: انافي حياتي ما مشيت لي بيت بكا (خارج اسرتي)
اللقافـــــــــــــــه هينه دي يقولو عليها شنو ؟
يا عمران الوقت داك انا ماكنت صغيره وامي هي الكان بتقوم بالواجب لكن هسه وحاتك الفح اقرب توب وامشي .
وانشاءالله نجيك في السمح يا اخوي .
|
Post: #8
Title: Re: مـلـقـوفـه
Author: عماد الشبلي
Date: 01-07-2010, 03:43 PM
Parent: #7
احلام ..سلام
( القافة ) كان سمع بيها السني .. كان عملا مسرحية ولكي حقوق التاليف ..
بس ما ياكلك فيها ..
|
Post: #9
Title: Re: مـلـقـوفـه
Author: العوض المسلمي
Date: 01-07-2010, 03:49 PM
Parent: #8
احلام وهبي سلام
هل اللقافة تعني الشفقة؟؟
|
Post: #10
Title: Re: مـلـقـوفـه
Author: احلام وهبي
Date: 01-07-2010, 03:51 PM
Parent: #8
الاخ عماد تحياتي .
شكرا علي مرورك .
والسني هو السماني ملقوفه
|
Post: #11
Title: Re: مـلـقـوفـه
Author: احلام وهبي
Date: 01-07-2010, 03:57 PM
Parent: #10
الاخ العوض .... تحياتي
اول حاجه طمنونا عليكم عاملين كيف في الجليد البرد الشديد ده.
والله يمكن تكون الشفقه لكن بسأل ليك السني لانو هو السماني لقافه .
|
Post: #12
Title: Re: مـلـقـوفـه
Author: احلام وهبي
Date: 01-07-2010, 04:17 PM
Parent: #11
شوفوا لقافتي التانيه كنت حاترفد من الشغل بسببا
واحده من الموظفات مشت جات بتها من الحضانه واول ما دخلت المكتب البت بقت تبكي بكي شديد وابت تسكت واناعلي شقاوتي قلت ليها جيبيهاانا حاشيلا واطلع بيها بره المكتب عشان ما يعملوا ليك مشكله وشلتها ومشيت بره ولقيت واحد من الزملاء واقف جنب عجلتو قلت ليهوه عليك الله اديني العجله دقيقه قام طوالي اداني ليها ركبت العجله معاي البت وهاك يا جرس العجله تررررررن كلللللن ترررررن ولافه بالعجله في الحوش بتاع سودتيل وكان الوقت صلاة الضهر . البت سكتت وانا رجعت المكتب لقيت ليك استيضاح واستجواب قدر الضربه راجيني . التسيب اثناء الدوام الرسمي وازعاج في وقت الصلاة. وبعدها المدير حلف وقسم ما يخليني في الورديه بتاعتو. حولني لورديه الضهر .
علي فكره معظم بنات عطبره بيعرفوا يسوقوا عجلات .
|
Post: #13
Title: Re: مـلـقـوفـه
Author: بكري عباس علي
Date: 01-07-2010, 09:52 PM
Parent: #12
احلام وهبي
غايتو بعد العملتيهو دا السني ما غلطان يسميك ملقوفة وانا لو في محل مديركم دا كنتا رفتدك من الشغل عديل كدة
تعالي لينا بي بجاي واحكي لينا واحدة من حكاياتك دي
مواقــــف......... طــريــفة.......و محــرجة
|
Post: #14
Title: Re: مـلـقـوفـه
Author: احلام وهبي
Date: 01-07-2010, 10:16 PM
Parent: #13
رفد عديل كده يا بكري ليه اصلو انا عملت شنو .
ما كفايه وداني لورديه الضهر .
جاياك بهناك عشان نكمل باقي القافه
|
Post: #15
Title: Re: مـلـقـوفـه
Author: نادية عثمان
Date: 01-07-2010, 11:31 PM
Parent: #14
حبيبة كيفك
بوست لطيف زي ستو والله
تسلمي وبجيك تاني أوريك بعد ( لقافة) ناس بعرفهم سمح؟
|
Post: #16
Title: Re: مـلـقـوفـه
Author: منال
Date: 01-08-2010, 06:21 AM
Parent: #15
انتى يا احلام لقافتك دى حسى ولا زمان (وش مندهش)
غايتو انا لقافتى كانت زمان ايام الثانويه
لكن حسى بقيت مسكينه الكديسه تاكل عشاى
بتزكر مره غبت يومين من المدرسه ولما المديرة سآلتنى
قلت ليها جدى مات (يبرى يايمه)
ونسيت انو المديره بتعرف امى وجات تديها الفاتحه
اها بعداك الحصل اعرفى براك لا بتكتب ولا بتقرى ...
بجيك تانى
|
Post: #17
Title: Re: مـلـقـوفـه
Author: محمد سنى دفع الله
Date: 01-08-2010, 11:04 PM
Parent: #16
الاخ عماد تحياتي .
شكرا علي مرورك .
والسني هو السماني ملقوفه
طبعا عارفين التسميات دي ما بتجي بالساهل
يعني عيني لي زول ملقوف
واقول باص
ما لازم اسمي
احكي ليهم لقافتك مع اللبنانية!!!!!
|
Post: #18
Title: Re: مـلـقـوفـه
Author: بكري عباس علي
Date: 01-09-2010, 05:19 AM
Parent: #17
السني سلامات
| Quote: ]احكي ليهم لقافتك مع اللبنانية!!!!! |
دي طبعا حتكون لقافة سوبر يلا احكي
|
Post: #19
Title: Re: مـلـقـوفـه
Author: Amira Elsheikh
Date: 01-09-2010, 08:58 AM
Parent: #18
| Quote: احكي ليهم لقافتك مع اللبنانية!!!!! |
|
Post: #20
Title: Re: مـلـقـوفـه
Author: طارق عبد اللطيف نقد
Date: 01-09-2010, 09:53 AM
Parent: #19
احلام الملقوفه سلام
انا اول ما جيت السعودية
بسمع في الكلمات الغريبة
ذي ملقوفه دي000000
مرة قمت سمعت من المعقب السعودي بتونس مع قريبة
ساله من واحد كده فقام قال ليه 00هادا خراط
انا فهمتها انه مستهبل000
بعد يومين جانا واحد سعودي في المكتب كان مؤجر من عندنا
سيارة واتأخر وجاي يعتذر انه لسه ما استلم الراتب وشكلهمحترم
قمت قلت انا اتكلم معاهو سعودي نظام مفتح وكده وعشان ما يتأخر
قلته ليه انت خراط000
وحاتك وشو احمر واصفر وافهر ونزل فيني شتيمة وحاول يضربني
والله ما حلوني منو الا الزملاء00 وهدوه وتعتزروا ليهو 000
وطبعا بعد ما فات ادانوني شجبوني كيف تقول ليه كلمة ذي دي في وشة
|
Post: #21
Title: Re: مـلـقـوفـه
Author: احلام وهبي
Date: 01-09-2010, 03:40 PM
Parent: #20
الاخت ناديه ...تحياتي
شكرا علي مرورك ومنتظرين لقافه السمحين .
|
Post: #22
Title: Re: مـلـقـوفـه
Author: احلام وهبي
Date: 01-09-2010, 03:46 PM
Parent: #21
بتزكر مره غبت يومين من المدرسه ولما المديرة سآلتنى
قلت ليها جدى مات (يبرى يايمه)
يا منال ما كنتي تقولي ليها كان عندي صداع ولا بطني كان واجعاني ماكان احسن بدل ما تاخدي ليك دقه تمام من امك . انا غايتو زمان لما اكون ما عايزه امشي المدرسه كنت بقول لي امي انا الليله عندي صداع شديد لا بطني واجعاني . ومرات الاتنين ما كان بحلوني وكان بتقول لي عندك صداع وبطنك واجعاك حتمشي المدرسه .
|
Post: #23
Title: Re: مـلـقـوفـه
Author: احلام وهبي
Date: 01-09-2010, 03:50 PM
Parent: #22
الاخ بكري
مشكور علي المرور
|
Post: #24
Title: Re: مـلـقـوفـه
Author: احلام وهبي
Date: 01-09-2010, 03:52 PM
Parent: #22
الاخ بكري
مشكور علي المرور .
وخليك متابع لقافاتي .
|
Post: #25
Title: Re: مـلـقـوفـه
Author: احلام وهبي
Date: 01-09-2010, 03:55 PM
Parent: #24
اميره مشاقين مالك قاطعه اخبارك
|
Post: #26
Title: Re: مـلـقـوفـه
Author: احلام وهبي
Date: 01-09-2010, 03:59 PM
Parent: #25
السني
هسه في داعي تجيب سيره لقافتي مع البنانيه ما كفايه الضحك الضحكتو علي اليوم داك .
|
Post: #27
Title: Re: مـلـقـوفـه
Author: احلام وهبي
Date: 01-09-2010, 04:03 PM
Parent: #26
الاخ طارق ... تحياتي
انت باين عليك ملقوف اكتر مني . بتقول للراجل انت خراط كمان بتقولا في وشو . كويس الما فنشوك
|
Post: #28
Title: Re: مـلـقـوفـه
Author: احلام وهبي
Date: 01-09-2010, 04:18 PM
Parent: #27
اهايا ناس الشمارات شوفوا لقافتي مع البنانيه
مره كنا انا والسني قاعدين في كوفي شوب في وكل الطاولات مليانه يعني مافي مكان فاضي واشوف ليك لبنانيه جايه علينا وبتقول لينا اهلين في حدا معاكم . انا طوالي وقفت علي حيلي وقلت ليها لا مافي حدا معنا اتفضلي ولا اشتغلت بي شغله طوالي مشت للطاوله الورانا وكان فيها لبنانيين وهاك يا بوس وسلام بالاحضان . وطبعا انا واقفه علي حيلي والسني ميت من الضحك علي وقلت ليهوه يعني شنو ما خلاس مافي داعي تضحك علي كده وزي انت بتقول لي انا ملقوفه انا الليله آمن بنفسي انا ملقوفه وشلاقه كمان
|
Post: #29
Title: Re: مـلـقـوفـه
Author: نادر الفضلى
Date: 01-09-2010, 05:07 PM
Parent: #28
أحلام وهبى
تحياتى
بوست ظريف .. حكاية لقافتك مع اللبنانية .. هى جنس لقافة
لكن شنو التأخير دا فى حكيها .. دا ما شغل زولة ملقوفة!
بروفايلك عضوة بتاريخ 24 ديسمبر 2009 يعنى ليك إسبوعين
ومداخلاتك وصلت 239 مداخلة .. لقافة شديدة .. لكن باين
البورد كسب عضوة خطيرة .. مرحب بيك فى البورد!
|
Post: #30
Title: Re: مـلـقـوفـه
Author: احلام وهبي
Date: 01-09-2010, 05:58 PM
Parent: #29
الاخ نادر الفضلي ... تحياتي
شكرا علي مرورك . هسه علي كلامك انا كما ملقوفه بالجد في اسبوعين مداخلاتي 239 دي ماهي القافه والشلاقه زاتا
|
Post: #31
Title: Re: مـلـقـوفـه
Author: Huda AbdelMoniem
Date: 01-10-2010, 00:22 AM
Parent: #30
احلام
تحية طيبة بوست يفرق الغم
انشاء اللة ارجع ليك تانى بس اروق شوية
|
Post: #32
Title: Re: مـلـقـوفـه
Author: احلام وهبي
Date: 01-10-2010, 11:37 AM
Parent: #31
العزيزه هدي
شكرا علي مرورك
منتظراك تجي برواقه
|
Post: #33
Title: Re: مـلـقـوفـه
Author: بدر الدين الأمير
Date: 01-13-2010, 06:14 PM
Parent: #32
الملقوفة إحلام وهبى
اولا هذا الاسم أنا من اطلقه عليك
حيث تكررت لقافتك اثناء فترات عملك معنا في الشركة
وقبلها لقافتك في البيت وفي السوق لمن تكونى مع السنى
والملقوفة كلمة خليجية يعادلها بالسودانى الزول متلقى الحجج
وهناك مسلسل كوميدى كويتى شهير اسمه الملقوفة بطولة حيات الفهد
|
Post: #34
Title: Re: مـلـقـوفـه
Author: بدر الدين الأمير
Date: 01-13-2010, 06:29 PM
Parent: #33
الملقوفة احلام
اتحادك تحكي لقافتك مع القطرية (أنصارية السنى)
حين كنت تعملى معنا اثنا الحملة الترويجية الكاس
سمو امير دولة قطر وعلى شرط تقولى الكلام القلتيهو
ليها بدون سنسرة حين قالت لك هي ما تستحين سودانية
سافرة وتلبسين بنطلون كمان والكلام القتيهو انت ليها لمن
قامت جارية منك عشان بكرى ينهى خدماتك زي ماعملت انا
معك يسحب منك الباسورد ويرحنا من لقافتك
|
Post: #35
Title: Re: مـلـقـوفـه
Author: بدر الدين الأمير
Date: 01-13-2010, 06:29 PM
Parent: #33
الملقوفة احلام
اتحادك تحكي لقافتك مع القطرية (أنصارية السنى)
حين كنت تعملى معنا اثنا الحملة الترويجية الكاس
سمو امير دولة قطر وعلى شرط تقولى الكلام القلتيهو
ليها بدون سنسرة حين قالت لك هي ما تستحين سودانية
سافرة وتلبسين بنطلون كمان والكلام القتيهو انت ليها لمن
قامت جارية منك عشان بكرى ينهى خدماتك زي ماعملت انا
معك يسحب منك الباسورد ويرحنا من لقافتك
|
Post: #36
Title: Re: مـلـقـوفـه
Author: بدر الدين الأمير
Date: 01-13-2010, 06:35 PM
Parent: #35
او احكي لقافتك مع حارسة العنبر في مستشفى عطبرة
والعلقة الساخنة الاخدتيها بسببها كل ما اتذكر تلك
اللقافة اضحك كمن يكتشف الضحك لاول مرة بس اوعك تسنسريها
تحكيها زي ماهى
|
Post: #37
Title: Re: مـلـقـوفـه
Author: بدر الدين الأمير
Date: 01-13-2010, 06:35 PM
Parent: #35
او احكي لقافتك مع حارسة العنبر في مستشفى عطبرة
والعلقة الساخنة الاخدتيها بسببها كل ما اتذكر تلك
اللقافة اضحك كمن يكتشف الضحك لاول مرة بس اوعك تسنسريها
تحكيها زي ماهى
|
Post: #38
Title: Re: مـلـقـوفـه
Author: احلام وهبي
Date: 01-13-2010, 06:45 PM
Parent: #37
او احكي لقافتك مع حارسة العنبر في مستشفى عطبرة
والعلقة الساخنة الاخدتيها بسببها كل ما اتذكر تلك
بدر صديقي .
دي بالذات غير صالحه للنشر هنا .
|
Post: #43
Title: Re: مـلـقـوفـه
Author: احلام وهبي
Date: 01-13-2010, 06:58 PM
Parent: #38
قالت لك هي ما تستحين سودانية
سافرة وتلبسين بنطلون كمان والكلام القتيهو انت ليها لمن
قامت جارية منك عشان بكرى ينهى خدماتك زي ماعملت انا
معك يسحب منك الباسورد ويرحنا من لقافتك
اها يابدر دي والله بكري يسحب الباسوورد ويدقوا لي ابعاد من الدوحه كمان .
ديل غير صالحين للنشر يا صديقي . انت فنشتني من الشغل . ياخوي خلينا في السليم نحنا لو قلنا كلام ما تسترونا والفات مات ولا ما كده يا صديقي .
|
Post: #39
Title: Re: مـلـقـوفـه
Author: بدر الدين الأمير
Date: 01-13-2010, 06:46 PM
Parent: #37
لكن يا احلام
هم لقافة لك هي لقافتك مع السنى
حين شفتيهو لاول مرة في القطار حين
كان مسافر لمصر وانت ايضا وحتفال
شقيقاتك بالسنى وسعادتهم ان يكون
معهم في نفس القطار الفنان محمد السنى
ولقافتك مع اخواتك وتعاليك على السنى
وبسبب تلك اللقافة السنى حباك وتزوجك
تنهدات: حين اكون مع السنى في المنزل مندمجين في ونسة وتجى
احلام تتلاقف اقول للسنى طلقها كان قطار نكد الجمعك بيها ...
|
Post: #40
Title: Re: مـلـقـوفـه
Author: بدر الدين الأمير
Date: 01-13-2010, 06:46 PM
Parent: #37
لكن يا احلام
هم لقافة لك هي لقافتك مع السنى
حين شفتيهو لاول مرة في القطار حين
كان مسافر لمصر وانت ايضا وحتفال
شقيقاتك بالسنى وسعادتهم ان يكون
معهم في نفس القطار الفنان محمد السنى
ولقافتك مع اخواتك وتعاليك على السنى
وبسبب تلك اللقافة السنى حباك وتزوجك
تنهدات: حين اكون مع السنى في المنزل مندمجين في ونسة وتجى
احلام تتلاقف اقول للسنى طلقها كان قطار نكد الجمعك بيها ...
|
Post: #41
Title: Re: مـلـقـوفـه
Author: بدر الدين الأمير
Date: 01-13-2010, 06:50 PM
Parent: #40
Quote: بدر صديقي .
دي بالذات غير صالحه للنشر هنا . |
غير صالحة للنشر ما قلتى ملقوفة
|
Post: #42
Title: Re: مـلـقـوفـه
Author: بدر الدين الأمير
Date: 01-13-2010, 06:50 PM
Parent: #40
Quote: بدر صديقي .
دي بالذات غير صالحه للنشر هنا . |
غير صالحة للنشر ما قلتى ملقوفة
|
Post: #44
Title: Re: مـلـقـوفـه
Author: بدر الدين الأمير
Date: 01-13-2010, 06:59 PM
Parent: #42
طيب يا احلام احكي
لقافتك مع العجوز القطرى (الاعمى) صاحب شقتكم في فريق كليب
وبحضور والدتك واخواتك حين قلتى له حا اتصل بالشرطة وقول لهم
انك دخلت بيتى وتعديت على حرمتى المسكين غادر الشقة مسرعا وهو يردد
مينونة مينونة اي مجنونة مجنونة
|
Post: #45
Title: Re: مـلـقـوفـه
Author: احلام وهبي
Date: 01-13-2010, 07:38 PM
Parent: #44
بدر يا صديقي . حاكتب عني لقافتي في مدرسه السواقه
في امتحان الشارع سوقته العربيه بكل ثقه وكنت في شارع فرعي وفي عربيه جابيه من الشارع الرئيسي المفروض اقيف لما العربيه تمر لكن انا خلاص عامله فيها البت بتعرف تسوق دوسته ليك بنزين بسرعه وطلعت في الشارع يعني بالعربي كده فحطه لما العربيه طلعت في الترتوار والشرطي بيقول للشرطيه هادي موبصاحيه كلش السودانيه بتذبحنا . وطبعا بعد داك اداني سقوط بجداره .
( بيني وبينكم بعد تلاته مرات حتي اجتزته امتحان الشارع ) وفي كل مره بتكون في كارثه .
|
Post: #46
Title: Re: مـلـقـوفـه
Author: محمد سنى دفع الله
Date: 01-15-2010, 08:05 AM
Parent: #45
في اليوم قبل الأخير من اجازتي ذهبنا انا ويوسف شيكوابم اختي سوسنالى الموردة لشراء احذية وشنط سودانية من افخر الجلودالوطنية وكانت ملقوفة راكبة ورا ومستمتعة بالطقس الخريفي وليل امدرمان الساحر وطبعا هي خرطومية حتى النخاع اها وصلنا حي الموردة ودخلنا من الشارع البعد السوق الصغير بعد دكان توتو والمطاعم بتاعت السمك الذيذ من خلال شارع مليان شجر وبيوت مترفة وبديعة المعمار واتسلطنت ملقوفة وقالت لينا :
الحي ده شنو ؟ جميل خالص !!!؟
رد يوسف : ده حي الموردة العريق
طوالي قومي مع السلطنة والمزاج الرايق قالت ::
بالله ياسلام ده الحي الغنو ليهو وطوالي رفعت صوته وغنت
اغنية ( لي في المسالمة غزال )
وطبعا من الضحك وقف يوسف العربية وانفجرنا في نوبة ضحك وبقت الجملة الأثيرة لدينا انا ويوسف
بالله ده حي المسالمة
وعلى طول نغني لي
شباب كوريا
|
Post: #47
Title: Re: مـلـقـوفـه
Author: بدر الدين الأمير
Date: 01-15-2010, 08:16 AM
Parent: #46
Quote: الحي ده شنو ؟ جميل خالص !!!؟
رد يوسف : ده حي الموردة العريق
طوالي قومي مع السلطنة والمزاج الرايق قالت ::
بالله ياسلام ده الحي الغنو ليهو وطوالي رفعت صوته وغنت
اغنية ( لي في المسالمة غزال |
السنى
انت داير ليك مبرر للطلاق افضل من كدا
دى زولا عندها انفصام في الشخصية ياصاحبى
طلقها قبل ان تطلق عيك هى النار
|
Post: #48
Title: Re: مـلـقـوفـه
Author: khaleel
Date: 01-15-2010, 09:33 AM
Parent: #47
حباب احلام في سودانيز
ياخي وين بتنا
الهام سكرة شقيقتك
|
Post: #49
Title: Re: مـلـقـوفـه
Author: doma
Date: 01-15-2010, 02:17 PM
Parent: #48
لوووووول ياخي دي ملقوفه عسل بس
انت يا بدر الامير متل العسل دا بطلقوه تنطلق بيك ام شراع .
تحياتي يا مدام السني يا عسل
|
Post: #50
Title: Re: مـلـقـوفـه
Author: احلام وهبي
Date: 01-15-2010, 03:14 PM
Parent: #49
بدر يا مطرطش انا عندي انفصام في الشخصيه !!!!! انت العندك ميه انفصام في الشخصيه
متل العسل دا بطلقوه تنطلق بيك ام شراع .
|
Post: #51
Title: Re: مـلـقـوفـه
Author: احلام وهبي
Date: 01-15-2010, 03:18 PM
Parent: #50
خليل ... تحياتي
شكرا علي الترحيب .
سكره حتجيني في الدوحه شهر 2 انشاءالله
احتراماتي
|
Post: #52
Title: Re: مـلـقـوفـه
Author: احلام وهبي
Date: 01-15-2010, 03:30 PM
Parent: #51
دوما ياغاليه ....تحياتي
مشكوره علي المرور ,
لك احتراماتي
|
Post: #53
Title: Re: مـلـقـوفـه
Author: احمد العربي
Date: 01-15-2010, 04:03 PM
Parent: #52
الملغوفة
ازيك والله الواحد ضحك لمن امبرش
لكن عندي سؤال
إنتي السني ده عملك اسكتش وإتزوجك
ولا الحاصل شنو؟
مرحب بيك في العالم العجيب ده
وكل سنة وانتي طيبه
|
Post: #54
Title: Re: مـلـقـوفـه
Author: احلام وهبي
Date: 01-15-2010, 05:14 PM
Parent: #53
الاخ احمد .... تحياتي
شكرا علي المرور .
تصدق انا ما عندي اي علاقه بالفن
لك احتراماتي
|
Post: #55
Title: Re: مـلـقـوفـه
Author: محمد سنى دفع الله
Date: 01-19-2010, 08:54 AM
Parent: #54
دايما ما تكون الردود عفوية وحاضرة
ولكنها تأتي غير مطابقة للموقف
يعني زولتنا دي عندها حكاية كلام المجاملات ده فيهو مشكلة
اما حكاية عتشميت العاطس وابو قحة كتكوته دي قريب عرفت كيف ترد عليها
يعني زي الحنكوش العطس والجنبو قال ليهو يرحمك الله ..طبعا اتلفت وقال ليهو شكرا حبيب قلبي
اها سمحونه حكاية تقول لي الزول البكتكت ابو قحة ناشفة ـ كور كور زي الحبوبات مابتعرف مع انها تربية حبوبته
اها انا لامن اقوم من الأكل واقول الشكر لله والحمدلله ـ اول مرة تخيلو قالت لي شنو؟؟
البت عايزة تجامل وتشكر الرحمن معاي :
قالت لي .. تستاهل الحمد..
|
Post: #56
Title: Re: مـلـقـوفـه
Author: عماد الشبلي
Date: 01-19-2010, 10:08 AM
Parent: #55
عندي سوال ملقوف ومشروع
ليه السني جنبو فراشتين والوان ؟؟!!
وانت جنبك فراشه وادة بس ؟؟!!!!!!!!
|
Post: #57
Title: Re: مـلـقـوفـه
Author: BitAlhana
Date: 01-19-2010, 10:18 AM
Parent: #55
ياخي يا احلام انتي عسل
عسل عديل كده
اها ما اطول عليكم عشان متلاقفه لي بوست حق السني بي هناك
ضحكتوني و الله
|
Post: #58
Title: Re: مـلـقـوفـه
Author: محمد سنى دفع الله
Date: 01-19-2010, 12:40 PM
Parent: #57
امشي شوفي وين
مداخلتك
وديتيها تدخلي ساي باسمي
|
Post: #59
Title: Re: مـلـقـوفـه
Author: محمد سنى دفع الله
Date: 01-19-2010, 12:52 PM
Parent: #58
تعالي عشان تردي
|
Post: #60
Title: Re: مـلـقـوفـه
Author: احلام وهبي
Date: 01-19-2010, 01:01 PM
Parent: #59
عماد الشبلي ابو التصوير
تحياتي وسلامي
عارف السني اصحابوا قالولي لقبو فراش
لانو كان يعشق الجمال وكل يوم من زهرة لي زهرة
وانا فراش واحد لزهرة واحدة,,
عارف محمد هسي عندوا سلسلة كتب للأطفال اسسمها
ـ الفراش ــ
مش صدفة غريبة انو الفنان عمر ارباب يعمل التصميم ده باحساسو بس
يا استاذ عماد نزل لينا الصور العندك
شكرا ليك
|
Post: #61
Title: Re: مـلـقـوفـه
Author: احلام وهبي
Date: 01-19-2010, 01:19 PM
Parent: #60
بت الهنا يا حيبيه لك تحياتي
والله انتي العسل .
ومشكوره علي المرور .
احتراماتي
|
Post: #62
Title: Re: مـلـقـوفـه
Author: عبدالرحمن إبراهيم محمد
Date: 01-19-2010, 05:44 PM
Parent: #61
الأخ الســــنى والأخــت أحــلام
ســـلام
| Quote: يعني زولتنا دي عندها حكاية كلام المجاملات ده فيهو مشكلة |
وآيــه الـغــريب؟
مــاهـى أصـلـها مـن عــنديـنا.
أنا كان عــندى بت عــمة جاتنا زمــان مــن قســطل
كل مــرة ماتصـلى النســوان يقولوا لــيـها "حــرما"
وهــى مســكينة ماعارفـة تـعقـب
مــرة كانوا فى نســوان كـتيرين فى البيت فى مناســبة
فبـعد ماصــلت كثير مـنهن قالن لــيها حــرما زى كــدة فى وقــت واحــد
فــردت بـفورية مـباغــتة "برمــا"
|
Post: #63
Title: Re: مـلـقـوفـه
Author: محمد سنى دفع الله
Date: 01-21-2010, 05:48 AM
Parent: #62
عبدالرحمن اخوي
سبك من احلام انا زاتو كنت عندي مشكلة في كلام المجاملة
لمن تقول لي كلام كتير نوع اطرح البركة فيكم وربنا يجازيكم خير الجزاء وشنو ما عارف
بطنطن وببرطم تحت تحت يعني الولد ناقش وبرد الكلام بي احسن منو
عندي قريبتي النسوان غصبوها تمشي الجامع وهي متعودة تصلي في البيت صلاة العجايز الفيها وضو لكن ايات صغير ومرات دعا لكن واصلة
مشت معاهم اها اول ما قعدت قالو ليها قومي صلاة المسجد قالت ليهم دي كمان صلاة جديدة مما قمنا ياهي الصلاة الواحدة دي ..بس
|
Post: #64
Title: Re: مـلـقـوفـه
Author: omar arbab
Date: 01-21-2010, 10:26 AM
Parent: #63
Quote: امشي شوفي وين
مداخلتك
وديتيها تدخلي ساي باسمي |
خلاص اقتنعنا ملقوفه ملقوفه
تحياتي
|
Post: #65
Title: Re: مـلـقـوفـه
Author: omar arbab
Date: 01-21-2010, 11:28 AM
Parent: #64
Quote:
عندي سوال ملقوف ومشروع
ليه السني جنبو فراشتين والوان ؟؟!!
وانت جنبك فراشه وادة بس ؟؟!!!!!!!! |
عشان ماتزعل يا عماد
|
Post: #66
Title: Re: مـلـقـوفـه
Author: محمد الطيب حسن
Date: 01-21-2010, 01:15 PM
Parent: #65
Quote: الاخ احمد .... تحياتي
شكرا علي المرور .
تصدق انا ما عندي اي علاقه بالفن
لك احتراماتي |
ياخ والله انتي كضابه كضب !!!!!
ياخ انتي الفن متزوجاه عديييييييييل
وتقولي ماعندك علاقه بيه ؟؟؟
ـــــــــــــــــــــ
تحت تحت
ازيك ياراقيه
|
Post: #67
Title: Re: مـلـقـوفـه
Author: احلام وهبي
Date: 01-21-2010, 01:15 PM
Parent: #65
الاخ عبدالحمن ... تحياتي
شكرا علي المرور . اصلا نحنا الناطقين بغيرها لانعرف كلمات المجامله .
لك احتراماتي
|
Post: #68
Title: Re: مـلـقـوفـه
Author: احلام وهبي
Date: 01-21-2010, 01:20 PM
Parent: #67
الاخ عمر ... تحياتي
شكرا يا مبدع ياصاحب الابداع
لك احتراماتي
|
Post: #69
Title: Re: مـلـقـوفـه
Author: احلام وهبي
Date: 01-21-2010, 01:27 PM
Parent: #68
الاخ محمد الطيب .... تحياتي
تعلمت تذوق الفن منه .
تحت تحت
ـــــــــــــ
شكرا يا ظريف
|
Post: #70
Title: Re: مـلـقـوفـه
Author: عماد الشبلي
Date: 01-21-2010, 01:58 PM
Parent: #69
| Quote: عشان ماتزعل يا عماد |
الارباب يا فنان ,,
كدي انا زعلت زيادة ,,
السني بقي عندو 7 فراشات
ومرتو الغلبانة لسع فراشة واحدة
مفروض تقسمن بالتساوي ...
عشان يسود العدل و نهتف يحيا ,,,
|
Post: #71
Title: Re: مـلـقـوفـه
Author: abubakr
Date: 01-21-2010, 02:08 PM
Parent: #70
ياقريبتي من لقافتي ما شفت البوست دة الا حسي بس اكتر لقافة مرت علي اليوم هي "حرم" بتاعة المجرابي قريبي (فيسل هليل) في لقافتو اعلاه .. جنس لقافة ....
|
Post: #72
Title: Re: مـلـقـوفـه
Author: abubakr
Date: 01-21-2010, 02:12 PM
Parent: #54
| Quote: تصدق انا ما عندي اي علاقه بالفن |
دة كلام؟؟ دي لقفنة زيادة خاااالص .. امال الواقف عدالك دة يبقي فتان سااااي ...
|
Post: #73
Title: Re: مـلـقـوفـه
Author: حبيب نورة
Date: 01-21-2010, 02:44 PM
Parent: #72
ه تموت الصاروخ ليه يا وديييييع
دة يبقي فلم زبالة
أستااااااااااااذة يا أحلام
أحلام وهبي أم الأجنبي
لا والله الفكرة حلوة و ملقوفة
المهم بركة الشوفة رغم اللقافة وكدة
تحياتي لي قريبنا
بجيك أتلاقف تاني
أصلوا انا بموت في الخستكة
|
Post: #74
Title: Re: مـلـقـوفـه
Author: محمد سنى دفع الله
Date: 01-22-2010, 11:07 AM
Parent: #73
السني بقي عندو 7 فراشات
ومرتو الغلبانة لسع فراشة واحدة
مفروض تقسمن بالتساوي ...
عشان يسود العدل و نهتف يحيا ,,,
ناس حاسدة كيف
انت مالك يا ملقوف
قوم لف كده يا ادينا الصور العندك
وقوم لف برضو
وهتف يحيا الفراش والزهر في الحديقة !!!
|
Post: #75
Title: Re: مـلـقـوفـه
Author: omar arbab
Date: 01-22-2010, 03:21 PM
Parent: #74
| Quote: وهتف يحيا الفراش والزهر في الحديقة |
احسب ديل يا عماد هههههه
|
Post: #77
Title: Re: مـلـقـوفـه
Author: احلام وهبي
Date: 01-22-2010, 03:27 PM
Parent: #75
شكرا يا عماد الفنان المصوراتي دعمك لي
لكن ابو الفن الديجتال عمر ارباب
مابقصر ما خلا فراش افريقي ولا مداري ما جابو لينا
ليكم شكري ومودتي واحتراماتي 
الواحد بعد ده يختار فرشو براه
|
Post: #76
Title: Re: مـلـقـوفـه
Author: عماد الشبلي
Date: 01-22-2010, 03:25 PM
Parent: #74
Quote: ناس حاسدة كيف
انت مالك يا ملقوف
قوم لف كده يا ادينا الصور العندك
وقوم لف برضو
وهتف يحيا الفراش والزهر في الحديقة !!! |
السني .. انت الملقوف ومتلقي حجج كمان
البوست دا بتاع احلام .. كل مرة جاي ناطي فيهو مالك ؟؟؟؟
ياخي غيرنا كدي ولا كدي ...
والصور العندي خلاص بقت بالقروش ..
اوعك تقول لي يقرش كنكوجك ...
|
Post: #78
Title: Re: مـلـقـوفـه
Author: احلام وهبي
Date: 01-22-2010, 03:31 PM
Parent: #76
اخونا حبيب نورة
التحيات
بجيك أتلاقف تاني
أصلوا انا بموت في الخستكة
نحن البوست ده فاتحنوا عشان الخستكة
تعال مفتوحة لك كل الابواب
ماتخلي خستكة الجهة قوله لينا
ورينا موقفك من الفراشات
احتراماتي
|
Post: #80
Title: Re: مـلـقـوفـه
Author: احلام وهبي
Date: 01-22-2010, 03:35 PM
Parent: #78
قريبي وملاذنا الحبيب
انا بعني اني زولة بتاعة حقوق وبحب الادب وكنت قراية فارة كتب
لكن الفن ده بحرو عميق لكن من عاشر قوما ...
اها انا بقيت لو ادوني مسرحية بخرجها زي الماحصل شئ
احتراماتي
|
Post: #87
Title: Re: مـلـقـوفـه
Author: abubakr
Date: 01-23-2010, 06:08 AM
Parent: #80
| Quote: اها انا بقيت لو ادوني مسرحية بخرجها زي الماحصل شئ |
ياقريبتي اللقافة من مسرح الواقع ..واها كتبتي الاسكريبت بتاع اول نص مسرحي وانتي خلاس قلتي حتخرجي زي ما حصل شي ونشوف ناس حبيب نورة وكبير القوم في التمثيل .. انتي ما شفتي المسرحي الفلسطيني الكان عندكم او في فضائية حداكم وجاب عناصر افلامو كلهم من بيتو (امو ابوه اخوه اولاد اخوه اصحابو ..الخ) ومثلو الواقع نصا وحركة .. حسع كبيرهم المعاكي دة واحد وحبيب نورة الجالس (بينفع لانو نص اللقافة ما فيهو حركة كتيرة ) واكييد حتلمي في الباقيين اصلو ناس عطبرة كتاااااار في المنبر دة .. والدعاية علينا .. وبس
|
Post: #79
Title: Re: مـلـقـوفـه
Author: عماد الشبلي
Date: 01-22-2010, 03:32 PM
Parent: #76
| Quote: احسب ديل يا عماد هههههه |
الارباب
يا خوي مالك داير تزغلل لي عيوني ,,
اصور بشنو تاني ؟؟؟؟؟
|
Post: #81
Title: Re: مـلـقـوفـه
Author: احلام وهبي
Date: 01-22-2010, 03:40 PM
Parent: #79
ابو الفن البصري وكل تفانين الديجتال
لك تشكراتي
والظاهر سوف ارسل لك عدد مقدر من الصور لتتفنن فيها
شكرا الفنان عمر ارباب لكل لحظة جعلت منها لحظة جمال ابدي
فالصورة تخلدنا للزمن
احتراماتي
|
Post: #82
Title: Re: مـلـقـوفـه
Author: عبدالرحمن إبراهيم محمد
Date: 01-22-2010, 04:09 PM
Parent: #81
ألأخــت الـفـضـلى أحــلام
ســـلام
أديـكم لــقـفة تؤكـد أنـو اللقافـة جـزء مـتأصـل فينا
جـاتنا عـمة زوج خالـتنا مـن أرقـين زيارة
قامـت يوم مشــت مـعاهـم لـصـبحية فى الخــرطوم أثـنـين
جابـوا لــيـهم الـغـدا
بـعـدين مـرت علــيـهم واحـدة مــن الضـيافات
وقالت لـيـهم "الرســول يابنات أممـى ماتتونسـوا" [تـقـصـد تاكلوا]
فقامـت تـلك المـرأة الـطيـبة تـقـول
"والله نـهـن فى مـرة جات صاحبة ابو مـهـمد. قمت عملت ليها شـربات منـقة
بأدين شـرب هـبه كدى وقالت لا أنا إندى ســكرى. قلت لـيها تيـب قـبل ماتوسيهـيهـو مش كنت عارفه عـندك سـكرى؟"
وبـقـية النسـاء يسـتــمـعون إليـها بإنتباه
فـمرت علـيهم الضيافـة مــرة ثانيـة وقالت لـيـهم
"هــى يابنات أمـى ماقلنا ليكن ماتخـجـلوا،،، الرسـول تتونســو"
فـطوالى الـعمـة دخـلت بالعـرض وبـدأت قـصـة جـديدة، قائـلـة:
"والله مـرة جـاتنا هــرامى,,,,,,,
|
Post: #83
Title: Re: مـلـقـوفـه
Author: حبيب نورة
Date: 01-22-2010, 05:36 PM
Parent: #82
منتهي الفراش
إحساس الناس القاش
|
Post: #84
Title: Re: مـلـقـوفـه
Author: omar arbab
Date: 01-22-2010, 06:54 PM
Parent: #83
Quote: منتهي الفراش
إحساس الناس القاش |
حبيب نورة
اربعين ناني متين
|
Post: #85
Title: Re: مـلـقـوفـه
Author: احلام وهبي
Date: 01-22-2010, 09:46 PM
Parent: #82
الاخ عبدالرحمن
قريبتكم فاتتني عديل في القافه
|
Post: #86
Title: Re: مـلـقـوفـه
Author: أبو ساندرا
Date: 01-22-2010, 10:01 PM
Parent: #85
يخص عليك يا احلام وهبى
تغشيني وتقولي لي البوست مافيهو ابوجهل
غايتو
البوست لذيذ وفكرته جميلة
وبالمناسبة ناس كتار جدآ بيعانو من موضوع قول العبارة المناسبة في المجاملات
وعندنا واحد صاحبنا كان بيعمل عمايل
يمشي بيت عزاء يقول مبروك
يمشي بيت فرح يقول البركة فيكم
جايط الحكاية جوطة شديدة
حتى العبارات البتتقال في احوال معينة
زي لمن زول يعطس
او يجيب قون
او يؤدي اداء مدهش
فيها جميعآ بيقول حاجات تجعل جميع الحاضرين يضجون بالضحك
والغريبة هو بيكون جادي جدآ
كويس إنك ما قلتي لي فيهو أبوجهل
كان فاتني بوست في السلك
تاني طوالي غشيني كده
|
Post: #88
Title: Re: مـلـقـوفـه
Author: احلام وهبي
Date: 01-23-2010, 04:01 PM
Parent: #86
ابوساندرا
مشكور علي المرور الجميل .
|
Post: #89
Title: Re: مـلـقـوفـه
Author: احلام وهبي
Date: 01-23-2010, 04:09 PM
Parent: #88
قريبي العزيز ابوبكر ... مسكاقمي
خلاس انت اعمل الدعايه من هسه . والمسرحيه حتكون رهيبه
|
Post: #93
Title: Re: مـلـقـوفـه
Author: abubakr
Date: 01-23-2010, 06:39 PM
Parent: #89
| Quote: خلاس انت اعمل الدعايه من هسه . والمسرحيه حتكون رهيبه |
علم يا قريبتي .. انوه الي ان لغة المسرحية هي "النوبية" .. وكده نشوف ناس اوكسنت و انلنغوا حيسوو شنو ؟؟؟ دي ما فيها مترجمات ومترجميين مستورديين .. منطقة اختيار المترجمات والمترجمين وكل الراجمات من كوم امبو الي دنقلا ...
|
Post: #92
Title: Re: مـلـقـوفـه
Author: بدر الدين الأمير
Date: 01-23-2010, 06:33 PM
Parent: #88
احلام الرطانية
الآن ايقنت انك كمين من الملقوفات
السنى عندو العديد من الإسكتشات حول
الاقنعة بس ما عندو اسكتش لاقنعة (وش
الحمار) انا قاعد اكتب في إسكتش عن
وش الحمار ووش الحمار سهل رسمهة بالجزمة
بس ناقصنى الصوت وشايفو حضر هنا و(بهنق)
تنهدات: قرآن كريم(إن أنكر الاصوات لصوت الحمير)
|
Post: #90
Title: Re: مـلـقـوفـه
Author: لؤى
Date: 01-23-2010, 04:12 PM
Parent: #1
Quote:
وقلت ليها : ســـــــــــلامتا ما تشوف شر |
يا مدام
مساء الخير
وأهلاً بيك معانا في دارِك
وعسانا نكون عند حُسن ظنّك
وأعملي حاسبك
سيّدنا داك ما يعمل من قصصك دي حلقات 
تحيّاتي
|
Post: #91
Title: Re: مـلـقـوفـه
Author: احلام وهبي
Date: 01-23-2010, 04:24 PM
Parent: #90
اهلين لؤي
وأعملي حاسبك
سيّدنا داك ما يعمل من قصصك دي حلقات
ـــــــــــــــــــــــــ
حقوق الطبع محفوظه يا لؤي يعني ما عندو اي طريقه
|
Post: #94
Title: Re: مـلـقـوفـه
Author: بدر الدين الأمير
Date: 01-25-2010, 07:13 PM
Parent: #91
صاحبتى الملقوفة وينك
مايكون السنى عمل بنصيحتى
ورجعك حلفا دغيم مامشكلة
لو طلقك حا اعرس ليك ابوى
|
Post: #95
Title: Re: مـلـقـوفـه
Author: soma
Date: 01-26-2010, 05:10 AM
Parent: #94
احلام العسل
بوست لذيذ وظريف ومواقفك فيها كلها تحفة
بالجد ضحكتينى وجعلتى صباحى مشرق
لكن ليه انا ما شفت البوست ده يا جماعه
هل دى برضو لقافة منى؟
تحياتى حبيبة لك ولكل الاحباب زوارك
|
Post: #96
Title: Re: مـلـقـوفـه
Author: احلام وهبي
Date: 01-26-2010, 10:22 AM
Parent: #95
انوه الي ان لغة المسرحية هي "النوبية
ــــــــــــــــــــــــــــــــــــ
علم يا قريبي . وعشان بدر العرريب يكون حاضر المسرحيه وهو زي الاطرش في الزفه
|
Post: #97
Title: Re: مـلـقـوفـه
Author: احلام وهبي
Date: 01-26-2010, 10:27 AM
Parent: #96
صديقي بدر
ابوك الله يديهوه العافيه ويطول في عمرو
وانت الله يطلق كرعيك
سلام يا العرريب
|
Post: #98
Title: Re: مـلـقـوفـه
Author: احلام وهبي
Date: 01-26-2010, 10:32 AM
Parent: #97
سوما ياغاليه
انشاءالله دايما صباحاتك مشرقه
ولك احتراماتي
|
Post: #99
Title: Re: مـلـقـوفـه
Author: معاوية المدير
Date: 01-26-2010, 11:16 AM
Parent: #98
أُختنا إحلام وهبي سلام،
تعرفي مرّة كنا شغالين وجابو معانا واحد اُردُني. الجماعة قالوا: الزول دا عربيهو تعبان.
قلت ليهم خلوهو أنا دا بتفاوض معاهو.
أها الراجل طالع، قلت ليهو: لو سمحت ممكن تاخد الباب معاك؟ (يعني ممكن تقفل الباب معاك)
الود نظام داير يفهمو وكده.
قام قال لي: إيش أخد الباب معاي، دي لغة عربية يا عمي والا حاجة تانية؟
زعلت جداً لاني كنت مفتكر نفسي فهمتو.
قلت ليهو بزعل: والله أنا بتكلم عربي أحسن منّك.
قال لي: روح يا شيخ إنتو بتتكلموا زي الإذاعة...
الجماعة فقعوها ضحكة، لحدي اليوم ما عارف ضاحكين فينى أنا والا فيهو هو؟؟؟
|
Post: #100
Title: Re: مـلـقـوفـه
Author: احلام وهبي
Date: 01-26-2010, 11:29 AM
Parent: #99
الاخ الفاضل معاويه المدير .... تحياتي
صدق هسه حيرتني انا زاتي الجماعه ديل كانوا بيضحكوا علي ولا علي الادرني .
يا سيدي مشكور المرور .
لك احتراماتي
|
Post: #101
Title: Re: مـلـقـوفـه
Author: عفاف الصادق بابكر
Date: 01-26-2010, 11:41 AM
Parent: #100
احلام .. يا لقيفه ..
عاد لكن يا بت أمي جنس لقافتك دي ما لاقتني في القبل الاربعه ..
لكن هاك اللقافة دي ::
هويدا اختي مشت لي صديقتنا في وفاة ابوها .. اها عملت فيها البت عايزه تساعد وكده ..
وفعلا ساعدت بي غسيل العده .. اها صحبتنا جاءات من هناك وقالت ليها شكرا ..
انشاءالله الله يغسل طعمك يا هويدا .. اها يا احلام يا اختي ده شكر ولا مصيبة ..
الله يحفظنا من اللقافة
|
Post: #102
Title: Re: مـلـقـوفـه
Author: احلام وهبي
Date: 01-26-2010, 12:34 PM
Parent: #101
عفاف يا غاليه
انشاءالله الله يغسل طعمك يا هويدا .. اها يا احلام يا اختي ده شكر ولا مصيبة ..
ــــــــــــــــــــــــــــــــــــــــــــــــــــــــــــــــــــ
العده .لا يا عفاف دي لقافه . وخلي اختك تاني تمشي تغسل ليهم
|
Post: #103
Title: Re: مـلـقـوفـه
Author: Yousif A Abusinina
Date: 01-26-2010, 04:38 PM
Parent: #102
احلام السنى بدرالدين
ثلاثى الله يحفظكم لكن خلو الجرعات حفيفة قطعتوا مصارينا بالضحك
يعنى يا احلام السنى ممكن يعمل مسلسل والتسمية جاهزة الملقوفة
بوست رهيب
متابعين
|
Post: #104
Title: Re: مـلـقـوفـه
Author: محمد سنى دفع الله
Date: 01-27-2010, 12:36 PM
Parent: #103
اخوي يوسف التحيات والاماني
يعني قربت تكتب
احلام السني بدرالدين وبالعكس
ربنا يزيدك من نعايمو واولها نعمة الضحك
وفعلا فيلم العام
ـ الملقوفه ـ
وده في جماعة عايزنو بالرطانة وناس عايزنو بالعربي الفصيح وناس بالعامية
انا شايف اقدمو بالتمثيل الصامت
لانو الملقوفة شدة ماهي ملقوفة اللغة طارت ليها وبقت تاشر سااااكت
|
Post: #105
Title: Re: مـلـقـوفـه
Author: Yousif A Abusinina
Date: 01-27-2010, 03:39 PM
Parent: #104
| Quote: احلام السني بدرالدين وبالعكس |
انت قصدك يالسنى
[U]بدرالدين السنى احلام وبالعكس
ذكرتنى زمان البصات مكتوب عليها مدنى الناقل والعزازى وبالعكس
بس يا لسنى وحيات الخوة البينا بعيد من الرطانة خليط فى الصامت بكون احلى من الرطانة عشان نكون كلنا فى الهوى سوا .
الملقوفة موضوع الرطانة باثر فيها معليش تعال معانا المرة دى وربك انشاء بعديها على خير ههههههههه
|
Post: #106
Title: Re: مـلـقـوفـه
Author: على محمد على بشير
Date: 01-27-2010, 04:07 PM
Parent: #105
ياسلام يا احلام وهبى
بوست حلو ومواقف طريفه
|
Post: #107
Title: Re: مـلـقـوفـه
Author: بدر الدين الأمير
Date: 01-27-2010, 04:24 PM
Parent: #106
| Quote: بدرالدين السنى احلام وبالعكس |
يوسف
نرحب بك في خيمة الملقوفة احلام وهبى
وخليها تحكى ليك عن لقافتها مع الخواجات
في شرم الشيخ هى وعصام اخوها وعصام دا ألز
ملوقف في الدينا وزل بهجة حقيقى
|
Post: #108
Title: Re: مـلـقـوفـه
Author: محمد سنى دفع الله
Date: 02-28-2010, 10:17 AM
Parent: #107
هذه الأيام نعيش في عالم من السعادة في بيتنا
ام احلام الملقوفة(( خالتنا فايزة عابدين ))
واخواتها العسل(( نينا الحنين))ا و((سكرة الذيذة))
وطبعا اخر ونسة وسهر في الذكريات وحال السودان وناس عطبرة
والاهل في حلفا زي الما كانت قبل شهور هناك .
اها نينا بتحكي لي الملقوفة في حكاية وفي نص الكلام اتذكرت ـ نينا حاجة،، قامت قالت لي الملقوفة :
احكي ليك حاجة تضحكك ..دي بداية الحوار ، نينا عايزة تحكي عن زول حكاية مضحكة ،، والملقوفة راقدة مستمتعة بالونسة...
احكي ليك حاجة تتضحكك عارفة حاج الطاهر؟؟!! وقبل ان تسترسل نينا في الكلام،، نطت ليك احلام، من رقدتها،، وبي خلعة قالت لي اخته،
: مالو مات ..؟؟
وانفجرنا بالضحك زولة بتقول حتكي حاجة تتضحك تقولي ليها ــ مات !!!
وعرفت طوالي انو البوست حيرتفع لانو في لقفات كتيرة جاية !!
|
Post: #109
Title: Re: مـلـقـوفـه
Author: احلام وهبي
Date: 02-28-2010, 12:08 PM
Parent: #108
الأخ يوسف ابو سنينة
تحياتي عارف حكاية السني بدرالدين احلام وبالعكس
ذكرتني جكاية مؤلفها السني ما عارف سمعتها ولا وزي مابقولوا سمح الغنا في خشم سيدو..
وهي حكاية حيدر بورسودان، الفنان الظريف والراقي.. انو ظهر واحد بقلدوا في نيالا الناس سامينو حيدر بورسودان نيالا قام واحد في القضارف غناي مشى نيالا لي اهل ليهو هناك و في عرس سمع حيدر بورسودان نيالا واعجب بيهو اعجاب فات الحد وبقى يفلدو لمن رجع لي القضارف اهلوا بعد سمعوا غناهو سموه
حيدر بورسودان نيالا القضارف وبالعكس وبس ..
لكن لمن تلم في السني خليهو يحكيها ليك ..
احتراماتي
|
Post: #110
Title: Re: مـلـقـوفـه
Author: احلام وهبي
Date: 02-28-2010, 12:21 PM
Parent: #109
الأخ علي محمد علي بشير
تحياتي
شكرا على المرور والكلمات الظريفة في حقنا
احتراماتي
|
|