وزارة الداخلية تعلن عن إعفاء الطلاب من تأشيرات الخروج في الرحلات العلمية

أعفى وزير الداخلية السوداني إبراهيم محمود حامد، الطلاب من رسوم تأشيرة الخروج في حالة السفر للرحلات العلمية والعلاج، ووعد بتخفيض رسوم البطاقة الشخصية والجواز إلى نسبة تصل 50%، وذلك بعد التشاور مع وزارة المالية. وأعلى محمود خلال لقائه برئيس الإتحاد العام للطلاب السودانيين غازي بابكر حميدة، أعلى من قيمة الجهود التي ينهض بها الإتحاد في القضايا الوطنية كافة






صحيفة الأهرام اليوم.

رسميا لا توجد تاشيرة خروج من السودان

الاخ عبد الحافظ

Quote: رسميا لا توجد تاشيرة خروج من السودان

تأشيرة الخروج للمواطن السوداني إجراء ملزم يحكمه قانون جوازات السفر والهجرة
يقول هذا القانون العتيد في بعض مواده : يجب أن يحصل أي شخص يغادر السودان على تأشيرة خروج سارية المفعول. وتحدد اللوائح إجراءات وضوابط منح تأشيرة الخروج ومدة صلاحيتها للسودانيين والأجانب. ثم يفصل القانون الأشخاص الذين لا تمنح لهم تأشيرة الخروج ومنها : السوداني المتهم بجريمة ، والسوداني الذي أدين أكثر من مرّة بجريمة التهريب ، والسوداني الذي يكون هناك شك معقول في أنه يمارس نشاطاً معادياً ضد السودان أو يسيء إلى سمعته بأي فعل من الأفعال ، والسوداني الذي لا يستطيع دفع تكاليف رحلته إلى المكان الذي يقصده وتكاليف بقائه هناك ورجوعه للسودان ، والطفل إلا بموافقة ولي أمره.
عكس الدول الاخرى في العالم فهم لا يلزمهم أبداً أن يحصلوا على تأشيرة خروج ، بل يكفي وضع ختم المغادرة فقط على جواز سفرهم.

قرار منطقي وممتاز..
عقبال المغتربين كمان..

وابتدت رشاوي الانتخابات

استاذنامحمد إبراهيم علي
سنة سعيدة عليك ان شاء الله

Quote: وابتدت رشاوي الانتخابات

المؤتمر الوطني ما محتاج يرشي
مووش لانه قوي بما فيه الكفاية وضامن الانتخابات
لا لانه احزابنا هالك وبائسة ومنقوصة الخدمة
ويستمد المؤتمر الوطني قوته من ضعف تلك الاحزاب
ويستحقوا في الحالة هذه ان يحكمونا لعشرين سنة اخرى

Quote: قرار منطقي وممتاز.. عقبال المغتربين كمان..

العافية درجات
نتمنى ان تتم مراجعات للقانون من وقت لاخر
تبعا للتطورات البتحصل اليوم
ولا شك شريحة المغتربين شريحة كبيرة ومؤثرة وفاعلة
نتمنى ان توجه لهم المزيد من الاصلاحات والقرارات البتصب لصالح تلك الشريحة
(عشان ما تفكروا ترجعوا للبلد هههههههه)

ابناء المغتربين ...المغتربين كيف ...داخلين في الشغلة ولا دبلو ليهم ..حق ديل يشيلوهو من ديك ....

مافي بلد في الدنيا فيها تأشيرة خروج غيرنا نحن
لو القصة القروش البندفعها سلفقة دي
شي اورنيق تأشيرة وشي دمغات
ياخي عافين ليهم بنسلمها ليهم ونحن طالعين
بس يعفونا من المهانة دي

Quote: العافية درجات نتمنى ان تتم مراجعات للقانون من وقت لاخر تبعا للتطورات البتحصل اليوم ولا شك شريحة المغتربين شريحة كبيرة ومؤثرة وفاعلة نتمنى ان توجه لهم المزيد من الاصلاحات والقرارات البتصب لصالح تلك الشريحة

ماعايزين أي إصلاحات.. وكل البنطالب بيهو ندخل بلدنا ونطلع منها
من غير ما نمشي أي مكان تاني غير بيوت أهلنا..
يعني لا تأشيرة ولا ضريبة ولا إلزامية..

Quote: تأشيرة الخروج للمواطن السوداني إجراء ملزم يحكمه قانون جوازات السفر والهجرة

الاستاذة / ميادة
لك التحية والسلام
حسب علمي ان تاشيرة الخروج قد الغيت
وقد اعلن رئيس الجمهورية هذا الالغاء
وما يتم الان من اجراء يسمى ( اسيفاء بيانات) ولا اعرف ماهو اساسه القانوني
حتى الاستمارة التي تعباء تسمى استمارة استيفاء

Quote: مافي بلد في الدنيا فيها تأشيرة خروج غيرنا نحن لو القصة القروش البندفعها سلفقة دي شي اورنيق تأشيرة وشي دمغات ياخي عافين ليهم بنسلمها ليهم ونحن طالعين بس يعفونا من المهانة دي

ده بحلك

اديت الخدمه الوطنية ؟؟

ناس تجيب الضغط عاوزها عايره ساي

البصاص

Quote: ده بحلك اديت الخدمه الوطنية ؟؟ ناس تجيب الضغط عاوزها عايره ساي البصاص

هو نحن فضل فينا باقي لامن نتجند

Quote: مافي بلد في الدنيا فيها تأشيرة خروج غيرنا نحن لو القصة القروش البندفعها سلفقة دي شي اورنيق تأشيرة وشي دمغات ياخي عافين ليهم بنسلمها ليهم ونحن طالعين بس يعفونا من المهانة دي

شكرا يا طارق

عافي منك

Quote: تأشيرة الخروج للمواطن السوداني إجراء ملزم يحكمه قانون جوازات السفر والهجرة

ميادة ,, سلام
تأشيرة الخروج دى بتذكرنى بحديث الرسول صلى الله عليه وسلم:
{دخلت امرأة النار فى قطة حبستها لاهى اطعمتها ولاتركتها تأكل من خشاش الأرض}
وعشان ما يجو الجماعة يفلقوك ,, الإنقاذ وما الإنقاذ.
نكسر ليهم الدش فى يدهم.
القانون ده موجود قبل الإنقاذ.

عبدالعزيز

سلام

Quote: القانون ده موجود قبل الإنقاذ.

نعم هذا القانون موجود قبل الانقاذ
طيب.. لماذا لا يعدل لمصلحة المواطن السوداني حاليا ؟

ودمت اخي

سلام ياعبدالرحيم

Quote: نعم هذا القانون موجود قبل الانقاذ طيب.. لماذا لا يعدل لمصلحة المواطن السوداني حاليا ؟

كدى خليهم يصلحوا الخربوه اول شى ,,
let them first clean after themselves
طبعا هم ماحايعدلوه لإنو نافع معاهم وكان ما لقوه كان عملوه
لكن انا قصدى من تعليقى لميادة انو معظم الناس فى المنبر ده عاوزين يدخلوا الإنقاذ فى كل شئ ,, يتركون الموضوع جانبا ويقعدوا يعرضوا بره الدارة ,, وعلى قول عادل امام لو السعودية ما اتأهلت لكاس العالم يقولوا ليك الإنقاذ هى السبب. يعنى قصدى انو الخطأ موجود وبدل نقعد نشتم فى الإنقاذ مفروض نقول كلام منطقى زى الكلام اللى انت قلتو ده .
تشكر يا اخى

Quote: مافي بلد في الدنيا فيها تأشيرة خروج غيرنا نحن لو القصة القروش البندفعها سلفقة دي شي اورنيق تأشيرة وشي دمغات ياخي عافين ليهم بنسلمها ليهم ونحن طالعين بس يعفونا من المهانة دي

كلام في الصميم