جدلية اللون – اللوحة الروح

جدلية اللون – اللوحة الروح

بترقبك،
وإنت بتطلي علي دماي
تتراشقك،
صفواتي بالوردة وهواي
اتصاحب الشوق وافتقادك
غنوك علي مسمع
من الحزن المعاي
ما قاوم الطرب اللي فيك
هزاتو كانت إنسجام
مع شوقي واتمايل حنين
والحزن لان..
فرض اقتسامك للبصر
رتقت بيو
فرص التناول للجمال
ستفت شوقك واشتهاي
في لوحة اللون الجدل
والفكرة كانت اكتمال
نقصت وكت تاوقت فيك
نص البصيرة اتكاملت
شوفك نصب شرك الهيام
وحنينك الفي اتعدل
شاورت ريشة شوقي ليك
عن احتمالات أكتبك
نطق القلم مقطع
وسمَّاك لوحة روح
جدل الحروف
لوَّن ملامحك بالدموع
لونك بغالط حرفي كيفن بشتهيك
وأنا قلت ليك
كل الموطَّن في حشاي
ما باقي فيِّ إلاك بوح
عاينت ليك
وودرت في نضرة وشيك
وبهاك كساك
واللون بحاول إنسجم
مع فكرتك
وانا قلت ليك: بلاك بروح
يا لوحة روح
بقراك؛ قدر ما الله أداني البصيرة
بقراك؛ وازيدك في دلالاتك وتيرة
بقراك؛
إذا جفت عوينات الصباح
وبمردغ الريشة فحشاي
وأزيد عليك
لون الغيابات واشتهاك
أرسم مقاسات إلفتك
واديها من ضو فكرتك
بعد خامس
مد بلامس
حرقة الروح يوم طراك
ليل العشم
شوقك بنفافس
ضو عوينات البشاهد رسمتك
واندهاش شكل التراكب
بين خيالات البشوفك
وبين طلاسم الباقي منك
في هوامش اللوحة
والفكرة الإطار
كل المساحة الفيها ما كفَّت
ولا وفَّت بهاك
استلفت الروح تزيد
رقعة حركة الريشة
شان تلقى المسار
ترسم تضاريس شوقي
طيَّات الظلال
وتستحي، لامن تحاول تكتشف
نشوة حضور الذهن فيك
لهفة اللون والشغف
تضارى وتزيد انكسار
تتوارى جوَّات الترادف
والدلالات البتديك معطيات الدهشة
في اللون الأساس
معنى إدراك التداخل
وكيف تحاور انحناءاتا التوقع
ما تايهة بتجيد التسكُّع
في زوايا الرغبة
واللون إنغماس
يا لوحة روح
يا سامقة فوقات الصروح
يا نضرة اللون الببوح
بالصايلة جوَّات العروق
نكَّاية الروح التنوح
داواية الألم الجروح
هدهادة الشوق الجموح
هداية بالطلة الصبوح
أنا قلت ليك:
بلاك بروووووح



مرفق :
حبي الكبير
بـــادي

وأنا كنت فيك
بعصر دموعي علي ضراي
ساعة جِفتّ
كل المواعيد صدفتك
وشوق أشتهاي
وأتصاحبو الهمين معاي
ليل الحياري مع سرابات سكتك
وحزن الأسي المّدد سحابة
بترسمك قمراَ بعييد
فوق للنجوم ورعشة
حنيني التلحقك
غنواتي ما دسن نداك ولهفتن
فاتن صدي
وماتن سراب
والفكرة كانت لوحة فيك مكملة
واللون حرد
كل الطيوف الهايمة بيك
وكل احتمال الأمزجة
الا القمح ورمشا كحييل
لون المسا
واتنين بقيتو علي أنا
الفرقة والزمن المضي
لالهفة تنسي الكان وفات
لاقلبي بالمكتوب رضا ..



يابادي
قدمك أخضر وحرفك أنضر
وجية سمحة
تسلم مشاعرك

اترقب الفرح البجيك لولاي

ولازِم هواك القييف

انضم عِقيد الشوق مع حرفك العِريف

شاتر أماني عزول

وأرجاها قمر الصيف

لاقيتا لابسة هواك

راكبة الغمام والنيل

مرسومة بيك يا زول

رقص الفراش طربان

هز الرذاذ بي حنين

ضحك القمر رنان

أشجاه غيم الضل

نزل الخريف البل

بلل مواجع الشوق

ودهن الحروف بي الطل

وإنت البعيد في القيف

جايك دعاش الفل

:
:

بادي الحبيب يا سلام على روعة نضيمك
والله مشتاقين ..
عروة ،،،

اترقب الفرح البجيك لولاي

ولازِم هواك القييف

انضم عِقيد الشوق مع حرفك العِريف

شاتر أماني عزول

وأرجاها قمر الصيف

لاقيتا لابسة هواك

راكبة الغمام والنيل

مرسومة بيك يا زول

رقص الفراش طربان

هز الرذاذ بي حنين

ضحك القمر رنان

أشجاه غيم الضل

نزل الخريف البل

بلل مواجع الشوق

ودهن الحروف بي الطل

وإنت البيعد في القيف

جايك دعاش الفل

:
:

بادي الحبيب يا سلام على روعة نضيمك
والله مشتاقين ..
عروة ،،،

عروة ،،
صاحب الحرف والروح،،

فتشت ليك
في نص غناوينا الزمان
وكنت البتقدل
في حشاهن منطرب
ترسم حكاوينا وتلون
أمنيات حبوبة
بالوعد الجميل
بالإلفة دايماً منكرب


سلامات يا صافي
مشتاقك كتير بالحيل
ومفتقدك


زقاق:

أعتذر لتأخر ردي



مرفق :
حبي الكبير شديد
بــــادي

هند يا صديقتي،،

الوحشة نيل..
والإلفة بللت الحلوق
بس شوقي لسع ما رِوى..
..
..
حرفك بهبش في الحشاشات جوة


يا هند ياخي مالك ؟؟



مرفق :
محبة وضل
بـــادي

وانا بندهك دائما حضور
وأسأل جوة فيك عنى
وعارفة الرد
القصة حرفك بختصرالندي
ويحوم فينى ويرك
يازول
بتحترف الحضور
تعرف مسار تفكيري وين

يابادي القصة شبه
والالفة بحر


الله يديك العافية ياخوي

مازي حروفك لابسة سر
لون المكان الفيك
وفيه ..
وصلة حواري الروح
تثكلب في عزا
النجمة الغياب..

سلاما سلاما بادي وهند

كل سنة وانتم بخير

منعم ،،


سر الغنيوات..
إنسجام الفكرة
والروح في طرب..

وسمعنا إنو الغنية طشت
في رؤاك
حفيانة ما هماها شي
هيمانة بتفتش نداك

منعم ،،

حبابك فيني



مرفق :
حبي الكبير
بـــادي

صدحت غناويك فيني يوت
بتزين خراب الروح
وتفتح للرؤى
وتحوم غرف جواتي
بالطرب الجميل
تبقالي قوت
يا زولة فرحك
طاف بالبكانات التشيلك
وزاد عليها الحلة
كُلات البيوت


هند يا صديقتي ،،

سلام عليك
وانتي بتخدري في اليباب



مرفق :
حبي الكبير
بـــادي

جيت أسلم وأطايب

ود بادي .. وينك ياخوي

الشوق بحر والله

أشرت فى شوق قلبى ليك
عن صباحات بلقاها فيم
و ألقاك هنا
احتمالات نكتبها
مشاعر ولون فرح
متسلبط فيك



بادى
مشتاق ..

من وحي الهام الحروف الطاله منك نستنبط البقاء بعنت لسماء غارقه في التكوين..
عامك بنفسجي

رشيدة ،،

ونشهِّدك ..
إنك كما ضل المطر
بأااارد ملفح بالرزاز
وإنك طلَّت ضيوف
يتفقدوا الناس العزاز


يا رشيدة ،،

مدي رقبة الشوق
وتاوقي قدر ما فيك رقراق



مرفق:
شوقي الشديد
بـــادي

معتصم ،،

ومتسلبط فيك
شوقنا وروقنا
ومشوار بالليل
نمشيو نتونس
عن:
كيف النحل سد المداخل
وعطن الوحل
كل المنافذ والدروب

ياخي معقولة..
بتمشي من غير تقول سلام ..


معتصم،،

ودين أمي فاقدك



مرفق:
كل الأماني التشتهيك
بــــادي

نهلة ،،

أيادي السلام
تشحتف رويحة الكلام
التمد التحية..
جميلة وندية
كعادة زهور الخريف
حين يفرهد وشيّا


نهلة ،،

ياخي إزييييييك شديد
ومشتهيك جدن


مرفق :
حبي الكبير شديد
بـــادي

جدلية روح
اللوحة
في لون
قصة
فنسنت فان جوخ
الرجل ذو الغليون
سندروم اللغط
التوحد العاطفي
او أرسيولا
الهوس الديني

http://www.arabbeat.com/i/3rd/finearts.htm

(مات معدما، هزيلا، نحيلا، مهووسا،
بعد أن طارده المرض وقذف به إلى مصحة عقلية،
مات فان جوخ ليبدأ العالم تذكره
وكتابة اسمه في قائمة الخالدين بأعمالهم ..
الآن لوحاته لا تقدر بملايين الدولارات ..
وهو كان يعيش أياما بأكملها على رغيف خبز واحد .. !)

تحميل الاغنية يضاهيه سخافة
حاجات كتيرة عموما
اللنك رضي عنا
http://www.youtube.com/watch?v=nkvLq0TYiwI

z lyrics


Starry, starry night
Paint your palette blue and grey
Look out on a summer's day
With eyes that know the darkness in my soul
Shadows on the hills
Sketch the trees and the daffodils
Catch the breeze and the winter chills
In colors on the snowy linen land

Now I understand what you tried to say to me
How you suffered for your sanity
How you tried to set them free
They would not listen, they did not know how
Perhaps they'll listen now

Starry, starry night
Flaming flowers that brightly blaze
Swirling clouds in violet haze
Reflect in Vincent's eyes of china blue
Colors changing hue, morning field of amber grain
Weathered faces lined in pain
Are soothed beneath the artist's loving hand

Now I understand what you tried to say to me
How you suffered for your sanity
How you tried to set them free
They would not listen, they did not know how
Perhaps they'll listen now

For they could not love you
But still your love was true
And when no hope was left in sight
On that starry, starry night
You took your life, as lovers often do
But I could have told you, Vincent
This world was never meant for one
As beautiful as you

Starry, starry night
Portraits hung in empty halls
Frameless head on nameless walls
With eyes that watch the world and can't forget
Like the strangers that you've met
The ragged men in the ragged clothes
The silver thorn of bloody rose
Lie crushed and broken on the virgin snow

Now I think I know what you tried to say to me
How you suffered for your sanity
How you tried to set them free
They would not listen, they're not listening still
Perhaps they never will

Quote: أيادي السلام تشحتف رويحة الكلام التمد التحية.. جميلة وندية كعادة زهور الخريف حين يفرهد وشيّا

وامد السلام
يقالد ايديك
ويبادلك تحية
حنينة وندية

يااا سلام ..

مساحة إبداع مُدّفق


تحايايّ