Post: #1
Title: مواقــــف......... طــريــفة.......و محــرجة
Author: بكري عباس علي
Date: 01-05-2010, 07:52 PM
مرات كتير بنمر بمواقف ممكن تكون طريفة او محرجة وكل زول لازم يكون مر بواحد من هذه المواقف
|
Post: #2
Title: Re: مواقــــف......... طــريــفة.......و محــرجة
Author: بكري عباس علي
Date: 01-05-2010, 07:54 PM
Parent: #1
حابدا ليكن انا بموقف طريف ومحرج مر بي قبل فترة
|
Post: #3
Title: Re: مواقــــف......... طــريــفة.......و محــرجة
Author: بكري عباس علي
Date: 01-05-2010, 08:24 PM
Parent: #2
مرة كنت في محاضرة مهمة في احدي الدورات التدريبية الخاصة بالعمل والمحاضرة كانت في قاعة ضخمة لاحدي الفنادق الخمس نجوم وكان الحضور كبيرا لاهمية المحاضرة والمحاضر منهمك في الشرح وهو يستعمل
جهاز برجكتور للايضاح لذلك كانت القاعة نصف مظلمة وكل الضوء مركز علي البقعة التي يتواجد فيها المحاضر
ونسبة لطول مدة المحاضرة وملل القعدة انسحبت بكل هدوء قاصدا الحمام بدون ما ازعج اي شخص تفاديا لتشتيت الانتباه واغلقت الباب خلفي بكل هدوء وسالت احد عمال الفندق عن الحمام (وكان نيباليا علي ما اعتقد وطبعا لغة التفاهم صعبة مع هؤلا القوم )وبعد جهد فهمت منه ان امشي يمين وبعدها يمين ثم شمال وكان الممر طويلا وخاليا من اي شخص لما وصلت المكان الذي اوصفه لي العامل وجدت بابين احدهم علي اليمين والاخر شمالا وكل البابين لا توجد عليهم ما يفيد بانه الحمام ولكن لاحظت ان الباب الذي علي اليمين موارب قليلا فاعتقدت بانه الحمام فتوكلت علي الله ودفعت الباب بكل قوة مطمئنا
فاصدر الباب صريرا مزعجا ووجدت نفسي في مقدمة قاعة المحاضرة بجانب المحاضر الذي اصيب بالدهشة العارمة ووجدت كل الانظار متوجهة نحوي والاضاءة مسلطة علي وكل من في القاعة يضحكوا حتي المحاضر انفقع معاهم بالضحك
طبعا الموقف كان محرج جدا بالنسبة لي وما قدرت ارجع القاعة لاني انا زاتي كنت بضحك في روحي ونسيت الحمام وعلي طول لعربيتي ومشيت البيت (كان عندي اوراق بتاعت المحاضرة نسيتها ليك فجابها لي واحد زميلي ) وسالته كيف باقي المحاضرة قال لي والله بعد منظرك دا الفي راسنا كله ضاع مننا بسبب الضحك
|
Post: #4
Title: Re: مواقــــف......... طــريــفة.......و محــرجة
Author: بكري عباس علي
Date: 01-05-2010, 08:32 PM
Parent: #3
يلا اي زول فيكم عنده موقف طريف ولا محرج يجي يحكيهو
|
Post: #5
Title: Re: مواقــــف......... طــريــفة.......و محــرجة
Author: بكري عباس علي
Date: 01-06-2010, 06:11 AM
Parent: #4
ساعود لاحكي لكم عن موقف اخر طريف
|
Post: #6
Title: Re: مواقــــف......... طــريــفة.......و محــرجة
Author: mayada kamal
Date: 01-06-2010, 06:40 AM
Parent: #5
الاخ بكري
كل سنة وانت طيب
| Quote: مواقــــف......... طــريــفة.......و محــرجة |
الموقف الحاكيه دا ربما يطفش مني الجكس وكدا
ههههههههههههه
لكن هو حقيقي حصل معاي
يوم وانا راجعة من المركز بالمواصلات (هايس)
قعد جنبي ولد
وقعد يشاغل وبدون مؤاخذة يتلاصق في الزول
فانا تضايقت جدا
قمت للمرة الاولى نبهته بي ذوق انو يحترم المركبة العامة اللي نحن راكبين فيها
فالمسكين فاكرني زي بنات حاخاف واسكت ليه
او اقل تقدير حاقبل بي حركاته دي خوفا من كلام الناس وكدا
لمن كررها
قمت زهجت ليك ووقفت على حيلي
وقلت ليه: ياخي انت ما بتفهم
ورفعت البونية في وشه.... وهو عشان يتفادي الضربة قام رفع راسه
البونية جاته في نخرته
ولمن زحى يده من نخرته ولقاها كابة الدم
قعد يبكي ويكورك
انا داير حقي... والا امشي القسم وووووووو
ضربت لي الحاج ابوي تلفون : يا حاج في ولد عمل لي كدا كدا وانا اديته بونية كب الدم من نخرته
وهو مصر يمشي القسم... عشان ما يقلقوا علي وكدا
المهم.......
بتاع الحافلة مييييييت من الضحك
ومع اصرار الشاب الاخذ بونية مني
مشينا القسم الجنوبي
خشينا للضابط المناوب
الضابط قايلني انا الشاكية : وقام نهرني
في شنو يابت دايرة شنو
رديت ليه بي صوت اعلى من صوته
ما اسمي يا بت
على اقل احترام تقول لي يا اخت
وبعدين سؤالك دا ما لي
اسال الشاب الاصر نجي معاه القسم
استغرب والتفت على الشاب
وبادر الشاب بي حكايته
بالله الضابط ما خلاه يتم كلامه
اداه ليك محاضرة في الاخلاق والاصول
قال ليه ما بتخجل كمان جاي تفتح بلاغ
المهم الولد خجل
انا جاني تلفون
اتلفت جيت لقيت الولد طلع
وبالتالي البلاغ ما اتفتح
رجعنا الحافلة لقيت الولد قاعد فيها
انا قلت اتم موقفي وكدا
قلت ليهم ما بركب قبل ما ينزل الولد دا
عشان تاني يتادب ويتعلم
الغريبة الولد خجل ونزل طوالي
|
Post: #7
Title: Re: مواقــــف......... طــريــفة.......و محــرجة
Author: بكري عباس علي
Date: 01-06-2010, 10:18 AM
Parent: #6
ميادة بتاعة الملاكمة
ازيك
Quote: ورفعت البونية في وشه.... وهو عشان يتفادي الضربة قام رفع راسه
البونية جاته في نخرته
ولمن زحى يده من نخرته ولقاها كابة الدم
قعد يبكي ويكورك |
احسن حاجة عملتيها معاهو عشان تاني ما يضايق بنات الناس ويبطل الحركات البايخة دي
شكرا علي المرور
|
Post: #8
Title: Re: مواقــــف......... طــريــفة.......و محــرجة
Author: وجدان جمال
Date: 01-06-2010, 11:10 AM
Parent: #7
Quote: ورفعت البونية في وشه.... وهو عشان يتفادي الضربة قام رفع راسه البونية جاته في نخرته
ولمن زحى يده من نخرته ولقاها كابة الدم
يستاهل ...
|
Post: #9
Title: Re: مواقــــف......... طــريــفة.......و محــرجة
Author: Akram Omara
Date: 01-06-2010, 04:25 PM
Parent: #8
والله بالغ
انتى الزول ده ماقاعد يقرا سودانيزاونلاين ولا شنو?
تحياتى اخت مياده وللاخ بكري.
|
Post: #10
Title: Re: مواقــــف......... طــريــفة.......و محــرجة
Author: mayada kamal
Date: 01-06-2010, 04:46 PM
Parent: #9
Quote: انتى الزول ده ماقاعد يقرا سودانيزاونلاين ولا شنو?
|
أستاذ Akram Omara
قصدك وصلني 
بالله ما تكلم زول
عشان ما تطفش الجكس وكدا
اصلوا شباب الايام دي ما بحبوا البنت القوية 
|
Post: #12
Title: Re: مواقــــف......... طــريــفة.......و محــرجة
Author: Akram Omara
Date: 01-06-2010, 05:02 PM
Parent: #10
الاستاذه مياده تحيه ثانيه
والله يامياده مبسوط وعافي منك تب ,تعرفي لو ماجات في نخرته ماكانت بتكون تمام.سرك فى بئر وتسلمي انشاءالله
اكرم
|
Post: #14
Title: Re: مواقــــف......... طــريــفة.......و محــرجة
Author: mayada kamal
Date: 01-06-2010, 05:40 PM
Parent: #8
مساء الخير اخت وجدان جمال
موووش كدا عليك الله
|
Post: #11
Title: Re: مواقــــف......... طــريــفة.......و محــرجة
Author: mayada kamal
Date: 01-06-2010, 05:00 PM
Parent: #7
Quote: احسن حاجة عملتيها معاهو عشان تاني ما يضايق بنات الناس ويبطل الحركات البايخة دي
|
هل تفتكر البعملوا زييي كدا كتار
ما افتكر
ربما لعوامل كتيرة
اولا عامل الخوف الجوا البنات
تانيابالذات لو البنت كانت راجعة بعد المغرب
طوالي بيوصلها كلام الناس وبيغلطوها هي
انتي راجعة بليل ليه
ووووووووووووووووو
ثالثا دائما البنات بيفضلن يقطعوا في مصاارينهن خوفا بدل ما يواجهه الخطر دا
|
Post: #13
Title: Re: مواقــــف......... طــريــفة.......و محــرجة
Author: بكري عباس علي
Date: 01-06-2010, 05:23 PM
Parent: #11
| Quote: هل تفتكر البعملوا زييي كدا كتار |
والله يا ميادة لو كل البنات بعملوا كدا ما كان في واحد اتجرا وعمل عملة دنيئة زي دي تاني
سلمت يداك
|
Post: #15
Title: Re: مواقــــف......... طــريــفة.......و محــرجة
Author: haroon diyab
Date: 01-06-2010, 06:05 PM
Parent: #13
انتو تعالو....
الهايس دي سايقه منو....؟
بكري ولا مياده
المهم....
ازيكم
|
Post: #16
Title: Re: مواقــــف......... طــريــفة.......و محــرجة
Author: بكري عباس علي
Date: 01-06-2010, 08:24 PM
Parent: #15
هارون
Quote:
انتو تعالو....
الهايس دي سايقه منو....؟
بكري ولا مياده
|
شراكة يا عمك
وشغالين فيها ورديات
|
Post: #17
Title: Re: مواقــــف......... طــريــفة.......و محــرجة
Author: بكري عباس علي
Date: 01-07-2010, 05:17 AM
Parent: #16
موقف اخر
في بداية التسعينات وعندما اكملنا امتحانات الشهادة وقبل الدخول للجامعة كان من المفروض ان ناخد ( دورة عسكرية قصيرة لمدة خمسة واربعين يوم ( الدفاع الشعبي )
فمشينا للمعسكر وكان في منطقة القطينة وكما هو معلوم فان هناك فرق كبير بين الحياة المدنية والعسكرية يعني هناك فرق كبير في نوعية الاكل والنوم وصعوبة التدريب المهم بعد اسبوعين من التدريب الشاق والاكل الما بتبلع ( فول حاف بالعطرون وعدس بالحصحاص وملاحات تقول عاملينها من صفق شجر اللبلاب) طبعا مافي مقارنة مع الفطور ايام دراستنا في مدرسة بحري الحكومية فكنا في قمة الدلع بحكم قرب المدرسة من سوق بحري العامر يوم الفطور في هافانا( كفتيريافخمة) بسوق بحري حيث سندوتشات البرقر والشاورمة والتحلية والباسطات والعصائر وفي حالة الفلس نمشي مطعم العم عبد السلام الدنقلاوي حيث الفول المدنكل بزيت السمسم والجبنة والشمار
المهم بعد اسبوعين من القفلة من المعسكر والزهج من اكله البايخ قررنا نقد السلك ( نهرب ) الي مدينة القطينة لنغير جو شوية من اكل وجو المعسكر وقد كان فتسللنا بعد المغرب الي المدينة ومشينا لمطعم مطرف وهاك يا خمج ( فول مدنكل وشية وببسي وباسطة وعييك لمن غلبنا المشي وكانت المسافة ما قريبة
اها ونحنا راجعين للمعسكر نشوف ليك عربية ماشة في طريقنا فاشرنا ليها وبحكم انه الدنيا ضلام ما عرفنا الزول السايقها وبعد ما وقف لينا نلقي ليك السواق طلع الملازم عبدالله نائب قائد المعسكر
وكان من اصعب الضباط ما قال حاجة غير اركبوا بعد ما شافنا دايرين نكب الزوغة وكان منظرنا فاشل
فقعد يتونس معانا وكبر لينا راسنا انتو شفوت والعسكرية تصرف عشان يطمنا وكان بعاين لينا كويس لغاية ما اطمنا
اها تاني يوم وفي طابور الصباح نشوف ليك زولنا جاي علينا ومرقنا ليك واحد واحد وتعال شوف يا بهدلة
اول حاجة حلق لينا صلعة من جديد بعد ما بدا الشعر يقوم ووقوف في مطار صدام يوم كامل في البرد وغايتو كان يوم اغبر
|
Post: #18
Title: Re: مواقــــف......... طــريــفة.......و محــرجة
Author: mayada kamal
Date: 01-07-2010, 05:29 AM
Parent: #15
استاذ هارون
كل سنة وانت طيب
وسنة سعيدة عليك ان شاء الله
Quote: انتو تعالو....
الهايس دي سايقه منو....؟
بكري ولا مياده
المهم....
ازيكم |
عارفة نفسي شلييييييييييييقه
|
Post: #19
Title: Re: مواقــــف......... طــريــفة.......و محــرجة
Author: بكري عباس علي
Date: 01-07-2010, 03:01 PM
Parent: #18
ميادة
هارون دا ما تشتغلي بيهو دي شلاقة منو ساي
|
Post: #20
Title: Re: مواقــــف......... طــريــفة.......و محــرجة
Author: بكري عباس علي
Date: 01-07-2010, 09:55 PM
Parent: #19
الاخت وجدان
شكرا علي المرور
|
Post: #21
Title: Re: مواقــــف......... طــريــفة.......و محــرجة
Author: احلام وهبي
Date: 01-07-2010, 10:36 PM
Parent: #20
اها يا بكري اتم ليك باقي القافه هنا
اول يوم مشت الشغل وبيعرفوني بباقي الزميلات في واحده قالت كانت دفعه امي في المدرسه وانا طوالي قمت قلت ليها بالله انت دفعه امي اكيد بتك برضو انا حاكون دفعتا المره طنشتني وما ردت علي ولما مشيت البيت وكلمت امي وقلت ليها فلانه قالت كانت دفعتك في المدرسه وانا قلت ليها بتك اكيد قرت معاي لقيت ليك امي بتعاين لي بدهشه وبتقول لي يا بت انتي هبله اي واحده قرت معاي خلاس يعني بالضروره بناتم يكونوا دفعتك انتي بتتكلمي مالك زي الراميك جمل . وبعد داك عرفت انو زميلتي في الشغل لم تتزوج بعد . اها يا بكري شوفته القافه دي كيف .
|
Post: #22
Title: Re: مواقــــف......... طــريــفة.......و محــرجة
Author: بكري عباس علي
Date: 01-08-2010, 10:02 AM
Parent: #21
شكلك كده يا احلام زولة كارثة
زكرتني بقصة واحد قالوا مشي زيارة لي واحد صاحبو وبعد السلام وكده قال ليهو اها وكيف الوالد ؟
ولما تذكر انه والد صاحبو متوفي من فترة ما لقي حاجة يقولها
قال ليهو لسه في المقبرة القديمة
|
Post: #23
Title: Re: مواقــــف......... طــريــفة.......و محــرجة
Author: بكري عباس علي
Date: 01-08-2010, 03:56 PM
Parent: #22
الاخ اكرم عمارة
كيفك
ياخ الصين العجيبة دي لازم يكون حصل ليك فيها موقف يلا تعال احكي لينا
|
Post: #24
Title: Re: مواقــــف......... طــريــفة.......و محــرجة
Author: بكري عباس علي
Date: 01-08-2010, 10:26 PM
Parent: #23
المعذرة للتكرار
المعذرة للتكرار
|
Post: #25
Title: Re: مواقــــف......... طــريــفة.......و محــرجة
Author: فايزودالقاضي
Date: 01-08-2010, 10:52 PM
Parent: #24
بكري البرلوم ..ٍسلامات ..
سنة 1999م سمعت بوفاة والدة صلاح سليمان فلمن قابلته قمت رشيتو بفاتحة كاربة وفيها خشوع.. واعتذرت ليه باني سمعت وفاة والدته متأخر فقام قال لي بالله يافايز من سنة 1983م ماسمعت الا هسي ؟!!!!...استغربت !! فقال لي يافايز والدتي اتوفت ليها 26 سنة .. فقلت ليه طيب الماتت دي منو ؟!! ... قال لي انا البسألك الاديناها الفاتحة دي منو ؟!!! انا عارف ؟!!!
وكل مايقابلني يقول لي يافايز اها مالقيت صاحبة الفاتحة ؟!!!
|
Post: #26
Title: Re: مواقــــف......... طــريــفة.......و محــرجة
Author: بكري عباس علي
Date: 01-09-2010, 05:22 AM
Parent: #25
ود القاضي
سلامات ..
والله دي بالغت فيها 26 سنة يا مفتري
|
Post: #27
Title: Re: مواقــــف......... طــريــفة.......و محــرجة
Author: Akram Omara
Date: 01-09-2010, 07:13 AM
Parent: #26
يابكري سلامات
ياخي والله مع الامتحانات و االبرد امورنا ملخبطه شويه,
طبعا يابكري معظم المواقف هنا بتجي من اللغه ولون بشرتك والاكل وتشابه الصينين خصوصا لمن تكون جديد في البلد,يعني لو مواعد ليك صيني وواقف راجيه في الشارع,الشارع كله حيبقي ليك زولك ده ذاته الا بعد تقدم شويه حتبدا تعرف تفرقم لكن المشكله انك حتبدا تلخبط في السودانيين هههه.
اها انا مره دخلت مطعم الجامعه مع استاذتنا وانا جديد كرت قعدنا اتكلمنا شويه اها انا قمت اجيب حاجه اكلها وجيت راجع ختيت صينيتي وقعدت اكل وانضم معاها وهي ساكته ساي و بتعاين وراي ,انا قلت الزوله دي ياربي مالها ,قبلت وراي لقيت واحد شايل صينيته وواقف يكشف لي ,انا مافهمت الحاصل لكن شلت اكلى براحه وانسحبت قايم ومخلوع اها لمن وقفتا واحده من هناك تنادينى اكلان اكلان لاحول ولاقوه الابالله ياها استاذتى ذاتها.انا لحدي ماقمت من ديك انا قايلها هي ذاتها,يازول اخوك من اليوم داك بقي بركز مع الهدوم اكتر.وطبعا ناس تناديك اكلان وناس الكوم وغايتو.اها يابكري بفضي واجيك برواقه
|
Post: #28
Title: Re: مواقــــف......... طــريــفة.......و محــرجة
Author: بكري عباس علي
Date: 01-09-2010, 02:57 PM
Parent: #27
اكرم
زي ما قلت ناسك ديل صعب تفرزهم بس خليك مركز مع الهدوم
تحياتي
|
Post: #29
Title: Re: مواقــــف......... طــريــفة.......و محــرجة
Author: د.يوسف محمد طاهر
Date: 01-09-2010, 06:33 PM
Parent: #28
بوست حلو ... المواقف المحرجة ما أكثرها , وخاصةً للذين يعيشون خارج السودان ...
اذكر وأنا صغير كنت بفتكر أي زول سمين دا ( نميري )
|
Post: #30
Title: Re: مواقــــف......... طــريــفة.......و محــرجة
Author: بكري عباس علي
Date: 01-09-2010, 06:39 PM
Parent: #29
دكتور يوسف
| Quote: ]اذكر وأنا صغير كنت بفتكر أي زول سمين دا ( نميري ) |
الظاهر الراجل دا (الله يرحمه) كان هارش الناس هرشة شديدة
|
Post: #31
Title: Re: مواقــــف......... طــريــفة.......و محــرجة
Author: بكري عباس علي
Date: 01-09-2010, 09:28 PM
Parent: #30
Quote: طبعا يابكري معظم المواقف هنا بتجي من اللغه ولون بشرتك والاكل وتشابه الصينين خصوصا لمن تكون جديد في البلد,يعني لو مواعد ليك صيني وواقف راجيه في الشارع,الشارع كله حيبقي ليك زولك ده ذاته الا بعد تقدم شويه حتبدا تعرف تفرقم لكن المشكله انك حتبدا تلخبط في السودانيين هههه.
|
اكرم
كلامك د طبعا ذكرني السوداني المشي اشتغل سواق تاكس في الصين
|
Post: #32
Title: Re: مواقــــف......... طــريــفة.......و محــرجة
Author: بكري عباس علي
Date: 01-10-2010, 02:38 PM
Parent: #31
في عضو معانا هنا حكي لي موقف طريف حصل له مع الكابتشينو ووعدني بان يحكيه لكم هنا
انا في انتظاره واذا لم يوف بوعده سوف احكيه لكم انا ولكن الكلام سمح في قلم سيدو
|
Post: #33
Title: Re: مواقــــف......... طــريــفة.......و محــرجة
Author: بكري عباس علي
Date: 01-10-2010, 05:52 PM
Parent: #32
في انتظارك
|
Post: #34
Title: Re: مواقــــف......... طــريــفة.......و محــرجة
Author: Akram Omara
Date: 01-11-2010, 05:18 AM
Parent: #33
بكري سلامات
| Quote: كلامك د طبعا ذكرني السوداني المشي اشتغل سواق تاكس في الصين |
و الله زولك ده بالغ لكن.
كدي ورينا حصل عليه شنو.
|
Post: #35
Title: Re: مواقــــف......... طــريــفة.......و محــرجة
Author: بكري عباس علي
Date: 01-11-2010, 06:06 AM
Parent: #34
اكرم
Quote:
.و الله زولك ده بالغ لكن.
كدي ورينا حصل عليه شنو |
زولنا ده بالغ جنس بوليغ
طبعا قالو سوداني مشي يشتغل تكاسي في ا لصين اها وبحكم انو الجماعة ديل كلهم متشابهين كل ما ينزل واحد ويجي يركب التاني يلقاهو بشبه النزلوا اول اها يشبكوا ليك ( ها جنا هسي دي انا ما نزلتك )
|
Post: #36
Title: Re: مواقــــف......... طــريــفة.......و محــرجة
Author: بكري عباس علي
Date: 01-11-2010, 03:55 PM
Parent: #35
زولنا دا ماجاء عايزني احكي ليكم ولا شنو
|
Post: #37
Title: Re: مواقــــف......... طــريــفة.......و محــرجة
Author: بكري عباس علي
Date: 01-12-2010, 05:13 PM
Parent: #36
الانذار الاخير
|
Post: #38
Title: Re: مواقــــف......... طــريــفة.......و محــرجة
Author: خالد سند
Date: 01-13-2010, 12:48 PM
Parent: #37
سلام المتداخلون/ات
| Quote: اول يوم مشت الشغل وبيعرفوني بباقي الزميلات في واحده قالت كانت دفعه امي في المدرسه |
والله يا احلام قدر مازغت من لقافتك دي لقيتها قدامي
وانتي كان ما ملقوفة تشتغلي مع دفعة امك
لقافتك عينة
تحياتي
|
Post: #39
Title: Re: مواقــــف......... طــريــفة.......و محــرجة
Author: بكري عباس علي
Date: 01-13-2010, 03:47 PM
Parent: #38
خالد سند
كيفك
لقافة احلام دي مفروغ منها كدي تعال احكي لينا موقف طريف محرج انشاالله نكته
ما ممكن تجي وتمشي كدة ساي
شكرا علي المرور
|
Post: #40
Title: Re: مواقــــف......... طــريــفة.......و محــرجة
Author: خالد سند
Date: 01-14-2010, 12:48 PM
Parent: #39
يا بكري قالو اللقافة بتعادي عشان كده ما حبيت اطول وحاولت اكب الزوغة
احرج موقف مريت بيهو
سافرت مع صاحبي مدني وقبل السفر اشترطت علي صاحبنا انه يديني قروش اختها في جيبي لاني كنت عاطل ومفلس وما ح اتصرف فيها وارجعها ليهو ونحن جايين ... هو قام اصر انه جيبنا واحد ومافي مشكلة .. انا غايتو اتوكلت ومشينا قضينا تلاتة ايام في كرم شديد وانا لقيت الجكس النضيف وهاك يارشاقة ونكات .. المهم بقيت نجم الساحة وبقي في استلتطاف من بت عمة صاحبنا الشديدة .. ولما بقينا راجعين بت عمتو النجاضة فالت جاية معانا الخرطوم ... قلت لي صاحبنا ما قلت ليك جيب حاجة وانت اصلك ح تدفع فما تخرب لي ( الصورة الذهنية ) الاجتهدت في تكوينها وكده .. هو اصر علي موقفو لانو شايف ما في مشكلة
اول مواصلات ركبناها علي السوق ركب صاحبنا اول وبعدو بت عمتو وانا جيت بعديهم وكلنا في كراسي النص .. بقيت انا في مواجهة الكمساري ...لما طقطق داير حقو اتلفت لي صاحبنا وانا في غاية الاحراج قام مد القروش لي قريبتو وسلمتني ليها اديت الكمساري ولا استطيع ان اصف شعوري لانو خلاص بقيت زول ساي
ح ارجع واتم ليك
|
Post: #41
Title: Re: مواقــــف......... طــريــفة.......و محــرجة
Author: بكري عباس علي
Date: 01-14-2010, 03:53 PM
Parent: #40
خالد سند
ماعايز اسبق الاحداث
لكن صاحبك الغتيت لمن انفردت بيهو ما اديتو بنيه في مناخيرو
|
Post: #42
Title: Re: مواقــــف......... طــريــفة.......و محــرجة
Author: بكري عباس علي
Date: 01-16-2010, 11:29 AM
Parent: #41
خالد
يلا ما تتاخر
|
Post: #43
Title: Re: مواقــــف......... طــريــفة.......و محــرجة
Author: خالد سند
Date: 01-16-2010, 12:58 PM
Parent: #42
لما وصلنا الخرطوم وفي السوق الشعبي كنت في غاية الاحباط حتي ان صاحبي وقريبتو الشديدة لاحظو اني متغير وكل خفة الدم ديك تلاشت والدم الخفيف بقي اتقل من قرادة ... نظرت لصاحبنا نظرات فهم معناها الا ان الجكسوية كانت مسطحة لكن بالنسبة ليها انا طلعت فارة ولسان بس .. وكانت الطامة بعد جماعتي ديل لاقو اتنين قرايبهم من مدني .. كده بقينا خمسة - الرقم ده مهم - اصر قرايب اصحابي ديل يعزمونا بارد ... طبعا انا اعتذرت وفي حقيقة الامر ما كان في اي نفس تاكل ولا تشرب وقعدت بعيد ... المهم بعد انتهو من الونسة وماشين علي المواصلات الوقت داك انا كروتي كلها اتحرقت وبقي ما عندي حاجة خايف عليها خاصة وانو واحد من الاثنين استلم الجكسوية بالونسة والضحك وبالمناسبة هو ذات الزول الاصر علي العزومة وصاحبنا داك بقي مع قريبو وانا لوحدي ما شي وراهم وانتهي بينا المشي امام الطراحات البتمشي ميدان القبة الخضرا ... ركبنا جميعنا تمينا الطرحة ولما وصلنا الخرطوم نزلنا... وكان الترتيب كالاتي في الاول صاحبي وقريبو وبعدهم انا ثم الجكسوية خالطها قريبها في الاخير .... فجاة سواق التاكسي كورك يا شاب ... يا شاب انا سامعو لكن ما اتخيلت انو قاصدني اتلفتت ليهو الجكسوية وقال ليها الماشي قدامك ده فنادتني وقالت لي الزول ده بتكلم معاك ووقفت تتفرج ولما انتبهت قال لي شنو يا تعال ادينا قروشنا لم اتمالك نفسي واعصابي فصرخت في صاحبنا تعال ادي الزول ده قروشو ... وفي الواقع ان الاجرة دفعها الزول الخرت مني الجكسوية .
من اليوم داك قررت انو لو ماشي الحمام اشيل معاي قروش
|
Post: #44
Title: Re: مواقــــف......... طــريــفة.......و محــرجة
Author: بكري عباس علي
Date: 01-16-2010, 07:03 PM
Parent: #43
ياخي يا خالد مبالغة لكن
مفلس وعايز تجكس كمان
|
Post: #45
Title: Re: مواقــــف......... طــريــفة.......و محــرجة
Author: خالد سند
Date: 01-17-2010, 11:16 AM
Parent: #44
المهم الاخلاق هههههههههه
|
Post: #46
Title: Re: مواقــــف......... طــريــفة.......و محــرجة
Author: بكري عباس علي
Date: 01-17-2010, 08:50 PM
Parent: #45
| Quote: من اليوم داك قررت انو لو ماشي الحمام اشيل معاي قروش |
عين العقل
|
Post: #47
Title: Re: مواقــــف......... طــريــفة.......و محــرجة
Author: بكري عباس علي
Date: 01-18-2010, 06:46 PM
Parent: #46
كما وعدتكم فسوف احكي لكم موقف صاحبنا مع الكابتشينو لانه اخلف بوعده
|
Post: #48
Title: Re: مواقــــف......... طــريــفة.......و محــرجة
Author: بكري عباس علي
Date: 01-23-2010, 03:01 PM
Parent: #47
روي لي صديقي ( الذي اخلف وعده ) بانه في مرة من المرارير كان ينتظر احد الاصدقاء في احد الكافيهات
الراقية ولما تاخر عليه ذلك الصديق كعادة السودانيين فكر بان يطلب احد المشاريب فاتاه الجرسون بالمنيو وكانت تحتوي علي كثير من الاصناف الجديدة عليه وقتها ففكر يجرب حاجة جديدة وكان ان اختار الكابتشينو بالكريمة
واتي له الجرسون بالكابتشينو وطبعا الكريمة موجودة فوق وصاحبنا بدا يشفط فيها الي ان خلصت الكريمة ولسوء حظه حاول صاحبنا ان ياخد شفطة كبيرة وطبعا الكابتشينو تحت حار نار الله الموقدة وطبعا صاحبنا حكايتو باظت لانه ما قدر يتحمل اللسعة الحارة ولسوء حظه كان في اجنبي قاعد في الكرسي المقابل في نفس الطاولة وعينك ما تشوف الا النور لانه صاحبنا ما قدر يتحمل الكابتشينو الحار ومباشرة تخلص من الشفطة الكبيرة وكلها جات في هدوم ذلك الاجنبي المسكين الذي اصبح حاله يحنن وصاحبنا قال من اليوم داك بطل الشلاقة وبقي ما بطلب غير شاي بس
|
Post: #49
Title: Re: مواقــــف......... طــريــفة.......و محــرجة
Author: بكري عباس علي
Date: 01-26-2010, 04:53 PM
Parent: #48
*
|
Post: #50
Title: Re: مواقــــف......... طــريــفة.......و محــرجة
Author: بكري عباس علي
Date: 01-30-2010, 11:51 AM
Parent: #49
up
|
Post: #51
Title: Re: مواقــــف......... طــريــفة.......و محــرجة
Author: بكري عباس علي
Date: 01-31-2010, 05:23 PM
Parent: #50
*
|
Post: #52
Title: Re: مواقــــف......... طــريــفة.......و محــرجة
Author: بكري عباس علي
Date: 01-31-2010, 05:24 PM
Parent: #50
*
|
Post: #53
Title: Re: مواقــــف......... طــريــفة.......و محــرجة
Author: heba Elmahi
Date: 01-31-2010, 10:58 PM
Parent: #52
يا بــكــري ســلام
أحكي ليك لقافة ( علي قول أحلام ) واحدة قريبتي ..
في احد ايام عيد الاضحي في السودان في البيت الكبير و بعد هليمانة الفطور و الشيات و الذي
منه خطر لينا نقوم نمشي نزور الجيران و بعد ما قررنا نمشي لناس محددين لقينا الساعة 3 تقريبا"
و الوقت اكيد مزعج ، بعد داك قلنا خلاص ننتظر نمشي بعد العصر و قعدنا نتم الونسة و الشمارات
و فجاءة الباب يدق و يكون الضيوف هم نفس الناس المفروض كنا نمشي نزورهم و اثناء السلام و كل سنة
و انتو طيبين تتشالق بت عمي و تقول ليهم والله هسسسة كنا عاوزين نجيكم لكن لقينا الوقت ما مناسب !
إتخيلوا البنات و أمهم دخلوا في اضافرينم و قعدوا يعتذروا فعلا" والله الوقت ما مناسب و معليش أعذرونا
أصلنا لافين من قبيل علي الجيران و كدة ..
بعد ما مشوا كلنا قمنا نلوم فيها البت المطرطشة دي أها شفت ليك لقافة اكتر من كدا؟
|
Post: #54
Title: Re: مواقــــف......... طــريــفة.......و محــرجة
Author: بكري عباس علي
Date: 02-01-2010, 04:48 AM
Parent: #53
هبة الماحي
كيفك
بت عمك لاحقة زولتك الحلفاوية ديك .... اكيد عارفاها
|
Post: #55
Title: Re: مواقــــف......... طــريــفة.......و محــرجة
Author: بكري عباس علي
Date: 02-08-2010, 08:23 PM
Parent: #54
*
|
Post: #56
Title: Re: مواقــــف......... طــريــفة.......و محــرجة
Author: بكري عباس علي
Date: 02-12-2010, 06:05 PM
Parent: #55
موقف محرج فعلا انك تقعد ترفع في البوست براك ولا في زول يهببوا ليك
عليكم الله دا ما موقف محرج براهو ؟
|
Post: #57
Title: Re: مواقــــف......... طــريــفة.......و محــرجة
Author: بكري عباس علي
Date: 02-13-2010, 07:45 PM
Parent: #56
فوق
|
Post: #58
Title: Re: مواقــــف......... طــريــفة.......و محــرجة
Author: عادل سهل
Date: 02-13-2010, 08:50 PM
Parent: #57
مرحبا بكرى ، والله متابعين المواقف الطريفة وشارطنا الضحك بس اطرف موقف انا شوفته موقف أختنا مياده كمال دا:
Quote: ضربت لي الحاج ابوي تلفون : يا حاج في ولد عمل لي كدا كدا وانا اديته بونية كب الدم من نخرته
وهو مصر يمشي القسم... |
طبعا الطريف البت عاملة فتوة ولكمت ليك اخونا بونية ، لكن لما طارت السكرة ( سكرة الغضب يا ميادة ) وجات الفكرة ، أختنا بدت تحسبها صاح
بحسابات انها بت وكده ، والكلام شكلو دخل الحوش ، الموضوع حايجيب بوليس وشرطة وبلاوى ، فأختنا قالت لازم تستعين بصديق أو بالاحرى اب
وممكن الود دا يطالب بتعويض عن الاذى الجسيم ، وممكن يجيب تقرير طبى انه اصلا ما عنده احساس فى منطقة التلامس السببت البونية دى
فالطرافة فى التبرير الحلو دا:
| Quote: عشان ما يقلقوا علي وكدا |
ميادة انتى نسيتى أنا كنت الضابط البحقق معاكم ، ولما وصلتى القسم لقيتى ابوك سبقك ليه ؟
متابعين . . .
_________________
إســـــــــــتغفر الله العظيم . . .
|
Post: #59
Title: Re: مواقــــف......... طــريــفة.......و محــرجة
Author: بكري عباس علي
Date: 02-14-2010, 08:14 PM
Parent: #58
استاذ عادل سهل
شكرا علي المرور
|
Post: #60
Title: Re: مواقــــف......... طــريــفة.......و محــرجة
Author: أبو عبيدة البصاص
Date: 02-14-2010, 09:12 PM
Parent: #59
تسجيل حضور ومتابعه
|
Post: #61
Title: Re: مواقــــف......... طــريــفة.......و محــرجة
Author: بكري عباس علي
Date: 02-20-2010, 06:48 PM
Parent: #60
ابو عبيدة البصاص
خليك قريب
|
Post: #62
Title: Re: مواقــــف......... طــريــفة.......و محــرجة
Author: بكري عباس علي
Date: 02-21-2010, 06:52 AM
Parent: #61
احكوا
|
Post: #63
Title: Re: مواقــــف......... طــريــفة.......و محــرجة
Author: بكري عباس علي
Date: 02-21-2010, 12:59 PM
Parent: #62
*
|
Post: #64
Title: Re: مواقــــف......... طــريــفة.......و محــرجة
Author: سارة كرودى
Date: 02-21-2010, 01:17 PM
Parent: #63
سيد البوست سلاااام ...
غايتو كنت داير اكتب لى موقف مشاتر لمن قريت كلام الاخت احلام بضحك لمن غلبنى اكتب
Quote: المره طنشتني وما ردت علي ولما مشيت البيت وكلمت امي وقلت ليها فلانه
قالت كانت دفعتك في المدرسه وانا قلت ليها بتك اكيد قرت معاي
لقيت ليك امي بتعاين لي بدهشه وبتقول لي يا بت انتي
هبله اي واحده قرت معاي خلاس يعني بالضروره بناتم يكونوا
دفعتك انتي بتتكلمي مالك زي الراميك جمل . وبعد داك عرفت انو
زميلتي في الشغل لم تتزوج بعد . اها يا بكري شوفته القافه دي كيف . |
كلااام امك عسل عديييل شكله من ناس امدرمان ...
تحياتى وعليك الله يا احلام اكتبى موقف تانى ...
|
Post: #65
Title: Re: مواقــــف......... طــريــفة.......و محــرجة
Author: احلام وهبي
Date: 02-21-2010, 04:41 PM
Parent: #64
الاخت ساره .... تحياتي
انا ما من امدرمان انا حلفاويه من عطبرة .
انا عندي بوست اسمو ملقوفه شوفيهو.
لك احتراماتي
|
Post: #66
Title: Re: مواقــــف......... طــريــفة.......و محــرجة
Author: د.يوسف محمد طاهر
Date: 02-21-2010, 05:31 PM
Parent: #65
سلام - أخي : بكري عباس علي
طبعاً الغربة كلها مواقف محرجة , يعني مما ركبنا الطيارة وغادرنا البلد ما يكاد يمر يوم إلا ويمر بيك موقف حرج . ولكثرة هذه المواقف الحرجة أنستنا المواقف الما محرجة ...
صلينا في مسجد في إسلام أباد أنا وأحد الإخوة ولما سلم الإمام , كان في واحد باكستاني بصلي شمال صاحبي المعاي , قام سأله : are you muslim. رد عليه صاحبي وهو مستغرب للغباء المركب . قال ليهو : لا هندوسي
شكراً بكري
|
Post: #67
Title: Re: مواقــــف......... طــريــفة.......و محــرجة
Author: بكري عباس علي
Date: 02-21-2010, 06:36 PM
Parent: #66
دكتور يوسف
شكرا علي المرور
الباكستانيين ديل ناس طيبين ياخي فيهم شبه كتير من السودانيين في عاداتهم ولبسهم
|
Post: #68
Title: Re: مواقــــف......... طــريــفة.......و محــرجة
Author: ismeil abbas
Date: 02-21-2010, 06:50 PM
Parent: #66
شكرآ بكرى شكرآ د/ يوسف محمدالطاهر..
Quote: صلينا في مسجد في إسلام أباد أنا وأحد الإخوة ولما سلم الإمام , كان في واحد باكستاني بصلي شمال صاحبي المعاي , قام سأله : are you muslim. رد عليه صاحبي وهو مستغرب للغباء المركب . قال ليهو : لا هندوسي
شكراً بكري |
ده رهيب فات شلاقة أختنا إحلام...الله يديكم العافية....
أحرج موقف مره بى حكيتوا قبل كده هنا..ولكن عشان خاطرك يا بكرى....نحكيهو..تانى...
كنت راكب ورا فى أبورجيلة جنب الباب ودائمآ سواقين ابورجيلة ديل مستعجلين..وقف ركبيت بت لابسه إسكرت وبلوزة اول ما ركبت البص قام قومه حاره ألأسكرت بصراحة ماعارف كان حاصل ليهو شنو..إتملص ..وبدت تترنح..أخوك لميت ليك البت وقعدتها فى محلى البت دى فترة مارفعت راسه..أول ماقطعنا الكبرى بتاع أم درمان ومشينا فى شارع ألأربعين حسيت بيها تتململ قلت خلاص محطته قربت وأزيل عنها الحرج...المقعد الجنبها فضى جلست جنبها قالت لى شكرآ ..قلت ليها عفوآ لكن الكلام فى الباقى بتمى كيف؟؟قالت لى عليك الله انزل معاى أمشى جنبى ساى انا بيتنا قريب من الشارع قلت ليها ده كلو هين لوشافونى أهلك وانا معاك بالوضع ده يقولوا شنو؟؟؟إتوكلت ونزلت وربك ستر لحدى ماوصلت...موقف كلما اتذكره يقشعر بدنى لا احب ان ارى شخص محرج أمامى.
|
Post: #69
Title: Re: مواقــــف......... طــريــفة.......و محــرجة
Author: بكري عباس علي
Date: 02-22-2010, 04:03 AM
Parent: #68
اسماعيل عباس
تسلم علي المرور
لكن جنس احراج غايتو
|
Post: #70
Title: Re: مواقــــف......... طــريــفة.......و محــرجة
Author: بكري عباس علي
Date: 02-24-2010, 07:54 AM
Parent: #69
حكي لي احد اصدقائي بانه تعود ان ينادي زوجته ويدلعها بلقب يا منقة وفي مرة كانت زوجته علي وشك الولادة فجاءت نسيبته والدة زوجته الي منزلهم للقيام بمؤازرة ابنتها المهم مرة جاء من العمل محملا باكياس الخضار والعيش وتووش علي المطبخ وكالعادة القي بجملته المعهودة كيف يا منقة ولما التفتت اليه
ليفاجأ بان المنقة هي والدة زوجته ولكنها كانت لابسة توب بتها
|
Post: #71
Title: Re: مواقــــف......... طــريــفة.......و محــرجة
Author: ابراهيم الصغير
Date: 02-24-2010, 10:43 AM
Parent: #70
بكري سلامات ..
بوست جميل ...
المواقف كتيرة ..
راجع ليك ...
|
Post: #72
Title: Re: مواقــــف......... طــريــفة.......و محــرجة
Author: بكري عباس علي
Date: 02-24-2010, 04:43 PM
Parent: #71
ابراهيم الصغير
راجنك ما تتاخر
|
Post: #73
Title: Re: مواقــــف......... طــريــفة.......و محــرجة
Author: بكري عباس علي
Date: 02-24-2010, 07:31 PM
Parent: #72
دايرين اتنين تلاتة منهم بس انحنا ما طماعين
|
Post: #74
Title: Re: مواقــــف......... طــريــفة.......و محــرجة
Author: بكري عباس علي
Date: 02-25-2010, 05:57 AM
Parent: #73
اها
|
Post: #75
Title: Re: مواقــــف......... طــريــفة.......و محــرجة
Author: بكري عباس علي
Date: 02-25-2010, 03:34 PM
Parent: #74
*
|
Post: #76
Title: Re: مواقــــف......... طــريــفة.......و محــرجة
Author: بكري عباس علي
Date: 02-26-2010, 09:25 AM
Parent: #75
جمعة مباركة للجميع
|
Post: #77
Title: Re: مواقــــف......... طــريــفة.......و محــرجة
Author: بكري عباس علي
Date: 02-27-2010, 06:08 AM
Parent: #76
*
|
Post: #78
Title: Re: مواقــــف......... طــريــفة.......و محــرجة
Author: بكري عباس علي
Date: 02-28-2010, 04:20 AM
Parent: #77
في موقف لذيذ حاحكيهو ليكم
|
Post: #79
Title: Re: مواقــــف......... طــريــفة.......و محــرجة
Author: بكري عباس علي
Date: 03-01-2010, 05:25 PM
Parent: #78
مرة فريق اس ميلان جاء يلعب مبارة مع منتخب قطر وكانت المبارة تقام اثناء ورديتي في العمل فاستاذنت من رئيس القسم بتاعي علي اساس اني تعبان شوية وماشي ارتاح في البيت الراجل وافق طوالي وانا ما صدقت ومن المكتب للاستاد طوالي وبين الشوطين ماشي اجيب لي سندوتشات ومويه وعصير الا القي ليك زولي زاتو المدير في وشي طبعاانا في قمة الاحراج بس الراجل طلع جنتل وقال لي ياخ انا عارفك جاي هنا بس كان تصارحني عشان نجي في عربية واحدة
|
Post: #80
Title: Re: مواقــــف......... طــريــفة.......و محــرجة
Author: ابراهيم الصغير
Date: 03-01-2010, 10:03 PM
Parent: #79
بكري والمتداخلين هنا
سلامات ..
ايام كانت امجاد شغالة (طراحة) .. والمواصلات كانت صعبة شديد .. جيت موقف السامراب داير اركب امجاد و كنت اول اواحد اركب انا .. والكومسنجي حلفاوي صاحبنا ظريف كدة ينادي سامراب سامراب المقاعد التلاتة الوراء قفلت وواحد قعد قدام باقي راكبين جات ليك واحدة (اربعه في اربعه) لما قعدت في المقعد بقي مافي مكان لي زول تاني والمحل مفروض يكون فيهو اتنين .. اي راكب يجي يعاين ويمشي يقيف بعيد وواحدين شابكين ليك السواق يا ابن العم ما خلاص قفلت اطلع والسواق مصر انو في راكب ناقص .. الكومسنجي ينادي سامراب نفر واحد ويتكلم مع الحاجة شوية يا حاجة في زول جنبك الحاجة شابكاهو ليك (ما تجيب الزول انا انا احميت زول يركب ؟) قال ليها يا حاجة انتي ح تدفعي لينا حق المقعد التاني .. وتعال شوف المرة شبت ليك في الحلفاوي انا واحدة ادفع اتنين؟؟؟ انت زول حقار وانت وانت وانت .. الحلفاوي شابكا ليك (انتي ماسكة مقعدين و .. و..) وانا من الضحك ما قادر اقول للسواق اطلع انا ح اديك حق المقعد والسواق مصر انو عربيتو ناقصة .. الحلفاوي عاين لي كدة وانا بضحك وقال للسواق (اسمع اطلع الشايقي دا هييدفع ليك حق الراكب يلا دا كلو منك انت يا شايقي .. دفعت الجنيه انا طبعا لكن لليلة ما قادر اعرف دا كلو مني كيف كلما الاقي الحلفاوي اقول ليهو عليك الله توريني كلو مني كيف ..
|
Post: #81
Title: Re: مواقــــف......... طــريــفة.......و محــرجة
Author: بكري عباس علي
Date: 03-02-2010, 06:02 AM
Parent: #80
ابراهيم الصغير
شكرا علي المرور
|
Post: #82
Title: Re: مواقــــف......... طــريــفة.......و محــرجة
Author: بكري عباس علي
Date: 03-03-2010, 10:29 AM
Parent: #81
موقف تاني
|
Post: #83
Title: Re: مواقــــف......... طــريــفة.......و محــرجة
Author: عبدالله محمد احمد بلة
Date: 03-03-2010, 12:06 PM
Parent: #82
الاخ بكري:
تحياتي
موقف حرج جدا وطازج جدا .. حدث صباح اليوم..
اتصلت بجماعة اهلنا بالخرطوم عشان اكفر ليهم لوالدهم المريض بالمستشفي وتمنيت له السلامة .. بعد داك أديت الموبايل لاخوي عشان اكفر ليهم برضو وفوجئت باخوي اول عبارة يقولها :
(انشاء الله البركة فيكم )
طبعا اخوي لسع مذهول وبسأل (دي يصلحوها كيف )
|
Post: #84
Title: Re: مواقــــف......... طــريــفة.......و محــرجة
Author: الفاتح شلبي
Date: 03-03-2010, 12:59 PM
Parent: #83
بوست دمه خفيف وانا من المتابعين من اليوم الاول فشكراً يا صاحبي على هذا البوست الانيق
ودي حكاية قديمة حكوها لي امس
واحد من جماعتنا جاء زيارة لبيت قرايبي بعد المغرب ولسوء حظه الكهرباء كانت قاطعة, دخل الحمام الله يعزكم, وبعدما قضى حاجته مد يدهـ فى الظلام وناول باقة وغسل بيه (الباقة كان فيها زيت راجع) الرجل بعدما طلع من الحمام عرف الحصل شنو وما قدر يدخل البيت وزاغ طوالي ... المهم ناس البيت ضحكوا واتفقوا فيما بينهم أن تكون الحكاية سرية حتى لا يحرجوا الرجل ... بعد مرور شهر او اكثر وفى حضور حبوبتنا التى حضرت الواقعة جات سيرة للرجل ... فقالت "فلانقون شوكجا نوقسيني" وتعني فلان دهـ كمان اللى ما شوفناهـ بعد غسيله داك ؟
طبعاً الحكاية دي عارفنها بالتفاصيل شخصين إثنين فى البورد دهـ
|
Post: #85
Title: Re: مواقــــف......... طــريــفة.......و محــرجة
Author: بكري عباس علي
Date: 03-04-2010, 04:50 AM
Parent: #84
الفاتح
شكرا علي المرور
|
Post: #86
Title: Re: مواقــــف......... طــريــفة.......و محــرجة
Author: بكري عباس علي
Date: 03-09-2010, 02:20 PM
Parent: #85
اسعدنا مرورك اخي عبد الله محمد بلة
|
Post: #87
Title: Re: مواقــــف......... طــريــفة.......و محــرجة
Author: بكري عباس علي
Date: 03-20-2010, 05:08 PM
Parent: #86
فوق
|
Post: #88
Title: Re: مواقــــف......... طــريــفة.......و محــرجة
Author: بكري عباس علي
Date: 03-21-2010, 04:46 AM
Parent: #87
*
|
Post: #89
Title: Re: مواقــــف......... طــريــفة.......و محــرجة
Author: hamid brgo
Date: 03-21-2010, 06:19 AM
Parent: #27
كنت ماشي الداخلية في مدرسة خور عمر...فاتتني بصات الكلية الحربية التي تقلنا من و الي المدرسة في نهاية كل اسبوع
ركبت تاكسي (طرحة) - في ست راكبة في المقعد الخلفي
لما نزلت طلعت قروش و قلت لسواق التاكسي خد معاك حق المرة
قال لي : دي زوجتي.....!
إتحرجت جدا........
لكنه كان في غاية اللطف... تفهمني ... ربما شكرني لكن لا اتذكر من فرط الحرج
|
Post: #90
Title: Re: مواقــــف......... طــريــفة.......و محــرجة
Author: بكري عباس علي
Date: 03-21-2010, 07:49 PM
Parent: #89
استاذ حامد برقو
اسعدنا مرورك
|
Post: #91
Title: Re: مواقــــف......... طــريــفة.......و محــرجة
Author: بكري عباس علي
Date: 03-29-2010, 06:51 PM
Parent: #90
احراج الاطفال ده كمان فلم براهو
انتظرونا قريبا
|
|
|