Post: #1
Title: ليه مفهوم الزواج عندنا السودانين هو العيال?ومقياس الرجولة والأنوثة بعددهم?(هذه بعض الامثلة
Author: PLAYER
Date: 01-05-2010, 06:11 PM
المفهوم واحد........
كان عند الشمالين ولا عند الجنوبين
كان عند أهل الشرق ولا عند الغرابة
سوي كان الزواج بعد حب قوي او بدونه
بدون عيال......سيكون في مهب الريح.
ليه مفهوم الزواج الناجح والسعيد عندنا السودانين هو العيال?
ومقياس الرجولة والأنوثة بعددهم?
ماذا عن الراحة والاستقرار والسعادة بين أثنين?
|
Post: #2
Title: Re: ليه مفهوم الزواج عندنا السودانين هو العيال?ومقياس الرجولة والأنوثة بعددهم?(هذه بعض الامثلة
Author: PLAYER
Date: 01-05-2010, 06:16 PM
Parent: #1
مثال واحد
أحد معارفي اتزوج وفي أقل من سنتين ولد أثنين......
سالتوا :ياراجل الآستعجال شنو?
رد:يازول ما استعجال...ما داير أخلي الناس تفتح خشمها بكلمة.
مثال أثنين
صديق أتزوج وتأخر عملية الحمل شوية....بقي يدسا من الناس فترة.
مرة لاقيتو وسالت:كيف اولادك(قصدي الزوجة).
الراجل اتنفر فيني وقال:لسة ما حملت ..ارتحت?
قلت ليهو: دا ماقصدي
اعتذر وقال:الناس كرهتنا العافية..الكبار بسالوا:لسة يا ولدي ما بقيتو ثلاثة
والشباب بسالوا:يا فردة العيب فيك ولا فيها?
ودا برة الكلام التحت تحت(عنك وعنها)...بوجع شديد.
مثال ثلاثة
قريبتي تزوجت عن حب وولدت الاول وكل شي تمام....
تاخرت في التاني.............
المشاكل بدات ..والاقاويل كثرت ..وفكرة التتدبيل ظهرت?
شي دكاترة ...شي فقرا..........كلو محاولات لانقاذ الزواج
|
Post: #3
Title: Re: ليه مفهوم الزواج عندنا السودانين هو العيال?ومقياس الرجولة والأنوثة بعددهم?(هذه بعض الامثلة
Author: smart_ana2001
Date: 01-05-2010, 06:23 PM
Parent: #1
سلامات بلير و كل سنة و انت طيب.
يا اخوى انت بتجيب النظريات دى من وين?
انا شخصيا بعرف اكتر من زوجين ما عندهم اطفال نهائي و كويسين. ذيهم و ذي اى اتنين متزوجين ----- بيتشاكلوا مرات مرات.
انا عندى اكتر من 11 خاله ....اكتر واحده عندها 3 اطفال.....و سبب انهم بيهتموا باطفالهم لدرجة الهوس فما بيقدروا على اكتر من 2 .
|
Post: #4
Title: Re: ليه مفهوم الزواج عندنا السودانين هو العيال?ومقياس الرجولة والأنوثة بعددهم?(هذه بعض الامثلة
Author: محمد مختار جعفر
Date: 01-05-2010, 06:33 PM
Parent: #1
B] player]
تحية وسلام ، وعام خير وبركة عيال ..
يأخى هذا هو مفهوم عربى عام وليس وقفا على السودانيين
طبعا فى الغرب غير ذلك تماما ، ويكتفى بواحد أو إثين
كما هو معلوم ،
المفهوم مرتبط بالجانب القبلى والعشيرى و( آل فلان )
وهذا من عادات وتراث العرب وتكاثر القبيلة ..
الرسول صلى الله عليه وسلم يحث على التكاثر ويقول
( تناسلوا تكاثروا أنى أفاخر بكم الأمم يوم الغيامة )
بل حتى المرأة تكون متوجسة جدا وغير مطمئنة على نفسها
إن طال أمد عدم الإنجاب ، بل ترى الأغلبية أنهن ناقصات وربما
غير أناث وفيها يتغامزن حول عدم ولادتها نساء الحى ..
بل حتى وأنت فى بلاد المهجر تلاحقك تساؤلات الأهل
( أها ما ولدتو ..!! ما بقيتو تلاته ) المهم
هى عادة عامة متوارثة عند أهلنا العرب ، وهى من زينة الحياه
يا أخى ، المال والبنون ، أليس كذلك ..
لك التحية ..
محمد مختار جعفر
تصحيح إملائى
|
|