Post: #1
Title: إنتو أولاد وردي ديل جادين ؟
Author: عمر الفاروق
Date: 01-05-2010, 10:18 AM
Parent: #0
ما حصل في حياتي سمعت فرقة وردي مبشتنة ومبهدلة كده إلا بعد دخلوها اولادو الإتنين ديل !!
وردي زمان لو بدون بروفة ولملم ليهو اي خمسة او عشرة عازفين وطلع بيهم حفلة او تسجيل الشغل بيكون مظبوط وما فيهو اي مشكلة ..
شاهدت تسجيلين في يومين مختلفين في مناسبتين مختلفتين للعملاق محمد وردي واحدة تسجيل حفل عيد الاضحى في قناة النيل الأزرق والتانية تسجيل القصر الجمهوري اعياد الاستقلال تلفزيون السودان ..
عبد الوهاب طارح نفسو فيها المايسترو حق الفرقة قلنا والله جميييل والولد عندو طموح من زمان وبارع في التوزيع واحسن ليهو عشان يفكنا من صوتو الكعب ده ويتلفت لي موهبتو التوزيعية دي..
لكن والله ما شوفت ليهو ايييييي موهبة في شغلو مع ابوهو غير ما عولق التوزيع ما عمل شي ..
انا ما بفهم في التوزيع الموسيقي لكن اجزم واحلف إنو عبد الوهاب اشارتو كانت في وادي وشغل الفرقة الموسيقية كان في وادي تاااااااني..
مرات تلقاهو بيأشر لي الناس الفوووق ديلك نظام حا تتوقع الساكس أو الجيتار حا يلعب صولا او كسرة فإذا بيك تسمع ليك كمنجات تحت هي الاشتغلت ..
مرات يأشر للموسيقى عشان تخش في المقطوعة فاذا بي الكورس هو البدا يغني..
مرات يقبل على ابوهو عشان يقول ليهو خش ابوهو يكون قبل على الكورس عشان يشيلو ليهو ..
ده كلللللللو كوم والموزع التاني داخل الفرقة عازف الاورغن مظفر اظنو كوووووم تاني..
شغال برااااهو برضو بيوزع يقبل على الكورس ويوقف العزف عشان يأشر ليهم واصلو واصلو ..
يعزف بي يد ويأشر لي بتاع الساكس مرة إنو يشتغل..
ومرات يطلع الصولة برااااهو بدون لا إحم ولا دستور..
الأولاد ديل لو خلوهم كده حا يعولقو لينا غنا وردي ده بي الطريقة دي..
تسجيلين كفاية عليكم الله خلاص عرفناكم اولاد وردي وعرفناكم فنانين وعازفين ومزعين ..
تراها جوليا الله يديها العافية مكتفية فقط بي الظهور في الكاميرا تبشر لي ابوها مرة وتتكلم مع جاراتا في الكراسي مرة وما حاولت تخش معاكم تمسك ليها كمنجة وده يحسب ليها..
اولاد وردي أطلعوا منها الله يرضى عليكم ..
تخريمة :
ده كلللو كوم وفي إتنين تومات كده من ما وردي جا من منفاه مبارينو وده من حقهن فهن معجبات حافظات اغاني وردي لكن ما سر متابعة بتاعين كاميرات التصوير التلفزيونية ليهن ..والله لو بيصوروا الاوف سايد في الكور زي ما بيصوروا الاتنين ديل كان كل مشاكل التحكيم عندنا اتحلت واووووعكم تقولوا لي صدفة ..
|
Post: #2
Title: Re: إنتو أولاد وردي ديل جادين ؟
Author: عثمان دغيس
Date: 01-05-2010, 11:12 AM
Parent: #1
الأخ عمر الفاروق
والله فشيتني فشة ....!
ياخي ديل عملوا للغناء وللفرقة المصاحبة فلايت عديييييل كده
وعملوا لينا فلايت في إضنيننا ...!
أصلاً عبد الوهاب ده أنا ما عارف الاقنعوا بحكاية إنو زول مجدد ومبدع ده منو ؟؟!
الغريبة هنالك بعض الموسيقيين شايفنوا ليك ولا موتزارت عصره ...
الله يحلنا من فهم التوارث اللحق الغنا كمان ..
كفاية في السياسة ...!
|
Post: #3
Title: Re: إنتو أولاد وردي ديل جادين ؟
Author: عمر الفاروق
Date: 01-05-2010, 11:16 AM
Parent: #2
الأخ دغيس:
عارف لو وانا بسمع في اغاني وردي حسيت ولو احساس إنو في بصمة تغير ولو حتى سلبية بقول ماااف مشكلة هي محاولة لوضع بصمة تجديدية ..
لكن الشغل كان هو نفففس الشغل نفس الجملة الموسيقية حقت وردي ما اضاف ليها شي غير حركاااتو ونطيطو ..
ما اكذب عليك مرة عجبتني شجاعتو اللحنية التوزيعية حقت الحقيبة واعتبرتها جرأة لكن من ديييك وزولك سرررررح وطششش بي دربو ..
|
Post: #4
Title: Re: إنتو أولاد وردي ديل جادين ؟
Author: بكري اسماعيل
Date: 01-05-2010, 11:34 AM
Parent: #3
| Quote: وفي إتنين تومات كده من ما وردي جا من منفاه مبارينو وده من حقهن فهن معجبات حافظات اغاني وردي لكن ما سر متابعة بتاعين كاميرات التصوير التلفزيونية ليهن |
سمحات ورقاصات يا عمر ..
|
Post: #5
Title: Re: إنتو أولاد وردي ديل جادين ؟
Author: ALZOLZATOO
Date: 01-05-2010, 12:17 PM
Parent: #4
ود الفاروق
انت كمان ماتشطح خليك مع الفرقة والتوزيع والموسيقى وسيبك من الجمهور
اسمع اضرب لي لؤي شمت خليهو يديك سماح لوووووولز
تحياتي
زاتوووو
|
Post: #6
Title: Re: إنتو أولاد وردي ديل جادين ؟
Author: بكري عباس علي
Date: 01-05-2010, 01:48 PM
Parent: #5
عمر ابو كنكوج
Quote: ده كلللللللو كوم والموزع التاني داخل الفرقة عازف الاورغن مظفر اظنو كوووووم تاني..
شغال برااااهو برضو بيوزع يقبل على الكورس ويوقف العزف عشان يأشر ليهم واصلو واصلو ..
يعزف بي يد ويأشر لي بتاع الساكس مرة إنو يشتغل..
ومرات يطلع الصولة برااااهو بدون لا إحم ولا دستور.. |
مظفر دا مرة في حفلة الدوحة عمل ليك كم جلطة كده ابوهو قعد يعاين ليهو كده وفي سرو بكون صرف ليهو كم دين كدا
هم ما غلطانين غلطان ابوهم البخليهم يعزفوا وراه
اقول ليك حاجة ابوهم زاتو بعد دا كفاهو (عشان الصحة وكدا )
|
Post: #7
Title: Re: إنتو أولاد وردي ديل جادين ؟
Author: دينا خالد
Date: 01-05-2010, 02:38 PM
Parent: #6
| Quote: الأولاد ديل لو خلوهم كده حا يعولقو لينا غنا وردي ده بي الطريقة دي.. |
وما يعولقوا مش غنا ابووهم ؟؟؟؟
ــــــــــــــــــ
مظفر قيافه ياخ ... ركز مع وهاب ياهو الاشتر هو ..
الغنا غناهم كتبوه وحدهم ولحنوه وحدهم وغنوه وحدهم
ومن ثم يوزعوه ذى ما هم عايزين .. على المساكين
والتومات توماتهم وحدهم مربنهم ،، تشترى ؟؟
|
Post: #8
Title: Re: إنتو أولاد وردي ديل جادين ؟
Author: عمران حسن صالح
Date: 01-05-2010, 02:44 PM
Parent: #7
أنا مع دينا من أجل ( فقع فشفاش عمر الفاروق)
ومع عمر الفاروق عشان خاطر فشفاشي الإتهرى
|
Post: #9
Title: Re: إنتو أولاد وردي ديل جادين ؟
Author: Kostawi
Date: 01-05-2010, 07:11 PM
Parent: #8
إنتا بس أطلع منها
|
Post: #10
Title: Re: إنتو أولاد وردي ديل جادين ؟
Author: haider osman
Date: 01-05-2010, 07:39 PM
Parent: #9
من المفترض بعد كده يطلع قرار انه اى اغنية بعد 30 سنة تكون حق مكتسب للشعب ناس نحن...
عشان نقفل باب الوراثة الطالعيين فيها الايام ده
|
Post: #11
Title: Re: إنتو أولاد وردي ديل جادين ؟
Author: Zakaria Joseph
Date: 01-05-2010, 07:52 PM
Parent: #10
وينو ابنو حسن يا جماعة? نحن كبرنا سوا و هو صديق شخصى لم اراه منذا عشرين سنة. نورونا, هو حسن كمان بقى موسيقار?
|
Post: #12
Title: Re: إنتو أولاد وردي ديل جادين ؟
Author: سيف النصر محي الدين محمد أحمد
Date: 01-05-2010, 10:40 PM
Parent: #11
حسن يا زكريا في فيلادلفيا هو و زوجته و ابنه و بيعزف عود و بيغني بمزاج لما يكون عندو مزاج.
تحياتي لك و لعبد الوهاب و مظفر و لعمر الفاروق .
|
Post: #13
Title: Re: إنتو أولاد وردي ديل جادين ؟
Author: عمر الفاروق
Date: 01-06-2010, 04:37 AM
Parent: #12
زولنا زاتو :
العريس لؤي حبيبنا ووالله بعد قالوا وردي شاهدو في العقد انا كنت خايف ابو اللول زاااتو يجيبو يوزع معاهم :)
بالنسبة للجمهور اتوقع واحدة من التومات هي زوجة صحفينا الكبير وولدنا الهلالالبي شجرابي لكن ياخ برضو ماااا لي درجة انو بتاعين الكاميرات وعشان بيعرفوهم يقوموا يركزوا عليهم ياخ انا قدر ما امشي لي حفلة ماف زول جابني :(
|
Post: #14
Title: Re: إنتو أولاد وردي ديل جادين ؟
Author: Baha Elhadi
Date: 01-06-2010, 04:51 AM
Parent: #13
| Quote: ياخ انا قدر ما امشي لي حفلة ماف زول جابني |
الفاروق /
ابق وزع أو تعال بدري
أو شتت
ياخ وردي زاتو كبر
حقو يرتاح ويخلي لينا
الغناء السمح دا وبث
بهاء
|
Post: #15
Title: Re: إنتو أولاد وردي ديل جادين ؟
Author: الحاج حمد الحاج
Date: 01-06-2010, 06:14 AM
Parent: #14
| Quote: مظفر دا مرة في حفلة الدوحة عمل ليك كم جلطة كده ابوهو قعد يعاين ليهو كده وفي سرو بكون صرف ليهو كم دين كدا |
قوية
|
Post: #16
Title: Re: إنتو أولاد وردي ديل جادين ؟
Author: walid taha
Date: 01-06-2010, 07:27 AM
Parent: #1
عمر إزيك
قبل ان نتكلم عن (طبزات) مظفر وعبد الوهاب ، أعتقد أن على وردي ان يتوقف تدريجياً عن الغناء حتى يسكت تماما ويصبح رمز.
فما يحدث من ترميم لغناء وردي القديم بالتوزيعات الجديدة هو ما يضر بذلك المجد ، لا جديد لوردي منذ زمن طويل وحتى ما جاء به من جديد كأغنية(سُلاف الغنا) مثلاً خانه الضعف الواضح - وهذا حال الفنان عندما يتقدم فى السن- فى صوته من ترجمته الى عمل عظيم يضاف الى سجل وردي الذاخر بالغناء الجميل .
إجتهادات عبد الوهاب (طبزاته) التوزيعيه كان سببها الأول ان الألحان من فرط تكراراها أصبحت محفوظة مما شجعه على الإقدام على تلك الإجتهادت فكانت النتائج غير مهضومة.
زمان لو بتتذكر يا عمر مصطفى النقر بعد ما خلا اللعب فى الهلال مشى يسجل فى فريق فى سنار، فرجاه الهلالاب ان يعدل عن ذلك حتى يظل مصطفى النقر هو مصطفى النقر الذى فى وجدانهم.
تحياتى،،،
|
Post: #17
Title: Re: إنتو أولاد وردي ديل جادين ؟
Author: Tabaldina
Date: 01-06-2010, 07:51 AM
Parent: #16
..
.
Quote: الله يحلنا من فهم التوارث اللحق الغنا كمان ..
كفاية في السياسة ...! |
ريحتنى يا دغيس
__________
وإنت يا فاروق ..
|
Post: #18
Title: Re: إنتو أولاد وردي ديل جادين ؟
Author: عبدالله كع
Date: 01-06-2010, 08:01 AM
Parent: #17
سيد الحق راضي ... !!
انتي اسمع وردي بتاع القرن الماضي !!
|
Post: #19
Title: Re: إنتو أولاد وردي ديل جادين ؟
Author: شمائل النور
Date: 01-06-2010, 02:39 PM
Parent: #18
الغنا غنا ابونـــــــا
يجوا ناس الفاروق يطردونا
|
Post: #20
Title: Re: إنتو أولاد وردي ديل جادين ؟
Author: بدري محمد بدري
Date: 01-06-2010, 03:38 PM
Parent: #19
عمر سلامات يا حبيب
ياخي عندك قوة ملاحظة لا يمكن أن يشوش عليها حتى فن وردي.
مشتاقين يا حبيب
رايك شنو في النيو لوك؟؟؟!!!
|
Post: #21
Title: Re: إنتو أولاد وردي ديل جادين ؟
Author: ناذر محمد الخليفة
Date: 01-06-2010, 04:25 PM
Parent: #20
Quote: قبل ان نتكلم عن (طبزات) مظفر وعبد الوهاب ، أعتقد أن على وردي ان يتوقف تدريجياً عن الغناء حتى يسكت تماما ويصبح رمز.
|
|
Post: #22
Title: Re: إنتو أولاد وردي ديل جادين ؟
Author: Zakaria Joseph
Date: 01-07-2010, 05:08 PM
Parent: #21
Quote: حسن يا زكريا في فيلادلفيا هو و زوجته و ابنه و بيعزف عود و بيغني بمزاج لما يكون عندو مزاج.
تحياتي لك و لعبد الوهاب و مظفر و لعمر الفاروق . |
شكرا سيف,
بالله حسن قاعد فى فيلى!!!
ابلغ لى تحياتى له.
بريد الإلكترونى:
[email protected]
|
|