Post: #1 Title: إغلاق الأزواج لـ"موبايلاتهم " هل يقلق الزوجات ؟ Author: داليا حافظ Date: 01-05-2010, 08:50 AM Parent: #0
في بعض الأحيان يغلق الأزواج هواتفهم الجوالة في "البيت" ..بغرض الخلود للراحة دون
إزعاج ..!
إلى هنا الأمر عادي ..
Post: #2 Title: Re: إغلاق الأزواج لـ"موبايلاتهم " هل يقلق الزوجات ؟ Author: داليا حافظ Date: 01-05-2010, 08:51 AM Parent: #1
لكن ماذا لو أخذ الأمر طابع العادة ؟
بمجرد دخول البيت ..يغلق الهاتف أو يكون في الوضع (صامت )؟
Post: #3 Title: Re: إغلاق الأزواج لـ"موبايلاتهم " هل يقلق الزوجات ؟ Author: المر Date: 01-05-2010, 08:56 AM Parent: #2
مبروك الزواج............
انا غايتو بغلقو من (الديانه)
Post: #12 Title: Re: إغلاق الأزواج لـ"موبايلاتهم " هل يقلق الزوجات ؟ Author: داليا حافظ Date: 01-05-2010, 09:16 AM Parent: #3
Quote: انا غايتو بغلقو من (الديانه)
أنا غايتو مصدقاك يا المر ..
Post: #4 Title: Re: إغلاق الأزواج لـ"موبايلاتهم " هل يقلق الزوجات ؟ Author: داليا حافظ Date: 01-05-2010, 08:57 AM Parent: #2
وماذا لو إتصلت الزوجة على زوجها وسمعت هذه العبارة (هذا المشترك لا يمكن الوصول إليه حاليا ) ؟
ما أول ما يتبادر لذهنها (بصراحة ) ؟
وما رد فعلها بعد التبرير لاحقا ؟
Post: #5 Title: Re: إغلاق الأزواج لـ"موبايلاتهم " هل يقلق الزوجات ؟ Author: داليا حافظ Date: 01-05-2010, 09:01 AM Parent: #4
وبشكل عام هل يسبب "هاتف زوجك" هاجسا..فتعبثين بالرسائل والارقام ..و..ويجعلك متحفزة طول الوقت ؟
هل أنت دائما في حالة بحث عن إدانة ؟
Post: #6 Title: Re: إغلاق الأزواج لـ"موبايلاتهم " هل يقلق الزوجات ؟ Author: داليا حافظ Date: 01-05-2010, 09:03 AM
"الموبايلات "و(مابها وماعليها ) .. تسبب الأنزعاج أكثر للأزواج أم الزوجات ؟
Post: #9 Title: Re: إغلاق الأزواج لـ"موبايلاتهم " هل يقلق الزوجات ؟ Author: jini Date: 01-05-2010, 09:10 AM Parent: #6
Quote: "الموبايلات "و(مابها وماعليها ) .. تسبب الأنزعاج أكثر للأزواج أم الزوجات ؟
اغلاق! جوة البيت ووب برة البيت ووبين!! احسن حاجة البيجر البليب عشان يرفع ليها الضغط! جنى
Post: #14 Title: Re: إغلاق الأزواج لـ"موبايلاتهم " هل يقلق الزوجات ؟ Author: داليا حافظ Date: 01-05-2010, 09:32 AM Parent: #9
Quote: اغلاق! جوة البيت ووب برة البيت ووبين!!
ضحكتني يا جني ..طيب ما تخلو تلفوناتكم مفتوحة ..
Post: #10 Title: Re: إغلاق الأزواج لـ"موبايلاتهم " هل يقلق الزوجات ؟ Author: محمد طه الحبر Date: 01-05-2010, 09:12 AM Parent: #6
داليا صباح الخير
وبوست موفق
الامر عادي الا اذا كان في شكوك من الزوجه تجاه زوجها
.................................................................................... يعني الواحد بعد مايتزوج يعمل ليهو تلفون خاص لناس البيت والاهل وواحد خاص بالعمل ولا شنو
Post: #21 Title: Re: إغلاق الأزواج لـ"موبايلاتهم " هل يقلق الزوجات ؟ Author: داليا حافظ Date: 01-05-2010, 09:54 AM Parent: #10
أهلين يامحمد
Quote: يعني الواحد بعد مايتزوج يعمل ليهو تلفون خاص لناس البيت والاهل
وواحد خاص بالعمل ولا شنو
فعلا في ناس عندهم تلفونين بعلم الزوجة ..وفي ناس عندهم تلفونين بدون علمها ..وفي ناس عندهم تلفون
بغلقه اول ما ادخل البيت خوفا من المكالمات التي غير معروف صاحبتها ,, وليس الموبايل سببا لاي مشاكل الا ادا اصلا توجد مشاكل فان الموبايل يكون وسيلة ضغط لاغير .. داليا موضوعك خطير ..سلام
Post: #54 Title: Re: إغلاق الأزواج لـ"موبايلاتهم " هل يقلق الزوجات ؟ Author: داليا حافظ Date: 01-06-2010, 08:01 AM Parent: #18
Quote: بغلقه اول ما ادخل البيت خوفا من المكالمات التي غير معروف صاحبتها ,,
أيون ..أعترفوا يا العوض ياخ ..
Post: #19 Title: Re: إغلاق الأزواج لـ"موبايلاتهم " هل يقلق الزوجات ؟ Author: بشير أحمد Date: 01-05-2010, 09:49 AM Parent: #13
الاخت/داليا
تحياتي ؛؛؛
شخصيا تلفوني شغال 24/7
الا في حالة البطارية فاضية.
قفل الموبايل في البيت للبعض بيكون إما
*عندو حاجة بره بره (مرة تانية ؛حبيبة ) *فعلا عايز يرتاح (الراحة وين مع الشُفع)
*عايزين منو قروش وزايغ. *ماعندو اي موضوع وماعايز يرد علي اي زول (زهجان من التلفون والصنع التلفون زاتو ولو لما فيهو بعضيهو في نص راسو) *النسوان في البيت شكاكات في اي شئ (حتي لو كان زوجها الشريف الرضي)
لمن ادخل البيت حمودي طوالي بستلموا للعب والبتصل علي يكرهوا الاتصال اهلا ياعمو انت اسمك منو وعندك اولاد قدري وانتو ما جيتونا ليشنو واستمر على منوال بابا فين بابا نائم حتو لو جنبو عشان ما اقطع ليهو لعبتو انقري تاني زي دا بتصل في البيت ؟ وكدا اكون ريحت نفسي من الاتصال في البيت تحياتي صاحبة البوست وزوارها وزائراتها
Post: #23 Title: Re: إغلاق الأزواج لـ"موبايلاتهم " هل يقلق الزوجات ؟ Author: عمر الفاروق Date: 01-05-2010, 10:23 AM Parent: #22
جنابو عمر:
Quote: الموبايل زي فرشة الاسنان - استعمال شخصي
أها المشكلة يا جنابو إنو في وهمة كده عملوها السودانيين بيدووك ليها طقم مع كورس العرس إنو عاااادي جداً إنو ممكن إنت ومرتك تستخدموا فرشة أسنان واحدة اها تقوموا يوم تسافروا وتقوم مرتك تنسى فرشة الأسنان بتاعتا انت تصحى الصباح تلقاها عااادي بتتسوك بيها .. عشان كده يا اخوي مثلك ده لموا عليك ما بيخارج معانا ودعوة صريحة منك لي إنو المرا تستخدم تلفون راجلا ..
Post: #24 Title: Re: إغلاق الأزواج لـ"موبايلاتهم " هل يقلق الزوجات ؟ Author: مريم بنت الحسين Date: 01-05-2010, 11:11 AM Parent: #23
انا غايته الموبايل ده متبعه معاه سياسة "التجاهل التجاهل التجاهل"... لو رن لما روحه تمرق ما برفعه، وما بعاين ليه.. إلا لو كان اتصال في وقت متأخر، وبكون في تفكيري انه في مشكلة او عوجه لا سمح الله... الداير يلعب بذيله اليلعب.. لكن لو وقع (بالصدفة) الله قال بي قوله.. نحن ناس ضبح، وقطّيع في اكياس وحاجات زي دي
Post: #61 Title: Re: إغلاق الأزواج لـ"موبايلاتهم " هل يقلق الزوجات ؟ Author: داليا حافظ Date: 01-07-2010, 07:22 AM Parent: #24
Quote: لكن لو وقع (بالصدفة) الله قال بي قوله.. نحن ناس ضبح، وقطّيع في اكياس وحاجات زي دي
أياك أعني ..أسمعي يا جارة ..
ـــــــــــــــــــــــــــــــــــ
وليه بس يا مريم .."عيسى بدينو وموسى بدينو" على ذمة شول ..
Post: #25 Title: Re: إغلاق الأزواج لـ"موبايلاتهم " هل يقلق الزوجات ؟ Author: الهادي محمد ابراهيم Date: 01-05-2010, 11:13 AM Parent: #23
اخت داليا سلامات... قال الشاعر وفي رواية الشاعرة...
ما تقفل موبايلك عشان اعرف عمايلك...
الموبايل مهم لدي الزوجات لمعرفة معظم العمايل اي العمليات ما ظهر منها وما بطن لذلك اغلاق الموبايل في البيت قد يكون ظاهره الراحة وعدم الانشغال بشئون العمل في البيت كما قد يكون باطنه الخوف من كشف المستور...المهم الخائن الله يخونه ولا نامت اعين الجبناء والله اكبر والعزة لاخوات عزة..
Quote: أزمة ثقة لابد لها من حل وإلا ... موسى بدينو وعيسى بدينو
يا شول و الله انا ديني واحد بس مالك عامله لي إثنين ؟
الاخت داليا اتمنى انه نسوانا يكبرن عقلن لانه العايز يعمل حاجةزي دي ما بتكون بالاتصال في الموبايل،فالواحد بكون حريف و بلعب ون تو مع الجانب الآخر! و في الآخر لو حصل ذلك يجب انه الواحدة تسعي للحل بطريقة اكثر تحضر من الشك و فتيش الحجج؟
ي
Post: #27 Title: Re: إغلاق الأزواج لـ"موبايلاتهم " هل يقلق الزوجات ؟ Author: محمد عبد الماجد الصايم Date: 01-05-2010, 12:24 PM Parent: #26
دلووووووش يا كل سنة وإنتي طيبة ياخ!
بعدين المرة زاتا ما عندها موضوع ولا شنو الواحد دقس مرة في عمروا وعرّس .. تعاني معقولة يدقُس!!
يحلنا الحلاّ موبايل بلّة!
Post: #28 Title: Re: إغلاق الأزواج لـ"موبايلاتهم " هل يقلق الزوجات ؟ Author: عصام علي أحمد Date: 01-05-2010, 12:34 PM Parent: #27
انت تلفونك مغلق ال 24 ساعة اول حاجة افتحي تلفونك وبعدين افتحي بوست
العزيزه داليا ...تحياتي والله وانا بحلف ليك صادقه انا عمري مابقرب من موبايل السني حتي ولو هو في البيت والموبايل جنبي ورنه ما برد وبنادي عليهوه اقول ليهوه موبايلك بيرن . لانو الموبايل ده حاجه خاصه جدا . وحتي ولو هو بره البيت وانا اتصلت ولقيت الموبايل مقفول بعرف انو ما شاحن لانو الحاجه الوحيده انا البعملا في موبايل السني بكون حريصه عشان ما اشحنو ليهوه لانو ما بيهتم ابدا يخت الموبايل في الشاحن . شوفته يا داليا وانا عروسه جديده وجيت الدوحه السني عزمني عشاء في مطعم ولسه ما قعدنا كويس اشوف ليك واحده جاي علي السني وسلام بالاحضان وكمان معها سني يا بعد عمري يا حبيبي وينك انت . اول حاجه بعد عمري دي انا ما فهمتها . وقعدته اعاين في المره الجاي توش كده ولا عرفت اضحك ولا ابكي وده من اولو كده عشا مهبب والمره اصلا ما عبرتني وقام السني طوالي قال ليها دي زوجتي المره بعد داك سلمت علي وقالت لي انابحب السني وهو كان السبب في انو انا اخد جائز احسن ممثله .(شوفته يا داليا المره قطعت قلبي وانا عروس )وهي ممثله قطريه وهي الان من اعزه اصدقانا. دلويه لازم تكون الثقه والاحترام متبادل بين الازواج. وهسه انا السني ده زوجي وصديقي .
Quote: الامر عادي الا اذا كان في شكوك من الزوجه تجاه زوجها
وفى مرة ما بتشك فى راجلها! ليه متزوجها صحابى جليل ولا من التابعين! هى حقيقة لا تشك فى زوجها لكن تشك فى بنات جنسها اللائى تطلق عليهن تدليلا بنات الحرام! جنى
Post: #35 Title: Re: إغلاق الأزواج لـ"موبايلاتهم " هل يقلق الزوجات ؟ Author: جعفر محي الدين Date: 01-05-2010, 01:10 PM Parent: #33
زي ما قال جني النسوان ديل بشكوا في كل شيء ولا ما قلت كدا يا جني ! جوالي (موبايلي) على طول مفتوح ومرمي على أقرب طاولة أو كرسي في البيت ومرات عادي أم العيال بترد على المكالمات وتقول للمتصل اتصل بعد شوية الزول دا مافي أو نائم .
Quote: والله وانا بحلف ليك صادقه انا عمري مابقرب من موبايل السني حتي ولو هو في البيت والموبايل جنبي ورنه ما برد وبنادي عليهوه اقول ليهوه موبايلك بيرن . لانو الموبايل ده حاجه خاصه جدا . وحتي ولو هو بره البيت وانا اتصلت ولقيت الموبايل مقفول بعرف انو ما شاحن لانو الحاجه الوحيده انا البعملا في موبايل السني بكون حريصه عشان ما اشحنو ليهوه لانو ما بيهتم ابدا يخت الموبايل في الشاحن .
مصدقة ..أنا إتخيل لي الثقة دي بتبني من تصرفات الآخر والمعرفة اللصيقة ..يعني الزوجة البتصل مرحلتك
دي ما بتثق في زوجها بس ..لكنها حافظاهو وفاهمة تصرفاتو ..لدرجة أنها بتديهو العذر ..، المشكلة يا
أحلام المرحلة دي الناس يصلوها كيف ؟صدقيني في نساء بحبو أزواجهم ونفسهم يرتاحو من هواجسهم ..لكن
Quote: العزيزه داليا ...تحياتي والله وانا بحلف ليك صادقه انا عمري مابقرب من موبايل السني حتي ولو هو في البيت والموبايل جنبي ورنه ما برد وبنادي عليهوه اقول ليهوه موبايلك بيرن . لانو الموبايل ده حاجه خاصه جدا . وحتي ولو هو بره البيت وانا اتصلت ولقيت الموبايل مقفول بعرف انو ما شاحن لانو الحاجه الوحيده انا البعملا في موبايل السني بكون حريصه عشان ما اشحنو ليهوه لانو ما بيهتم ابدا يخت الموبايل في الشاحن . شوفته يا داليا وانا عروسه جديده وجيت الدوحه السني عزمني عشاء في مطعم ولسه ما قعدنا كويس اشوف ليك واحده جاي علي السني وسلام بالاحضان وكمان معها سني يا بعد عمري يا حبيبي وينك انت . اول حاجه بعد عمري دي انا ما فهمتها . وقعدته اعاين في المره الجاي توش كده ولا عرفت اضحك ولا ابكي وده من اولو كده عشا مهبب والمره اصلا ما عبرتني وقام السني طوالي قال ليها دي زوجتي المره بعد داك سلمت علي وقالت لي انابحب السني وهو كان السبب في انو انا اخد جائز احسن ممثله .(شوفته يا داليا المره قطعت قلبي وانا عروس )وهي ممثله قطريه وهي الان من اعزه اصدقانا. دلويه لازم تكون الثقه والاحترام متبادل بين الازواج. وهسه انا السني ده زوجي وصديقي .
الله يكملك بعقلك يا أحلام ندعو كل الزوجات المحتملات لقراءة هذه المداخلة
وبعدها ...الخائن الله يخونو
شكرا داليا حافظ
تخريمة واحدة إشترت تلفون جديد دايرة تعمل مفاجأة لراجلها ...دخلت الحمام وضربت ليهو ..( وين ياحبي ) قال ليها أقفلي سريع ...الحيوانة دي في الحمام ...برجع ليك
Quote: الله يكملك بعقلك يا أحلام ندعو كل الزوجات المحتملات لقراءة هذه المداخلة
يا عمر عشاري
كلام أحلام حلو ...لكن الشك شيء وارد الحدوث ..وفي رأي أنو ده ما مشكلة المشكلة في إدارة الأزواج للموضوع ..الممكن تقضي عليهوـ أقصد الشك ـ أو يقضي هو عليهم ..
قال ليك فى استحداث لنظام من الصينيين > موبايلات بتشتغل وترن فقط على النمر الانت عايزها، اها الماعيزها ( وتشمل المحفوظه وغير مطلوبه فى زمن معين ) بقوم الموبايل يقول للمتصل هذا الرقم خارج الشبكة ولا يمكن الوصول اليه
يعنى الصنيين عملوا استحداث لموبايل قديم كانت فيه هذه الخاصية واسمه الكاتيل ( متذكرنوا ياناس الخليج ؟ )
داليا ازيك وكل سنة وانت طيبه والسنه الجايه ربنا يحقق ليك امانيك
شوفى يا اختى العلاقة بين الزوجين اذا انعدمت فيها الثقة توقعى اى شئ
عن نفسى ماحصل يوم رديت او حتى شفت الموبايل دا فيه شنو يرن لمن يسكت ما عندى بيه شغلة ما دام هذا التلفون شئ خاص به بنفس القدر لا يرد على تلفونى ولا بسال منو الاتصل عليك الا انا اقول له
Quote: شوفته يا داليا وانا عروسه جديده وجيت الدوحه السني عزمني عشاء في مطعم ولسه ما قعدنا كويس اشوف ليك واحده جاي علي السني وسلام بالاحضان وكمان معها سني يا بعد عمري يا حبيبي وينك انت . اول حاجه بعد عمري دي انا ما فهمتها . وقعدته اعاين في المره الجاي توش كده ولا عرفت اضحك ولا ابكي وده من اولو كده عشا مهبب والمره اصلا ما عبرتني وقام السني طوالي قال ليها دي زوجتي المره بعد داك سلمت علي وقالت لي انابحب السني وهو كان السبب في انو انا اخد جائز احسن ممثله .(شوفته يا داليا المره قطعت قلبي وانا عروس )وهي ممثله قطريه وهي الان من اعزه اصدقانا. دلويه لازم تكون الثقه والاحترام متبادل بين الازواج. وهسه انا السني ده زوجي وصديقي .
أحلام وهبي .... بصراحة ربنا انت كترت المحلبية
يعني انت نسيت السني وبقيتي في الممثلة القطعت قلبك؟؟
يعني انت نسيت السني وبقيتي في الممثلة القطعت قلبك؟؟ ــــــــــــــــــــــــــــــــــــــــــــ وبصراحه ربنا ولا كترته المحلبيه ولا حاجه انا ما نسيت السني بس كنت مندهشه من التصرف وبعدين انشاءالله لما تتزوجي انت حتقرري يا اما كترتي المحلبيه او انشاءالله الثقه تكون موجوده بيناتكم عشان ما تكتري من المحلبيه .
Post: #56 Title: Re: إغلاق الأزواج لـ"موبايلاتهم " هل يقلق الزوجات ؟ Author: محمد الامين محمد Date: 01-06-2010, 08:16 AM Parent: #2
Quote: بمجرد دخول البيت ..يغلق الهاتف أو يكون في الوضع (صامت )؟
من الطبيعي
Post: #60 Title: Re: إغلاق الأزواج لـ"موبايلاتهم " هل يقلق الزوجات ؟ Author: محمد عمر جبريل Date: 01-06-2010, 09:44 AM Parent: #56
ــــــــــــــــــــــــــــــ المداخلة الفوق دي مشفرة .. المراقبة بقت هسي ما للموبايل بس حتى مداخلاتنا هنا بقت (تحت بند الإشتباه)
ياخ النسوان ديل مرات كدا ببقا دمهم تقيل خلاص .. دا منو ؟ وعايز شنو ؟ كمية من الأسئلة تخليك تكره اليوم الأخترعوا فيهو الموبايل زاتو ! عشان كده أنا بريح نفسي من الاسئلة الكتيرة دي وألصق أضاني في الجوال ومرات مابكون عندي مزاج للتلصق بمد يدي وافتح المايك
شفتي ليك شمار زي دا ياداليا أهاوازيدك من الشعر بيت جواله بفصفصه حته حته ومحسوبتك خبيرة جوالات أها كان مسح ليه مكالمة ولا رسالة زولتك مابتكضب طوالي بساله قال ليك شنو مسحته ليه فيها شنو شماااار تقيل بعيد عنك الثقة موجودة ياغالية لكن نحن النسوان مابهدى لينا بال الا نعرف كل صغيرة وكبيرة في حياة ازواجنا وحقيقة اي واحدة قالت انا مابلمس جوال زوجي لقيته ليك باردة جنس برود على فكرة زوجي ما بضايق من تصرفاتي عادي يعني يعني الزوج هو ملكك بكل ما تحمل الكلمة من معنى فبالتالي جواله جوالك وتصدقي هو من من يغلقون جوالاتهم بمجرد دخوله البيت ولو نساه فاتح لازم يكون صامت ودا بحثا لراحته بس الحاجه دي تاعباني في شئ واحد بس اي زول عاوزه بتصل علي على مدار ثلاث سنوات زواج ويتذمر من حركته دي
اني بحكي ليه من غير ما يسأل عن كل حاجه حصلت خلال اليوم. شفتي مادي الرشاقة الكتلت إشراقة نحن ما خفيفات ولفيفات حصل وحصل وحصل لمن يقوموا يتعلموا لينا الغتاته وحينها يكون فات الفوت وما بنفع الصوت عشان كده لابد من عمل موازنه تستقيم بها عجلة الحياة يعني لو ماجاء حكى براهو لازم تنطقيه لكن لو إتحلج أنا مالي تاني يحلك الحله بله ودا درس للمكبوتااات والمضطهدااات وماتقولي لي الزمن دا مافي هاك دي _حكت لي صحبتي قبل يومين انه إتصل عليها ولد خالته وهو حقيقة لم يكن يتصل عليها من قبل قالت لي أول ماجاء راجله داخل البيت ولدم الصغير في الصف الأول وإذا بها تفاجأ به قبل ما يسلم على أبوه حتى : بابا ماما كانت بتتكلم مع ولد شفتي كيف انهم برضو شغالين بأجنده خفية يعني لازم تكون عندك خطط هجوم ودفاع _ دي للتسليه بس أها أحكي ليك حكاية عن الإضطهاد في نسوان ممنوعات منعا باتا من لمس موبايلات أزواجم وبالمقابل الواحد مما يجي داخل جري على حملة التفتيش على موبايلات زوجاتم كنت بايته يوم مع صديقة رن تلفونه إتلفتت بسرعة وقالت أوعى فلان بس يكون سمع الرنه قلت ليها ليه قالت لي دا رقم غريب وسارعت بمسحه قلت ليها طيب وفيها شنو دا تلفونك ولا تلفونه قالت لي وحاتك كان زول متصل من الواق الواق لازم يشيل الرقم ويشاكلو متصل ليه وعاوز شنو وانت منو أها دا صاح كده من الرجال واحده تانية زوجها قال ليها كل شي ولا الموبائل دا أصلن ما تفكري يوم أجيبه ليك وهو اليوم كلو ملصق حقه في اضانه يتونس واحده تالته ودي كانت جارتي عاشرته لفتره راجله لابجيب الموبائل ولا المحفظة من السيارة وهي يعلم الله من عشرتي ليها الغنماية تأكل عشاءها مرة سالتني راجلك بتونس معاك قلت ليها ولا على كيفو قالت لي طيب أنا مالي ما بتونسوا معاي مع أن عندها زوج ونااااس وظريف درجه أولى القصص كتييييييرة لا تنتهي يا حبيبة _____________ مريومه اليوم داك سألتك لآن قبلها بيوم بس انا رسلت ليك رسالة من جوال أمين قلت ليك أنا جييييت فحسبتك أنت وبالمناسبة دي رائك شنو بكرة نمشي البحر
Post: #85 Title: Re: إغلاق الأزواج لـ"موبايلاتهم " هل يقلق الزوجات ؟ Author: مريم بنت الحسين Date: 01-14-2010, 03:01 PM Parent: #84
وب علي يا وجن.. انت الحكاوي دي بتلقيها وين بالضبط... مبالغة خالص والله.. رجال كده عندهم حركات بايخه خلاص.. !
والله يا وجن، الجو ده كان مشينا بيه البحر، يانا الجايين بي رطوبة والم مفاصل... الشمش اليوم كله غايبه... خلينا نرتب برنامج آخر...
ففي اليوم التالي اشترت زوجتي الجهاز وجلبته معها للمنزل.
مخترع الجوال الذي يحدد فورا مكان وجودك للمتكلم الآخر يعد ملاكا مقارنة بهذا الذي اخترع جهاز قراءة الأحلام.
رغم أنى مارست غاية الانضباط في حياتي الزوجية ولم يصدر عنى ما يفسح أي مجال للشك في وجود منافس أو مجرد أنثى أخرى فكلو تمام حسب جوال تحديد الأماكن و ما في ولا غلطة واحدة، لكن ما أنا فاعل لسالفة قراءة الأحلام هذه.
شرعت زوجتي و بسرعة في قراءة تعليمات استعمال الجهاز و بعد أن هضمتها جيدا قالت: سوف نجرب هذه الليلة الجهاز عليك.
- ولماذا على أنا وليس أنت - لأني التي قرأت تعليمات الاستعمال أولا - يعنى شنو ما مكن أنا أذاكرها و احفظها جيدا و نجربو عليك إنت الأول. - أنت خايف لييه؟ - أنا.....أبدا ما خايف .. هو إنت خليتي أي حاجة من النوع البخوف. بدأ علي الارتباك و تذكرت مغموصا حلم الأمس الذي راقصت فيه تلك المغنية الجميلة ذات البطن العارى صاحبة الفيديو كليب الذي رقصت فيه كما لم ترقص امرأة.
- عارف لو الجهاز ده زى ما بقولو عليهو ح يكون بالنسبة لي أغلى جهاز.
- ......
- أنا ناوية افتح مؤسسة تساعد النسوان في تحليل و قراءة أحلام أزواجهن و بوصفي أستاذة في علم النفس ح أوظف معي طالبات الدراسات العليا و نخلق منها عمل ناجح جدا منها نساعد بنات جنسنا ومنها نعمل شوية قروش.
- أها. والله فكرة قلتها وأنا أرفع الصحيفة التي كانت جواري كعلامة لنهاية الحديث. - كدى خت الجريدة نحنا لسه ما كملنا كلامنا. عليك الله في واحد في مكانتك دي لسه بيقرأ جرايد ورق؟ عموما ده ما موضوعنا جهز نفسك عشان اركب ليك الجهاز.
سلمت أمري لله و اقتنعت بعدم جدوى المقاومة. قامت هي بتركيب الجهاز و جعله جاهزا للعمل حسب التعليمات المرفقة معه. أطفأت النور قائلة تصبح على خير يا حبيبي. - وأنت من أهل الخير . اتخذت قرارا سريعا بعدم النوم والمقاومة للنهاية فبعد حلم الأمس تصبح عواقب النوم غير مضمونة.
ظللت صاحيا لمدة ليست بالقصيرة وكلما غلبني النعاس استعين بمختلف الطرق التي اعرفها لمقاومته.
نظرت للمنبه الموجودة جواري للمرة الألف. شكرا لله الساعة الآن السادسة والنصف سوف تنهض زوجتي بعد 15 دقيقة.
باقي 10 دقائق صرت في غاية النعاس تبقت الآن 5 دقائق خيل إلى أنى احمل جبلين على راسي جبل على كل عين، 3 دقائق، دقيقتين، ركزت نظري على زوجتي منتظرا أن تنهض قبل إشارة التنبيه فهي لها ساعة بيولوجية قوية في نفس اللحظة سقطت صريع النوم العميق و لم تنفع محاولات زوجتي المتعددة لإيقاظي.
عندما استيقظت كانت الساعة قد تجاوزت الحادية عشر نظرت فزعا للمنبه ليس بسبب أن لدى يوم عمل مزدحم ولكن بسبب الجهاز المركبة وصلاته على راسي.
فككت الوصلات بسرعة و نظرت للجهاز فوجدت أن به مؤشرا وحيدا يشير على عدد الأحلام المسجلة و كانت 4 أحلام. لا أذكر اننى حلمت هذا العدد من الاحلام ولكن بعد فترة قصيرة تذكرت إطراف حلم لكن لم أتذكر الموضوع ولا الشخوص. أدركت أنى ربما أكون فعلا حلمت 4 أحلام.
قررت بسرعة أن أمسح الأحلام.
نهضت نحو الجهاز فتبين لي أن هناك كلمة سر لابد من إدخالها.
آه من تلك الحية أدخلت كلمة سر دون أن تذكرها لي. ماذا افعل الآن لا أستطيع أن امسح، لا أستطيع أن اعرف محتوى الأحلام، الأفضل أن أهرب.
اتصلت بي حوالي الرابعة تسألني لماذا تأخرت على الغداء فقلت لها مازلت في المكتب أعوض الساعات التي تأخرتها صبحا. قالت تعال الآن فورا أنا أريدك في موضوع هام. أي موضوع قالت بس تعال بسرعة ما بنفع في التلفون.
ما بنفع في التلفون..... ربنا يستر.... ظللت طول الطريق أحاول تذكر ما حلمته بالأمس دون فائدة.
دخلت لغرفة المعيشة فلم أجدها قلت لنفسي تكون في المطبخ أحسن آخذ شوية وقت ألم نفسي. ففاجأتني بوجودها في غرفة النوم وهى بكامل زينتها ترتدي ثوبا مثيرا للنوم لم أره من قبل.
أشارت لي بإصبعها بدلال قائلة تعال يا حبيبي إلى جواري. أهي خدعة. لا افهم ما يجرى.
قلت: دقيقتان أغير ملابسي. قالت بل تعال الآن. توجست ولم أجد تفسيرا للمنظر كله. قالت و هي تحتضني: لم أدرى إنك تحبني لتلك الدرجة. تنفست الصعداء ولكن ارتباكي لم يبار حنى. قالت: تعرف أتمنى أن تقول لي الآن ما قلته في الحلم.
وماذا قلت في الحلم بصراحة أنا لا أذكر شيئا. قالت: لقد ذكرت اسمي مرات عديدة مقترنا بكلمات الحب و الاشتهاء وذكرت لي أنك تدفع حياتك مقابل الفوز بي ولو لمرة واحدة. ولماذا مرة واحدة يا حبيبي أنا أمامك هنا خذني و للأبد.
نسيت أن أقول لكم إن اسم زوجتي يماثل اسم المطربة صاحبة الفيديو كليب الشهير.
Post: #90 Title: Re: إغلاق الأزواج لـ"موبايلاتهم " هل يقلق الزوجات ؟ Author: ناجي عز الدين الصديق Date: 01-20-2010, 12:45 PM Parent: #89
الأخت الفاضلة / داليا سنة سعيدة كل عام وانت بالف خير وعافية سوف أحكي لك واقعة حقيقية حصلت معي . أثناء زيارتي للسودان إتصلت بأخي للتحدث معه في بعض التفاصيل لإقامة حفل تخرج لزوجته . علما بأن الحفل من المفترض أن تكون مفاجأة لها لانني حينما تخرجت ، أنا كنت خارج السودان فصممت على إقامة الحفل في منزلنا . عندما اتصلت به كانت هي جالسة بجواره فخرج من الغرفة ليتكلم معي في التفاصيل على اساس الحكايه كلها مفاجاة بالنسبة لها . وبعد الإنتهاء من المحادثة حصلت بنهما مشكلة بدأت بالأسئلة .. من هذه .. وماذا تريد .. وما هي علاقتك بها .. وأشياء من هذا القبيل . فقال لها لا هذا أخي ناجي يريدني في موضوع خاص ، فقالت له لو كان ناجي لماذا تتحدث معه خارج الغرفة .. المهم يا داليا ليس كل محادثة معناها خيانة زوجية . على الزوجة والزوج أن تكون حياتهم مبنيه على التفاهم والثقة ، لانهم شركا في هذه الحياة . بيدهم أن يجعلوها جنة وبيدهم أن يجعلوها نار