فعلا تاقلت ساندرا بولك فى 2009 بفلميها وان كانت ادت ادوار غير متسلطة فيها وكانت قمة الروعة فى فيلمها الاخير the blind side
كما وانها ازدادت رشاقة مع كبر سنها رشاقة اكثر من زى قبل حتى كنت اردد وانا اشاهدها فى الفيلمين ياااه من الرشاقة وفجاة وجدت زوجتى غادرت الغرفة قبل انتهاء الفيلم ( تكون غارت)
Quote: لوس أنجليس (رويترز) - اختار أصحاب دور السينما في الولايات المتحدة الممثلة الامريكية ساندرا بولوك كأفضل ممثلة لعام 2009 بعد أن حققت النجمة الملقبة بمحبوبة أمريكا ايرادات كبيرة بعد سنتين من غيابها عن الشاشة
Quote: كما وانها ازدادت رشاقة مع كبر سنها رشاقة اكثر من زى قبل حتى كنت اردد وانا اشاهدها فى الفيلمين ياااه من الرشاقة وفجاة وجدت زوجتى غادرت الغرفة قبل انتهاء الفيلم ( تكون غارت)
لوووووووووووووول
احترم وجهة نظرك..وان كانت من زاوية ضيقة بعض الشيئ (الرشاقة)...وقد يكون هذا السبب حقيقي
وأقرب مثال: هالي بيري...كانت قمة في الرشاقة في فيلم cat woman وإنطلقت بعده بسرعة الصاروخ...ولكن تراجعت بشدة بعد أن فقدت جزءا من هذه الرشاقة
معليش نسيت السلام وبالله بلاش أستاذة دي قول لي راوية وأقول ليك ياسر بالنسبة لساندرا ذا هووول باكيج معجبة بالهول باكيج أداء على نمط شخصية على طريقة لبس وكمان الوسامة الزولة دي مليحة مليحة عدييييل قد لاتكون جميلة لكن مليحة وبتعجبني عندها علامة يوسف بتاعة الجمال في دقنها عارف في فلمها بتاع تو ويكس نوتس المشهد بتاع لامواخذة الاسهال دا مافي زول بيعملوا الا هي ياخ أنا بطني وجعتني معاها وإتزنقت زيها واحد
Quote: واحد بتاع ساندرا بلوك إسمو while you were sleeping
فيلم متين طبعاً يا خالد وساندرا بوليك ممثلة قديرة بمعنى الكلمة.
سلامات ياسر وكل سنة والجميع بخير
Post: #17 Title: Re: ساندرا بولوك....هل هي فعلا نجمة 2009 ...( سؤال لعشاق السينما) Author: محمد يوسف الزين Date: 01-05-2010, 11:37 AM Parent: #14
Quote: فهي مثال للمرأة المتسلطة....التي تهوي إذلال الرجال
ياخ حرام عليك زعلتني ياخخ اذا ما كانت الانوثة والرقة والمرح الطفولي في ساندرا بولوك يكون في منو؟
دي واحدة من ممثلاتي المفضلات.
ملامحها الكبيرة مختلفة عن القالب الهوليودي المعروف (القالب العليهو شارليز ثيرون يا حيدر الزين) ، وهي الملامح المثالية. مع ذلك نجحت ساندرا لأنها موهوبة. ساندرا بولوك ما ممكن تخذلك في أداءها لأنها موهوبة بالفطرة وظريفة بالفطرة ومقبولة بالفطرة لكن للأسف بتخذلك في اختيارها للافلام.
ساندرا عندها شطحات ما سمحة ، ما عارف ذوقها كعب ولا ما عندها مستشارين يعني شوف غابت 2008 ورجعت 2009 بثلاثة أفلام واحد فيها جميل (وهو البسببو فتحت انت البوست ، الفلم الانساني the blind side ) وواحد متوسط the proposal رومانس كوميدي ساندرا كانت فيهو مقنعة كالعادة لكن الفلم باختصار مستهلك وبايخ. وأقل بكتير من افلام رومانسية تانية عملتها ساندرا بولوك زي فلم Two weeks notice المعاها هيو قرانت داك. أما الكارثة الحقيقية في 2009 الفلم التالت ، قيمته الفنية تافهة ، فلم All about steve
مافي شك انو ساندرا نجمة كبيرة جداً وزولة موهوبة بس حظها كعب في الافلام الجيدة ، حظها كعب أو ذوقها كعب.أو ما بحبوها المخرجين الكبار زي ما بحبو ممثلات تانية. لأنو الامكانيات دي ضايعة مع الافلام البتختارها. حتى فلم Speed الفلم الشهرها كان فلم دون المستوى وما محتاج امكانيات.
راجع الافلام دي وحتعرف حجمها الحقيقي كنجمة مافي زيها
Infamous 2007 Crash 2006 (معاها كمية من الممثلين في الفلم الروعة دا) Miss Congeniality 2000 (الجزء الأول من الفلم) The Lake House 2006
على العموم في رأيي الخاص جداً ساندرا بولوك كان أداءها مميز في فلم "بلايند سايد" لكن ما كانت أفضل ممثلة في السنة.
أنا غايتو بخت ليك ساندرا بولوك بعد الجماعة ديل في الموهبة..
1- الاسطورة ميريل ستريب
2- كيت ونسلت.. بس شنو ما تحضر تايتنك لأنو ابيخ فلم ليها
3- ميغ رايان - طبعاً مكسرة العالم في التسعينيات ، لسة زي ما هي.
Quote: ملامحها الكبيرة مختلفة عن القالب الهوليودي المعروف (القالب العليهو شارليز ثيرون يا حيدر الزين) ، وهي الملامح المثالية. مع ذلك نجحت ساندرا لأنها موهوبة.
لا يا محمد انا بختلف معاك في قصة القالب الهوليودي دا .. لانه نجوميــة هوليود ماعندها قالب محدد زي مابعتقد ..
للاسف الجهاز عندي من امس ما بيعمل تحميل للصور ما عارف السبب والا كنت جبت ليك نماذج من نجوم الشباك بمختلف المراحل وقارنهم ..
لكن العندو قدرة الينزل صور النجوم ديل ويقارن الاستايل..
جوليا روبرتس
هالي بيري
ريس ويزرسبورن
شارون ستون
انجلينا جولي
ديمي مور ..
بعتقد لكل واحدة عندها استايلها الجميــل بنكهة مختلفة من التانية دون قالب محدد لكنها حققت نجوميـة
بفضل قوة ادوارها وما ننسي دور النص وانتاج الفيلم وميزانيته ..
**وبتفق معاك يا محمد زين بل وبهنئ ذوقك على الاسطورة ميريل ستريب .. دي اجمل ممثلة حتي في سنها دا .. ويكفي فيلمهاالرومانسي مع كلينت استوود وهم في سن متقدمة ( The Bridges of Madison County )
ساندرا...لها قدرة علي شد الانتباه وجذب المشاهد اليها... لا اعرف كثيرا عن شخصيتها الحقيقية... ولكني معجب باداءها التمثيلي و الحركي و تشخيصها لادوراها بحرفية عالية... احب تمثيلها...حتي و لو كان الدور لا يعجبني..و لكنني انظر الي الاداء.. فهي مقنعة مقنعة...في اداء ادوارها... ولك الشكر...
Post: #16 Title: Re: ساندرا بولوك....هل هي فعلا نجمة 2009 ...( سؤال لعشاق السينما) Author: سامي عبد الوهاب إدريس Date: 01-05-2010, 11:17 AM Parent: #15
مع احترامي لمعجبي النجمة ساندرا بولوك Miss Congeniality إلا أنني أتوقع أن يشهد العام الجديد صعوداًصاروخياً للنجمة الرائعة جينا فيشر، بطلة المسلسل الناجح The Office (النسخة الأمريكية). وربما انطلق هذا التوقع من إعجاب شخصي بتلك النجمة ذات الملامح البريئة والابتسامة الجميلة والبساطة المتناهية
Post: #19 Title: Re: ساندرا بولوك....هل هي فعلا نجمة 2009 ...( سؤال لعشاق السينما) Author: محمد الشيخ أرباب Date: 01-05-2010, 11:52 AM Parent: #18
Quote: معليش نسيت السلام وبالله بلاش أستاذة دي قول لي راوية وأقول ليك ياسر
اوكي...اتفقنا
Quote: ذا هووول باكيج معجبة بالهول باكيج أداء على نمط شخصية على طريقة لبس وكمان الوسامة الزولة دي مليحة مليحة عدييييل قد لاتكون جميلة لكن مليحة وعندها علامة يوسف بتاعة الجمال في دقنها عارف
الزولة دي موهوبة مافي كلام...وتلقائية الاداء برضو اوكي...هناك شيئ مافي تركيبة شخصيتها..حتي وان ابدعت في اداء شخصية مغايرة...رشاقتها 100% بس جمال في اجمل منها نجمات...يبقي ان تكون الاولي ...هنا السؤال...لان في اعتقادي هناك من هو افضل..ولديك امثلة جيدة جدا ذكروها الاخوان تحت...يبقي استنكاري من انو ليست هي الافضل...ودخل الشباك من فيلم The blind side برضو بعتبرو ما قياسي
الفردة ساندرا من اميز زميلات المهنة في امريكا بت خطيرة جدا ومثالة بتذكري تحية زروق في شبابة نتمنى تشد لينا حيله شوية عشان تستمر في العطاء
تحياتي عبرك لعمكـ بولوك
Post: #29 Title: Re: ساندرا بولوك....هل هي فعلا نجمة 2009 ...( سؤال لعشاق السينما) Author: خالد عبد الله محمود Date: 01-06-2010, 05:30 PM Parent: #28
Quote: فيلم متين طبعاً يا خالد وساندرا بوليك ممثلة قديرة بمعنى الكلمة.
شول يا صاحب أخباركـ
تعرف من الوقت داك لسه ما زهجت منو .. ساندرا بولوك كانت صغيرة في السن و ملامحها طفولية أكثر من الآن و العاجبني في الفلم أنها كانت بتضحكـ تقريباً في كل مشهد من مشاهد الفلم و يا سلام عليها لمن تضحكـ ..
أحيييييي أنا ياخ ما تخلينا ننداح ساكت !!
Post: #30 Title: Re: ساندرا بولوك....هل هي فعلا نجمة 2009 ...( سؤال لعشاق السينما) Author: خالد عبد الله محمود Date: 01-06-2010, 05:36 PM Parent: #29
د. ياسر
Quote: Hope float ماشفتو.....حأفتشو و أحكم عليهو...تعرف مع توقف الدوري ..بشوف كل يوم فيلم تقريبا قبل النوم
فلم ما ظريف لكن بتؤدي فيهو دور واحدة أكتشفت خيانة زوجها مع صديقتها المقربة في برنامج شبيه ببرنامج ( جيري سبرنجر شو) و حياتها أتحطمت و قدرت بنتها من جديد .. فلم كئيب كده لكن يمثل دليل على ما إنها دائماً بتمثل دور المتسلطة على الرجال ..
في الفلم ده كانت مظلومة ظلم عبد الحميد السعودي في المريخ
يازول اعمل ساتر.. بكره كمان يقولوا تبلدينا اتلبش في ساندرا.. لكن الولية دي عامله في وشها شنو بقت صغيرة كده البعرفوا انا بت عمك بولوك دي من زمن حفروا الفولة هي بتمثل