الجمارك فتحت .. وكاشف الذهب رقد شلاتيت .

Post: #1
Title: الجمارك فتحت .. وكاشف الذهب رقد شلاتيت .
Author: Osman Musa
Date: 01-03-2010, 07:12 PM
Parent: #0

الجمارك فتحت .
وسعر كيلو الذهب وكيلو الطماطم
فى السودان وأحد .
الحكومة قالت : كاشف لكل مواطن .
حظ مجلى .
يعنى عشان الواحد عايز يشترى جهاز ؟

Post: #2
Title: Re: الجمارك فتحت .. وكاشف الذهب رقد شلاتيت .
Author: Salwa Seyam
Date: 01-03-2010, 07:23 PM
Parent: #1

Quote: الحكومة قالت : كاشف لكل مواطن .

اسع موضوع الكاشف ده لو كان قلتو لينا فى المسنجر
كان بقينا نحن وياك بس الحكومة ذاتا ما كان عرفت ..
اسع الموضوع انبهل والدهب رقد فى الواطة
معليش خيرها فى غيرها

Post: #3
Title: Re: الجمارك فتحت .. وكاشف الذهب رقد شلاتيت .
Author: Osman Musa
Date: 01-03-2010, 09:56 PM
Parent: #2

يا سلوى
سلامات .
كيف الدهب ما ينبهل ويرقد واطة ؟
يا سلوى . فى واحد صومالى .
صومالى ما سودانى .
الصومالى ده جاب ألف جهاز يا سلوى .
ودخلت البلد .
اها الدهب رقد شلاتيت .
شفتى الصومالى ده شديد كيف ؟

Post: #4
Title: Re: الجمارك فتحت .. وكاشف الذهب رقد شلاتيت .
Author: Mannan
Date: 01-03-2010, 10:29 PM
Parent: #3

شلاتيت دى من شلاتين واللا جمع شلتوت (مش ابو محمود شلتوت)
كيف الدهب يبقى شلتوت وهلفوت؟
والله هزلت الزلابية..
والدهب المجمر بقى ما يجيب لحم محمر
حليلك يا دهب الخزاين..
بعد كدة احفظ مالك دة يعفن ساكت وما فى زول يعاين ليهو... حتى الحرامى يشوتو ويشوف غيرو...
اللهم ورينا اليوم دة.

نورالدين منان

Post: #5
Title: Re: الجمارك فتحت .. وكاشف الذهب رقد شلاتيت .
Author: Abureesh
Date: 01-03-2010, 10:35 PM
Parent: #4

سلامات و كل سنة وانت بألف خير،

رجاء توضيح أكثر برواق.. هل فعلا الحكومة وفقها الله ورفعت الحظر عن معايش عباد الله؟

Post: #10
Title: Re: الجمارك فتحت .. وكاشف الذهب رقد شلاتيت .
Author: Osman Musa
Date: 01-04-2010, 02:15 AM
Parent: #5

السيد أبوالريش
سلامات
الصومالى والدرس العجيب .
خريف ال GPX
وكما قال الكابلى : امطرت كاشفات .
السودان أرض العجايب .
تحياتى

Post: #7
Title: Re: الجمارك فتحت .. وكاشف الذهب رقد شلاتيت .
Author: Osman Musa
Date: 01-04-2010, 00:02 AM
Parent: #4

سيد منان
سلامات
وعيدك سعيد .
وأنشاءالله
السنة 2010 تكون معاك سنة خير .
.. الصومالى يا منان قشط السنابك ليل .
فى 15 يوم بس طلع بى 5 مليون دولار صافى .
الصومالى يا منان يعرف يحاور ويكشف الميدان
ويجيب الكاشف من خشم البقرة .
.. سلامات .

Post: #6
Title: Re: الجمارك فتحت .. وكاشف الذهب رقد شلاتيت .
Author: حسن حماد محمد
Date: 01-03-2010, 10:37 PM
Parent: #1

الأستاذ الرائع عثمان

عليك الله ما تهظر معانا

الموضوع مهم جداً لنا وخاصة وصلتنا طلبيات لهذا الجهاز

وشرعنا فى البحث

دحين يا خوى موضوع الصومالى دا صحى صحى وله هظار منك؟

بالطريقة دى نكون دخلنا الاستثمار متأخرين جداً وبضاعتنا ممكن تبور علينا

بالله عليك الله شوف المفارقة التى نعيشها كسودانيين

الدهب مجدع فى الشارع وبرضو نحن فى زيل قائمة الدول الفقيرة

Post: #8
Title: Re: الجمارك فتحت .. وكاشف الذهب رقد شلاتيت .
Author: Osman Musa
Date: 01-04-2010, 00:20 AM
Parent: #6

Post: #9
Title: Re: الجمارك فتحت .. وكاشف الذهب رقد شلاتيت .
Author: نادية عثمان
Date: 01-04-2010, 00:31 AM
Parent: #8

سلامات عثمان

أها عشان كدا الدهب سعرو نزل في البلد ؟

بقى بي كم (الكاشف) هسي ؟

وهو مابيكشّف إلا في السودان في مصر مابنفع ؟!!

Post: #11
Title: Re: الجمارك فتحت .. وكاشف الذهب رقد شلاتيت .
Author: Abureesh
Date: 01-04-2010, 02:31 AM
Parent: #9

عثمان،

سلام جاك تانى

طيب خلينا من الصومالى دا، أصلو يكون ختف ليه سفينـة وجاب منها الحاجات دى.

المهـم...

ياخ لو سمحت معلومات إجراءات الترخيص للتعدين.. ركز معنا ياخ عشان الحاجات دى معانا هنا فى متوفرة.

بعدين 40 الف جنيه دى بكم دولار؟ (حكاية بالقديم وبالجديد وعند الشافعية والحنابلة دى ما قادر اجمعها)

وشكرا جزيلاً.

Post: #12
Title: Re: الجمارك فتحت .. وكاشف الذهب رقد شلاتيت .
Author: محمد النيل
Date: 01-04-2010, 02:49 AM
Parent: #11

يا ود موسى يا عاشق الذهب
يبدو ان حلمك بالجاه والغنى قد ذهب
ما تشترى الجهاز وفر قروشك بطِّل التعب
انت الكشفت الحكاية للعالمين والامر اصبح صعب
الدنيا اصلها كدا وفى النهاية ح نسكن التُرب

Post: #13
Title: Re: الجمارك فتحت .. وكاشف الذهب رقد شلاتيت .
Author: محمد النيل
Date: 01-04-2010, 02:52 AM
Parent: #12

إنخفاض كبير في اسعار الذهب محلياً

Post: #17
Title: Re: الجمارك فتحت .. وكاشف الذهب رقد شلاتيت .
Author: Osman Musa
Date: 01-04-2010, 05:09 AM
Parent: #13

عزيزنا محمد النيل
كيفك ؟
رايك شنو فى 2010 دى ؟ .
خايف منها .. شكلها مجلى مجلى .
نحنا يا محمد طالعين ساكت هناك وهنا .
شوف الصومالى الهمباتى الجد جد .. دفس السنابك دفس . شغل ليل .
الدغش بدرى على نواحى سواكن والفطور فى وادى ام سدر . يا محمد .
تقول لى بوسطن وجليد Chicken Soup ؟؟؟؟؟
يا محمد .
لون الدهب ده أحلى لون وكفاك العيون .
سحر الدولار عجيب كلوكلو .
يا محمد . شوف .. عاين الصومالى ده نزل حتى السعر العالمى زاتو .. كع .

Post: #19
Title: Re: الجمارك فتحت .. وكاشف الذهب رقد شلاتيت .
Author: Osman Musa
Date: 01-04-2010, 07:26 AM
Parent: #11

السيد أبوالريش
سلامات
40 شنو ؟
والله يا أبوالريش أنا ما فاهم
الفرق بين الدينار وبعدين جنيه
وتانى جنيه جديد و قديم وطلوع ونزول ومناشير .
الحساب زاتو طار بعد طيران الاسعار والتنطنط والتفيطفط .
.. خليها على الله .

Post: #16
Title: Re: الجمارك فتحت .. وكاشف الذهب رقد شلاتيت .
Author: Osman Musa
Date: 01-04-2010, 04:25 AM
Parent: #9

الأخت نادية عثمان
سلامات
وكل عام وانتى بخير
الجهاز ده فى مصر بكشف الكشرى بس .
تحياتى

Post: #14
Title: Re: الجمارك فتحت .. وكاشف الذهب رقد شلاتيت .
Author: Osman Musa
Date: 01-04-2010, 03:20 AM
Parent: #6

العزيز حسن حماد
عمدة FULTON و ال ATLANTIC AVENUE
كيفك ؟
والسنة الجديدة أنشاء الله سنة خير .
حسن ضرورى تجدع لى تلفونك الجديد فى الماسنجر .
تلفونك القديم مقطوع .
تحياتى

Post: #15
Title: Re: الجمارك فتحت .. وكاشف الذهب رقد شلاتيت .
Author: عادل نجيلة
Date: 01-04-2010, 04:03 AM
Parent: #14

والله يا عثمان موسى القلوب شواهد ..

تعرف عثرت على شركة تعدين في أريزونا لديها 40 جهاز GPX 4500 مستعمل و بحالة جيدة للبيع .. إشتريت منهم 4 أجهزة قلت أبعتها ولكن عرفت أن الجمارك وقفت الإستيراد فهل تم فتح الإستيراد الآن أم ماذا..!

Post: #18
Title: Re: الجمارك فتحت .. وكاشف الذهب رقد شلاتيت .
Author: عبدالله كع
Date: 01-04-2010, 07:24 AM
Parent: #15

ما شالله الله -
الصومالين اليومين دي شغالين ( قرف )
واحد عايز يفجر طائرة
وواحد غرق الشوق السوداني بالكاشف .............. زاتوووووووووو
وجماعه ( منهم ) عازين يرسلو قوات مسانده ( للقاعده) في اليمن
وقراصنه الصومالين اول امبارح خامشين ليهم سفينتين
وقبل كم يوم قابضين ليهم فديه 50 مليون ابو الجورج

الله قادر

انشالله 2010 تكون عليك بالخير يا قريبك ...

Post: #22
Title: Re: الجمارك فتحت .. وكاشف الذهب رقد شلاتيت .
Author: Osman Musa
Date: 01-04-2010, 06:31 PM
Parent: #18

عبدالله كع
سلامات
وعام سعيد .
شايف كيف يا عبدالله ؟
تحياتى

Post: #20
Title: Re: الجمارك فتحت .. وكاشف الذهب رقد شلاتيت .
Author: Osman Musa
Date: 01-04-2010, 05:30 PM
Parent: #15

عادل نجيلة
سلامات .
عندك 4 ؟
يازول مالك ؟ يا عادل قصة الجهاز مستعمل دى خليها فى سرك .
تقوم يا عادل تبيع منهم 3 .
3 فى 7 ألف دولار تطلع بى 21 ألف دولار .. طبعن نزلت . و تقوم تشترى
بوكس 83 . وتشيل الجهاز الرابع وشوال قرقوش وتكسح لاتفتكر نفسك فى ARIZONA .
قرقوش يا صاحبى .. ال CEREAL بى ال SKIM MILK هناك مافى الا فى جنات الخلد
قرقوش والرقاد حجر وتجيب ليك حجر عيار 999 وتجى .
اها بعد داك يا حريف أنت زول امدرمان الباع اللقيمات يوم العرس .
...
تحياتى

Post: #21
Title: Re: الجمارك فتحت .. وكاشف الذهب رقد شلاتيت .
Author: قرشـــو
Date: 01-04-2010, 05:49 PM
Parent: #20

يازول هوى

قول كلام غير ده

والصومالى ده العرفو شنو اصلا بحكاية الدهب فى السودان

خلاص يعنى خلص ختف السفن وناقلات البترول جاء السودان ؟؟؟

ياخى انا من مصدر موثوق انه المصنع بتاع الكواشف ده بقى بالحجز وكله من السودانيين

بعدين ياخوى الدهب ده سلعة عالمية

كيف يعنى يكون شلاتيت وهو حالف ما ينزل من الاسنسير ولا يقيف حتى

طلوع بس .....:(

Post: #23
Title: Re: الجمارك فتحت .. وكاشف الذهب رقد شلاتيت .
Author: Osman Musa
Date: 01-04-2010, 07:32 PM
Parent: #21

يا قرشو
الليلة المصدر الموثوق الكاش .

Post: #24
Title: Re: الجمارك فتحت .. وكاشف الذهب رقد شلاتيت .
Author: معاذ منصور
Date: 01-04-2010, 08:46 PM
Parent: #23

يا جماعة حيرتونا عدييييييييييييل كدة
الذهب اسعاره فوق في كل الدنيا الا السودان
والاجهزة دي ماشة للسودان كدرلي بس وبالمطار دايرة شيال تقيلة
وكذلك بالميناء وظهرت فيها ديناصورات ياما
المهم عندنا اخونا في امريكا معاه اجهزة واذا في اخو بنات بدخلها ادينا طلة

Post: #25
Title: Re: الجمارك فتحت .. وكاشف الذهب رقد شلاتيت .
Author: Osman Musa
Date: 01-12-2010, 04:02 AM
Parent: #24

يا أحمد عبدالله .
سلامات
وأنشاءالله الاهل بخير
شنو هو ؟
Gillette ولا لا
تحياتى