كل عام وأنا بخير !

أتقبل تمنياتكم لي بعام سعيد..
___
أنا جادي والله..

نسأل الله لك ولنا التوفيق والسداد
والهدى والتقى والعفاف والغنى
وللأخ شمس الدين السنوسي

شكراً يا ود سليمان..
__
وإنت كمان !

كل عام وانا برضو بخير يا ياسر وانت برضو والناس السودانيين وبلادنا كذلك




ياخ مشتاقين يعلم الله

خضر حسين يا عريس،

كل عام نحن والبلد رايقين..
___
البلد كيف على حِسّك؟

Quote: أتقبل تمنياتكم لي بعام سعيد..

أتمني ليك عام زي الزفت لحدي ما ترد علي ماسنجري الرسلتو ليك قبيل !
والله بكري عندو ألف حق يكون شاميك و مكجنك !

Quote: كل عام وأنا بخير !

..same to me

داليا

Quote: ..same to me

____
Same to me you too sank you

Quote: والله بكري عندو ألف حق يكون شاميك و مكجنك !

يا امين، فتحت بوست حبي لله في الله، (ولّغ) فيه وهبه و واتى بسيرة الإدارة وما أدراك ما الإدارة، وده شعراً انا ما عندي ليهو رقبه، تم سحب البوست، فعليك الله ما تجيب سيرة زول عندو سلطات في البوست ده، فيسحب البوست ده كمان، دعوني أعيش يا عالم..
___
والقال ليك شاميني منو؟ انا وما تحته خط، سمنة على عسل..

أمين !
__
يا أمين لا تسألوا عن أشياء إن تبد لكم "تجهجه أفكاركم"..

أساسي ورغيم،
معليش ما قدرت أرد عليكم في ذلك البوست، تقريباً في مشكلة في جهازي، ما قدر "أعثر" على بوستاتي..
___
سوف أرد لكما بإذن الله، بعد ما أصلح الكمبيوتر..

Quote: أساسي ورغيم، معليش ما قدرت أرد عليكم في ذلك البوست، تقريباً في مشكلة في جهازي، ما قدر "أعثر" على بوستاتي.. ___ سوف أرد لكما بإذن الله، بعد ما أصلح الكمبيوتر..

كل العام و انت منور



ممكن اساعدك انزل ليك سورة النمل كاملة

رغيم

Quote: ممكن اساعدك انزل ليك سورة النمل كاملة

على شرط تنزلها بدون وصيَّة النملة..

النمل لقطوا ولا شنو؟

Quote: النمل لقطوا ولا شنو؟

لحق غنّم زهرا يا أساسي، يا قول كيكي..
___
لكن -يُخيَّل- لي العطل في كمبيوتري..

Quote: أتقبل تمنياتكم لي بعام سعيد.. ___ أنا جادي والله..

دي بعد ما ترد على رسالة أمين ولا قبلها




لك كل الأمنيات الطيبة يا صاحب ..
وعام سعيد عليك وعلى من تحب ..

كل سنة و أنت طيب و سالم ..

خالد ود عبدالله!
بالله كتروا من الدعوات، الأيامات دي أنا أحمل كفني على كيبوردي، والأعمار بيد الله..

الأخ ياسر طيفور كل عام وانت بألف خير ، أعاده الله عليكم باليمن والبركات، وتحقيق كل الأمانى الفى البال والخاطر، مودتى .

الأخ هاشم محمد الحسّن،
سلامات ياخ وإنت طيب وربنا يحقق ليك الأماني..
___
التحايا والود..

Quote: كل عام وأنا بخير !

same here ya yasir
كل عام وانت بخير

Quote: (ولّغ) فيه وهبه و واتى بسيرة الإدارة وما أدراك ما الإدارة،

ياخي والله مافي حاجه مرجعانا لوراء زي والدي العزيز ده ! ما عارف أنا بكري سايبو لحدي هسي ليه ؟ بالله ليهو قريب السنه ما توقف

يا أيمن بن تابر !
كل سنة ونحنا بخير..
___
للأسافير عزرائيلها، وأنا لا أخشى الموت ذاته، ولا السلخ بعده، أيضيرني؟ كلا !

يا معتصم أمين ده يودي للمصريين الياسمين، ويجيب لي أنا الكفاوي..
___
وكل عام إنت بخير شديد وانا كذلك..

Quote: وعام سعيد عليك وعلى من تحب

ياسر ما بحب زول يا معتصم ! قلبو مشحون بالعواطف السالبه ، نسال الله له الشفاء و الهدايه !
إنت قايل بكري بسحب بوستاتو بلا سبب ، الريس ده بعرف مكنونات قلب كل عضو !

Quote: يا معتصم أمين ده يودي للمصريين الياسمين، ويجيب لي أنا الكفاوي..

معا حتي سحب كل بوستات ياسر !

Quote: إنت قايل بكري بسحب بوستاتو بلا سبب ، الريس ده بعرف مكنونات قلب كل عضو

فيصل الرشيد،
بطل ضحك، قول رأيك بكل وضوح وصراحة، يعني خايِّف من شنو؟
___
آخد ليك توقفية تانيَّة، Take the winter semister

Quote: ياسر ما بحب زول يا معتصم ! قلبو مشحون بالعواطف السالبه ، نسال الله له الشفاء و الهدايه !

وأنا أقول الزول دا مالو

Quote: إنت قايل بكري بسحب بوستاتو بلا سبب ، الريس ده بعرف مكنونات قلب كل عضو !

ياخي دي قلبت فيها الهوبة عديل كده يا أمين ..


لك الأماني الطيبة يا زول يا زين ..

Quote: يا معتصم أمين ده يودي للمصريين الياسمين، ويجيب لي أنا الكفاوي..

أها يا ياسر ..
كيتاً في أمين ومعاهو أميرة الشيخ ..
لك الياسمين وللمصرين الكفاوي




غايتو أميرة دي ما تلم في البوست دا ..

Quote: غايتو أميرة دي ما تلم في البوست دا ..

يا معتصم أميرة في البوست ده ما بتجي..
___
بتخاف من الإدارة أكتر من خوفها على مستقبلها..

كل عام وانت بخير

شكراً يا وجّن، وإنت كمان..
__
كتري من الدعوات..

ياعمك مشتاقين والله عاوزين نشوفك في 2010 دي

Quote: omer osman تاريخ التسجيل: 09-06-2007 مجموع المشاركات: 4444 Re: كل عام وأنا بخير ! (Re: Yassir Tayfour) ياعمك مشتاقين والله عاوزين نشوفك في 2010 دي

خصك النافي الرسمي يرقم مميز



سلامات جنابو

Quote: خصك النافي الرسمي يرقم مميز

أي والله..
___
أربعة تحُك أربعة..

ابو عمار

كل سنة وانت الخير

ولو جارت عليك نيويورك

تعال للدوحة بتشيلك

كل عام وانت بخيــر يا ياسر ...

السنة الجاية على امنياتك وفي بيت الزوجــية تكون مُطيع وملتزم

Quote: الأيامات دي أنا أحمل كفني على كيبوردي، والأعمار بيد الله..

إييييييييييه ...
ولا دايم إلا وجه الله يا ياسر يا إبني
نتمنى لك حياة جميلة في الفيس بوك وما على شاكلته

محمد عمر !

Quote: نتمنى لك حياة جميلة في الفيس بوك وما على شاكلته

الفاسي بووك يا عملات غريبة، ولا الرفيق الفسل..
___
الليلة المنبر جابلو إنكتامة وحرّه،
نحن جرارقو الكلام ناس برّه

يا حيدّر
قلت لي مُطيع وملتزم، عليك الله طاعة وإلتزام أكتر من البسوي فيهو هنا مع ولاة أمرنا الإسفيري ده، الواحد ما فضل ليهو إلا يتحجّب، ويدخل المنبر من وراء بروكسي..
____
حيدّر، إتمنى كويِّس، ولا قوم لف مع من لف لفهم..

ياسر يا صديقي لك الورد وللمرجفين ومن لف لفهم الرماد

عام سعيد وعمر مديد باذن الله....











_______________________________________________________________
السنة دي ما بتستحمل اي تاجيل لاي حاجة كويسة
اي حاجة كويسة اعملها طوالي

الخير يا صاحبي!
السنة دي سنة مفصليَّة، أكون أو لا أكون!
___
القضايا المصيريَّة !

خلي
العيش حرام ما دام أرى الباسوورد يطير
ما بين البوستات وسحبها خلف الحصير
____
في كلام كتير ممكن يتكتب مع نفس القافية، لكن الخواّف بلّع لالوبو ههههه

والله من زمان بفتش لي فرصة زي دي
فرصة ذهبية الملامح عشان اكسر ليك تلج الأسكيمو زاتو وصفاتو
يعني انت هسي بتكون حاني علي من برودة التلج البكسر فيهو
لي درجة انو المخرز البكسر بيهو التلج
اتجمد ..
ياسر عامك سعيد
ايامك جميلة
ما اجمل خطك
وما اظرف تعليقاتك
لينا زمن نفتش ليك نبارك ليك
كل المناسبات الوطنية والشعبية والتراثية
ونشاركك
انتصارات فريقك
افراح اولاد وبنات حلتكم
من القيدومة لي الرحول
ونغني السمحة قالو مرحلة
ونرحل كل المراحل الى مرحلة
امامية مخضرة الأمال
تعبت عديل
ونواصل

حبيبنا ود السني
يا أيها الفنان
يا أيها الإنسان

وصلنا يا صديقي الجميل، تكسير تلجكم، فوجدنا مسخنين، وعطشانين..
فنحن الآن ياصديقي بعد وصول مددكم، من بعد الله، نعود للحياة..
___
كل عام وأنت أنت الفنان والإنسان، مدثور بالصحة والعافيَّة..

عمر عثمان

Quote: ياعمك مشتاقين والله عاوزين نشوفك في 2010 دي

السنة دي يا عمر سوف تكون مليئة بالأحداث، طبعاً خروفك وخروف العوّض وديك وهبه، براهم تلاتة أحداث..
___
ألقاكم بخير !

كل سنة وانا زاتي بخير





ـ
يمكنني أيضاً ان أتقبل تهانيكم عبر هذا البوست

اب تفه
كن بخير دائما

معاذ يا وِلد العم،
أين أرضيك؟ ليك وحشة كبيرة يعلّم الله.
___
كل عام إنت والأسرتين بألف خير..

Quote: كل سنة وانا زاتي بخير ـ يمكنني أيضاً ان أتقبل تهانيكم عبر هذا البوست

ونحن زاتنا بخير !..


ـــ
عسانا برضو نجد المباركات عبر بوست ياسر تيفور ده ..الفيهو زبدة البتِفور ...















ــ
ومرامي الزبدة .. للبوست وليس ياسر ، مع العلم أن ياسر أيضاً لايخلو من زبدة ..

Quote: عليك الله طاعة وإلتزام أكتر من البسوي فيهو هنا مع ولاة أمرنا الإسفيري ده،

والله يا ياسر أنا ما عارف ولي أمركم الإسفيري ده سايبك إنت و الوالد العزيز لحدي هسي ليه ، بالجد يعني غير الكركبه و المشاكل ما بتعملو في أي شي .
أسأل الله أن يري أب صلعه حق توقيفكم و يرزقه إتباعه !











---
يا أخوانا بت الشيخ وين ؟ الشوق يعصر مهجتي كالبرتقاله !

يا ياسر وانت بألف خير...
لو بدو يمسحوا ليك ارخي الكي بورد ده اسبوع ده وتعال راجع...بكري ده قبل شهر كدة سكاني سكة مبالغ فيها بقي يحذف لي اي حاجة...فخليك كوول وما تخلينا نفقد قلمك ده
رازي المواضيع اقلاها هسة بشويش بشويش

قمرنا

Quote: لو بدو يمسحوا ليك ارخي الكي بورد ده اسبوع ده وتعال راجع...بكري ده قبل شهر كدة سكاني سكة مبالغ فيها بقي يحذف لي اي حاجة...فخليك كوول وما تخلينا نفقد قلمك ده رازي المواضيع اقلاها هسة بشويش بشويش

لكن إسبوع ما كتيرة يا قمر؟ انا قاعد أديهو، عشرة دقائق، بالكتير خمسطاشر دقيقة، بعنوان جديد، فكرة جديدة، شغال معاهو شغل قانوني، يعني، حاجة إتمسحت، ما بعيد كتابتها، عشان ما أخالف اللائحة، لووول، وهكذا دواليك، عشان كده بيلقاني ما خالفت اللائحة..
___
إسبوع اكون نسيت الباسوورد ذاتو ياخ..

ود الجزولي يا صاحبي،
بوستاتي بقت، كف نف، ألقاها مافي، زي الزول البياكل وما بيقول بسم الله، لا فيها سياسة داخلية ولا خارجيَّة، حب وتهاني وأماني وأعياد وأفراح وكده، لكن الله مسلط على أمين ووهبه، يتكلمو في السياسة، وكومّر الكشة لما يجي ما بيفرز، شغال قش من طرف..
___
فيا عزيزي، غريمي هو الشاكي والقاضي و الجلاد..

يا نعومة
بالله حركات الخلفاء دي تعمليها معاي، شوفي ود محجوب ولا أبو الحسين..
___
إستقبلي التهاني، وأنا بستقبل الهدايا، Deal !..

Quote: بتخاف من الإدارة أكتر من خوفها على مستقبلها..

عايزنى اتوسط ليك عند الادارة??

قال خوف,,,,,,,,,,,,,

انت ومعتصم كان ماجبتو سيرتى مابترتاحو اصلو

Quote: يا أخوانا بت الشيخ وين ؟ الشوق يعصر مهجتي كالبرتقاله !

وانا وردية المورنينق عاصرانى ,,,

كنت فى النايت شفت مرتاحة,,,

اسي مورينق ومدير وكيبورد عوير,,,الله يستر,,,


اها طلباتكم يااولاد الياسمين?

كل سنة وانت وابوالسعود واسرته وياسر واسرته بخير


شفت بلاي الاستغلال دا...

يا نزار يا بن الحسين،
وانت ذاتك واسرتك بألف خير..
___
لينا منك زمن !

الأمورة،
إنت جيتي؟
تجيك الكشة ودوام الليل والزميل الفسِّل..
___
ما إتفق ياسر ومعتصم على امرٍ قط، إلا كان فيه خيراً ينتفِع منه الجميع..

امنيات بالقلع غاتيو

كل سنة وانت طيب و القدرة الإلهية حامياك من المتربصين

ياسر كل سنه وانت بالف خير

Quote: بالله ليهو قريب السنه ما توقف

يقيف حالكم
زول واتأدب تاني دايرين شنو ؟
وكل عام وانا برضو

يا وهبه،
إتأدبت شنو؟ يعني إتأدبت أكتر من أبوحسين؟
المهم، هسي إنت داخل عشان تجرجرني في الكلام وتسبب لي الآلام، والنجيضة يا قول حمودي: دايرين نعمل لينا برنامج ترفيهي لي ابو(حتوت وحسين)، والبرنامج في ظاهره ترفيه لمن بداخل القوسين، وباطنه دعم لعودة من بخارج القوسين..
___
قالوا: الصديق عند الضيق، أها عليك الله في ضيقاً، وظلماً وجوراً أكتر من الذي ألمّ من بخارج القوسين؟

ياسر
كل سنة و أنت طيب يامان والسنة الجاية (داير شنو؟)









____
أمين دا مالو باقى ليك فى رقبتك .؟

Quote: بعدين معتصم ده راجل فاهم و عاقل كان شرحت ليه بفهم لي ، أب تفه بكمية السوء و الشر الفيهو دي ، كان قعدت أشرح ليه ليوم الدين ما حا يفهمني !!

على ذمة امين فى بوست الصور الصور الصور,,,,

بعيد نشرها بمناسبة اللامناسبة يا ابتفة

الامورة
نقلت:

Quote: بعدين معتصم ده راجل فاهم و عاقل كان شرحت ليه بفهم لي ، أب تفه بكمية السوء و الشر الفيهو دي ، كان قعدت أشرح ليه ليوم الدين ما حا يفهمني !!

وهذا يعد مخالفة صريحة وواضحة للمادة 10 من قانون ودستور المنبر العام لجمهوريَّة بكري الما ديمقراطيَّة التي تقول:

Quote: 10- عدم نقل مواضيع/مداخلة/أيميل/....الخ من شخص عضو بالمنبر أو من منبر آخر تشوه/تصور/تدين/....عضوا بالمنبر

قضية رابحة، ومضمونة، ولكن لأنّني زول طيب، الغنمايَّة تلحس كراعو، إحتسبت امري لله..
__
سلاماً سلاماً سلاماً..

ود طيفور

سنة حلوة عليك

والله يغطيك ومن ايديهم ينجيك

تستاهل ان تهنئ يالعيد وبكل شئ

كل سنة وانت ومن تحب بالف خير

الحبيب ياسر
كا عام وانت بألف خير وربنا يحقق كل امنياتك

Quote: انت ومعتصم كان ماجبتو سيرتى مابترتاحو اصلو

يا أميرة ما قلنا حاجة ..
هسي الموضوع دا فيهو نظام هرشه ولا نقعد نكمل


تجي أميرة الشيخ يغيب ياسر طيفور ..
يجي ياسر طيفور تغيب أميرة الشيخ ..
يغيبو الإتنين أجي أنا

فرح .

قال لى قول لياسر
لا كل عام
لا كل جرجير .
.. فرح قال ليك ( شنحت )
رسل كاشف الذهب .
وحقك محفوظ فى الكشمبيرات .
50/50
عليك امان الله .
هى قول 75/25 برضو تاكل .
..
أسمع يا ياسر
صاحبك قال ليك مافى CLEARANCE للكاشف سجم الرماد ده ؟
..

أخونا ياسر

كل سنة و انت بالف خير

و السنة دى تفرح ليك بى سيك فى سعيد شاهين


قول آمين

يا ياسرنا كل سنة وإنت بخير وعافية وعام سعيد عليك
ربنا يجعلو كله أفراح .. ونشوفك فيهو عريس يا رب


وبالله وجودك إنت بالذات مهم هنا
وعهدنا بك:
حريف وذكي وبتلعبا صاح
تاني بالله العناوين أكتبها بالعبري وسوط من جوة

لوووول وكفارة

هديرنا
في واحد هراااش، زي كده، قال لما يشوف الزول المشاكلوا، زول جامد، وبيكسرو بيكسرو، قال بقول ليهو: بلم فيك براك، ويقرط على كده؛ اها يا هدير، زولي ده، انا شابكو: بلم فيك براك، بلم فيك براك، لي أربعة سنين، والمكنة دي ما عادت تقسِم، وغير كده العدو يحمل سلاح فتاك، وحديث، والـright click بتاعتو عندها خيارات، أنا ما عندي، زي امسّح، عدِّل، أفصل جمِّد، سوِّد، وكلها أسلحة محرمة دولياً في ساحات الحوار، وأخشى ان يستخدمها ضدي، في معركة غير متكافئة، تتطاير فيها التِفف والباسووردات؛ وربنا سبحانه وتعالى نفسه قال: لا تتمنو لقاء العدو، وإكتفي بهذا الجزء من قول الله، لأنه، إذا لقيتموهو أثبتو دي بتدخلني في زقاقات ضيقة، ورحم الله إمرءٍ عرف قدر his right click
___
كل سنة وهدير تمدنا بالخضرة والوجه الحسن...

Quote: والقال ليك شاميني منو؟ انا وما تحته خط، سمنة على عسل..

والله وتالله الما تحته خط لو فهم ما تحته خط
الرفد ذاتو ما يشفيه فيك ...






ـــــــــــــــــ
أسمح لي يا ود عمي ما بهني باعياد الكفار

ياسر

كل لحظة وإنت بألف خير يارب









إني أرى شجراً يسير فهل صحيح ما أرى يافتى ؟!!(وش حلاتو)

ندو !

وانت بخير يا ناديَّة..
___
نعم ما رأيتيه صحيح، وسوف تكون بينكم قريباً..

ود القريش !

Quote: والله وتالله الما تحته خط لو فهم ما تحته خط الرفد ذاتو ما يشفيه فيك ...

أشعد الله أنك تحبك الفتنة، حبكاً، وتجرني لما غير العاقل، لمن العاقل، حتى تذهب بعنق باسووردي..
__
تباً لك يا معتز، كما قال وهبه..

Quote: كل عام وأنا بخير

أكيييييد

والسنه دي انشاء الله تحقق أمانيك وتلاقي وهبه ياااا رب :)

مازات تلكم المداخلة ( المسحتنى ليها ) تحز فى نخاشيع نفسى....يا بطانة السؤ....

وكل عام وانا بخير زاتو

كل عام وكل سنة وانت بخير يا شقيق والتوفيق يحالفك دائماً

تحياتي القلبية


أحمد الشايقي

اجمل ياسر

هارون دياب يا صاحب لا يصدأ،
كل عام وانت العافية ذاتها..

Quote: : كل عام وأنا بخير !

وانا كذلك ياود طيفور ربنا يحقق كل امنياتي



خالص الود

كل عام وكل سنة وانت بخير و دائماًمنور البوستات بحضورك البهى

I had a farm in Africa

me 2

كللللللللل عام يا ياسر ؟ ما عصرت علينا شديد لكن ؟

ما تخليك سنه اهـ وسنه لاااا !!

ياخ اقول ليك ! كل ثانية وكل دقيقة وكل ساعه
انت بابا وانت ماما وانت ..... ! لووووووووووووووووول .













ـــــــــــــــــــــــ
هسه الزمن دا لو انفقتو فى توسيع عيونك ديل
مش كان اجدى وانفع ؟؟ اممممممممممكن تلحق الخير او نحو ذلك

يا دينا،
بالله ما تشتتي الكورة، وخلينا مركزين في موضوع الخير..
أها رأيِك شنو نعمل الخير خيرين، تجيبي خيرك على خيري،
___
ربنا يحقق أمانيك، ويبعدك من طريقي..

الله يبعد منك التوقيف والحذف والمسح يارب

ان شاء بكرى يوقّفكـ .. قول آمين !

الامانى الطيبات
ـــــــــــــــ
التعديل للامانى!

بوب،

Quote: التعديل للامانى!

ما مشكلة يا أيوب، أنا قريت قبل وبعد التعديل، وفي الحالتين أنا الرابِّح..
___
كل الأماني الطيبة ليك..

حبيبنا كبسور
معاويَّة عوّض الكريم

Quote: ان شاء بكرى يوقّفكـ .. قول آمين !

لكن أنا يا معاويَّة كقانوني، من الصعب توقيفي بدون سند دستوري وقانوني..

الأخت الفاضلة SHIBKA محجوب سلامات،

Quote: الله يبعد منك التوقيف والحذف والمسح يارب

تصدقي يا شبكة، دي دعوّة في التمانيات، ده سبب البوست ذاتو..
___
الله يبعد عنك شرور الدنيا، يهديك خيرها..

راويَّة !

Quote: I had a farm in Africa

Out of Africa
The Ngong Farm
___
Stop watching movies ;)

العزيزة نجلا سيد احمّد،
كل عام إنت والأسرة والوطن في أنعّم حال..
___
وقولي لي بخاري السلام..

بيناوي !

الله يحقق لينا الأماني
___
أبق طيِّب يا ياسر..

الشقيق الرفيع أحمد الشايقي،
كل سنة إنت والأهل بخير، ليك وحشة شديدة والله..
___
كيف أحوالك وكيف الدنيا معاك !

حسن مكاوي !
كل سنة وانت طيب والأسرة كذلك..

Quote: مازات تلكم المداخلة ( المسحتنى ليها ) تحز فى نخاشيع نفسى....يا بطانة السؤ....

الله يستر، انت أصلك ما بتجي بدون كتاحة، السنة دي جديدة، وأنا عندي New resolution، فبالله ساعدني أمشي عديل، ما تقعد تحفر لي في الطريق..
___
لو لا لطف الله، ومن ثم الماسنجر الداخلي كان موّقف، أنا كنت لاهسي ما رجعت المنبر بسببك..

الأماني!

Quote: والسنه دي انشاء الله تحقق أمانيك وتلاقي وهبه ياااا رب :)

السنة دي سنة الحصاد يا أماني، وعشان ربنا يبارك في حصادي، قررت ان أزكي بوهبه..
___
إن شاء الله ديوان الزكاة يقبل..

يا حيدّر بشير سلامات،
معقولة ليك تلاتة شهور ودقداق، وما تقول انا جيت؟
جيتك دي مالا براااحة كده، زي مشيت صاحبنا فقيري حمد الأخيرة للسودان، لوول
__
كل سنة وانت طيب !

من ياسر طيفور لإبن خالته فرح عبد الرحيم..
لقد وردنا خبر وجود الدهب بكميات كبيرة في ولاية نهر النيل، ولكن لأنّ السودان في عمومه، لا ينعم بالسلامين الإجتماعي والسياسي، لقد قررنا بأن لا نستثمر فيه حتى يعم السلام ربوع البلاد، وإن ما حاق ببن لادن وماله، لن يحيق بنا، فعليه آكلوا ناركم..
___
يا عثمان قول لي فرح ياسر قال ليك الكاشف ده كان بيطلع دهب "منضوم"، أنا ما جايبو..

المعتصم باالله،
الأميرة، من غضب الله عليها، دوامها rotating shift، عشان كده مرة تلقاها الصباح، ومرة تلقاها النهار ومرة تلقاها بالليل..
___
إذا غضب الله من قومٍ، أمطرهم شتاءاً أو روتّت شفتتاتهم..

حبيبنا جعفر إسماعيل

كل عام انت والأسرة الكريمة بخير وسعادة متلازمين..

العوّض صاحبي،
التهاني والـecards عافيك منها، لكن ما عافيك من الهدايا العينية..
___
وأنت ومن حولّك بألف خير !

شكراً يا فادية
للدعوة الحِلوّة وما خمّج..

المزمل !
عليك الله هو أمين براهو؟ ما شايِّف الأمنجي above مداخلتك، مباشرة؟
___
وإنت بألف خير يا مزمل..

أحلام وهبي !

وانت بكل خير، موفورة الصحة والعافية..

عزازنا !

Quote: امنيات بالقلع غاتيو

ده مؤسم حصاد الأماني والهدايا..
___
كل عام وإنت الصديقة..

الشقيق
ياسر
كل سنة وانت طيب وانا كمان

والله ناس جافين جنس جفا من الزول يمرق منهم

ما بفتشوهو

وش مكرضم وزعلان


الخال

كل عام وأنت فصيح ولئيم وتفتك زائدة فوق تفف الجنيات القدرك والأكبر منك وإنشاء الله السنة دي تلقى ليك واحدة بي تفة أو مسرحة و ترضى بيك
على فكرة أنا متلوم معاك وو مع الرهط كلو لكن واللة يا ياسر قراية ماقبل المعاش دي صعبة بالحيل دعواتك ومرة تانية كل سنة وإنت بخير

يا أخوانا بالجد ، الناس الفي كندا ، يشوفو لينا ياسر ده مالو ، والله شفقتنا يا ياسر !
ياخي دي حاله متاخره جدا !

Quote: كل سنة وانت وابوالسعود واسرته وياسر واسرته بخير

يا نزار الدعوة دي ما قدرت تعبر التفة و تستقر في التلافيف
عشان كدا أجابك ب.. تهمة لن ننكرها و شرف لا ندعيه..
أب تفة كل سنة و إنت عاقل و بتسمع الكلام كده :)

سعد الدين؟
خوّة فرتك، إنت زول غتيت بالمناسبة، ياخي داسي مننا أبوك الزمن ده كلو؟ معقولة؟ تصدق عرفت أمس، في بوست مجاور، وعليه، من امس قررت أن أحوِل رصيدك في رصيد الوالد العزيز جعفر إسماعيل، وبذا نكون قد قفلنا you credit card، ولن نتعامل معكم حتى لو خفضت قيمة الإنتّرست..
___
وأي إتفاقة سابقة من زمن البالتوك، تعتبر لاغية، period !

يا أمين..
ياسر بخير، يحمد الله، ولكنه مزنوق في الشغل ليهو يومين، وفضل ليهو يومين في الزنقة دي، الليلة وبكرة، فبالله ما تعمل ليهو سمعة ساكت..
___
الدنيا أعيادة وسنة جديدة..

مكرر

Quote: (عدل بواسطة أمين محمد سليمان on 04-01-2010, 03:12 ص)

ههههه

Quote: مكرر

تصدق وتآمن بالله، لقد -ظننته- مُقطّر..
___

Quote: تصدق وتآمن بالله، لقد -ظننته- مُقطّر.. ___

يا بكري :
أما آن لهذا البوست و سيدو و عبدالوهاب علي الحاج أن يترجلا ؟!

كُلُّ عامٍ وأنتَ بخيرٍ أيُّها الْعزيزُ / ياسر طَيْفُور .
وكلُّ عامٍ والأفراحُ أمامَك وخلفك ومُتَقَلَّبَكَ ، وكلُّ عامٍ وأنتَ من الأوْجاعٍ والآلامِ في حِلٍّ ومأمَنْ ، وكلُّ عامٍ وأنتَ كعادتِكَ أرَقَّ وأجمل ، وكلُّ عامٍ وأنتَ أنتَ الْعيدُ والْحَلْوَى يا صديقي.
تقبّلْ تحيَّتي وتقديري .

Quote: أما آن لهذا البوست و سيدو و عبدالوهاب علي الحاج أن يترجلا ؟!

العم ياسمين
والله ده المفروض خصوصا اب تفه ووهبه طولو المره دي
نتمني عودتهم (للمزازاه ) خارج الاسوار ...
الفيس بوك في الشتاء حاجه ما تخلصش

ياخي كل عام وانت..
الحب

ياسر الشييييييييييييين (على غرار جميييييييلة بتاعت العريس صاحبك)

كل عام وأنا وأنت وهي وهو وهن وهم ونحن بخير..



كنت عايزة أكتبها ليك بالفرنسي (جي - تو - إل - أل - نو - فوو - إل وأل الفيهم أس) لكن لقيت الكي بورد ما مساعد.
أصلي اليومين دي رجعت طالبة فرنسي تاااني:))))

رجويَّة !
كل عام ونحن الخير..
___
قلت لي تزداد الشناة بعدّل "اليايات"، ياخي ده ظلم غير مبرّر، حشفاً وسوء كيل، لوول..

ليون يا صلاح،
أمين الأيامات دي عاصر علي شديد، فنحتاج دعمكم لرده على حدود الرماد، حيث لا ياسمين ولا يحزنون..
____
كل عام وأنت الصاحب يا صلاح..

يا فيصّل الرشيد:
أنا داير أعمل معاك إتفاقيتين منفصلتين للدفاع المشترك: الأولى ضد وهبه والتانيَّة ضد أمين، والواضح الما فاضح، كما قال بوش: من ليس معنا فهو ضدنا..
___
Otherwise, consider yourself as an enemy, moreover, whatever actions taken against Wahba or/and Amin include you. Is that clear ? I assume, yes, crystal; thank you !

الزين محمّد زين،
نقش كيبوردك يرد الروح، ليك التحية والحب والإحترام..
___
وكل عام وأنت أنت، طيِّب وموفور الخير..

أسامة يا أبا الفضل!
طال غيابّك، و-ظننا- لسوءنا، بانّك "إفتريت"، طبعاً كما ترى الرهط، تشتّت شمله، فأصبّح بعضهم هائم على وجه السايبر، بلا هدى، وبعضهم بقى يغني براهو، وبعضهم وقع تحت أيدي السلطات فلا ندري أي مصير يلاقون الآن، وبعضهم حجّ وتاب..
___
والله ليك وحشة ككبيرة يا سمسم، كل الأماني الجميلة ليك والأسرة..

الشقيق الخال عبد المنعم مالك،
يا سلام يا صاحبي، زمن والله منّك، أخبارك واخبار الأهل كلهم..
___
الحاصل عليك شنو، بالله تحياتنا لي ناس مجدي، لو قريبين منك..

Quote: أتقبل تمنياتكم لي بعام سعيد.. ___ أنا جادي والله..

كل سنه وانت طيب ..



برضو انا جادي .

كل عام وانت بخير يا ياسر

___________

بعد تأكيدك على الجدية

لك معزتي

Quote: والله ده المفروض خصوصا اب تفه ووهبه طولو المره دي نتمني عودتهم (للمزازاه ) خارج الاسوار ...

يا أبو الفا ، وهبه ليهو قريب السنه ما وقفو ، و ياسر يفتح في البوستات - و يطاعن في أب صلعه عيني عينك - و بكري ولا هنا !
يا بكري أنا مستعد أجمع توقيعات من الأعضاءعشان توقف الناس دي !









---
معا لإيقاف (ياسرهم ) و (عبدالوهاب علي الحاج ) !

Quote: معا لإيقاف (ياسرهم ) و (عبدالوهاب علي الحاج ) !

والله يا عمو كان نجحته في مسعاك الشرير ده طوالي نشوف ود الصايم يا محمد فرح يطلعو لينا تصديق المشتل ...
وممكن نصدر الياسمين بعد كده..ولا من شاف ولا من دري

يا عمكـ!
الخير تعمل بيهو شنو وأنت مقفّل قزازكـ هناكـ؟
ما تجي تشوف الوطني ياخ! .. الوطنييييييييييي

ياسر ود طيفور ..
انشاءالله سنينك كلها خير يايابه .. قول آمين

ونحنا بخير زاتو

منعم صاحبي !
كل عام والأسرة الجميلة، موفورة الصحة والسعادة..
____
رُحُس عَوْدّ عَمّتْ..

العزيزة عفاف الصادق،
سلامات وإنت كمان كل عام والدنيا تهديك أعرّض إبتسامتها..
___
كتّر خيرك..

حمودي!
مشيّت السودان دي يظهر عليها غيرت بلكاتّك، وأنا ذاتي السنة دي بمشي أغير البلكات والفيوز والزيوت، وإحتمال كبير أغير الشاسي، لكن كرونة ما بنهبش..
___
شايف أبوحتوت داخل خجلان، وما قادر يرفّع الأسابيع، لووول..

Quote: والله يا عمو كان نجحته في مسعاك الشرير ده طوالي نشوف ود الصايم يا محمد فرح يطلعو لينا تصديق المشتل ... وممكن نصدر الياسمين بعد كده..ولا من شاف ولا من دري

___
تصدق بالله، عند أصحابنا في الخرطوم عندهم مشتّل زهور، والله مبسوطين أكتر من الزهور ذاتها.. نؤيد فكرة المشتل، حتى لو كان المشتّل لا توجد به غير زهرتي العوير والعُشّر..

غادة،
سلامات وكل سنة والأسرتين بألف خير..
___
عندكم تلج وبرد، ولا نرسل ليكم شويَّة؟

كع يا عبدالله،
كل سنة وانت مبسوط 24 قيراط..
___

Quote: برضو انا جادي .

لازم تكون جادي يا عبد الله، لأنه، لو ما، حمد إسماعيل على بعد عشرة طوابق مني، ممكن أجوط معاك شديد، وإعتبر ده تهديد..