أمثال دارفورية .. بساطة الكلمة و عمق المعنى ...

كديسة ولا بنشال في طبق .

كلاب كان داوسو بخت أرنب .

نية كن في .. ناس بنومو في عوداي وبغطو بي خيطاي .

نرجو مدنا بالمزيد من الأمثال .. والشكر مقدما ..........

جراداي في سروال ولا بعوق.....لكن قعادو كعب

أو كما يقال

شكرا على التوقيع مازن .. بس ما يكون من تأليفك ..... وافر التحايا

سيد جنقور في فاشر ولا عندو رأي..

جنقور : هدم قديم ووسخان

دبره في ووا ..قال أمسكوا همار أكوا

دبرة : جرح قديم ووسخان
ووا : اسد
همار : حمار
والمعنى واضح

تحياتي يا منتصر

عمك ود البوش

شجر ولا بهوزز برا يا ابلاج يا هبباي

ابلاج : قرد

شكرا ود البوش أسعدني مرورك وأكثر منه الترجمة الوافية ...... كل الود

العزيز بخاري

سعيد بطلتك وتوقيعك ......... كل الود

في انتظار المزيد من الأمثال ...

Quote: جراداي في سروال ولا بعوق.....لكن قعادو كعب

- جراداي في سروال و لا بأدّي ... إلّي قؤادو و لا هلو ..
(الترجمة: جرادة في سروال لا يعض .. لإلا أن مكوثه غير مرغوب (ما حلو ))

- أبونقدح بأرفي مهل بأدّي أخيّو .. ( أو القدح يعرف أين يعض أخاه)..


- مرمي ألله ما بترفئ ( مرمي الله ما بترفع)

- دنيا دبنقا .. دردقي بشيش ..


- آريي ما بدوم لأشيّي ( العارية لا تدوم لعشية - أي المستعار لا يدوم طويلا)

- شدرة كان وقأت بتكي في أخيّو ( الشجرة التي في طريقها للسقوط تتكئ علي أختها .. أي الناس بالناس )

- اليوم السالح ما بجيب تالح ( اليوم الصالح ما بجيب طالح .... تشاؤما بمجئ من لا ترغب رؤيته)

- درب دخل في ألمي .. ( حار بيك الدليل .. أو الدرب يقودك الي مصاعب)

- ألمي هار و لا لئب قأونج ( ألمي حار و لا لعب قعونج .. )

- الإيدو في النار ما وي الإيدو في موية ..

- أخيّك كان أسل لا تلهسا كلّو ( أخوك لو عسل .. لا تلحسه كله ... أي لا تستغل طيبة صديقك الي الآخر ) ..




ء

Quote: دبره في ووا ..قال أمسكوا همار أكوا

أخي محمد سليمان
كل التقدير .. على مساهمتك المقدرة .. التي تدل على خبرة ودراية
كتبت فأوفيت وأجدت .. مما جعلني أشك بأنك الأستاذ محمد سليمان الموسوعي
صاحب ( دنيا دبنقا و بدون عنوان ) ........... خالص الود