|
محمــد عــادل .. عُـد الينا ..!
|
الاخ والزميل (الحبيب) محمد عادل اختفى منذ فترة عن المنبر.. وافتقدتة بشدة وصلتنى منة رسالة تهنئية بالعام الجديد وبادرت بالاتصال بة وسألتة بعد السلام والتحية عن سبب غيابة عن البورد .!! فأجابنى بنبرة حزن عن استيائة الشديييد من ردود بعض الزملاء فى كل بوستاتة التى يقوم برفعها .
|
|
|
|
|
|
|
|
Re: محمــد عــادل .. عُـد الينا ..! (Re: مزمل خيرى)
|
. .
أنا على يقين أن الزميل العزيز محمد عادل قد ذكرني ضمن الأسماء التي سببت له الضيق .
محمد عادل ياخي تعال راجع بس حاول أدينا شوية اهتمام في الكتابة يعني قبال ما تضيف الرد عاين ليه كويس وحاول صحح الاخطاء الإملائية وأخطاء الصياغة احتراماً للقراء .
كلنا بنغلط في الإملاء وأنا البكتب ليك هسع قاعد أجلبط في الكتابة وفي كلمات بتغلبني كتابتها وبفتشها لحدي ما الاقي الطريقة الصحيحة .
ياما كلمناك ونبهناك لكنك ياحبيب مطنش وماداير تقبل كلام أخوانك الكبار .
أقول ليك حاجة تعال راجع وأوعدك ما اكتب أي مداخلة تتعلق بالإملاء في بوستاتك .
كل سنة وانت طيب ياجميل وماتطول الغيبة .
مزمل كل عام وأنتم بخير وحاول ياخي تجيب محمد عادل ده تاني ، والله البورد ماعنده طعم من غير الحبيب محمد عادل . . .
| |
|
|
|
|
|
|
Re: محمــد عــادل .. عُـد الينا ..! (Re: مزمل خيرى)
|
Quote: أقول ليك حاجة تعال راجع وأوعدك ما اكتب أي مداخلة تتعلق بالإملاء في بوستاتك . |
يا أزهري 2 والله يا ريت ياخي .. مرات الفكره بتحتاج لمناقشة ويمكن الراي حول الفكره مهم لمحمد عادل .. مناقشة الأخوان حول موضوعه فقط أفتكر كافي .. لتذهب الإملاء إلى الجحيم طالما النقاش حول فحوى المسألة سيساهم في تعديل فكره خاطئه أو العكس ..
| |
|
|
|
|
|
|
Re: محمــد عــادل .. عُـد الينا ..! (Re: BitAlhana)
|
مزمل سلامات
وكل عام وانت بخير.
ويا محمد عادل سلامات وكل عام وانت بخير.
يا اخوي تفوت وين؟؟؟وانت مناضل شرس يعني بعد دخلت المعتقل وما بقيت من ماضلي الي بورد فقط تقوم تفتري علينا؟؟؟؟
تعال يا راجل انت شاب ما ساهل وقد وفيت بما عهدت عليه شعبك وتقدمت الصفوف فعلا. التحيه لك وننتظر عودتك.
| |
|
|
|
|
|
|
Re: محمــد عــادل .. عُـد الينا ..! (Re: Tragie Mustafa)
|
Quote: يا اخوي تفوت وين؟؟؟وانت مناضل شرس
|
Quote: تعال يا راجل انت شاب ما ساهل وقد وفيت بما عهدت عليه شعبك وتقدمت الصفوف فعلا. التحيه لك وننتظر عودتك |
يا خالة قولي كلام غير دا !!!!!!!!!!
بما وعدت شعبك به عدييييييييل كدا موبااااالغة
اخ مزمل خيري سلامات وكل سنة وانت طيب والتحية لي محمد عادل ونحن بنسال برضو معاك عنه
| |
|
|
|
|
|
|
Re: محمــد عــادل .. عُـد الينا ..! (Re: ود الخليفه)
|
!!!!!
Quote: تعال يا راجل انت شاب ما ساهل وقد وفيت بما عهدت عليه شعبك |
والله مرات كدة بتقنبليها جنس قنبلة ..!!
طيب ما تشوفي ليهو المُدرسة الأمريكية الزمان ديك عشان تجعل فقهو في النضال منهجا يُدرس في الجامعات الامريكية ..!!
| |
|
|
|
|
|
|
Re: محمــد عــادل .. عُـد الينا ..! (Re: ناذر محمد الخليفة)
|
Quote: والله مرات كدة بتقنبليها جنس قنبلة ..!!
طيب ما تشوفي ليهو المُدرسة الأمريكية الزمان ديك عشان تجعل فقهو في النضال منهجا يُدرس في الجامعات الامريكية ..!! |
شفت كيف يا ناذر الدايرنه بولعوا ليه اللمبة والمادايرنه بيحرشوا ليه الكلبة
| |
|
|
|
|
|
|
Re: محمــد عــادل .. عُـد الينا ..! (Re: Faisal Elrasheed)
|
Quote: اتمني عودة المناضل محمد عادل وبسرعة واتوقع ان يشكل واخيه محمد الحبر ثنائيا قل ان يتواجد هذه الايام |
فيصل الرشيد الظلامى... متوقع عودة قوية للاخ محمد عادل...قرييييباً.
.. الثنائى دا لو شكل فولترون عليك خايفك تخلى البورد
| |
|
|
|
|
|
|
Re: محمــد عــادل .. عُـد الينا ..! (Re: ياسر بيناوي)
|
Quote: والغريبة قالو لي مزمل غفلنا وفاااااات |
بالله يا سيدنا مزمل دا اختفى وزين نو تايم ..!! اتلفت ما لقيتو , وللتعترو انو سالك السؤال دا .. لووول التسويهو بي ايدك يا ابو جوان .. لووول كدي اسي ادينا النجيضه .. انت مشيت وين ..؟؟؟
------ بالنسبه لي محمد عادل فهو بخير ويهيكم السلم من داخل السوق العربي حيث انو (بركن) عربيتو بعيد وحايم بي (امجاد) لزوم (الزوغان) من الزحمه وكدي ...
| |
|
|
|
|
|
|
Re: محمــد عــادل .. عُـد الينا ..! (Re: Raja)
|
Quote: محمد عادل يا حبيب.. كل عام وأنت وأهلك كلهم بخير.. والمنبر بلاك مسيخ شكرا مزمل وهابي 2010 |
اووووة رجاء العباسى شخصياً .. والله انا سعيد بمرورك الانيق دا ، وكل سنة وانت طيبة ياستى ، فعلا المنبر بلا محمد عادل مسيييييييييييييخ .!
| |
|
|
|
|
|
|
Re: محمــد عــادل .. عُـد الينا ..! (Re: داليا الكباشى)
|
داليا
Quote: كدي اسي ادينا النجيضه .. انت مشيت وين ..؟؟؟ |
تصدقى ياداليا بعد مشوار الكدرو الطويل دة جيت واتحكرت وقعدت بمزاااج بالله جانى ليك تلفون زى القضا المستعجل ، رجعنى تاااانى الخرطوم !! يعنى ماحضرت اى حاجة فى الرحلة ، مش خسارة بالله .!!
____ انعام بالله رجعى لى الشيرينق بتاعى
| |
|
|
|
|
|
|
Re: محمــد عــادل .. عُـد الينا ..! (Re: مزمل خيرى)
|
.. . كما قال ناذر
Quote: الزول دا يعود إليكم هسي ولا يعود لي إمامو القديم !! |
اخونا الصغير محمد عادل رايح ليهو الدرب بين الامام الاصل والامام الفرع وخصوصا فى ظل الهدنة المرحلية والتى لا يعرف هو هل انتهت ام مؤقته نسبة لاحداث الساعة وبين ان يعود لاخوته الظرفاء فى مجتمع البورداب ..
--------
بعدين اعذروه ياخى الزول دا مش مترشح مفترض تدقوا خيمه فى دائرته .. تشجيعا ودعماً له..
| |
|
|
|
|
|
|
Re: محمــد عــادل .. عُـد الينا ..! (Re: Tabaldina)
|
غايتو يا فيصل لقيتك متلقى حجج هسع عليك الله البوست دا نكنتو من وين .؟ ياخ انا سيدو ماعارف محل طار .. تجى تجيبو الصفحة الاولى .؟ وبعدين محمد عادل ماعاد .! يعود مرتين يعنى .؟
___ اخبار النقالات شنو؟
| |
|
|
|
|
|
|
|